ວັນອາທິດ, 18/8/2019
ລວມຍອດຜະລິດຕະພັນພາຍໃນ ຂອງປະເທດຫວຽດນາມ ປີ 2015 ຈະເພີ່ມຂຶ້ນ 6,2%
13/12/2014 9:54' ສົ່ງ ພິມ
ກອງປະຊຸມສະໄໝສາມັນ ເທື່ອທີ່ 8 ສະພາແຫ່ງຊາດຊຸດທີ XIII

ສູ້ຊົນບັນລຸລະດັບເຕີບໂຕລວ​ມຍ​ອດຜະລິດ​ຕະພັນ​ພາຍໃນ (GDP) ປີ 2015 ​ໄດ້ 6,2%

ສະພາແຫ່ງຊາດ ໄດ້ລົງຄະແນນຽງຮັບຮອງເອົາຮ່າງມະຕິວ່າ​ດ້ວຍແຜນພັດທະນາເສດຖະກິດ - ສັງຄົມປີ 2015. ຕາມນັ້ນ, ຈຸດໝາຍສັງລວມແມ່ນເພີ່ມທະວີຄວາມສະຖຽມລະພາບຂອງເສດຖະກິດມະຫາພາກ, ສຸມໃສ່ແກ້ໄຂຄວາມຫຍຸ້ງຍາກ ໃຫ້ແກ່ການຜະລິດ ທຸລະກິດ. ປະຕິບັດບັນດາການບຸກທະລຸ​ຍຸດ​ທະ​ສາດ​ຢ່າງ​ແຂງ​ແຮງ, ຈັດວາງໂຄງປະກອບເສດຖະກິດຄືນໃໝ່ ຕິດກັບຫັນປ່ຽນຮູບແບບການເຕີບໂຕ, ຍົກສູງປະສິດທິຜົນ ແລະ ຄວາມສາມາດແກ່​ແຍ້​ງ, ສູ້ຊົນບັບລຸລະດັບເຕີບໂຕ​ເສດຖະກິດສູງກ່ວາປີ 2014.

ະຕິໄດ້ກຳນົດບັນດາຕົວ​ເລກຄາດໝາຍຕົ້ນຕໍ່ລວມມີ: ລວມຍອດ​ຜະລິດ​ຕະພັນ​ພາຍໃນເພີ່ມຂຶ້ນ 6,2%; ມູນຄ່າການສົ່ງອອກທັງໝົດເພີ່ມຂຶ້ນປະມານ 10%; ອັດຕາມູນຄ່າການນຳເຂົ້າລື່ນກ່ວາ ການສົ່ງອອກປະມານ 5%; ດັດຊະນີລາຄາຜູ້ບໍລິໂພ (CPI) ​ເພີ່ມປະມານ 5%; ງົບປະມານລົງທຶນໃຫ້ການພັດທະນາທົ່ວສັງຄົມ ທັງໝົດ ກວມປະມານ 30%  - 32% ຂອງ GDP; ອັດຕາຄອບຄົວທຸກຍາກຫລຸດລົງ 1,7% - 2%, ສະເພາະ ຢູ່ບັບດາເມືອງທຸກຍາກຫລຸດລົງ 4%; ສາມາດສ້າງວຽກເຮັດງານທຳ ໃຫ້ແກ່ຄົນງານປະມານ 1,6 ລ້ານຄົນ; ອັດຕາຄົນວ່າງງານຢູ່ເຂດຕົວເມືອງຕ່ຳກ່ວາ 4%; ອັດຕາຄົນງານທີ່ໄດ້ຮັບການກໍ່ສ້າງບັນລຸ 50%; ອັດຕາເດັກນ້ອຍອາຍຸບໍ່ເຖິງ 5 ປີ ຖືກຂາດທາດຫຼໍ່ລ້ຽງຕ່ຳກວ່າ 15%; ຈຳນວນຕຽງນອນຄົນເຈັບບັນລຸໄດ້ 23,5 ຕຽງຕໍ່ພົນລະເມືອງໜຶ່ງໝື່ນຄົນ (ໂດຍບໍ່ນັບຕຽງນອນຄົນເຈັບ ຢູ່ສຸກສາລາຕາແສງຕ່າງໆ); ອັດຕາສະຖານທີ່ຜະລິດ ທີ່ມີມົນລະພິດຮ້າຍແຮງ ໄດ້ຮັບການແກ້ໄຂ ບັນລຸ 90%; ອັດຕາເຂດອຸດສາຫະກຳ, ເຂດຜະລິດ​ເພື່ອສົ່ງອກພວມເຄື່ອນໄຫວ ທີ່ມີລະບົບແກ້ໄຂລະບາຍນ້ຳເສຍລວມສູນ ຮັບປະກັນມາດຕະຖານສິ່ງແວດລ້ອມ ບັນລຸໄດ້​ 82%; ອັດຕາການປົກຫຸ້ມຂອງປ່າໄມ້ບັນລຸໄດ້ 42%.

ສະພາແຫ່ງຊາດໄດ້ເຫັນດີໂດຍພື້ນຖານກ່ຽວ​ກັບໜ້າທີ່​ແລະມາດຕະການຕ່າງໆ ໂດຍລັດຖະບານ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ ນຳ​ສະ​ເໜີ ແລະ ບັນດາອົງການຂອງສະພາ​ແຫ່ງ​ຊາດສະເໜີໃນບົດລາຍງານສືບສວນ ແລະ ບົດລາຍງານຕິດຕາມກວດກາສະເພາະ, ພ້ອມກັນນັ້ນກໍ່ຮຽກຮ້ອງ​ໃຫ້ສຸມໃສ່ປະຕິບັດບັນດາໜ້າທີ່ ມາດຕະການອັນຕົ້ນຕໍ່ຄື: ປະຕິບັດບັນດາການບຸກທະລຸຍຸດທະສາດຢ່າງ​ແຂງ​ແຮງ ​ແລະ​ມີ​ປະສິດທິ​ຜົນ, ຈັດວາງໂຄງປະກອບເສດຖະກິດຄືນໃໝ່ ຕິດກັບຫັນປ່ຽນຮູບແບບເຕີບໂຕ, ຍົກສູງຄຸນນະພາບ ປະສິທິຜົນ ແລະ ຄວາມສາມາດໃນການແ​ແກ່​ແຍ້​ງຂອງຜະລິດຕະພັນ ວິສາຫະກິດ ແລະ ຂອງພື້ນຖານເສດຖະກິດ. ສຸມໃສ່ສຳເລັດໜ້າທີ່ຈັດ​ວາງໂຄງປະກອບວິ​ສາ​ຫະກິດ​ແຫ່ງ​ລັດຄືນໃໝ່ ແລະ ຫັນວິ​ສາ​ຫະກິດ​ແຫ່ງລັດ​ເປັນ​ຫຸ້ນ​ສ່ວນ ຕາມ​ໂຄງການ​ທີ່​ໄດ້ວາງ​ໄວ້. ກວດຄືນ​ແລະປັບປຸງ​ເພີ່ມ​ເຕີມ​ ບັນດາ​ນະ​ໂຍບາຍ​ປະຕິບັດ​ການຈັດ​ວາງ​ໂຄງ​ປະກອບ​ຂະ​ແໜງ​ການ​ກະສິກຳ​ຄືນໃໝ່, ຍົກສູງມູນຄ່າເພີ່ມ​ແລະຄວາມສາມາດແກ່​ແຍ້ງ ຂອງຜະລິດ​ຕະພັນກະສິກຳ​ຫວຽດນາມ ແລະ ​ເພີ່ມ​ທະວີການລົງທຶນໃຫ້ແກ່ກະສິກຳ ຊົນນະບົດ. ຍົກສູງຄວາມສັກສິດ​ແລະປະສິດທິຜົນຂອງການຄຸ້ມຄອງລັດ; ສືບ​ຕໍ່​ກວດຄືນ​ການຈັດ​ຕັ້ງ​ກົງຈັກ, ສັບຊ້ອນພະນັກງານຕິດກັບການຮຽກຮ້ອງລົບລ້າງ ການຊ້ຳ​ຊ້ອນ​ດ້ານພາລະບົດບາດ ໜ້າທີ່; ປະຕິຮູບລະບຽບ​ການບໍລິຫານຢ່າງແຂງແຮງ, ພິເສດແມ່ນລະບຽບການລົງທຶນ, ກໍ່ສ້າງ, ທີ່ດິນ, ພາສີຜ່ານ​ດ່ານ ແລະ ສິນເຊື່ອທະນາຄານ.

ຮັບປະກັນນະໂຍບາຍສະຫວັດດີ​ການສັງຄົມ; ຮັບປະກັນແຜນການເພີ່ມເງິນເດືອນຕ່ຳສຸດ ຕາມກຳນົດຂອງກົດໝາຍແຮງງານຕໍ່ຂົງເຂດຜະລິດ ທຸລະກິດ. ສືບ​ຕໍ່ປະຕິບັດບັນດາມາດຕະການຢ່າງຄົບຊຸດ ເພື່ອຫລຸດຜ່ອນສະພາບການຄົນເຈັບມາປິ່ນປົວໜາແໜ້ນເກີນຄວນ ຢູ່ໂຮງໝໍຂັ້ນສູນກາງ ແລະ ທ້ອງຖີ່ນ, ຍົກສູງຄຸນນະພາບການກວດ​ແລະປົວພະຍາດ, ເປັນຕົ້ນແມ່ນຢູ່ບັນດາສະຖານທີ່ສາທາລະນະສຸກ ຂັ້ນແຂວງ, ເມືອງ. ບຸລິມະສິດການສະໜອງທຶນໃຫ້ແກ່ບັນດາໂຄງການເລັ່ງດ່ວນ, ຮັບປະກັນຄວາມສະຖຽມລະພາບ ໃຫ້ປະຊາກອນ ແລະ ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ໃຫ້​ແກ່​ການ​ທຳ​ມາ​ຫາ​ກິນ​ຂອງປະຊາຊົນ.

ແຜນງົບປະມານ​ແຫ່ງ​ລັດປີ 2015

ສະພາແຫ່ງຊາດໄດ້ລົງຄະແນນສຽງຜ່ານຮ່າງມະຕິວ່າ​ດ້ວຍແຜນງົບປະມານແຫ່ງລັດປີ 2015.

ຕົວ​ເລກຄາດໝາຍຕົ້ນຕໍ່ຈຳນວນໜຶ່ງຂອງແຜນງົບປະມານແຫ່ງລັດປີ 2015: ລວ​ມຍ​ອດລາຍຮັບ​ຂອງ​ງົບປະມານ​ແຫ່ງ​ລັດ​ປີ 2015 ​ໄດ້ 911.100 ຕື້ດົ່ງ; ຖ້ານັບທັງ 10.000 ຕື້ດົ່ງ ຈາກ​ລາຍ​ຮັບງົບປະມານປີ 2014 ໂອນມາ​ໃຫ້ປີ 2015 ກໍ່​ຈະ​​​ມີ​ລວ​ມຍ​ອດລາຍ​ຮັບງົບປະມານແຫ່ງລັດທັງໝົດ 921.100 ຕື້ດົ່ງ; ລວມຍອດ​ລາຍ​ຈ່າຍ​ງົບປະມານແຫ່ງລັດທັງໝົດ 1.147.100 ຕື້ດົ່ງ; ຂາດດູນງົບປະມານທັງ​ໝົດ 226.000 ຕື້ດົ່ງ, ເທົ່າກັບ 5% ຂອງ GDP.

ມະຕິມອບໃຫ້ລັດຖະບານ ປະຕິບັດ​ແຜນງົບປະມານ​ແຫ່ງ​ລັດ​ປີ 2015 ​ໃຫ້​ໄດ້ຢ່າງໜັກແໜ້ນ; ຈັດແບ່ງລາຍຈ່າຍ ງົບປະມານຢ່າງມີຈຸດສຸມ, ຕ້ານການກະ​ແຈກ​ກະຈາຍ, ຟຸມເຟີ, ສູນເສຍ; ຄຸ້ມຄອງ ແລະ ນຳໃຊ້ລາຍ​ຈ່າຍ​ຢ່າງປະຢັດ, ມີປະສິດທິຜົນ; ຍົກສູງຄຸນນະພາບການກວດກາ, ກວດສອບ, ເພີ່ມທະວີ​ວິ​ໄນ​ການ​ເງິນ-ງົບປະມານ; ມີການແນະນຳຈັດຕັ້ງປະຕິບັດແຜນງົບປະມານແຫ່ງລັດໃຫ້ຖືກຕ້ອງຕາມລັດຖະທຳມະນູນ ແລະ ກົດໝາຍ, ບັນດາລາຍຮັບ ລາຍຈ່າຍງົບປະມານ​ແຫ່ງ​ລັດ ຕ້ອງມີການ​ໄລ່​ລຽງ​ໄວ້​ລ່ວງ​ໜ້າ ​ແລະ ຕາມກຳນົດ ຂອງກົດໝາຍ; ຍູ້ແຮງບັນດາມາດຕະການ ຕ້ານການຄ້າຂາຍເຖື່ອນ, ການລັກໂລບການຄ້າ, ການ​ໂອນລາຄາ, ໜີພາສີ; ​ເກັບເອົາບັນດາບ້ວງລາຍຮັບ ທີ່ຖືກ​ຄົ້ນ​ເຜີຍໂດຍການກວດກາ, ກວດສອບບັນຊີ ​ເພື່ອ​ມອບ​​ໃຫ້​ຄັງຢ່າງທັນທີ;ລຸດຜ່ອນຈຳນວນຫນີ້ຄ້າງຊໍາລະອາກອນ.

ມະຕິກໍ່ໄດ້ຮຽກຮ້ອງ​ໃຫ້ສືບຕໍ່ປະຕິບັດການ​ປະຢັດໃນການ​ໃຊ້ຈ່າຍທຶນປົກກະຕິຢ່າງ​ເຂັ້ມ​ງວດ; ລຸດຜ່ອນບ້ວງໃຊ້ຈ່າງ​ຕ່າງໆ​ລົງຕ່ຳສຸດຄື: ກອງປະຊຸມ, ສຳມະນາ, ງານບຸນ, ພິທີວາງສີລາລຶກການ​ກໍ່ສ້າງ, ພິທີ​ເປີດ​ນຳ​ໃຊ້ກິດຈະການ ​ແລະ ໄປເຮັດວຽກຢູ່ຕ່າງປະເທດ. ປະຕິບັດການດັດແກ້ເພີ່ມ​ເງິນ​ເດືອນ ​ເບ້ຍ​ອຸດ​ໜູນ​ພິ​ເສດ ຂຶ້ນອີກ 8% ​ເພື່ອ​ຈ່າຍ​ໃຫ້​ຜູ້​ກິນ​ເບ້ຍ​ບຳນານ, ຜູ້​ມີ​ຄຸນງາ​ມຄ​ວາ​ມດີ​ຕໍ່​ຊາດ ແລະ ​ໃຫ້ພະນັກງານ ລັດຖະກອນ ກຳລັງປະກອບອາວຸດ ທີ່ມີລາຍໄດ້ຕ່ຳ (​ເງິນ​ເດືອນມີຕົວຄູນແຕ່ 2,34 ລົງມາ). ເວລາປະຕິບັດ ແຕ່ວັນທີ່ 1 ມັງກອນ 2015.

ການຈັດ​ແບ່ງ​ແລະຄຸ້ມຄອງລາຍຈ່າຍງົບປະມານລົງທຶນຂອງ​ລັດໃຫ້ການພັດທະນາ ຕ້ອງປະຕິບັດໃຫ້ຖືກຕາມກຳນົດ ຂອງກົດໝາຍວ່າ​ດ້ວຍ​ການລົງທຶນສາທາລະນະ. ບຸລິມະສິດຈັດ​ແບ່ງທຶນ ເພື່ອຊຳລະສະສາງໜີ້ຂອງງົບປະມານແຫ່ງລັດ, ​ເກັບເອົາບ້ວງລາຍ​ຈ່າຍລ່ວງໜ້າຊົ່ວຄາວ​ຕ່າງໆ​ຄືນ​ມາ​ໃຫ້​ລັດ. ບໍ່ຈັດ​ແບ່ງທຶນ​ໃຫ້ບັນດາໂຄງການທີ່ຍັງບໍ່ມີຄວາມຮີນດ່ວນ. ຍູ້ແຮງການຮ່ວມມືຕາມຮູບແບບລັດ ແລະ ເອກະຊົນ (PPP) ແລະ ບັນດາຮູບແບບລົງທຶນບໍ່ໃຊ້ທຶນລັດຖະບານ ເພື່ອລະດົມກຳລັງແຮງ​ໃຫ້​ແກ່ການ​ລົງທຶນ​ພັດທະນາ​ເສດຖະກິດ - ສັງຄົມ. ກວດຄືນ​ລະດັບຄາດໝາຍຂອງ 16 ໂຄງການຈຸດໝາຍແຫ່ງຊາດ ເພື່ອສຸມໃສ່ຈັດແບ່ງທຶນງົບປະມານໃຫ້ແກ່ບັນດາຈຸດໝາຍທີ່​ສຳຄັນ, ຮີບດ່ວນ, ສຳເລັດຢ່າງຂາດຂັ້ນໃນປີ 2015.

ສະຫລຸສັງລວມ, ຕີລາຄາຜົນການປະຕິບັດບັນດາໂຄງການຈຸດໝາຍແຫ່ງຊາດ ທີ່ໄດ້ຜັນຂະຫຍາ ໃນໄລຍະ 2011 – 2015; ດຳເນີນການສຳຫຼວດກວດຄືນດຍລວມ ເພື່ອຕັດຮອນ, ສັບແຊກ, ຮັດແຄບໃຫ້ກະທັດລັດຕໍ່ກັບບັນດາໂຄງການ ຈຸດໝາຍແຫ່ງຊາດໄລຍະ 2016 – 2020; າຍງານໃຫ້ສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10.

ບຄຸມການຂາດດູນງົບປະມານແຫ່ງລັດຢ່າງແໜ້ນແຟ້ນ; ມີມາດຕະການດີເພື່ອຫລຸດຜ່ອນການຂາດດູນ ແລະ ເພີ່ມການຈ່າຍຊຳລະໜີ້ສິນ. ຄິດໄລ່ໜີ້ສິນສາທາລະນະໃຫ້ຖືກຕ້ອງ ແລະ ພຽງພໍ, ບໍ່ໃຫ້ລື່ນລະດັບກຳນົດຕາມມະຕິຕົກລົງ ຂອງສະພາແຫ່ງຊາດ (65% GDP), ຄຸ້ມຄອງໜີ້ສິນສາທາລະນະຢ່າງແໜ້ນແຟ້ນ, ພິເສດແມ່ນບັນດາບ້ວງເງິນກູ້ ທີ່ມີການຮັບປະກັນຈາກລັດຖະບານ, ບັນດາບ້ວງເງິນກູ້ເອົາມາໃຫ້ກູ້ຢືມຄືນໃໝ່. ຍົກສູງປະສິດທິຜົນການນຳໃຊ້ເງິນກູ້, ຄຸ້ມຄອງທຶນສະສົມເພື່ອຈ່າຍໜີ້ໃຫ້ໄດ້ຢ່າງແໜ້ນແຟ້ນ. ສືບຕໍ່ປະຕິບັດບັນດາ ມາດຕະການຈັດາງໂຄງປະກອບບ້ວງເງິນກູ້ຄືນໃໝ່. ແຕ່ປີ 2015, ຈຳໜ່າຍພັດະບັດ ລັຖະບານ ກຳນົດ​ເວລາແຕ່່ 5 ປີຂຶ້ນໄປ, ບໍ່ໄດ້ປະຕິບັດບັນດາບ້ວງເງິນກູ້ມີໄລຍະສັ້ນໃຫ້​ແກ່ການທົດແທນຂາດດູນ ງົບປະມານແຫ່ງລັດ, ຫລຸດລະດັບກູ້ຢືມຊຳລະໜີ້ເກົ່າດ້ວໜີ້ໃໝ່.

ສັງລວມໂດຍ: NĐ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ