ວັນອາທິດ, 22/9/2019
ຫວຽດນາມໃຫ້ບຸລິມະສິດ ການພັດທະນາສາຍພົວພັນກັບມຽນມາ
2/10/2013 9:5' ສົ່ງ ພິມ
ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ກ່າວຄຳປາໄສທີ່ວາລະປະຊຸມຄົບຄະນະ ຂອງສະພາແຫ່ງຊາດມຽນມາ

ຢູ່ທີ່ນີ້, ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ໄດ້ມີບົດປາໄສທີ່ສຳຄັນຕໍ່​ບັນດາ​ສະມາຊິກ​ສະພາ​ແຫ່ງສະຫະພາບມຽນມາ, ຢັ້ງຢືນ​ຄວາມ​ຕັດສິນ​ໃຈ​ພັດທະນາ​ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ການ​ຮ່ວມ​ມື​ຫຼາຍ​ດ້ານ​ລະຫວ່າງ​ສອງ​ປະ​ເທດ ​ແລະ ສອງ​ສະພາ​ແຫ່ງ​ຊາດ.

ວາລະ​ປະຊຸມ​ຄົບ​ຄະນະ​ຂ​ອງສະພາ​ແຫ່ງ​ຊາດ​ສະຫະພາບ​ມຽນມາ ດຳ​ເນີນ​ພາຍ​ໃຕ້​ການ​ເປັນ​ປະທານຂອງ​ທ່ານ ຄີນອາງ​ມີ​ນ ປະທານ​ວຸດ​ທິສະພາ ຄວບ​ໜ້າ​ທີ່​ປະທານ​ສະພາ​ແຫ່ງ​ຊາດ​ສະຫະພາບ​ມຽນມາ ​ແລະ ມີ​ການ​ເຂົ້າ​ຮ່ວມ​ຂອງ​ທ່ານ ຕົວ​ອູ ຊູ​ມານ ປະທານ​ສະພາຕ່ຳ.

ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງຮຸ່ງ ຖື​ວ່າ​ນີ້​ແມ່ນ​ກຽດ​ອັນ​ສະຫງ່າ​ພິ​ເສດ ​ເປັນ​ການສະ​ແດງ​ອອກ​ຢ່າງ​ມີ​ຊີວິດ​ຊີວາ​ ເຖິງ​ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ໄວ້​ເນື້ອ​ເຊື່ອ​ໃຈ​ກັນ ​ແລະ ຜູກ​ພັນ​ສະໜິດ​ແໜ້ນນຳ​ກັນ ​ລະຫວ່າງ​ສອງ​ປະ​ເທດ, ​ແລະທ່ານ​ໄດ້​ຢັ້ງຢືນ​ນະ​ໂຍບາຍການ​ຕ່າງປະ​ເທດ​ທີ່​ສະ​ເໝີ​ຕົ້ນ​ສະ​ເໝີ​ປາຍ​ຂອງ​ຫວຽດນາມ ​ໃຫ້​ບຸລິມະສິດ​ການພັດທະນາສາຍ​ພົວພັນ ​​ແລະ ​ເຮັດ​ໃຫ້ການ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ການ​ພົວພັນ​ຫຼາຍ​ດ້ານ​ກັບ​ມຽນມາເລິກ​ເຊິ່ງກວ່າອີກ ເພື່ອ​ການ​ຂະຫຍາຍຕົວ​ຂອງ​ແຕ່ລະ​ປະ​ເທດ ກໍ່​ຄື​ເພື່ອ​ສັນ​ຕະພາບ ສະຖຽນ​ລະ​ພາບ ​ແລະ ຄວາມ​ວັດທະນາ​ຖາວອນ​ຂອງ​ພາກ​ພື້ນ ​ແລະ ຂອງ​ໂລກ.

ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ໄດ້​ເນັ້ນ​ວ່າ ຫວຽດນາມ ​ແລະ ມຽນມາ​ມີ​ຫຼາຍໆ​ຈຸດ​ທີ່​ຄ້າຍຄື​ກັນ​ທາງ​ດ້ານ​ປະຫວັດສາດ ວັດທະນະທຳ ​ແລະ ຮີດຄອງ​ປະ​ເພນີ, ດັ່ງນັ້ນ ສະ​ເໜີ​ໃຫ້​ສອງ​ຝ່າຍ​ຂຸດ​ຄົ້ນ​ຢ່າງ​ແຂງ​ແຮງ​ກວ່າ​ອີດ​ ຄວາມ​ສາມາດ​ບົ່ມ​ຊ້ອນດ້ານ​ການ​ຮ່ວມ​ມື ​ໃຫ້​ສົມ​ຄູ່​ກັບ​ການ​ພົວພັນ​ດ້ານ​ການ​ເມືອງ​ທີ່​ຈົບງາມ​ ລະຫວ່າງ​ສອງ​ປະ​ເທດ. ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ຢືນຢັນ​ວ່າ ສະພາ​ແຫ່ງ​ຊາດ​ຫວຽດນາມ ຈະ​ສົມທົບ​ຢ່າງ​ແໜ້ນ​ແຟ້ນກັບ​ສະພາ​ແຫ່ງ​ຊາດ​ມຽນມາ ​ເພື່ອ​ແນ​ໃສ່​ປະຕິບັດ​ຂໍ້​ຕົກລົງ​ທີ່​ຫາ​ກໍ​ສ້າງ​ຕັ້ງ​ຂຶ້ນ​ນັ້ນ​ ໃຫ້​ໄດ້​ຮັບ​ປະສິດທິ​ຜົນ, ພ້ອມ​ກັນ​ນັ້ນ​ກໍ​ຍູ້​ແຮງ​ການ​ຕິດຕາມ​ກວດກາການຜັນ​ຂະຫຍາຍ​ປະຕິບັດ ບັນດາ​ຂໍ້​ຕົກລົງ ​ແລະ ຄຳ​ໝັ້ນ​ສັນຍາ​ອື່ນໆ ລະຫວ່າງ​ສອງ​ປະ​ເທດ.

​ເມື່​ອ​ເຕື້ອງ​ເຖິງ​ບັນດາ​ໄພ​ອັນຕະລາຍ​ທີ່​ພວມ​ນາບ​ຂູ່​ຕໍ່​ສັນຕິພາບ ​ແລະ ຄວາມ​ສະຫງົບຢູ່​ພາກ​ພື້ນອາຊີ​ຕາ​ເວນ​ອອກສຽງ​ໃຕ້, ອາຊີ - ປາຊີ​ຟິກ ​ໃນ​ນັ້ນ​ມີ​ບັນຫາ​ທະ​ເລ​ຕາ​ເວນ​ອອກ ​ແລະ ບັນດາ​ບັນຫາຄວາມ​ສະຫງົບ​ທີ່​ບໍ່​ເປັນ​ແບບ​ດັ້ງ​ເດີມ ​ເຊັ່ນ​ການ​ປ່ຽນ​ແປງ​ດິນຟ້າ​ອາກາດ ​ໂລກ​ລາ​ບາດ ​ແຫຼ່ງນ້ຳ..., ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ເນັ້ນ​ວ່າ: "ການ​ສືບ​ຕໍ່​ເພີ່ມ​ທະວີ, ພັດທະນາ​ສາຍພົວພັນມິດຕະພາບ​ອັນ​ເປັນ​ມູນ​ເຊື້ອ ການ​ຮ່ວມ​ມື​ຫຼາຍ​ດ້ານລະຫວ່າງ​ຫວຽດນາມ - ມຽນມາ ບໍ່​ພຽງ​ແຕ່​ແມ່ນ​ຄວາມ​ຮຽກຮ້ອງ​ຕ້ອງການ​ພາວະ​ວິ​ໄສ​ເທົ່າ​ນັ້ນ ຫາກ​ຍັງ​ແມ່ນ​ຄວາມ​ມຸ່ງ​ມາດ​ປາຖະໜາ​ຂອງ​ປະຊາຊົນ ​ແມ່ນ​ຄວາມ​ຮັບຜິດຊອບ​ຂອງ​ການ​ນຳ​ຂອງ​ສອງ​ປະ​ເທດ ​ແມ່ນ​ປັດ​ໃຈ​ຮັບປະກັນ​ໃຫ້​ແກ່​ການ​ປະຕິບັດ​ຢ່າງ​ສຳ​​ເລັດ​ຜົນການ​ປ່ຽນ​ແປງ​ໃໝ່ ​ແລະ ການພັດທະນາ​ຂອງ​ແຕ່ລະ​ປະ​ເທດ; ພ້ອມ​ກັນ​ນັ້ນ​ກໍ​ປະກອບສ່ວນ​ຮັກສາ ປັບປຸງ​ສັນຕິພາບ ສະຖຽນ​ລະ​ພາບ ​ແລະ ຄວາມ​ວັດທະນາ​ຖາວອນ​ຂອງ​ພາກ​ພື້ນ ​ແລະ ​ໃນ​ໂລກ".

ຕອນ​ທ່ຽງ​ວັນ​ດຽວ​ກັນ, ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ແລະ ຄະນະ​ຜູ້​ແທນ​ຂັ້ນ​ສູງ​ຂອງ​ສະພາ​ແຫ່ງ​ຊາດ​ຫວຽດນາມ ​ໄດ້​ໄປ​ຢາມ​ຢ່າງ​ກຸ້ງ - ນະຄອນ​ໃຫຍ່​ກວ່າ​ເພີ່ນ ​ແລະ ​ເປັນ​ສູນ​ເສດຖະກິດ - ວັດທະນະທຳ​ຂອງ​ມຽນມາ. ຢູ່​ນະຄອນ​ນີ້, ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ແລະ ຄະນະ​ຜູ້​​ແທນ ​ໄດ້​ໄປ​ຢາມ​ສະຖານທູດ​ຫວຽດນາມ ​ແລະ ພົບ​ປະ​ກັບຊົມ​ຮົມ​ຊາວ​ຫວຽດນາມ​ຢູ່​ຢ່າງ​ກຸ້ງ. ​ໃນ​ການ​ພົບ​ປະ, ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ເນັ້ນ​ໜັກ​ເຖິງຈຸດປະສົງການ​ມາ​ຢ້ຽມຢາມ​ມຽນມາ​ຢ່າງ​ເປັນ​ທາງ​ການ ຂອງ​ຄະນະ​ຜູ້​ແທນ​ຂັ້ນ​ສູງ​ສະພາ​ແຫ່ງ​ຊາດ​ຫວຽດນາມ ນັ້ນ​ແມ່ນ​ເພື່ອ​ແນ​ໃສ່ປະກອບສ່ວນ​ປັບປຸງ​ສາຍ​ພົວພັນ ​ແລະ ​ເຮັດ​ໃຫ້ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ການ​ຮ່ວມ​ມື​ໃນ​ທຸກຂົງ​ເຂດລະຫວ່າງ​ສອງ​ປະ​ເທດໃຫ້​​ເລິກ​ເຊິ່ງກວ່າ​ອີກ.

ຕອນ​ຄ່ຳ​ວັນ​ດຽວ​ກັບ, ທ່ານປະທານ​ສະພາ​ແຫ່ງ​ຊາດ​ຫວຽດນາມ ຫງວຽນຊິງ​ຮຸ່ງ ​ໄດ້​ມີ​ການ​ພົບ​ປະ​ກັບ​ຜູ້​ປົກຄອງ​ເຂດຢ່າງ​ກຸ້ງ./.

ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ