ວັນເສົາ, 21/9/2019
ກອງປະຊຸມວຽກງານການທູດຄັ້ງທີ 28 ຢູ່ທີ່ນະຄອນຫຼວງຮ່າໂນ້ຍ
9/3/2014 20:40' ສົ່ງ ພິມ
ພາບ: ສະຫາຍເລຂາທິການໃຫຍ່ ຫງວຽນຝູຈ້ອງ ໃຫ້ກຽດເຂົ້າຮ່ວມກອງປະຊຸມ. ພາບ: TTXVN

ໃນ​ເວລາເຮັດ​ວຽກຢ່າງ​ເຂັ້ມ​ງວດ ​ແລະ ຮີບ​ດ່ວນ​ໃນ 5 ວັນ ​ແຕ່​ວັນ​ທີ 16 ຫາ​ວັນ​ທີ 20 ກອງ​ປະຊຸມ​ເປັນ​ກຽດ​ໄດ້​ຮັບ​ການ​​ເຂົ້າ​ຮ່ວມ ​ແລະ ຊີ້​ນຳ​ນຳພາ​ໂດຍ​ກົງ​ຂອງ ສະຫາຍ​ເລຂາທິການ​ໃຫຍ່ ຫງວຽນ​ຝູຈ້ອງ, ສະຫາຍ​ປະທານ​ປະ​ເທດ ​ເຈືອງ​ເຕິ​ນຊາງ​, ສະຫາຍ​ນາຍົກລັດຖະມັນ​ຕີ ຫງວຽນ​ເຕິ​ນຢຸງ.

ກ່າວ​ຄຳ​ປາ​ໄສ​ໃນ​ພິທີ​ອັດ​ກອງ​ປະ​ຂຸມ, ສະຫາຍ ຟ້າ​ມບິ່ງ​ມິ​ງ ຮອງ​ນາຍົກລັດຖະມົນຕີ ລັດຖະມົນຕີວ່າການ​ກະຊວງການຕ່າງປະ​ເທດ ​ໄດ້​ເນັ້ນວ່າ, ຂະ​ແໜງ​ການ​ຕ່າງປະ​ເທດ​ຕ້ອງ​ຊາບ​ຊືມຢ່າງ​ເລິກ​ເຊິ່ງ ບັນດາ​ການກຳນົດທິດຍຸດ​ທະ​ສາດ ກ່ຽວ​ກັບ​ການ​ຕ່າງປະ​ເທດ​ຂອງ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ, ຜັນ​ຂະຫຍາຍ​ວຽກ​ງານ​ຕ່າງໆ ຢ່າງ​ເປັນ​ເຈົ້າ​ການ​ກວ່າ​ອີກ ມີ​ປະສິດທິ​ຜົນ​ກວ່າ​ອີກ, ປະກອບ​ສ່ວນຢ່າງ​ສົມ​ກຽດ​ເຂົ້າ​ໃນພາລະກິດ​ການ​ສ້າງສາ ​ແລະ ປົກ​ປັກ​ຮັກສາ​ປະ​ເທດຊາດ.

ກອງ​ປະຊຸມ​ໄດ້​ເປັນ​ເອກະ​ພາບ​ສັງ​ເກດ​ວ່າ ສະພາບ​ການ​ໂລກ ​ແລະ ພາກ​ພື້ນ​ໄດ້ ພວມ ​ແລະ ຈະ​ສືບ​ຕໍ່​ປ່ຽນ​ແປງ​ຢ່າງ​ໄວວາ ​ແລະ ສັບສົນ; ​ໂອກາດດີ ​ແລະ ສິ່ງ​ທ້າ​ທາຍສັບ​​ແຊກກັບ; ຄວາມ​ສັບສົນ ​ແລະ ລັກສະນະ​ຫຼາຍ​ຂະ​ແໜງ ​ຂອງ​ບັນຫາ​ການ​ຕ່າງປະ​ເທດນັບ​ມື້​ນັບ​​ເພີ່ມ​ທະວີ​ຂຶ້ນ; ບັນຫາ​ຄວາມ​ສະຫງົບ​ແບບ​ດັ້ງ​​ເດີມ ​ແລະ ຄວາມ​ສະຫງົບ​ບໍ່​ເປັນ​ແບບ​ດັ້ງ​ເດີມ​ຫຼາຍ​ບັນຫາ ພວມ​ກະທົບ​ໃນ​ຫຼາຍ​ດ້ານ​ເຖິງ​ຄວາມ​ສະຫງົບ ສະຖຽນ​ລະ​ພາບ ​ແລະ ການ​ພັດທະນາ​ຂອງ​ປະ​ເທດ​ຊາດ.

​ໃນ​ສະພາບ​ດັ່ງກ່າວ​ນັ້ນ, ພັກ​ໄດ້​ໄຈ້​ແຍກ​ຕີ​ລາຄາ​ສະພາບ​ການ, ຄົ້ນ​ເຜີຍ ​ແລະ ຂຸດ​ຄົ້ນ​ບັນດາ​ໂອກາດ​ສະດວກ​ດີ, ຮັບ​ຮູ້​ເຫັນ​ແຈ້ງ ​ແລະ ​ແກ້​ໄຂ​ສິ່ງ​ທ້າ​ທາຍ​ຕ່າງໆ. ບັນດາ​ກະຊວງ ຂະ​ແໜງ​ການ ທ້ອງ​ຖິ່ນ​ຕ່າງໆ ໄດ້​ປັນ​ເຈົ້າ​ການ, ຕັ້ງໜ້າ​ຜັນ​ຂະຫຍາຍ​ແນວທາງ​ການ​ຕ່າງປະ​ເທດ ​ແລະ ​ແຜນ​ນະ​ໂຍບາຍ​ເຊື່ອ​ມ​ໂຍງ​ເຂົ້າ​ກັບ​ສາກົນ ​ເຊິ່ງກອງ​ປະຊຸມ​​ໃຫຍ່ຄັ້ງ​ທີ XI ຂອງ​ພັກ​ໄດ້​ວາງ​ອອກ, ປະ​ສາ​ສົມທົບ​ຢ່າງ​ແໜ້ນ​ແຟ້ນລະຫວ່າງ​ການ​ທູດ​ຂອງ​ລັດຖະບານ, ການ​ຕ່າງປະ​ເທດ​ຂອງ​ພັກ, ການ​ຕ່າງປະ​ເທດ​ຂອງ​ສະພາ​ແຫ່ງ​ຊາດ, ການ​ຕ່າງປະ​ເທດ​ປະຊາຊົນ, ການ​ຕ່າງປະ​ເທດ​​ປ້ອງ​ກັນ​ຊາດ, ການ​ຕ່າງປະ​ເທດ​ປ້ອງກັນ​ຄວາມ​ສະຫງົບ, ວຽກ​ງານ​ການ​ຕ່າງປະ​ເທດ​ຂອງ​ທ້ອງ​ຖິ່ນ, ສ້າງ​ເປັນ​ກຳລັງ​ແຮງ​ສັງ​ລວມ, ຍົກ​ສູງ​ບົດບາດ​ຖານະ​ຂອງ​ປະ​ເທດ​ຊາດ.

ກອງ​ປະ​ຊຸມ​ໄດ້​ສະຫລຸບສັງ​ລວມບັນດາ​ຜົນສຳ​ເລັດ​ທີ່​ບັນລຸ​ໄດ້​ໃນ​ເວລາ​ທີ່​ຜ່ານ​ມາ, ຖອດ​ຖອນ​ບົດຮຽນ​ປະສົບ​ການ​ຕ່າງໆ ຈາກ​ນັ້ນ​ກໍ່​ວາງ​ມາດ​ຕະການ​ເພື່ອ​ຜັນ​ຂະຫຍາຍ​ບັນດາ​ໜ້າ​ທີ່ການ​ຕ່າງປະ​ເທດ​ໃນ​ເວລາ​ສະ​ເພາະ​ໜ້າ.

ກອງ​ປະ​ຊຸມ​ໄດ້​ກຳນົດ​ໜ້າ​ທີ່​ຂອງ​ຂະ​ແໜງ​ການ​ທູດ​ໃນ​ເວລາ​ສະ​ເພາະ​ໜ້າ​ຄື​ດັ່ງ​ນີ້: ສືບ​ຕໍ່​​ເສີມ​ຂະຫຍາຍ​ກຳລັງ​ແຮງ​ ຂອງ​ແນວທາງ​ການ​ຕ່າງ​ປະ​ເທດທີ່​ເປັນ​ເອກະລາດ ​ເປັນ​ເຈົ້ນ​ຕົນ​ເອງ; ປະກອບສ່ວນ​ຮັກສາ​ສິ່ງ​ແວດ​ລ້ອມ​ສັນຕິພາບ ສະຖຽນ​ລາ​ພາບ, ​ເຊື່ອມ​​ໂຍງ​ລະຫວ່າງ​ການ​ຮັບ​ໃຊ້​ໃຫ້​ແກ່​ການ​ພັດທະນາ​ເສດຖະກິດ ​ແລະ ຍູ້​ແຮງ​ການ​ເຊື່ອມ​ໂຍງ​ເຂົ້າ​ກັບ​ສາກົນ ກັບ​ການ​ປັບປຸງ ​ເພີ່ມ​ທະວີ​ທ່າ​ສະໜາມຮົບ​ການ​ຕ່າງປະ​ເທດ - ການ​ປ້ອງ​ກັນ​ປະ​ເທດ - ການ​ປ້ອງ​ກັນ​ຄວາມ​ສະຫງົບ, ປະກອບສ່ວນ​ປົກ​ປັກ​ຮັກສາ​ເອກະລາດ ອຳນາດ​ອະທິປະ​ໄຕ ຜືນ​ແຜ່ນດິນ​ອັນ​ຄົບຖ້ວນ ​ແລະ ບັນດາ​ຜົນ​ປະ​ໂຫຍ​ດຍຸດ​ທະ​ສາດ​ຂອງ​ປະ​ເທດ​ຊາດ.

ຂ​ະ​ແໜງ​ການທູດ​ສືບ​ຕໍ່​ຕັ້ງໜ້າ​ພະຍາຍາມຂະຫຍາຍ​ສາຍ​ພົວພັນ​ຕ່າງໆ ​ໃຫ້​ເຂົ້າ​ລວງ​ເລິກ, ສືບ​ຕໍ່​ເຂົ້າ​ຮ່ວມ​ຢ່າງ​ມີ​ປະສິດທິ​ຜົນ​ ໃນບັນດາ​ເວທີ​ປາ​ໄສ​ພະຫຸ​ພາຄີ​ຂອງ​ພາກ​ພື້ນ ​ແລະ ສາກົນ; ຍູ້​ແຮງ​ການ​ຜັນ​ຂະຫຍາຍ​ບັນດາ​ການ​ເຄື່ອນ​ໄຫວ​ການ​ຕ່າງປະ​ເທດຢ່າງ​ຄົບ​ຊຸດ ຮອບດ້ານ , ​ເພີ່ມ​ທະວີ​ການ​ເຊື່ອມ​​ໂຍງລະຫວ່າງ​ການ​ທູດ​ການ​ເມືອງ ກັບ​ການ​ທູດ​ເສດຖະກິດ, ການ​ທູດ​ວັດທະນະທຳ, ວຽກ​ງານ​ກ່ຽວ​ກັບ​ຊາວ​ຫວຽດນາມ​ຢູ່​ຕ່າງປະ​ເທດ, ການ​ປົກ​ປ້ອງ​ພົນລະ​ເມືອງ, ການ​ຖະ​ແຫຼ​ງຂ່າວ-​ໂຄສະນາ​ການ​ການ​ຕ່າງປະ​ເທດ, ການ​ຄົ້ນຄວ້າ​ເປັນ​ເສນາ​ທິການ​ຍຸດ​ທະ​ສາດ; ຍູ້​ແຮງ​ການ​ສົມທົບ​ຢ່າງ​ແໜ້ນ​ແຟ້ນກັບ​ບັນດາ​ກະຊວງ ຂະ​ແໜງ​ການ ​ແລະ ຊ່ວຍໜູນ​ໃຫ້ທ້ອງ​ຖິ່ນ.

​ເພື່ອ​ປະຕິບັດ​ບັນດາ​ເປົ້າ​ໝາຍ​ທີ່​ວາງ​ອອກ​ມາ​ໄດ້​ຢ່າງ​ສະ​ເລັດ​ຜົນ, ຂະ​ແໜງ​ການ​ທູດ​ຈະ​ສືບ​ຕໍ່​ຜັນ​ຂະຫຍາຍວຽກ​ງານກໍ່ສ້າງ​ຂະ​ແໜງ​ການ​ຢ່າງ​ແຂງ​ແຮງ​ , ຍົກ​ສູງ​ປະສິດທິ​ຜົນ​ການຈັດ​ຕັ້ງ​ກົງຈັກ ​ແລະ ຄຸນ​ນະພາ​ບຂອງ​ແຫຼ່ງບຸກຄະລາ​ກອນ.

​​ໂດຍ​ຕາງໜ້າ​ການ​ນຳ​ພັກ - ລັດ, ສະຫາຍ​ເລຂາທິການ​ໃຫຍ່ ຫງວຽນ​ຝູຈ້ອງ ​ໄດ້​ຊົມ​ເຊີຍ​ແລະ​ຍ້ອງຍໍຢ່າງ​ສຸດ​ອົກ​ສຸດ​ໃຈ ຕໍ່​ຂະ​ແໜງການ​ຕ່າງປະ​ເທດ​ທັງ​ໝົດ ກ່ຽວ​ກັບບັນດາ​ຜົນງານ​ອັນ​ໂດດ​ເດັ່ນ​ໃນ​ຊຸມ​ປີ​ທີ່​ຜ່ານ​ມາ, ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ປົກ​ປັກ​ຮັກສາ​ເອກະລາດ ອຳນາດ​ອະທິປະ​ໄຕ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ປະ​ເທດ​ຊາດ, ຮັກສາ ​ແລະ ປັບປຸງ​ສິ່ງ​ແວດ​ລ້ອມ​ສັນຕິພາບ​ ສະຖຽນ​ລະ​ພາບ, ຍາດ​ແຍ່ງ​ໄດ້​ການ​ສະໜັບສະໜູນ ​ເຫັນ​ດີ​ເຫັນ​ພ້ອມ​ຢ່າງ​ກ້ວາງ​ຂວາງ​ຂອງ​ເພື່ອນ​ມິດສາ​ກົນ, ຍູ້​ແຮງ​ການ​ເຊື່ອມ​ໂຍງ​ເຂົ້າກັບສາກົນຢ່າງຮອບດ້ານ, ນຳ​ເອົາການ​ພົວພັນ​ສາກົນ​ຕ່າງໆ ​ເຂົ້າ​ສູ່​ລວງ​ເລິກ ມີ​ປະສິດທິ​ຜົນ, ປະກອບສ່ວນ​ແທດ​ຈິງ​ເຂົ້າ​ໃນ​ການ​ປະຕິບັດ​ໜ້າ​ທີ່​ ພັດທະນາ​ເສດຖະກິດ ສັງຄົມ​ຢ່າງ​ສຳ​ເລັດ​ມີ​ໄຊ, ​ເສີມ​ຂະຫຍາຍ​ໄດ້​ ບົດບາດ​ເປັນ​ສະມາຊິກ​ຜູ້​ຕັ້ງໜ້າ​ ຂອງ​ບັນດາ​ອົງການ​ຈັດ​ຕັ້ງ​ພາກ​ພື້ນ ​ແລະ ອົງການຈັດ​ຕັ້ງ​ໂລກ, ຍົກ​ສູງຖານະບົດບາດຂອງ​ຫວຽດນາມ​ໃນ​ພາກ​ພື້ນ ​ແລະ ​ໃນ​ໂລກ.

ສະ​ຫາຍເລຂາທິການ​ໃຫຍ່​ເນັ້ນ​ວ່າ ປັດ​ໃຈ​ຕັດສິນ​​ບັນດາ​ຜົນສຳ​ເລັດ ​ແລະ ໝາກຜົນ​ດັ່ງກ່າວ​ເທິງ​ນີ້​ແມ່ນ​​ໄດ້ຕີ​ລາຄາ ​ໄຈ້​ແຍກ​ຢ່າງ​ມີ​ວິທະຍາສາດ ສັດຈະ​ວິພາກ​ກ່ຽວ​ກັບ​ສະຖານະ​ການ​ໂລກ ​ແລະ ພາກ​ພື້ນ, ປະຕິບັດ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ​ ແນວທາງ​ການ​ຕ່າງປະ​ເທດ​ເອກະລາດ​ເປັນ​ເຈົ້າ​ຕົນ​ເອງ, ຫຼາຍ​ກ້ຳ​ຫຼາຍ​ຝ່າຍ ຫຼາຍ​ຮູບ​ການ, ​ເປັນ​ເຈົ້າ​ການ ​ແລະ ​ຕັ້ງໜ້າ​ເຊື່ອມ​ໂຍງ​ເຂົ້າ​ກັບ​ສາກົນ, ​ເພື່ອ​ຜົນ​ປະ​ໂຫຍ​ດຂອງ​ປະ​ເທດ​ຊາດ.

ສະ​ຫາຍເລຂາທິການ​ໃຫຍ່​ເນັ້ນ​​ເຖິງ​ຄຳ​ສັ່ງສອນ​ຂອງ​ທ່ານ​ປະທານ​ໂຮ່ຈີ​ມິນ ຜູ້ກໍ່​ຕັ້ງ​ຂະ​ແໜງ​ການ​ທູດ, “ພະນັກງານ​ແມ່ນ​ກົກ​ເຄົ້າ​ຂອງ​ທຸກໆ​ວຽກ​ງານ”, “ຄວາມ​ສຳ​ເລັດ​ຜົນ ຫຼື ປະລາ​ໄຊ​ທຸກ​ຢ່າງ​ລ້ວນ​ແຕ່​ແມ່ນ​ຍ້ອນ​ພະນັກງານ​ດີ ຫຼື ບໍ່​ດີ”, ຖື​ຄຳສັ່ງສອນ​ນັ້ນ​ແມ່ນ​ທິດ​ທາງ​ທີ່​ສອດ​ຮ້ອຍ​ຕະຫຼອດ ​ເພື່ອ​ໃຫ້​ພະນັກງານ​ການ​ທູດ​ສູ້​ຊົນ ຝຶກ​ຝົນ​ຫຼໍ່​ຫຼອມ ປະຕິບັດ​ໜ້າ​ທີ່​ທີ່​ພັກ ​ແລະ ລັດ​ມອບ​ໝາຍ​​ໃຫ້ສຳ​ເລັດ​ຜົນ​ຢ່າງ​ດີ​ເດັ່ນ.

ສະ​ຫາຍເລຂາທິການ​ໃຫຍ່​ ຮຽກຮ້ອງ​ຄະນະບໍລິຫານ​ວຽກ​ງານ​ພັກ​ກະຊວງ​ການ​ຕ່າງປະ​ເທດ, ບັນດາ​ຄະນະ​ພັກ​ໃນ​ຂະ​ແໜງ​ການ​ ຕ້ອງ​​ເອົາ​ໃຈ​ໃສ່ຢ່າງ​ຈົດ​ຈໍ່​ເຖິງວຽກ​ງານ​ກໍ່ສ້າງ​ຖັນ​ແຖວ​ພະນັກງານ​ການ​ທູດ ​ເພື່ອ​ຕອບ​ສະໜອງ​ໄດ້​ກັບ​ຄວາມ​ຕ້ອງການ​ຂອງ​ໜ້າ​ທີ່​ໃນ​ສະພາບ​ການ​ໃໝ່./.

ສັງ​ລວມ​ໂດຍ HB

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ