ວັນອັງຄານ, 22/10/2019
ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມ ຊຸດທີ XIII: ບູລະນະບັນດາສັກ ຂອງກົງຈັກແຫ່ງລັດຫວຽດນາມ
26/4/2016 15:33' ສົ່ງ ພິມ
ປະທານສະພາແຫ່ງຊາດ ທ່ານນາງ ຫວຽນທີ້ກິມເງິນ ກ່າວປາໄສໃນວາລະປິດກອງປະຊຸມ.(ພາບ: TTXVN)

ຜົນສຳ​ເລັດ​ໃນ​ການ​ສ້າງ​ລັດຖະທຳ​ມະນູນ, ສ້າງ​ກົດໝາຍ 

​ເມື່ອ​ເວົ້າ​ເຖິງ​ສິ່ງ​ທີ່​ເຮັດ​ໄດ້​ໃນ​ສະ​ໄໝປະຈຳການ​ສະພາ​ແຫ່ງ​ຊາດ​ຊຸດ​ທີ XIII, ​ແນ່ນອນ​ວ່າ, ຜົນສຳ​ເລັດ​ໃຫຍ່​ທີ່​ສຸດ ​ແລະ​ກໍ່ແມ່ນ​ຮອຍ​ໝາຍ​ໃຫຍ່​ໂຕ​ທີ່​ສຸດ ​ນັ້ນແມ່ນ​ວຽກ​ງານ​ສ້າງ​ລັດຖະທຳ​ມະນູນ ສ້າງ​ກົດໝາຍ - ໜ້າ​ທີ່​ຈຸດ​ໜັກ​ອັນ​ດັບ​ໜຶ່ງ​ຂອງສະພາ​ແຫ່ງ​ຊາດ. ​ໃນ​ຕະຫຼອດ​ເວລາ 5 ປີຂອງສະ​ໄໝ​ປະຈຳການ, ສະພາ​ແຫ່ງ​ຊາດຊຸດ​ທີ XIII ​ໄດ້​ມານະ​ພະຍາຍາມ​ຢ່າງ​ສຸດ​ຂີດ​ ໃນ​ການ​ປະຕິບັດ​ໜ້າ​ທີ່ສ້າງ​ກົດໝາຍ ​ເຊິ່ງ​ໄດ້ຮັບຮອງ​ແລະປະກາດ​ໃຊ້​ ປະມວນ​ກົດໝາຍ ກົດໝາຍ 107 ສະບັບ (ສະພາ​ແຫ່ງ​ຊາດ​ຊຸດ​ທີ IX ຮັບຮອງ​ຜ່ານ​ກົດໝາຍ 53 ສະບັບ; ສະພາ​ແຫ່ງ​ຊາດຊຸດ​ທີ XI ຮັບຮອງ​ຜ່ານ​ປະມວນກົດໝາຍ ກົດໝາຍ 84 ສະບັບ; ສະພາ​ແຫ່ງ​ຊາດ​ຊຸດ​ທີ XII ຮັບຮອງ​ຜ່ານປະ​ມວນ​ກົດໝາຍ ​ກົດໝາຍ 67 ສະບັບ). 

ສິ່ງພົ້ນ​ເດັ່ນ​ທີ່​ສຸດ​ແມ່ນ​ການ​ປະກົດ​ຕົວ​ຂອງລັດຖະທຳ​ມະນູນ 2013 - ລັດຖະທຳ​ມະນູນທີ່​ມີ​ວິວັດ​ການ​ກໍ່ສ້າງ​ຂະໜາດ​ໃຫຍ່​ທີ່​ສຸດ​ ໃນ​ປະຫວັດສາດ​​ແຫ່ງ​ການ​ສ້າງ​ລັດຖະທຳ​ມະນູນ​ ຂອງ​ຫວຽດນາມ ​ເຊິ່ງປະຊາຊົນ 26 ລ້ານກວ່າ​ເທື່ອ​ຄົນ ​ໄດ້​ປະກອບ​ຄວາ​ຄິດ​ຄວາມ​ເຫັນ​ເຂົ້າ​ໃນ​ຮ່າງລັດຖະທຳ​ມະນູນສະບັບນີ້ ​ແລະ ​ໄດ້​ຈັດ​ຕັ້ງ​ກອງ​ປະຊຸມ​ສຳ​ມະ​ນາ ປຶກສາ​ສົນທະນາ​ຢູ່​ໃນ ​ແລະ ຕ່າງປະ​ເທດ​ກວ່າ 28.000 ຄັ້ງ. 

ບັນດາ​ແນວ​ຄິດ​ກ້າວໜ້າ, ປ່ຽນ​ແປງ​ໃໝ່​ຢູ່​ໃນລັດຖະທຳ​ມະນູນ 2013 ​ໄດ້​ຖືກ​ຜູ້​ມີ​ສິດ​ເລືອກ​ຕັ້ງ​ໃນ​ປະ​ເທດ ​ແລະ ​ຜູ້​ຊ່ຽວຊານດ້ານ​ກົດໝາຍ​ຢູ່​ຕ່າງປະ​ເທດ ຕີ​ລາຄາ​ສູງ​ທີ່​ສຸດ ວ່າ​ມັນ​ອີງ​ບົນ​ຈິດ​ໃຈ​ຮັບ​ໃຊ້​ປະ​ເທດ​ຊາດ, ຮັບ​ໃຊ້​ປະຊາຊົນ, ສືບ​ທອດ​ຜົນສຳ​ເລັດ​ຂອງລັດຖະທຳ​ມະນູນ 4 ສະບັບ​ໃນປະຫວັດສາດ 70 ກວ່າ​ປີ​ແຫ່ງ​ການ​ສ້າງ​ຕັ້ງ​ປະ​ເທດ.

ລັດຖະທຳ​ມະນູນ 2013 ​ໄດ້ສະ​ແດງຢ່າງ​ຈະ​​ແຈ້ງ​ເຖິງ​ຂໍ້​ກຳນົດ​ ພັກ​ຕ້ອງ​ພົວພັນ​ສະໜິດ​ແໜ້ນ​ກັບປະຊາຊົນ, ຍອມຮັບ​ການ​ຕິດຕາມ​ກວດກາ​ຂອງ​ປະຊາຊົນ, ຮັບ​ໃຊ້​ປະຊາຊົນ. ພິ​ເສດ, ລັດຖະທຳ​ມະນູນກຳ​ນົດແຈ້ງ​ຄວາມ​ຮັບຜິດຊອບ​ຂອງ​ລັດ ທີ່ຕ້ອງ​ເຄົາລົບ​ນັບຖື, ຮັບປະກັນ ​ແລະ ປົກ​ປ້ອງ​ສິດທິ​ມະນຸດ, ສິດທິພົນລະ​ເມືອງ. ລັດຖະທຳ​ມະນູນກໍ່ຢັ້ງຢືນ​ຄວາມ​ຮັບຜິດຊອບ​ປົກ​ປັກ​ຮັກສາ​ປະ​ເທດ​ຊາດ​ຫວຽດນາມ​ຂອງພົນລະ​ເມືອງ​ທຸກ​ຄົນ, ກຳລັງ​ປະກອບ​ອາວຸດ​ຕ້ອງຈົງ​ຮັກ​ພັກດີ​ຕໍ່​ພັກ, ຕໍ່​ປະ​ເທດ​ຊາດ, ຕໍ່​ປະຊາຊົນ. ຂໍ້​ກຳນົດ​ເຫຼົ່ານີ້​ເຕັມ​ປ່ຽມ​ໄປ​ດ້ວຍ​ຈິດ​ໃຈ​ປ່ຽນ​ແປງ​ໃໝ່ ​ເພື່ອ​ຮັກສາ​ໃຫ້​ພື້ນຖານ​ເສ​ດຖະກິດ​ການ​ເມືອງ​ໝັ້ນ​ທ່ຽງ, ພາ​ໃຫ້​ປະ​ເທດ​ຊາດ​ນັບ​ມື້​ນັບ​ຈະ​ເລີນພັດທະນາ. 

ຄວາມ​ຕັດສິນ​ຕົກລົງ​​ເພື່ອຊີ​ວິດ​ຂອງ​ປະຊາຊົນ 

​ໃນ​ສະ​ໄໝ​ປະຈຳການ, ສະພາ​ແຫ່ງ​ຊາດຊຸດ​ທີ XIII ​ໄດ້​ສືບ​ທອດ ​ແລະ ສືບ​ຕໍ່​ດັດ​ແປງ, ປ່ຽນ​ແປງ​ໃໝ່​ການ​ເຄື່ອນ​ໄຫວ​ຕິດຕາມ​ກວດກາ ​ໂດຍ​ຜ່ານການ​ຊັກ​ຖາມ​ແລະ​ຕອບ​ຄຳ​ຊັກ​ຖາມ​ຢ່າງ​ຟົດ​ຟື້ນ​ທີ່​ກອງ​ປະຊຸມ ​ເຊິ່ງ​ໄດ້​ດຶງ​ດູດ​ຄວາມເອົາ​ໃຈ​ໃສ່​ເປັນ​ພິ​​ເສດ ຂອງຜູ້​ມີ​ສິດ​ເລືອກ​ຕັ້ງ. ​ແລະ​ເປັນ​ຄັ້ງ​ທຳ​ອິດ, ສະພາ​ແຫ່ງ​ຊາດ​ໄດ້​ດຳ​ເນີນ​ການ "ຊັກ​ຖາມ​ທົ່ວ​ທັງ​ສະ​ໄໝ​ປະຈຳການ" ຕໍ່​ຜູ້ນຳ​ໜ້າ​ບັນດາ​ອົງການ​ລັດ ​ໃນ​ການ​ປະຕິບັດ​ມະຕິ​ຕ່າງໆ​ຂອງສະພາ​ແຫ່ງ​ຊາດ.

ໃນ​ສະ​ໄໝ​ປະຈຳການ, ສະພາ​ແຫ່ງ​ຊາດ​ຊຸດ​ທີ XIII ​ໄດ້​ຕ່າງ​ໜ້າ​ປະຊາຊົນ​ທົ່ວ​ປະ​ເທດ ປະຕິບັດ​ສິດ​ຕິດຕາມ​ກວດກາ​ສູງ​ສຸດສອງ​ຄັ້ງ ​​ເພື່ອ​ຕີ​ລາຄາ​ຄວາມ​​ເຊື່ອ​ຖື​ຕໍ່​ບັນດາ​ສັກ​ກາ​ນນຳ​ຕົ້ນຕໍ​ໃນ​ກົງຈັກ​ລັດ. ຜົນ​ຂອງ​ການ​ເອົາ​ຄະ​ແນນ​ສຽງ​ໄວ້​ວາງ​ໃຈ​ນັ້ນ ​ໄດ້​ຊຸກຍູ້​ໃຫ້​ຜູ້​ທີ່​ຖື​ຕຳ​ແໜ່​ງ​ໂດຍສະພາ​ແຫ່ງ​ຊາດ​ແຕ່ງ​ຕັ້ງຫຼື​ໃຫ້​ສັດຕະຍາບັນ ຕ້ອງສູ້​ຊົນ ຝຶກ​ຝົນ​ຫຼໍ່​ຫຼອນ​ຢ່າງ​ບໍ່​ຢຸດ​ຢັ້ງ, ຍົກ​ສູງ​ຄວາມ​ສາມາດ​ ປະສິດທິ​ຜົນ​ໃນ​ການ​ປະຕິ​ບັດ​ງານ ​ແລະ ສ້າງ​ໃຫ້​ມີການ​ຫັນປ່ຽນ​ຢ່າງ​ຈະ​ແຈ້ງ​ໃນ​ຂະ​ແໜງ​ການ, ຂົງ​ເຂດຈຳນວນ​ໜຶ່ງ. 

ຜູກ​ພັນ​ສະໜິດ​ແໜ້ນ​ກັບ​ຜູ້​ມີ​ສິດ​ເລືອກ​ຕັ້ງ​ແລະປະຊາຊົນ; ຮັບ​ຟັງ​ຄວາມ​ຄິດ​ເຫັນ ຄວາມ​ປາຖະໜາຂອງຜູ້​ມີ​ສິດ​ເລືອກ​ຕັ້ງ​ແລະປະຊາຊົນ ປະກອບ​ສ່ວນ​ສ້າງ​ເປັນ​ກຳລັງ​ແຮງ​ຂອງສະພາ​ແຫ່ງ​ຊາດ, ຮັບປະກັນ​ໃຫ້ສະພາ​ແຫ່ງ​ຊາດ​ໃກ້ຊິດຕິດ​ແທດ​ກັບ​ການ​ເຄື່ອນ​ໄຫວ​ຂອງ​ຊີ​ວິດ​ເສດຖະກິດ - ສັງຄົມ, ມີ​ການ​ຕັດສິນ​ຕົກລົງ​ທີ່​ຖືກຕ້ອງ, ທັນ​ການ, ຕິດ​ແທດ​ກັບ​ພາກ​ຕົວ​ຈິງ, ຖືກ​ໃຈ​ປະຊາຊົນ.

ປັດ​ໃຈ​ນັບຖື​ປະຊາຊົນ, ​ເພື່ອ​ປະຊາຊົນ, ຕິດ​ແໜ້ນ​ກັບ​ພຶດຕິ​ກຳ ​ໃນ​ການ​ຕັດສິນ​ຕົກລົງ​ຂອງສະພາ​ແຫ່ງ​ຊາດຊຸດ​ນີ້​ ໄດ້​ສະ​ແດງ​ອອກ​ຢ່າງ​ຈະ​ແຈ້ງ. ຄຳ​ປາ​ໄສ​ແຕ່ລະຄຳຂ​ອງສະມາຊິກສະພາ​ແຫ່ງ​ຊາດ ​ໃນ​ເວທີ​ສະພາ ລ້ວນ​ແຕ່​​ໄດ້ພົ່ນ "ຄວາມ​ຮ້ອນ" ​ແຫ່ງ​ຊີວິດ​ປະຈຳ​ວັນ, ສະ​ແດງ​ໃຫ້​ເຫັນ​ເຖິງ​ເຈດ​ຈຳນົງ ຄວາມ​ມຸ່ງ​ຫວັງ ​ແລະ ຄວາມ​ປາຖະໜາຂອງ​ປະຊາຊົນ, ຖື​ເອົາ​ເປົ້າ​ໝາຍ​ເບິ່ງ​ແຍງ​ແກ້​ໄຂ​ວຽກ​ຂອງ​ປະຊາຊົນ ​ເພື່ອ​ປຶກສາ​ຫາລື​ແລະ​ຕັດສິນ​ຕົກລົງ​ ບັນດາ​ບັນຫາ​​ສຳຄັນ​ຂອງ​ປະ​ເທດ. 

​ເພາະສະ​ນັ້ນ, ການ​ຕັດສິນ​ບັນດາ​ບັນຫາສຳ​ຄັນ​ຂອງ​ປະ​ເທດ ນັບ​ມື້​ນັບ​ມີ​ປະສິດທິ​ຜົນ​ຍິ່ງ​ຂຶ້ນ, ຕອບ​ສະໜອງ​ໄດ້​ກັບ​ຄວາມ​ຕ້ອງການ​ພຶດຕິ​ກຳ, ​ເພື່ອ​ຜົນ​ປະ​ໂຫຍ​ດຂອງ​ຊາດ, ສອດຄ່ອງ​ກັບ​ເຈດ​ຈຳນົງ ​ແລະ​ຄວາມ​ປາຖະໜາ​ຂອງ​ປະຊາຊົນ, ປະກອບສ່ວນ​ເຮັດ​ໃຫ້​ເສດຖະກິດ​ມະຫາ​ພາກ​ມີ​ຄວາມ​ໝັ້ນ​ທ່ຽງ, ພາ​ໃຫ້​ເສດຖະກິດ​ແຫ່ງ​ຊາດ​ຜ່ານ​ຜ່າ​ຄວາມ​ຫຍຸ້ງຍາກ ສືບ​ຕໍ່​​​ເຕີບ​ໂຕ​, ຊຸກ​ຍູ້ການ​ຫັນປ່ຽນ​ຕົວ​ແບບ​ເຕີບ​ໂຕ, ຈັດ​ວາງ​ໂຄງ​ປະກອບ​ເສດຖະກິດ​ຄືນ​ໃໝ່, ຮັບປະກັນ​ສະຫວັດດີ​ການ​ສັງຄົມ, ປົວ​ແປງ​ຊີວິດ​ການ​ເປັນ​ຢູ່​ຂອງ​ປະຊາຊົນ, ຮັບປະກັນ​ການ​ປ້ອງ​ກັນຊາ​ດ, ປ້ອງ​ກັນ​ຄວາມ​ສະຫງົບ, ຄວາມ​ເປັນ​ລະບຽບ​ລຽບ​ລ້ອຍ​ແລະ​ປອດ​ໄພ​ທາງ​ສັງຄົມ. 

ບູລະນະ​ບັນດາສັກຫຼັກ​ແຫຼ່ງ ຂອງ​ກົງຈັກ​ແຫ່ງ​ລັດ 

ຈຸດ​ພິ​ເສດ​ໜຶ່ງ​ອີກ​ຂອງ​ສະ​ໄໝ​ປະຈຳການ​ສະພາ​ແຫ່ງ​ຊາດ​ຊຸດ​ທີ XIII ​ແມ່ນ​ໄດ້​ສຳ​ເລັດ​ວຽກ​ງານ​ບຸກຄະລາ​ກອນ​ໃນ​ກອງ​ປະຊຸມ​ສຸດ​ທ້າຍ​ເທື່ອ​ນີ້. ສະພາ​ແຫ່ງ​ຊາດ​ໄດ້​ດຳ​ເນີນ​ການ​ເລືອ​ກຕັ້ງ​ປະທານສະພາ​ແຫ່ງ​ຊາດ, ປະທານຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ, ປະທານ​ປະ​ເທດ, ນາຍົກລັດຖະມົນຕີ, 2 ຮອງ​ປະທານສະພາ​ແຫ່ງ​ຊາດ, 7 ກຳມະການ​ຂອງ​ຄະນະ​ປະຈຳການສະພາ​ແຫ່ງ​ຊາດ, ຮອງ​ປະທານ​ປະ​ເທດ, ປະທານ​ສານ​ປະຊາຊົນ​ສູງ​ສຸດ, ​ຫົວໜ້າອົງການໄອ​ຍະ​ການ​ປະຊາຊົນ​ສູງ​ສຸດ, ປະທານ​ສະພາ​ບັນດາ​ເຜົ່າ, ປະ​ທານ​ກຳມາ​ທິການ​ຂອງ 5 ຄະນະ​ກຳມະການ​ຂອງສະພາ​ແຫ່ງ​ຊາດ, ຫົວໜ້າ​ອົງການ​ກວດ​ສອບ​ບັນຊີ​ແຫ່ງ​ລັດ; ​ໃຫ້​ສັດຕະຍາບັນ​ການ​ແຕ່ງ​ຕັ້ງ 3 ຮອງ​ນາຍົກລັດຖະມົນຕີ, 18 ລັດຖະມົນຕີ ​ແລະ ສະມາຊິກ​ອື່ນ​ຂອງ​ລັດຖະບານ. 

ສາມ​ຕຳ​ແໜ່​ງບັນດາສັກ​ຫຼັກ​ແຫຼ່ງຄື ປະທານສະພາ​ແຫ່ງ​ຊາດ, ປະທານ​ປະ​ເທດ ​ແລະ ນາຍົກ​ລັດຖະມົນຕີ ​ໄດ້​ຖືກ​ສະພາ​ແຫ່ງ​ຊາດ​ລົງ​ຄະ​ແນນ​ສຽງ​ເຫັນ​ດີ​ເຫັນ​ພ້ອມ ດ້ວຍຄະ​ແນນ​ສຽງ​ສູງ​ທີ່​ສຸດ ​ເຊິ່ງສະ​ແດງ​ໃຫ້​ເຫັນ​ເຖິງ​ຄວາມ​ເຊື່ອ​ຖື, ຄວາມ​ຫວັງ​ດີ​ຂອງ​ສະມາຊິກສະພາ​ແຫ່ງ​ຊາດຕໍ່​ບັນດາ​ທ່ານ​ຜູ້ນຳ​ດັ່ງກ່າວ. 

ບໍ່​ພຽງ​ແຕ່​ບັນດາ​ສະມາຊິກສະພາ​ແຫ່ງ​ຊາດ, ຜູ້​ມີ​ສິດ​ເລືອກ​ຕັ້ງ​ໃນ​ທົ່ວ​ປະ​ເທດ​ກໍລ້ວນ​ແຕ່ຝາກຝັງ​ຄວາມ​ເຊື່ອ​ຖື ​ແລະ ຄວາມ​ມຸ່ງຫວັງ ​ນຳ​ບັນດາ​ການ​ນຳ​ທີ່​ຫາ​ກໍ​ຖືກ​ສະພາ​ແຫ່ງ​ຊາດ​ເລືອດ​ຕັ້ງຂຶ້ນ ​ແລະ ຫວັງ​ວ່າສະພາ​ແຫ່ງ​ຊາດ, ລັດຖະບານ​ ຈະ​ມີ​ການ​ຕັດສິນ​ຕົກລົງ​ຫຼາຍ​ປະການ​ ທີ່​ຕິດ​ແໜ້ນກັບຊີວິດຕົວ​ຈິງ ​ເຊັ່ນ ປົກ​ປັກ​ຮັກສາ​ອະທິປະ​ໄຕ ຜືນ​ແຜ່ນດິນ​ອັນ​ຄົບ​ຖ້ວນ, ປ້ອງ​ກັນ​ແລະ​ຕ້ານ​ການ​ສໍ້​ລາດ​ບັງ​ຫຼວງ, ຮັບປະກັນ​ສະ​ວັດ​ດີການສັງຄົມ... ຜົນ​ຂອງ​ວຽກ​ງານ​ບຸກຄະລາ​ກອນ​ຈະ​ສ້າງ​ກຳລັງ​ໝູນ ​ແລະ ບັນຍາກາດ​ໃໝ່​ເພື່ອ​ໃຫ້​ທົ່ວ​ພັກ, ທົ່ວ​ປວງ​ຊົນ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XII ຂອງ​ພັກ​ຢ່າງ​ສຳ​ເລັດ​ມີ​ໄຊ. 

ຫັນ​ເບິ່ງ​ຄືນ​ສະ​ໄໝ​ປະຈຳການ 5 ປີ​ທີ່​ຜ່ານ​ມາ ດ້ວຍ​ຄວາມ​ປະ​ທັບ​ໃຈ​ອັນເລິກ​ເຊິ່ງຕ່າງໆ ທີ່​ຈາລຶກ​ໄວ້​ໃນ​ແນວ​ຄິດ​ຈິດ​ໃຈ​ຂອງ​ສະມາຊິກ​ສະພາ ​ແລະ​ຜູ້​ມີ​ສິດ​ເລືອກ​ຕັ້ງ​ໃນ​ທົ່ວ​ປະ​ເທດ, ສະພາ​ແຫ່ງ​ຊາດ​ຊຸດ​ທີ XIII ​ໄດ້​ເຊີດ​ຊູ​ນ້ຳ​ໃຈ​ສາມັກຄີ, ປ່ຽນ​ແປງ​ໃໝ່​ຢ່າງ​ແຂງ​ແຮງ, ມີ​ປະຊາທິປະ​ໄຕ​ຢ່າງ​​ແທ້ຈິງ, ​ເປີດ​ເຜີຍ ​ໂປ່​ງ​ໃສ​ໃນ​ການຈັດ​ຕັ້ງ​ແລະ​ເຄື່ອນ​ໄຫວ. ສຳລັບສະພາ​ແຫ່ງ​ຊາດ, ສາມັກຄີ ປ່ຽນ​ແປງ​ໃໝ່ ມີ​ສະຕິປັນຍາ​ ​ແລະ ຄວາມ​ຮັບຜິດຊອບ ​ແມ່ນ​ຄວາມ​ຮຽກຮ້ອງ​ຕ້ອງການ​ເປັນ​ປະຈຳ ຕໍ່ເນື່ອງ, ​ແມ່ນ​ແຮງ​ຊຸກ​ດັນ​ທີ່ສ້າງ​ເປັນ​ກຳລັງ​ແຮງ ຄວາມ​ຂະຫຍັນ​ຂັນ​ເຄື່ອນ ປະດິດສ້າງ ​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ ​ແລະ ໜ້າທີ່./.

ສັງ​ລວມ​ໂດຍ ບນ.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ