ວັນເສົາ, 21/9/2019
ຫວຽດນາມຖືກເລືອກຕັ້ງເຂົ້າໃນ ຄະນະມົນຕີສິດທິມະນຸດແຫ່ງສະຫະປະຊາຊາດ ດ້ວຍຄະແນນສຽງສູງທີ່ສຸດ
14/2/2014 18:36' ສົ່ງ ພິມ
ສຳນັກງານສະຫະປະຊາຊາດຢູ່ທີ່ ນິວຢອກ. ພາບຂອງ: TTXVN

ດ້ວຍ​ຄະ​ແນນ​ສຽງ​ເຫັນ​ດີ 184 ຄະ​ແນນ​ໃນ​ຈຳນວນ 192 ຄະ​ແນນ​ທັງ​ໝົດ, ຫວຽດນາມ​ໄດ້​ຖືກ​ເລືອກ​ຕັ້ງ​ດ້ວຍ​ຈຳນວນ​ຄະ​ແນນ​ສຽງ​ສູງ​ທີ່​ສຸດ​ໃນ 14 ປະ​ເທດ​ສະມາຊິກ​ໃໝ່ ​​ແລະ ເປັນຄັ້ງ​ທຳ​ອິດ​ທີ່​ຫວຽດນາມໄດ້​ເປັນ​ສະມາຊິກ ​ຄະນະ​ມົນຕີ​ສິດທິ​ມະນຸດ​ແຫ່ງ​ສະຫະ​ປະຊາ​ຊາດ.

ການ​ທີ່​ຫວຽດນາມກາຍເປັນ​ສະມາຊິກ​ຂອງຄະນະ​ມົນຕີ​ສິດທິ​ມະນຸດ ​ແມ່ນ​ເຫດການ​ທີ່​ມີ​ຄວາມ​ໝາຍ​ສຳຄັນ ມັນ​ຂີດ​ໝາຍ​ບາດກ້າວ​ໃໝ່​ ໃນ​ການ​ຕັ້ງໜ້າ​ພະຍາຍາມ​ຜັນ​ຂະຫຍາຍ​ນະ​ໂຍບາຍ​ການ​ຕ່າງປະ​ເທດ ທີ່​ເປັນ​ເອກະລາດ ​ເປັນ​ເຈົ້າ​ຕົນ​ເອງ ຕັ້ງໜ້າ ​ເປັນ​ເຈົ້າ​ການ​ເຊື່ອມ​ໂຍງ​ເຂົ້າ​ກັບ​ສາກົນ ຕາມຈິດ​ໃຈ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XI ​ແລະ ມະຕິ​ສະບັບ​ທີ 22 ຂອງ​ກົມ​ການ​ເມືອງ ​ພັກກອມ​ມູນິດ​ຫວຽດນາມ ວ່າ​ດ້ວຍ​ການ​ເຊື່ອງ​ໂຍງ​ເຂົ້າ​ກັບ​ສາກົນ.

ນີ້​ກໍ່​ແມ່ນ​ການ​ຮັບ​ຮູ້​ຂອງ​ວົງ​ຄະນາ​ຍາດ​ສາກົນ ຕໍ່​ກັບ​ບັນດາ​ຜົນສຳ​ເລັດ​ຂອງຫວຽດນາມ ​ໃນ​ການ​ຮັບປະກັນ​ນັບ​ມື້​ນັບ​ດີ ຕໍ່​ບັນດາສິດທິ​ມະນຸດຂອງ​ປະຊາຊົນ​ໃນ​ທຸກໆ​ຂົງ​ເຂດ ການ​ເມືອງ ສັງຄົມ ​ເສດຖະກິດ ວັດທະນະທຳ ການ​ສຶກສາ ການ​ຖືສາສະໜາ ຄວາມ​ເຊື່ອ​ຖື …

ການ​ທີ່ຫວຽດນາມຖືກ​ເລືອກ​ຕັ້ງ​ດ້ວຍ​ຈຳນວນ​ຄະ​ແນນ​ສຽງ​ສູງກໍ່​ສະ​ແດງ​ໃຫ້​ເຫັນ​ເຖິງ​ຖານະ ​ແລະ ອິດທິພົນນັບ​ມື້​ນັບ​ສູງ​ຂອງ​ປະ​ເທດຫວຽດນາມ​ໃນ​ເວທີ​ສາກົນ.

​ໃນ​ອາຍຸ​ປະຈຳການ 3 ປີ​ຕໍ່ໜ້າ ທີ່​ເປັນ​ສະມາຊິກຄະນະ​ມົນຕີ​ສິດທິ​ມະນຸດ, ຫວຽດນາມຈະ​ມີ​ໂອກາດ​ປະກອບສ່ວນ​ໂດຍ​ກົງ​ ຢ່າງ​ມີ​ຄວາມ​ຮັບຜິດຊອບ ​ແລະ ກໍ່ສ້າງ​ ເຂົ້າ​ໃນການ​ປົກ​ປັກ​ຮັກສາ ​ແລະ ຊຸກຍູ້ບັນດາ​ຄຸນຄ່າ​ສິດທິ​ມະນຸດ​ໃນ​ຂອບ​ເຂດ​ໂລກ, ກໍ່​ຄື​ມີ​ເງື່ອນ​​ໄຂ​ແບ່ງປັນ ​ແລະ ຮ່ຳຮຽນ​ບົດຮຽນ​ປະສົບ​ການ​ອັນ​ດີງາມຕ່າງໆ ກັບ​ເພື່ອນ​ມິດສາ​ກົນ ​ເພື່ອ​ແນ​ໃສ່ຮັບປະກັນ​ການ​ຊົມ​ໃຊ້​ສິດທິ​ມະນຸດ​ຂອງ​ປະຊາຊົນຫວຽດນາມ​ແຕ່ລະຄົນ​ໃຫ້ໄດ້ນັບ​ມື້​ນັບ​ດີກ​ວ່າ./.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ