ວັນອັງຄານ, 22/10/2019
ມິດຕິ້ງສະເຫຼີມສະຫຼອງວັນໄຊຊະນະ ສົງຄາມປົກປັກຮັກສາຊາຍແດນ ຕາເວັນຕົກສ່ຽງໃຕ້ ຄົບຮອບ 35 ປີ
25/3/2014 9:19' ສົ່ງ ພິມ
ທ່ານປະທານປະເທດ ເຈືອງເຕິນຊາງ ກ່າວປາໄສທີ່ພິທີສະເຫຼີມສະຫຼອງ

ກ່າວຄຳປາໄສໄຂພິທີສະເຫຼີມສະຫຼອງ, ທ່ານປະທານປະເທດ ເຈືອງເຕິນຊາງ ຍົກໃຫ້ເຫັນແຈ້ງວ່າ ໂດຍຕອບສະໜອງຄຳຮຽກຮ້ອງຮີບດ່ວນຂອງແນວໂຮມສາມັກຄີກູ້ຊາດກຳ​ປູເຈຍ ​ແລະ ຂອງປະຊາຊົນກຳ​ປູ​ເຈຍອ້າຍນ້ອງ, ພັກ ລັດ ປະຊາຊົນ ແລະ ກອງທັບປະຊາຊົນຫວຽດນາມໄດ້ປະຕິບັດສິດປ້ອງກັນຕົວອັນຊອບທຳ, ທັບມ້າງການກະທຳຮຸກຮານ, ພ້ອມກັນກັບກຳລັງປະກອບອາວຸດ ​ແລະປະຊາຊົນກຳ​ປູ​ເຈຍ, ການສະໜັບສະໜູນຂອງເພື່ອນມິດໃນໂລກ ໄດ້ໂຄ່ນລົ້ມລະບອບດັບສູນເຊື້ອຊາດໃນວັນທີ 07-01-1979... ນີ້ແມ່ໄຊຊະລວ, ຄວາມມ່ວນຊື່ນລວມຂອງປະຊາຊົນສອງປະເທດ, ປົກປັກ​ຮັກສາເອກະລາດ ອຳນາດອະທິປະໄຕ ຜືນແຜ່ນດິນອັນຄົບຖ້ວນຂອງກຳ​ປູ​ເຈຍ ແລະ ຂອງຫວຽດນາມຢ່າງໝັ້ນຄົງ, ປິດໜ້າປະຫວັດສາດອັນມືດມົນທີ່ສຸດຂອງປະເທດກຳປູເຈຍ, ກອບກູ້ປະຊາຊົນກຳ​ປູ​ເຈຍໃຫ້ຫລຸດພົ້ນອອກຈາກໄພແຫ່ງການດັບສູນເຊື້ອຊາດ, ​ເປີດສັງກາດໃໝ່ອອກມາເຊິ່ງເປັນສັງກາດແຫ່ງເອກະລາດ ອິດສາລະພາບ ເປັນກາງ ແລະ ການພັດທະນາ... ທ່ານປະທານປະເທດຢັ້ງຢືນນ້ຳໃຈສະມັກຄີສູ້ຮົບອັນຜ່ອງໃສ ລະຫວ່າງປະຊາຊົນສອງປະເທດ ຈະໄດ້ຈາລຶກໄວ້ໃນປະຫວັດສາດຕະຫຼອດການ ແລະ ຈະບໍ່ມີອິດທິກຳລັງໃດສາມາດບິດເບືອນໄດ້...

ທ່ານເຮັງ ສຳຣິນ ປະທານສະພາແຫ່ງຊາດແຫ່ງລາຊະອານາຈັກກຳປູ​ເຈຍ ສະແດງຄວາມດີອົກດີໃຈທີ່ໄດ້ຕາງໜ້າປະຊາຊົນກຳປູ​ເຈຍ ເຂົ້າຮ່ວມພິທີມິດຕິ້ງອັນສົມກຽດເພື່ອສະເຫຼີມສະຫຼອງ 35 ປີແຫ່ງເຫດການທີ່​ທະຫານອາສາສະໝັກຫວຽດນາມໄດ້ປະຕິບັດພາລະກິດອັນສູງສົ່ງ, ຊ່ວຍປົດປ່ອຍປະຊາຊົນກຳ​ປູ​ເຈຍໃຫ້ຫລຸດພົ້ນອອກຈາກລະບອບດັບສູນເຊື້ອຊາດ ໂປນປົດ, ຍາດໄດ້ໄຊຊະນະອັນຍິ່ງໃຫຍ່ໃນວັນທີ 07-01-1979 ​ເຊິ່ງເປັນວັນເກີດທີສອງຂອງປະຊາຊົນກຳ​ປູ​ເຈຍ. ທ່ານເຮັງ ສຳຣິນ ປະທານສະພາແຫ່ງຊາດ​ ​ເນັ້ນວ່າ ຖ້າຫາກບໍ່ມີການເສຍສະຫຼະອັນສູງສົ່ງຂອງກອງທັບຫວຽດນາມ ປະຊາຊົນກຳ​ປູ​ເຈຍກໍ່ຈະບໍ່ມີໂອກາດເພື່ອຍາດເອົາໄຊຊະນະອັນເປັນປະຫວັດສາດໃນວັນທີ 07-01-1979. ​ໄຊຊະນະນີ້ຖືກປະຊາຊົນກຳ​ປູ​ເຈຍຈັດຕັ້ງ​​ເພື່ອສະເຫຼີມສະຫຼອງຂ່ຳນັບຮັບຕ້ອນ, ພ້ອມກັນນັ້ນກໍ່ເປັນໂອກາດເພື່ອລຶ້ມຄືນຄວາມລະລຶກອັນຂົມຂື່ນ ແລະ ສະແດງຄວາມຮູ້ບຸນຄຸນຕະຫຼອດການຕໍ່ຜູ້ທີ່ໄດ້ຊ່ວຍກູ້ປະເທດ ແລະ ປະຊາຊົນກຳ​ປູ​ເຈຍ. ປະຊາຊົນກຳ​ປູ​ເຈຍສະແດງຄວາມຮູ້ບຸນຄຸນຕະຫຼອດການຕໍ່ການຊ່ວຍເຫຼືອດັ່ງກ່າວ ແລະຂໍຈາລຶກໄວ້ໃນປະຫວັດສາດຂອງຕົນເພື່ອຕັກເຕືອນ​​ໃຫ້​​ຄົນຮຸ່ນຫຼັງແລະ ລູກຫຼານໃນພາຍໜ້າ...

ການສະເຫຼີມສະຫຼອງວັນໄຊຊະນະສົງຄາມປົກປັກຮັກສາຊາຍແດນຕາເວັນຕົກສ່ຽງໃຕ້ ແລະ ພ້ອມກັນກັບປະຊາຊົນກຳປູເຈຍຕີເອົາຊະນະລະບອບດັບສູນເຊື້ອຊາດ ຄົບຮອບ 35 ປີ ຍິ່ງຢັ້ງຢືນຄຸນຄ່າຂອງນ້ຳໃຈສາມັກຄີ ສະເໝີຕົ້ນສະເໝີປາຍອັນໃສແຈ້ງ ແລະ ສາຍພົວພັນມິດຕະພາບພິເສດ, ໝັ້ນຄົງຂະໜົງແກ່ນຕະຫຼອດການລະຫວ່າງສອງຊາດອ້າຍນ້ອງຫວຽດນາມ - ​ກຳ​ປູ​ເຈຍ./.

ໂດຍ: ​ແຂງງວຽນ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ