ວັນອາທິດ, 17/11/2019
ຢືນຢັນຖານະທີ່ຕັ້ງຂອງກຳມະບານຫວຽດນາມ ໃນຂະບວນການກຳມະບານຢູ່ພາກພື້ນ ແລະ ໃນໂລກ
30/9/2013 20:47' ສົ່ງ ພິມ
ພາບບັນດາຜູ້ແທນກຳມະບານສາກົນ ມາຮ່ວມກອງປະຊຸມໃຫຍ່ກຳມະບານຫວຽດນາມຄັ້ງທີ XI. ພາບຂອງ: TTXVN

ທ່ານ ມະຫາ​ເດ​ວັນ ຮາຣີຮາຣານ (Mahadevan Hariharan) ຮອງ​ເລຂາທິການ​​ໃຫຍ່ ສະຫະພັນ​ກຳມະ​ບານ​​ໂລ​ກ (World Federation of Trade Unions - WFTU) ​ໃຫ້​ຮູ້​ວ່າ, ສະຫະພັນ​ກຳມະ​ບານ​​ໂລ​ກ ​ເປັນອົງການ​ກຳມະ​ບານທີ່​ເກົ່າ​ແກ່​ທີ່​ສຸດ​ໃນ​ໂລກ​ປັດຈຸບັນ, ມັນ​ເຕົ້າ​ໂຮມ​ສະມາຊິກ​ກຳມະບານ 84 ລ້ານ​ຄົນ ຂອງ 126 ປະ​ເທດ​ໃນ​ໂລກ. ສຳລັບ​ພາກ​ພື້ນ​ອາຊີ - ປາຊີ​ຟິກ, ສະຫະພັນ​ໃຫຍ່​ແຮງ​ງານ​ຫວຽດນາມ ​ເປັນ​ພາຄີ​ທີ່​ສຳຄັນ, ຖືກ​ຖື​ວ່າ​ເປັນ​ເສົາ​ຄ້ຳ​ຂອງ WFTU ຢູ່​ພາກ​ພື້ນນີ້. ກຳມະບານ​ຫວຽດນາມ​ເຕີບ​ໃຫຍ່​ຂຶ້ນມາ​ຈາກ​ການ​ຕໍ່ສູ້​ປົກ​ປ່ອຍ​ຊາດ ​ແລະ ສ້າງສາ​ພັດທະນາ​ປະ​ເທດ. ​ຍ້ອນ​ແນວ​ນັ້ນ, ອົງການກຳມະ​ບານຈຶ່ງ​ໄດ້​ຜ່ານ​ພຶດຕິ​ກຳ ​ແລະ ​ເຂົ້າ​ໃຈ​ຢ່າງ​ເລິກ​ເຊິ່ງ ​ເຖິງ​ຄວາມ​ຫຍຸ້ງຍາກ​ຕ່າງໆ​ທຸກ​ຢ່າງ​ ຂອງ​ຜູ້​ອອກ​ແຮງງານ​ຢູ່ຫວຽດນາມ. ​ໃນ​ການ​ເຄື່ອນ​ໄຫວ​ຕ່າງໆ​ຂອງ WFTU ຢູ່​ພາກ​ພື້ນ, ກຳມະບານ​ຫວຽດນາມຍາມ​ໃດ​ກໍ່​ນຳໜ້າ ແລະ ກຽມພ້ອມສະໜັບສະໜູນ​ບັນດາ​ໂຄງການ​ຂອງ WFTU. ກຳມະບານ​ຫວຽດນາມ ​ເປັນ​ຄື​ຕົວ​ແບບ​ແຫ່ງ​ການ​ເຄື່ອນ​ໄຫວ​ ຂອງ​ບັນດາອົງການກຳມະ​ບານຢູ່​​ໃນ​ພາກ​ພື້ນ. WFTU ຫວັງ​ວ່າກຳມະບານ​ຫວຽດນາມຈະ​ໃຫ້ການ​ສະໜັບສະໜູນຫຼາຍ​ກວ່າ​ອີກ ​ໃຫ້​ແກ່​ການ​ເຄື່ອນ​ໄຫວ​ຂອງກຳມະ​ບານ​ໂລກ.

​ໂດຍ​ຕີ​ລາຄາ​ສູງ​ຕໍ່​ບົດບາດ​ຂອງກຳມະບານ​ຫວຽດນາມ ​ໃນ​ການ​ຜັນ​ຂະຫຍາຍ​ການ​ປະຕິບັດ​ໂຄງການ​ແຫ່ງ​ຊາດ ກ່ຽວ​ກັບ​ວຽກ​ເຮັດ​ງານ​ທຳ​ແບບ​ຍືນ​ຍົງ ​ຢູ່​ຫວຽດນາມ​ໄລຍະ​ປີ 2012 - 2016, ທ່ານ ກີ​ອໍ​ກີ ຊີຣັກສກີ (Gyorgy Sziraczki) ຫົວໜ້າ​ຫ້ອງວ່າການ ອົງການ​ແຮງ​ງານ​ລະຫວ່າງ​ປະ​ເທດ (International Labour Organization - ILO) ປະຈຳ​ຫວຽດນາມ​ ໄດ້​ສະ​ແດງ​ຄວາມ​ຮູ້ສຶກ​ວ່າ: ບົດບາດ​ຂອງອົງການກຳມະ​ບານ​ແຫ່ງ​ຊາດ ຕໍ່​ກັບ​ໂຄງການວຽກ​ເຮັດງານ​ທຳ​ແບບ​ຍືນ​ຍົງ ​ແມ່ນ​ມີ​ຄວາມສຳຄັນ​ທີ່​ສຸດ. ພິ​ເສດ​ແມ່ນ ການ​ເພີ່ມ​ທະວີ​ກຳລັງ​ຄວາມ​ສາມາດ​ຂອງ​ຮາກ​ຖານ ​ເພື່ອ​ເປັນ​ຕົວ​ແທນ​ໃຫ້​ແກ່​ສິດ ​ແລະ ຜົນ​ປະ​​ໂຫຍ​ດອັນ​ຖືກຕ້ອງ​ຕາມ​ກົດໝາຍ ຂອງ​ຜູ້ອອກ​ແຮງ​ງານ​ຢູ່​ບ່ອນ​ເຮັດ​ວຽກ. ປັດຈຸບັນ​ນີ້ ສະຫະພັນ​ໃຫຍ່​ແຮງ​ງານ​ຫວຽດນາມ ພວມ​ກ້າວ​ບາດກ້າວ​ໜຶ່ງ​ຢ່າງ​ໜັກ​ແໜ້ນ​ໄປ​ສູ່​ຈຸດໝາຍ​ນີ້. ​ໂຄງການ​ວຽກ​ເຮັດ​ງານ​ທຳ​ແບບ​ຍືນ​ຍົງ ​ແມ່ນ​ໂຄງການ​ແຫ່ງ​ຊາດ, ດ້ວຍ​ການ​ເຂົ້າ​ຮ່ວມ​ໂດຍ​ກົງ​ຂອງ​ສະຫະພັນ​ໃຫຍ່​ແຮງ​ງານ​ຫວຽດນາມ. ​ໂຄງການ​ນີ້​ປະກອບ​ດ້ວຍ 3 ພາກສ່ວນ​ຕົ້ນຕໍ: ຮັບປະກັນ​ວຽກ​ເຮັດ​ງານ​ທຳ, ຍົກ​ສູງ​ສະຫວັດ​ດິການ​ສັງຄົມ ​ແລະ ຍົກ​ສູງ​ການ​ສົນທະນາ​ສັງຄົມ. ຕໍ່​ກັບ​ພາລະກິດ​ການ​ພັດທະນາ​ຂ​ອງຫວຽດນາມ, ການ​ສ້າງສາ​ຍພົວພັນ​ກົມກຽວ​ແມ່ນ​ມີ​ຄວາມສຳຄັນ​ທີ່​ສຸດ. ສະຫະພັນ​ໃຫຍ່​ແຮງ​ງານ​ຫວຽດນາມ ຖື​ບົດບາດ​ພິ​ເສດ​ໃນ​ວິວັດ​ການ​ປະຕິບັດ​ໂຄງການ​ນີ້. ILO ຈະ​ສືບ​ຕໍ່​ຊ່ວຍ​ໜູນ​ໃຫ້ກຳມະບານ​ຫວຽດນາມ ​ແຕ່​ສູນ​ກາງ​ຮອດ​ທ້ອງ​ຖິ່ນ​ຕ່າງໆ​ ໃນ​ການ​ຍົກ​ສູງ​ກຳລັງ​ຄວາມ​ສາມາດ​ຂອງ​ຕົນ.

ທ່ານ ກຣິດສຕົບ​ເຟີ ງ, (Chiristopher Ng,) ​ເລຂາ​ທີ​ການ​ເຄືອ​ຂ່າຍກຳມະ​ບານລະຫວ່າງ​ຊາດ​ພາກ​ພື້ນ​ອາຊີ - ປາຊີ​ຟິກ (Uni-Apro) ​ໃຫ້​ຮູ້​ວ່າ: ກຳມະ​ບານ​ໄປ​ຊະນີ​ຫວຽດນາມ ​ເປັນອົງການກຳມະ​ບານທຳ​ອິດ​ຂອງ​ຫວຽດນາມ​ທີ່​ເຂົ້າ​ຮ່ວມ Uni-Apro. ບໍ່​ພຽງ​ແຕ່​ເປັນອົງການກຳມະ​ບານພາຄີ​ຂ​ອງ Uni-Apro ​ເທົ່າ​ນັ້ນ, ກຳມະ​ບານ​ໄປ​ຊະນີ​ຍັງ​ໄດ້​ເຂົ້າ​ຮ່ວມ​ອົງການ​ການນຳ​ຂອງ Uni-Apro. ທ່ານປະທານກຳມະ​ບານ​ໄປ​ຊະນີ​ຫວຽດນາມປັດຈຸບັນ​ນີ້ ​ເປັນ​ກຳມະການຄະນະ​ບໍລິຫານ​ງານ​ພາກ​ພື້ນ​ຂອງ Uni-Apro. ທ່ານ ກຣິດສຕົບ​ເຟີ ງ, ຢັ້ງຢືນ​ວ່າ, ກຳມະ​ບານຫວຽດນາມບໍ່​ພຽງ​ແຕ່​ມີ​ຜົນ​ສະທ້ອນ​ໃນ​ການວາງ​ນະ​ໂຍບາຍ ​ຕໍ່​ກັບ​ອົງການກຳມະ​ບານລະຫວ່າງ​ຊາດ​ເທົ່າ​ນັ້ນ ຫາກ​ຍັງ​ມີ​ການ​ປະກອບສ່ວນ​ອັນ​ຕັ້ງໜ້າ​ຫຼາຍ​ຢ່າງ ​ເຂົ້າ​ໃນ​ການ​ຊຸກຍູ້​ຜົນ​ປະໂຫຍ​ດທາງ​ສັງຄົມ ​ໃນ​ຂະ​ບວນວີ​ວັດ​ການ​ໂລກາ​ພິວັດ​ອີກ​ດ້ວຍ./.

ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ