ວັນອາທິດ, 18/8/2019
ທ່ານນາຍົກລັດຖະມົນຕີ ຫງວຽນເຕິນຢຸງ ສຳເລັດສິ້ນສຸດການໄປປະຕິບັດງານ ທີ່ຕ່າງປະເທດ ຢ່າງດີງາມ
4/4/2014 18:7' ສົ່ງ ພິມ
ທ່ານນາຍົກລັດຖະມົນຕີ ຫງວຽນເຕິນຢຸງ ກ່າວປາໄສກ່ຽວກັບການເພີ່ມທະວີຄວາມໝັ້ນຄົງດ້ານປະລະມານູ, ຫລຸດຜ່ອນໄພອັນຕະລາຍຈາກການກໍ່ການຮ້າຍດ້ວຍປະລະມານູ, ບັນດາມາດຕະການຂອງຊາດ ແລະການຮ່ວມມືສາກົນ. ພາບ: TTXVN

ຮອຍ​ປະ​ທັບ​ຂອງ​ຫວຽດນາມ ທີ່ກອງ​ປະຊຸມ​ຂັ້ນ​ສຸດ​ຍອດ ​ກ່ຽວ​ກັບ​ຄວາມໝັ້ນຄົງ​ດ້ານ​ປະລະມານູ

ກອງ​ປະຊຸມ​ຂັ້ນ​ສຸດ​ຍອດ ​ກ່ຽວ​ກັບ​ຄວາມໝັ້ນຄົງ​ດ້ານ​ປະລະມານູ ​ແມ່ນ​ເຫດການ​ສາກົນອັນ​ໃຫຍ່​ຫຼວງ ທີ່​ດຶງ​ດູດ​ຄວາມ​ເອົາ​ໃຈ​ໃສ່​ເປັນ​ພິ​ເສດ​ ຂອງວົງ​ການ​ສື່​​ມວນຊົນ​ໃນ​ທົ່ວ​ໂລກ. ນີ້​ແມ່ນ​ເວທີ​ປາ​ໄສ​ຂັ້ນ​ສູງ, ​ເຕົ້າ​ໂຮມ ​ແລະ​ເພີ່ມ​ທະວີ​ມານະ​ຈິດ​ການ​ເມືອງ ກໍ່​ຄື​ເຈດຕະນາ​ຮ່ວມ​ມື​​ໃນ​ຄວາມ​ມານະ​ພະຍາຍາມ​ລວ​ມ ຂອງ​ວົງ​ຄະນາ​ຍາ​ດສາກົນ ​ເພື່ອ​ແນ​ໃສ່​ຮັບປະກັນຄວາມ​ປອດ​ໄພ ຄວານໝັ້ນຄົງ​ດ້ານ​ປະລະມານູ. ຄະນະ​ຜູ້​ແທນ​ຫວຽດນາມ ນຳໂດຍທ່ານນາຍົກລັດຖະມົນຕີ ຫງວຽນ​ເຕິ​ນຢຸງ ​ໄດ້​ເຂົ້າ​ຮ່ວມ​ການ​ປະຊຸມ​ຄົບ​ຄະນະ​ທັງ​ໝົດ 7 ວາລະ, ພ້ອມ​ກັນ​ນັ້ນ​ກໍ່​ປະກອບຄວາມ​ຄິດ​ປະດິດ 8 ຂໍ້​ໃນ​ຈຳນວນ 15 ຂໍ້ທີ່​ສະ​ເໜີ​ຕໍ່​ກອງ​ປະຊຸມ ​ເຊິ່ງມີ​ຄວາມ​ພົວພັນ​ເຖິງບັນຫາ​ ຄວາມໝັ້ນຄົງ​ດ້ານ​ສື່​ຂ່າວ​ປະລະມານູ, ສ້າງ​ຕັ້ງ​ບັນດາ​ສູນ​ກໍ່ສ້າງ ​ແລະ​ຊ່ວຍ​ໜູນ​ໃຫ້​ແກ່ຄວາມ​ໝັ້ນຄົງ​ດ້ານ​ປະລະມາ​ນູ... 

ນ້ຳ​ໃຈ​ຮັບຜິດ​ຊອບ ​ແລະ​ຄຳ​ເຫັນ​ຕີ​ລາຄາ ປະ​ເມີນ​ຄ່າ​ຢ່າງ​ເລິກ​ເຊິ່ງ ຂອງທ່ານນາຍົກລັດຖະມົນຕີຫວຽດນາມ​ ໄດ້​ຮັບ​ຄວາມ​ຊົມ​ເຊີຍ ​ເຫັນ​ດີ​ເຫັນ​ພ້ອມ ​ແລະ ​ແບ່ງປັນ​ຂອງ​ບັນດາ​ທ່ານ​ຜູ້ນຳ​ທີ່​ຮ່ວມ​ກອງ​ປະ​ຊູ​ມ, ​ເປັນ​ຕົ້ນ​ແມ່ນ ​ເມື່ອທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ເນັ້ນ​ເຖິງ​ຄວາມ​ຈຳ​ເປັນ​ຕ້ອງ​ເພີ່ມ​ທະວີ​ບົດບາດ​ຂອງ​ກົນ​ໄກ​ພະຫຸ​ພາຄີ, ພິ​ເສດ​ແມ່ນ ອົງການ​ພະລັງງານ​ປະລະມານູ​ສາກົນ (IAEA) ​ແລະ​ສະຫະ​ປະຊາ​ຊາດ ຕໍ່ໜ້າ​ສິ່ງ​ທ້າ​ທາຍ​ຕ່າງໆ​ຕໍ່​ກັບ​ຈຸດໝາຍ​ລວມຂອງ​ມະນຸດຊາດ ນັ້ນ​ຄື​ຮັບປະກັນ​ຄວາມ​ປອດ​ໄພ ຄອມ​ໝັ້ນຄົງ​ດ້ານ​ປະລະມານູ.

ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ຮຽກຮ້ອງ​ໃຫ້​ວົງ​ຄະນາ​ຍາດ​ສາກົນຈົ່ງ​ວາງ​ໂຄງການ ວິທີການແກ້​ໄຂ ​ທີ່​ລະອຽດ ​ແລະ ສອດຄ່ອງ​ ເພື່ອ​ຊ່ວຍ​ເຫຼືອ​ບັນດາ​ປະ​ເທດ​ກຳລັງ​ພັດທະນາ​ໃນ​ຂົງ​ເຂດ​ນີ້. ຂໍ້​ສະ​ເໜີ​ນີ້​ຂອງ​ຫວຽດນາມ​ສອດຄ່ອງ​ທີ່​ສຸດ​ກັບຄວາມ​ຕ້ອງການ ຜົນ​ປະ​ໂຫຍ​ດ ​ໃນ​ຂະ​ບວນວິວັດ​ການພັດທະນາ​ພະລັງງານ​ປະລະມານູ ​ເພື່ອ​ຈຸດປະສົງ​ສັນຕິພາບ​ ຂອງ​ບັນດາ​ປະ​ເທດ​ກຳລັງ​ພັດທະນາ​ ຄື​ປະ​ເທດ​ຫວຽດນາມ.

ລະຫວ່າງ​ບັນດາ​ວາລະ​ປະຊຸມ, ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ໄດ້​ເປັນ​ເຈົ້າ​ການ​ພົບ​ປະ ​ແລກປ່ຽນ​ຄວາມ​ຄິດ​ຄວາມ​ເຫັນ​ ກັບປະ​ມຸກ​ຂອງ​ບັນດາ​ປະ​ເທດ ກ່ຽວ​ກັບ​ບັນດາ​ບັນຫາ​ຮ່ວມ​ມື​ທະວິພາຄີ ບັນດາ​ບັນຫາ​ທີ່​ມີ​ລັກສະນະ​ເຊື່ອມ​ໂຍງ​ພາກ​ພື້ນ ບົນ​ຈິດ​ໃຈ​ມິດຕະພາບ ​ເຄົາລົບ​ນັບຖືຊຶ່ງ​ກັນ​ແລະ​ກັນ ກໍ່ສ້າງ ຮ່ວມ​ມື​ພ້ອມ​ກັນ​ພັດທະນາ. 

ລຽນຕິດ​ໃນ​ສອງ​ວັນ​ທີ່​ກອງ​ປະ​ຊຸມ​ດຳ​ເນີນ​ຢູ່​, ​ໃນ​ເວລາ​ພັກ​ເຊົາ​ເໝື່ອຍລະຫວ່າງ​ວາລະ​ປະຊຸມ ​ແລະ​ໃນ​ຕອນ​ຄ່ຳ, ຜູ້ນຳ​ໜ້າ​ລັດຖະບານ​ຫວຽດນາມ ​ໄດ້​ດຳ​ເນີນ​ການ​ພົບ​ປະທະວິ​ພາຄີ 20 ຄັ້ງ ກັບ​ບັນດາ​ຜູ້ນຳ​ປະ​ເທດ​ໃຫຍ່ທີ່​ເປັນ​ຄູ່ຮ່ວມ​ຂອງ​ຫວຽດນາມ​ເຊັ່ນ ປະທານາທິບໍດີ​ສະຫະລັດ​ອາ​ເມ​ລິ​ກາ ທ່ານ ບ.​ໂອ​ບາ​ມາ, ປະທານ​ປະ​ເທດ​ຈີນ ທ່ານສີ ຈິ້ນ​ຜິ​ງ, ປະທານາທິບໍດີ​​ຝຣັ່ງ ທ່ານ​ຟຣັງຊວາ ​ໂຮ​ນລັງ, ນາຍົກລັດຖະມົນຕີຍີ່ປຸ່ນ ທ່ານ​ຊິນ​ໂຢ ອາ​ເບ, ນາຍົກລັດຖະມົນຕີ​ເຢຍລະ​ມັນ ທ່ານ​ນາງ ອານ​​ແກ​ລາ ເມີກແກນ, ປະທານາທິບໍດີ​ສາທາລະນະ​ລັດ​ເກົາຫຼີ ທ່ານນາງ ​ພັກ ກຶນຮະ​ເຢ, ນາຍົກລັດຖະມົນຕີສິງຄະ​ໂປ ທ່ານ​ລີ ຊຽນລຸງ… ​ແລະ​ການ​ນຳ​ຂອງ​ບັນດາ​ອົງການ​ຈັດ​ຕັ້ງ​ສາກົນ​ຄື ທ່ານ​ພັນ ກີ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ, ທ່ານ​ໂຈ​ເຊ ມາ​ນູ​ແອນ ບາໂຣ​ໂຊ ປະທານ​ຄະນະ​ກຳມາ​ທິການ​ທະວີບ​ເອີຣົບ…

ການ​ເຄື່ອນ​ໄຫວ​ຂອງ​ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ຢູ່​ທີ່​ກອງ​ປະຊຸມ​ ບໍ່​ພຽງແຕ່ປະກອບສ່ວນຮັດ​ແໜ້ນ ​ຄວາມ​ເຂົ້າ​ໃຈ ຄວາມ​ໄວ້​ວາງ​ໃຈ​ດ້ານ​ການ​ເມືອງ​ເທົ່າ​ນັ້ນ ຫາກ​ຍັງ​ຊຸກຍູ້​ການ​ຮ່ວມ​ມື​ສອງ​ຝ່າຍ​ລະຫວ່າງ​ຫວຽດນາມ ກັບ​ບັນດາ​ປະ​ເທດ ​ແລະ ບັນດາ​ອົງການ​ຈັດ​ຕັ້ງ​ສາກົນ.

​ເຖິງ​ວ່າ​ຕ້ອງ​ເຮັດ​ວຽກ​ງານ​ຕ່າງໆ​ຫຼາຍຢ່າງ​ໃນ​ການຈັດ​ຕັ້ງ​ກອງ​ປະຊຸມ​ສາກົນທີ່​ສຳຄັນ ​ແຕ່​ໂຮ​ນລັງ​ກໍ່​ໄດ້​ໃຫ້​ຄວາມ​ເອົາ​ໃຈ​ໃສ່​ເປັນ​ພິ​ເສດ, ​ໃຫ້ການ​ຕ້ອນຮັບ ຊ່ວຍ​ເຫຼືອຢ່າງ​ຈິງ​ໃຈ ຮອບ​ຄອບ​ແກ່​ການ​ເຄື່ອນ​ໄຫວ​ຂອງ​ຄະນະ​ຜູ້​ແທນ​ຂັ້ນ​ສູງ​ຂອງ​ຫວຽດນາມ. ​ໃນ​ທັນທີ​ຫຼັງ​ຈາກ​ພິທີ​ອັດ​ກອງ​ປະຊຸມ​ສາກົນ, ທ່ານມາກ ຣຸດ​ເຕີ ​ນາຍົກລັດຖະມົນຕີ​ໂຮ​ນລັງ ກໍ່​ໄດ້​ດຳ​ເນີນ​ການ​ພົບ​ປະ​ປຶກສາ​ຫາລື​ ກັບທ່ານ​ນາຍົກລັດຖະມົນຕີ ຫງວຽນເຕິ​ນຢຸງ ​ເພື່ອ​ແລກປ່ຽນ​ກ່ຽວ​ກັບ​ບັນດາ​ມາດ​ຕະການ​ອັນ​ລະອຽດ ​ແນ​ໃສ່​ຊຸກຍູ້​ການ​ຮ່ວມ​ມື​ໃນ​ຫ້າ​ຂົງ​ເຂດ​ບຸລິມະສິດ: ​ການ​ປັບ​ຕົວ​ໃຫ້​ສອດ​ຄ່ອງກັບ​ການ​ປ່ຽນ​ແປງ​ດິນ​ຟ້າ​ອາກາດ ​ແລະການ​ຄຸ້ມ​ຄອງ​ແຫຼ່ງນ້ຳ, ການ​ກະສິກຳ, ພະລັງງານ ​ແລະ​ນ້ຳມັນ​ເຊື້ອ​ໄຟ, ທ່າ​ກ່ຳ​ປັ່ນ​ທະ​ເລ ​ແລະ​ການ​ບໍລິການ​ພະລາ​ທິການ.

ທ່ານ​ນາຍົກລັດຖະມົນຕີທັງສອງ​ເປັນ​ເອກະພາບ​ກັນ ຊີ້​ນຳ​ລັດຖະບານ​ຂອງ​ສອງ​ປະ​ເທດສືບ​ຕໍ່​ສະໜັບສະໜູນ ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ ​ເພື່ອ​ໃຫ້​ບັນດາ​ວິ​ສາ​ຫະກິດ​ເພີ່ມ​ທະວີ​ການ​ຮ່ວມ​ມື ລົງທຶນ, ​ເປັນ​ຕົ້ນ​ແມ່ນ​ໃນ​ບັນດາ​ຂົງ​ເຂດ​ເຊັ່ນ ນ້ຳມັນ​ເຊື້ອ​ໄຟ ຕໍ່​ກ່ຳ​ປັ່ນ ກະສິກຳ… ລັດຖະບານ​ສອງ​ປະ​ເທດ​ຕັດສິນ​ໃຈ​ສຳ​ເລັດ​ການ​ເຈລະຈາ​ໂດຍ​ໄວ ກ້າວ​ເຖິງ​ລົງ​ນາມ​ໃນ “ຂໍ້​ຕົກລົງ​ຄູ່​ຮ່ວມ​ຍຸດ​ທະ​ສາດ ກ່ຽວ​ກັບ​ການ​ກະສິກຳ​​ແບບຍືນ​ຍົງ ​ແລະຄວາມ​ໝັ້ນຄົງ​ດ້ານ​ສະບຽງ”.

ຍອດ​ສູງ​ໃໝ່​ໃນ​ສາຍ​ພົວພັນ​ຮ່ວມ​ມື​ຫວຽດນາມ - ກູ​ບາ

​ໃນ​ເວລາ​ຢູ່​ຢ້ຽມຢາມ​ປະ​ເທດ​ກູ​ບາ​ຢ່າງ​ເປັນ​ທາງ​ການ ​ແຕ່​ວັນ​ທີ 26 ຫາ 27 ມີນາ, ທ່ານນາຍົກລັດຖະມົນຕີ ຫງວຽນເຕິນຢຸງ ​ແລະ​ບັນດາ​ທ່ານ​ຜູ້ນຳ​ກູ​ບາ ​ໄດ້​ແລກປ່ຽນ​ບັນດາ​ມາດ​ຕະການ​ໃຫຍ່ ​ເພື່ອ​ແນ​ໃສ່​ສືບ​ຕໍ່​ປັບປຸງ ​ສາຍ​ພົວພັນ​ເພື່ອນ​ມິດອັນເປັນ​ມູນ​ເຊື້ອ​ພິ​ເສດ ຫວຽດນາມ - ກູ​ບາ; ຍົກ​ສູງ​ປະສິດທິ​ຜົນຂອງ​ການ​ພົວພັນ​ຮ່ວມ​ມື​ດ້ານ​ເສດຖະກິດ ການ​ຄ້າ... ຍົກ​ສາຍ​ພົວພັນ​ຮ່ວມ​ມື​ທະວິ​ພາຄີ​ ລະຫວ່າງ​ສອງ​ປະ​ເທດ ຂຶ້ນ​ສູ່​ຍອດ​ສູງ​ໃໝ່.

​ໃນ​ການ​ພົບ​ປະ​ປຶກສາ​ຫາລື​ລະຫວ່າງ​ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ກັບ​ທ່ານຣາອູ​ນ ກາສ​ໂຕຣ ຣູດ ​ປະທານ​ສະພາ​ແຫ່ງ​ລັດ ​ແລະ​ສະພາ​ລັດຖະມົນຕີ, ສອງ​ຝ່າຍ​ໄດ້​ຢັ້ງຢືນ​ຄວາມ​ຕັດສິນ​ໃຈ​ປັບປຸງ ເຮັດ​ໃຫ້ສາຍ​ພົວພັນສາມັກຄີ​ອ້າຍ​ນ້ອງ ມິດຕະພາບ​ອັນ​ເປັນ​ມູນ​ເຊື້ອ ​ແລະ​ການ​ຮ່ວມ​ມື​ຮອບດ້ານ​ ລະຫວ່າງ​ຫວຽດນາມ - ກູ​ບາ ຂະຫຍາຍຕົວເລິກ​ເຊິ່ງກວ່າ​ອີກ​ ​ເພື່ອ​ຮັບ​ໃຊ້​ໃຫ້​ແກ່​ພາລະກິດ​ປົກ​ປັກ​ຮັກສາ​ປະ​ເທດ​ຊາດ ​ແລະ​ກໍ່ສ້າງ​ລັດ​ທິສັງຄົມ​ນິຍົມ ຂອງ​ແຕ່ລະ​ປະ​ເທດ. ສອງ​ຝ່າຍໄດ້​ແລກປ່ຽນ ​ແລະ​ເປັນ​ເອກະ​ພາບ​ກັນ ​ກ່ຽວ​ກັບ​ທິດ​ທາງ​ໃຫຍ່ ​ກໍ່​ຄື​ບັນດາ​ມາດຕະ​ການ​ເພີ່ມ​ທະວີ​ການ​ພົວພັນ​ຫວຽດນາມ - ກູ​ບາ​ໃນ​ໄລຍະ​ເວລາ​ທີ່​ຈະ​ມາ​ເຖິງ, ​ເປັນ​ຕົ້ນ​ແມ່ນ ​ໃນ​ບັນດາ​ຂົງ​ເຂດ​ທີ່​ສອງ​ປະ​ເທດ​ມີ​ຄວາມ​ສາມາດ​ບົ່ມຊ້ອນ ​ແລະ​ທ່າ​ແຮງ ​ເພື່ອ​ເພີ່ມ​ເຕີມ​ໃຫ້​ແກ່​ກັນ​ຄື ການ​ຄ້າ ການກະສິກຳ ​ເອ​ເລັກ​ໂຕຣນິກ-​ໂທລະ​ຄົມມະນາຄົມ ພະລັງງານ ສາທາລະນະ​ສຸກ ອຸດສາຫະກຳ​ຊີວະ​ສາດ-​​ເພສັດຊະກຳ ການກໍ່ສ້າງ ທ່ອງ​ທ່ຽວ ການ​ສຶກສາ​ແລະ​ກໍ່ສ້າ​ງພະນັກງານ.

​ໃນ​ການ​ເຮັດ​ວຽກ​ກັບ​ບັນດາ​ການ​ນຳ​ຂອງ​ກູ​ບາ ສອງ​ຝ່າຍ​ໄດ້​ແລກປ່ຽນ​ກ່ຽວ​ກັບ​ສະພາບ​ການ​ຂອງ​ບັນດາ​ຂົງ​ເຂດ​ຮ່ວມ​ມື​ທະວິ​ພາຄີ​ ລະຫວ່າງ​ຫວຽດນາມແລະກູ​ບາ, ປຶກສາ​ຫາລື​ມາດ​ຕະການ​ຈຳ​ນວນ​ໜຶ່ງ​ ເພື່ອ​ຊຸກຍູ້​ການ​ພົວພັນລະຫວ່າງ​ສອງ​ປະ​ເທດ ​ໃຫ້​ສືບ​ຕໍ່​ຂະຫຍາຍຕົວ​ເຂົ້າ​ສູ່​ລວງ​ເລິກ ​ແທດ​ຈິງ ມີ​ປະ​ສິດທິ​ຜົນກວ່າ​ເກົ່າ, ​ໃນ​ນັ້ນ​ໄດ້​ເນັ້ນ​ເຖິງ​ຄວາມ​ສຳຄັນ​ຂອງ​ການ​ເພີ່ມ​ທະວີ​ການ​ແລກປ່ຽນ​ທາ​ບທາມ ​ແລະ​ຮ່ວມ​ມື​ຢ່າງ​ແໜ້ນ​ແຟ້ນ ລະຫວ່າງ​ສອງ​ພັກ ສອງ​ລັດຖະບານ ​ແລະ​ປະຊາຊົນ​ສອງ​ປະ​ເທດ. ພ້ອມ​ກັນ​ນັ້ນ ​ກໍ່​ສຸມ​ໃສ່​ຕີ​ລາຄາ​ການ​ພົວພັນ​ຮ່ວມ​ມື​ດ້ານ​ເສດຖະກິດ, ຖື​ວ່າ​ນີ້​ແມ່ນ​ເນື້ອ​ໃນ​ທີ່​ສຳຄັນ ​ເຊິ່ງລັດຖະບານ​ສອງ​ປະ​ເທດ​ຕ້ອງ​ຖື​ເປັນ​ຈຸດ​ໜັກ ​ເພື່ອ​ຊຸກຍູ້​ໃຫ້​ຂະຫຍາຍຕົວທຽບ​ເທົ່າ​ກັບ​ການ​ພົວພັນ​ດ້ານ​ການ​ເມືອງ ​ແລະ​ຄວາມ​ສາມາດ​ບົ່ມ​ຊ້ອນ​ຂອງ​ສອງ​ຝ່າຍ. 

ສ້າງ​ບາດກ້າວ​ບຸກທະລຸ​ໃນ​ການ​ຮ່ວມ​ມື​ດ້ານ​ເສດຖະກິດ​ຫວຽດນາມ - ຮາ​ຍຕີ

ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ໄດ້​ມີ​ການ​ພົບ​ປະ​ສົນທະນາ​ກັບ​ ທ່ານມາຍ​ເກີນ ມາຣ​ແຕນ​ລີ ປະທານາທິບໍດີ ຮາຍຕີ, ທ່ານຊີ​ໂມນ ດີ​ເອີ​ເຊີນ ​ເດຊຣາດ ປະທານ​ສະພາ​ແຫ່ງ​ຊາດ ຄວບ​ໜ້າ​ທີ່​ປະທານ​ສະພາ​ສູງ​ຮາ​ຍຕີ, ທ່ານ​ແຈັກ​ເກີ ສຕີ​ແວນ​ເຊີນ ທີ​ໂມ​ລີ​​ໂອນ ຮອງ​ປະທານ​ສະພາ​ແຫ່ງ​ຊາດ ຄວບ​ໜ້າ​ທີ່​ປະທານ​ສະພາ​ຕ່ຳຮາຍຕີ ​ແລະ ພົບ​ປະ​ປຶກສາ​ຫາລື​ກັບ​ທ່ານ​ນາຍົກ​ລັກ​ຖະມົນຕີຮາ​ຍຕີ ລໍ​ແຣນ ຊານ​ວາ​ດໍ ລາ​ມົດ.

ພາຍຫຼັງ​ພິທີ​ຕ້ອນຮັບ, ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ໄດ້​ພົບ​ປະ​ສົນທະນາ​ກັບ​ທ່ານ​ປະທານາທິບໍດີ​ຮາ​ຍຕີ ມາຍເກີນ ມາຣ​ແຕນ​ລີ, ສອງ​ຝ່າຍ​ໄດ້​ເປັນ​ເອກະ​ພາບ​ກັນ​ສັງ​ເກດ​ວ່າ ຄຽງຂ້າງການປັບປຸງ​ສາຍ​ພົວພັນ​ດ້ານ​ການ​ເມືອງ ຕ້ອງ​ເຮັດ​ໃຫ້ການ​ພົວພັນ​ດ້ານ​ເສດຖະກິດ ວັດທະນະທຳ​ຂະຫຍາຍ​ຕົວ​ເໝາະ​ສົມກັບຄວາ​ມສາມາດ​ບົ່ມ​ຊ້ອນ ​ແລະ​ຄວາມ​ມຸ່ງ​ຫວັງ​ຂອງ​ທັງ​ສອງ​ຝ່າຍ.

ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ແລະ ທ່ານປະທານາທິບໍດີ ມາຍ​ເກີນ ມາຣ​ແຕນ​ລີ ​ໄດ້​ເປັນ​ເອກະ​ພາບ​ກັນ​ໃຫ້​ທັດສະນະ​ວ່າ ​ໃນ​ສະພາບ​ການ​ສາກົນ​ທີ່​ມີ​ການ​ຜັນ​ປ່ຽນ​ຢ່າງ​ໄວ ​ແລະ​ສັບສົນ​ປັດຈຸບັນ​ນີ້, ສອງ​ຝ່າຍ​ຕ້ອງ​ເພີ່ມ​ທະວີ​ການ​ແລກປ່ຽນ​ທາ​ບທາມ ປະສານ​ສົມທົບ​ທັດສະນະ​ກ່ຽວ​ກັບ​ບັນດາ​ບັນຫາ​ພາກ​ພື້ນ ​ແລະ​ສາກົນ, ຮ່ວມ​ມື​ຢ່າງ​ແໜ້ນ​ແຟ້ນຢູ່​ບັນດາ​ເວທີ​ປາ​ໄສ​ພະຫຸ​ພາຄີ. ສອງ​ປະ​ເທດ​ຈະ​ຊ່ວຍ​ເຫຼືອ​ຊຶ່ງ​ກັນ​ແລະ​ກັນ​ ໃນ​ການ​ຂະຫຍາຍ​ສາຍ​ພົວພັນ​ຂອງ​ຮາ​ຍຕີກັບ​ພາກ​ພື້ນ​ອາຊີ​ຕາ​ເວັນ​ອອກສຽງ​ໃຕ້ ​ແລະ​ຂອງ​ຫວຽດນາມ​ກັບ​ພາກ​ພື້ນ​ອາ​ເມ​ລິ​ກາ​ລາຕີ​ນ - ກາຣີ​ເບ.

ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ແລະ ທ່ານ​ນາຍົກ​ລັກ​ຖະມົນຕີ ລໍ​ແຣນ ຊານ​ວາ​ດໍ ລາ​ມົດ ​ໄດ້​ແລກປ່ຽນ ​ແລະ​ເປັນ​ເອກະ​ພາບ​ກັນ ກ່ຽວ​ກັບ​ບັນດາ​ມາດ​ຕະການ​ເພື່ອ​ແນ​ໃສ່​ຂະຫຍາຍ​ກວ່າ​ອີກ ການ​ພົວພັນ​ສອງ​ຝ່າຍ​ໃນ​ເວລາ​ທີ່​ຈະ​ມາ​ເຖິງ ​ໂດຍ​ຜ່ານ​ການ​ເພີ່ມ​ທະວີ​ແລກປ່ຽນ​ຄະນະຜູ້​ແທນ​ຂັ້ນ​ຕ່າງໆ ​ແລະ ການ​ມີໜ້າ​ຂອງອົງການທູດ​ຢູ່​ສອງ​ປະ​ເທດ; ຊຸກຍູ້​ສ້າງ​ຕັ້ງ​ໂດຍ​ໄວ​ກົນ​ໄກ ຄະນະ​ກຳມະການ​ປະສົມ​ກ່ຽວ​ກັບ​ການ​ຄ້າ ​ແລະ​ການ​ລົງທຶນ​ ລະຫວ່າງ​ສອງ​ປະ​ເທດ; ຂະຫຍາຍ​ແລະ​ເປີດ​ກວ້າງ​ການ​ຮ່ວມມື​ ໃນບັນດາ​ຂົງ​ເຂດ​ທີ່​ມີ​ກຳລັງ​ບົ່ມ​ຊ້ອນ​ຫຼາຍ​ເຊັ່ນ ​ໂທລະ​ຄົມມະນາຄົມ ກະສິກຳ ​ເພສັດຊະກຳ ຄວາມ​ໝັ້ນຄົງ​ດ້ານ​ສະບຽງ ພະລັງງານ ການ​ກໍ່ສ້າງ ການ​ຄ້າ... ສອງ​ຝ່າຍ​ໃຫ້​ຄຳ​ໝັ້ນ​ສັນຍາ​ຈະ​ສົ່ງ​ເສີມ ​ແລະ​ສ້າງ​ເງື່ອນ​ໄຂ​ອຳນວຍ​ຄວາມ​ສະດວກດ້ານ​ການ​ພົວພັນ​ຮ່ວມ​ມືທຸລະ​ກິດ ການລົງທຶນ​ຂອງ​ບັນດາອົງການ​ຈັດ​ຕັ້ງ ​ແລະ​ວິ​ສາຫະກິດຂອງ​ສອງ​ປະ​ເທດ ບົນ​ພື້ນຖານ​ສະ​ເໝີ​ພາບ ​ແລະ​ຕ່າງ​ຝ່າຍ​ຕ່າງ​​ໄດ້​ຮັບ​ຜົນ​ປະ​ໂຫບ​ດ.

​ໃນ​ການ​ຢ້ຽມຢາມ​ປະ​ເທດ​ຮາ​ຍຕີ​ຢ່າງ​ເປັນ​ທາງ​ການ, ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ ​ແລະ ທ່ານ​ນາຍົກ​ລັກ​ຖະມົນຕີຮາ​ຍຕີ ລໍ​ແຣນ ຊານ​ວາ​ດໍ ລາ​ມົດ ​ໄດ້​ເຊັນ​ຖະ​ແຫຼງການຮ່ວມ​ຊັ້ນ​ສູງ​ຫວຽດນາມ - ຮາ​ຍຕີ ​ແລະ ​ເປັນ​ສັກຂີ​ພະຍານ​ພິທີ​ລົງ​ນາມ​ໃນ ​ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື​ດ້ານ​ພະລັງງານ​ ລະຫວ່າງ​ສອງ​ປະ​ເທດ./.

ແຫຼ່ງຂ່າວ​ຂອງ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ