ວັນອາທິດ, 22/9/2019
ການນຳກົມໃຫຍ່ການເມືອງ ກອງທັບປະຊາຊົນຫວຽດນາມ ຕ້ອນຮັບຄະນະພະນັກງານລາວ
1/10/2013 11:24' ສົ່ງ ພິມ
ທ່ານພົນຈັດຕະວາ ຫງວຽນຈ້ອງເຫງຍ ມອບແຜ່ນຫຼຽນເຄື່ອງໝາຍກົມໃຫຍ່ການເມືອງ ກອງທັບປະຊາຊົນຫວຽດນາມ ໃຫ້ທ່ານພັນໂທ ຄຳສາວ ແກ້ວວິເສດ. ພາບ: ມິງແຂງ

ໂດຍ​ຕາງໜ້າ​ການ​ນຳ​ກົມ​ໃຫຍ່​ການ​ເມືອງ, ທ່ານ​ພົນ​ຈັດຕະວາ ຫງວຽນຈ້ອງ​ເຫງຍ ​ໄດ້​ສະ​ແດງຄວາມຂ່ຳນັບ​ຮັບ​ຕ້ອນຢ່າງ​ຈິງ​ໃຈ ຕໍ່ຄະນະ​ພະນັກງານ​ໜັງສືພິມ​ກອງທັບ​ປະຊາຊົນລາວ ແລະ ​ໂຮງພິມ​ລາວ. ​ໃນ​ຊຸມ​ປີ​ທີ່​ຜ່ານ​ມາ, ຫວຽດນາມ​ຍາມ​ໃດ​ກໍ່​ໃຫ້​ບຸລິມະສິດ​ອັນ​ດັບ​ໜຶ່ງ​ ແກ່​ການ​ຂະຫຍາຍ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື, ພິ​ເສດ​ແມ່ນ​ໃນ​ຂົງ​ເຂດ​ການ​ປ້ອງ​ກັນ​ປະ​ເທດ, ກັບ​ບັນດາ​ປະ​ເທດ​ເພື່ອນ​ບ້ານ​ໃກ້​ຄຽງ, ​ໃນ​ນັ້ນ​ມີ​ປະ​ເທດ​ລາວ​ອ້າຍ​ນ້ອງ.

​ໃນ​ການ​ພົວພັນ​ຮ່ວມ​ມື​ດ້ານ​ການ​ປ້ອງ​ກັນ​ປະ​ເທດ​ລະຫວ່າງ​ສອງ​ປະ​ເທດ, ການ​ຮ່ວມ​ມື​ດ້ານ​ວຽກ​ງານ​ພັກ ວຽກ​ງານ​ການ​ເມືອງ​ ແມ່ນ​​ໜຶ່ງ​ໃນ​ບັນດາເນື້ອ​ໃນຫຼັກ​ແຫຼ່ງ​ແກ່ນສານ. ​ໃນ​ເວລາ​ທີ່​ຜ່ານ​ມາ, ສອງຝ່າຍ​ໄດ້​ເອົາ​ໃຈ​ໃສ່​ເປັນ​ສຳຄັນ​ເຖິງ​ການ​ໂຄສະ​ນາ ອົບຮົມ​ສຶກສາ​ໃຫ້​ພະນັກງານ ນັກຮົບ ​ແລະ ປະຊາຊົນ ກ່ຽວ​ກັບ​ສາຍ​ພົວພັນ​ອັນ​ເປັ​ນມູນ​ເຊື້ອຫວຽດນາມ - ລາວ; ​ແຕ່ງ​ຕັ້ງ​ຄະນະ​ປະຕິບັດ​ງານຫຼາຍ​ຄະນະ ​ໄປ​ຢ້ຽມຢາມ ​ແລກປ່ຽນ​ເມື້ອ​ໃນ​ຕ່າງໆ ກ່ຽວ​ກັບ​ວຽກ​ງານ​ໂຄສະນາ​ອົບຮົມ, ວຽກ​ງານ​ການຈັດ​ຕັ້ງ ພະນັກງານ ຂົນຂວາຍ​ປະຊາຊົນ ​ແລະ ນະ​ໂຍບາຍ. ການ​ນຳ​ກົມ​ໃຫຍ່​ການ​ເມືອ​ງກອງທັບ​ຂອງ​ສອງ​ປະ​ເທດ ​ໄດ້​ພົບ​ປະແລກປ່ຽນກັນ​ຢ່າງ​ເປັນ​ປະຈຳ, ​ເພີ່ມ​ທະວິ​ການ​ຊີ້​ນຳ​ປະຕິບັດ​ບັນດາ​ເນື້ອ​ໃນ​ຮ່ວມ​ມື ​ໃຫ້​ເຂົ້າ​ສູ່​ລວງ​ເລິກ ​ແລະ ມີ​ປະສິດທິ​ຜົນ. ​ເນື່ອງ​ໃນ​ໂອກາດ​ນີ້, ທ່ານ​ພົນ​ຈັດຕະວາ ຫງວຽນຈ້ອງ​ເຫງຍ ສະ​ແດງ​ຄວາມ​ຂອບອົກ​ຂອບ​ໃຈຕໍ່​ພັກ ລັດ ກອງ​ທັບ ​ແລະ ປະຊາຊົນ​ລາວ​ບັນດາ​ເຜົ່າ ທີ່​ໄດ້​​ໃຫ້ການ​ຊ່ວຍ​ເຫຼືອ​ໃນ​ການ​ຊອກ​ຫາ ​ເກັບ​ໂຮມ ຍົກຍ້າຍ​ອັດຖິຂອງ​ທະຫານ​ອາສາ​ສະໝັກ​ຫວຽດນາມ ​ກັບ​ຄືນ​ເມືອ​ປະ​ເທດ.

​ທ່ານພັນ​ໂທ ຄຳ​ສາວ ​ແກ້ວ​ວິ​ເສດ ​ໄດ້​ຂອບ​ອົກ​ຂອບ​ໃຈ​ຕໍ່​​ກະຊວງ​ປ້ອງ​ກັນ​ປະ​ເທດ​ຫວຽດນາມ ທີ່​ໄດ້​ໃຫ້ການ​ຕ້ອນຮັບ​ອັນ​ມີ​ກຽດ​ແກ່​ຄະນະ ​ແລະ ​ແຈ້ງ​ໃຫ້ທ່ານ​ພົນ​ຈັດຕະວາ ຫງວຽນຈ້ອງ​ເຫງຍ ຊາບ​ກ່ຽວ​ກັບຜົນສຳ​ເລັດ​​ແຫ່ງ​ການ​ເຮັດ​ວຽກ​ຂອງ​ຄະນະ ກັບ​ໜັງສືພິມ​ກອງທັບ​ປະຊາຊົນ​ຫວຽດນາມ ​ແລະ ບໍ​ລິສັດ​ເອກະ​ສະມາຊິກ​ຈຳກັດ​ໂຮງພິມ​ກອງທັບ​ທີ 1 ​ແລະ ຢັ້ງຢືນ​ວ່າ ໜັງ​ມື​ພິມ​ກອງທັບ​ລາວ ຈະ​ສືບ​ຕໍ່​ສົມທົບ​ຢ່າງ​ແທດ​ກັບ​ຕົວ​ຈິງ​ກວ່າ​ອີກ​ກັບໜັງສື​ພິມ​ກອງທັບ​ຫວຽດນາມ ​ແນ​ໃສ່​ໂຄສະນາ ​ອົບຮົມ​ສຶກສາ ຍົກ​ສູງ​ຄວາມ​ຮັບ​ຮູ້​ກ່ຽວ​ກັບ​ຄວາມ​ໝາຍ ​ແລະ ຄວາມ​ສຳຄັນ ​ຂອງ​ການ​ເພີ່ມ​ທະວີສາຍ​ພົວພັນ​ພິ​ເສດ​ລະຫວ່າງ​ສອງ​ປະ​ເທດ, ສອງ​ກອງທັບ​ໃນ​ສະພາບ​ການ​ໃໝ່./.

ໂດຍ: ມິ​ງ​ແຂງ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ