ວັນພຸດ, 20/9/2017
ນະຄອນໂຮ່ຈີມິນ ສະເຫຼີມສະຫຼອງວັນຊາດຂອງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 37 ປີ
3/1/2013 17:24' ສົ່ງ ພິມ
ລາຍການສະແດງສິນລະປະພື້ນເມືອງລາວ ໃນພິທີສະເຫຼີມສະຫຼອງ - ຮູບຂອງ: phunuonline.com.vn

     ເຂົ້າຮ່ວມໃນພິທີສະເຫຼີມສະຫຼອງ ມີຜູ້ຕາງໜ້າການນຳ ນະຄອນໂຮ່ຈີມິນ, ກົງສູນໃຫຍ່ຂອງ ສປປ ລາວ ປະຈຳ ນະຄອນໂຮ່ຈີມິນ, ບັນດາອະດີດທະຫານອາສາສະໝັກຫວຽດນາມທີ່ເຄີຍໄປສູ້ຮົບຢູ່ລາວ ແລະ ນັກທຸລະກິດ ນັກຮຽນ ນັກສຶກສາລາວຫຼາຍຄົນ ທີ່ພວມດຳລົງຊີວິດ ແລະ ສຶກສາຮ່ຳຮຽນຢູ່ນະຄອນ ໂຮ່ຈີມິນ.

     ໂດຍລຶ້ມຄືນບັນດາຜົນງານຂອງການຕໍ່ສູ້ຍາດເອົາເອກະລາດແຫ່ງຊາດ ແລະ ບັນດາຜົນສຳເລັດທີ່ຜົ້ນເດັ່ນຂອງ ສປປ. ລາວ ພາຍຫຼັງສົງຄາມ, ທ່ານປະທານສະມາຄົມມິດຕະພາບ ຫວຽດນາທ-ລາວ ນະຄອນໂຮ່ຈີມິນ ຟານຊວນບຽນໄດ້ເນັ້ນໜັກວ່າ: “ຜ່ານການທົດສອບຂອງກາລະເວລາ, ພວກເຮົາຮູ້ສຶກເອກອ້າງທະນົງໃຈທີ່ສຸດ ທີ່ເຫັນວ່າສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດແລະການຮ່ວມມືຮອບດ້ານ ລາວ-ຫວຽດນາມ ທີ່ທ່ານປະທານໂຮ່ຈີມິນ, ທ່ານປະທານໄກສອນ ພົມວິຫານ, ທ່ານປະທານ ສຸພານຸວົງ ໄດ້ສ້າງຂຶ້ນແລະອອກເຫື່ອເທແຮງເພີ່ມພູນຄູນສ້າງນັ້ນ, ກໍ່ຖືກບັນດາຮຸ້ນພະນັກງານການນຳ, ບັນດານັກຮົບປະຕິວັດ ແລະ ປະຊາຊົນສອງປະເທດ ລາວ-ຫວຽດນາມ ປົກປັກຮັກສາສືບທອດ, ສືບຕໍ່ເພີ່ມພູນຄູນສ້າງ ແລະ ຂະຫຍາຍຢ່າງບໍ່ຢຸດຢັ້ງ ຈາກຮຸ້ນພໍ່ຕໍ່ຮຸ້ນລູກຫຼານ ແລະ ກາຍເປັນຊັບສົມບັດອັນລ້ຳຄ່າຂອງທັງສອງຊາດ”

     ທ່ານສຸດທິເດດ ພົມມະລາດ ຫົວໜ້າກົງສູນໃຫຍ່ແຫ່ງ ສປປ.ລາວ ປະຈຳນະຄອນໂຮ່ຈີມິນ ໄດ້ສະແດງຄວາມ ຂອບອົກຂອບໃຈຢ່າງຈິງໃຈຕໍ່ການຊ່ວຍເຫຼືອຂອງພັກ, ລັດ ແລະ ປະຊາຊົນຫວຽດນາມ ໃຫ້ແກ່ ພັກ, ລັດ ແລະ ປະຊາຊົນລາວໃນການຕໍ່ສູ້ຍາດເອົາເອກະລາດແຫ່ງຊາດ ກໍ່ຄືໃນຂະບວນວິວັດການສ້າງສາພັດທະນາເສດຖະກິດ - ສັງຄົມລາວໃນປັດຈຸບັນ. ສະຫາຍຢືນຢັນວ່າ ໃນຕະຫຼອດ 37 ປີຜ່ານມາ ສາຍພົວພັນມິດຕະພາບອັນໝັ້ນແກ່ນ ຄວາມສາມັກຄີພິເສດແລະການຮ່ວມມືຮອບດ້ານລະຫວ່າງ ລາວ-ຫວຽດນາມ ສືບຕໍ່ຂະຫຍາຍຕົວ, ກາຍເປັນຊັບສົມ ບັດອັນລ້ຳຄ່າຂອງສອງຊາດ, ເປັນປັດໃຈປະກອບສ່ວນເຂົ້າໃນໄຊຊະຂອງແຕ່ລະປະເທດ. ປັດຈຸບັນນີ້ ການຮ່ວມມື ລະຫວ່າງສອງປະເທດໃນບັນດາຂົງເຂດເສດຖະກິດ ການຄ້າ ວັດທະນະທຳ ການສຶກສາ ການປ້ອງກັນຊາດປ້ອງກັນ ຄວາມສະຫງົບ ການຕ່າງປະເທດ ລ້ວນແຕ່ນຳມາຊຶ່ງໝາກຜົນຕົວຈິງໃຫ້ແຕ່ລະປະເທດ.

     ໃນການພົວພັນຮ່ວມມືລົງທຶນ, ປັນຈຸບັນ ຫວຽດນາມຢູ່ໃນອັນດັບທີສອງ ໃນບັນດາປະເທດທີ່ລົງທຶນເຂົ້າລາວ ຊຶ່ງມີ 424 ໂຄງການ ດ້ວຍຍອດມູນຄ່າ 3,57 ຕື້ ໂດລາສະຫະລັດ. ຄິດໄລ່ເຖິງໄຕມາດທີ III-2012, ຍອດມູນຄ່າ ການຄ້າລະຫວ່າງສອງປະເທດໄດ້ບັນລຸ 700 ກວ່າລ້ານໂດລາສະຫະລັດ, ຄາດກະວ່າໃນໝົດປີ 2012 ຈະບັນລຸ 1 ຕື້ໂດລາສະຫະລັດ.

     ສະເພາະນະຄອນໂຮ່ຈີມິນ, ການພົວພັນຮ່ວມມືໃນຫຼາຍດ້ານກັບລາວ ກໍ່ໄດ້ຍົກສູງຂຶ້ນຢ່າງບໍ່ຢຸດຢັ້ງ ໃນຂົງເນດ ຕ່າງໆ ເຊັ່ນ ເສດຖະກິດ ການຄ້າ ການສາທາລະນະສຸກ ການສຶກສາ ການກະສິກຳ ການຫລຸດຜ່ອນຄວາມທຸກຈົາອຶດຫິວ. ມາເຖິງດຽວນີ້ ມີ 37 ວິສາຫະກິດຂອງນະຄອນໂຮ່ຈີມິນ ໄດ້ຮັບໃບອະນຸຍາດໃຫ້ລົງທຶນເຂົ້າລາວ ດ້ວຍຈຳນວນທຶນ ທັງໝົດເກືອບ 340 ລ້ານໂດລາສະຫະລັດ, ຕົ້ນຕໍ່ແມ່ນລົງທຶນເຂົ້າໃນຂົງເຂດກະສິກຳ ປ່າໄມ້ ລ້ຽງປາ ອຸດສາຫະກຳ ປຸງແຕ່ງ, ຂຸດຄົ້ນແຮ່ທາດ ແລະ ກໍ່ສ້າງ.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ