ວັນເສົາ, 14/12/2019
ສະເຫຼີມສະຫຼອງວັນສ້າງຕັ້ງ ກອງທັບປະຊາຊົນຫວຽດນາມ ຄົບຮອບ 70 ປີ ຢ່າງສົມກຽດ
11/1/2015 10:54' ສົ່ງ ພິມ
ທ່ານປະທານປະເທດ ເຈືອງເຕິນຊາງ ປະດັບຫຼຽນໄຊດາວຄຳໃສ່ຄັນທຸງມູນເຊື້ອ ຂອງກອງທັບປະຊາຊົນຫວຽດນາມ (ພາບ: TTXVN)

ເຫດການ​ທີ່​ພົ້ນ​ເດັ່ນ​ໃນ​​ໄລຍະການສະເຫຼີມສະຫຼອງທີ່​ກ່າວ​ມາ​ຂ້າ​ງ​ເທິງແມ່ນ ພິທີສະເຫຼີມສະຫຼອງ ວັນ​ສ້າງ​ຕັ້ງ​ກອງທັບ ປະຊາຊົນ ຫວຽດນາມ ຄົບຮອບ 70 ປີ, ວັນບຸນ​ທົ່ວປວງຊົນປ້ອງກັນຊາດ ຄົບຮອບ 25 ປີ ຢ່າງສົມກຽດ ແລະ ພິທີປະດັບຫຼຽນໄຊດາວຄຳ ຄັ້ງທີ 5 ໂດຍຄະນະບໍລິຫານງານສູນກາງພັກ, ສະພາແຫ່ງຊາດ, ປະທານປະເທດ, ລັດຖະບານ, ແນວໂຮມປະເທດຊາດຫວຽດນາມ, ຄະນະພັກ​ການ​ທະຫານນສູນກາງ ​ແລະ ກະຊວງປ້ອງກັນປະເທດ ຈັດຂຶ້ນໃນຕອນເຊົ້າວັນທີ 20 ຕຸລາ 2014 ທີ່ນະຄອນຫຼວງຮ່າໂນ້ຍ.

ທ່ານຫງວຽນຝູຈ້ອງ ເລຂາທິການໃຫຍ່ສູນ​ກາງ​ພັກ, ເລຂາຄະນະພັກ​ການທະຫານສູນກາງ ໄດ້​ໃຫ້ກຽດເຂົ້າຮ່ວມ ແລະ ອວຍພອນ​ໄຊ​ໃຫ້ນາຍ​ແລະ​ພົນທະຫານ ພະນັກງານ ນັກຮົບ​ໃນກອງທັບປະຊາຊົນຫວຽດນາມ.

​ເປັນ​ກຽດ​ເຂົ້າ​ຮ່ວມ​ພິທີ​ມີບັນດາທ່ານອາດີດເລຂາທິການໃຫຍ່ ເລຂາຟຽວ, ນົງກຶກແມ້ງ; ທ່ານ ເຈືອງເຕິນຊາງ ປະທານປະເທດ, ບັນດາທ່ານອາດີດປະທານປະເທດ ເລດຶກແອັງ, ເຈີ່ນດຶກເລືອງ; ທ່ານ ຫງວຽນຊິງຮູ່ງ ປະທານສະພາແຫ່ງຊາດ, ທ່ານ ຫງວຽນວັນອານ ອາດີດປະທານສະພາແຫ່ງຊາດ; ທ່ານ ຫງວຽນທ້ຽນເຍີນ ປະທານຄະນະກຳມະການສູນ​ກາງ ແນວໂຮມປະເທດຊາດຫວຽດນາມ; ທ່ານ ເລຮົ່ງແອັງ ກຳມະການກົມການເມືອງ ຜູ້ປະຈຳການຄະນະເລຂາທິການສູນກາງພັກ; ບັນ​ກາ​ກຳມະການ​ກົມ​ການ​ເມືອງສູນ​ກາງ​ພັກ, ບັນດາເລຂາທິການສູນກາງພັກສະໄໝຕ່າງໆ; ບັນດາ​ຜູ້ຕາງໜ້າການນຳກະຊວງ ພະແນກການ ຂະແໜງການຕ່າງໆ ຂັ້ນສູນກາງ; ບັນດາທ່ານການນຳ ອາດີດການນຳ ະນະພັກການທະຫານສູນກາງ, ກະຊວງປ້ອງກັນປະເທດ; ບັນດານັກ​ປະຕິວັດອາວຸໂສ, ບັນດາແມ່ຫວຽດນາມວິລະຊົນ, ວິລະຊົນກຳລັງປະກອບອາວຸດປະຊາຊົນຫວຽດນາມ; ຜູ້ຕາງໜ້າທູດການ​ທະຫານບັນດາ​ປະ​ເທດ ຢູ່ຫວຽດນາມ, ແລະ ບັນດາ​ນາຍ​ທະຫານ ພະນັກງານນັກຮົບທີ່ດີເດັ່ນ ຂອງກອງທັບປະຊາຊົນຫວຽດນາມໃນທົ່ວປະເທດ ກໍ່ໄດ້ມາຮ່ວມໃນພິທີຄັ້ງນີ້.

ໂນໂອກາດນີ້, ທ່ານ ໂດເມື່ອຍ ອາດີດເລຂາທິການໃຫຍ່ ​ແລະ ​ທ່ານນາຍົກລັດຖະມົນຕີ ຫງວຽນເຕິນຢູງ​ ໄດ້ຝາກຊໍ່ດອກໄມ້​​ມາອວຍພອນ​ໃນ​ພິທີ​ສະເຫຼີມສະຫຼອງນີ້ດ້ວຍ.

ກ່າວປາໄສໃນພິທີສະເຫຼີມສະຫຼອງ, ຕາງໜ້າການນຳພັກ ລັດ, ທ່ານປະທານປະເທດ ເຈືອງເຕິນຊາງ ໄດ້ຝາກ​ຄວາມ​ຮັກ​ແພງ ​ແລະ ຄຳອວຍພອນ​​ໄຊອັນປະເສີດ ມາຍັງແມ່ຫວຽດນາມວິລະຊົນ, ວິລະ​ຊົນກຳລັງປະກອບອາວຸດປະຊາຊົນ, ນັກຮົບເສຍ​ອົງຄະ ​ເຈັບປ່ວຍ, ຄອບຄົວຜູ້ເສຍສະຫຼະຊີວິດເພື່ອຊາດ, ຜູ້​ມີ​ຄຸນງາ​ມຄ​ວາ​ມດີ​ຕໍ່​ຊາດ, ບັນດານາຍ​ແລະພົນທະຫານ, ພະນັກງານ ນັກຮົບກອງທັບປະຊາຊົນຫວຽດນາມ ເນື່ອງໃນໂອກາດລະນຶກວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 70 ​ແລະ ວັນບຸນທົ່ວປວງຊົນປ້ອງກັນຊາດ ຄົບຮອບ 25 ປີ.

ທ່ານປະທານປະເທດໄດ້ເນັ້ນວ່າ: 70 ປີທີ່​ຜ່ານ​ມາ, ພາຍໃຕ້ການນຳພາຢ່າງເດັດຂາດ ໂດຍກົງ ຮອບດ້ານຂອງພັກ, ໄດ້ຮັບຄວາມຮັກ​ແພງ​ແລະອຸ້ມຊູຊ່ວຍເຫລືອຈາກປະຊາຊົນ, ສືບທອດແລະເສີມຂະຫຍາຍ ນ້ຳໃຈຮັກຊາດ ແລະ ສິລະປະການທະຫານຂອງຊາດຫວຽດນາມ, ກອງທັບປະຊາຊົນຫວຽດນາມ​ໄດ້ຜ່ານຜ່າຄວາມຫຍູ້ງຍາກລຳບາກ ການທົດສອບບໍ່ຈັກ​ວ່າ​​ເທົ່າ​ໃດ, ໄດ້ພ້ອມ​ກັນ​ກັບ​ປະຊາຊົນ​ຍາດ​ເອົາໄຊຊະນະອັນໃຫຍ່ຫຼວງ ໃນພາລະກິດຕໍ່ສູ້ປົດປ່ອຍປະເທດຊາດ, ປົກປັກຮັກສາປະເທດຊາດຫວຽດນາມ ສັງຄົມນິຍົມ ແລະ ເຮັດຫຼ້ອນພັນທະໜ້າທີ່ສາກົນອັນສະຫງ່າລາສີ.

ເນັ້ນເຖິງສະພາບການສາກົນ ແລະ ພາກ​ພື້ນ​ທີ່ສືບຕໍ່ມີການຜັນແປຢ່າງສັບສົນ, ເຊື່ອງຊ້ອນຫຼາຍປັດໃຈທີ່ກໍ່ຄວາມວຸ້ນວາຍ ຄວາມ​ສັບສົນ​ຫຼາຍ​ຢ່າງ ທີ່ຄາດຄະ​ເນ​ຍາກ ໃນຕໍ່ໜ້າ, ທ່ານປະທານປະເທດຢືນຢັນເຖິຄວາມຕັດສິນໃຈຂອງພັກ-ລັດຫວຽດນາມ ແມ່ນຕັ້ງ​ໝັ້ນ​ໃນຈຸດໝາຍ​ເອກະລາດ​ແຫ່ງ​ຊາດ ຕິດພັນກັບສັງຄົມນິຍົມ; ເສີມຂະຫຍາຍກຳລັງແຮງຂອງປະເທດຊາດ ສົມທົບກັບ ກຳລັງແຮງຂອງຍຸກສະໄໝ; ກຳແໜ້ນໜ້າທີ່ພັດທະນາເສດຖະກິດເປັນໃຈກາງ, ວຽກງານກໍ່ສ້າງພັກເປັນຕົ້ນຕໍ, ວັດທະນະທຳເປັນພື້ນຖານຈິດໃຈຂອງສັງຄົມ, ປັບປຸງການປ້ອງກັນຊາດ ປ້ອງກັນຄວາມສະງົບ ເປັນໜ້າທີ່ສຳຄັນແລະປົກກະຕິ. ກອງທັບປະຊາຊົນຫວຽດນາມ ປະສານສົມທົບລະຫວ່າງ ໜ້າທີພັດທະນາ ເສດຖະກິດ-ສັງຄົມ ກັບການປັບປຸງ ເພີ່ມທະວີການປ້ອງກັນຊາດ ປ້ອງກັນຄວາມສະງົບ ແລະ ການຕ່າງປະເທດຢ່າງແໜ້ນແຟ້ນ; ສຸມໃສ່ກໍ່ສ້າງ ປັບປຸງລະບົບປ້ອງກັນຊາດທົ່ວປວງຊົນໃຫ້ເຂັ້ມແຂງ; ກໍ່ສ້າງທ່າສະໜາມປ້ອງກັນຊາດທົ່ວປວງຊົນ ຕິດກັບ ທ່າສະໜາມປ້ອງກັນຄວາມສະງົບປະຊາຊົນ​ໃຫ້​ໝັ້ນຄົງ, ເປັນຕົ້ນຢູ່ເຂດພື້ນທີ່ຍຸດທະສາດ, ​ເຂດຈຸດໜັກ.

ພັກ ແລະ ລັດສືບຕໍ່ຍູ້ແຮງການກໍ່ສ້າງກອງທັບປະຊາຊົນຫວຽດນາມ​ໃຫ້​ເປັນ​ກອງ​ທັບປະຕິວັດ ະບຽບຫຼວງ ຍອດ​ຍ້ຽມ ທັນສະໄໝເທື່ອລະກ້າວ. ກຳແໜ້ນຫຼັກການກໍ່ສ້າງກອງທັບທາງດ້ານການເມືອງ, ຍົກສູງຄຸນນະພາບດ້ານການເມືອງ, ​ເອົາຄຸນນະພາບດ້ານການເມືອງເປັນພື້ນຖານ ​ເພື່ອຍົກສູງຄຸນນະພາບສັງລວມ ແລະ ກຳລັງແຮງສູ້ຮົບຂອງກອງທັບ. ​ໃຫ້ຄວາມສຳຄັນຕໍ່ການກໍ່ສ້າງກອງທັບ ໃຫ້ມີຄວາມເຂັ້ມແຂງຮອບດ້ານ, ທັງດ້ານການຈັດຕັ້ງການ​ບັນຈຸ ແລະ ປະກອບອາວຸດຍຸດ​ໂທປະກອນ, ລະດັບລະບຫຼວງ ແລະ ລະດັບການສູ້ຮົບ, ທັງກຳລັງປະຈຳການ ແລະ ກຳລັງສຳຮອງ; ມີໂຄງປະກອບ ແລະ ຂະໜາດທີ່ເໝາະສົມ ຕາມ​ທິດຍອດຍ້ຽມ ກະທັດ​ລັດ ເຂັ້ມແຂງ, ຕອບສະໜອງຄວາມຮຽກຮ້ອງຕ້ອງການປ້ອງກັນປະເທດຊາດ​ ໃນສະ​ໄໝສັນຕິ, ກຽມຄວາມພ້ອມຕີ​ເອົາໄຊຊະນະສັດຕູໃນທຸກກໍລະນີ. ກຳລັງກອງທັບເປັນເຈົ້າການໃນການຄາດ​ຄະເກຳສະພາບການຢ່າງວ່ອງ​ໄວ; ທຸ່ນທ່ຽງ ສະຫຼາດຄ່ອງແຄ່ວ ໃນການແກ້ໄຂກໍລະນີ​ເຫດການ​ອັນລະອຽດ; ບໍ່ໃຫ້ຕົກ​ໃນກົນອຸບາຍ​ຂອງສັດຕູ.

ໃນພິທີອັນສົມກຽດນີ້, ທ່ານປະທານປະເທດ ເຈືອງເຕິນຊາງ ໄດ້ປະດັບຫຼຽນໄຊດາວຄຳ ເປັນລາງວັນອັນປະເສີດເລີດລ້ຳທີ່​ສຸດຂອງພັກ-ລັດ ເທື່ອທີ່ 5 ໃຫ້ກອງທັບປະຊາຊົນຫວຽດນາມ ເພື່ອຮັບຮູ້​ເຖີງຄຸນງາມຄວາມດີອັນ​ໃຫຍ່​ຫຼວງ ດີ​ເດັ່ນ​ເປັນ​ພິ​ເສດຂອງກອງທັບປະຊາຊົນຫວຽດນາມ ທີ່ໄດ້ປະກອບສ່ວນ ເຂົ້າໃນພາລະກິດປະຕິວັດຂອງພັກ ລັດ.

ກ່ອນໜ້ານັ້ນ, ຕາງໜ້າການນຳພັກ ລັດ, ທ່ານປະທານປະເທດໄດ້ປະດັບຫຼຽນໄຊໂຮ່ຈີມິນ ເປັນລາງວັນອັນປະເສີດເລີດລ້ຳຂອງພັກ ລັດ ໃຫ້ແກ່ກົມໃຫຍ່ການເມືອງກອງທັບປະຊາຊົນຫວຽດນາມ ດ້ວຍຄວາມມຸ້ງຫວັງ ກົມໃຫຍ່ການເມືອງຈະນັບມື້ນັບເຕີບໃຫຍ່ຂະຫຍາຍຕົວ, ສຳເລັດມີໄຊ​ໃນພາລະກິດ ທີ່ໄດ້ຮັບມອບໝາຍ, ສົມກັບຄວາມ​ໄວ້​ວາງ​ໃຈຂອງພັກ ລັດ ແລະ ປະຊາຊົນ.

** ດ້ວຍຫຼາຍຮູບການທີ່​ແຕກ​ຕ່າງ​ກັນ ​ແລະ ອຸດົມ​ສົບູນ ແທດກັບຕົວຈິງ ແລະ ມີປະສິດທິ​ຜົນ, ໃນເດືອນທັນວານີ້, ມີຫຼາຍອົງການ ກົມ​ກອງຢູ່ພາຍໃນແລະນອກກອງທັບ ໄດ້ມີການເຄື່ອນໄຫວ ຍູ້ແຮງການໂຄສະນາ​ເຊື່ອມ​ຊຶມ ສຶກສາອົບຮົມ, ເປີດບັນດາລາຍການສະເພາະ ຫົວຂໍ້ສະເພາະ, ສາລະຄະດີ, ຮູບເງົາເອກະສານ... ​ເພື່ອສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 70 ປີ ​ແລະ ວັນບຸນທົ່ວປວງຊົນປ້ອງກັນຊາດ ຄົບຮອບ 25 ປີ. ມາຮອດປັດຈຸບັນ ໄດ້ມີບົດຂຽນລົງໜັງສືພິມ ຫຼາຍ​ກວ່າ 1000 ບົດ ​ທີ່ໂຄສະນາກ່ຽວກັບເຫດການສຳຄັນນີ້. ບັນດາວຽກງານຕອບບຸນແທນຄຸນ​ເຊັ່ນ ກໍ່ສ້າງເຮືອນ​ໃຫ້​ຜູ້​ມີ​ຄຸນງາມຄວາມດີ, ມອບຂອງຂວັນ ຜ້າຫົ່ມ ໂສ້ງເສື້ອ ປື້ມຮຽນ​ໃຫ້​ຜູ້​ທຸກ​ຍາກ, ຊ່ວຍເຫຼືອ​ແນວພັນ ທຶນການຜະລິດ ​ໃຫ້ແກ່ປະຊາຊົນ, ກໍ່ສ້າງຫໍວັດທະນະທຳ, ຊ່ວຍເຫຼືອກໍ່ສ້າງລະບົບ​ທໍ່​​ແລະອ່າງນ້ຳປະປາ, ກໍ່ສ້າງອານຸສາວະລີນັກຮົບວິລະ​ຊົນຜູ້ເສຍຊີວິດ​ເພື່ອຊາດໄດ້ຮັບ​ການຜັນຂະຫຍາຍໃນຫຼາຍທ້ອງ​ຖິ່ນຢ່າງຕັ້ງໜ້າ. ຂະ​ບວນການ​“ກອງທັບຮ່ວມມືເພື່ອສຸຂພາບຂອງຊຸມຊົນ” ໄດ້ຈັດ​ຕັ້ງການກວດພະຍາດ ແລະ ແຈກຈ່າຍຢາປົວພະຍາດ​ໂດຍບໍ່​ເສຍ​ຄ່າ ໃຫ້ແກ່ປະຊາຊົນ 7 ໝື່ນຄົນ, ຜ່າຕັດແທນເຍື່ອແກ້ວຕາໃຫ້ 35 ຄົນ, ມອບຂອງຂວັນໃຫ້ ສຸກສາລາທະຫານ ພຶ້ນຖານ​ສາ​ທາ​ລະນະ​ສຸກ​ໃນທົ່ວປະເທດໄດ້ 100 ແຫ່ງ.

ການແຂ່ງຂັນຊອກຮູ້ມູນເຊື້ອ “70 ປີ ແຫ່ງວັນສ້າງຕັ້ງກອງທັບປະຊາຊົນຫວຽດນາມ ​ແລະ 25 ປີ ແຫ່ງວັນບຸນທົ່ວປວງຊົນປ້ອງກັນຊາດ”, ລາຍການພົບ​ປະ ສັງ​ສັນລະຫວ່າງ​ຄົນ​ລຸ້ນກ່ອນກັບ​ລຸ້ນສືບ​ຖອດ, ບັ້ນຂົນຂວາຍ “ເສີມຂະຫຍາຍມູນເຊື້ອ, ອຸທິດສະຕິ​ປັນຍາແລະຄວາມສາມາດ, ສົມກັບນາມມະຍົດທະຫານລຸງໂຮ່”, ຂະ​ບວນການແຂ່ງຂັນລະດັບສູງ “ຄຸນທາດທະຫານລຸງໂຮ່ແຈ້ງສະຫງ່າຕະຫຼອດໄປ”, ກິດຈະກຳວາງສະແດງຮູບພາບໂຄສະນາຊວນ​ເຊື່ອ, ວາງສະແດງສິລະປະກຳທົ່ວປະເທດ ກ່ຽວກັບຫົວເລື່ອງ “ກຳລັງປະກອບອາວຸດ ແລະ ສົງຄາມປະຕິວັດ... ໄດ້ດຶງດູດ​ເອົາຄວາມສົນໃຈຂອງຜູ້ຊົມ ທີ່ຢູ່ໃນປະ​ເທດແລະຕ່າງປະເທດ ຢ່າງຫຼວງຫຼາຍ.

​ໃນ​ການພົບ​ປະມູນເຊື້ອຂອງ​ບັນດາ​ຮຸ້ນ “ທະຫານລຸງໂຮ່”, ບັນດານັກ​ປະຕິວັດ​ອາວຸໂສ ວິລະ​ຊົນ​ກຳລັງປະກອບອາວຸດປະຊາຊົນຫວຽດນາມ ນາຍທະຫານຂັ້ນສູງທີ່​ກິນ​ເບ້ຍ​ບຳນານ... ທີ່ຈັດຕັ້ງຂຶ້ນຢູ່ແຂວງ ນະຄອນຕ່າງໆໃນທົ່ວປະເທດນັ້ນ ບັນດາຜູ້ແທນດັ່ງກ່າວໄດ້ທວນຄືນປະຫວັດສາດ ມູນເຊື້ອອັນອົງອາດກ້າຫານ ບັນດາໄຊຊະນະອັນສະຫງ່າງາມ ຂອງກອງທັບປະຊາຊົນໃນຕະຫຼອດ​ເວລາ 70 ປີທີ່ຜ່ານມາ, ຜ່ານ​ສິ່ງ​ດັ່ງກ່າວນັ້ນ ປຸກ​ຕື່ນນ້ຳໃຈຮັກຊາດ ຮັກສັງຄົມນິຍົມ, ​ເຊີດ​ຊູຄວາມເອກອ້າງທະນົງໃຈກ໋ຍວກັບກຽດ​ສັກສີ​ແຫ່ງຊາດ, ຫຼັກທຳ “ຮູ້ບຸນຄູນ”, ຈິດໃຈ “ຕອບບຸນແທນຄຸນ”; ຮັກສາ ​ແລະ ເສີມຂະຫຍາຍ ທາດແທ້ອັນດີງາມຂອງ “ທະຫານລຸງໂຮ່”, ມູນເຊື້ອປະຕິວັດ ອົງອາດກ້າຫານຂອງຊາດ ຂອງກອງທັບ; ຍູ້ແຮງຂະບວນການແຂ່ງຂັນເດັດຂາດຊິງໄຊໃນທົ່ວກອງທັບ ຢ່າງຟົດຟື້ນແລະທົ່ວເຖິງ ສ້າງຄວາມຫັນປ່ຽນໃໝ່ໃນທຸກດ້ານ, ສຳເລັດທຸກ​ໜ້າ​ທີ່ຂອງກອງທັບປະຊາຊົນຫວຽດນາມໃນສະໄໝໃໝ່.

ການ​ເຄື່ອນ​ໄຫວ​ຕ່າງໆ​ເທິງ​ນີ້ ​ໄດ້​ສ້າງ​ໃຫ້​ມີ​ການ​ຫັນປ່ຽນຢ່າງ​ຕັ້ງໜ້າ​ໃນ​ທຸກ​ດ້ານ ທຸກວຽກງານ, ​ເປັນ​ຕົ້ນ​ແມ່ນ​ໃນ​ການ​ອົບຮົມ​ຝຶກ​ແອບ ກຽມພ້ອມ​ສູ້​ຮົບ​ຂອງ​ພະນັກງານ ນັກຮົບ​ໃນ​ທົ່ວ​ປະ​ເທດ.

** ການສະເຫຼີມສະຫຼອງ ວັນສ້າງຕັ້ງກອງທັບປະຊາຊົນຫວຽດນາມ ຄົບຮອດ 70 ປີ ກໍ່ໄດ້ສະຖານທູດຫວຽດນາມ ຢູ່​ປະ​ເທດ​ຈຳນວນ​ໜຶ່ງ ຈັດຕັ້ງຂຶ້ນ​ຢ່າງ​ສົມ​ກຽດ ຄື:​ ໄທ, ອາຟຣິກາໃຕ້, ສາທາລະນະລັດ​ເຊັກ, ອານເຣີ, ອົດສາລີ, ເຢັຍລະມັນ ແລະ ອື່ນໆ. ໃນໂອກາດນີ້ ພັກປະຊາຊົນປະຕິວັດລາວ, ພັກປະຊາຊົນກຳປູເຈຍ ກໍ່ໄດ້ຝາກສານອວຍພອນໄຊມາຍັງພັກກອມມູນິດຫວຽດນາມ ເພື່ອລະນຶກວັນສ້າງຕັ້ງກອງທັບປະຊາຊົນຫວຽດນາມ. ໃນວັນທີ 22 ຕຸລາ ວັນສ້າງຕັ້ງກອງທັບປະຊາຊົນຫວຽດນາມ, ກະຊວງປ້ອງກັນປະເທດລາວ ໄດ້ຈັດຕັ້ງການ​ຊຸມ​ນຸມມິຕິເພື່ອສະເຫຼີມສະຫຼອງວັນ​ສ້າງ​ຕັ້ງ​ກອງທັບ​ປະຊາຊົນ​ຫວຽດນາມ ຄົບຮອບ 70 ປີ ຢ່າງສົມກຽດ./.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ