ວັນອັງຄານ, 22/10/2019
ການໄປຢ້ຽມຢາມປະເທດສາທາລະນະລັດ ອິນເດຍ ຂອງທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ເຮັດໃຫ້ການພົວພັນ ຄູ່ຮ່ວມຍຸດທະສາດ ຫວຽດນາມ - ອິນເດຍ ເລິກເຊິ່ງຕື່ມອີກ
8/11/2014 10:42' ສົ່ງ ພິມ
ທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸງ ຖ່າຍຮູບກັບທ່ານ ນາຍົກລັດຖະມົນຕີອິນເດຍ ນາແຣນດຣາ ໂມດີ (ພາບ: TTXVN)

ໃນ​ເວລາ​ສອງ​ວັນ, ທ່ານ​ນາຍົກລັດຖະມົນຕີ​ ຫງວຽນ​ເຕິ​ນຢຸງ ​ໄດ້​ມີ​ການ​ເຄື່ອນ​ໄຫວ​ຕ່າງໆ​ທີ່​ສຳຄັນ​ເຊັ່ນ: ພິທີ​ຕ້ອນຮັບ, ພົບ​ປະ​ປຶກສາ​ຫາລື​ວົງ​ແຄບ ​ແລະ ພົບ​ປະ​ປຶກສາ​ຫາລື​ເປັນ​ທາງ​ການ, ຮ່ວມ​ງານ​ລ້ຽງ​ຂອງ​ທ່ານ​ນາຍົກລັດຖະມົນຕີອິນ​ເດຍ; ພົບ​ປະ​ກັບ​ທ່ານ​ປະທານາທິບໍດີ, ທ່ານ​ຮອງ​ປະທານາທິບໍດີຄວບ​ຕຳ​ແໜ່​ງປະທານສະພາ​ສູງ; ພົບປະ​ກັບການ​ນຳ​ບັນດາ​ພັກການ​ເມືອງ, ​ໃຫ້ການຕ້ອນຮັບ​ບາງ​ຄະນະ​ຜູ້​ແທນ​ວິ​ສາ​ຫະກິດ​ອິນ​ເດຍ, ​ເຂົ້າຮ່ວມ​ເວທີ​ປາ​ໄສ​ວິ​ສາ​ຫະກິດ​ຫວຽດນາມ - ອິນ​ເດຍ, ​ໄປ​ຢາມ​ນະຄອນ​ກາ​ຢາ ​ແລະຕ້ອນຮັບ​ທ່ານ​ຜູ້​ວ່າ​ລັດຖະການ​ລັດ​ບີ​ຮາ.

ການ​ຢ້ຽມຢາມ​ຂອງ​ທ່ານ​ນາຍົກລັດຖະມົນຕີ​ໄດ້​ສຳ​ເລັດ​ຜົນ​ຢ່າງ​ດີງາມ​ທີ່​ສຸດ ​ເຊິ່ງສະ​ແດງ​ອອກ​ໃນ​ບັນດາ​ຜົນງານ​ຕົ້ນ​ຕໍ່ ​ແລະ​ສຳຄັນ​ດັ່ງ​ລຸ່ມ​ນີ້:

1. ສອງ​ຝ່າຍ​ຢືນຢັນ​ຄວາມ​ສຳຄັນ​ຂອງ​ການ​ພົວພັນ ​ແລະ​ເປັນ​ເອກະ​ພາບ​ກັນ​ຢ່າງ​ສູງ ​ໃນ​ການ​ສືບ​ຕໍ່​ເຮັດ​ໃຫ້ການ​ພົວພັນ​ຄູ່​ຮ່ວມ​ຍຸດ​ທະ​ສາດ​ເລິກ​ເຊິ່ງກວ່າ​ອີກ ​ແລະ​ພັດທະນາ​ການ​ພົວພັນ​ຮ່ວມ​ມື​ຮອບດ້ານ​ລະຫວ່າງ​ສອງ​ປະ​ເທດ ​ໃນ​ຂົງ​ເຂດ​ຕ່າງໆ​ຄື​ການ​ເມືອງ ​ເສດຖະກິດ ການ​ປ້ອງ​ກັນ​ປະ​ເທດປ້ອງ​ກັນ​ຄວາມ​ສະຫງົບ ວິທະຍາສາດ-​ເຕັກ​ໂນ​ໂລ​ຊີ ​ແລະ ວັດທະນະທຳ-ການ​ສຶກສາ.

ທ່ານ​ນາ​ຍົກ​ລັດຖະມົນຕີ ນ.​ໂມ​ດີ ​ແລະບັນດາ​ການ​ນຳ​ອິນ​ເດຍຢືນຢັນ​ຄວາມ​ສະໜັບສະໜູນ ​ແລະ ຈະ​ເຮັດ​ໃຫ້ການ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ແລະ​ຄູ່​ຮ່ວມ​ຍຸດ​ທະ​ສາດ​ຫວຽດນາມ - ອິນ​ເດຍ​ເລິກ​ເຊິ່ງຕື່ມ​ອີກ ​ແລະ​ຖື​ວ່າ​ຫວຽດນາມ​ແມ່ນ​ເສົາ​ຄ້ຳ​ໜຶ່ງ​ທີ່​ສຳຄັນ​ທີ່​ສຸດ ​ໃນ​ນະ​ໂຍບາຍ​ຫັນ​ສູ່​ທິດ​ຕະ​ເວັນ​ອອກ ​ແລະ​ການ​ກະທຳ​ຫັນ​ສູ່​ທິດຕາ​ເວັນ​ອອກ​ຂອງ​ອິນ​ເດຍ.

ຕາມ​ນັ້ນ, ສອງ​ຝ່າຍ​ເປັນ​ເອກະ​ພາບ​ເພີ່ມ​ທະວີ​ບັນດາ​ການ​ເຄື່ອນ​ໄຫວ​ແລກປ່ຽນຄະນະ​ຜູ້​ແທນຂັ້ນ​ສູງ​ແລະ​ຂັ້ນ​ຕ່າງໆ, ຕາມ​ຊ່ອງ​ສາຍ​ຕ່າງໆ​ເຊັ່ນ ພັກ ລັດຖະບານ ສະພາ​ແຫ່ງ​ຊາດ; ການ​ຮ່ວມ​ມື​ລະຫວ່າງ​ກະຊວງ ຂະ​ແໜງ​ການ ທ້ອງ​ຖິ່ນ ​ແລະ ການ​ສັງ​ສັນ​ປະຊາຊົນ; ຢືນຢັນ​ສືບ​ຕໍ່​ເສີມ​ຂະຫຍາຍປະສິດທິ​ຜົນ​ຂອງ​ບັນດາ​ກົນ​ໄກ​ຮ່ວມ​ມື​ທີ່​ມີ​ຢູ່; ປະຕິບັດ​ເປັນ​ຢ່າງ​ດີ​ບັນດາ​ສັນຍາ​ຂໍ້​ຕົກລົງ​ທີ່​ໄດ້​ເຊັນ​ກັນ​ລະຫວ່າງ​ສອງ​ປະ​ເທດ; ຊຸກຍູ້​ການ​ສ້າງຕັ້ງບັນດາ​ກົນ​ໄກ​ຮ່ວມ​ມື​ໃໝ່ທີ່​ສອດຄ່ອງ​ກັບ​ຄວາມ​ຕ້ອງການ​ພັດທະນາ​ການ​ພົວພັນ​ລະຫວ່າງ​ສອງ​ປະ​ເທດ.

2. ​ໃນ​ການ​ຂະຫຍາຍ​ສາຍ​ພົວພັນ​ຄູ່​ຮ່ວມ​ຍຸດ​ທະ​ສາດ ​ແລະ​ ​ການ​ຮ່ວມ​ມື​ຮອບດ້ານ, ສອງ​ຝ່າຍ​ໄດ້​ເນັ້ນ​ເຖິງ​ການ​ເພີ່ມ​ທະວີ ​ແລະ ​ເຮັດ​ໃຫ້​ເສົາ​ຄ້ຳ​ດ້ານ​ເສດຖະກິດ ການ​ຄ້າ ການ​ລົງທຶນ ​ແລະ​ການ​ປ້ອງ​ກັນ​ປະ​ເທດ​ປ້ອງ​ກັນ​ຄວາ​ງສະຫງົບ​ ​ເລິກ​ເຊິ່ງກວ່າ​ອີກ.

- ທາງ​ດ້ານ​ເສດຖະກິດ: ສອງ​ຝ່າຍ​ເປັນ​ເອກະ​ພາບ​ໃຫ້​ທັດສະນະ​ວ່າ ການ​ເພີ່ມ​ທະວີ​ການ​ຮ່ວມ​ມື​ດ້ານ​ເສດຖະກິດ​ ແມ່ນ​ຈຸດໝາຍ​ຍຸດ​ທະ​ສາດ​ໜຶ່ງ ຂອງ​ການ​ພົວພັນ​ສອງ​ຝ່າຍ; ສູ້​ຊົນ​ເພື່ອ​ບັນລຸ​ລວມຍອດ​ມູນ​ຄ່າ​ການ​ຄ້າ​ລະຫວ່າງ​ສອງ​ປະ​ເທດ​ໄດ້ 15 ຕື້​ໂດ​ລາ​ສະຫະລັດ​ໃນ​ປີ 2020.

- ທາງ​ດ້ານ​ການ​ປ້ອງ​ກັນ​ປະ​ເທດ - ປ້ອງ​ກັນ​ຄວາມ​ສະຫງົບ: ສອງ​ຝ່າຍ​ເປັນ​ເອກະ​ພາບ​ສືບ​ຕໍ່​ເພີ່ມ​ທະວີ​ການ​ຮ່ວມ​ມື​ທາງ​ດ້ານ​ປ້ອງ​ກັນ​ປະ​ເທດ ​ແລະ​ປ້ອງ​ກັນ​ຄວາມ​ສະຫງົບ ບົນ​ພື້ນຖານ​ບັນດາ​ກົນ​ໄກ ​ແລະ​ຂໍ້​ຕົກລົງ​ຮ່ວມ​ມື​ທີ່​ມີ​ຢູ່​ໃນ​ປັດຈຸບັນ; ​ເພີ່ມ​ທະວີ​ການ​ແລກປ່ຽນ​ຄະນະ​ຜູ້​ແທນ, ສົນທະນາ​ນະ​ໂຍບາຍ​ປ້ອງ​ກັນ​ປະ​ເທດ ປ້ອງ​ກັນ​ຄວາມ​ສະຫງົບ. ​ເປັນ​ເອກະ​ພາບກັນ​ເພີ່ມ​ທະວີ​ການ​ຮ່ວມ​ມື​, ​ແບ່ງປັນ​ຂໍ້​ມູນ​ຂ່າວສານ ບົດຮຽນ​ກ່ຽວ​ກັບ​ການ​ປ້ອງ​ກັນ​ປະ​ເທດ ​ແລະ​ປ້ອງ​ກັນ​ຄວາມ​ສະຫງົບ, ປະສານ​ສົມທົບ​ກັນ​ຢູ່​ທີ່​ເວ​ທີ​ປາ​ໄສ​ພະຫຸ​ພາຄີ​ຕ່າງໆ​ທີ່​ກ່ຽວຂ້ອງ​ເຊັ່ນ ກອງ​ປະຊຸມ​ລັດຖະມົນຕີ​ປ້ອງ​ກັນ​ປະ​ເທດ​ອາ​ຊຽນ​ເປີດ​ກວ້າງ (ADMM+), ​ເວທີ​ປາ​ໄສ​ພາກ​ພື້ນ​ອາ​ຊຽນ (ARF),…

- ກ່ຽວກັບ​ຂົງ​ເຂດ​ຮ່ວມ​ມື​ອື່ນ: ສອງ​ຝ່າຍ​ເປັນ​ເອກະ​ພາບ​ເພີ່ມ​ທະວີ​ການ​ຮ່ວມ​ມື​ເຊື່ອມ​ຕໍ່​ການ​ເດີນ​ອາກາດ ​ແລະ​ການ​ເດີນ​ທະ​ເລ; ​ເນັ້ນ​ເຖິງ​ຄວາມ​ຈຳ​ເປັນ​ຕ້ອງ​ສວຍ​ໃຊ້​ໂອກາດທີ່​ບັນດາ​ບໍລິສັດ​ການບິນ​ຂອງສອງ​ປະ​ເທດ​ເປີດ​ສາຍ​ການບິນ​ໂດຍ​ກົງ​ ລະຫວ່າງ​ຫວຽດນາມແລະ​ອິນ​ເດຍ ​ເພື່ອ​ຍູ້​ແຮງ​ການ​ຮ່ວມ​ມື​ດ້ານ​ການທ່ອງທ່ຽວ ການ​ຄ້າ ​ແລະ​ການ​ລົງທຶນ.

3. ສອງ​ຝ່າຍ​ເປັນ​ເອກະ​ພາບສູງ​ກ່ຽວ​ກັບ​ບັນດາ​ບັນຫາ​ສາກົນ ​ແລະ​ພາກ​ພື້ນທີ່​ທັງ​ສອງ​ໄດ້​ເອົາ​ໃຈ​ໃສ່, ​ໃນ​ນັ້ນ​ມີ​ບັນຫາ​ທະ​ເລ​ຕາ​ເວັນ​ອອກ.

ກ່ຽວ​ກັບບັນຫາ​ທະ​ເລ​ຕາ​ເວັນ​ອອກ, ສອງ​ຝ່າຍ​ເປັນ​ເອກະ​ພາບ​ເນັ້ນ​ໜັກ​ຄວາມ​ສຳຄັນ​ຂອງ​ການຮັບ​ປະ​ກັນສັນຕິພາບ ສະຖຽນ​ລະ​ພາບ ຄວາມ​ສະຫງົບ ຄວາມ​ປອດ​ໄພ ​ແລະ ​ເສລີພາບ​ ໃນ​ການ​ເດີນ​ທະ​ເລແລະ​ເດີນ​ອາກາດ ​ຢູ່​ທະ​ເລ​ຕາ​ເວັນ​ອອກ, ​ແກ້​ໄຂ​ການ​ພິພາດ​ຕ່າງໆ​ດ້ວຍ​ສັນຕິ​ວິທີ, ບໍ່​ນາບ​ຂູ່​ຫຼື​ໃຊ້​ກຳລັງ​ອາວຸດ, ປະຕິບັດ​ຕາມ​ກົດໝາຍ​ສາກົນ, ອະນຸ​ສັນຍາ​ສະຫະ​ປະຊາ​ຊາດ​ວ່າ​ດ້ວຍ​ກົດໝາຍ​ທະ​ເລ​​ປີ 1982 ​ແລະ ​ຖະ​ແຫຼ​ງການ​ກ່ຽວ​ກັບ​ວິທີ​ການ​ປະພຶດ​ຂອງ​ບັນດາ​ຝ່າຍ​ຢູ່​ທະ​ເລ​ຕາ​ເວັນ​ອອກ (DOC) ​ແລະ​ສະໜັບສະໜູນ​ການ​ບັນລຸ​ໄດ້​ປະມວນ​ຫຼັກການ​ປະພຶດ (COC) ​ໂດຍ​ໄວ.

ອິນ​ເດຍຢືນຢັນ​ການ​ສະໜັບສະໜູນ​ຫຼັກ​ໝັ້ນ​ຂອງ​ຫວຽດນາມ ​ແລະ​ອາ​ຊຽນ ​ໃນ​ການ​ແກ້​ໄຂບັນຫາ​ທະ​ເລ​ຕາ​ເວັນ​ອອກ, ຮຽກຮ້ອງ​ໃຫ້​ຕ້ອງ​ຮັບປະກັນ​ເສລີພາບ​ໃນ​ການ​ເດີນ​ທະ​ເລ ​ເດີນ​ອາກາດບໍ່​ຖືກ​ກີດຂວາງ, ​ເຄົາລົບ​ນັບຖື​ສິດ ​ແລະ​ຜົນ​ປະ​ໂຫຍ​ດອັນ​ຊອບ​ທຳ​ຂອງ​ບັນດາ​ປະຊາ​ຊາດ​ຢູ່​ທະ​ເລ​ຕາ​ເວັນ​ອອກ… ອິນ​ເດຍ​ເຫັນ​ດີ​ເປັນ​ເອກະ​ພາບ ສືບ​ຕໍ່​ເພີ່ມ​ທະວີ​ການ​ຮ່ວມ​ມື​ກັບ​ຫວຽດນາມ​ ໃນ​ການສຳ​ຫຼວດຢັ້ງເບິ່ງ ຂຸດ​ຄົ້ນ​ນ້ຳມັນ​ອາຍ​ແກ໊ດຢູ່​ບັນດາ​ເຂດ​ທະ​ເລ​ຂອງ​ຫວຽດນາມ ຢູ່ທະ​ເລ​ຕາ​ເວັນ​ອອກ; ພ້ອມ​ກັນ​ນັ້ນ​ກໍ່​ຢືນຢັນ​ກຽມຄວາມ​ພ້ອມ​ຮ່ວມ​ມື​ກັບ​ຫວຽດນາມ ​ແລະ​ອາ​ຊຽນ ​ໃນ​ການ​ຜັນ​ຂະຫຍາຍຄວາມ​ຄິດ​ລິ​ເລີ່​ມຕ່າງໆ ​ແນ​ໃສ່​ກໍ່ສ້າງ​ບັນດາ​ກົນ​ໄກ​ກ່ຽວ​ກັບ​ການ​ຮັກສາ ​ແລະ​ຮັບປະກັນ​ສັນຕິພາບ ສະຖຽນ​ລະ​ພາບ ການ​ຮ່ວມ​ມື ​ແລະ​ການ​ພັດທະນາ​ຢູ່​ໃນ​ພາກ​ພື້ນ​ນີ້.

4. ສິ້ນ​ສຸດ​ການ​ຢ້ຽມຢາມ, ສອງ​ຝ່າຍ​ໄດ້​ອອກ​ຖະ​ແຫຼ​ງການ​ຮ່ວມ​ກ່ຽວ​ກັບ​ຜົນສຳ​ເລັດ​ຂອງ​ການ​ຢ້ຽມຢາມ ​ແລະ​ລົງ​ນາມ​ໃນ​ຂໍ້​ຕົກລົງ​ການ​ຮ່ວມ​ມື​ທີ່​ສຳຄັນ​ຫຼາຍ​ສະບັບ.

ສອງ​ຝ່າຍ​ໄດ້​ສະ​ແດງ​ໃຫ້​ເຫັນ​ເຖິງ​ຄວາ​​​ມໄວ້​ເນື້ອ​ເຊື່ອ​ໃຈ​ສູງ​ທີ່​ສຸດ ​ໃນ​ການ​ພົວພັນ​ການ​ເມືອງ ​ແລະ​ບັນດາ​ຂົງ​ເຂດ​ການ​ຮ່ວມ​ມື​ສອງ​ຝ່າຍ; ພ້ອມ​ກັນ​ນັ້ນ ກໍ່​ສະ​ແດງ​ໃຫ້​ເຫັນ​ເຖິງ​ຄວາມ​ເຫັນ​ດີ​ເຫັນ​ພ້ອມ​ລວມ ກ່ຽວ​ກັບ​ບັນດາ​ບັນຫາ​ສາກົນ ​ແລ​ະພາກ​ພື້ນທີ່​ຕ່າງ​ຝ່າຍ​ຕ່າງ​ສົນ​ໃຈ, ​ໃນ​ນັ້ນ​ມີບັນຫາ​ທະ​ເລ​ຕາ​ເວັນ​ອອກ. ນີ້​ແມ່ນ​ສິ່ງ​ທີ່​ມີ​ຄວາມ​ໝາຍ​ສຳຄັນ​ເປັນ​ພິ​ເສດ ຂອງ​ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ແລະ​ຄູ່​ຮ່ວມ​ຍຸດ​ທະ​ສາດ​ຫວຽດນາມ - ອິນ​ເດຍ.

ບັນດາ​ຜົນສຳ​ເລັດ​ທີ່​ສຳຄັນ​ກ່າວ​ມີເທິງ​ນີ້ຂອງ​ການ​ຢ້ຽມຢາມ​ໄດ້​ເຮັດ​ໃຫ້ການ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ, ຄູ່​ຮ່ວມ​ຍຸດ​ທະ​ສາດ​ຫວຽດນາມ - ອິນ​ເດຍ​ເລິດ​ເຊິ່ງກວ່າ​ອີກ ​ແລະ ​ເຮັດ​ໃຫ້ການ​ພົວພັນ​ຮ່ວມ​ມື​ລະຫວ່າງ​ສອງ​ປະ​ເທດ​ໃນ​​ຂົງ​ເຂດຕ່າງໆ ຄື​ການ​ເມືອງ ​ເສດຖະກິດ ການ​ຄ້າ ການ​ລົງທຶນ ການປ້ອງ​ກັນ​ປະ​ເທດປ້ອງ​ກັນ​ຄວາມ​ສະຫງົບ, ການ​ຮ່ວມ​ມື​ດ້ານ​ນ້ຳມັນ​ອາຍ​ແກ໊ດ ວິທະຍາສາດ-​ເຕັກນິກ ວັດທະນະທຳ ການ​ສຶກສາ ການທ່ອງ​ທ່ຽວ ການ​ສັງ​ສັນ​ປະຊາ​ຊັນ,… ຂະຫຍາຍຕົວ​ຢ່າງຮອບດ້ານ ມີ​ປະສິດທິ​ຜົນ ​ແລະ​ມີ​ຄຸນ​ນະພາ​ບ.

ການ​ໄປ​ຢ້ຽມຢາມ​ກໍ່​ໄດ້ສ້າງ​ເງື່ອນ​ໄຂ​ໃຫ້​ສອງ​ປະ​ເທດ​ຂຸດ​ຄົ້ນ​ຄວາມ​ສາມາດ​ບົ່ມ​ຊ້ອນ ​ແລະ​ຂົງ​ເຂດ​ຮ່ວມ​ມື​ໃໝ່​ຕ່າງໆ, ສືດ​ຕໍ່​ຊ່ວຍ​ໜູນ ​ເພີ່ມ​ເຕີມ​ໃຫ້​ແກ່​ກັນ ບົນ​ພື້ນຖານ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ, ​ໃນ​ນັ້ນ​ມີ​ການ​ຍູ້​ແຮງ​ການ​ຮ່ວມ​ມື​ດ້ານ​ກະສິກຳ ສິນ​ໃນ​ນ້ຳ ພື້ນຖານ​ໂຄງ​ລ່າງ ​ໄຟ​ຟ້າ ນ້ຳມັນ​ອາຍ​ແກ໊ດ ການ​ອາ​ວະ​ກາດ ​ເຕັກ​ໂນ​ໂລ​ຊີ ສື່​ຂ່າວ./.

ສັງ​ລວມ​ໂດ​ຍ: ຮ່າ​ບູ່ຍ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ