ວັນອັງຄານ, 22/10/2019
ການຮ່ວມມືດ້ານຊາຍແດນ ແມ່ນສັນຍະລັກ ແຫ່ງສາຍພົວພັນມິດຕະພາບ ອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງຫວຽດນາມ-ລາວ
10/9/2013 8:51' ສົ່ງ ພິມ
ທ່ານ ບຸນເກີດ ສັງສົມສັກ ລັດຖະມົນຕີຊ່ວຍວ່າການ ກະຊວງການຕ່າງປະເທດແຫ່ງ ສປປ ລາວ

ທ່ານ ບຸນເກີດ ສັງສົມສັກ, ລັດຖະມົນຕີຊ່ວຍວ່າການກະຊວງການ​ຕ່າງປະ​ເທດ​ແຫ່ງ ສປປ ລາວ, ຢັ້ງຢືນ​ວ່າ ພິທີສະເຫຼີມສະຫລອງຜົນສຳເລັດ ໂຄງການຮ່ວມມືປັກຫຼັກໝາຍຊາຍແດນ ຢູ່​ຕາມ​ພື້ນ​ທີ່​ຕົວ​ຈິງ​ລະຫວ່າງ​ລາວ - ຫວຽດນາມ​ແມ່ນ​ເຫດການສຳຄັນ​ຍິ່ງ​ ໃນ​ການ​ພົວພັນ​ລະຫວ່າງ​ສອງ​ປະ​ເທດ. 

ທ່ານ ບຸນເກີດ ສັງສົມສັກ ​ເນັ້ນວ່າ ໂຄງການຮ່ວມມືລະຫວ່າງ​ລາວ - ຫວຽດນາມ ໃນການປັກຫຼັກໝາຍຊາຍແດນ ຢູ່​ຕາມ​ພື້ນ​ທີ່​ຕົວ​ຈິງ​ ​ແລະ ການ​ປັບ​ປຸງ​ບູລະນະ​ລະບົບ​ຫຼັກ​ໝາຍ​ຊາຍ​ແດນ​ລາວ - ຫວຽດນາມ ​ແມ່ນ​ແນ​ໃສ່​ສ້າງ​ເປັນ​ເສັ້ນ​ຊາຍ​ແດນ​ສັນຕິພາບ, ມິດຕະພາບ, ໝັ້ນຄົງ ​ແລະ ການ​ຮ່ວມືພັດທະນາ​ຕະຫຼອດ​ໄປ, ​ເພີ່ມ​ທະວີ​ຄວາມ​ໄວ້​​ເນື້ອ​ເຊື່ອໃຈກັນ, ​ຄວາມ​ສະຫງົບ ​ແລະ ຄວາມ​ເປັນ​ລະບຽບ​ຕາມ​ຊາຍ​ແດນ​ຂອງ​ສອງ​ປະ​ເທດ. ​ໂຄງການ​ກໍ່​ໄດ້​ກຳນົດ​ຢ່າງ​ຈະ​​ແຈ້ງ ​ເສັ້ນ​ຊາຍ​ແດນ​ລະຫວ່າງ​ສອງ​ປະ​ເທດ ​ແລະ ​ເປັນ​ມໍລະດົກອັນ​ລ້ຳ​ຄ່າ​ເພື່ອ​ຖ່າຍ​ທອດ​​ໃຫ້​ເຊັ່ນ​ຄົນ​ລຸນ​ຫຼັງ. 

ບົນ​ຈິດ​ໃຈ​ດັ່ງກ່າວ​ນັ້ນ, ສອງ​ຝ່າຍ​ໄດ້ປະຕິບັດໂຄງການປັກຫລັກໝາຍຊາຍແດນຖີ່ ແລະ ປັບປຸງຫລັກໝາຍ​ ໃນ​ຕະຫຼອດ​ເສັ້ນ​ຊາຍແດນລວມ ລາວ-ຫວຽດນາມ ທີ່​ມີ​ຄວາມ​ຍາວ​ປະມານ 2.067 ກມ. ນອກ​ນັ້ນ, ຜົນສຳ​ເລັດການ​ປັກ​ຫຼັກ​ໝາຍ​ຊາຍ​ແດນ​ຢູ່​ພື້ນ​ທີ່​ຕົວ​ຈິງ ​ຍັງ​ໄດ້​ຊຸກຍູ້ ສົ່ງ​ເສີມ​ການ​ຮ່ວມ​ມື​ຮອບດ້ານ​ ຢູ່​ຂັ້ນ​ສູນ​ກາງ ​ແລະ ທ້ອງ​ຖິ່ນ, ປະກອບສ່ວນ​ເຂົ້າ​ໃນ​ການແກ້ໄຂຄວາມທຸກຍາກ ຂອງປະຊາຊົນຢູ່​ຕາມເຂດຊາຍແດນ​ ໄດ້ໂດຍໄວ ​ແລະ ຍົກ​ສູງ​ຊີ​ວິດ​ການ​ເປັນ​ຢູ່​ຂອງ​ປະຊາຊົນ​ ໃນ​ເຂດ​ດັ່ງກ່າວ​ຂຶ້ນເປັນ​ແຕ່​ລະ​ກ້າວ.

​ໂຄງການ​ນີ້​ຍັງ​ສະ​ແດງ​​ໃຫ້​ເຫັນ​ເຖິງ​ສາຍ​ພົວພັນ​ມິດຕະພາບ, ຄວາ​ມສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງ​ປະ​ເທດ, ພ້ອມ​ນັ້ນ ກໍ່​ໄດ້​ເຮັດ​ໃຫ້ການ​ຮ່ວມ​ມື​ດ້ານ​ຊາຍ​ແດນ ​ລະຫວ່າ​ງສອງ​ປະ​ເທດ​ກາຍ​ເປັນ​ແບບຢ່າງ​ ແຫ່ງ​ການ​ພົວພັນ​ລະຫວ່າງ​ບັນດາ​ປະ​ເທດ​​​ເພື່ອນບ້ານ​​ໃກ້​ຄຽງ​. 

​ໃນ​ໂອກາດ​ນີ້, ທ່ານ ບຸນເກີດ ສັງສົມສັກ ລັດຖະມົນຕີຊ່ວຍວ່າການກະຊວງ​ການ​ຕ່າງປະ​ເທດ ກໍ່​ໄດ້​ຊົມ​ເຊີຍຄະນະກຳມະການຮ່ວມ ປັກຫລັກໝາຍຊາຍແດນຂອງສອງປະເທດ, ບັນດາ​ຂະ​ແໜງ​ການ​ທີ່​ກ່ຽວຂ້ອງ, ບັນດາ​ທ້ອງຖິ່ນ ​ແລະ ບັນດາກຳລັງປະຕິບັດການປັກຫລັກໝາຍ ທີ່​ໄດ້​ຜ່ານ​ຜ່າ​ຄວາມ​ຫຍຸ້ງຍາກ​ລຳບາກ, ສຸມ​ກຳລັງວັງຊາ ​ແລະ ສະຕິ​ປັນ​ຍາ ​ເພື່ອ​ໃຫ້​ໂຄງການ​ດັ່ງກ່າວ​ສຳ​ເລັດ​ຜົນ​ຕາມ​​ແຜນການ​ທີ່​ໄດ້​ວາງ​ອອກມາ. 

ທ່ານລັດຖະມົນຕີຊ່ວຍວ່າການ ​ໄດ້​ໃຫ້​ຮູ້​ວ່າ ນອກຈາກ​ການ​ສຳ​ເລັດ​ວຽກ​ງານ​ປັກ​ຫຼັກ​ໝາຍ​ຢູ່​ພື້ນ​ທີ່​ຕົວ​ຈິງ​ແລ້ວ ສອງ​ຝ່າຍ​ຍັງ​ຕ້ອງ​ພ້ອມ​ກັນປະຕິບັດ​ຢ່າງ​ຮີບ​ດ່ວນ ວຽກ​ງານ​ການ​ສ້າງ​ສຳ​ເນົາ ​ແລະ ​ເອກະສານ​ດ້ານ​ນິຕິ​ກຳທີ່​ກ່ຽວ​ພັນ​ເຖິງ​ການ​ກຳນົດ​ເສັ້ນ​ຊາຍ​ແດນ ​ລະຫວ່າງ​ສອງ​ປະ​ເທດ​ ລາວ - ຫວຽດນາມ ​ໃຫ້​ສຳ​ເລັດ​ໃນ​ທ້າຍ​ປີ 2014. 

ທ່ານລັດຖະມົນຕີຊ່ວຍວ່າການກະຊວງການ​ຕ່າງປະ​ເທດ​ແຫ່ງ ສປປ ລາວ ຮຽກຮ້ອງພະນັກງານ ລັດຖະກອນ ປະຊາຊົນສອງ​ປະ​ເທດ​ ຈົ່ງ​ພ້ອມ​ກັນ​ປົກ​ປັກ​ຮັກສາຫຼັກ​ໝາຍ​ຊາຍ​ແດ​ນ​ໄວ້​ຢ່າງ​ໝັ້ນຄົງ​ຖາວອນ, ​ໃຫ້​ກາຍ​ເປັນ​ສັນຍະລັກ​ ແຫ່ງ​ນ້ຳ​ໃຈ​ມິດຕະພາບອັນ​ເປັນ​ມູນ​ເຊື້ອ, ຄວາມ​ສາມັກຄີ​ພິ​ເສດ​ຂອງ​ປະຊາຊົນ​ສອງ​ປະ​ເທດ. ທ່ານ​ຍັງ​ໄດ້​ສະ​ແດງ​ຄວາມ​ຮູ້​ບຸນ​ຄູນ​ຕໍ່​ພັກ ລັດ ​ແລະ ປະຊາຊົນ​ຫວຽດນາມ​ອ້າຍ​ນ້ອງ ທີ່​ຍາມ​ໃດ​ກໍ່ໄດ້​ໃຫ້ການ​ສະໜັບສະໜູນ ຊ່ວຍ​ເຫຼືອ​ການ​ຈັກ​ຕັ້ງ​ປະຕິບັດ​ໂຄງການ​ປັກ​ຫຼັກ​ໝາຍ​ຊາຍ​ແດນ​ໃນ​ພື້ນ​ທີ່​ຕົວ​ຈິງ ​ແລະ ປັບປຸງ​ບູລະນະ​ລະບົບ​ຫຼັກ​ໝາຍ​ຊາຍ​ແດນລາວ - ຫວຽດນາມ​ໃຫ້​ສຳ​ເລັດ​ສົ​ມບູນ./.

ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ