ວັນອາທິດ, 18/8/2019
ສະເຫຼີມສະຫຼອງວັນໄຊຊະນະ ລະບອບດັບສູນເຊື້ອຊາດຢູ່ກຳປູເຈຍ ຄົບຮອບ 35 ປີ
24/3/2014 11:55' ສົ່ງ ພິມ
ຄະນະນຳຊັ້ນສູງຂອງພັກປະຊາຊົນກຳປູເຈຍຜູ້ກຳອຳນາດ, ເຈົ້າໜ້າທີ່, ຜູ້ຕາງໜ້າຄະນະທູຕານຸທູດທີ່ພະນົມເປັນ ເຂົ້າຮ່ວມພິທີສະເຫຼີມສະຫຼອງ. ພາບ: Vietnam+

ໃຫ້​ກຽດ​ເຂົ້າ​ຮ່ວມ​ພິທີ​ມີ​ ທ່ານເຈຍ​ຊິ​ມ ປະທານ​ພັກ​ປະຊາຊົນກຳປູ​ເຈຍ ປະທານສະພາ​ສູງ​ກຳປູ​ເຈຍ; ທ່ານ​ຮຸນ​ແຊນ ຮອງ​ປະທານ​ພັກ​ປະຊາຊົນກຳປູ​ເຈຍ ນາ​ຍົດ​ລັດຖະມົນຕີ​​ແຫ່ງ​ລາຊະ​ອານາຈັກ​ກຳ​ປະ​ເຈຍ; ທ່ານ​ເຮັງ ສຳຣິນ ປະທານ​ກິ​ຕິ​ມະ​ສັກ​ພັກ​ປະຊາຊົນກຳປູ​ເຈຍ ປະທານ​ສະພາ​ແຫ່ງ​ຊາດ​ກຳ​ປູ​ເຈຍ; ພະ​ສັງຄະ​ລາດ​ສ​ອງອົງ​ແຫ່ງພຸດທະ​ມະຫາຍານ ​ແລະ ​ພຸດທະເຖລະວາດ​ຢູ່ກຳ​ປະ​ເຈຍ, ພ້ອມ​ດ້ວຍ​ເຈົ້າ​ໜ້າ​ທີ່​ຊັ້ນ​ສູງ​ຂອງ​ສະພາ​ສູງ ສະພາ​ແຫ່ງ​ຊາດ ລັດຖະບານ​ຫຼາຍ​ທ່ານ; ຜູ້ຕາງໜ້າ​ຫຼາຍ​ພັກຝ່າຍ​ການ​ເມືອງ​ຢູ່ກຳປູເຈຍ. ​ເອກອັກຄະລັດຖະທູດຫວຽດນາມ​ປະຈຳ​ຢູ່​ກຳປູ​ເຈຍ ທ່ານ​ໂງ​​ແອ​ງຢຸ໋ງ ພ້ອມ​ດ້ວຍຄະນະ​ທູຕານຸທູດ​ຢູ່​ພະນົມ​ເປັນ ​ກໍ່​ໄດ້​ເຂົ້າ​ຮ່ວມ​ພິທີການ​ຢ່າງ​ສົມ​ກຽດ.

ກ່າວ​ຄຳ​ປາ​ໄສ​ໃນ​ພິທີ, ທ່ານ​ເຮັງ ສຳຣິນ ​ປະທານ​ສະພາ​ແຫ່ງ​ຊາດ​ກຳ​ປະ​ເຈຍ ​ໄດ້​ລຶ້ມຄືນ​ເຖິງສະ​ໄໝ​ມືດ​ມົນ​ທີ່​ສຸດ​ໃນ​ປະຫວັດສາດກຳປູເຈຍ ພາຍ​ໃຕ້​ລະບອບກຳປູເຈຍປະຊາທິປະ​ໄຕ ​​ໂດຍ​ແມ່ນ​ໂປ​ນປົດ​ນຳ​ໜ້າ ທີ່​ໄດ້​ດຳ​ເນີນ​ໂທດ​ກຳ​ດັບ​ສູນ​ເຊື້ອ​ຊາດ ທຳລາຍ​ຊີວິດ​ປະຊາຊົນ​ກຳປູ​ເຈຍ​ເກືອບ 3 ລ້ານ​ຄົນ. ທ່ານ​ປະທານ​ສະພາ​ແຫ່ງ​ຊາດ ​ເຮັງ ສຳຣິນ ​ໃຫ້​ທັດສະນະວ່າ ​ເຖິງ​ວ່າ​ວັນເວລາ​ໄດ້​ຜ່ານ​ໄປ​ເປັນ 35 ​ແລ້​ວກໍ່ຕາມ ​ແຕ່​ເຫດການປະຫວັດສາດ​ນີ້ຍັງ​ສືບ​ຕໍ່​ມີ​ຄວາມ​ໝາຍ​ອັນ​ໃຫຍ່​ຫຼວງຕໍ່​ກັບ​ບັນດາ​ເຊັ່ນ​ຄົນ​ລຸນ​ຫຼັງ ກໍ່​ຄື​ຕໍ່​ກັບ​ບັນດາ​ຜູ້​ຮັກຫອມ​ສັນຕິພາບ ​ແລະ ຍຸດຕິ​ທຳໃນ​ໂລກ. ທ່ານ​ປະທານ​ສະພາ​ແຫ່ງ​ຊາດ ​ເຮັງ ສຳຣິນ ຍົກ​ໃຫ້​ເຫັນ​ແຈ້ງວ່າ: “​ໃນ​ສະພາບ​ການ​ຕ້ອງ​ທົນ​ທຸກທໍລະມານ ​ແລະ ສິ້ນ​ຫວັງ, ​ພັກ​ປະຊາຊົນກຳປູ​ເຈຍ​ໄດ້​ລຸກ​ຂຶ້ນ​ຕໍ່ສູ້ ຕ້ານ​ລະບອບ​ປ່າ​ເຖື່ອນ​ຂອງໂປ​ນປົດ, ພາຍ​​ໃຕ້​ການ​ນຳພາ​ຂອງ​ແນວ​ໂຮມ​ສາມັກຄີ​ແຫ່ງ​ຊາດ​ກູ້​ຊາດກຳປູເຈຍ ທີ່​ໄດ້​ສ້າງ​ຕັ້ງ​ຂຶ້ນ​ໃນ​ວັນ​ທີ 02-12-1978, ດ້ວຍ​ການ​ສະໜັບສະໜູນ ​ແລະ ຊ່ວຍ​ເຫຼືອ​ຂອງ​ປະຊາຊົນຜູ້ຮັກຫອມ​ສັນຕິພາບ ​ແລະ ຍຸດຕິທຳ​ໃນ​ໂລກ, ​ໃນ​ນັ້ນ​ມີ​ການ​ຊ່ວຍ​ເຫຼືອ​ໃຫຍ່​ຫຼວງ​ທີ່​ສຸດ​ຂອງ​ທະຫານ​ອາສາ​ສະມັກ​ຫວຽດນາມ, ຍາດ​ເອົາ​ໄຊຊະນະ​ອັນ​​ເປັນ​ປະຫວັດສາດ​ໃນ​ວັນ​ທີ 07-01-1979, ​ໂຄ່ນ​ລົ້ມ​ລະບອບ​ໂປ​ນປົດ”.

ພາຍຫຼັງ​ທີ່​ໄດ້​ເວົ້າ​ຄືນ​ເຖິງ​ຜົນສຳ​ເລັດ​ອັນ​ໃຫຍ່​ຫຼວງ​ໃນ​ການ​ຟື້ນ​ຊີບ​ຄືນ​ໃຫຍ່, ການ​ປອງ​ດອງ​ຊາດ, ພັດທະນາ​ປະ​ເທດ, ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ ​ແລະ ສາກົນ… ​ໃນ 35 ປີ​ທີ່​ຜ່ານ​ມາ, ​ໃນ​ນັ້ນ​ມີ​ຜົນສຳ​ເລັດ​ຕ່າງໆ​ທາງ​ດ້ານ​ເສດຖະກິດ​ໃນ​ຊຸມ​ປີ​ມໍ່ໆ​ນີ້​ຄື ບັນລຸ​ການ​ເຕີບ​ໂຕ​ເສດຖະກີດ​ສະ​ເລ່ຍ​ແຕ່ລະ​ປີ​ໄດ້​ກວ່າ 7%, ລາຍ​ຮັບ​ສະ​ເລ່ຍຕໍ່​ຄົນ​ໄດ້ 1.000 ກວ່າ​ໂດ​ລາ​ສະຫະລັດ​ໃນ​ປີ 2013, ຫລຸດຜ່ອນ​ອັດຕາ​ສ່ວນ​ທຸກ​ຍາກ​ລົງ 19%,… ທ່ານ​ປະທານ​ສະພາ​ແຫ່ງ​ຊາດ ​ເຮັງ ສຳຣິນ ​ເນັ້ນ​ວ່າ, ​ໄຊຊະນະ​ຂອງ​ພັກ​ປະຊາຊົນກຳປູ​ເຈຍ​ໃນ​ການ​ເລືອກ​ຕັ້ງ​ສະພາ​ແຫ່ງ​ຊາດ​ຊຸດ​ທີ V, ​ເຊິ່ງວົງ​ຄະນາ​ຍາດ​ສາກົນ​ຕີ​ລາຄາ​ວ່າ​ໄດ້​ດຳ​ເນີນ​ໄປ​ຢ່າງ​ສັນຕິພາບ ​ເສລີພາບ ​ແລະ ສະ​ເໝີ​ພາບ, ພັກ​ສືບ​ຕໍ່ກກຳ​ອຳນາດ​ນຳພາ​ປະ​ເທດ​ຊາດ​ຮອດ​ປີ 2018. ທ່ານ​ປະທານ​ສະພາ​ແຫ່ງ​ຊາດ ​ເຮັງ ສຳຣິນ ຢັ້ງຢືນ​ຜົນ​ການ​ເລືອກ​ຕັ້ງ​ໄດ້​ສ່ອງ​ແສງ​ເຖິງ​ການ​ຮັບ​ຮູ້​ຂອງ​ເກືອບ​ທັງ​ໝົດ​ປະຊາຊົນກຳປູເຈຍ ຕໍ່​ກັບ​ການ​ນຳພາ​ທີ່​ຖືກຕ້ອງ, ຖືກ​ສິນ​ທຳ​ຂອງ​ພັກ​ປະຊາຊົນກຳປູ​ເຈຍ​ໃນ 35 ທີ່​ຜ່ານ​ມາ; ພ້ອມ​ກັນ​ນັ້ນ ​ກໍ່​ສ່ອງ​ແສງ​ເຖິງ​ຄວາມ​ປາຖະໜາ​ອັນ​ແຮງ​ກ້າ​ຂອງ​ປະຊາຊົນ​ສ່ວນ​ຫຼາຍ ຕໍ່​ກັບ​ການ​ສືບ​ຕໍ່​ກຳ​ອຳນາດ​ຢ່າງ​ຖືກ​ລັດຖະທຳ​ມະນູນ ຖືກຕ້ອງ​ຕາມ​ກົດໝາຍ ຕາມ​ຈິດ​ໃຈ​ປະຊາທິປະ​ໄຕ​ຂອງ​ພັກ​ປະຊາຊົນກຳປູ​ເຈຍ.

* ວັນ​ທີ 07-01-2014, ສະຫະພັນ​ບັນດາ​ອົງການມິດຕະພາບ, ສະມາຄົມ​ມິດຕະພາບ​ຫວຽດນາມ-ກຳປູເຈຍ ຂອງ​ນະຄອນ​ໂຮ່ຈີ​ມິນ ​ໄດ້​ຈັດ​ຕັ້ງ​ການສະ​ເຫຼີ​ມສະຫຼ​ອງວັນ​ໄຊຊະນະ​ສົງຄາມ​ຊາຍ​ແດນ​ຕາ​ເວັນ​ຕົກ​ສ່ຽງ​​ໃຕ້ຄົບຮອບ 35 ປີ ​ແລະ ພ້ອມ​ກັນກັບປະຊາຊົນກຳປູເຈຍ​ຕີເອົາ​ຊະນະ​ລະບອບ​ດັບ​ສູນ​ເຊື້ອ​ຊາດ. ກ່າວ​ຄຳ​ປາ​ໄສ​ທີ່​ພິທີ​ສະ​ເຫຼີ​ມສະຫຼອງ, ທ່ານ ດຣ. ​ເຈືອງ​ມິ​ງຍຶດ ປະທານ​ສະມາຄົມ​ມິດຕະພາບ​ຫວຽດນາມ-ກຳປູເຈຍ ນະຄອນ​ໂຮ່ຈີ​ມິນ​ເນັ້ນ​ວ່າ ວັນ​ທີ 7 ມັງກອນ 1979 ​ໄດ້​​ເຂົ້າ​ໃນ​ປະຫວັດສາດ​ ເໝືອນ​ດັ່ງ​ຫຼັກ​ໝາຍ​​ແດງ​ ແຫ່ງ​ຈິດ​ໃຈສາມັກຄີ​ສາກົນອັນ​​​ໃສ​ແຈ້ງ ສະ​ເໝີ​ຕົ້ນ​ສະ​ເໝີ​ປາຍ; ຂອງ​ນ້ຳ​ໃຈ​ມິດຕະພາບ​ພິ​ເສດ​ລະຫວ່າງ​ສອງ​ຊາດ​ຫວຽດນາມ - ກຳປູເຈຍ, ຊ່ວຍ​ໃຫ້​ປະ​ເທດກຳປູເຈຍຫລຸດ​ພົ້ນ​ອອກ​ຈາກ​ໄພ​ແຫ່ງ​ການ​ດັບ​ສູນ​ເຊື້ອ​ຊາດ ຂອງ​ພວກ​ໂປ​ນປົກ ອຽງ​ສາຣີ, ກ້າວ​ເຂົ້າ​ສູ່​ສັງກາດ​ໃໝ່: ​ເອກະລາດ ອິ​ດສະລະ​ພາບ ຟື້ນ​ຊີບ​ຄືນ​ໃໝ່, ພ້ອມ​ກັນ​ນັ້ນ​ກໍ່​ເປີດ​ໜ້າ​ປະຫວັດສາດ​ໃໝ່​ໃນ​ການ​ພົວພັນ​ບ້ານ​ໄກ້​​ເຮືອນ​ຄຽງ​ລະຫວ່າງ​ສອງ​ປະ​ເທດ.

ສະ​ແດງ​ຄວາມຂອບ​ອົກ​ຂອບ​ໃຈ​ຢ່າງ​ຈິງ​ໃຈ​ຕໍ່​ພັກ ລັດ ກອງທັບ ​ແລະ ປະຊາຊົນ​ຫວຽດນາມ​ທີ່​ໄດ້​ໃຫ້ການ​ຊ່ວຍ​ເຫຼືອ​ແກ່ກຳປູເຈຍ ຜ່ານ​ໄລຍະ​ຕ່າງໆ, ທ່ານຊິ​ມ ​ໂສ​ຄອມ ກົງ​ສຸນ​ໃຫຍ່ກຳປູເຈຍ ປະຈຳ​ທີ່​ນະຄອນ​ໂຮ່ຈີ​ມິນ ​ໄດ້​ເນັ້ນ​ວ່າ ປະຊາຊົນກຳປູເຈຍຂໍ​ສະ​ແດງ​ຄວາມ​ນິຍົມ​ນັບຖື ​ແລະ ຍາມ​ໃດ​ກໍ່​ຮູ້​ບຸນຄຸນ, ຈົດຈຳ​ຕະຫຼອດ​ໄປກ່ຽວ​ກັບ​ບຸນຄຸນ​ອັນ​ໃຫຍ່​ຫຼວງ ​ຂອງ​ບັນດາ​ຄອບຄົວ​ຫວຽດນາມ​ທີ່​ມີ​ຜົວ ລູກ​ທີ່​ຮັກ​ແພງ​ຂອງ​ຕົນ ​ໄດ້​ເສຍ​ສະລະ​ຊີວິດ​ເພື່ອ​ພາລະກິດ​ປົດ​ປ່ອຍປະ​ເທດ​ຊາດ ​ແລະ ປະຊາຊົນກຳປູເຈຍ ກ່ອນ​ໜ້າ​ນີ້ 35 ປີ. ການ​ພັດທະນາ​ຢ່າງ​ແຂງແຮງ ​ແລະ ລຽນຕິດ​ຂອງ​ກຳປູເຈຍ ມາ​ເຖິງ​ທຸກ​ວັນ​ນີ້​ ບໍ່​ອາດ​ຈະ​ແຍກ​ອອກ​ຈາກການ​ຊ່ວຍ​ເຫຼືອອັນ​ລ້ຳ​ຄ່າ​ໃນ​ທຸກ​ດ້ານຂອງ​ຫວຽດນາມ./.

ຕາມ​ຂ່າວ​ຂອງ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ