ວັນເສົາ, 14/12/2019
ຫວຽດນາມ - ກຳປູເຈຍ: ສາຍພົວພັນ “ປະເທດບ້ານໃກ້ເຮືອນຄຽງທີ່ດີງາມ, ມິດຕະພາບອັນເປັນມູນເຊື້ອ, ການຮ່ວມມືຮອບດ້ານ ໝັ້ນຄົງຍາວນານ”
17/1/2015 9:9' ສົ່ງ ພິມ
ເຈົ້າຊີວິດແຫ່ງລາຊະອານາຈັກ ກຳປູເຈຍ ນະໂຣດົມ ສີຫະມູນີ ພ້ອມດ້ວຍພະບໍລົມວົງສານຸວົງ ຕ້ອນຮັບ ທ່ານປະທານປະເທດ ເຈືອງເຕິນຊາງ (ພາບ: TTXVN)

ໃນການຢ້ຽມຢາມກຳປູເຈຍເປັນທາງການຄັ້ງນີ້, ບັນດາການນຳລັດ ແລະລັດຖະບານກຳປູເຈຍ ໄດ້ໃຫ້ການຕ້ອນຮັບທ່ານປະທານ ເຈືອງເຕິນຊາງ ແລະ ຄະນະຜູ້​ແທນ​ຫວຽດນາມ ດ້ວຍ​ພິທີການ​ຕ້ອນຮັບສູງສຸດສຳລັບ​ປະມຸກ​ແຫ່ງ​ຊາດ​ຢ່າງ​ສົມ​ກຽດ. ໃນໄລຍະຢ້ຽມຢາມ ແລະ ເຮັດວຽກ, ທ່ານປະທານປະເທດ ຈືອງເຕິນຊາງ ໄດ້ມີການພົບປະຂັ້ນສູງຕ່າງໆຄື: ພົບປະຫາລື​ກັ ພະ​ບາດ​ສົມ​ເດັດພະ​ບໍລົມ​ນາດ ນະໂຣດົມ ສີຫະມູນີ, ພົບປະກັບປະທານສະພາແຫ່ງຊາດ ສົມເດັດ ເຮັງ ຊຳຣີນ ແລະ ນາຍົກລັດຖະມົນຕີ ສົມເດັດ ຮຸນ​ເຊນ; ຕ້ອນຮັບທ່ານຮອງປະທານຜູ້ທີ່ໜຶ່ງ ສະພາສູງ​ແຫ່ງ​ລາຊະ​ອານາຈັກກຳປູເຈຍ ໄຊຈູມ; ຢ້ຽມຢາມພະສັງຄະ​ລາດ ຝ່າຍະຫນິກາຍ ແຕບວົງ ແລະ ພະສັງຄະ​ລາດ ຝ່າຍ​ທຳ​ມະ​ຍຸດ​ນິກາຍ ບົວກຣີ...

ໃນບັນດາການພົບປະດັ່ງກ່າວ, ການນຳຂັ້ນສູງທັງສອງປະເທດໄດ້ຢືນຢັນວ່າ: ຈະສຶບຕໍ່ປັບປຸງ ແລະ ຂະຫຍາຍການພົວພັນລະຫວ່າງ ສອງປະເທດຕາມທິດນຳ “ປະເທດບ້ານໃກ້ເຮືອນຄຽງທີ່ດີງາມ, ມິດຕະພາບອັນ​ເປັນມູນເຊື້ອ, ການຮ່ວມມືຮອບດ້ານ ໝັ້ນຄົງຍາວ​ນານ”, ປະຕິບັດບັນດາຫຼັກການທີ່ໄດ້ຕົກລົງ​ກັນ ຢ່າງຄົບຖ້ວນ, ໃນນັ້ນມີຫຼັກການ ບໍ່ໃຫ້ ບໍ່ວ່າກຳລັງທີ່ເປັນປໍລະປັກໃດ ນຳໃຊ້ຜືນແຜ່ນດິນປະເທດນີ້ ເພື່ອນາບຂູ່ອີກປະເທດໜຶ່ງ. ສອງຝ່າຍເປັນເອກະພາບຈະເພີ່ມທະວີບັນດາການພົບປະຂັ້ນສູງ, ແລກປ່ຽນຄະນະຜູ້ແທນຂັ້ນຕ່າໆ; ສົ່ງເສີມການເຄື່ອນໄຫວພົບປະແລກປ່ຽນລະຫວ່າງປະຊາຊົນ, ເປັນຕົ້ນແມ່ນ ລະຫວ່າງບັນດາທ້ອງຖິ່ນຢູ່ເຂດຊາຍແດນສອງປະເທດ, ເພີ່ມທະວີວຽກງານໂຄສະນາເຜີຍແຜ່ ໃຫ້ແກ່ປະຊາຊົນ ສອງປະເທດ ເຂົ້າໃຈກ່ຽວກັບມູນເຊື້ອ ສາມັກຄີມິດຕະພາບ, ການຊ່ວຍເຫຼືອເຊິ່ງກັນແລະກັນ ລະຫວ່າງສອງຊາດ, ຖືວ່າ ນີ້ເປັນປັດໃຈສຳຄັນ ທີ່ປະກອບສ່ວນ​ເຂົ້າໃນການປົກປັກຮັກສາ ແລະ ພາໃຫ້ການພົວພັນລະຫວ່າງສອງປະເທດ ສືບຕໍ່ພັດທະນາ ຢ່າງໝັ້ນຄົງ.

ສອງຝ່າຍໄດ້ເປັນເອກະພາບກັນຈະພິຈາລະນາ ເພື່ອດັດແກ້ບັນດານະໂຍບາຍທີ່ກ່ຽວຂ້ອງ ​ແນ​ໃສ່ຊຸກຍູ້ການລົງທຶນ ແລະ ສູ້​ຊົນ​ຍົກມູນຄ່າການຄ້າສອງປະເທດ ຂຶ້ນ​ເປັນ 5 ຕື້​ໄດ​ລາ​ສະຫະລັດ ​ໃນປີ 2015 ແລະ ສືບຕໍ່ເພີ່ມຂຶ້ນໃນຊຸມປີຕໍ່ໄປ; ພ້ອມກັນນັ້ນ, ສອງຝ່າຍກໍ່ໄດ້ຢືນຢັນຄືນວ່າ ຈະສືບຕໍ່ປະຕິບັດ ບັນດາສົມທິສັນຍາ ສັນຍາ ແລະ ຂໍ້ຕົກລົງ ກ່ຽວກັບຊາຍແດນ ລະຫວ່າງສອງປະເທດ ຢ່າງມີປະສິດທິຜົນ ແລະ ຕັດສີນ​ໃຈດຳ​ເນີນ​ການປັກຫຼັກໝາຍຊາຍແດນທາງບົກ​ໃຫ້​ສຳ​ເລັດໂດຍໄວ ເພື່ອກໍ່ສ້າງເສັ້ນຊາຍແດນລະຫວ່າງສອງປະເທດ ໃຫ້ກາຍເປັນເສັ້ນຊາຍແດນແຫ່ງສັນຕິພາບ ມິດຕະພາບ ການຮ່ວມມື ແລະ ພັດທະນາ; ໄດ້​ເປັນເອກະພາບກັນສືບຕໍ່ສ້າງເງື່ອນໄຂ ອຳນວຍຄວາມສະດວກ ແລະ ປະພຶດຢ່າງສະເໝີພາບຕໍ່ຄົນຕ່າງດ້າວຂອງກັນ ຄືຄົນຕ່າງດ້າວປະເທດອື່ນ ໃນດິນ​ແດນຂອງແຕ່ລະປະເທດ.

ການນຳຂັ້ນສູງສອງປະເທດ ຫວຽດນາມ - ກຳປູເຈຍ ເປັນເອກະສັນຈະສືບຕໍ່ສົມທົບ, ສະໜັບສະໜູນເຊິ່ງກັນແລະກັນ ບົນບັນດາເວທີຫຼາຍຝ່າຍ; ຕັ້ງໜ້າເຂົ້າຮ່ວມການກໍ່ສ້າງປະຊາຄົມ ອາ​ຊຽນ ຂຶ້ນ​ໃນວັນທີ 31 ​ທັນວາ 2015 ແລະ ສ້າງ​ວິ​ໄສ​ທັດ​ໃຫຍ່ໃຫ້ແກ່ໄລຍະພັດທະນາຕໍ່ໄປ. ສອງຝ່າຍໄດ້ເນັ້ນຄວາມສະໜັບສະໜູນຕໍ່​ການ​ແກ້​ໄຂຂໍ້ຂັດແຍ້ງສາກົນໂດຍສັນຕິວິທີ, ສອດຄ່ອງ​ກັບກົດໝາຍສາກົນ ແລະ ບັນດາຄຳໝັ້ນສັນຍາຂອງພາກພື້ນ; ສອງປະເທດສືບຕໍ່ຮ່ວມມືນຳກັນ ແລະ ກັບບັນດາປະເທດສະມາຊິກອື່ນ ຂອງຄະນະກຳມາທິການແມ່ນ້ຳຂອງສາກົນ ຢ່າງແໜ້ນແຟ້ນ ເພື່ອຮັບປະກັນການຄຸ້ມຄອງ ແລະ ນຳໃຊ້ແຫຼ່ງນ້ຳແມ່ນ້ຳຂອງໃຫ້​ໄດ້​ຢ່າງຍືນຍົງ.

ສາຍພົວພັນ ປະເທດບ້ານໃກ້ເຮືອນຄຽງທີ່ດີງາມ, ມິດຕະພາບອັນ​ເປັນມູນເຊື້ອ, ການຮ່ວມມືຮອບດ້ານ ໝັ້ນຄົງຍາວ​ນານ ລະຫວ່າງຫວຽດນາມ - ກຳປູເຈຍ ໃນຊຸມປີທີ່ຜ່ານມາມໍ່​ນີ້ ໄດ້ຮັບການປັບປຸງ ແລະ ພັດທະນາໃນຫຼາຍຂົງເຂດ, ໄດ້ນຳ​ເອົາ​ຜົນ​ປະ​ໂຫຍ​ດຕົວ​ຈິງ​ມາ​ໃຫ້​ປະຊາຊົນ​ທັງ​ສອງປະເທດ. ສອງຝ່າຍໄດ້ຮັກສາການແລກປ່ຽນຄະນະຜູ້ແທນຂັ້ນຕ່າງໆ, ການພົບປະຂັ້ນສູງ ແລະ ບັນດາກົນໄກຮ່ວມມືທີ່ມີ​ຢູ່​ລະຫວ່າງສອງປະເທດ ຢ່າງ​​ເປັນ​ປະຈຳ. ໃນຊຸມປີທີ່ຜ່ານມາ, ການນຳຂັ້ນສູງຂອງຫວຽດນາມໄດ້​ໄປຢ້ຽມຢາມກຳປູເຈຍ ຄື: ທ່ານຫງວຽນຟູຈ້ອງ ເລຂາທິການໃຫຍ່ ພັກກອມມູນິດຫວຽດນາມ, ທ່ານຫງວຽນເຕິນຢູງ ນາຍົກລັກຖະມົນຕີ, ທ່ານຫງວຽນຊິງຮູ່ງ ປະທານສະພາແຫ່ງຊາດ; ທາງຝ່າຍກຳປູເຈຍ ມີ ​ເຈົ້າຊີວິດແຫ່ງລາຊະອານາຈັກກຳປູເຈຍ ນະໂຣດົມ ສີຫະມູນີ, ທ່ານສົມເດັດ ຮຸນ​ເຊນ  ນາຍົກລັດຖະມົນຕີ, ທ່ານ ເຮັງ ຊຳຣີນ ປະທານສະພາແຫ່ງຊາດ ກໍ່ໄດ້ມາຢ້ຽມຢາມປະເທດຫວຽດນາມ.

ຜ່ານບັນດາການຢ້ຽມຢາມ, ການນຳສອງປະເທດລ້ວນແຕ່ຢືນຢັນຄວາມ​ຕັດສີນ​ໃຈປັບປຸງ ແລະ ເພີ່ມທະວີການພົວພັນມິດຕະພາບ ແລະ ຮ່ວມມືຮອບດ້ານລະຫວ່າງ ສສ. ຫວຽດນາມ ແລະ ລາຊະອານາຈັກ ກຳປູເຈຍ. ຜົນສຳ​ເລັດຂອງການຢ້ຽມຢາມຂັ້ນລັດທີ່ລາຊະອານາຈັກກຳປູເຈຍ ຂອງທ່ານປະທາຍປະເທດ ສສ.ຫວຽດນາມຈືອງເຕິນຊາງ ​ໃນ​ຄັ້ງ​ນີ້​ມີຄວາມໝາຍສຳຄັນທີ່​ສຸດ. ການຢ້ຽມຢາມຄັ້ງນີ້ ບໍ່ພຽງແຕ່ເປັນສັນຍາລັກອັນຊັດແຈ້ງ ໃຫ້ແກ່ການພົວພັນມິດຕະພາບ, ແນໃສ່ເຮັດໃຫ້ສາຍພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງຫວຽດນາມ ແລະ ກຳປູເຈຍເລິກເຊິ່ງຕື່ມອີກ; ແລກປ່ຽນບັນດາມາດ​ຕະການອັນແທດຈິ​ເພື່ອເພີ່ມທະວີການຮ່ວມມື ລະຫວ່າງສອງປະເທດ ໃນຫຼາຍຂົງເຂດຄື: ການເມືອງ, ການ​ຮັກສາຄວາມສະຫງົບ, ເສດຖະກິດ, ການຄ້າ..., ແລກປ່ຽນບັນດາບັນຫາສາກົນ​ ພາກ​ພື້ນ ເຊິ່ງສອງຝ່າຍພ້ອມກັນເອົາໃຈໃສ່, ຫາກຍັງສະແດງ​ເຖິງຄວາມເລິກເຊິ່ງຂອງສາຍພົວພັນສາມັກຄີ, ມິດຕະພາບອັນ​ເປັນມູນເຊື້ອ ລະຫວ່າງສອງປະເທດ, ສອງຊາດ, ​ເປັນປັດໃຈອັນ​ໝັ້ນ​ແກ່ນທີ່ພາ​ໃຫ້ການພົວພັນລະຫວ່າງ ສອງປະເທດສືບຕໍ່ພັດທະນາໃນທຸກຂົງເຂດ ທັງລວງກ້ວາງ ແລະ ລວງ​ເລິກ, ນຳເອົາຜົນປະໂຫຍດອັນແທ້ຈີງ ມາໃຫ້ປະຊາຊົນສອງປະເທດ ຫວຽດນາມ - ກຳປູເຈຍ./.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ