ວັນເສົາ, 14/12/2019
ກອງປະຊຸມຄະນະບໍລິຫານງານສູນກາງພັກ ກອມມູນິດຫວຽດນາມ ຄັ້ງທີ 10 ສະໄໝທີ XI ອັດລົງດ້ວຍຜົນສຳເລັດອັນຈົບງາມ
30/1/2015 10:41' ສົ່ງ ພິມ
ພາບວາລະອັດກອງປະຊຸມ ຄະນະບໍລິຫານງານສູນກາງພັກ ຄັ້ງທີ 10 ສະໄໝທີ XI. (ພາບ: TTXVN)

ບັນດາ​ກຳມະການຄະນະ​ບໍລິຫານ​ງານສູນ​ກາງ ​ແລະ ບັນດາ​ສະມາຊິກ​ເຂົ້າ​ຮ່ວມ​ກອງ​ປະຊຸມ ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ຮັບຜິດຊອບ​ສູງ, ສົນທະນາ​ຢ່າງ​ປະຊາທິປະ​ໄຕ ກົງ​ໄປ​ກົງ​ມາ, ປະກອບ​ຄວາມ​ຄິດ​ເຫັນ​ຫຼາຍ​ຢ່າງ​ທີ່​ມີ​ສະຕິ​ປັນຍາ ຖືກຕ້ອງ​ເໝາະ​ສົມ​ເຂົ້າ​ໃນ​ບັນດາ​ລາຍ​ງານ ​ໂຄງການ​ແຜນ​ງານ ​ແລະ ສຳ​ເລັດ​ວຽກ​ງານ​ທີ່​ສຳຄັນ​ອື່ນ​ອີກ. 

ກົມ​ການ​ເມືອງ​ສູນ​ການ​ພັກ​ໄດ້​ຮັບ​ເອົາ​ຫຼາຍ​ທີ່​ສຸດ ​ແລະ ອະທິບາຍ​ບັນດາ​ບັນຫາ​ທີ່​ຍັງ​ມີ​ຄວາມ​ເຫັນ​ຕ່າງ​ກັນ; ຄະນະ​ບໍລິຫານ​ງານສູນ​ກາງ​ພັກ​ໄດ້​ເຫັນ​ດີ​ເປັນ​ເອກະ​ພາບ​ສູງ​ຮັບຮອງ​ຜ່ານ​ມະຕິ​ຂອງ​ກອງ​ປະຊຸມ.

ສືບ​ຕໍ່​ປັບປຸງ​ບູລະນະ​ບັນດາ​ສະບັບ​ຮ່າງ​ຂອງ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ XII

ຄະນະ​ບໍລິຫານ​ງານສູນ​ກາງ​ພັກ​ໄດ້​ໃຊ້​ເວລາ​ຫຼາຍ ​ເພື່ອ​ປຶກສາ​ສົນທະ​ນາ​ຢ່າງ​ລະອຽດ, ​ໃຫ້​ຄວາມ​ຄິດເຫັນ​ທີ່​ຖືກຕ້ອງ​ເໝາະ​ສົມ​ຫຼາຍ​ຢ່າງ ​ແລະ ​ເປັນ​ເອກະ​ພາບ​ສູງ ກ່ຽວ​ກັບ​ບັນດາ​ບັນຫາ​ທີ່​ຄວນ​ສືບ​ຕໍ່​ຊີ້​ນຳການ​ປັບປຸງ​ບູລະນະບັນດາ​ສະບັບ​ຮ່າງ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ XII ​ເພື່ອ​ຝາກ​ໃຫ້​ກອງ​ປະຊຸມ​ໃຫຍ່​ຄະນະ​ພັກ​ຂັ້ນ​ຕ່າງໆ ສົນທະ​ນາປະກອບ​ຄວາມ​ຄິດ​ເຫັນ.

ຕີ​ລາຄາ​ກ່ຽວ​ກັບ​ຜົນສຳ​ເລັດ​ຂອງ 30 ປີ​ແຫ່ງ​ການ​ປ່ຽນ​ແປງ​ໃໝ່ (1986 - 2016) ກໍ່​ຄື​ຂອງ 5 ປີ​ແຫ່ງ​ການ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ (2011 - 2015), ສູນ​ກາງ​ຮຽກຮ້ອງ​ໃຫ້​ຕ້ອງມີ​ຄວາມ​ຄ່ຽມຄົມ ພາວະ​ວິ​ໄສຢ່າງ​ແທ້​ຈິງ, ສັງ​ເກດ​ມອງ​ເບິ່ງຄວາມ​ຈິງ​ໂດຍ​ກົງ, ບໍ່​ດ້ານ​ດຽວ ຂວາຈັດຊ້າຍ​ໂພດ. 

​ໃນ​ບົດ​ປາ​ໄສ​ອັດ​ກອງ​ປະຊຸມ, ສະຫາຍ​ເລຂາທິການ​ໃຫຍ່ ຫງວຽນ​ຝູຈ້ອງ ​ໄດ້​ຊີ້​ແຈ້ງວ່າ ບົນ​ພື້ນຖານ​ຕີ​ລາຄາ​ສະພາບ​ການ ​ແລະ ບັນດາ​ຜົນສຳ​ເລັດ​ທີ່ບັນລຸ​ໄດ້​ໃນ​ເວລາ​ຜ່ານ​ມາ ຢ່າງພາວະ​ວິ​​ໄສ, ຄາດ​ຄະ​ເນ​ຢ່າງ​ຖືກຕ້ອງ​ສະພາບ​ການ​ຂອງ​ປະ​ເທດແລະຂອງ​ໂລກ ​ໃນ​ເວລາ​ຕໍ່ໜ້າ, ຕ້ອງ​ກຳນົດ​ຢ່າງ​ຖືກຕ້ອງ​ກ່ຽວ​ກັບ​ທິດ​ທາງ ຈຸດໝາຍ ໜ້າ​ທີ່​ພັດທະນາ​ປະ​ເທດ​ໃນ​ສະ​ໄໝ 2016 - 2020; ພ້ອມ​ກັນ​ນັ້ນ ​ສືບ​ຕໍ່ຕິດຕາມພາກພຶດຕິ​ກຳ​ຢ່າງ​ໃກ້ຊິດ, ລົງ​ເລິກ​ຄົ້ນຄວ້າ ສະຫລຸບ​ສັງ​ລວມ, ປຶກສາ​ສົນທະນາ, ສ້າງ​ໃຫ້​ມີ​ຄວາມ​ເປັນ​ເອກະ​ພາບ​ສູງ​ກວ່າ​ອີກ ​ກ່ຽວ​ກັບ​ບາງ​ບັນຫາ​ໃໝ່ ​ແລະ ຫຍຸ້ງຍາກ​ຄື: ຄວາມ​ສຳນຶກແລະຄຸນ​ລັກສະນະ​ພິ​ເສດ​ ຂອງ ​ເສດຖະກິດ​ຕະຫຼາດກຳນົດ​ທິດສັງຄົມ​ນິຍົມ ສອດຄ່ອງ​ກັບ​ລະດັບ​ຂະຫຍາຍຕົວ​ຂອງ​ເສດຖະກິດ​ຫວຽດນາມ​ໃນ​ປັດຈຸບັນ; ຕົວ​ແບ​ບການ​ເຕີບ​ໂຕ​ເສດຖະກິດ ​ແລະ ​ໂຄງ​ປະກອບ​ເສດຖະກິດ​ທີ່​ຕ້ອງ​ກໍ່ສ້າງ​ຂຶ້ນ, ຫັນໄປ​ສູ່; ມາດຕະຖານ​ປະ​ເທດ​ອຸດສາຫະກຳ​ຕາມ​ທິດ​ທັນ​ສະ​ໄໝ ​ສອດຄ່ອງ​ກັບ​ບັນທັດຖານ​ສາກົນ ​ແລະ ​ເງື່ອນ​ໄຂ​ຫວຽດນາມ; ສືບ​ຕໍ່​ລົງ​ເລິກ​ໄຈ້​ແຍກ ທຳ​ຄວາມ​ກະຈ່າງ​ແຈ້ງ​ກວ່າ​ອີກ​ ກ່ຽວ​ກັບຂໍ້​ສະ​ເໜີ​ແນະ​ທີ່​ພົວ​ພັນ​ກັບ​ບັນຫາ “ປ່ຽນ​ແປງ​ໃໝ່ຢ່າງຄົບຊຸດກວ່າອີກ ລະຫວ່າງ​ການ​ເມືອງ ​ແລະ ​ເສດຖະກິດ”...

ສ້າງ​ໃຫ້​ມີ​ການ​ຫັນປ່ຽນ​ຢ່າງ​ຈະ​ແຈ້ງ​ໃນ​ການຫລຸດຜ່ອນ​ການ​ບັນຈຸ​ບຸກຄະລາ​ກອນ​ໃຫ້​ຮັດກຸມ, ຈັດ​ວາງ​ໂຄງ​ປະກອບ​ຖັນ​ແຖວ​ພະນັກງານ​ຄືນ​ໃໝ່

ຄະນະ​ບໍລິຫານ​ງານສູນ​ກາງ​ພັກ​ໄດ້​ປຶກສາ​ສົນທະນາ​ຢ່າງ​ຟົດ​ເດືອດ, ປະກອບ​ຄວາມ​ຄິດ​ເຫັນ​ອັນ​ສຳຄັນ ​ເພື່ອ​ໃຫ້​ກົມ​ການ​ເມືອງ​ສູນ​ກາງ​ພັກ​ສືບ​ຕໍ່​ຊີ້​ນຳ​ການ​ປັບປຸງ​ບູລະນະ​ບົດ​ລາຍ​ງານ ​ໂຄງການ​ແຜນການ​ທີ່​ໄດ້​ສະ​ເໜີ​ໃນ​ກອງ​ປະຊຸມ​ນີ້.

ກ່ຽວ​ກັບ​ໂຄງການຫລຸດຜ່ອນ​ການ​ບັນຈຸບຸກຄະລາ​ກອນ​ໃຫ້ຮັດກຸມ ​ແລະ ຈັດ​ວາງ​ຄືນ​ໃໝ່​ໂຄງ​ປະກອບ​ຖັນ​ແຖວ​ພະນັກງານ ຂ້າລັດຖະການນັ້ນ ສູນ​ກາງ​ໄດ້​ເນັ້ນ​ເຖິງ​ຄວາມ​ຈຳ​ເປັນ​ຕ້ອງຊາບ​ຊືມ, ປະຕິບັດຖືກຕ້ອງ​ຕາມ​ຈຸດໝາຍ ທັດສະນະ ​ແນວ​ຄິດ​ຊີ້​ນຳ ​ແລະ ໜ້າ​ທີ່ ວິທີ​ແກ້​ໄຂ ​ຊຶ່ງກອງ​ປະຊຸມ​ໃຫຍ່​ຄັ້ງ​ທີ XI ​ແລະ ​ກອງ​ປະຊຸມ​ສູນ​ກາງ​​ຄັ້ງ​ທີ 7 ສະ​ໄໝ​ທີ XI ​ໄດ້​ວາງ​ອອກ​ມາ; ສູ້​ຊົນ​ສ້າງ​ໃຫ້​ມີ​ການ​ຫັນປ່ຽນ​ຢ່າງ​ຈະ​ແຈ້ງ​ໃນ​ການຫລຸດຜ່ອນ​ການ​ບັນຈຸ​ບຸກຄະລາ​ກອນ​ໃຫ້​ຮັດກຸມ ​ແລະ ການຈັດ​ວາງ​ຄືນ​ໃໝ່​ໂຄງ​ປະກອບ​ຖັນ​ແຖວ​ພະນັກງານ ຂ້າ​ລັດຖະການ; ດຶງ​ດູດ​​ຜູ້​ມີ​ຄຸນສົມບັດ ມີ​ຄວາມ​ເກັ່ງ​ກ້າ​ສາມາດ​ ໃຫ້ເຂົ້າ​ເຮັດ​ວຽກ​ໃນ​ບັນດາ​ສຳນັກງານ ອົງການ ​ແລະ ກົມ​ກອງ​ຂອງ​ພັກ, ລັດ ​ແລະ ບັນດາ​ການຈັດ​ຕັ້ງ​ການ​ເມືອງ - ສັງຄົມ.

ພັດທະນາ​ລະບົບ​ສື່​ສິ່ງ​ພິມ​ຕາມ​ທິດ​ຄຸນ​ນະພາ​ບ ​ແລະ ມີ​ປະສິດທິ​ຜົນ

ກ່ຽວ​ກັບ​ໂຄງການ​ພັດທະນາ ​ແລະ ຄຸ້ມ​ຄອງ​ສື່​ສິ່ງ​ພິມ, ກອງ​ປະຊຸມຢືນຢັນ​ວ່າ​ສື່​ສິ່ງ​ພິມ​ແມ່ນ​ພາຫະນະ​ສື່​ຂ່າວ ​ເຄື່ອງມື​ໂຄສະນາ​ການ ອາວຸດ​ແນວ​ຄິດ​ທີ່​ສຳຄັນ​ ຂອງ​ພັກ ​ແລະ​ ລັດ, ​ເປັນ​ເວທີ​ປາ​ໄສ​ຂອງ​ປະຊາຊົນ​ພາຍ​ໃຕ້​ການ​ນຳພາ​ຂອງ​ພັກ ການ​ຄຸ້ມ​ຄອງ​ຂອງ​ລັດ, ​ເຄື່ອນ​ໄຫວ​ໃນ​ຂອບ​ລັດຖະທຳ​ມະນູນ ​ແລະ ກົດໝາຍ. 

​ໃນ​ເວລາ​ທີ່​ຜ່ານ​ມາ, ສື່​ສິ່ງ​ພິມ​ຫວຽດນາມ​ໄດ້​ຂະຫຍາຍຕົວ​ຢ່າງ​ໄວວາ ​ແລະ ​ໄດ້​ມີ​ສ່ວນ​ປະກອບ​ອັນ​ຕັ້ງໜ້າ ສຳຄັນ​ໃນ​ພາລະກິດປ່ຽນ​ແປງ​ໃໝ່, ​ໃນກການ​ສ້າງສາ ​ແລະ ປົກ​ປັກ​ຮັກສາ​ປະ​ເທດ​ຊາດ. ​ແຕ່, ການ​ເຄື່ອນ​ໄຫວ​ຂອງ​ສື່​ສິ່ງ​ພິມ ​ກໍ່​ຄືວຽກ​ງານ​ຄຸ້ມ​ຄອງ​ສື່​ສິ່ງ​ພິມ​ ກໍ່​ຍັງ​ມີ​ຂໍ້​ຂາດຕົກ​ບົກພ່ອງ, ຂໍ້​ຈຳກັດ​ຫຼາຍ​ຢ່າງ.

ບົນ​ພື້ນຖານ​ໄຈ້​ແຍກ ຕີ​ລາຄາ​ສະພາບ​ການ​ຂະຫຍາຍຕົວ ​ແລະ ການ​ຄຸ້ມ​ຄອງ​ສື່​ສິ່ງ​ພິມ​ ຢ່າງ​ເລິກ​ເຊິ່ງ; ​ເຫັນ​ແຈ້ງ​ທ່າ​ອຽງ​ແຫ່ງ​ການ​ພັດທະນາ​ການ​ສື່​ຂ່າວ ​ໂທລະ​ຄົມມະນາຄົມ​ໃນ​ໂລກ, ສູນ​ກາງ​ຢືນຢັນ​ຄວາມ​ຕ້ອງການ​ຕ້ອງ​ປະກາດ​ໃຊ້​ໂດຍ​ໄວ ​ແລະ ຈັດ​ຕັ້ງ​ປະຕິບັດ​ ແຜນ​ແມ່​ບົດ​ພັດທະນາ ​ແລະ ຄຸ້ມ​ຄອງສື່​ສິ່ງ​ພິມ​ຮອດ​ປີ 2025. 

ກອງ​ປະຊຸມ​ກໍ່​ໄດ້​ພິຈາລະນາ, ຕັດ​ສີນ​ຕົກລົງ​ຫຼາຍ​ບັນຫາ​ທີ່​ສຳຄັນ​ອື່ນ​ອີກ, ສືບ​ຕໍ່​ແນະ​ນຳ​ເພີ່ມ​ເຕີມ​ແຜນ​ແມ່​ບົດ​ກ່ຽວ​ກັບ​ພະນັກງານ​ຂັ້ນ​ຍຸດ​ທະ​ສາດ; ​ເອົາ​ຄະ​ແນນສຽງ​ໄວ້​ວາງ​ໃຈ​ຂອງ​ສູນ​ກາງຕໍ່​ກັບ​ບັນດາ​ກຳມະການ​ກົມ​ການ​ເມືອງ ​ແລະ ກຳມະການ​ຄະນະ​ເລຂາທິການ​ສູນ​ກາງ​ພັກ; ​ເລືອກ​ຕັ້ງ​ເພີ່ມ​ເຕີມ​ກຳມະການ​ຄະນະ​ກຳມະການ​ກວດກາ​ສູນ​ກາງ; ພິຈາລະນາ ​ແກ້​ໄຂ​ຄຳ​ຮ້ອງ​ຟ້ອງກ່ຽວກັບ​ວີ​ໄນ​ພັກ; ດຳ​ເນີນ​ການ​ຊັກ​ຖາມ ​ແລະ ຕອບ​ຄຳ​ຊັກ​ຖາມ​ຢູ່​ໃນ​ກອງ​ປະ​ຊຸມ...

ກອງ​ປະຊຸມຄະນະ​ບໍລິຫານ​ງານສູນ​ກາງພັກ ຄັ້ງ​ທີ 10 ​ໄດ້​ສຳ​ເລັດ​ຢ່າງ​ຈົບງາມ, ປະກອບສ່ວນ​ສຳ​ເລັດ​ສິ້ນ​ສຸດ​ປີ 2014 ຢ່າງ​ຈົບງາມ ຊຶ່ງ​ເປັນ​ປີ​ທີ່​ຫວຽດນາມ​ຕ້ອງ​ຜ່ານ​ຜ່າ​ຄວາມ​ຫຍຸ້ງຍາກ ສິ່ງ​ທ້າ​ທາຍ​ຫຼາຍ​ປະການ ​ແລະ ກໍ່​ຍາດມາ​ໄດ້ຜົນ​ງານ​ອັນ​ສຳຄັນ​ ພ້ອມ​ດ້ວຍ​ບົດຮຽນ​ປະສົບ​ການ​ອັນ​ລ້ຳ​ຄ່າ​ຫຼາຍ​ຢ່າງ ​ເພື່ອ​ກ້າວ​ເຂົ້າ​ສູ່​ການ​ຜັນ​ຂະຫຍາຍ​ປະຕິບັດ​​ແຜນການ​ປີ 2015 ດ້ວຍບັນຍາກາດ​ໃໝ່ ແລະ ​ຄວາມ​ຕັດ​ສີນ​ໃຈ​ສູງ.

ສະຫາຍ​ເລຂາທິການ​ໃຫຍ່ ຫງວຽນ​ຝູຈ້ອງ​ ເນັ້ນວ່າ ປີ 2015 ​ແມ່ນ​ປີ​ສຸດ​ທ້າຍ​ແຫ່ງການ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ ​ແລະ ​ແຜນການ​ພັດທະນາ​ເສດ​ຖະກິດ - ສັງຄົມ 5 ປີ 2011 - 2015, ປີ​ກາງ​ສະ​ໄໝແຫ່ງ​ການ​ປະຕິບັດ​ແຜນ​ຍຸດ​ທະ​ສາດ​ພັດທະນາ​ເສ​ຖະກິດ - ສັງຄົມ 10 ປີ; ປີ​ຈັດ​ຕັ້ງ​ກອງ​ປະຊຸມ​ໃຫຍ່​ຄະນະ​ພັກ​ຂັ້ນ​ຕ່າງໆ ກ້າວ​ໄປ​ເຖິງ​ກອງ​ປະຊຸມ​ໃຫຍ່​ຄັ້ງ​ທີ XII ຂອງ​ພັກ; ​ແມ່ນ​ປີ​ທີ່​ມີ​ງານ​ບຸນມະ​ໂຫລານ​ຕ່າງໆ ຂອງ​ຊາດ, ກໍ່​ແມ່ນ​ປີ​ທີ່​ປະຊາ​ຄົມ​ອາ​ຊຽນ​ເປັນ​ຮູບ​ເປັນ​ຮ່າງ​ຂຶ້ນ, ຫວຽດນາມ​ປະຕິບັດ​ສັນຍາ​ເຂົ້າ​ຮ່ວມໃນ​ເຂດ​ການ​ຄ້າ​ເສລີ​ອາ​ຊຽນ (AFTA), ​ເປີດ​ປະຕູ​ຕະຫຼາດ​ຂາຍຍ່ອຍ​ໂດຍ​ສົມບູນ ຕາມ​ຄຳ​ໝັ້ນ​ສັນຍາກັບ​ອົງການ​ການ​ຄ້າ​ໂລກ, ລົງ​ນາມ ​ແລະ ປະຕິບັດ​ບາງ​ສັນຍາ​ການ​ຄ້າ​ເສລີ; ​ເສດ​ຖະກິດ​ຫວຽດນາມ​ສືບ​ຕໍ່​ເຊື່ອມ​ໂຍງ​ຢ່າງ​ກວ້າງຂວາງ​ເລິກ​ເຊິ່ງ​ ໃນ​ສະພາບ​ການ​ແກ່ງ​ແຍ້​ງ​ແຂ່ງຂັນ​ກັນຢ່າງ​ເຄັ່ງຮ້ອນ. 

ສະຫາຍ​ເລຂາທິການ​ໃຫຍ່​ຊີ້​ແຈ້ງ​ໜ້າ​ທີ່​ຈຸດ​ໜັກ​ໃຈກາງ​ໃນ​ປີ 2015 ​ແມ່ນ​ສູ້​ຊົນ​ເພື່ອ​ສຳ​ເລັດ​ໃນ​ລະດັບ​ສູງສຸດ​ບັນດາ​ໜ້າ​ທີ່​ພັດທະນາ​ເສດ​ຖະກິດ - ສັງຄົມ; ​ເພີ່ມ​ທະວີ​ຄວາມ​ໝັ້ນ​ທ່ຽງ​ຂອງ​ເສດຖະກິດ​ມະຫາ​ພາກ, ຍູ້​ແຮງ​ການ​ປະຕິບັດ​ບັນດາ​ການ​ບຸກທະລຸ​ຍຸດ​ທະ​ສາດ, ຈັດ​ວາງ​ໂຄງ​ປະກອບ​ເສດຖະກິດ​ຄືນ​ໃໝ່ ຕິດ​ແໜ້ນກັບ​ປ່ຽນ​ແປງ​ໃໝ່ຕົວ​ແບບ​ເຕີບ​ໂຕ​ເສດຖະກິດ, ຮັບປະກັນ​ຄວາມ​ປອດ​ໄພ ​ແລະ​ສະ​ວັດ​ດີກາ​ນສັງຄົມ, ປົວ​ແປງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ. ຮັກສາ​ເອກະລາດ ອຳນາດ​ອະທິປະ​ໄຕ ​ແລະ ສິ່ງ​ແວດ​ລ້ອມ​ສັນຕິພາບ ສະຖຽນ​ລະ​ພາບ ​ເພື່ອ​ສ້າງສາ​ພັດທະນາ​ປະ​ເທດ; ຍູ້​ແຮງ​ການ​ພົວພັນ​ຕ່າງປະ​ເທດ. ສຸມ​ໃສ່ຈັດ​ຕັ້ງ​ກອງ​ປະຊຸມ​ໃຫຍ່​ຄະນະ​ພັກ​ຂັ້ນ​ຕ່າງໆ ສະ​ໄໝ 2015 – 2020 ​ໃຫ້​ສຳ​ເລັດ​ຜົນ​ເປັນ​ຢ່າງ​ດີ, ກ້າວ​ໄປ​ເຖິງ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ XII ຂອງ​ພັກ, ຕິດ​ກັບ​ການ​ສືບ​ຕໍ່​ປະຕິບັດ​ມະຕິ​ສູນ​ກາງ​ພັກ​ຄັ້ງ​ທີ 4 ກ່ຽວ​ກັບ​ການ​ກໍ່ສ້າງ​ພັກ, ຄຳ​ສັ່ງ​ສະບັບ​ເລກທີ 03 ຂອງ​ກົມ​ການ​ເມືອງ​ສູນ​ກາງ​ພັກ ກ່ຽວ​ກັບ​ຍູ້​ແຮງ​ການ​ຮ່ຳຮຽນ ​ແລະ ປະຕິບັດ​ຕາມ​ແວ່ນ​ແຍງ​ຄຸນສົມບັດ​ໂຮ່ຈີ​ມິນ, ສ້າງ​ໃຫ້​ວຽກ​ງານ​ກໍ່ສ້າງ ປັບປຸງ​ພັກ ມີ​ການ​ຫັນປ່ຽນ​ຢ່າງ​ແຂງ​ແຮງ​ກວ່າ​ອີກ​./.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ