ວັນອາທິດ, 22/9/2019
ເຊັນຂໍ້ຕົກລົງ ວ່າດ້ວຍຜູ້ຍ້າຍຄົວຢ່າງເສລີ ຢູ່ຊາຍແດນຫວຽດນາມ - ລາວ
28/9/2013 17:57' ສົ່ງ ພິມ
ຮູບພາບພິທີເຊັນຂໍ້ຕົກລົງ. ພາບຂອງ: TTXVN

ພິທີການ​ລົງ​ນາມ​ໃນ​ຂໍ້​ຕົກລົງດັ່ງກ່າວ​ໄດ້​ດຳ​ເນີນ​ໄປ​ພາຍ​​ໃຕ້​ການ​ເປັນ​ສັດ​ຂີ​ພະຍານ​ຮ່ວມຂອງ ທ່ານ​ຫງວຽນ​ເຕິ​ນຢຸ໊ງ ນາຍົກລັດຖະມົນຕີ​ແຫ່ງ ສສ ຫວຽດນາມ ​ແລະ ທ່ານ​ທອງ​ສິງ ທຳ​ມະ​ວົງ ນາຍົກລັດຖະມົນ​ຕີ​ແຫ່ງ ສປປ ລາວ.

​​ເປັນ​ກຽດ​ເຂົ້າ​ຮ່ວມ​ພິທີ​ຍັງ​ມີ​ ທ່ານຫງວຽນ​ຊວັນ​ຝຸກ ຮອງ​ນາຍົກລັດຖະມົນຕີຫວຽດນາມ, ຜູ້ຕາງໜ້າ​ບັນດາ​ກະຊວງ ຂະ​ແໜງ​ການ​ທີ່​ກ່ຽວຂ້ອງ ພ້ອມ​ດ້ວຍ​ຜູ້ຕາງໜ້າ​ຂອງ 10 ຄຸ່​ແຂວງ​ຊາຍ​ແດນ​ຂອງ​ສອງ​ປະ​ເທດ​ຫວຽດນາມ - ລາວ.

ນີ້​ແມ່ນ​ຂໍ້​ຕົກລົງ​ທີ່​ມີ​ຄວາມ​ໝາຍ​ສຳ​ຄັນ, ສ້າງ​ພື້ນຖານ​ນິຕິ​ກຳ​ເພື່ອ​ໃຫ້​ສອງ​ປະ​ເທດ​ຮ່ວມ​ມື​ກັນ​ແກ້​ໄຂ​ໂດຍ​ພື້ນຖານ ບັນຫາ​ຍ້າຍຄົວ​ຢ່າງເສ​ລີ ​ແລະ ການສົມລົດ​ໂດຍ​ບໍ່​ມີ​ໃບ​ທະບຽນ​ສົມລົດ ​ຢູ່ເຂດ​ຊາຍ​ແດນ​ສອງ​ປະ​ເທດ ຊຶ່ງ​ໄດ້​ຄົງ​ຄ້າງມາເປັນ​ເວລາ​ຫຼາຍສິບປີ​ແລ້ວ, ປະກອບສ່ວນ​ເຮັດ​ໃຫ້​ສະພາບ​ການ​ພົນລະ​ເມືອງ​ຢູ່​ເຂດ​ຊາຍ​ແດນ ​ມີ​ຄວາມ​ສະຖຽນ​ໝັ້ນ, ປັບປຸງ​ຄວາມ​ສະຫງົບ​ການ​ເມືອງ, ຄວາມ​ເປັນ​ລະບຽບ ​ແລະ ປອດ​ໄພ​ທາງ​ສັງຄົມ, ປະກອບສ່ວນ​ສ້າງ​ເສັ້ນ​ຊາຍ​ແດນສອງ​ປະ​ເທດ​ ໃຫ້​ເປັນ​ເສັ້ນ​ຊາຍ​ແດນ​ແຫ່ງສັນຕິພາບ ສະຖຽນ​ລະ​ພາບ ມິດຕະພາບ ​ແລະ ການ​ຮ່ວມມື​ພັດທະນາ.

ຂໍ້​ຕົກລົງ​ຈະ​ມີຄວາມສັກສິດ​ພາຍຫຼັງ​ທີ່​ທັງ​ສອງ​ຝ່າຍ​ໄດ້​ສຳ​ເລັດ​ລະບຽບ​ການ​ພາຍ​ໃນ​ຕ່າງໆ ​ແລະ ມີ​ບັນນະສານ​ແຈ້ງ​ການ​ໃຫ້​ແກ່​ກັນ​​ໂດຍ​ຜ່ານ​ເສັ້ນທາງ​ການ​ທູດ. ຂໍ້​ຕົກລົງ​ໄດ້​ປະຕິບັດ​ໃນ​ກຳນົດ​ເວລາ 3 ປີ​ນັບ​ແຕ່​ມື້​ຂໍ້​ຕົກລົງມີ​ຄວາມ​ສັກສິດ./.

ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ