ວັນອາທິດ, 18/8/2019
ຄະນະຜູ້ແທນພັກກອມມູນິດຈີນ ຢ້ຽມຢາມຫວຽດນາມ
31/5/2014 11:29' ສົ່ງ ພິມ
ສະຫາຍເລຂາທິການໃຫຍ່ ຫງວຽນຝູຈ້ອງ ຕ້ອນຮັບສະຫາຍ ຫູ ຊູນຮົວ ກຳມະການກົມການເມືອງສູນກາງພັກກອມມູນິດຈີນ, ເລຂາຄະນະພັກແຂວງກວາງຕຸ້ງ ແຫ່ງ ສ.ປ. ຈີນ.

ຕອນ​ແລງວັນ​ທີ 14 ​ເມສາ, ຢູ່​ທີ່​ສຳນັກງານ​ສູນ​ກາງ​ພັກກອມ​ມູນິດ​ຫວຽດນາມ, ສະຫາຍ​ເລຂາ​ທິການ​​ໃຫຍ່ ຫງວຽນ​ຝູຈ້ອງ ​ໄດ້​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ​ແກ່ສະຫາຍ ຫູ ຊູນ​ຮົວ ​ແລະ ​ຄະນະ.

ສະຫາຍ​ເລຂາ​ທິການ​​ໃຫຍ່ ຫງວຽນ​ຝູຈ້ອງ ​ໄດ້​ຊົມ​ເຊີຍ​ຢ່າງ​ສຸດ​ອົກ​ສຸດ​ໃຈຕໍ່​ສະຫາຍ ຫູ ຊູນ​ຮົວ ທີ່​ໄດ້​ນຳ​ຄະ​ນະຜູ້​ແທນພັກ​ກອມ​ມູນິດ​ຈີນ ມາ​ຢ້ຽມຢາມ​ປະ​ເທດ​ຫວຽດນາມ; ສະ​ແດງ​ຄວາມ​ດີ​ອົກ​ດີ​ໃຈ​ຕໍ່​ບາດກ້າວຂະຫຍາຍຕົວ​ອັນ​ດີ​ງານ​ ຂອງ​ການ​ພົວພັນ​ຫວຽດນາມ - ຈີນ ​ໃນ​ເວລາ​ທີ່​ຜ່ານ​ມາ. 

ສະຫາຍ​ເລຂາ​ທິການ​​ໃຫຍ່ ​ໄດ້​ຕີ​ລາຄາ​ສູງ​ຕໍ່ບົດບາດ​ເປັນ​ຫົວ​ຈັກ​ຫຼັກ​ແຫຼ່ງຂອງ​ແຂວງ​ກວາງຕຸ້ງ ​ໃນ​ຂະບວນວິວັດ​ການ​ປະຕິ​ຮູບ ​ເປີດ​ປະຕູ​ຂອງ​ຈີນ ​ແລະ​ບັນດາ​ຜົນສຳ​ເລັດ​ອັນ​ດີງາມ ​ໃນ​ຂົງ​ເຂດການ​ຮ່ວມ​ມື​ເສດຖະກິດ - ການ​ຄ້າ​ ລະຫວ່າງກວາງຕຸ້ງ ​ແລະ ຫວຽດນາມ; ຫວັງ​ວ່າ ຜ່ານ​ການ​ຢ້ຽມຢາມ​ຂອງສະຫາຍ ຫູ ຊູນ​ຮົວ, ການ​ພົວພັນ​ຮ່ວມ​ມື ຕິດ​ຕໍ່​ແລກປ່ຽນ​ລະຫວ່າງ​ກວາງຕຸ້ງ ​ແລະ​ບັນດາ​ທ້ອງ​ຖິ່ນ​ຂອງ​ຫວຽດນາມ ຈະມີບາດກ້າວ​ຂະຫຍາຍຕົວ​ອັນ​ຕັ້ງໜ້າ​ໃໝ່.

ສະຫາຍ ຫູ ຊູນ​ຮົວ ສະ​ແດງ​ຄວາມ​ດີ​ອົກ​ດີ​ໃຈ​ທີ່​ໄດ້​ມາ​ຢ້ຽມຢາມ​ຫວຽດນາມ; ຖື​ເປັນ​ກຽດ​ໄດ້​ຝາກ​ຄຳ​ຢ້ຽມຢາມ​ຖາມ​ຂ່າວ​ອັນ​ສະໜິດສະໜົມ​ ຂ​ອງສະຫາຍ ສີ ຈິ້ນ​ຜິ​ງ ​ເລຂາ​ທິການ​​ໃຫຍ່ ປະທານ​ປະ​ເທດ​ຈີນ ມາ​ຍັງສະຫາຍ​ເລຂາ​ທິການ​​ໃຫຍ່ ຫງວຽນ​ຝູຈ້ອງ; ລາຍ​ງານ​ຕໍ່​ສະຫາຍ​ເລຂາທິການໃຫຍ່ ກ່ຽວ​ກັບ​ບັນດາຜົນສຳ​ເລັດ​ທີ່​ບັນລຸ​ໄດ້​ໃນ​ເວລາຢູ່​ຢ້ຽມຢາມຫວຽດນາມ, ​ແນະນຳ​ບາງ​ຈຸດ​ໃຫຍ່ກ່ຽວ​ກັບ​ສະພາບ​ການ​ພັດທະນາ​ຂອງ​ຈີ​ນ ກໍ່​ຄື​ຂອງ​ແຂວງ​ກວາງຕຸ້ງ ​ໃນ​ໄລຍະ​ເວລາ​ທີ່​ຜ່ານ​ມາ; ກ່ຽວ​ກັບ​ການ​ພົວພັນ​ຮ່ວມ​ມື​ເສດຖະກິດ - ການ​ຄ້າ​ທີ່​ດີງາມ​ ລະຫວ່າງ​ແຂວງ​ກວາງຕຸ້ງ ກັບ​ບັນດາ​ທ້ອງ​ຖິ່ນ​ຂອງ​ຫວຽດນາມ. 

* ​ໃນວັນ​ດຽວ​ກັນ, ຢູ່​ທີ່ທຳນຽບປະທານປະເທດ, ທ່ານ​ປະທານ​ປະ​ເທດ ​ເຈືອງ​ເຕິ​ນຊາງ ​ໄດ້​ໃຫ້ການ​ຕ້ອນຮັບສະຫາຍ ຫູ ຊູນ​ຮົວ, ກຳມະການ​ກົມ​ການ​ເມືອງ, ​ເລຂາ​ຄະນະ​ພັກ​ແຂວງ​ກວາງຕຸ້ງ ​ແຫ່ງ ສ.ປ. ຈີນ, ພ້ອມດ້ວຍ​ບັນດາ​ສະມາຊິກ​ໃນຄະນະ​ ທີ່​ກຳລັງ​ຢູ່​ຢ້ຽມຢາມ​ຫວຽດນາມ.

ທ່ານ​ປະທານ​ປະ​ເທດ ​ເຈືອງ​ເຕິ​ນຊາງ ຕີ​ລາຄາ​ສູງ​ຕໍ່ຄວາມ​ໝາຍ​ຂອງ​ການ​ຢ້ຽມຢາມ​ຂອງ​ຄະນະ ​ແນ​ໃສ່​ຫັນ​ເປັນ​ລະອຽດ ບັນດາ​ຄຳ​ໝັ້ນ​ສັນຍາ​ຮ່ວມ​ມື​ ລະຫວ່າງ​ສອງ​ພັກ ສອງ​ປະ​ເທດ ພ້ອມ​ກັນ​ນັ້ນ​ກໍ່​ເພີ່ມ​ທະວີ​ການ​ສັງ​ສັນ​ລະຫວ່າງ​ກວາງ​ຕຸຸ້ງ ກັບ​ບັນດາ​ແຂວງ ນະຄອນ​ຂອງ​ຫວຽດນາມ.

ທ່ານ​ປະທານ​ປະ​ເທດ​ເຊື່ອ​ໝັ້ນ​ວ່າ ດ້ວຍກຳລັງ​ຊ້ອນແຝງດ້ານ​ເສດຖະກິດ​ທີ່​​ໃຫຍ່ຫຼວງ ລະດັບ​ເຕັກ​ໂນ​ຊີ​ສູງ ​ແລະ ທີ່​ຕັ້ງ​ພູມ​ສາດ​ຕິດ​ຈອດ​ກັນ, ກວາງຕຸ້ງ ຈະ​ນຳ​ໜ້າ​ໃນ​ການ​ຮ່ວມ​ມື​ກັບ​ຫວຽດນາມ; ຫວັງ​ວ່າ ​ໃນ​ການ​ຢ້ຽມຢາມ ບັນດາ​ສະມາ​ຊິກ​ໃນ​ຄະນະ​ ຈະ​ພ້ອມກັນ​ກັບ​ບັນດາກະຊວງ ຂະ​​ແໜງການ ທ້ອງ​ຖິ່ນ ຂອງ​ຫວຽດນາມ ​ແລກປ່ຽນ​ຫຼາຍ​ເນື້ອ​ໃນທີ່​ມີ​ປະ​ໂຫຍ​ດ​ແທດ​ຈິງ.

ທ່ານ​ປະທານ​ປະ​ເທດ​ຢັ້ງຢືນ​ວ່າ ຫວຽດນາມຈະ​ສ້າງ​ເງື່ອນ​ໄຂ​ດີ​ທີ່​ສຸດ​​ໃຫ້​ບັນດາ​ນັກ​ລົງທຶນ​ກວາງຕຸ້ງ ​ແຫ່ງ ສ.ປ. ຈີນ, ມາ​ຫວຽດນາມ​ຮ່ວມ​ມື​ທຳ​ການທຸລະ​ກິດ. ດ້ວຍ​ຈິດ​ໃຈ​ດັ່ງກ່າວ​ນັ້ນ, ​ເສັ້ນທາງ​ການ​ຮ່ວມ​ມື​ເສດ​ຖະກິດ ການ​ຄ້າ ລະຫວ່າງ​ສອງ​ຝ່າຍ​ນັບ​ມື້​ນັບ​ສະດວກ​ດີ, ​ເພີ່​ມ​ເຕີມທ່າ​ແຮງ​ໃຫ້​ແກ່​ກັນ, ສາມາດ​ຍົກ​ມູນ​ຄ່າ​ການ​ຄ້າ​ລະຫວ່າງ​ກວາງຕຸ້ງ​ກັບ​ບັນດາ​ແຂວງ ນະຄອນ​ຂອງ​ຫວຽດນາມ​ຂຶ້ນ​ເປັນ 25 ຕື້​ໂດ​ລາ​ສະຫະລັດ​ໂດຍ​ໄວ.

ສະຫາຍ ຫູ ຊູນ​ຮົວ ​ໄດ້​ແຈ້ງ​ໃຫ້​ທ່ານ​ປະທານປະ​ເທດ​ຊາບ​ກ່ຽວ​ກັບ​ບັນດາ​ຜົນສຳ​ເລັດ​ແຫ່ງ​ການ​ຮ່ວມ​ມື​ລະ​ຫວ່າງ​​ແຂວງກວາງຕຸ້ງ ​ແຫ່ງ ສ.ປ. ຈີນ ກັບ​ບັນດາ​ຄູ່​ຮ່ວມ​ຫວຽດນາມ ​ໃນ​ຫຼາຍ​ຂົງ​ເຂດ​ເສດຖະກິດ ການ​ຄ້າ ການທ່ອງທ່ຽວ ​ແລະ ​ເນັ້ນ​ໜັກ​ວ່າ ກວາງຕຸ້ງຈະ​ສືບ​ຕໍ່​ຜັນ​ຂະຫຍາຍຫຼາຍ​ໂຄງການ​ໃໝ່ ​ເພື່ອ​ແນ​ໃສ່​ຍູ້​ແຮງ​ການ​ຮ່ວມ​ມື​ກັບ​ຫວຽດນາມ. 

ດ້ວຍ​ທີ່​ຕັ້ງ​ໃກ້ຊິດ​ກັນ, ​ໂອ​ການ​ການ​ຮ່ວມ​ມື​ໃຫ້​ແກ່​ວິ​ສາຫະກິດ​ສອງ​ຝ່າຍ​ແມ່ນ​ໃຫຍ່​ຫຼວງ​ທີ່​ສຸດ. ສະຫາຍ ຫູ ຊູນຮົວ ຫວັງ​ວ່າ​ຈີນ ​ແລະ​ຫວຽດນາມ​ຈະ​ສືບ​ຕໍ່​ຍູ້​ແຮງ​ການ​​ແລກປ່ຽນ​ການ​ຄ້າ, ປະກອບສ່ວນ​ຍົກ​ມູນ​ຄ່າ​ການ​ຄ້າ​ສອງ​ສົ້ນ​ລະຫວ່າງ​ສອງ​ປະ​ເທດ​ຂຶ້ນ​ເປັນ 100 ຕື້​ໂດ​ລາ​ສະຫະລັດ​ ຄື​ທີ່​ໄດ້​ສັນຍາ​ກັນ, ​ໃນ​ນັ້ນ​ກວາງຕຸ້ງ​ກວມ​ເອົາ 1/4.

ກ່ອນ​ນັ້ນ, ສະຫາຍ ຟ້າ​ມກວາງ​ຫງີ້ ກຳມະການ​ກົມ​ການ​ເມືອງ​ສູນ​ກາງ​ພັກ ​ເລຂາ​ຄະນະ​ພັກ​ນະຄອນ​ຮ່າ​ໂນ້ຍ ​ໄດ້​ເປັນ​ປະທານ​ການ​ພົບ​ປະ​ສົນທະນາ ​ແລກປ່ຽນ​ຄວາມ​ຄິດ​ຄວາມ​ເຫັນຢ່າງ​ກວ້າງຂວາງ​ເລິກ​ເຊິ່ງ ລະຫວ່າງ​ຄະນະ​ຜູ້​ແທນ​ພັກ​ກອມ​ມູນິດ​ຫວຽດນາມ ກັບຄະນະ​ຜູ້​ແທນພັກ​ກອມ​ມູນິດ​ຈີນ ​ໂດຍ​ສະຫາຍ ຫູ ຊູນ​ຮົວ ​ເປັນ​ຫົວໜ້າ​ຄະນະ.

​ໃນ​ບັນຍາກາດ​ມິດຕະພາບ ​ແລະ​ເປີດ​ອົກ​ເປີດ​ໃຈ, ສອງ​ຝ່າຍ​ໄດ້​ແນະນຳ​ໃຫ້​ກັນຊາ​ບກ່ຽວ​ກັບ​ສະພາບ​ການ​ຂອງ​ແຕ່​ລະ​ພັກ ​ແຕ່ລະ​ປະ​ເທດ ​ແລະ ກ່ຽວ​ກັບ​ຮ່າ​ໂນ້ຍ, ກວາງຕຸ້ງ; ​ແລກປ່ຽນ​ຄວາມ​ຄິດ​ຄວາມ​ເຫັນ​ກ່ຽວ​ກັບ​ການ​ພົວພັນ​ລະຫວ່າງ​ສອງ​ພັກ ສອງ​ປະ​ເທດ ​ແລະ​ແຜນການ​ສັງ​ສັນ​ ຮ່ວມ​ມືໃນ​ເວລາ​ທີ່​ຈະ​ມາ​ເຖິງ. ສອງ​ຝ່າຍ​ກໍ່​ໄດ້​ລົງ​ເລິກ​ແລກປ່ຽນ​ຄວາມ​ຄິດ​ຄວາມ​ເຫັນ​ກ່ຽວ​ກັບ​ທິດ​ທາງ​ການ​ຮ່ວມ​ມື​ລະຫວ່າງ​ກວາງຕຸ້ງ ກັບ​ຫວຽດນາມ ​ແລະ​ນະຄອນ​ຮ່າ​ໂນ້ຍ.

ສະຫາຍ ຫູ ຊູນ​ຮົວ ​ແລະ​ຄະນະ​ຜູ້​ແທນ​ພັກ​ອມມູນິດ​ຈີນ ກໍ່​ໄດ້​ມີ​ການ​ພົບ​ປະ​ຫາລື​ກັບ ສະຫາຍ ຟ້າ​ມບິ່ງ​ມິ​ງ ​ ຮອງ​ນາຍົກລັດຖະມົນຕີ ຄວບ​ໜ້າ​ທີ່ລັດຖະມົນຕີ​ວ່າການ​ກະຊວງ​ການຕ່າງປະ​ເທດ, ​ເຂົ້າຮ່ວມກອງປະຊຸມແລກປ່ຽນ ຮ່ວມມືເສດຖະກິດ - ການຄ້າ ລະຫວ່າງກວາງຕຸ້ງ ກັບ​ຫວຽດນາມ ທີ​ໄດ້​ຈັດ​ຕັ້ງ​ຢູ່​ຮ່າ​ໂນ້ຍ, ​ໄປ​ຢານ​ເຂດ​ພິພິດທະພັນ​ປາທາ​ນ​ໂຮ່ຈີ​ມິນ ​ແລະ​ ບາງ​ພື້ນຖານ​ເສດຖະກິດ ວັດທະນະທຳ​ຢູຮ່າ​ໂນ້ຍ.

ສະຫາຍ ຫູ ຊູນ​ຮົວ ຢັ້ງຢືນ​ວ່າ ພັກ ລັດ ​ແລະ ​ປະຊາຊົນ​ຈີນ ຍາມ​ໃດ​ກໍ່​​ໃຫ້​ຄວາມ​ສຳຄັນ ​ແລະ​ມຸ່ງ​ຫວັງ​ພັດທະນາສາຍ​ພົວພັນ​ບ້ານ​ໃກ້​ເຮືອນ​ຄຽງ​ມິດຕະພາບ ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ ​ກັບ​ຫວຽດນາມ; ​ໃຫ້​ຄຳ​ໝັ້ນ​ສັນຍາ​ຈະ​ຊຸກຍູ້​ການ​ພົວພັນ​ຮ່ວມ​ມື​ ລະຫວ່າງ​ກວາງຕຸ້ງ ກັບ​ບັນດາ​ທ້ອງ​ຖິ່ນ​ຂອງ​ຫວຽດນາມ ​ໃຫ້​ຂະຫຍາຍຕົວ​ຢ່າງ​ແຂງ​ແຮງ​ກວ່າ​ອີກ​ໃນ​ເວລາ​ທີຈະ​ມາ​ເຖິງ.

​ໃນ​ເວລາ​ຢູ່​ຫວຽດນາມ, ຄະນະ​ຍັງ​ໄດ້​ໄປ​ຢ້ຽມຢາມ ​ແລະ ​ເຮັດ​ວຽກ​ຢູ່​ນະຄອນ​ດາ​ນັ້ງ ​ແຂວງ​ກວາງ​ນາມ ນະຄອນ​ໂຮ່ຈີ​ມິນ ​ແລະ ​ແຂວງ​ຕ່ຽນຢາງ./.

​ໂດຍ​ນັກ​ຂ່າວ TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ