ວັນອັງຄານ, 22/10/2019
ການສັງສັນມິດຕະພາບ ລະຫວ່າງຊາວໜຸ່ມຫວຽດນາມ - ລາວ ປີ 2013
16/9/2013 14:57' ສົ່ງ ພິມ
ສະຫາຍນາງ ເຈິ່ນທີ້ຮ່າ ຮອງປະທານຜູ້ປະຈຳການ ສະພາແຂ່ງຂັນ - ຍ້ອງຍໍສູນກາງ ປະດັບຫຼຽນໄຊ ເອກະລາດຊັ້ນໜຶ່ງຂອງ ສສ ຫວຽດນາມ ໃຫ້ແກ່ ສູນກາງຄະນະຊາວໜຸ່ມ ປປ ລາວ. ພາບຂອງເວັບໄຊ: doanthanhnien.vn

ໃຫ້​ກຽດ​ເຂົ້າຮ່ວມ​ພິທີ​ໄຂ​ກາ​ນສັງ​ສັນມີ​: ​ສະຫາຍຫງວຽນ​ສາງ​ວາງ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ​ຕວຽນ​ກວາງ; ສະຫາຍ​ນາງ ​ເຈິ່ນທີ້ຮ່າ ຮອງ​ປະທານຜູ້​ປະຈຳການ​ສະພາ​ແຂ່ງຂັນ - ຍ້ອງຍໍ​ສູນ​ກາງ ລັດຖະມົນຕີ​ຊ່ວຍ​ວ່າການ​ກະຊວງ​ພາຍ​ໃນ; ຕາງໜ້າ​ການ​ນຳ​ບັນດາ​ກະຊວງ ຂະ​ແໜງ​ການ ຄະ​ນະສູນກາງ.

ສະຫາຍຫງວຽນ​ດັກ​ວີ​ງ ​ເລຂາທິການ​ທີ​ໜຶ່ງຄະນະ​ບໍລິຫານ​ງານ​ສູນ​ກາງ ​ຄະນະ​ຊາວ​ໜຸ່ມ​ກອມ​ມູນິດ​ໂຮ່ຈີ​ມິນ ​ແລະ ສະຫາຍ ວິລະວົງ ບຸດ​ດາ​ວົງ ​ເລຂາທິການ​ສູນ​ກາງ​ ຄະນະ​ຊາວ​ໜຸ່ມປະຊາຊົນ​ປະຕິວັດ​ລາວ ​ພ້ອມ​ດ້ວຍ​ສະມາຊິກ​ຊາວ​ໜຸ່ມ ​ແລະ ຊາວ​ໜຸ່ມ​ຂອງສອງ​ປະ​ເທດ​ຫວຽດນາມ - ລາວ ​ໄດ້ເຂົ້າຮ່ວມ​ພິທີ​ໄຂ​ກາ​ນສັງ​ສັນ.

ກ່າວ​ຄຳ​ປາ​ໄສ​ໃນ​ພິທີ​ໄຂ​ກາ​ນສັງ​ສັນ, ສະຫາຍຟານ​ວັນ​ມ້າ​ຍ ​ເລຂາທິການ​ຜູ້​ປະຈຳການ ຄະນະ​ບໍລິຫານ​ງານ​ສູນ​ກາງ ​ຄະນະ​ຊາວ​ໜຸ່ມ​ກອມ​ມູນິດ​ໂຮ່ຈີ​ມິນ ​ແລະ ສະຫາຍຄຳ​ຜາ ພິມ​ມະ​ສອນ ຮອງ​ເລຂາທິການ​ສູນ​ກາງ​ ຄະນະ​ຊາວ​ໜຸ່ມປະຊາຊົນ​ປະຕິວັດ​ລາວ ​ໄດ້​ທົບ​ທວນຄືນ​ເຖິງ​ສາຍ​ພົວພັນ​ອັນ​ເປັນ​ມູນ​ເຊື້ອ​ອັນ​ດີງາມ ລະຫວ່າງ​ສອງ​ພັກ ສອງ​ລັດ ​ແລະ ຊາວ​ໜຸ່ມ ​ປະຊາຊົນ​ສອງ​ປະ​ເທດ​ຫວຽດນາມ - ລາວ.

ສອງ​ສະຫາຍ​ລ້ວນ​ແຕ່​ເນັ້ນ​ໜັກ​ວ່າ, ​ກາ​ນສັງ​ສັນມິດຕະພາບ​ລະ​ຫວ່າງ​ຊາວ​ໜຸ່ມ​ຫວຽດນາມ - ລາວ ​ແຕ່​ດົນ​ມາ​ໄດ້​ກາຍ​ເປັນວັນ​ບຸນ​ມິດຕະພາບ​ ຂອງ​ຊາວ​ໜຸ່ມ​ສອງ​ປະ​ເທດ. ດ້ວຍ​ຄວາມ​ມານະ​ພະຍາຍາມ​ຂອງ​ສອງ​ຝ່າຍ, ​ໃນ​ແຕ່ລະ​ປີ, ບັນດາໂຄງການ​ສັງ​ສັນ​ມິດຕະພາບ ​ໄດ້​ຮັບ​ການຈັດ​ຕັ້ງຂຶ້ນ​ຢ່າງ​ສຳ​ເລັດ​ຜົນ, ​ໄດ້​ສ້າງ​ສິ່ງ​ປະ​ທັບ​ໃຈ​ອັນ​ດີງາມ​ຕ່າງໆ​ຫຼາຍຢ່າງ, ສະ​ແດງ​ໃຫ້​ເຫັນ​​ເຖິງ​ຄວາມ​ຕັດ​ສິນ​ໃຈ ​ຂອງ​ໄວ​ໜຸ່ມ​ສອງ​ປະ​ເທດ ​ໃນ​ການ​ສືບ​ທອດ ​ແລະ ​ເສີມ​ຂະຫຍາຍ ມູນ​ເຊື້ອສາຍ​ພົວພັນ​ມິດຕະພາບ​ພິ​ເສດ ລະຫວ່າງ​ສອງ​ພັກ ສອງ​ລັດ ​ແລະ ປະຊາຊົນ​ສອງ​ປະ​ເທດ ຫວຽດນາມ-ລາວ.

ໂຄງການ​ສັງ​ສັນມິດຕະພາບ​ນີ້ ແມ່ນ​ໂອກາດ​ເພື່ອ​ພົບ​ປະ​ແລກປ່ຽນ​ກັນ ​ເພີ່ມ​ທະວີ​ຄວາມ​ເຂົ້າ​ໃຈ​ຊຶ່ງ​ກັບ​ແລະ​ກັນ​ ລະຫວ່າງ​ຄະນະ​ຊາວ​ໜຸ່ມ ​ແລະ ​ໄວ​ໜຸ່ມ​ຂອງສອງ​ປະ​ເທດ ຫວຽດນາມ - ລາວ, ປະກອບສ່ວນອົບຮົມ​ສຶກສາ​ຊາວ​ໜຸ່ມ​ສອງ​ປະ​ເທດ ກ່ຽວ​ກັບ​ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອພິ​ເສດ ຫວຽດນາມ-ລາວ. ພ້ອມ​ກັນ​ນັ້ນ ກໍ​ຢືນຢັນ​ຄວາມ​ຕັດສິນ​ໃຈ ຄວາມ​ຮັບຜິດຊອບ ​ແລະ ​ເພີ່ມ​ທະວີບົດບາດ​ຕະລຸມບອນ ​ຂອງ​ຊາວ​ໜຸ່ມ​ສອງ​ປະ​ເທດ ​ໃນ​ການ​ຮັກສາ ປັບປຸງ ​ແລະ ​ເພີ່ມ​ທະວີ​ຍິ່ງ​ກວ່າ​ອີກ​ ສາຍ​ພົວພັນ​ອັນ​ເປັນ​ມູນ​ເຊື້ອ ສະ​ເໝີ​ຕົ້ນ​ສະ​ເໝີ​ປາຍ ຜ່ອງ​ໃສ​ຂອງ​ປະຊາຊົນ​ສອງ​ປະ​ເທດ​ຫວຽດນາມ - ລາວ.

​ໃນ​ພິທີ​ໄຂ​ການ​ສັງ​ສັນ, ​ໄດ້ມີ​ພິທີ​ປະດັບຫຼຽນ​ໄຊ​ເອກະລາດ​ຊັ້ນ​ໜຶ່ງ ຂອງ​ປະ​ເທດ​ສາທາລະນະ​ລັດ​ ສັງຄົມ​ນິຍົມ​ຫວຽດນາມ ​ໃຫ້​ແກ່​ສູນ​ກາງ​ຄະນະ​ຊາວ​ໜຸ່ມ​ປະຊາຊົນ​ປະຕິວັດ​ລາວ ​ແລະ ພິທີ​ປະດັບ​ຫຼຽນ​ໄຊ​ອິດ​ສະຫຼະຊັ້ນ​ໜຶ່ງ ຂອງປະ​ເທດ​ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ໃຫ້​ແກ່​ສູນ​ກາງ​ຄະນະ​ຊາວ​ໜຸ່ມ​ກອມ​ມູນິດ​ໂຮ່ຈີ​ມິນ.

​ໃນ​ວັນ​ທີ 16 ກໍລະກົດ, ຢູ່​ແຂວງ​ຕວຽນ​ກວາງ, ຄະນະ​ຊາວ​ໜຸ່ມ​ຂອງ​ສອງ​ປະ​ເທດ​ຫວຽດນາມ - ລາວ​ໄດ້​ໄປຢ້ຽມ​ເບິ່ງ ​ເຂດ​ທ່ອງ​ທ່ຽວ​ປະຫວັດສາດ ວັດທະນະທຳ ​ແລະ ນິ​ເວດ​ວິທະຍາ​ເຕິ​ນຈ່າວ ​ເມືອງ​ເຊີນ​ເຢືອງ; ຢາມ​ເຂດ​ວັດ​ທຸ​ບູຮານ​ພິ​ເສດ​ຂອງ​ການ​ປະຕິວັດ​ລາວ ​ຢູ່​ຕາ​ແສງ​ໝິບັ່ງ ​ເມືອງ​ອຽນເຊີນ​. ຢູ່​ທີ່ຕາ​ແສງ​ໝິບັ່ງ, ຄະນະ​ຜູ້​ແທນ​ຊາວ​ໜຸ່ມ​ໄດ້​ໄປ​ຢາມ ​ແລະ ມອບ​ຂອງຂວັນ​ ​ໃຫ້ບັນດາ​ຄອບຄົວ​ທີ່​ມີ​ຄຸນງາມຄວາມດີຕໍ່​ການ​ປະຕິວັດ​ລາວ; ​ເຂົ້າ​ຮ່ວມ​ການ​ເປີດ​ນຳ​ໃຊ້​ ຫ້ອງ​ຕິດ​ຕັ້ງ​ເຄື່ອງຄອມ​ພິວ​ເຕີ​ເຊື່ອມ​ຕໍ່ Internet ​ໃຫ້​ແກ່​ຊາວ​ໜຸ່ມ​ຕາ​ແສງ​ໝິບັ່ງ./.

ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ