ວັນອັງຄານ, 22/10/2019
ສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ ຊຸກຍູ້ການຮ່ວມມືຮອບດ້ານ
23/9/2013 15:21' ສົ່ງ ພິມ
ພາບປະກອບ. ຕາມເວັບໄຊ: vov.vn

ໃຫ້​ກຽດ​ເຂົ້າ​ຮ່ວມກອງ​ປະຊຸມ​ສຳມະ​ນາ, ທາງ​ຝ່າຍ​ລາວ​ມີ ທ່ານນາງ ປານີ ຢາທໍ່ຕູ້ ກຳມະການ​ກົມ​ການ​​ເມືອງ​ສູນ​ກາງ​ພັກ ປປ ລາວ ປະທານສະພາ​ແຫ່ງ​ຊາດ​ລາ​ວ; ທ່ານ ​ໄຊ​ສົມ​ພອນ ພົມວິຫານ ກຳມະການ​ສູນ​ກາງ​ພັກ ປປ ລາວ ຮອງ​ປະທານສະພາ​ແຫ່ງ​ຊາດ​ລາ​ວ. ທາງ​ຝ່າຍ​ຫວຽດນາມ​ມີ ທ່ານ ອວງຈູ​ລຶວ ກຳມະການ​ສຸນ​ກາງ​ພັກ​ກອມ​ມູນິດ​ຫວຽດນາມ ຮອງ​ປະທານສະພາ​ແຫ່ງ​ຊາດຫວຽດນາມ; ທ່ານ​ ເຈິ່ນບັກ​ຮ່າ ປະທານ AVIL ປະ​ທາ​ນຄະນະ​ກຳມະການຄຸ້ມ​ຄອງ​ບໍລິສັດ BIDV ພ້ອມ​ດ້ວຍ​ພະນັກງານ​ຂັ້ນ​ສູງ ຜູ້​ຕາງໜ້າ​ບັນດາ​ຄະນະ ຂະ​ແໜງ​ການ ​ແລະ ນັກ​ວິຊາ​ການ​ເສດຖະກິດ​ຫຼາຍ​ຄົນ​ຂອງ​ສອງ​ປະ​ເທດ.

​ໃນ​ການ​ສຳ​ມະ​ນາ, ບັນດາ​ຜູ້​ແທນ​ໄດ້​ສຸມ​ໃສ່ 3 ບັນຫາ​ໃຫຍ່​ຄື ທ່າ​ອຽງ​ພັດທະນາ​​ເສດຖະກິດ ​ແລະ ນະ​ໂຍບາຍ​ລົງທຶນ​ຂອງ​ສອງ​ປະ​ເທດ; ວຽກ​ງາ​ນການ​ເຂົ້າ​ຮ່ວມ​ປະຊາ​ຄົມ​ອາຊຽນ ປີ 2015 ​ແລະ ບັນຫາ​ຄຸ້​ມຄ​ອງການ​ເງິນ​ເງິນຕາ, ພ້ອ​ມກັນ​ນັ້ນ​ກໍ່​ລົງ​ເລິກ​ໃນ​ການ​ແລກປ່ຽນ ກ່ຽວ​ກັບ​ບັນດາ​ບົດຮຽນ​ຕົວ​ຈິງ​ຂອງ​ສອງ​ປະ​ເທດ ​ໃນ​ການ​ຄຸ້ມ​ຄອງ​ການ​ເງິນ, ການ​ລົງທຶນ, ໜີ້​ສິນ, ພັດທະນາ​ຕາ​ນ່າງ​ທະນາຄານ, ຈັດ​ວາງ​ໂຄງ​ປະກອບ​ບັນດາ​ການຈັດ​ຕັ້ງ​ສິນ​ເຊື່ອ​ຄືນ​ໃໝ່ ​ແລະ ບົດຮຽນ​ໃນ​ການ​ແກ້​ໄຂ​ໜີ້​ສິນ​ເຮິ​ຮ້າຍ, ກໍ່​ຄື​ການ​ກຽມພ້ອນ​ໃຫ້​ແກ່​ການ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ​ໃນ​ອະນາຄົດ. ບັນດາ​ບົດຮຽນ​ທີ່​ຖອດ​ຖອນ​ມາ​ໄດ້​ຈາກ​ການ​ສຳ​ມະ​ນາ ຈະ​ຊ່ວຍ​ໃຫ້ສອງ​ຝ່າຍມີ​ວິ​ໄສ​ທັດ​ກວມ​ລວມ ​ແລະ ​ແທດ​ກັບ​ຕົວຈິງ​ກວ່າອີກ ​ໃນ​ການ​ຄຸ້ມ​ຄອງ​ບໍລິຫານ​ເສດຖະກິດ​ແຫ່ງ​ຊາດ, ພັດທະນາ​ເສດຖະກິດ, ຮັກສາ​ຄວາມ​ສະຫງົບ​ທາງ​ສັງຄົມ ​ເພື່ອ​ຄວາມ​ສົມບູນ​ພູມ​ສຸກ​ຂອງ​ປະຊາຊົນ.

​ໂດຍ​ຕາງ​ໜ້າສະພາ​ແຫ່ງ​ຊາດ​ລາ​ວ, ທ່ານ​ຮອງ​ປະທານ​ສະພາ​ແຫ່ງ​ຊາດ ​ໄຊ​ສົມ​ພອນ ພົມວິຫານ ສະ​ແດງ​ຄວາມ​ຂອບ​ອົກ​ຂອບ​ໃຈ​ຢ່າງ​ຈິງ​ໃຈ​ຕໍ່ ສະພາ​ແຫ່ງ​ຊາດຫວຽດນາມ ​ແລະ BIDV ທີ່​ໄດ້​ສົມທົບ​ກັນ​ຈັດ​ຕັ້ງກອງ​ປະຊຸມ​ສຳ​ມະ​ນາ, ຢືນຢັນ​ວ່າ ການ​ສຳ​ມະ​ນາ​ບໍ່​ພຽງ​ແຕ່​ຊ່ວຍ​ໃຫ້​ສອງ​ປະ​ເທດ​ ເພີ່ມ​ທະວີ​ການ​ຮ່ວມ​ມື​ລົງທຶນ​ເທົ່າ​ນັ້ນ ຫາກ​ຍັງ​ຊ່ວຍ​ໃຫ້ສະພາ​ແຫ່ງ​ຊາດ​ລາ​ວ ​ໃນ​ການກະກຽມ​ເອກະສານ​ນິຕິ​ກຳ​ຕ່າງໆ, ກະກຽມ​ເຂົ້າ​ຮ່ວມ​ໃນ​ປະຊາ​ຄົມ​ເສດຖະກິດອາ​ຊຽນ ​ປີ 2015...

ທາງ​ດ້ານ​ຕົນ​ເອງ, ທ່ານ​ຮອງ​ປະທານສະພາ​ແຫ່ງ​ຊາດຫວຽດນາມ ອວງຈູ​ລຶວ ຕີ​ລາຄາ​ສູງ​ຕໍ່​ຄວາມ​ຄິດ​ປະ​ດິດ​ຂອງສະພາ​ແຫ່ງ​ຊາດ​ລາ​ວ ກ່ຽວ​ກັບ​ການ​ສຳ​ມະ​ນາ​ທີ່​ມີ​ຄວາມ​ໝາຍ​ສຳຄັນ ​ ​ມີ​ລັກສະນະຮີບ​ດ່ວນແທດ​ເໝາະ​ຕົວ​ຈິງ ຕໍ່​ກັບ​ການ​ພັດທະນາ​ເສດຖະກິດ - ສັງຄົມ​ຂອງ​ແຕ່ລະ​ປະ​ເທດ ​ໃນ​ສະພາບ​ການ​ທີ່​ພື້ນຖານ​ເສດຖະກິດ​ຂອງ​ສອງ​ປະ​ເທດ ມີ​ທັງຄວາມ​ສະດວກ​ດີ ​ແລະ ສິ່ງ​ທ້າ​ທາຍຕ່າງໆ ທີ່​ແຊກ​ຊ້ອນກັນ. ການ​ສຳ​ມະ​ນາ​ໄດ້​ຍົກ​ໃຫ້​ເຫັນ​ບົດຮຽນ​ປະສົບ​ການ​ທີ່​ດີ​ຫຼາຍ​ຢ່າງ​ກ່ຽວ​ກັບ​ການ​ພັດທະນາ ​ແລະ ​ເຊື່ອມ​ໂຍງ​ເຂົ້າ​ກັບ​ສາກົນ, ພ້ອມ​ກັນ​ນັ້ນ​ກໍ​ສະ​ແດງ​​ໃຫ້​ເຫັນ​ເຖິງ​ຄວາມ​ຕັດສິນ​ໃຈຄວາມຕັ້ງໜ້າ​ຂອງ​ສອງສະພາ​ແຫ່ງ​ຊາດ ​ໃນ​ການ​ຮ່ວມ​ແຮງຮ່ວ​ມ​ໃຈ​ກັບ​ລັດຖະບານ ຊຸກຍູ້​ການ​ປະຕິບັດ​ບັນດາ​ນະ​ໂຍບາຍ​ເສດຖະກິດ​ມະຫາ​ພາກ, ການ​ເງິນ ທະນາຄານ ທີ່​ສອດຄ່ອງ​ກັບ​ສະພາບ​ການ, ປະຕິບັດ​ສຳ​ເລັດ​ບັນດາ​ຈຸດໝາຍ, ຄາດໝາຍ​ເສດຖະກິດ​ສັງຄົມ ທີ່ສະພາ​ແຫ່ງ​ຊາດຂອງ​ສອງ​ປະ​ເທດ​ໄດ້​ວາງ​ອອກ​ມາ.

​ໂດຍ​ສືບ​ຕໍ່​ເສີມ​ຂະຫຍາຍ​ບັນດາ​ຜົນສຳ​ເລັດ​ອັນ​ໃຫຍ່​ຫຼວງ ໃນການ​ເຄື່ອນ​ໄຫວ​ສະ​ເຫຼີມສະຫຼອງວັນ​ສ້າງຕັ້ງ​ສາຍ​ພົວພັນ​ທາງ​ການ​ທູດ​ລະຫວ່າງ​ຫວຽດນາມ - ລາວ ຄົບຮອບ 50 ປີ, ວັນ​ເຊັນ​ສົນທິສັນຍາ​ມິດຕະພາບ ແລະ ການຮ່ວມມືຫວຽດນາມ - ລາວ ຄົບຮອບ 35 ປີ, ກອງປະຊຸມສຳມະນາຄັ້ງນີ້ ຈະ​ສ້າງ​ໃຫ້​ມີ​ບາດກ້າວ​ບຸກທະລຸ​ຢ່າງ​ແຂງ​ແຮງ, ຍົກ​ການ​ພົວພັນ​ເສດຖະກິດ​ລະຫວ່າງ​ສອງ​ປະ​ເທດສູງ​ຂຶ້ນ​ເປັນ​ແຕ່​ລະ​ກ້າວ ​ໃຫ້​ສົມ​ຄູ່​ກັບ​ການ​ພົວພັນ​ດ້ານ​ການ​ເມືອງ, ນຳ​ເອົາ​ການ​ພົວພັນ​ຮ່ວມ​ມື​ລະຫວ່າງ​ສອງ​ປະ​ເທດ​ເຂົ້າ​ສູ່​ໄລຍະ​ແຫ່ງ​ການ​ຂະຫຍາຍຕົວ​ໃໝ່ ທີ່​ມີ​ລັກສະນະ​ກວ້າງຂວາງ ​ເລິກ​ເຊິ່ງ ​ແລະ ຮອບດ້ານ ​ໃນ​ທຸກໆ​ຂົງ​ເຂດ ຖືກຕ້ອງ​ຕາມ​ແຜນ​ນະ​ໂຍບາຍ, ການ​ກຳ​ນົດທິດ​ຂອງ​ສອງ​ພັກ ສອງ​ລັດ.

​ໃນ​ໂອກາດ​ນີ້, ທະນາຄາ​ມການ​ຄ້າ​ຫຸ້ນ​ສ່ວນ ການ​ລົງທຶນ​ແລະ​ພັດທະນາ​ຫວຽດນາມ (BIDV) ​ໄດ້​ມອບ​ໃຫ້​ມູນ​ນິທິ​ປ້ອງ​ກັນ​ແລະ​ຕ້ານ​ໂລກລະບາດ​ໄຂ້​ອອກ​ເລືອດ​ຂອງ​ລາວ 100.000 ​ໂດ​ລາ​ສະຫະ​ລັດ ​ແລະ ມຸ້ງ ຜ້ຫົ່ມ 15.000 ຊຸດ​ ທີ່​ມີ​ມູນ​ຄ່າ​ທັງ​ໝົດ​ເກືອບ 7 ຕື້​ດົ່ງ./.

ແຫຼ່ງຂ່າ​ວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ