ວັນອາທິດ, 18/8/2019
ປະກາດເປັນທາງການລັດຖະທຳມະນູນ ຂອງປະເທດສາທາລະນະລັດ ສັງຄົມນິຍົມ ຫວຽດນາມ
31/3/2014 10:3' ສົ່ງ ພິມ
ທ່ານປະທານປະເທດ ເຈືອງເຕິນຊາງ ລົງນາມໃນຄຳສັ່ງປະກາດເປັນທາງການລັດຖະທຳມະນູນແຫ່ງ ສ.ສ.ຫວຽດນາມ. ພາບ: TTXVN

ຢູ່ທີ່ການປະຊຸມສື່ຂ່າວ, ​ໂດຍປະຕິບັດຕາມການມອບສິດຂອງປະທານປະເທດ, ທ່ານຢາງເຊີນ ຮອງຫົວໜ້າຜູ້ປະຈຳການຫ້ອງວ່າການປະທານປະເທດ ໄດ້ປະກາດຄຳສັ່ງສະບັບທີ 18/2013/L-CTN ລົງວັນທີ 8 ທັນວາ 2013 ກ່ຽວກັບການປະກາດເປັນທາງການລັດຖະທຳມະນູນ ແລະ ຄຳສັ່ງສະບັບທີ 19/2013/L-CTN ລົງວັນທີ 8 ທັນວາ 2013 ກ່ຽວກັບການປະກາດເປັນທາງການມະຕິຂອງສະພາແຫ່ງຊາດ.

ທ່ານຟານຈຸງຫລີ ກຳມະການຄະນະປະຈຳການສະພາ​​ແຫ່ງຊາດ, ປະທານກຳມາທິການກົດໝາຍຂອງສະພາແຫ່ງຊາດ ໄດ້ແນະນຳບັນດາເນື້ອໃນພື້ນຖານຂອງ ລັດຖະທຳມະນູນແຫ່ງ ສ..​ຫວຽດນາມ; ​ເນັ້ນວ່າ ລັດຖະທຳມະນູນແຫ່ງ ສ..​ຫວຽດນາມ ທີ່ສະພາແຫ່ງຊາດໄດ້ຮັບຮອງຜ່ານໃນກອງປະຊຸມສະໄໝສາມັນເທື່ອທີ່ 6 ນັ້ນ ໄດ້ຮັບການກະກຽມຢ່າງຮອບຄອບ ເຂັ້ມງວດ, ກັ່ນຕອງ ແລະ ເກັບທ້ອນໄດ້ຫຼາຍຄວາມຄິດຄວາມເຫັນທີ່ ຖືກຕ້ອງຊັດເຈນຂອງປະຊາຊົນ ຂອງບັນດາສະມາຊິກສະພາແຫ່ງຊາດ ຂອງບັນດາຜູ້ຊ່ຽວຊານ ນັກວິທະຍາສາດ, ຕອບສະໜອງໄດ້ຈຸດໝາຍ ຄວາມຮຽກຮ້ອງຕ້ອງການທີ່ວາງອອກ.

ລັດຖະທຳມະນູນ ສົມທົບໄດ້ສະຕິປັນຍາ ມານະຈິດ ຄວາມມຸ່ງມາດປາຖະໜາຂອງປະຊາຊົນສ່ວນຫຼວງຫຼາຍທີ່ສຸດ, ສະແດງໃຫ້ເຫັນໄດ້ເຖິງຈິດໃຈຂອງພັກ ນ້ຳໃຈຂອງປະຊາຊົນ ແລະ ຄວາມເຫັນດີເຫັນພ້ອມຂອງທັງລະບົບການເມືອງ.

ທ່ານປະທານກຳມາທິການກົດໝາຍຂອງສະພາແຫ່ງຊາດ ຟານຈຸງຫລີ ຊີ້ໃຫ້ເຫັນແຈ້ງວ່າ: ດ້ວຍການປະກອບ 11 ໝວດ, 120 ມາດຕາ (ຫລຸດ 1 ໝວດ ແລະ 27 ມາດຕາທຽບກັບລັດຖະທຳມະນູນປີ 1992), ລັດຖະທຳມະນູນແຫ່ງ ສ..​ຫວຽດນາມ ທີ່ສະພາແຫ່ງຊາດຮັບຮອງຜ່ານໃນປີ 2013 ​ໄດ້ເປັນລັດຖະທຳມະນູນທີ່ແທ້ຈິງຂອງສະໄໝແຫ່ງການປ່ຽນແປງໃໝ່ຮອບດ້ານ ຄົບຊຸດທັງດ້ານການເມືອງ ແລະສັງຄົມ, ຕອບສະໜອງໄດ້ກັບຄວາມຕ້ອງການຂອງການສ້າງສາ ປົກປັກຮັກສາປະເທດຊາດ ແລະເຊື່ອມໂຍງ​ເຂົ້າກັບສາກົນໃນສະ​​ໄໝໃໝ່.

ທຽບກັບລັດຖະທຳມະນູນປີ 1992, ລັດຖະທຳມະນູນສະບັບນີ້ມີຈຸດໃໝ່ຫຼາຍຈຸດ ນັບທັງດ້ານເນື້ອໃນ ແລະ​​ເຕັກນິກນິຕິບັນຍັດ; ສະແດງຈະແຈ້ງ ແລະຄົບຖ້ວນເຖິງທາດແທ້ປະຊາທິປະໄຕ ກ້າວໜ້າຂອງລັດ ແລະລະບອບຫວຽດນາມໃນສະໄໝຂ້າມຜ່ານຂຶ້ນສູ່ລັດທິສັງຄົມນິຍັມ; ກຳນົດຈະແຈ້ງ ຖືກຕ້ອງ ແລະຄົບຖ້ວນກ່ຽວກັບລະບອບການເມືອງ ວັດທະນະທຳ ການສຶກສາ ວິທະຍາສາດ ເຕັກໂນໂລຊີ ແລະສິ່ງແວດລ້ອມ, ສິດທິມະນຸດ ສິດແລະພັນທະພື້ນຖານຂອງພົນລະເມືອງ, ການປົກປັຮັກສາປະທເດຊາ, ການຈັດຕັ້ງກົງຈັກລັດ, ກ່ຽວກັບຜົນສັກສິດ ແລະ ລຳດັບການປັບປຸງລັດຖະທຳມະນູນ.

ລັດຖະທຳມະນູນໄດ້ສະແດງໃຫ້ເຫັນແຈ້ງກວ່າອີກເຖິງທາດແທ້ຂອງລັດຫວຽດນາມ ທີ່ເປັນລັດປະຊາທິປະໄຕ, ລັດອຳນາດກົດໝາຍຫວຽດນາມສັງຄົມນິຍົມ ຂອງປະຊາຊົນ ໂດຍປະຊາ​ຊົເພື່ອປະຊາຊົນ, ອຳນາດລັດທັງໝົດຂຶ້ນກັບປະຊາຊົນ. ລັດຖະທຳມະນູນສືບຕໍ່ຢັ້ງຢືນທີ່ຕັ້ງ ບົດບາດນຳພາຂອງພັກຕໍ່ກັບລັດ ແລະສັງຄົມ, ໜ້າທີ່ຮັບຜິດຊອບຂອງພັກຕໍ່ໜ້າປະຊາຊົນ; ຢັ້ງຢືນກຳລັງແຮງມະຫາສາມັກຄີປວງຊົນທັງຊາດ, ບົດບາດຂອງແນວໂຮມປະເທດຊາດຫວຽດນາມ ກຳມະບານ ແລະບັນດາອົງການຈັດຕັ້ງການເມືອງ-ສັງຄົມ ແລະ ບັນດາອົງການຈັດຕັ້ງອື່ນ ໃນພາລະກິດການສ້າງສາ ແລະ ປົກປັກຮັກສາປະເທດຊາດ.

ລັດຖະທຳມະນູນຮັບຮູ້ ເຄົາລົບນັບຖື ແລະຮັບປະກັນການປະຕິບັດສິດທິມະນຸດ, ສິດ​​ແລະພັນທະພື້ນຖານຂອງພົນລະເມືອ; ສືບຕໍ່ປັບປຸງບູລະນະລະບຽບກົດໝາຍເສດຖະກິດຕະຫຼາດຕາມທິດສັງຄົມນິຍົມ...

ເພື່ອມີພື້ນຖານນິຕິກຳໃຫ້ແກ່ການຜັນຂະຫຍາຍປະຕິບັດລັດຖະທຳມະນູນສະບັບໃໝ່, ສະພາແຫ່ງຊາດໄດ້ປະກາດໃຊ້ມະຕິກຳນົດບາງຂໍ້ກ່ຽວກັບການປະຕິບັດລັດຖະທຳມະນູນ, ​ໃນນັ້ນກຳນົດແຈ້ງຈຸເວລາທີ່ລັດຖະທຳມະນູນສະບັບໃໝ່ມີຜົນສັກສິດ ນັ້ນຄືນັບແຕ່ວັນທີ 1 ມັງກອນ 2014.../.

ໂດຍ: ຫ່ວາຍເຟືອງ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ