ວັນອາທິດ, 18/8/2019
ທ່ານເຈືອງເຕິນຊາງ ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ເຂົ້າຮ່ວມ ກອງປະຊຸມຂັ້ນສູງ ເວທີປາໄສ ການຮ່ວມມືເສດຖະກິດ ອາຊີ-ປາຊີຟິກ (APEC) ຄັ້ງທີ 22 ຢູ່ທີ່ປະເທດຈີນ
28/11/2014 8:57' ສົ່ງ ພິມ
ທ່ານປະທານປະເທດຫວຽດນາມ ເຈືອງເຕິນຊາງ ພົບປະກັບທ່ານປະທານປະເທດຈີນ ສີ ຈີ້ນຜິງ ໃນໂອກາດເຂົ້າຮ່ວມກອງປະຊຸມ APEC ຄັ້ງທີ 22 (ພາບ: TTXVN)

ໃນບົດປາໄສທີ່ກອງປະຊຸມຂັ້ນສູງ APEC ຄັ້ງນີ້, ທ່ານປະທານປະເທດຫວຽດນາມ ເຈືອງເຕິ​ນຊາງ ໄດ້ເນັ້ນ​ເຖິງຜົນສຳ​ເລັດທີ່ພົ້ນເດັ່ນຕ່າງໆ ຂອງ APEC ໃນສອງທົດສະວັດທີ່ຜ່ານມາ ກ່ຽວກັບການສ້າງຕັ້ງ ເປັນເຄືອຂ່າຍຮ່ວມມື ແລະ ການເຊື່ອມຕໍ່ຫລາຍຂັ້ນຊັ້ນ, ແຕ່ຂັ້ນອນຸພາກພື້ນ ພາກພື້ນ ຈົົນເຖິງທົ່ວອາ​ຊີ-ປາ​ຊີ​ຟິກ ທີ່ກ້ວາງໃຫຍ່. ທ່ານປະທານປະເທດ ໄດ້ຊົມເຊີຍ ແລະ ສະໜັບສະໜູນຕໍ່ ແຜນແມ່ບົດ ກ່ຽວກັບການເຊື່ອມຕໍ່ APEC ໄລຍະ 2015 – 2025 ແລະ ບັນດາຂໍ້ຕົກລົງທີ່ສຳຄັນ ແນໃສ່ເພີ່ມທະວີການເຊື່ອມຕໍ່, ພິເສດແມ່ນ ພັດທະນາພື້ນຖານໂຄງລ່າງ ລະຫວ່າງບັນດາສະມາຊິກ APEC. ທ່ານປະທານປະເທດໄດ້ເຫັນດີວ່າ: ຕ້ອງມີຄວາມພະຍາຍາມພ້ມກັນ ເພື່ອລະດົມແຫຼ່ງຊັບພະຍາກອນ ທາງດ້ານການເງິນ ແລະ ການຊ່ວຍເຫຼືອເຕັກນິດທີ່ຈຳເປັນ ໂດຍຜ່ານບັບດາກົນໄກຮ່ວມມືທີ່ໂປ່ງໃສ ແລະ ເພື່ອຈຸດໝາຍການພັດທະນາ.

ເພື່ອເຊື່ອມຕໍ່ພາກພື້ນຢ່າງຮອບດ້ານ, ທ່ານປະທານປະເທດຫວຽດນາມ ໄດ້ສະເໜີໃຫ້ບັນດາສະມາຊິກ ຕ້ອງສຸມໃສ່ຮ່ວມມືຕອບໂຕ້ກັບບັນດາສິ່ງທ້າທາຍທົ່ວໂລກ, ຊ່ວຍເຫຼືອຍົກ​ສູງ​ຄວາມ​ສາ​ມາດ​ໃຫ້​ບັນ​ດາ​ສະ​ມາ​ຊິກ​ພວມ​ພັດ​ທະ​ນາ, ​ຍູ້ແຮງ​ການ​ຮ່ວມມືດ້ານການສຶກສາ ແລະ ກໍ່ສ້າງ, ​ເພີ່ມທະວີການຮ່ວມມືພາກລັດແລະເອກະຊົນ, ເສີມຂະຫຍາຍບົດບາດທີ່ຂາດບໍ່ໄດ້ຂອງບັນດາວິສາຫະກິດ... ທ່ານປະທານປະເທດ​ໃຫ້​ທັດສະນະວ່າ: ບັນຫາອັນສຳຄັນແມ່ນຕິດພັນບັນດາຂອບ​ການເຊື່ອມຕໍ່ໃນທຸກຂັ້ນຂອງພາກພື້ນ, ຮັບປະກັນການຊ່ວຍໜູນ ປະສານສົມທົບກັນ ໃນການສະເໜີ ແລະຜັນຂະຫຍາຍບັນດາຄວາມ​ຄິດລິເລີ່ມຂອງຂອບການ​ເຊື່ອນ​ຕໍ່​ເຫຼົ່ານີ້.

ທ່ານປະທານປະເທດຫວຽດນາມໄດ້ເນັ້ນວ່າ: “ແຜນແມ່ບົດກ່ຽວກັບການເຊື່ອມຕໍ່ ASEAN” ພ້ອມກັບບັນດາໂຄງການເຊື່ອມຈອດໂຄງລ່າງພື້ນຖານຢູ່ ASEAN ​ໃນທະວິບ ແລະ ອນຸພາກພື້ືນແມ່ນ້ຳຂອງ ເຊິ່ງບັນດາສະມາຊິກ ASEAN ກຳລັງຜັນຂະຫຍາຍຢ່າງແຂງແຮງນັ້ນ ອາດຈະໄດ້ຖືວ່າ ​ເປັນ​ປັດ​ໃຈ​ສຳຄັນ​ໜຶ່ງ​ທີ່​ຊຸກຍູ້ການເຊື່ອມຕໍ່ຢູ່ ອາ​ຊີ-ປາ​ຊີ​ຟິກ. ເຊື່ອມຕໍ່ພາກພື້ນພ້ອມກັັນການເຕີບໂຕເສດຖະກິດ ແລະ ຫລຸຜ່ອນຄວາມ​ແຕ​ໂຕນກັນດ້ານການພັດມະນາ ເປັນບັນດາເນື້ອໃນສຳຄັນ​ຕົ້ນຕໍຂອງປະຊາຄົມ ASEAN ທີ່​ສ້າງ​ຄວາມ​ເຂັ້ມ​ແຂງ​ດ້ວຍ​ຕົນ​ເອງ ກົມກຽວກັນ ແລະ ສະໜິດຕິດພັນກັນ.

ກອງ​ປະຊຸມ​ໄດ້​ຮັບຮອງ​ເອົາ​ຖະ​ແຫຼງການ​ຮ່ວມສອງສະບັບ​ຂອງ​ບັນດາ​ການ​ນຳ APEC ກ່ຽວ​ກັບ ໂຄງການ​ດຳ​ເນີນ​ງານ​ປັກ​ກິ​ງ ​ເພື່ອ​ອາຊີ-ປາຊີ​ຟິກ ຕິດ​ພັນກັນ, ມີ​ຫົວຄິດ​ປະດິດ​ສ້າງ ​ແລະ ​ເຊື່ອມ​ຈອດ​ກັນ” ​ແລະ ກຳນົດ​ອະນາຄົດ​​ໂດຍຜ່ານ​ການ​ພົວພັນ​ຄູ່​ຮ່ວມ​ມື​ອາຊີ-ປາຊີ​ຟິກ”, ພ້ອມດ້ວຍ​ເອກະສານສີ່​ສະບັບທີ່ຕິດ​ແນບນຳ​ຄື: “ລຳດັບ​ດຳ​ເນີນ​ງານປັກກິ່ງກ່ຽວກັບການປະກອບສ່ວນຂອງ APEC ​ເຂົ້າ​ໃນການປະຕິບັດ​ເຂດ​ການ​ຄ້າ​ເສລີ​ທົ່ວ​ອາຊີ-ປາຊີ​ຟິກ - FTAAP”, “ແຜນຍຸດທະສາດຂອງ APEC ກ່ຽວກັບການຊຸກຍູ້ການຮ່ວມມື ແລະ ພັດທະນາບັນດາພວງ​ພະນັງ​ຄຸນຄ່າທົ່ວໂລກ”, “ຂໍ້ຕົກລົງ APEC ກ່ຽວ​ກັບ​ການ​ພັດທະນາ​ຄວາມ​ຄິດ​ປະດິດ​ສ້າງ, ການ​ປະຕິ​ຮູບເສດຖະກິດ ແລະ ການເຕີບໂຕ” ແລະ “ແຜນແມ່ບົດການເຊື່ອມຕໍ່ APEC ໄລຍະ 2015 – 2025. 

ກອງ​ປະຊຸມ​ຂັ້ນ​ສູງ APEC ຄັ້ງ​ທີ 22 ​ສະ​ແດງ​ໃຫ້​ເຫັນ​ເຖິງຄວາມ​ຕັດສິນ​ໃຈ ​ແລະ ຄວາມ​ມານະ​ພະຍາຍາມອັນສູງ​ສົ່ງ ຂອງ​ບັນດາ​ພື້ນຖານ​ເສດຖະກິດ​ສະມາຊິກ ເພື່ອ​ອາຊີ-ປາຊີ​ຟິກ ທີ່​ຕິດ​ພັນກັນ, ມີ​ຫົວຄິດ​ປະດິດ​ສ້າງ ​ແລະ ​ເຊື່ອມ​ຈອດ​ກັນ, ປະກອບສ່ວນ​ຍົກ​ສູງ​ບົດບາດ​ທີ່​ຕັ້ງ​ຂອງ APEC ​ແລະ ຮັກສາ​ບົດບາດ​ຂອງ​ພາກ​ພື້ນອາຊີ-ປາຊີ​ຟິກ ​ທີ່​ເປັນ​ກຳ​ລັງ​ຂັບ​ເຄື່ອນ​ການ​ເຕີບ​ໂຕ​ເສດຖະກິດ​ທົ່ວ​ໂລກ. 

​ໃນ​ເວລາເຂົ້າຮ່ວມກອງ​ປະຊຸມ​ APEC ຄັ້ງ​ນີ້, ທ່ານປະທານປະເທດຫວຽດນາມ ເຈືອງເຕິ​ນຊາງ ໄດ້ມີການພົບປະຕ່າງໆ ກັບປະທານາທິບໍດີຊີເລ ມີເຊນ ບາ​ເຊ​ເລ, ປະທານາທິບໍດີເປຣູ ​ໂອລານ​ຕາ ຮູມາລາ, ເຈົ້າຊີວິດ​​ແຫ່ງ​ບຣູ​ໄນ ດາຣູຊາ​ລາມ ສົມ​ເດັດ​ພະ​ລາຊາ​ທິບໍດີ ຮັດ​ຢີ ຣັສຊາ​ນັນ ​ໂບນ​ເກ​ຍ, ນາຍົກລັດຖະມົນຕີອົດສະຕຣາລີ ໂທ​ນີ ​ແອບ​ບອດ, ນາຍົກລັດຖະມົນຕີໄທ ປຣະຢຸດ ຈັນ​ໂອຊາ, ປະທານາທິບໍດີລັດເຊຍ ວະ​ລາ​ດີ​ເມຍ ປູຕີນ, ປະທານາທິບໍດີສາທາລະນະ​ລັດເກົາຫຼີ ພັກ ກືນ​ຮະ​ເຢ, ນາຍົກລັດຖະມົນຕີນູ​ແວນ​ເຊ​ລັງ ຈອນ ຄີ; ພົບປະທະວິພາຄີກັບ ປະທານາທິບໍດີສະຫະລັດ​ອາ​ເມຣິກາ ບາຣັກ ​ໂອ​ບາ​ມາ ແລະ ນາຍົກລັດຖະມົນຕີ ຍີ່ປຸ່ນ ຊິນ​ໂຊ ອະ​ເບະ.

ໃນການພົບປະກັບທ່ານປະທານປະເທດຈີນ ສີ ຈີ້ນ​ຜິງ, ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງ ກ້ວາງຂວາງ ກ່ຽວກັບທິດທາງໃຫຍ່ເຮັດໃຫ້ສາຍພົວພັນຄູ່ຮ່ວມຍຸດທະສາດຮອບດ້ານ ຫວຽດນາມ-ຈີນ ເລິກເຊິ່ງຍິ່ງຂຶ້ນ.

ທ່ານປະທານປະເທດຫວຽດນາມ ເຈືອງເຕິຊາງ ໄດ້ຢືນຢັນນະໂຍບາຍສະເໝີຕົ້ນສະເໝີປາຍຂອງພັກ ລັດ ແລະ ປະຊາຊົນຫວຽດນາມ ທີ່ຍາມໃດກໍ່ນັບຖືຖະໜຸຖະໜອມ ແລະ ມີຄວາມປາຖະໜາ ພ້ອມກັນກັບພັກ ລັດ ແລະ ປະຊາຊົນຈີນ ປັບປຸງສາຍພົວພັນມິດຕະພາບອັນເປັນມູນເຊື້ອ ແລະ ຊຸກຍູ້ການຮ່ວມມື ຕ່າງຝ່າຍຕ່າງມີຜົນຜະໂຫຍດ ລະຫວ່າງສອງປະເທດ ໃຫ້ນັບມື້ນັບຂະຫຍາຍຕົວ. ທ່ານປະທານປະເທດໃຫ້ທັດສະນະວ່າ ທັງສອງຝ່າຍຕ້ອງບຸລິມະສິດໃຫ້ແກ່ການປັບປຸງ ແລະ ຊຸກຍູ້ການພົວພັນລະຫວ່າງສອງພັກ ສອງປະເທດຢ່າງບໍ່ຢຸດຢັ້ງ, ເຮັດໃຫ້ສາຍພົວພັນຄູ່ຮ່ວມຍຸດທະສາດ ຮອບດ້ານ ຫວຽດນາມ-ຈີນເລິກເຊິ່ງຕື່ມອີກ, ໃນນັ້ນຕ້ອງເພີ່ມທະວີຄວາມເຂົ້າໃຈ ເຊື່ອໝັ້ນຊຶ່ງກັນແລະກັນ, ແລະ ເຄົາລົບນັບຖືຜົນປະໂຫຍດອັນຊອບທຳ ຂອງກັນ, ປະຕິບັດບັນດາຂໍ້ຕົກລົງຂອງການນຳສອງພັກ ສອງປະເທດຢ່າງເຂັ້ມງວດ ເພື່ອກໍ່ສ້າງສາຍພົວພັນ ບ້ານໃກ້ເຮືອນຄຽງອັນດີງາມ.

ກ່ຽວ​ກັບ​ບັນ​ຫາ​ຢູ່​ທະ​ເລ, ທ່ານ​ປະ​ທານປະເທດຫວຽດນາມ ເຈືອງເຕິຊາງ ເນັ້ນ​ວ່າ ສອງປະ​ເທດ​ມີຫຼັກ​ໝັ້ນແຕກ​ຕ່າງ​ກັນ​ໃນ​ບັນ​ຫາ​ທະ​ເລ​ຕາ​ເວັນ​ອອກ ແມ່ນເປັນຄວາມຈິງ. ສິ່ງ​ທີ່​ສຳ​ຄັນ​ກວ່າ​ໝູ່​ແມ່ນ ສອງຝ່າຍ​ຄວນແກ້ໄຂບັນຫາດັ່ງກ່າວ ໂດຍຜ່ານ​ການ​ເຈ​ລະ​ຈາ, ແລກ​ປ່ຽນ​ຢ່າງ​ຈິງ​ໃຈ ​ບົນ​ພື້ນ​ຖານ​ຄວາມ​ຮັບ​ຮູ້​ລວມ​ ແລະ ບັນ​ດາ​ສັນ​ຍາ​ຂອງ​ການ​ນຳ​ຂັ້ນ​ສູງ​ຂອງສອງພັກ, ສອງລັດ. ໃນຂະບວນວິວັດນັ້ນ, ສອງຝ່າຍຕ້ອງຮັກສາສັນຕິພາບ ສະຖຽນະພາບ ຄວາມສະຫງົບປອດໄພ ແລະ ເສລີພາບໃນການເດີນທະເລ ເດີນອາກາດ, ຄວບຄຸມຂໍ້ຂັດແຍ່ງໃຫ້​​ດີ, ບໍ່ໃຫ້ເກີດມີບັນຫາໃໝ່ທີ່ສະທ້ອນເຖິງສາຍພົວພັນສອງປະເທດ.

ທ່ານປະທານປະເທດຈີນ ສີ ຈີ້ນ​ຜິງ ຢືນຢັນວ່າ: ຂະຫຍາຍສາຍພົວພັນມິດຕະພາບຈີນ - ຫວຽດນາມ ແມ່ນທິດນຳທີ່​ສະ​ເໝີ​ຕົ້ນ​ສະ​ເໝີ​ປາຍ, ບໍ່ສາມາດປ່ຽນແປງໄດ້ ຂອງພັກ, ລັດ ແລະ ປະຊາຊົນຈີນ; ທ່ານໃຫ້ທັດສະນະວ່າ ການຂະຫຍາຍສາຍພົວພັນລະຫວ່າງສອງພັກ ລັດ ແມ່ນສອດຄ່ອງກັບຜົນປະໂຫຍດອັນພື້ນຖານ ຂອງປະຊາຊົນສອງປະເທດ, ມີປະໂຫຍດໃຫ້ແກ່ສັນຕິພາບ ສະຖຽນະພາບ ແລະ ການພັດທະນາໃນພາກພື້ນ.

ທ່ານປະທານປະເທດຈີນ ສີ ຈີ້ນ​ຜິງ ກໍ່ໄດ້ຕອບຮັບທາງບວກສຳລັບບັນດາຂໍ້ສະເໜີ ຂອງທ່ານປະທານປະເທດຫວຽດນາມ ເຈືອງເຕິຊາງ ກ່ຽວກັບບັນດາມາດຕະການອັນລະອຽດ ແນໃສ່ເພີ່ມທະວີສາຍພົວພັນ ລະຫວ່າງສອງພັກ ສອງປະເທດ ໃນເວລາຕໍ່ໜ້າ, ພ້ອມກັນນັ້ນກໍ່ສະເໜີໃຫ້ສອງຝ່າຍຕ້ອງຍຶດໝັ້ນເພີ່ມ​ທະ​ວີ​ການແລກ​ປ່ຽນຍຸດທະສາດ, ດຳເນີນເປັນປົກກະຕິທິດທາງອັນຖືກຕ້ອງ ຂອງສາຍພົວພັນສອງປະເທດ; ​ຍູ້ແຮງການຮ່ວມ​ມືຕົວຈິງທີ່ແທດເໝາະ, ປະຕິບັດໃຫ້ຕ່າງຝ່າຍຕ່າງມີຜົນປະໂຫຍດ; ເປີດກ້ວາງການແລກປ່ຽນສັງສັນຂອງປະຊາຊົນ, ປັບປຸງພື້ນຖານສັງຄົມຂອງສາຍພົວພັນມິດຕະພາບ ຈີນ-ຫວຽດນາມ ແລະ ແກ້ໄຂຂໍ້ຂັດແຍ້ງໃຫ້ໄດ້ເປັນຢ່າງດີ, ສ້າງສິ່ງແວດລ້ອຢູ່ທະເລຕາມທິດສະຖຽນລະພາບ ແລະ ການຮ່ວມມື.

ທ່ານປະທານປະເທດຈີນ ສີ ຈີ້ນ​ຜິງ ຢືນຢັນຈີນສະໜັບສະໜູນຫວຽດນາມໃນານຈັດຕັ້ງກອງປະຊຸມຂັ້ນສູງ APEC ປີ 2017 ຢ່າງສຳເລັດຜົນ ແລະ ຫວັງວ່າສອງຝ່າຍຈະສືບຕໍ່ຮັກສາການຮ່ວມມື ແລະ ປະສານສົມທົບກັນໃນກົນໄກ APEC.

ສັງລວມໂດຍ GB

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ