ວັນເສົາ, 18/11/2017
ກອງປະຊຸມສຳມະນາວິທະຍາສາດກ່ຽວກັບ “ເພີ່ມທະວີການນຳພາຂອງພັກ ຕໍ່ກັບວຽກງານຂົນຂວາຍ ມະຫາຊົນ ໃນສະພາບການໃໝ່”
25/12/2012 16:50' ສົ່ງ ພິມ
ຮູບພາບຫ້ອງປະຊຸມສຳມະນາ

ກ້າວເຂົ້າສູ່ພາລະກິດການປ່ຽນແປງໃໝ່, ພັກກອມມູນິດຫວຽດນາມໄດ້ເສີມຂະຫຍາຍບົດຮຽນປະສົບການ  ທີ່ດີສຸດ ຂອງວຽກງານຂົນຂວາຍມະຫາຊົນໃນການຕໍ່ສູ້ຕ້ານລ່າເມືອງຂຶ້ນຝຣັ່ງ ແລະ ຈັກກະພັດອາເມລິກາກ່ອນໜ້ານີ້; ແກ້ໄຂ ຜ່ານຜ່າຢ່າງທັນການຄວາມຫຍໍ້ທໍ້ ຈຸດອ່ອນຕ່າງໆ ຂອງກົນໄກລວມສູນອາດຍາສິດ, ເກື້ອກຸນ; ສືບຕໍ່ຂຸດຄົ້ນ ເສີມຂະຫຍາຍ ບັນດາກຳລັງຄວາມສາມາດບົ່ມຊ້ອນ ແລະ ບັນລຸຜົນສຳເລັດອັນໃຫຍ່ຫຼວງໃນດ້ານ ຕ່າງໆເປັນແຕ່ລະກ້າວ, ນຳເອົາປະເທດກ້າວຂຶ້ນຢ່າງໜັກແໜ້ນ… ແຕ່ວ່າ, ຕໍ່ໜ້າສະພາບການໃໝ່, ສະພາບການໃນພາກພື້ນ ແລະ ໃນໂລກ ມີການຜັນປ່ຽນຢ່າງສັບສົນ, ກະຕວງໄດ້ຍາກ; ພະນັກງານ ສະມາຊິກພັກ ພາກສ່ວນໜຶ່ງຂາດການຝຶກຝົນ ຫຼໍ່ຫຼອມຄຸນສົມບັດ ສິນທຳ, ຝືນຕໍ່ຜົນປະໂຫຍດຂອງມະຫາຊົນ, ສະພາບການສໍ້ລາດບັງຫຼວງ, ຟຸ່ມເຟືອຍບໍ່ຖືກສະກັດກັ້ນ,… ເປັນຜົນສະທ້ອນກໍ່ຄວາມເສຍຫາຍໃຫ້ແກ່ອິດທິພົນຊື່ສຽງຂອງພັກ, ຫລຸດຜ່ອນຄວາມເຊື່ອຖື ທີ່ໄດ້ເພີ່ມພູນຄູນສ້າງຍາວນານ ຂອງມະຫາຊົນຕໍ່ກັບພັກ; ໃນເວລານັ້ນ ວຽກງານຂົນຂວາຍມະຫາຊົນ ຍັງເຜີຍໃຫ້ເຫັນ ຂໍ້ຈຳກັດ ຈຸດອ່ອນຫຼາຍຢ່າງ ທີ່ເປັນຜົນສະທ້ອນບໍ່ໜ້ອຍເຖິງການຂະຫຍາຍຕົວຂອງພັກ, ຂອງລະບອບສັງຄົມ, ຖ້າຫາກບໍ່ໄດ້ແກ້ໄຂ ຜ່ານຜ່າຢ່າງທັນການ.

ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ 6 ບັນຫາພື້ນຖານຄື: ຕີລາຄາສະພາບການຕົວຈິງ ຂອງວຽກງານ ຂົນຂວາຍມະຫາຊົນ ນັບແຕ່ພາຍຫຼັງມະຕິກອງປະຊຸມສູນກາງພັກຄັ້ງທີ 8B ສະໄໝທີ VI; ບັນດາບົດຮຽນທີ່ຖອດຖອນ ມາໄດ້; ສະພາບການໃໝ່ - ຂໍ້ສະດວກ, ຄວາມຫຍຸ້ງຍາກ, ສິ່ງທ້າທາຍ ແລະ ບັນດາບັບຫາຮີບດ່ວນ ທີ່ວາງອອກມາ ຕໍ່ວຽກງານຂົນຂວາຍມະຫາຊົນ; ກ່ຽວກັບຊື່ເອີ້ນ ແລະ ຂອບເຂດຂອງມະຕິ; ກ່ຽວກັບໜ້າທີ່; ມາດຕະການເພີ່ມທະວີ ວຽກງານຂົນຂວາຍມະຫາຊົນຂອງພັກ ໃນສະພາບການໃໝ່; ຂອດບຸກທະລຸ.

ບັນດາບົດປະກອບຄວາມຄິດເຫັນ ແລະ ຄຳປາໄສໃນທີ່ກອງປະຊຸມສຳມະນາໄດ້ໄຈ້ແຍກ, ຕີລາຄາບັນດາໝາກຜົນ ທີ່ໄດ້ຮັບ, ຂໍ້ຈຳກັດ ສິ່ງຄົງຄ້າງຕ່າງໆ ໃນວຽກງານຂົນຂວາຍມະຫາຊົນ ຂອງພັກກອມມູນິດຫວຽດນາມ ໃນໄລຍະຜ່ານມາ. ບັນດາຜູ້ແທນໄດ້ໃຫ້ຄວາມເຫັນພິນິດໄສວ່າ: ບັນດາຂໍ້ຈຳກັດ ຈຸດອ່ອນໃນວຽກງານຄຸ້ມຄອງ, ປະຕິບັດໜ້າທີ່ ຂອງທ້ອງຖິ່ນຈຳນວນໜຶ່ງ ຕໍ່ຫຼາຍຂົງເຂດ, ໂດຍສະເພາະແມ່ນ ໃນຂົງເຂດທົດແທນຄ່າເສຍຫາຍຂອງເຈົ້າຂອງທີ່ດິນ, ການປົດປ່ອຍທີ່ດິນ ການກຳມະສິດທີ່ດິນ ຍັງບໍ່ທັນຮັບປະກັນຜົນປະໂຫຍດເໝາະສົມ ຂອງປະຊາຊົນ; ສະພາບການເສື່ອມໂຊມ ທາງດ້ານແນວຄິດການເມືອງ, ຄຸນສົມບັດ, ແບບແຜນກຳລົງຊີວິດ ໃນພະນັກງານ ສະມາຊິກພັກ; ໄພສໍ້ລາດບັງຫຼວງ, ຟຸ່ມເຟືອຍ; ສວຍໃຊ້ສິດອຳນາດ ເພື່ອຫາຜົນປະໂຫຍດສ່ວນຕົວ ແລະ ໃຫ້ຍາດຕິພີ່ນ້ອງ, ຕົກໃສ່ພະຍາດເອກະຊົນນິຍົມ,… ໄດ້ເຮັດໃຫ້ຄວາມເຊື່ອຖື ຂອງປະຊາຊົນຕໍ່ກັບການນຳພາຂອງພັກ ຖືກຫລຸດຜ່ອນລົງ, ເປັນການກີດຂວາງ ເຮັດໃຫ້ວຽກງານຂົນຂວາຍມະຫາຊົນ ປະສົບຄວາມຫຍຸ້ງຍາກ ຫຼາຍປະການ, ມີປະສິດທິຜົນໜ້ອຍ.

ເພື່ອຍົກສູງບົດບາດນຳພາຂອງພັກຕໍ່ວຽກງານຂົນຂວາຍມະຫາຊົນໃຫ້ມີປະສິດທິຜົນນັ້ນ ບັນດານັກວິທະຍາສາດ ໃຫ້ທັດສະນະວ່າ: ຕ້ອງສືບຕໍ່ຊາບຊຶມຢ່າງເລິກເຊິ່ງ ແລະ ປະຕິບັດຢ່າງສະເໝີຕົ້ນສະເໝີປາຍແນວຄິດຂອງປະທານ ໂຮ່ຈີມິນ, ແນວທາງ ທັດສະນະຂອງພັກ ກ່ຽວກັບການກໍ່ສ້າງກຸ່ມກ້ອນມະຫາສາມັກຄີປວງຊົນທັງຊາດ. ບັນດາການເຄື່ອນໄຫວຂອງພັກ ຍາມໃດກໍ່ຕິດພັນສະໜິດແໜ້ນກັບ ຜົນປະໂຫຍດອັນຊອບທຳຂອງປະຊາຊົນ; ເຊີດຊູ ແລະ ເສີມຂະຫຍາຍ ສິດເປັນເຈົ້າຂອງປະຊາຊົນ, ປະຕິບັດໃຫ້ດີທິດນຳ “ປະຊາຊົນຮູ້, ປະຊາຊົນປຶກສາຫາລື, ປະຊາຊົນຕັດສິນຕົກລົງ, ປະຊາຊົນເຮັດ, ປະຊາຊົນຕິດຕາມກວດກາ, ປະຊາຊົນຊົມໃຊ້”; ພ້ອມກັນນັ້ນ  ກໍ່ຍົກສູງຊີວິດການເປັນຢູ່ດ້ານວັດຖູ ແລະ ຈິດໃຈຂອງປະຊາຊົນຂຶ້ນຢ່າງບໍ່ຢຸດຢັ້ງ, ຖືວ່າອັນນີ້ແມ່ນໜ້າທີ່ສຳຄັນອັນດັບໜຶ່ງ ຂອງວຽກງານມະຫາຊົນ. ບັນດາສະຫາຍຫົວໜ້າສຳນັກງານອົງການ, ກົມກອງ ຕ້ອງເປັນຜູ້ນຳໜ້າ ເປັນແບບຢ່າງ ໃນການເຄື່ອນໄຫວທຸກຢ່າງ. ກໍ່ສ້າງ, ປັບປຸງ, ຍົກສູງ ກຳລັງຄວາມສາມາດນຳພາ ແລະ ກຳລັງສູ້ຮົບ ຂອງພັກ; ກໍ່ສ້າງລະບົບການເມືອງສະອາດຜ່ອງໃສ, ເຂັ້ມແຂງ, ເຄື່ອນໄຫວມີປະສິດທະຜົນ, ມີຜົນສັກສິດ. ກໍ່ສ້າງແບບແຜນ ໃກ້ຊິດມະຫາຊົນ, ຍົກສູງຄຸນນະພາບເນື້ອໃນ, ນຳໃຊ້ຫຼາຍວິທີການ ຫຼາຍຮູບການສື່ຂ່າວ, ໂຄສະນາ ຂົນຂວາຍມະຫາຊົນ.

ຜົນສຳເລັດຕ່າງໆ ທີ່ເກັບກຳໄດ້ໃນກອງປະຊຸມສຳມະນານີ້ ຈະປະກອບສ່ວນເຂົ້າໃນການຮຽບຮຽງຂຽນບົດລາຍງານ ຮັບໃຊ້ໃຫ້ໂຄງການ ທີ່ຈະນຳສະເໜີຕໍ່ ກອງປະຊຸມຄະນະບໍລິຫານງານສູນກາງພັກຕັ້ງທີ 7 ສະໄໝທີ່ XI ທີ່ຈະຈັດຂຶ້ນໃນມໍ່ໆນີ້./.

                                                                ບົດ,ຮູບພາບໂດຍ ເລິມກວັນ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ