ວັນອາທິດ, 18/8/2019
ທ່ານນາຍົກລັດຖະມົນຕີ ຫງວຽນເຕິນຢຸ໊ງ ເຂົ້າຮ່ວມກອງປະຊຸມສຳມະນາຂັ້ນສູງ ຂອງສະມັດຊາໃຫຍ່ສະຫະປະຊາຊາດ
6/12/2013 7:36' ສົ່ງ ພິມ
ພາບ: ທ່ານນາຍົກລັດຖະມົນຕີ ຫງວຽນເຕິນຢຸ໊ງ ເຂົ້າຮ່ວມ ແລະ ກ່າວປາໄສທີ່ກອງປະຊຸມສຳມະນາລວມ ຂອງສະມັດຊາໃຫຍ່ສະຫະປະຊາຊາດ ສະໄໝສາມມັນເທື່ອທີ່ 68

ສະມັດຊາ​ໃຫຍ່​ສະຫະ​ປະຊາ​ຊາດສະ​ໄໝ​ສາມັນ​ເທື່ອ​​ທີ 68 ​ແມ່ນ​ໂອກາດ​ສຳ​ຫຼວດກາງ​ສະ​ໄໝ ກ່ຽວ​ກັບ​ການ​ປະຕິບັດບັນດາ​ເປົ້າ​ໝາຍ​ການ​ພັດທະນາ​ສະຫັດ​ສະ​ວັດ (MDGs) ​ແລະ ​ເລີ່​ມການ​ກໍ່ສ້າງ​ລະບຽບ​ວາລະ​ການ​ພັດທະນາ​ຂອງສະຫະ​ປະຊາ​ຊາດ ພາຍຫຼັງ​ປີ 2015 ​ແລະ ກໍ່ສ້າງ​ບັນດາ​ເປົ້າ​ໝາຍ​ພັດທະນາ​​ແບບຍືນ​ຍົງ ​ໂດຍ​ມີ​ຫົວ​ຂໍ້​ທີ່​ໄດ້​ສະ​ເໜີ​ຄື “ວາງ​ພື້ນຖານ​ກໍ່ສ້າງ​ລະບຽບ​ວາລະ​ການ​ພັດທະນາ ພາຍຫຼັງ​ປີ 2015”.

ດ້ວຍບົດປາໄສທີ່ມີຫັບຂໍ້: ມະນຸດຕ້ອງການໂລກແຫ່ງໜຶ່ງທີ່ບໍ່ມີສົງຄາມ ບໍ່ມີຄວາມອຶດຫີວທຸກກຍາກ, ທ່ານນາຍົກລັດຖະມົນຕີ ຫງວຽນເຕິນຢຸ໊ງ ເນັ້ນວ່າ ວົງຄະນາຍາດສາກົນຈົ່ງດ້ວຍຄວາມຮັບຜິດຊອບ ແລະ ນ້ຳໃຈເມດຕາ ພະຍາຍາມກວ່າອີກໃຫ້ແກ່ການປະຕິບັດລະບຽບວາລະການພັດທະນາພາຍຫຼັງປີ 2015 ແນໃສ່ປົກປັກຮັກສາສັນຕິພາບ ຊຸກຍູ້ການຮ່ວມມືລົງລ້າງຄວາມທຸກຍາກອຶດຫີວໃຫ້ໝົດໄປ ແລະ ປົກປັກຮັກສາດາວເຄາະຂອງພວກເຮົາ. ທ່ານນາຍົກລັດຖະມົນຕີຮຽກຮ້ອງໃຫ້ເພີ່ມທະວີການຊ່ວຍເຫຼືອ ແລະ ມີຂັ້ນຕອນສອດຄ່ອງ ເພື່ອໃຫ້ບັນດາປະຊາຊາດດ້ອຍພັດທະນາກວ່າ ໄດ້ເຂົ້າຮ່ວມຢ່າງມີປະສິດທິຜົນ ໃນບັນດາສັນຍາ ການຈັດຕັ້ງສາກົນ ແລະ ແກ້ໄຂບັນດາບັນຫາລວມຂອງມະນຸດຊາດ.

ຕໍ່​ກັບ​ທະ​ເລ​ຕາ​ເວັນ​ອອກ, ບ່ອນ​ທີ່​ສິນ​ຄ້າ​ຂອງ​ໄລ​ກກວ່າ​ເຄິ່ງໜຶ່ງ​ໄດ້​ໄປ​ຜ່ານ - ຮັບປະກັນ​ຄວາມ​ສະຫງົບ​ປອດ​ໄພ​ໃນ​ການ​ເດີນ​ທະ​ເລ ​ແມ່ນ​ຜົນ​ປະ​ໄຫ​ຍດຕົວ​ຈິງ ບໍ່​ພຽງ​ແຕ່​ຕໍ່​ກັບ​ພາກ​ພື້ນ​ເທົ່າ​ນັ້ນ ຫາກ​ຍັງ​ຕໍ່​ກັບ​ທົ່ວ​ໂລກ​ນຳ​ອີກ. ຫວຽດນາມ​ຕັ້ງ​ໝັ້ນ​ສະ​ເໝີ​ຕົ້ນ​ສະ​ເໝີ​ປາຍ​ໃນ​ແຜນ​ນະ​ໂຍບາຍ​ແກ້​ໄຂ​ການ​ພິພາດ​ຍາດ​ແຍ້​ງຕ່າງໆ ດ້ວຍ​ສັນຕິ​ວິທີ; ປົກ​ປ້ອງ​ຜົນ​ປະ​ໂຫຍ​ດອັນ​ຊອບ​ທຳ​ຂອງ​ຕົນ, ພ້ອມ​ກັນ​ນັ້ນ​ກໍ່​ເພື່ອ​ຜົນ​ປະ​ໂຫຍ​ດລວມ, ສອດຄ່ອງ​ກັບ​ກົດໝາຍ​ສາກົນ, ສົນທິສັນຍາ​ຂອງ​ສະຫະ​ປະຊາ​ຊາດ​ກ່ຽວ​ກັບ​ກົດ​ໝາຍ​ທະ​ເລ​ປີ 1982, ປະຕິບັດ​ຕາມ​ຖະ​ແຫຼ​ງການ​ວ່າ​ດ້ວຍ​ວິທີ​ການ​ປະພຶດ​ຂອງ​ຝ່າຍ​ຕ່າງໆ ຢູ່​ທະ​ເລ​ຕາ​ເວັນ​ອອກ (DOC), ບັນດາສັນຍາ​ໃນ​ພາກ​ພື້ນ ​ແລະ ກ້າວ​​ໂດຍ​ໄວໄປສູ່​ປະ​ມວນຂໍ້​ກຳນົດກ່ຽວ​ກັບ​ການ​ປະພຶດ​ຂອງ​ບັນດາ​ຝ່າຍ​ຢູ່​ທະ​ເລ​ຕາ​ເວັນ​ອອກ (COC).

     ທ່ານນາຍົກລັດຖະມົນຕີ ຫງວຽນເຕິນຢຸ໊ງ ໃຫ້ທັດສະນະວ່າ ສັນຕິພາບພຽງແຕ່ໄດ້ຮັບ​ການ​ປົກ​ປັກ​ຮັກສາ​ໄວ້ ໃນເມື່ອປະເທດຕ່າງໆ ລ້ວນ​ແຕ່​ນັບຖືເອກະລາດ ອະທິປະໄຕ ແລະ ມູນເຊື້ອວັດທະນະທໍາ ຂອງກັນແລະກັນ, ບໍ່ນຳ​ເອົາມາດຕະຖານດ້ານການເມືອງ ​ແລະ ຄຸນສົມບັດຂອງ​ຕົນ​ມາ​ຍັ​ດ​ໃສ່​ປະ​ເທດ​ອື່ນ; ​ໃນ​ເມື່ອ​ບົດບາດ​ຂອງ​ສະຫະ​ປະຊາ​ຊາດ, ຂອງສະພາປ້ອງກັນຄວາມໝັ້ນຄົງ ສະຫະປະຊາຊາດໄດ້ເສີມຂະຫຍາຍ... ແລະ ກ່ອນອື່ນໝົດແມ່ນ ຄວາມໄວ້ວາງໃຈຍຸດທະສາດລະຫວ່າງບັນດາປະເທດ ຕ້ອງໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງ ດ້ວຍຄວາມຈິງໃຈ, ກິລິນາມາລະຍາດຊື່ສັດ ແລະ ການກະທຳແທດຈິງ, ລະອຽດເຊັ່ນ ການລົບລ້າງການປິດລ້ອມປະເທດກູບາ ຫຼື ການຮັບຮອງເອົາສິດຕັດສິນດ້ວຍຕົນເອງຂອງປາແລສຕີນ.

ທ່ານນາຍົກລັດຖະມົນຕີ ຫງວຽນເຕິນຢຸ໊ງ ຢືນຢັນວ່າ ຫວຽດນາມໄດ້ກຽມພ້ອມ ເພື່ອເຂົ້າຮ່ວມໃນການເຄື່ອນໄຫວປົກປັກຮັກສາສັນຕິພາບ ຂອງສະຫະ​ປະຊາ​ຊາດ. ຫວຽດນາມ​ໄດ້​ເປັນ ​ແລະ ຈະ​ເປັນ​ຄູ່​ຮ່ວມ​ທີ່​ໄວ້​ວາງ​ໃຈ​ໄດ້ ​ເປັນ​ສະທາ​ຊິກ​ທີ່​ມີ​ຄວາມ​ຮັບຜິດຊອບ​ຂອງ​ວົງ​ຄະນາ​ຍາດ​ສາກົນຢ່າງ​ຕະຫຼອດ​ການ.

​ເນື່ອງ​ໃນ​ໄອ​ກາ​ດມາ​ຮ່ວມ​ກອງ​ປະຊຸມ​ປະຈຳ​ປີ​ຂອງ​ສະມັດຊາ​ໃຫຍ່ສະຫະ​ປະຊາ​ຊາດ​ເທື່ອ​ທີ່ 68, ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸ໊ງ ​ໄດ້​ພົບ​ປະ​ປຶກສາ​ຫາລື​ກັບ​ທ່ານ​ເລຂາທິການ​ໃຫຍ່ສະຫະ​ປະຊາ​ຊາດ​ ບານ ກີ​ມູນ.

ຢູ່​ທີ່​ການ​ພົບ​ປະ​ປຶກສາ​ຫາລື, ທ່ານນາຍົກລັດຖະມົນຕີ ຫງວຽນເຕິນຢຸ໊ງ ໄດ້ຢືນຢັນວ່າ ຫວຽດນາມໃຫ້ຄວາມສຳຄັນ ແລະ ຈະປະກອບສ່ວນອັນຕັ້ງໜ້າ ເຂົ້າໃນການກໍ່ສ້າງບັນດາຍຸດທະສາດ ໂຄງການການກະທຳຂອງສະຫະ​ປະຊາ​ຊາດ​ ​ໃນ​ຂົງ​ເຂດ​ຕ່າງໆ; ປະຕິບັດ​ຢ່າງ​ມີ​ປະສິດທິ​ຜົນຄວາມ​ຄິດ​ປະດິດ “​ເປັນ​ເອກະ​ພາບ​ໃນ​ການ​ກະທຳ” ​ເພື່ອ​ແນ​ໃສ່​ເພີ່ມ​ທະວີ​ການ​ສົມທົບ​ ຂອງ​ບັນດາ​ອົງການ​ຈັດ​ຕັ້ງສະຫະ​ປະຊາ​ຊາດ​; ຜັນ​ຂະຫຍາຍ​ການ​ປະກອບສ່ວນ​ໃໝ່, ​ໃນ​ສະ​ເພາະ​ໜ້າ​ແມ່ນ ​​ແຜນການ​ຫວຽດນາມເຂົ້າ​ຮ່ວມການ​ເຄື່ອນ​ໄຫວ​ປົກ​ປັກ​ຮັກສາ​ສັນຕິພາບ ຂອງສະຫະ​ປະຊາ​ຊາດ​ ​ໃນ​ປີ 2014.

ທ່ານນາຍົກລັດຖະມົນຕີ ຫງວຽນເຕິນຢຸ໊ງ ສະແດງຄວາມປະສົງຈະສືບຕໍ່ໄດ້ຮັບການຊ່ວຍເຫຼືອ ຂອງສະຫະປະຊາຊາດ ​ແລະ ຂອງ​ທ່ານ​ເລຂາທິການ​ໃຫຍ່ ບານ ກີ​ມູນ ກ່ຽວ​ກັບ​ການ​ຍົກ​ສູງ​ຄວາມ​ສາມາດ​ດ້ານ​ລະບອບ-ລະບຽບ, ບຸກຄະລາ​ກອນ, ຄຳ​ແນະນຳ​ປຶກສາ​ດ້ານ​ນະ​ໂຍບາຍ​ ໃຫ້​ແກ່​ການ​ຫັນປ່ຽນຕົວ​ແບບ​ເຕີບ​ໂຕ​ເສດຖະກິດ, ​ແກ້​ໄຂ​ບາງ​ບັນຫາ​ສັງຄົມ, ຮັບ​ມື​ກັບ​ການ​ປ່ຽນ​ແປງ​ສະພາບ​ດິນ​ຟ້າ​ອາກາດ. ພ້ອມ​ກັນ​ນັ້ນ​ກໍ່​ຊ່ວຍ​ເຫຼືອ​ບົດຮຽນ ​ແລະ ດ້ານ​ອື່ນໆ​ ໃຫ້​ແກ່​ການ​ເຊື່ອມ​ໂຍງ​ເຂົ້າ​ກັບ​ເສດຖະກິດ​ສາກົນ ​ຂອງ​ຫວຽດນາມ, ປະກອບສ່ວນ​ຊຸກຍູ້​ການ​ແກ້​ໄຂບັນດາ​ບັນຫາ​ທີ່​ກ່ຽວ​ພັນ​ກັບ​ຫຼາຍ​ປະ​ເທດ​ໃນ​ພາກ​ພື້ນ ​ເຊັ່ນ​ການ​ຮ່ວມ​ມື​ໃນ​ການ​ນຳ​ໃຊ້​ແຫຼ່ງນ້ຳ​ແມ່​ນ້ຳຂອງ​ຢ່າງ​ສະ​ເໝີ​ພາບ ສົມ​​ເຫດ​ສົມ​ຜົນ, ​ແກ້​ໄຂ​ການ​ພິພາດ​ຕ່າງໆ ຢູ່​ທະ​ເລ​ຕາ​ເວັນ​ອອກ​ດ້ວຍ​ສັນຕິ​ວິທີ ສອດຄ່ອງ​ກັບ​ກົດໝາຍ​ສາກົນ, ​ໃນ​ນັ້ນ​ມີສົນທິສັນຍາກ່ຽວກັບກົດໝາຍທະເລປີ 1982 ຂອງສະຫະປະຊາຊາດ.

ທ່ານ​ເລຂາທິການ​ໃຫຍ່ສະຫະ​ປະຊາ​ຊາດ ບານ ກີ​ມູນ ຕີ​ລາຄາ​ສູງຕໍ່​ຜົນສຳ​ເລັດ​ຕ່າງໆ ຂອງ​ຫວຽດນາມ ​ໃນ​ການ​ພັດທະນາ​ເສດຖະກິດ - ສັງ​ຄົມ, ຮັກສາ​ສະຖຽນ​ລະ​ພາບ​ດ້ານ​ການ​ເມືອງ, ປະກອບສ່ວນ​ອັນ​ຕັ້ງໜ້າ​ເຂົ້າ​ໃນ​ການ​ຮັກສາ​ສັນຕິພາບ ສະຖຽນ​ລະ​ພາບ ​ແລະ ການ​ພັດທະນາ​ຢູ່​ໃນ​ພາກ​ພື້ນ ​ແລະ ​ໃນໂລກ; ຕີ​ລາຄາ​ສູງ​ຕໍ່​ບົດບາດ​ອັນຕັ້ງໜ້າ​ຂອງ​ຫວຽດນາມ ຢູ່​ໃນ​ວົງ​ຄະນາ​ຍາດ​ອາ​ຊຽນ, ຊົມ​ເຊີຍ​ຕໍ່​ການ​ທີ່​ຫວຽດນາມ​ຕົກລົງ​ເຂົ້າ​ຮ່ວມ ​ໃນ​ການ​ເຄື່ອນ​ໄຫວ​ປົກ​ປັກ​ຮັກສາສັນຕິພາບ ຂອງສະຫະ​ປະຊາ​ຊາດ​ ​ແລະ ສະ​ແດງ​ຄວາມ​ປາຖະໜາ​ພ້ອມ​ກັນ​ຊຸກຍູ້​ການ​ຮ່ວມ​ມື​ຢ່າງ​ກວ້າງຂວາງ​ເລິກ​ເຊິ່ງ ລະຫວ່າງສະຫະ​ປະຊາ​ຊາດ​ ​ແລະ ຫວຽດນາມ.

ຢູ່​ລະບຽງຂອງ​ການ​ປະຊຸມ​ສຳ​ມະ​ນາ​ທີ່​ສະມັດຊາ​ໃຫຍ່ສະຫະ​ປະຊາ​ຊາດ, ທ່ານນາຍົກລັດຖະມົນຕີ ຫງວຽນເຕິນຢຸ໊ງ ໄດ້ມີບັນດາການພົບປະເຮັດວຽກກັບ ທ່ານນາງ ເຮແລນ ກລາກ ຜູ້ອຳນວຍກາຍໃຫຍ່ອົງກາສະຫະປະຊາຊາດ ເພື່ອໂຄງການພັດທະນາ (UNDP), ທ່ານ​ອານ​ໂຕ​ນີ ​ເລກ ຜູ້ອຳນວຍການກອງ​ທຶນ​ຊ່ວຍ​ເຫຼືອ​ເດັກນ້ອຍສາກົນ​ຂອງສະຫະ​ປະຊາ​ຊາດ​ (UNICEF) ​ແລະ ທ່ານ​ບາ​ບາ​ຕູນ ​ໂອ​ໂຊ​ຕີມຮີນ ຜູ້ອຳນວຍການ​ໃຫຍ່​ກອງ​ທຶນຂອງສະຫະ​ປະຊາ​ຊາດ ​ເພື່ອການເຄື່ອນໄຫວດ້ານ​ປະຊາກອນ​  (UNFPA)./.

ສັງ​ລວມ​ໂດຍ: ຫງວຽນ​ດົງ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ