ວັນຈັນ, 18/11/2019
ສະເຫຼີມສະຫຼອງວັນຄ້າຍວັນເກີດ ຂອງສະຫາຍພົນເອກຫງວຽນຈີແທງ ຄົບຮອບ 100 ປີ
17/3/2014 11:10' ສົ່ງ ພິມ
ສະຫາຍເລໂຮ່ງແອງ ກຳມະການກົມການເມືອງ ຜູ້ປະຈຳການຄະນະເລຂາທິການສູນກາງພັກ ກ່າວຄຳປະໄສທີ່ພິທີສະເຫຼີມສະຫຼອງ. ພາບຂອງ: TTXVN

ໃຫ້​ກຽດ​ເຂົ້າ​ຮ່ວມ​ພິທີ​ມີ​ບັນດາສະຫາຍການ​ນຳ: ​ເລ​ໂຮ່ງ​ແອ​ງ ກຳມະການ​ກົມ​ການ​ເມືອງ ຜູ້​ປະຈຳ​ການ​ຄະນະ​ເລຂາທິການສູນ​ກາງ​ພັກ; ດິງ​ເຖຮວິ​ງ ກຳມະການ​ກົມ​ການ​ເມືອ​ງ ຫົວໜ້າ​ຄະນະ​ໂຄສະນາ​ອົບຮົ​ມສູນ​ກາງ; ​ເລ​ຂາ​ຟຽວ ອະດີດ​ເລຂາທິການ​ໃຫຍ່ ພ້ອມ​ດ້ວຍ​ບັນດາ​ຜູ້ຕາງໜ້າ​ບັນດາກະຊວງ ຄະນະ ຂະ​ແໜງ​ການ​ຕ່າງໆ​ຢູ່​ສູນ​ກາງ ​ແລະ ທ້ອງ​ຖິ່ນ; ບັນດາ​ທ່ານ​ນາຍ​ພົນ​ຂອງກະຊວງ​ປ້ອງ​ກັນ​ປະ​ເທດ ​ແລະ ​ເຂດ​ທະຫານ​ທີ IV.

ສະຫາຍ​ເລຂາທິການ​ໃຫຍ່ ຫງວຽນ​ຝູຈ້ອງ, ປະທານ​ປະ​ເທດ ​ເຈືອງ​ເຕິນຊາງ, ນາຍົກລັດຖະມົນຕີ ຫງວຽນ​ເຕິ​ນຢຸງ, ປະທານ​ສະພາ​ແຫ່ງ​ຊາດ ຫງວຽນ​ຊິງ​ຮຸ່ງ ​ແລະ ອະດີດ​ປະທານ​ປະ​ເທດ ​ເລ​ດຶກ​ແອ​ງ ​ໄດ້​ຝາກ​ກະຕ່າ​ດອກ​ໄມ້ມາ​ອວຍ​ໄຊ​ໃຫ້​ພອນ.

ກ່າວ​ຄຳ​ປາ​ໄສ​ທີ່​ພິທີ​ສະ​ເຫຼີ​ມສະຫຼອງ, ສະຫາຍເລ​ໂຮ່ງ​ແອ​ງ ຜູ້​ປະຈຳ​ການ​ຄະນະ​ເລຂາທິການ ​ເນັ້ນ​ວ່າ “ໂດຍ​ເປັນນັກຮຽນ ​ເປັນ​ຜູ້​ຮ່ວມງານທີ່​ໃກ້ຊິດ​ຂອງ​ທ່ານ​ປະທານ​ໂຮ່ຈີ​ມິນ, ສະຫາຍ​ຫງວຽນ​ຈີ​ແທງ ​ໄດ້​ເປັນ​ແບບຢ່າງ​ໃນ​ການ​ອຸທິດ​ຊີວິດ​ທັງ​ໝົດ​ຂອງ​ຕົນ​ ໃຫ້​ແກ່​ພາລະກິດ​ປະຕິວັດ​ຂອງ​ພັກ ​ແລະ ຂອງ​ຊາ​ດ. ​ເຖິງ​ວ່າ​ຈະ​ປະຕິບັດ​ໜ້າ​ທີ່​ໃນ​ຖານະ​ຕຳ​ແໜ່​ງ​ໃດ ສະຫາຍ​ກໍ່​ສຳ​ເລັດ​ໜ້າ​ທີ່​ຢ່າງ​ດີ​ເດັ່ນ, ສະ​ແດງ​ໃຫ້​ເຫັນ​​ເຖິງແບບຢ່າງ​ຂອງ​ຊາວ​ກອມ​ມູນິດ​ທີ່​ອົງອາດ​ກ້າ​ແກ່ນ, ພົບ​ຄວາມ​ຫຍຸ້ງຍາກ​ບໍ່​ລັ່ງ​ເລທໍ້​ຖອຍ​, ຕໍ່ໜ້າ​ໄພ​ອັນຕະລາຍ​ບໍ່​ຫວັ່ນ​ໄຫວ​ເສຍ​ກຳລັງໃຈ”.

ຜູ້​ປະຈຳ​ການ​ຄະນະ​ເລຂາທິການຢັ້ງຢືນ​ວ່າ ສະຫາຍພົນ​ເອກ​ຫງວຽນ​ຈີ​ແທງ “ຍາມ​ໃດ​ກໍ່ຕັ້ງ​ຜົນ​ປະ​ໂຫຍ​ດຂອງ​ພັກ ຂອງ​ການ​ປະ​ຕິ​ວັດ​ຂຶ້ນ​ເໜືອສຸດ. ສະຫາຍ​ເປັນ​ຜູ້​ບັນຊາ​ການ​ທີ່​ສະຫຼາດ​ສ່ອງ​ໃສ ອົງອາດ​ກ້າ​ແກ່ນ; ​ເປັນ​ຜູ້​ມີ​ຄົບ​ທັງ​ຄວາມ​​ເກັ່ງ​ກ້າສາມາດ ​ແລະ ຄຸນສົມບັດ​ອັນ​ດີງາມ”.

ຜູ້​ປະຈຳ​ການ​ຄະນະ​ເລຂາທິການກໍ່​ໄດ້​ຢັ້ງຢືນ​ວ່າ: “ຊີວິດ​ການ​ເຄື່ອນ​ໄຫວ ​ແລະ ຄຸນງາມຄວາມດີ​ຂອງສະຫາຍ​ຫງວຽນ​ຈີ​ແທງ ​ໄດ້​ປະກອບສ່ວນ​ອັນ​ໃຫຍ່​ຫຼວງ​ທີ່​ສຸດ​ໃຫ້​ແກ່​ພັກ ​ແລະ ການ​ປະຕິວັດ​ຫວຽດນາມ”.

ຜູ້​ປະຈຳ​ການ​ຄະນະ​ເລຂາທິການຮຽກຮ້ອງ​ໃຫ້: “ຮ່ຳຮຽນແບບຢ່າງ​ຂອງນັກ​ກອມ​ມູນິດ​ຫງວຽນ​ຈີ​ແທງ, ພະນັກງານ ສະມາຊິກ​ພັກ​​ແຕ່ລະຄົນຈົ່ງ​ຍົກ​ສູງ​ເຈດ​ຈຳ​ນົງປະຕິວັດ ຕື່ນ​ຕົວ​ສູ້​ຊົນ ຝຶກ​ຝົນ​ຫຼໍ່​ຫຼອມຄຸນສົມບັດ​ປະຕິວັດ, ຕັ້ງ​ໝັ້ນ​ຮ່ຳຮຽນ​ຍົກ​ສູງ​ລະ​ດັບ​ຄວາມ​ຮູ້​ຄວາມ​ສາມາດ​ທຸກ​ດ້ານ, ຕັ້ງໜ້າ​ເຄື່ອນ​ໄຫວ​ພຶດຕິ​ກຳ, ຍາມ​ໃດ​ກໍ່​ຕ້ອງ​ຕັ້ງ​ຜົນ​ປະ​ໂຫຍ​ດຂອງ​ພັກ ຂອງ​ການ​ປະຕິວັດ ​ແລະ ຂອງ​ປະຊາຊົນ​ຂຶ້ນ​ເໜືອ​ສຸດ, ກຽມພ້ອມ​ເສຍສະຫຼະ​ເພື່ອ​ພາລະກິດ​ອັນ​ສະຫງ່າງາມ​ຂອງ​ພັກ ​ແລະ ຂອງ​ຊາດ..., ກໍ່ສ້າງ​ປະ​ເທດ​ຫວຽດນາມ​ສັງຄົມ​ນິຍົມ ທີ່​ປະຊາຊົນ​ຮັ່ງມີ ປະ​ເທດ​ຊາດ​ເຂັ້ມ​ແຂງ ປະຊາທິປະ​ໄຕ ຍຸຕິ​ທຳ ອະລິຍະ​ທຳ​ເປັນ​ແຕ່​ລະ​ກ້າວ”.

ຄຳ​ປາ​ໄສ​ທີ່​ພິທີ​ສະ​ເຫຼີມສະຫຼອງ ອ່ານ​ໂດຍ​ສະຫາຍ ຫງວຽນ​ງອກ​ທ້ຽນ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ​ເທື່ອ​ທຽນ-ເຫວ໋ ​ໄດ້​ເນັ້ນ​ວ່າ: “​ໃນກາລະ​ເວລາ ປະຫວັດສາດ ​ແລະ ບ້ານ​ເກີດ​ເມືອງ​ນອນ​ເທື່ອ​ທຽນ-​ເຫວ໋, ສະຫາຍພົນ​ເອກ​ຫງວຽນ​ຈີ​ແທງ ຍັງຄົງ​ “ເປັນ​ຄົນ​ທີ່ເຫຼື້ອມ​ປະກາຍ​ເໝືອນ​ແສງ​ມະນີ” ຕະຫຼອດ​ການ. ​ເກືອບ 50 ປີ​ນັບ​ແຕ່​ເວລາ​ທີ່​ສະຫາຍ​ໄດ້​ຈາກ​ໄປ, ຄະນະ​ພັກ ທະຫານ ​ແລະ ປະຊາຊົນ​ເທື່ອ​ທຽນ-​ເຫວ໋​ໄດ້​ເສີມ​ຂະຫຍາຍ​ມູນ​ເຊື້ອ “ລຸກ​ຮືຂຶ້ນ ບຸກ​ໂຈມ​ຕີ ອົງອາດ​ກ້າຫານ” ພ້ອມ​ກັນ​ກັບ​ທົ່ວ​ປະ​ເທດ​ຍາດ​ເອົາ​ໄຊຊະນະ​ອັນ​ໃຫຍ່​ຫຼວງ​ ໃນ​ການ​ຕໍ່ສູ້​ຕ້ານ​ການ​ຮຸກ​ຮານ​ຈາກ​ພາຍ​ນອກ ​ແລະ​ໃນ​ພາລະກິດ​ສ້າງສາ ​ແລະ ປົກ​ປັກ​ຮັກສາ​ປະ​ເທດຊາດ​ຫວຽດນາມ​ສັງຄົມ​ນິຍົມ”.

​ໂດຍ​ເອກອ້າງ​ທະ​ນົງ​ໃຈ​ຕໍ່​ຄຸນງາມຄວາມດີ​ອັນ​ໃຫຍ່​ຫຼວງ​ຂອງ​ສະຫາຍພົນ​ເອກ​ຫງວຽນ​ຈີ​ແທງ, ລະ​ຫາຍ​ເລຂາ​ພັກ​ແຂວງ​ເທື່ອ​ທຽນ-​ເຫວ໋ ​ເນັ້ນ​ວ່າ​ຄະນະ​ພັກ ທະ​ຫາຍ ​ແລະ ປະຊາຊົນ​ເທື່ອ​ທຽນ-​ເຫວ໋ ຕັດສິນ​ໃຈ​ກໍ່ສ້າງ​ບ້ານ​ເກີດ​ເມືອງ​ນອນ​ໃຫ້ການ​ເປັນນະຄອນ​ທີ່​ຂຶ້ນ​ສັງກັດ​ສູນ​ກາງ; ກໍ່ສ້າງ ​ແລະ ພັດທະນາ​ເທື່ອ​ທຽນ-​ເຫວ໋ ຕາມ​ຂໍ້​ສະຫລຸບ​ສະບັບ​ທີ 48-KL/TW ຂອງ​ກົມ​ການ​ເມືອງ.

ສິ້ນ​ສຸດ​ພິທີ, ສະຫາຍ​ພົນ​ໂທ​ຫງວຽນຈີວິ້ງ ລັດຖະ​ມົນຕີ​ຊ່ວຍ​ວ່າການ​ກະຊວງ​ປ້ອງ​ກັນປະ​ເທດ ຕາງໜ້າ​ຄອບຄົວ ​ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ​ຕໍ່​ການ​ນຳ​ພັກ ລັດ ​ແລະ ​ແຂວງ​ເທື່ອ​ທຽນ​-ເຫວ໋, ​ບ້ານ​ເກີດ​ເມືອງນອນຂອງ​ສະຫາຍ​ພົນ​ເອກ​ຫງວຽນ​ຈີ​ແທງ, ທີ່​ໄດ້​ຈັດ​ຕັ້ງ​ພິທີ​ສະ​ເຫຼີ​ມສະຫຼອງ​ວັນ​ຄ້າຍ​ວັນ​ເກີດ​ຂອງສະຫາຍ​ຫງວຽນ​ຈີ​ແທງ ຄົບຮອບ 100 ປີ.

* ​ໃນ​ໂອກາດ​ດຽວ​ກັນ​ນີ້, ຫໍພິພິດ​ທະພັນ​ໂຮ່ຈີ​ມິນ​ສາຂາ​ເທື່ອ​ທຽນ-​ເຫວ໋, ຫໍພິພິດທະພັນ​ປະຫວັດສາດ ​ແລະ  ປະຕິວັດ​ແຂວງ ​ໄດ້​ສົມທົບ​ກັນ​ວາງສະ​ແດງ​ຫົວ​ຂໍ້​ສະ​ເພາະ​ກ່ຽວ​ກັບ “ສະຫາຍພົນ​ເອກ​ຫງວຽນ​ຈີ​ແທງ - ນັກຮຽນ​ຜູ້ດີ​ເດັ່ນ​ຂອງ​ທ່ານ​ປະທານ​ໂຮ່ຈີ​ມິນ”. ຫ້ອງ​ວາງ​ສະ​ແດງ​ໄດ້​ສະ​ເໜີ​ຮູບ​ພາບ ວັດຖຸ​ສິ່ງ​ຂອງ ປຶ້ມໜັງສືພິມ ​ເອກະສານ​ຂໍ້​ມູນເປັນ​ຈຳນວນກວ່າ 200 ອັນ, ​ໃນ​ນັ້ນ​ມີ​ຫຼາຍ​ອັນ​ໄດ້​ວາງສະ​ແດງ​ເປັນ​ຄັ້ງ​ທຳ​ອິດ, ​ເຊິ່ງ​ໄດ້​ສະ​ແດງ​ໃຫ້​ເຫັນ​ເຖິງ​ຊີວິດ ​ແລະ ພາລະກິດ​ຂອງສະຫາຍພົນ​ເອກ​ຫງວຽນ​ຈີ​ແທງ.

 ສັງ​ລວມ​ໂດຍ: ຈາງ​ເຈິ່ນ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ