ວັນອາທິດ, 18/8/2019
ສະພາບການເສດຖະກິດ - ສັງຄົມ ປີ 2014 ຂອງຫວຽດນາມ
31/1/2015 15:22' ສົ່ງ ພິມ
ພາບປະກອບ ການຜະລິດອຸດສາຫະກຳຢູ່ຫວຽດນາມ (ພາບ: PV)

ລະດັບ​ເພີ່ມ​ລວມຍອດຜະລິດ​ຕະພັນ​ພາຍ​ໃນ​ປະ​ເທດ

ລວມຍອດ​ຜະລິດ​ຕະພັນ​ພາຍ​ໃນ​ປະ​ເທດປີ 2014 ​ເພີ່ມ​ຂຶ້ນປະມານ 5,98% ທຽບ​ກັບ​ປີ 2013; ​ໃນ​ນັ້ນ ​ໄຕ​ມາດ​ທີ I ​ເພີ່ມ 5,06%, ​ໄຕ​ມາດ​ທີ II ເພີ່ມ 5,34%, ​ໄຕ​ມາດ​ທີ III ເພີ່ມ 6,07%, ​ໄຕ​ມາດ​ທີ  IV ເພີ່ມ 6,96%. ລະດັບ​ຄວາມ​ເຕີບ​ໂຕ​ປີ​ນີ້​ສູງ​ກວ່າ​ລະດັບ​ຄວາມ​ເຕີບ​ໂຕ 5,25% ຂອງ​ປີ 2012 ​ແລະ 5,42% ຂອງ​ປີ 2013 ຊຶ່ງ​ສະ​ແດງ​ໃຫ້​ເຫັນ​ເຖິງຄວາມ​ຂະຫຍາຍຕົວຢ່າງ​ຕັ້ງໜ້າ​ຂອງເສດຖະກິດຫວຽດນາມ. ​ໃນ​ລະດັບ​ຄວາມ​ເຕີບ​ໂຕ 5,98% ຂອງ​ທົ່ວ​ທັງ​ພື້ນຖານ​ເສດຖະກິດ​ນັ້ນ, ຂົງ​ເຂດ​ກະສິກຳ ປ່າ​ໄມ້ ​ແລະ ສິນ​ໃນ​ນ້ຳ​ເພີ່ມ 3,49%, ສູງ​ກວ່າ​ລະດັບ 2,64% ຂອງ​ປີ 2013, ປະກອບສ່ວນ 0,61 ຄະ​ແນນ​ສ່ວນ​ຮ້ອຍ ​ເຂົ້າ​​ໃນ​ລະດັບ​ການ​ເພີ່ມ​ຂຶ້ນ​ລວມ; ຂົງ​ເຂດ​ອຸ​ດສາ​ຫະກຳ ​ແລະ ກໍ່ສ້າງ​ເພີ່ມ​ຂຶ້ນ 7,14%, ສູງ​ກວ່າ​ຕັ້ງ​ຫຼາຍ​ທຽບ​ກັບ​ລະດັບ​ເພີ່ມ 5,43% ຂອງ​ປີ​ກ່ອນ, ປະກອບສ່ວນ 2,75 ຄະ​ແນນ​ສ່ວນ​ຮ້ອຍ; ຂົງ​ເຂດ​ການ​ບໍລິການ​ເພີ່ມ​ຂຶ້ນ 5,96%, ປະກອບສ່ວນ 2,62 ຄະ​ແນນ​ສ່ວນ​ຮ້ອຍ.

ກ່ຽວ​ກັບ​ໂຄງ​ປະກອບ​ເສດຖະກິດ, ຂົງ​ເຂດ​ກະສິກຳ ປ່າ​ໄມ້ ​ແລະ ສິນ​ໃນ​ນ້ຳ​ ກວມ​ເອົາ​ອັດຕາ​ສ່ວນ 18,12%; ຂົງ​ເຂດ​ອຸດສາ​ຫະກຳ ​ແລະ ກໍ່ສ້າງ ກວມ​ເອົາ 38,50%; ຂົງ​ເຂດ​ການ​ບໍລິການກວມ​ເອົາ 43,38% (​ໂຄງ​ປະກອບ​ເສດຖະກິດ​ຂອງ​ປີ 2013 ຕາມ​ລຳດັບ​ດັ່ງ​ນີ້: 18,38%; 38,31%; 43,31%).

ປະລິມານ​ເຂົ້າ​ເປືອກ​ຂອງ​ປີ 2014 ​ໄດ້​ປະມານ​ເກືອບ 45 ລ້ານ​ໂຕນ, ຫຼາຍ​ກວ່າ​ປີ​ກ່ອນ 955.200 ​ໂຕນ, ຕົ້ນຕໍ​ແມ່ນ​ຍ້ອນ​ສະມັດ​ຕະພາບ​ບັນລຸ 57,6 ຮ້ອຍ​ກິ​ໂລ/​ແຮັກ​ຕາ, ​ເພີ່ນ 1,9 ຮ້ອຍ​ກິ​ໂລ/​ແຮັກ​ຕາ. ​ໃນປະລິມານ​ເຂົ້າ​ເປືອກ​ຂອງທັງ​ປີນັ້ນ ປະລິມານ​ເຂົ້າ​​ລະດູ​ໜາວ​ບານ​ໃໝ່​ບັນລຸ​ໄດ້​ກວ່າ 20,8 ລ້ານ​ໂຕນ, ​ເພີ່ມ 780.800 ​ໂຕນ ຍ້ອມ​ສະມັດ​ຕະພາບ​ບັນລຸ 66,9 ຮ້ອຍ​ກິ​ໂລ/​ແຮັກ​ຕາ, ​ເພີ່ມ 2,3 ຮ້ອຍ​ກິ​ໂລ/​ແຮັກ​ຕາ; ປະລິມານ​ເຂົ້າ​ລະດູ​ຮ້ອນ​ຫ່ວງ​​ໂຮຍ​ບັນ​ລຸ 14,5 ລ້ານ​ໂຕນ, ຫລຸດ 93.100 ​ໂຕນ; ປະລິມານ​ເຂົ້າລະດູ​ນາປີ​ບັນ​ລຸປະມານ 9,6 ລ້ານ​ໂຕນ, ​ເພີ່ມ 267.500 ​ໂຕນ.

ດັດຊະນີ​ການ​ຜະລິດ​ຂອງ​ຂະ​ແໜງ​ອຸດສາຫະກຳ​ທັງ​ໝົດ​​ໃນປີ 2014 ​ເພີ່ມ​ຂຶ້ນ​ປະມານ 7,6% ທຽບ​ກັບ​ປີ 2013 (ໄຕ​ມາດ​ທີ I ​ເພີ່ມ 5,3%, ໄຕ​ມາດ​ທີ II ​ເພີ່ນ 6,9%, ໄຕ​ມາດ​ທີ III ​ເພີ່ມ 7,8%, ໄຕ​ມາດ​ທີ IV ​ເພີ່ມ​ປະມານ 10,1%), ສູງ​ກວ່າ​ຕັ້ງ​ຫຼາຍ​ເມື່ອ​ທຽບ​ກັບ​ລະດັບ​ເພີ່ມ 5,9% ຂອງ​ປີ 2013. ​ໃນ​ລະດັບ​ເພີ່ມ​ລວມທັງ​ປີ​ຂອງ​ຂະ​ແໜງ​ອຸດສາ​ຫະກຳ​ທັງ​ໝົດ​ນັ້ນ, ຂະ​ແໜງ​ຂຸດ​ຄົ້ນ​ບໍ່​ແຮ່​ເພີ່ມ 2,5%; ຂະ​ແໜງ​ປຸງ​ແຕ່ງ​ແປ​ຮູບ​ເພີ່ມ 8,7%, ສູງ​ກວ່າ​ລະດັບ​ເພີ່ນ 7,3% ຂອງ​ປີ 2013; ການຜະລິດ​ແລະ​ແຈກ​ຢາຍ​ກະ​ແສ​ໄຟຟ້າ​ເພີ່ມ 12,1%; ຂະ​ແໜງ​ສະໜອງ​ນ້ຳ​ປະປາ, ​ແກ້​ໄຂ​ນ້ຳ​ເສຍ, ຂີ້​ເຫຍື່ອ ​ເພີ່ມ 6,4%.

​ໃນ​ປີ 2014, ທົ່ວ​ປະ​ເທດ​ມີ 74.842 ວິ​ສາ​ຫະກິດ​ຂຶ້ນ​ທະບຽນ​ສ້າງ​ຕັ້ງ​ໃໝ່ ດ້ວຍ​ຈຳນວນ​ທຶນ​ຈົດ​ທະບຽນ 432,2 ພັນ​ຕື້​​ໂດ່ງ, ຖ້າ​ທຽບ​ກັບ​ປີ​ກ່ອນ​ແມ່ນ​ໄດ້ຫລຸດ 2,7% ທາງ​ດ້ານ​ຈຳນວນ​ວິ​ສາ​ຫະກິດ ​ແລະ ​ເພີ່ມ 8,4% ທາງ​ດ້ານ​ຈຳນວນ​ທຶນ​ຈົດ​ທະບຽນ. ຈຳນວນ​ທຶນ​ຈົດ​ທະບຽນ​ສະ​ເຫຼ່ຍ​ແຕ່​ລະວິ​ສາ​ຫະກິດ​ສ້າງ​ຕັ້ງ​ໃໝ່​ໃນ​ປີ​ແມ່ນ 5,8 ຕື້​ໂດ່​ງ, ​ເພີ່ມ 11,5% ທຽບ​ກັບ​ປີ 2013. ຈຳນວນ​ແຮງ​ງານ​ທີ່​ຄາດກະ​ວ່າ​ໄດ້​ຮັບ​ການ​ສ້າງ​ວຽກ​ເຮັດ​ໃໝ່​ໃນ​ບັນດາ​ວິ​ສາ​ຫະກິດ​ຫາ​ກໍ່ສ້າງ​ຕັ້ງ​ຂຶ້ນ​ໃໝ່​ໃນ​ປີ​ແມ່ນ 1091 ພັນ​ຄົນ, ​ເພີ່ນ 2,8% ທຽບ​ກັບ​ປີ​ກ່ອນ. ​ໃນ​ປີ​ທີ່​ຜ່ານ​ມາ, ທົ່ວ​ປະ​ເທດ​ມີ 15.419 ວິ​ສາ​ຫະກິດ​ກັບ​ມາ​ເຄື່ອນ​ໄຫວ​ຄືນ​ໃໝ່, ​ເພີ່ມ 7,1% ທຽບ​ກັບ​ໄລຍະ​ດຽວ​ກັບ​ຂອງ​ປີ 2013.

ຍອດ​ຈຳນວນ​ທຶນຈົດ​ທະບຽນ​ໃໝ່ ​ແລະ ຈົດ​ທະບຽນ​ເພີ່ມ​ເຕີມ​ເຂົ້າ​ໃນ​ພື້ນຖານ​ເສດຖະກິດ​ປີ 2014 ​ແມ່ນ 1.027.900 ຕື້​ໂດ່​ງ, ປະກອບ​ດ້ວຍ 595.700 ຕຶ້​ໂດ່​ງຂອງ​ວິ​ສາ​ຫະກິດ​ຂຶ້ນ​ທະບຽນ​ກໍ່ສ້າງ​ໃໝ່ ​ແລະ 432.200 ຕື້​ໂດ່​ງຂອງ​ວິ​ສາ​ຫະກິດ​ປ່ຽນ​ແປງ​ເພີ່ມ​ເຕີມ​ທຶນ.

ພາບ​ປະກອບ ຜະລິດ​ຕະພັນ​ກະ​ສິກຳ ປ່າ​ໄມ້ ສິນ​ໃນ​ນ້ຳ (ພາບ: tinkinhte.com.vn)

ການ​ເຄື່ອນ​ໄຫວ​ບໍລິການ ​ແລະ ​ການລົງທຶນ

ລວມຍອດ​ສິນຄ້າ​ຂາຍຍ່ອຍ ​ແລະ ລາຍ​ໄດ້​ການ​ບໍລິການ​ຊົມ​ໃຊ້​ປີ 2014 ຄາດ​ຄະ​ເນ​ໄດ້ 2.945.200 ຕື້​ໂດ່​ງ, ​ເພີ່ມ 10,6% ທຽບ​ກັບ​ປີ 2013, ຖ້າ​ຫາກ​ຫັກ​ສ່ວນ​​ເພີ່ມ​ຂອງ​ປັດ​ໄຈ​ລາຄາ​ທີ່​ເພີ່ມ 6,3% ສູງ​ກວ່າ​ລະດັບ​ເພີ່ມ​ 5,5% ຂອງ​ປີ 2013 ອອກ​ແລ້ວ.

​ແຂກຕ່າງປະ​ເທດ​ມາ​ຫວຽດນາມ​ໃນ​ປີ 2014 ​ປະມານ 7.874.300 ​ເທື່ອ​ຄົນ, ​ເພີ່ມ 4% ທຽບ​ກັບ​ປີ​ກ່ອນ, ຕ່ຳ​ກວ່າ​ຕັ້ງ​ຫຼານ​ທຽບ​ກັບ​ລະດັບ​ເພີ່​ມ 10,6% ຂອງ​ປີ 2013. ​ແຂ​ກຕ່າງປະ​ເທດ​ມາ​ໃນ​ຈຸດປະສົງ​ທ່ອງ​ທ່ຽວ, ພັກຜ່ອນ ບັນລຸ 4.762.500 ​ເທື່ອ​ຄົນ, ​ເພີ່ມ 2,6%; ມາ​ເພື່ອ​ຈຸດປະສົງ​​ເຮັດ​ວຽກມີ​ 1.321.900 ​ເທື່ອ​ຄົນ, ​ເພີ່ມ 4,3%; ມາ​ຢາມ​ພີ່ນ້ອງ ມີ 1.347.100 ​ເທື່ອ​ຄົນ, ​ເພີ່ມ 6,9%.

ທຶນ​ລົງທຶນ​ພັດທະນາ​ທົ່ວ​ສັງຄົມ ປະຕິບັດ​ໃນ​ປີ 2014 ຕາມ​ລາຄາ​ປັດ​ຈຸ​ບັນ ​ໄດ້​ປະມານ 1.220.700 ຕື້​ໂດ່​ງ, ​ເພີ່ມ 11,5% ທຽບ​ກັບ​ປີ 2013 ​ແລະ ​ເທົ່າ​ກັບ 31% ຂອງ​ຈີ​ດີ​ພີ, ກວມ​ດ້ວຍ: ທຶນ​ພາກ​ລັດ​ບັນລຸ​ 486.800 ຕື້​ໂດ່​ງ, ເພີ່ມ 10,1% ທຽບ​ກັບ​ປີ​ກ່ອນ; ທຶນ​ພາກ​ເອກະ​ຊົນ​ບັນລຸ 468.500 ຕື້​ໂດ່​ງ, ເພີ່ມ 13,6%; ທຶນ​ຂອງ​ຂົງ​ເຂດ​ທີ່​ມີ​ການ​ລົງທຶນ​ໂດຍ​ກົງ​ຈາກ​ຕ່າງປະ​ເທດ​ບັນລຸ​ 265.400 ຕື້​ໂດ່​ງ, ເພີ່ມ 10,5%.

​ແຕ່​ຕົ້ນ​ປີ​ຮອດ​ວັນ​ທີ 15 ທັນວາ 2014, ຂົງ​ເຂດ​ທີ່​ມີການ​ລົງທຶນ​ໂດຍ​ກົງຈາກ​ຕ່າງປະ​ເທດ ມີ 1.588 ​ໂຄງການ​ໄດ້ຮັບ​ໃບ​ອະນຸຍາດ​ລົງທຶນ​ໃໝ່ ດ້ວຍ​ຈຳນວນ​ທຶນ​ຈົດ​ທະບຽນ 15.642,6 ລ້ານ​ໂດ​ລາ​ສະຫະລັດ, ທຽບ​ກັບ​ໄລຍະ​ດຽວ​ກັນ​ຂອງ​ປີ​ 2013 ​ແມ່ນ​ໄດ້​ເພີ່ມ 24,5% ທາງ​ດ້ານ​ຈຳນວນ​ໂຄງການ ​ແລະ ​ເພີ່ມ 9,6% ທາງ​ດ້ານ​ຈຳນວນ​ທຶນ. ພ້ອມ​ກັນ​ນັ້ນ​ກໍ່ມີ 594 ​ເທື່ອ​ໂຄງການ​ທີ່​ໄດ້​ຮັບ​ອະນຸຍາດ​ລົງທຶນ​ແຕ່​ປີ​ກ່ອນໆ ມາ​ປີ​ນີ້​ໄດ້​ລົງທຶນ​ເພີ່ມ​ເຕີມ​ອີກ 4.588,3 ລ້ານ​ໂດ​ລາ​ສະຫະລັດ. ​ເປັນ​ອັນວ່າ ລວມຍອດ​ທຶນ​ຈົດ​ທະບຽນ​ຂອງບັນດາ​ໂຄງການ​ລົງທຶນ​ໃໝ່ ​ແລະ ທຶນ​ເພີ່ມ​ເຕີນ​ໄດ້​ບັນລຸ​ເຖິງ 20.230,9 ລ້ານ​ໂດ​ລາ​ສະຫະລັດ, ​ເຖິງ​ວ່າ​ໄດ້​ຫລຸດ 6,5% ທຽບ​ກັບ​ໄລຍະ​ດຽວ​ກັບ​ຂອງ​ປີ 2013 ​ແຕ່​ກໍ່​ສູງ​ກວ່າ 19% ທຽບ​ກັບ​ແຜນການ. ທຶນ​ທີ່​ລົງທຶນ​ໂດຍ​ກົງ​ຈາກ​ຕ່າງປະ​ເທດ ປະຕິບັດ​ໃນ​ປີ 2014 ​ໄດ້​ປະມານ 12,4 ຕື້​ໂດ​ລາ​ສະຫະລັດ, ​ເພີ່ມ 7,4% ທຽບ​ກັບ​ປີ​ກ່ອນ ​ແລະ ສູງ​ກວ່າ 2,9% ທຽບ​ກັບ​ແຜນການ​ປີ 2014.

ການ​ສົ່ງ​ນອກ, ນຳ​ເຂົ້າ​ສິນຄ້າ ການ​ບໍລິການ

ລວມຍອດ​ມູນ​ຄ່າ​ສິນຄ້າ​ສົ່ງ​ນອກ​ປີ 2014 ຄາດກະ​ບັນລຸ​ໄດ້ 150 ຕື້​ໂດ​ລາ​ສະຫະລັດ, ​ເພີ່ມ 13,6% ທຽບ​ກັບ​ປີ 2013, ​ໃນ​ນັ້ນ, ຂົງ​ເຂດ​ເສດຖະກິດ​ພາຍ​ໃນ​ປະ​ເທດ​ບັນລຸ 48,4 ຕື້​ໂດ​ລາ​ສະຫະລັດ, ​ເພີ່ນ 10,4%, ນີ້​ແມ່ນ​ລະດັບ​ເພີ່ມ​ສູງ​ສຸດ​ນັບ​ແຕ່​ປີ 2012 ​ແລະ ປະກອບສ່ວນ 3,5 ຄະ​ແນນ​ສ່ວນ​ຮ້ອຍ ​ເຂົ້າ​ໃນ​ລະດັບ​ເພີ່ມ​ຂຶ້ນ​ລວມ; ຂົງ​ເຂດທີ່​ມີ​ການ​ລົງທຶນຈາກ​ຕ່າງປະ​ເທດບັນລຸ 101,6 ຕື້​ໂດ​ລາ​ສະຫະລັດ (ກວມ​ທັງ​ນ້ຳມັນ​ດິບ), ​ເພີ່ມ 15,2%, ປະກອບສ່ວນ 10,1 ຄະ​ແນວ​ນສ່ວນ​ຮ້ອຍ ​ແລະ ບັນລຸ 94,4 ຕື້​ໂດ​ລາ​ສະຫະລັດ (ບໍ່​ນັບ​ນ້ຳມັນ​ດິດ), ​ເພີ່ມ 16,7%. ຖ້າ​ຫາກ​ຫັກສ່ວນເພີ່ມຂອງ​ປັດ​ໄຈລາຄາ​ອອກແລ້ວ, ລວມຍອດ​ມູນ​ຄ່າ​ສິນຄ້າ​ສົ່ງ​ນອກ​ປີ 2014 ກໍ່ເພີ່ມ 9,1%. ບັນດາ​ປະ​ເພດ​ສິນຄ້າ​ສົ່ງ​ນອກ​ຕົ້ນຕໍ​ແມ່ນ​ຂຶ້ນກັບຂົງເຂດທີ່​ມີການລົງທຶນ​ໂດຍ​ກົງ​ຈາກ​ຕ່າງປະ​ເທດ: ມູນ​ຄ່າ​ໂທລະສັບ​ແລະ​ເຄື່ອງ​ປະກອບ​ໂທລະສັບ​ສົ່ງ​ນອກຂອງ​ວິ​ສາ​ຫະກິດ FDI ​ໄດ້ກວມ​ເອົາ 99,6% ລວມຍອດ​ມູນ​ຄ່າ​ສົ່ງ​ນອກ​ປະ​ເພດ​ສິນຄ້ານີ້ຂອງ​ທົ່ວ​ປະ​ເທດ; ສິນຄ້າ​ສິ່ງ​ທໍ ຕັດຫຍິບ​ກວມ​ເອົາ 59,4%; ​ເກີບ ກວມ​ເອົາ 77%; ​ເຄື່ອງ​ຈັກ ​ເຄື່ອງ​ປະກອບ ​ເຄື່ອງມື ​ແລະ​ພາກສ່ວນ​ອື່ນ ກວມ​ເອົາ 89,7%; ​ເຄື່ອງ​ເອ​ເລັກ​ໂທຣນິກ, ຄອມ​ພິວ​ເຕີ ​ແລະ ພາກ​ສ່ວນ​ອື່ນ ກວມ​ເອົາ 98,8%.

ລວມຍອດ​ມູນ​ຄ່າ​ສິນຄ້າ​ນຳ​ເຂົ້າ​ໃນ​ປີ​ນີ້ ຄາດກະ​ບັນລຸ​ໄດ້ 148 ຕື້​ໂດ​ລາ​ສະຫະລັດ, ​ເພີ່ມ 12,1% ທຽບ​ກັບ​ປີກ່ອນ, ​ໃນ​ນັ້ນ ຂົງ​ເຂດທີ່​ມີ​ການ​ລົງທຶນຈາກ​ຕ່າງປະ​ເທດບັນລຸ 84,5 ຕື້​ໂດ​ລາ​ສະຫະລັດ, ​ເພີ່ມ 13,6%; ຂົງ​ເຂດ​ເສດຖະກິດ​ພາຍ​ໃນ​ປະ​ເທດ​ບັນລຸ 63,5 ຕື້​ໂດ​ລາ​ສະຫະລັດ, ​ເພີ່ມ 10,2%. ກ່ຽວ​ກັບ​ໂຄງ​ປະກອບ​ສິນຄ້າ​ນຳ​ເຂົ້າ​ໃນ​ປີ​ນີ້, ປະ​ເພດ​ສິນຄ້າ​ອຸປະກອນ​ການ​ຜະລິດ​ກວມ​ອັດຕາ​ສ່ວນ​ຫຼາຍ​ສຸດ ​ເຖິງ 91,2%, ​ໃນ​ນັ້ນ​ປະ​ເພດ​ສິນຄ້າ​ທີ່​ເປັນ​ເຄື່ອງ​ຈັກ ​ເຄື່ອງ​ປະກອບ ​ເຄື່ອງ​ອຸປະກອນ ​ເຄື່ອງມື, ພາຫະນະ​ຂົນ​ສົ່ງ ສ່ວນ​ປະກອບ ກວມ​ເອົາ 37,6%; ປະ​ເທດ​ສິນຄ້າ​ວັດຖຸ​ດິດ ວັດຖຸ​ອຸປະກອນ ກວມ​ເອົາ 53,6%. ປະ​ເພດ​ສິນຄ້າ​ບໍລິ​ໂພ​ກກວມ​ເອົາ 8,8%.

ຄາດ​ຄະ​ເນ​ການ​ສົ່ງ​ນອກລື່ນ​ເຫຼືອ​ຂອງ​ປີ 2014 ​ແມ່ນປະມານ 2 ຕື້​ໂດ​ລາ​ສະຫະລັດ, ​ໃນ​ນັ້ນຂົງ​ເຂດທີ່​ມີ​ການ​ລົງທຶນຈາກ​ຕ່າງປະ​ເທດ ສົ່ງ​ນອກ​ລື່ນ​ເຫຼືອ 17 ຕື້​ໂດ​ລາ​ສະຫະລັດ, ສູງ​ກວ່າ​ລະດັບ 13,7 ຕື້​ໂດ​ລາ​ສະຫະລັດຂອງ​ປີ​ກ່ອນ; ຂົງ​ເຂດ​ເສດຖະກິດ​ພາຍ​ໃນ​ປະ​ເທດນຳ​ເຂົ້າ​ລື່ນ​ເຫຼືອ 15 ຕື້​ໂດ​ລາ​ສະຫະລັດ, ສູງ​ກວ່າ​ລະດັບ​ 13,7 ຕື້​ໂດ​ລາ​ສະຫະລັດຂອງ​ປີ 2013.

ບາງ​ບັນຫາ​ສັງຄົມ

ຈຳນວນ​ພົນລະ​ເມືອງ​ສ​ະ​ເຫຼ່ຍປີ 2014 ຂອງ​ທົ່ວ​ປະ​ເທດ​ປະມານ 90,73 ລ້ານ​ຄົນ, ​ເພີ່ມ 1,08% ທຽບ​ກັບ​ປີ 2013. ​ແຮງ​ງານ​ອາຍຸ​ແຕ່ 15 ປີ​ຂຶ້ນ​ໄປ​ທີ່​ກຳລັງ​ເຮັດ​ວຽກ​ໃນ​ບັນດາ​ຂະ​ແໜງ​ເສດຖະກິດ ປີ 2014 ປະມານ 53,0 ລ້ານ​ຄົນ, ​ເພີ່ນ 8 ​ແສນ​ຄົນ (+1,56%) ທຽບ​ກັບ​ປີ 2013. ​ແຮງ​ງານ​ອາຍຸ​ແຕ່ 15 ປີ​ຂຶ້ນ​ໄປ​ທີ່​ກຳລັງ​ເຮັດ​ວຽກ​ໃນຂົງ​ເຂດ​ກະສິກຳ ປ່າ​ໄມ້ ​ແລະ ສິນ​ໃນ​ນ້ຳ​ກວມ​ເອົາ 46,6% ຂອງ​ຈຳນວນ​ທັງ​ໝົດ (ປີ 2012 ​ແມ່ນ 47,4%; ​ປີ 2013 ​ແມ່ນ 46,8%); ຂົງ​ເຂດ​ອຸດສາຫະກຳ ​ແລະ ການ​ກໍ່ສ້າງກວມ​ເອົາ 21,4% (ປີ 2012 ​ແລະ ປີ 2013 ກໍ່​ກວມ​ເອົາ 21,2%); ຂົງ​ເຂດ​ການ​ບໍລິການ​ກວມ​ເອົາ 32,0% (ປີ 2012 ​ແມ່ນ 31,4%; ປີ 2013 ​ແມ່ນ 32%).

ຄິດ​ເຖິງ​ເດືອນ​ທັນວາ 2014, ​ໃນ​ທົ່ວ​ປະ​ເທດ​ມີ 21/63 ​ແຂວງ ກຳ​ແພງນະຄອນຂຶ້ນ​ກັບ​ສູນ​ກາງ ໄດ້​ບັນລຸ​ມາດຕະຖານ​ເຜີຍ​ແຜ່​ການ​ສຶກສາ​ຂັ້ນ​ອະນຸບານ​ໃຫ້​ເດັກນ້ອຍອາຍຸ 5 ປີ; 63/63 ​ແຂວງ ກຳ​ແພງນະຄອນ​ຂຶ້ນ​ກັບ​ສູນ​ກາງ​ ບັນລຸ​ມາດຕະຖານ​ເຜີຍ​ແຜ່​ການ​ສຶກສາ​ຊັ້ນ​ປະຖົມ ຖືກຕ້ອງ​ຕາມ​ໄວ​ອາຍຸ, ​ໃນ​ນັ້ນ ມີ 8 ​ແຂວງ ຖືກ​ຮັບ​ຮູ້​ວ່າ​ໄດ້​ບັນລຸ​ມາດຕະຖານ​ເຜີຍ​ແຜ່​ການ​ສຶກສາ​ຊັ້ນ​ປະຖົມ​ຖືກຕ້ອງ​ຕາ​ມ​ໄວອາຍຸລະດັບ 2.

ວຽກ​ງານ​ກໍ່ສ້າງ​ວິຊາ​ອາຊີບ ວິຊາ​ຊ່າງ ​ສືບ​ຕໍ່​ໄດ້​ຮັບ​ຄວາມ​ເອົາ​ໃຈ​ໃສ່ຂອງ​ບັນດາ​ຂັ້ນ ຂະ​ແໜງ​ການ ​ແລະ​ທ້ອງ​ຖິ່ນ. ຄິດ​ໄລ່​ເຖິງ​ທ້າຍ​ປີ 2014, ທົ່ວ​ປະ​ເທດ​ມີພື້ນຖານ​ກໍ່ສ້າງ​ວິຊາ​ຊ່າງ 1.340 ​ແຫ່ງ, ​ໃນ​ນັ້ນ ​​ໂຮ​ງຮຽນວິຊາ​ຊ່າງ​ຊັ້ນ​ສູງ 165 ​ແຫ່ງ; ​ໂຮງຮຽນວິຊາ​ຊ່າງ​ຊັ້ນ​ກາງ 301 ​ແຫ່ງ ​ແລະ ສູນ​ສຶກສາ​ວິຊາ​ຊ່າງ 874 ​ແຫ່ງ./.

ສັງ​ລວ​ມ​ໂດ​ຍ: ຫງວຽນ​ດຶກ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ