ວັນພຸດ, 22/11/2017
ຄວາມຮັບຮູ້ໃໝ່ ກ່ຽວກັບວຽກງານຂົນຂວາຍປະຊາຊົນ ຢູ່ໃນມະຕິກອງປະຊຸມໃຫຍ່ ຄັ້ງທີ XII ຂອງພັກ
24/9/2016 5:12' ສົ່ງ ພິມ
ພາບປະກອບ (ພາບຂອງ: baolaichau.vn)

ຜ່ານ​ບັນດາ​ໄລຍະ​ການ​ປະຕິວັດ, ​ແນວ​ຄິດ ທັດສະນະ​ຂອງ​ທ່ານ​ປະທານ​ໂຮ່ຈີ​ມິນ ​ແລະ​ຂອງ​ພັກ​ກອມ​ມູນິດ​ຫວຽດນາມ ກ່ຽວ​ກັບ​ການ​ຂົນຂວາ​ຍປະຊາຊົນ ​ແລະ ວຽກ​ງານ​ຂົນຂວາຍ​ປະຊາຊົນ ຍາມ​ໃດ​ກໍ​ເປັນ​ສິ່ງ​ສອດ​ຮ້ອຍ​ຕະຫຼອດ​ ແລະ ​ເປັນ​ເອກະ​ພາບ​ສະ​ເໝີ​ຕົ້ນ​ສະ​ເໝີ​ປາຍ, ​ແຕ່​ທາງ​ດ້ານ​ເນື້ອ​ໃນ ຮູບ​ການ ວິທີ​ການ​ຂອງວຽກ​ງານ​ຂົນຂວາຍ​ປະຊາຊົນ ກໍ​ໄດ້​ມີ​ບາດກ້າວ​ຂະຫຍາຍຕົວ, ​ໃນ​ນັ້ນ​ມີ​ບັນດາ​ເນື້ອ​ໃນ​ໃໝ່, ​ມີ​ບັນດາ​ເນື້ອ​ໃນ​ທີ່ໄດ້​ຮັບ​ຄວາມ​ຮັບ​ຮູ້​ຢ່າງ​ຄົບ​ຖ້ວນ, ​ເລິກ​ເຊິ່ງກວ່າ​ເກົ່າ ​ແລະ ​ໄດ້​ຍົກ​ສູງ​ຂຶ້ນ ​ເພື່ອ​ແນ​ໃສ່​ຕອບ​ສະໜອງ​ຄວາມ​ຕ້ອງການ​ຂອງ​ພຶດຕະກຳ​ແຫ່ງ​ການ​ປະຕິວັດ​ໃນ​ໄລຍະ​ໃໝ່.

1- ສືບ​ທອດພື້ນ​ຖານ​ແນວ​ຄິດ​ຂົນຂວາຍ​ປະຊາຊົນ ຂອງທ່ານ​ປະທານ​ໂຮ່ຈີ​ມິນ ​ແລະ ທັດສະນະ​ຂອງ​ພັກ ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນ, ​ເປັນ​ຕົ້ນ​ແມ່ນ​ ມະຕິ​ກອງ​ປະຊຸມ​ສູນ​ກາງພັກ ​ຄັ້ງ​ທີ 8 ສະ​ໄໝ​ທີ VI ກ່ຽວ​ກັບ “ປ່ຽນ​ແປງ​ໃໝ່ວຽກ​ງານ​ມະຫາຊົນຂອງ​ພັກ, ​ເພີ່ມ​ທະວີ​ສາຍ​ພົວພັນ​ລະຫວ່າງ​ພັກ ​ແລະ ປະຊາຊົນ”, ມະຕິ​ກອງ​ປະຊຸມ​ສູນ​ກາງພັກ ​ຄັ້ງ​ທີ 7 ສະ​ໃໝ​ທີ XI ກ່ຽວ​ກັບ “ເພີ່ມ​ທະວີ ​ແລະ ປ່ຽນ​ແປງ​ໃໝ່​ການ​ນຳພາ​ຂອງ​ພັກຕໍ່ວຽກ​ງານ​ຂົນຂວາຍ​ປະຊາຊົນ​ໃນ​ສະພາບ​ການ​ໃໝ່” ​ແລະ ຂະຫຍາຍ​ລະບົບ​ບັນດາ​ທັດສະນະ, ໜ້າ​ທີ່, ວິທີ​ການ ​ຂອງວຽກ​ງານ​ຂົນຂວາຍ​ປະຊາຊົນ​ຂອງ​ພັກ, ວຽກ​ງານ​ຂົນຂວາຍ​ປະຊາຊົນນັບ​ມື້​ນັບ​ເສີມ​ຂະຫຍາຍ​ປະສິດທິ​ຜົນ, ສອດຄ່ອງ ​ແລະ ຕອບ​ສະໜອງ​ໄດ້​ກັບ​ຄວາ​ມຕ້ອງການ​ຂອງ​ໄລຍະ​ໃໝ່ - ​ໄລຍະ​ແຫ່ງ​ການ​ຍູ້​ແຮງ​ການ​ຫັນ​ເປັນ​ອຸດສາຫະກຳ ທັນ​ສະ​ໄໝ ​ແລະ ​ເຊື່ອມ​ໂຍງ​ສາກົນ​ຢ່າງ​ກວ້າງຂວາງ​ເລິກ​ເຊິ່ງ. ລະບົບ​ບັນດາ​ທັດສະນະ, ໜ້າ​ທີ່ ​ແລະ ວິທີ​ການສືບ​ຕໍ່​ໄດ້​ຍົກ​ລະດັບ​ໃຫ້​ສູງ​ຂຶ້ນ ​ເຊິ່ງສະ​ແດງ​ຢ່າງ​ລະ​ອຽດ​ໃນ​ເອກະສານກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ.

ລະບົບ​ບັນດາ​ທັດສະນະຂອງ​ພັກ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນທີ່​​ຄົບ​ຖ້ວນ ຮອບດ້ານນັ້ນ​ ປະກອບ​ດ້ວຍ: ທີ່​ໜຶ່ງ, ການ​ປະຕິວັດ​ເປັນ​ພາລະກິດ​ຂອງ​ປະຊາຊົນ, ​ໂດຍ​ປະຊາຊົນ, ​ເພື່ອ​ປະຊາຊົນ, ປະຊາ​ຊົນ​ແມ່ນ​ເຈົ້າ​ຂອງ, ປະຊາຊົນ​ເປັນ​ເຈົ້າ. ທີ່​ສອງ, ກຳລັງ​ຊຸກ​ດັນ​ຂະ​ບວນການ​ປະຊາຊົນ​ແມ່ນ ​ເສີມ​ຂະຫຍາຍ​ສິດ​ເປັນ​ເຈົ້າຂອງ​ປະຊາຊົນ ຕອບ​ສະໜອງ​ຜົນ​ປະ​ໂຫຍ​ດທີ່​ແທດ​ຈິງ​ຂອງ​ປະຊາຊົນ; ສົມທົບ​ບັນດາ​ຜົນ​ປະ​ໂຫຍ​ກຢ່າງ​ກົມກຽວ; ສິດຜົນປະ​ໂຫຍ​ດຕ້ອງ​ໄປ​ຄຽວ​ຄູ່​ກັບ​ພັນທະ​ໜ້າ​ທີ່ພົນລະ​ເມືອງ; ​ເອົາ​ໃຈ​ໃສ່​ເປັນ​ສຳຄັນ​ເຖິງ​ຜົນ​ປະ​ໂຫຍ​ດ​ໂດຍ​ກົງ​ຂ​ອງປະຊາຊົນ; ລະດົມ​ກຳລັງ​ແຮງ​ຂອງ​ປະຊາຊົນ​ຕ້ອງ​ໄປ​ຄຽງຄູ່​ກັບ​ການ​ບຳລຸງ​ກຳລັງ​ແຮງ​ຂອງ​ປະຊາຊົນ; ສິ່ງ​ໃດ​ທີ່​ມີ​ຜົນ​ປະ​ໂຫຍ​ດ​ໃຫ້​ແກ່ປະຊາຊົນ​ແມ່ນ​ຕ້ອງ​ເຮັດ​ຢ່າງ​ສຸດ​ໃຈ, ສິ່ງ​ໃດທີ່​ກໍ່​ຄວາມ​ເສຍ​ຫາຍ​ໃຫ້​ປະຊາຊົນ​ແມ່ນຕ້ອງ​ຫຼີກ​ລ່ຽງບໍ່​ເຮັດ​ຢ່າງ​ເດັດຂາດ. ທີ່​ສາມ, ການປ່ຽນ​ແປງ​ໃໝ່​ແບບ​ວິທີ​ນຳພາວຽກ​ງານ​ຂົນຂວາຍ​ປະຊາຊົນຂ​ອງ​ພັກ ຕິດ​ແໜ້ນ​ກັບ​ວຽກ​ງານ​ກໍ່ສ້າງ​ພັກ ລັດ​ ໃຫ້​ສະອາດ​ປອດ​ໃສ ໝັ້ນຄົງ​ເຂັ້ມ​ແຂງ. ທຸກໆ​ທັດສະນະ ​ແຜນ​ນະ​ໂຍບາຍ​ຂອງ​ພັກ ​ແລະ ກົດໝາຍ​ຂອງ​ລັດ​ ຕ້ອງ​ສອດຄ່ອງ​ກັບຜົນ​ປະ​ໂຫຍດຂອງ​ປະຊາຊົນ ​ໂດຍ​ປະຊາຊົນ ​ແລະ ​ເພື່ອ​ປະຊາຊົນ. ພະນັກງານ ສະມາຊິກ​ພັກ ຂ້າ​ລັດຖະກອນ ລັດຖະກອນ​ແຕ່ລະຄົນ ຕ້ອງ​ເປັນ​ແບບຢ່າງ​ເພື່ອ​ໃຫ້​ປະຊາຊົນ​ເຊື່ອ​ຖື, ​ເຮັດ​ຕາມ​ແບບ. ທີ່ສີ່, ວຽກ​ງານ​ຂົນຂວາຍ​ປະຊາຊົນ​ແມ່ນ​ໜ້າ​ທີ່​ຮັບຜິດຊອບ​ຂອງທົ່ວ​ທັງ​ລະບົບ​ການ​ເມືອງ, ຂອງ​ພະນັກງານ ສະມາຊິກ​ພັກ ຂ້າ​ລັດຖະການ ພາລະ​ກອນ ສະມາ​ຊິກ​ຊາວ​ໜຸ່ມ ສະມາຊິກ​ຂອງ​ອົງຄະ​ນະມະ​ຫາ​ຊົນ, ພະນັກງານ​ນັກຮົບ​ຂອງ​ກຳລັງ​ປະກອບ​ອາວຸດ. ​ໃນ​ນັ້ນ, ພັກ​ນຳພາ, ອຳນາດ​ການ​ປົກຄອງ​ເປັນ​ຜູ້​ຈັດ​ຕັ້ງ​ປະຕິບັດ, ​ແນວ​ໂຮມ​ປະ​ເທດ​ຊາດ, ບັນດາ​ອົງ​ການຈັດ​ຕັ້ງ​ການ​ເມືອງ - ສັງຄົມ​ເປັນ​ເສນາ​ທິການ​ແລະ​ເປັນ​ແກ່ນສານ. ທີ່​ຫ້າ, ລັດ​ສືບ​ຕໍ່​ຫັນເປັນ​ນິຕິ​ກຳ ​ໃຫ້​​ກົນ​ໄກ “ພັກ​ນຳພາ, ລັດ​ຄຸ້ມ​ຄອງ, ປະຊາຊົນ​ເປັນ​ເຈົ້າ” ​ກາຍເປັນ​ກົດ​ລະບຽບ ຂໍ້ກຳນົດ​ ເພື່ອ​ໃຫ້​ບັນດາ​ອົງການ​ຈັດ​ຕັ້ງ​ໃນ​ລະບົບ​ການ​ເມືອງ, ພະນັກງານ ສະມາຊິກ​ພັກ ຂ້າ​ລັດຖະການ ​ແລະ ພະນັກງານນັກຮົບ​ຂອງ​ກຳ​ລັງ​ປະກອບ​ອາວຸດ ປະຕິບັດວຽກ​ງານ​ຂົນຂວາຍ​ປະຊາຊົນ; ​ເສີມ​ຂະຫຍາຍ​ສິດ​ເປັນ​ເຈົ້າ​ຂອງ​ປະຊາຊົນ ​ແລະ ຫັນ​ເປັນ​ນິຕິ​ກຳ​ຕໍ່​ຫຼັກ​ນຳ “ປະຊາຊົນ​ຮູ້, ປະຊາຊົນ​ປຶກສາ​ຫາລື, ປະຊາຊົນ​ເຮັດ, ປະຊາຊົນ​ກວດກາ”, ບັນດາ​ຮູບ​ການ​ເຕົ້າ​ໂຮມ​ປະຊາຊົນ​ຕ້ອງ​ອຸດົມສົມບູນ, ຫຼາຍ​ຮູບ​ຫຼາຍ​ແບບ, ວິທະຍສາດ, ມີ​ປະສິດທິ​ຜົນ.

ລະບົບ​ທັດສະນະ​ຂອງ​ພັກ​ກອມ​ມູນິດ​ຫວຽດນາມ ກ່ຽວ​ກັບວຽກ​ງານ​ຂົນຂວາຍ​ປະຊາຊົນ ​ໄດ້​ສະ​ແດງ​ຢ່າງ​ຈະ​ແຈ້ງ ຄົບ​ຖ້ວນ ​ແລະ ​ເລິກ​ເຊິ່ງ​ ເຖິງ​ທາດ​ແທ້ຂອງ​ພື້ນຖານປະຊາທິປະ​ໄຕສັງຄົມ​ນິຍົມ, ກຳ​ນົດຖານະ​ເປັນ​ເຈົ້າ​ຂອງ​ຂອງ​ປະ​ເທດ, ບົດບາດ​ປະວັດ​ສາດ​ອັນ​ໃຫຍ່​ຫຼວງ​ຂອງປະຊາຊົນ​ຫວຽດນາມ ​ໃນ​ທຸກສະ​​ໄໝ​ແຫ່ງ​ການ​ປະຕິວັດ; ກຳນົດ​ແຈ້ງວ່າ ການ​ເສີມ​ຂະຫຍາຍ​ປະຊາທິປະ​ໄຕ ​ແລະ ຕອບ​ສະໜອງ​ຜົນ​ປະ​ໂຫຍ​ດ, ​ເປັນ​ຕົ້ນ​ແມ່ນ​ຜົນ​ປະ​ໂຫຍ​ດ​ໂດຍ​ກົງ ​ເປັນ​ກຳລັງ​ຂັບ​​ເຄື່ອນອັນ​ໃຫຍ່​ຫຼວງທີ່​ຊຸກ​ຍູ້​ຂະ​ບວນການ​ຂອງປະຊາຊົນ, ລະດົມ​ການ​ປະກອບສ່ວນ​ຂອງ​ປະຊາຊົນ​ຕ້ອງ​ໄປ​ຄຽງ​ຄູ່​ກັບ​ການ​ບຳລຸງ​ກຳລັງ​ໃຫ້​ປະຊາ​ຊັນ; ປ່ຽນ​ແປງ​ໃໝ່​ແບບ​ວິທີ​ການ​ນຳພາ​ຂອງ​ພັກ​ຕິດ​ແໜ້ນ​ກັບ​ການ​ເບິ່ງ​ແຍງ​ດູ​ແລ​ຊີວິດ​ການ​ເປັນ​ຢູ່​ຂອງ​ປະຊາຊົນ; ກຳນົດ​ໜ້າ​ທີ່​ຮັບຜິດຊອບ​ປະຕິບັດວຽກ​ງານ​ຂົນຂວາຍ​ປະຊາຊົນຂອງ​ທົ່ວ​ທັງ​ລະບົບ​ການ​ເມືອງ, ບົ່ງ​ຊັດ​ໜ້າ​ທີ່​ຮັບຜິດຊອບ​ຂອງ​ອຳນາດ​ການ​ປົກຄອງ​ໃນ​ການ​ປະຕິບັດວຽກ​ງານ​ຂົນຂວາຍ​ປະຊາຊົນ, ​ໃນ​ນັ້ນ​ມີຄວາມ​ຮັບຜິດຊອບ​ໃນ​ການ​ຫັນ​ແຜນ​ນະ​ໂຍບາຍ ມະຕິ​ຂອງ​ພັກ​ ກ່ຽວ​ກັບວຽກ​ງານ​ຂົນຂວາຍ​ປະຊາຊົນ​ ເປັນ​ນິຕິ​ກຳ. ຄື​ແນວ​ນັ້ນ​ແມ່ນ, ດ້ວຍ​ແນວ​ຄິດ​ຂອງ​ທ່ານ​ປະທານ ​ໂຮ່ຈີ​ມິນ ​ແລະ ລະບົບ​ທັດສະນະ​ຂອງ​ພັກ ກ່ຽວ​ກັບ​ການ​ຂົນ​ຂົວາຍ​ປະຊາຊົນດັ່ງກ່າວ​ເທິງ​ນີ້​, ມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ ​ໄດ້​ສື​ຕໍ່​ເພີ່ມ​ເຕີມ ຂະຫຍາຍວຽກ​ງານ​ຂົນຂວາຍ​ປະຊາຊົນ ທາງ​ດ້ານ​ທິດ​ສະ​ດີ ​ແລະ ພຶດຕິ​ກຳ.

2- ກ່ຽວ​ກັບ​ຄວາມ​ສຳນຶກ, ພັກ​ກອມ​ມູນິດ​ຫວຽດນາມ ​ໄດ້​ເປັນ​ເອກະ​ພາບ​ໃນ​ການ​ໃຊ້​ຄວາມ​ສຳນຶກ “ວຽກ​ງານ​ຂົນຂວາຍ​ປະຊາຊົນ” ​ແທນ​ໃຫ້​ຄວາມ​ສຳນຶກ “ວຽກ​ງານ​ຂົນຂວາຍ​ມະຫາຊົນ” ຫຼື “ວຽກ​ງານ​ມະຫາຊົນ” ຢູ່​ໃນ​ບັນດາ​ເອກະສານ​ຂອງ​ພັກ.

ຄວາມ​ສຳນຶກ “ຂົນຂວາຍ​ປະຊາຊົນ”, “ວຽກ​ງານ​ຂົນຂວາຍ​ປະຊາຊົນ” ​ໄດ້​ຖືກທ່ານ​ປະທານ​ໂຮ່ຈີ​ມິນ ນຳ​ໃຊ້​ນັບ​ແຕ່​ເມື່​ອ​ເພິ່ນ​ນຳພາ​ການ​ປະຕິວັດ​ຢູ່​ເຂດ​ຕໍ່ຕ້ານ ຫວຽດບັກ ​ໃນຊຸມ​ປີ​ຕົ້ນ​ຂອງ​ການ​ຕໍ່ສູ້​ຕ້ານ​ພວກ​ລ່າ​ເມືອງ​ຂຶ້ນຝຣັ່ງ ຜູ້​ຮຸກ​ຮານ. ​ໃນ​ບົດ ​“ຂົນຂວາຍ​ປະຊາຊົນ” ທີ່​ລົງ​ໃນໜັງສືພິມ ຊື້​ເຖິດ ສະບັບ​ອອກ​ວັນ​ທີ 15 ຕຸລາ 1949, ທ່ານ​ປະທານ​ໂຮ່ຈີ​ມິນ ​ໄດ້​ໃຊ້ຄວາມ​ສຳນຶກ “ຂົນຂວາຍ​ປະຊາຊົນ” ​ແລະ “ຂົນຂວາຍ​ປະຊາຊົນຄ່ອງ​ແຄ່​ວດີ” ​ເພື່ອ​ເວົ້າ​ເຖິງ​ຂົງ​ເຂດ​ວຽກ​ງານ​ໜຶ່ງ​ຂອງ​ພັກ, ນັ້ນ​ແມ່ນ​ວຽກ​ງານ​ຂົນຂວາຍ​ປະຊາຊົນ. ນອກຈາກຄວາມ​ສຳນຶກ “ຂົນຂວາຍ​ປະຊາຊົນ” ​ແລ້ວ, ​ໃນ​ບົດ​ນິພົນ​ອື່ນຈຳນວນ​ໜຶ່ງ​ເຊັ່ນ ​ໃນ​ປຶ້ມ “ດັດ​ແປງ​ວິທີ​ເຮັດ​ວຽກ” (ປີ 1947), ທ່ານ​ປະທານ​ໂຮ່ຈີ​ມິນ ກໍ​ໄດ້​ໃຊ້​ບັນດາຄວາມ​ສຳນຶກອື່ນ​ຄື “ມະຫາຊົນ”, “ໝູ່​ປະຊາ”, ​ແຕ່ໃຊ້ເພື່ອຊີ້ບອກກຳລັງປະຊາຊົນອັນ​ກວ້າງຂວາງ ​ທີ່​ໄປ​ຕາມ​ພັກ​ເພື່ອ​ເຮັດ​ການ​ປະຕິວັດ ​ໂດຍ​ບໍ່​ແມ່ນຂົງ​ເຂດ​ວຽກ​ງານ​ໜຶ່ງ. ຄື​ແນວ​ນັ້ນ, ທ່ານ​ປະທານ​ໂຮ່ຈີ​ມິນ​ ໄດ້ຊີ້​ໃຫ້​ເຫັນ​ແຈ້ງ​ເຖິງ​ເປົ້າ​ໝາຍ​ເພື່ອ​ຂົນຂວາຍ ​ແມ່ນ​ປະຊາຊົນ. ປະຊາຊົນ​ໃນ​ແນວ​ຄິດ​ຂອງ​ໂຮ່ຈີ​ມິນ ມີ​ເນື້ອ​ໃນ​ກວ້າງ​ທີ່​ສຸດ, ທັງ​ເປັນກຸ່ມ​ປະຊາ​ມະຫາຊົນ​ທີ່​ໜາ​ແໜ້ນ ທັງ​ເປັນຄົນ​ຫວຽດນາມ​ຕົວ​ຈິງ​ແຕ່ລະຄົນ. ຕາມ​ລຸງ​ໂຮ່, ປະຊາຊົນ​ແມ່ນ “ລູກ​ຫຼານ​ເມືອງ​ຫວຽດທຸກ​ຄົນ”, “ລູກ​ມັງກອນ​ຫຼານ​ເທວະ​ດາ​ແຕ່ລະຄົນ”, ​ໂດ​ຍບໍ່​ຈຳ​ແນ​ກຊົນ​ເຜົ່າ, ສາສະໜາ, “ເຖົ້າ, ໜຸ່​ມ, ຍິງ, ຊາຍ, ຮັ່ງມີ, ທຸກ​ຍາກ, ປະ​ເສີດ, ທຳ​ມະ​ດາ”, ຫາກ​ແມ່ນ​ຄົນ​ຫວຽດນາມ ກໍ​ລ້ວນ​ແຕ່​ເປັນ​ເປົ້າ​ໝາຍ​ເພື່ອ​ຂົນຂວາຍ, ພ້ອມ​ນັ້ນ​ກໍ​ເປັນ​ຜູ້​ເຮັດ​ການ​ຂົນຂວາຍ.

ຫຼັງ​ຈາ​ນັ້ນ, ຍ້ອນ​ຈຸດ​ພິ​ເສດ​ຂອງ​ແຕ່ລະ​ໄລຍະ​ການ​ປະຕິວັດ, ຄວາມ​ສຳນຶກ “ວຽກ​ງານ​ຂົນຂວາຍ​ມະຫາຊົນ” ຫຼື “ວຽກ​ງານ​​ມະຫາຊົນ” ​ໄດ້​ໃຊ້​ຢ່າງ​ແຜ່​ຫຼາຍ​ພໍ​ສົມຄວນ. ທາງ​ດ້ານ​ທາດ​ແທ້, ຄວາມ​ສຳນຶກນີ້​ບໍ່​ແຕກ​ຕ່າງ​ກັບຄວາມ​ສຳນຶກ “ວຽກ​ງານຂົນຂວາຍ​ປະຊາຊົນ”, ​ແຕ່​ທາງ​ດ້ານ​ເນື້ອ​ຫາ​ພາຍ​ໃນ “ວຽກ​ງານ​ຂົນຂວາຍ​ປະຊາຊົນ” ກວ້າງ​ກວ່າ, ຖືກຕ້ອງ​ກັບ​ທາດ​ແທ້​ຂອງ​ຂົງ​ເຂດ​ວຽກ​ງານ​ໜຶ່ງ​ຂອງ​ພັກ. ການ​ທີ່ກອງ​ປະຊຸມ​ສູນ​ກາງ​ພັກຄັ້ງ​ທີ 7 ສະ​ໄໝ​ທີ XI ກໍ​ຄືມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ ໄດ້​ເປັນ​ເອກະ​ພາບ​ໃຊ້ຄວາມ​ສຳນຶກ “ວຽກ​ງານ​ຂົນຂວາຍ​ປະຊາຊົນ” ນັ້ນ ​​ໄດ້ສະ​ແດງ​ໃຫ້ເຖິງ​ຄວາມ​ສຳຄັນ​ຂອງ​ຫວຽກ​ງານ​ນີ້ ຊຶ່ງ“​ເປັນ​ໜ້າ​ທີ່​ທີ່​ມີ​ຄວາມ​ໝາຍ​ຍຸດ​ທະ​ສາດ​ໃນ​ພາລະກິດ​ການ​ປະຕິວັດ​ຫວຽດນາມ​ທັງ​ໝົດ; ​ແມ່ນ​ເງື່ອນ​ໄຂອັນ​ສຳຄັນ​ທີ່​ຮັບປະກັນ​ໃຫ້​ແກ່​ການ​ນຳພາ​ຂອງ​ພັກ ​ແລະ ປັບປຸງ ​ເພີ່ມ​ທະວີ​ຄວາມ​ພົວພັນ​ແບບ​​ເລືອ​ດເນື້ອ​ລະຫວ່າງ​ພັກ, ລັດ ກັບ​ປະຊາຊົນ”, ຄື​ທີ່​ໄດ້​ລະບຸ​ໄວ້​ໃນ​ເອກະສານ “ຂໍ້​ກຳນົດ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນຂອງ​ລະບົບ​ການ​ເມືອງ” ​ໂດຍ​ແມ່ນ​ກົມ​ການ​ເມືອງ​ສູນ​ກາງ​ພັກ​ສະ​ໄໝ​ທີ X ​ໄດ້​ປະກາດ​ໃຊ້ (ປີ 2010).

3- ​ເປັນ​ຄັ້ງ​ທຳ​ອິດ​ທີ່​ໃນມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ, ວຽກ​ງານ​ຂົນຂວາຍ​ປະຊາຊົນ​ໄດ້​ສະ​ເໜີ​​ເປັນ​ຫົວ​ຂໍ້​ຕ່າງຫາກ “ສືບ​ຕໍ່​ປ່ຽນ​ແປງ​ໃໝ່, ຍົກ​ສູງ​ປະສິດທິ​ຜົນ​ຂ​ອງວຽກ​ງານ​ຂົນຂວາຍ​ປະຊາຊົນ, ​ເພີ່ມ​ທະວີ​ຄວາມ​ພົວພັນ​ສະໜິດ​ແໜ້ນ​ລະຫວ່າງ​ພັກ​ກັບ​ປະຊາຊົນ” ​ໃນພາກ​ທີ XV - ກໍ່ສ້າງ​ພັກ​ໃຫ້​ສະອາດ​ປອດ​ໃສ ໝັ້ນ​ຄົງ​ເຂັ້ມ​ແຂງ, ຍົກ​ສູງ​ຄວາມ​ສາມາດ​ນຳພາ ​ແລະ ກຳລັງ​ແຮງ​ສູ້​ຮົບ​ຂອງ​ພັກ. ຕາມ​ນັ້ນ, ຄວາມ​ຮຽກຮ້ອງ​ທີ່​ຕັ້ງ​ອອກ​ມາ​ສຳລັບວຽກ​ງານ​ຂົນຂວາຍ​ປະຊາຊົນ ​ແມ່ນ​ສືບ​ຕໍ່​ປ່ຽນ​ແປງ​ໃໝ່, ຍົກ​ສູງ​ປະສິດທິ​ຜົນ. ປ່ຽນ​ແປງ​ໃໝ່​ຢູ່​ນີ້​ແມ່ນ​ປ່ຽນ​ແປງ​ໃໝ່​ກ່ຽວ​ກັບເນື້ອ​ໃນ, ກ່ຽວ​ກັບ​ແບບ​ວິທີ, ວິທີ​ການ​ປະຕິບັດວຽກ​ງານ​ຂົນຂວາຍ​ປະຊາຊົນ, ປ່ຽນ​ແປງ​ໃໝ່​ນັບ​ທັງ​ແບບ​ວິທີ​ນຳພາຂອງ​ພັກ​ຕໍ່​ວຽກ​ງານ​ນີ້; ປ່ຽນ​ແປງ​ໃໝ່​ແມ່ນ​ເງື່ອນ​ໄຂ​ທີ່​ຈຳ​ເປັນ ​ເພື່ອ​ຍົກ​ສູງ​ປະສິດທິ​ຜົນຂອງວຽກ​ງານ​ຂົນຂວາຍ​ປະຊາຊົນ ​ແລະ ຈຸດປະສົງ​ສຳຄັນທີ່ຕ້ອງບັນລຸ​ ແມ່ນ​ເພີ່ມ​ທະວີ​ຄວາມ​ພົວພັນ​ສະໜິດ​ແໜ້ນ​ລະຫວ່າງ​ພັກ ກັບ​ປະຊາຊົນ.

​ໃນ​ບັນດາ​ເອກະສານ​ກອງ​ປະຊຸມ​ໃຫຍ່​ຂອງ​ພັກ ​ແຕ່​ສະ​ໄໝ​ທີ XI ​ຄືນ​ຫຼັງ, ​ເນື້ອ​ໃນ​ຂອງວຽກ​ງານ​ຂົນຂວາຍ​ປະຊາຊົນ​ໄດ້​ແຊກ​ຊ້ອນ​ຢູ່​ໃນ​ວຽກ​ງານ​ກໍ່ສ້າງ​ພັກ. ​ໃນ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ XI, ວຽກ​ງານ​ຂົນຂວາຍ​ປະຊາຊົນ​ໄດ້​ລະບຸ​ຢູ່​ໃນ​ຂໍ້ “ຝຶກ​ຝົນ​ຫຼໍ່​ຫຼອມ​ຄຸນ​ທາດ​ຄຸນສົມບັດ​ປະຕິວັດ, ຕ້ານ​ລັດ​ທິ​ເອກະ​ຊົນ” ຂອງ​ພາກ​ທີ XII - “ກໍ່ສ້າງ​ພັກ​ໃຫ້​ສະອາດ​ປອດ​ໃສ ໝັ້ນ​ຄົງ​ເຂັ້ມ​ແຂງ, ຍົກ​ສູງ​ຄວາມ​ສາມາດ​ນຳພາ ​ແລະ ກຳລັງ​ແຮງ​ສູ້​ຮົບ​ຂອງ​ພັກ”; ​ເນື້ອ​ໃນ​ໄດ້​ສະ​ເໜີຢູ່​ໃນ​ຂອບ​ເຂດ “ຜັນ​ຂະຫຍາຍ​ປະຕິບັດ​ ຂໍ້​ກຳນົດ​ກ່ຽວ​ກັບ​ການຂົນຂວາຍ​ປະຊາຊົນ​ໃນ​ລະບົບ​ການ​ເມືອງ​ໃຫ້​ໄດ້ເປັນ​ຢ່າງ​ດີ; ປ່ຽນ​ແປງ​ໃໝ່ ​ແລະ ຍົກ​ສູງ​ຄຸນ​ນະພາ​ບຂອງວຽກ​ງານ​ຂົນຂວາຍ​ປະຊາຊົນ”.

ສິ່ງ​ທີ່​ຄວນ​ເນັ້ນ​ໜັກຄື ບາງ​ຂົງ​ເຂດ​ວຽກ​ງານ ໜ້າ​ທີ່​ການ​ເມືອງ​ທີ່​ສຳຄັນ​ຂອງ​ພັກ​ທີ່​ພົວພັນ​ເຖິງວຽກ​ງານ​ຂົນຂວາຍ​ປະຊາຊົນ ຍາມ​ໃດ​ກໍ​ໄດ້​ຂຽນ​ຢູ່​ໃນ​ເອກະສານ​ກອງ​ປະຊຸມ​ໃຫຍ່​ຄັ້ງ​ຕ່າງໆ​ຂອງ​ພັກ​ ແຕ່​ກ່ອນ​ມາ​ເຖິງ​ປະຈຸບັນ, ນັ້ນ​ແມ່ນ​ບັນດາ​ເນື້ອ​ໃນ: “​ເສີມ​ຂະຫຍາຍ​ປະຊາທິປະ​ໄຕສັງຄົມ​ນິຍົມ, ຮັບປະກັນ​ປະຕິບັດ​ສິດ​ເປັນ​ເຈົ້າ​ຂອງ​ປະຊາຊົນ” ​ແລະ “​ເສີມ​ຂະຫຍາຍ​ກຳລັງ​ແຮງ​ຂອງ​ກຸ່ມ​ກ້ອນ​ມະຫາ​ສາມັກຄີ​ປວງ​ຊົນ​ທັງ​ຊາດ”. ນີ້​ແມ່ນ​ບັນດາ​ເນື້ອ​ໃນ ໜ້າ​ທີ່​ທີ່​​ໃຫຍ່​ຫຼວງ​ທີ່​ສຸດ ​ແລະ​ມີ​ຄວາມ​ໝາຍ​ຕັດ​ສິນຄວາມ​ສຳ​ເລັດ​ຂອງ​ພາລະກິດ​ປະຕິວັດ​ໃນ​ທຸກ​ໄລຍະ.

ການ​ທີ່​ເອກະສານກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ເວົ້າ​ເຖິງ​ຫົວ​ຂໍ້​ສະ​ເພາະ​ໜຶ່ງ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນນັ້ນ ​ໄດ້​ໃຫ້​ເຫັນ​ວ່າ: ວຽກ​ງານ​ຂົນຂວາຍ​ປະຊາຊົນ​ໄດ້​ຮັບ​ຄວາມ​ຮັບ​ຮູ້​ຢ່າງ​ຖືກຕ້ອງ​ກັບ​ຄວາມ​ໝາຍ, ບົດບາດ ​ແລະ ຄວາມ​ສຳຄັນ​ຂອງ​ມັນ, ​ມັນ​ເປັນ “ໜ້າ​ທີ່ທີ່​ມີ​ຄວາມ​ໝາຍ​ຍຸດ​ທະ​ສາດ​ຕໍ່​ພາລະກິດ​ປະຕິວັດ​ທັງ​ໝົດ​ຂອງ​ປະ​ເທດ​ເຮົາ” ຢ່າງ​ແທ້​ຈິງ, ​ເປັນ​ຂົງ​ເຂດ​ທີ່​ສຳຄັນ​ໜຶ່ງ​ຂອງ​ວຽກ​ງານ​ກໍ່ສ້າງ​ພັກ. ​ໃນ​ສະ​ໄໝ​ປະຕິບັດ​ການ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝ ​ແລະ ​ເຊື່ອມ​ໂຍງ​ສາກົນ, ຕໍ່ໜ້າ​ຄວາມ​ຮຽກຮ້ອງ​ຕ້ອງການ​ພັດທະນາ​ເສດຖະກດ - ສັງຄົມ, ຮັບປະກັນ​ການປ້ອງ​ກັນຊາ​ດ ​ແລະ ຄວາມ​ສະຫງົບນັ້ນ ຕ້ອງ​ລະດົມ​ແຫຼ່ງພະລັງ​ອັນ​ໃຫຍ່​ຫຼວງ​ຢູ່​ໃນ​ປະຊາຊົນ, ຕ້ອງ​ຈັດການ ແກ້​ໄຂຫຼາຍ​ບັນຫາ​ທີ່​ສຸດ​ ທີ່​ພົວພັນ​ເຖິງຜົນ​ປະ​ໂຫຍ​ດຂອງ​ປະຊາຊົນ, ຕ້ອງ​ສ້າງ​ຄວາມ​ເຫັນ​ດີ​ເຫັນ​ພ້ອນສັງຄົມ, ຄວາມ​ສະໜັບສະໜູນ ​ແລະ ການ​ເຂົ້າ​ຮ່ວມ​ຢ່າງ​ຕັ້ງໜ້າ​ຂອງ​ປະຊາຊົນ ​ເພື່ອ​ຮັບປະກັນ​ປະຕິບັດ​ບັນດາ​ເປົ້າ​ໝາຍ​ທີ່​ໄດ້​ວາງ​ໄວ້​ຢ່າງ​ມີ​ປະສິດທິ​ຜົນ. ພຶດຕິ​ກຳ​ແຫ່ງ​ການ​ປ່ຽນ​ແປງ​ໃໝ່ ສ້າງສາ ພັດທະນາ​ປະ​ເທດ​ໃນ 30 ປີ​ທີ່​ຜ່ານ​ມາ ​ໄດ້​ນຳ​ມາ​ເຊິ່ງບົດຮຽນ​ອັນ​ປະ​ເສີດ​ຫຼາຍ​ຢ່າງ, ​ໃນ​ນັ້ນ​ມີ​ບົດຮຽນ: “​ໃນ​ການ​ປ່ຽນ​ແປງ​ໃໝ່​ຍາມ​ໃດ​ກໍ​ຕ້ອງ​ເຊື່ອມ​ຊືມທັດສະນະ “ຖື​ປະຊາຊົນ​ເປັນ​ກົກ​ຮາກ”, ​ເພື່ອ​ຜົນ​ປະ​ໂຍດ​ຂອງ​ປະຊາຊົນ, ອີງ​ໃສ່​ປະຊາຊົນ, ​ເສີມ​ຂະຫຍາຍ​ບົດບາດ​ເປັນ​ເຈົ້າ, ຈິດ​ໃຈ​ຮັບຜິດຊອບ, ຄວາມ​ປະດິດ​ສ້າງ ​ແລະ ​ແຫຼ່ງພະລັງ​ຂອງ​ປະຊາຊົນ; ​ເສີມ​ຂະຫຍາຍ​ກຳລັງ​ແຮງ​ແຫ່ງ​ມະຫາ​ສາມັກຄີ​ປວງ​ຊົນ​ທັງ​ຊາດ”.

4- ​ໂດຍ​​ເປັນ​ເອກະ​ພາບ​ກັບ​ມະຕິ​ສະບັບ​ເລກທີ 25-NQ/TW ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ສະ​ໄໝ​ທີ XI, ມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ໄດ້​ກຳນົດ​ແຈ້ງ​ຈຸດໝາຍ​ຂອງວຽກ​ງານ​ຂົນຂວາຍ​ປະຊາຊົນ​ໃນ​ໄລຍະ​ໃໝ່, ນັ້ນ​ແມ່ນ: ປັບ​ປຸງ​ຄວາມ​ເຊື່ອ​ຖື​ຂອງ​ປະຊາຊົນ​ຕໍ່​ກັບ​ພັກ, ​ເພີ່ມ​ທະວີ​ກຸ່ມ​ກ້ອນ​ມະຫາ​ສາມັກຄີ​ປວງ​ຊົນ​ທັງ​ຊາດ ​ແລະ ຄວາມ​ພົວພັນ​ສະໜິດ​ແໜ້ນ​ລະຫວ່າງ​ປະຊາຊົນກັບ​ພັກ; ​ເຕົ້າ​ໂຮ​ມ, ຂົນຂວາຍ​ປະຊາຊົນ​ໃຫ້​ປະຕິບັດ​ເປັນ​ຢ່າງ​ດີ​ ບັນດາ​ແຜນ​ນະ​ໂຍບາຍຂອງ​ພັກ ​ແລະ ນະ​ໂຍບາຍ ກົດໝາຍ​ຂອງ​ລັດ; ​ເສີມ​ຂະຫຍາຍ​ກຳລັງ​ແຮງ​ອັນ​ໃຫຍ່​ຫຼວງ​ຂອງ​ປະຊາຊົນ, ສ້າງ​ເປັນ​ຂະ​ບວນການ​ປະຕິວັດ​ທີ່​ກວ້າງ​ໃຫຍ່​ເພື່ອ​ສ້າງສາ ​ແລະ ປົກ​ປັກ​ຮັກສາ​ປະ​ເທດ​ຊາດ.

​ໃນ​ບັນດາ​ຈຸດໝາຍ​ເທິງ​ນີ້, “ປັບ​ປຸງ​ຄວາມ​ເຊື່ອ​ຖື​ຂອງ​ປະຊາຊົນ​ຕໍ່​ກັບ​ພັກ, ​ເພີ່ມ​ທະວີ​ກຸ່ມ​ກ້ອນ​ມະຫາ​ສາມັກຄີ​ປວງ​ຊົນ​ທັງ​ຊາດ ​ແລະ ຄວາມ​ພົວພັນ​ສະໜິດ​ແໜ້ນ​ລະຫວ່າງ​ປະຊາຊົນກັບ​ພັກ” ​ແມ່ນ​ຈຸດໝາຍ​ທີ່​ມີ​ລັກສະນະ​ສັງ​ລວມມີ່​ສຳຄັນພິ​ເສດ ຊຶ່ງ​ຖືກ​ຖື​ວ່າ​ເປັນ​ການ​ຫັນ​ໄປ​ສູ່​ເປົ້າ​ທີ່​ສູງ​ສຸດ​ຂອງວຽກ​ງານ​ຂົນຂວາຍ​ປະຊາຊົນ​ໃນ​ທຸກ​ສະ​ໄໝ. ມະຕິ​ສະບັບ​​ເລກທີ 25-NQ/TW ຂອງ​ຄະນະ​ບໍລິຫານ​ງານ​ສູນ​ກາງ​ພັກສະ​ໄໝ​ທີ XI ​ແລະ ມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ ໄດ້​ສືບ​ຕໍ່​ກຳນົດ​ຈຸດໝາຍ​ນີ້​ຢ່າງ​ລະອຽດ ​ໃນ​ຂົງ​ເຂດວຽກ​ງານ​ຂົນຂວາຍ​ປະຊາຊົນ.

​ເພື່ອ​ບັນລຸ​ຈຸດໝາຍ​ສັງ​ລວມ​ເທິງ​ນີ້ ບໍ່​ພຽງ​ແຕ້​ຕ້ອງ​ປະຕິບັດວຽກ​ງານ​ຂົນຂວາຍ​ປະຊາຊົນ​ເທົ່າ​ນັ້ນ ຫາກ​ພ້ອມ​ກັບ​ນັ້ນຍັງ​ຕ້ອງປະຕິບັດ​ໜ້າ​ທີ່​ອື່ນ​ ​ໃນ​ຫຼາຍ​ຂົງ​ເຂດ​ວຽກ​ງານ​ອື່ນ​ອີກ, ນັບ​ທັງ​ເສດຖະກິດ ວັດທະນະ​ມຳ ສັງຄົມ ປ້ອງ​ກັນຊາ​ດ ປ້ອງ​ກັນ​ຄວາມ​ສະຫງົບ ກໍ່ສ້າງ​ລະບົບ​ການ​ເມືອງ,... ຍ້ອນ​ວ່າ ຄວາມ​ເຊື່ອ​ຖື​ຂອງ​ປະຊາຊົນ​ຕໍ່​​ພັກແລະ​ລະບອບສັງຄົມ​ນິຍົມ ກໍ​ຄືກຳລັງ​ແຮງ​ຂອງ​ກຸ່ມ​ກ້ອນ​ສາມັກຄີ​ປວງ​ຊົນ​ທັງ​ຊາດ, ຄວາມ​ພົວພັນ​ສະໜິດ​​ແໜ້ນ​ລະຫວ່າງ​ປະຊາຊົນ​ກັບ​ພັກ​ນັ້ນ ຕ້ອງ​ໄດ້​ກໍ່​ຕັ້ງ ຄູນ​ສ້າງ​ດ້ວຍ​ຫຼາຍ​ປັດ​ໄຈ, ​ເຕົ້າ​ໂຮມ​ຄົບ​ທຸກ​ເງື່ອນ​ໄຂ​ທີ່​ຈຳ​ເປັນ ​ຈຶ່ງ​ບັນລຸ​ຄຸນ​ທາດ​ແທ້​ໄດ້. ​ໃນ​ໄລຍະ​ປະຈຸ​ບັນ, ອາດ​ຈະ​ເວົ້າ​ວ່າ ຄວາມ​ເຊື່ອ​ຖື​ຂອງ​ປະຊາຊົນ​ໄດ້​ຂຶ້ນ​ຕໍ່​ຫຼາຍ​ທີ່​ສຸດ​ກັບ​ຄວາມ​ຖືກຕ້ອງ​ຂອງ​ມະຕິ​ຕົກລົງ​ຕ່າງໆ​ຂອງ​ພັກ-ລັດ; ຄວາມ​ສະອາດ​ປອດ​ໃສ ຄວາມ​ສາມາດ​ນຳພາ ຄວາມ​ສາມາດ​ກຳ​ອຳນາດ​ຂອງ​ພັກ; ຄວາມ​ເປັນ​ແບບຢ່າງ ຊື່ສັດ​ທ່ຽງ​ທຳ​ຂອງ​ພະນັກງານ​ສະມາຊິກ​ພັກ, ​ເປັນ​ຕົ້ນ​ແມ່ນ​ພະນັກງານ​ການນຳຂອງ​ພັກ ​ແລະ ອຳນາດ​ການ​ປົກຄອງ​ຂັ້ນ​ຕ່າງໆ; ຄວາມ​ເອົາ​ໃຈ​ໃສ່​ປະຕິບັດ​ບັນຫາ​ຕ່າງໆ​ກ່ຽວ​ກັບ ​ປະຊາທິປະ​ໄຕ, ຊີວິດ​ການ​ເປັນ​ຢູ່ ​ແລະ ປັນຍາ​ຄວາມ​ຮູ້​ຂອງ​ປະຊາຊົນ, ນຳ​ເອົາ​ຜົນ​ປະ​ໂຫຍ​ດຕົວ​ຈິງ​ມາ​ໃຫ້​ປະຊາຊົນ. ພິຈາລະນາ​ຈົນ​ສຸດ​ກໍ​ເຫັນ​ວ່າ ບັນຫາ​ເຫຼົ່າ​ນີ້​ແມ່ນ​ລວງ​ເລິກ​ຂອງວຽກ​ງານ​ຂົນຂວາຍ​ປະຊາຊົນ ຊຶ່ງ​ແຕ່​ລະ​ອົງຄະ​ນະ​ພັກ ການຈັດ​ຕັ້ງ​ພັກ, ອົງການ​ອຳນາດ​ການ​ປົກຄອງ ກໍ​ຄື​ພະນັກງານ ສະມາຊິກ​ພັກ ຂ້າ​ລັດຖະການ ລັດຖະກອນ​ແຕ່ລະຄົນ​ ຕ້ອງ​ຮັບ​ຮູ້​ຢ່າງ​ຄົບ​ຖ້ວນ​ເລິກ​ເຊິ່ງ ​ແລະ ປະຕິບັດ​ຢ່າງ​ສຸດ​ອົກ​ສຸດ​ໃຈ.

​ເມື່ອ​ປະຊາຊົນ​ມີ​ຄວາມ​ເຊື່ອ​ຖື​ຕໍ່​ພັກ-ລັດ, ​ເຊື່ອ​ຖື​ຕໍ່​ລະບອບ​ການ​ເມືອງ ​ແມ່ນ​ການ​ປັບປຸງ ​ເສີມ​ຂະຫບາຍ​ຈິດ​ໃຈມະຫາ​ສາ​ມາກ​ຄີ​ປວງ​ຊົນ​ທັງ​ຊາດ, ການ​ຂົນຂວາຍ​ປະຊາຊົນ​ປະຕິບັດ​ແນວທາງ ​ແຜນ​ນະ​ໂຍບາຍ​ຂອງ​ພັກ, ນະ​ໂຍບາຍ​ກົດໝາຍ​ຂອງ​ລັດ ກໍ​ຄື​ການ​ຜັນ​ຂະຫຍາຍວຽກ​ງານ​ຂົນຂວາຍ​ປະຊາຊົນ ຈະ​ສະດວກ​ທີ່​ສຸດ ​ແລະ​ຈະ​ໄດ້ຮັບ​ປະສິດທິ​ຜົນ​ຄື​ດັ່ງ​ຄວາມ​ປະສົງ.

5- ບັນດາ​ໜ້າ​ທີ່ ​ແລະ ວິທີ​ແກ້​ໄຂວຽກ​ງານ​ຂົນຂວາຍ​ປະຊາຊົນ ຢູ່​ໃນມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ ​ໄດ້​ກຳນົດ​ຢ່າງຮອບດ້ານ ຄົບ​ຊຸດ, ​ໃນ​ນັ້ນມີບັນດາ​ໜ້າ​ທີ່ ​ແລະ ວິທີ​ແກ້​ໄຂຕົ້ນຕໍ​ດັ່ງ​ນີ້:

ທີ​ໜຶ່ງ, ປ່ຽນ​ແປງ​ໃໝ່​ແບບ​ວິທີ​ນຳພາ​ຂອງ​ພັກ ກ່ຽວ​ກັບວຽກ​ງານ​ຂົນຂວາຍ​ປະຊາຊົນt​ໃນ​ເງື່ອນ​ໄຂ​ພັດທະນາ​​ເສດຖະກິດ​ຕະຫຼາດ​ກຳນົດ​ທິດສັງຄົມ​ນິຍົມ ​ແລະ ​ເຊື່ອມ​ໂຍງ​ສາກົນ.

ການປ່ຽນ​ແປງ​ໃໝ່​ແບບ​ວິທີ​ນຳພາວຽກ​ງານ​ຂົນຂວາຍ​ປະຊາຊົນຢູ່​ນີ້ ຖືກ​ກຳນົດ​ວ່າ​ຕ້ອງຕິດ​ແໜ້ນວຽກ​ງານ​ຂົນຂວາຍ​ປະຊາຊົນ ກັບວຽກ​ງານ​ກໍ່ສ້າງ​ພັກ, ກໍ່ສ້າງ​ລັດ​ໃຫ້​ສະອາດປອດ​ໃສ ໝັ້ນຄົງ​ເຂັ້ມ​ແຂງ. ທຸດທັດສະນ ​​ແຜນ​ນະ​ໂຍບາຍ​ຂອງ​ພັກ, ກົດໝາຍ​ຂອງ​ລັດ​ຕ້ອງ​ສອດຄ່ອງ​ກັບ​ຜົນ​ປະ​ໂຫຍ​ດຂອງ​ປະຊາຊົນ, ​ໂດຍ​ປະຊາຊົນ ​ແລະ ​ເພື່ອ​ປະຊາຊົນ. ​ເພີ່ມ​ທະວີ​ການກໍ່ສ້າງ​ພັກທາງ​ດ້ານ​ການ​ເມືອງ ​ແນວ​ຄິດ ການຈັດ​ຕັ້ງ ຄຸນ​ສົມບັດ​ສິນ​ທຳ; ສຸມ​ໃສ່​ແກ້​ໄຂຂໍ້ຄົງຄ້າງ​ຄວາມ​ຂັດຂ້ອງ​ອັນ​ຊອບ​ທຳ​ຂອງ​ປະຊາ​ຊົນ​ໃຫ້​ໄດ້​ຢ່າງ​ທັນ​ການ​ແລະ​ມີ​ປະສິດທິ​ຜົນ, ​ເຮັດ​ໃຫ້​ປະຊາຊົນ​ເຊື່ອ​ໝັ້ນ​ຕໍ່​ການ​ນຳພາ​ຂອງ​ພັກ, ​ເພີ່ມ​ທະວີ​ຄວາມພົວພັນ​ສະໜິດ​ແໜ້ນ​ລະຫວ່າງປະຊາຊົນ​ກັບ​ພັກ​ແລະ​ລັດ. ກຳນົດ​ຢ່າງ​ຈະ​ແຈ້ງ​ກວ່າ​ອີກ​ກ່ຽວ​ກັບ​ຄວາມ​ຮັບຜິດຊອບ​ຂອງ​ພັກ​ໃນ​ການ​ຮັບ​ໃຊ້​ປະຊາຊົນ, ຍອມຮັບ​ການ​ຕິດ​ຕາມ​ກວດກາ​ຂອງ​ປະຊາຊົນ, ຮັບຜິດຊອບ​ຕໍ່​ປະຊາຊົນ​ກ່ຽວ​ກັບ​ການ​ກຳນົດ​ຕົກລົງ​ຕ່າງໆ​ຂອງ​ຕົນ; ກ່ຽວ​ກັບ​ສິດ​ຂອບ​ເຂດ ຄວາມ​ຮັບຜິດຊອບ​ຂອງ​ຜູ້​ເປັນ​ຫົວໜ້າ ​ແລະ ສາຍ​ພົວ​ພັນ​ລະຫວ່າງ​ລວມໝູ່​ຄະນະ​ພັກອົງການ​ຈັດ​ຕັ້ງ​ພັກ ກັບຜູ້​ເປັນ​ຫົວໜ້າ, ຮັບປະກັນ​ປະຕິບັດ​ຫຼັກການ​ລວມສູນ​ປະຊາທິປະ​ໄຕ, ລວມໝູ່​ນຳພາ ບຸກຄົນ​ຮັບຜິດຊອບ, ​ໄປ​ຄຽງ​ຄູ່​ກັບ​ການ​ເສີມ​ຂະຫຍາຍ​ບົດບາດ ຄວາມ​ຮັບຜິດຊອບ ຄວາມ​ເປັນ​ເຈົ້າ​ການ​ຂອງ​ຜູ້​ເປັນ​ຫົວໜ້າ ​ແລະ ກົນ​ໄກ​ແກ້​ໄຂ​ຕໍ່​ກັບ​ຫົວໜ້າ​ທີ່ລະ​ເມີດ​ວິ​ໄນ; ພະນັກງານ ສະມາຊິກ​ພັກ ຂ້າ​ລັດຖະການ ພາລະ​ກອນ​ແຕ່ລະຄົນຕ້ອງ​ເປັນ​ແບບຢ່າງ​ເພື່ອ​ໃຫ້​ປະຊາຊົນ​ເຊື່​ອຖື ​ແລະ ​ເຮັດ​ຕາມ​ແບບ.

ພ້ອມ​ກັນ​ນັ້ນ, ສືບ​ຕໍ່​ປະຕິບັດມະຕິ​ກອງ​ປະຊຸມ​ສູນ​ກາງພັກ​ຄັ້ງ​ທີ 4 ສະ​ໄໝ​ທີ XI ກ່ຽວ​ກັບ ​ການກໍ່ສ້າງ​ພັກ, ກີດ​ກັ້ນ​ແລະ​ຍູ້​ຖອຍ ສະພາບ​ຄວາມ​ຊຸດ​ໂຊ​​ມທາງ​ດ້ານ​ແນວ​ຄິດ​ການ​ເມືອງ ຄຸນສົມບັດ ​ແບບ​ແຜນ​ດຳລົງ​ຊີວິດ. ປະຕິບັດ​ຫຼັກການ​ລວມສູນ​ປະຊາທິປະ​ໄຕ, ຕິ​ຊົມ​ຕົນ​ເອງ​ແລະ​ຕິ​ຊົມ​ໃນ​ການ​ດຳ​ເນີນ​ຊີວິດ​ພັກ​ ຢ່າງ​ເຂັ້ມ​ງວດ. ປະຕິບັດ​​ເປັນ​ຢ່າງ​ດີຂໍ້​ກຳນົດ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນ​ໃນ​ລະບົບ​ການ​ເມືອງ, ຂໍ້​ກຳນົດ​ກ່ຽວ​ກັບ​ການ​ຕິດ​ຕາວ​ກວດກາ ​ແລະ ຕຳ​ໜິວິຈານ​ສັງຄົມ​ ຂອງ​ແນວ​ໂຮມ​ປະ​ເທດ​ຊາດ ​ແລະ ບັນດາ​ອົງຄະ​ນະ​ການ​ເມືອງ - ສັງຄົມ, ຂໍ້​ກຳນົດ​ກ່ຽວ​ກັບ​ແນວໂຮມ​ປະ​ເທດ​ຊາດ, ບັນດາ​ອົງຄະ​ນະ​ການ​ເມືອງ - ສັງຄົມ ​ແລະ ປະຊາຊົນ​ເຂົ້າ​ຮ່ວມ​ໃນ​ການ​ປະກອບ​ຄວາມ​ຄິດ​ຄວາມ​ເຫັນ​ເພື່ອ​ກໍ່ສ້າງ​ພັກ, ກໍ່ສ້າງ​ອຳນາດ​ການ​ປົກຄອງ. ​ເພີ່ມ​ທະວີ​ການ​ຫັນ​ແຜນ​ນະ​ໂຍບາຍ ມະຕິ​ຂອງ​ພັກ​ເປັນ​ນິຕິ​ກຳ. ​ແກ້​ໄຂບັນດາ​ກໍລະນີຫຍໍ້​ທໍ້ ຄະດີສໍ້ລາດ​ບັງ​ຫຼວງຢ່າງ​ເຄັ່ງ​ຄັດ​ທ່ຽງ​ທຳ; ​ແກ້​ໄຂ​ບັນດາ​ກໍລະນີ​ຮ້ອງ​ຟ້ອງທີ່​ສັບສົນ ​ແກ່ຍາວ​ໃຫ້​ແລ້ວ​ຢ່າງ​ຂາດ​ຕົວ. 

ທີ​ສອງ, ​ຫັນ​ແນວທາງ ​ແຜນ​ນະ​ໂຍບາຍ​ຂອງ​ພັກ​ເປັນ​ນິຕິ​ກຳ​ຢ່າງ​ທັນ​ການ ​ໃຫ້​ເປັນ​ນະ​ໂຍບາຍ ກົດໝາຍ​ທີ່​ສອດຄ່ອງ​ກັບພຶດຕິ​ກຳ ​ແລະ ຕອບ​ສະໜອງ​ຜົນ​ປະ​ໂຫຍ​ດ ຄວາມ​ມຸ່ງ​ມາດ​ປາຖະໜາ​ອັນ​ຊອບ​ທຳ​ຂອງ​ປະຊາຊົນ.

ນີ້​ແມ່ນໜຶ່ງ​ໃນ​ບັນດາ​ທີ່​ສຳຄັນ​ທີ່​ສຸດ, ມັນ​ຮັບປະກັນ​ປະສິດທິ​ຜົນ​ແຫ່ງ​ການ​ນຳພາ​ຂອງ​ພັກ​ໃນ​ພາກ​ຕົວ​ຈິງ. ​ໃນ​ຊຸມ​ປີ​ທີ່​ຜ່ານ​ມາ ພັກ​ກອມ​ມູນິດ​ຫວຽດນາມ​ໄດ້​ເອົາ​ໃຈ​ໃສ່​ຊີ້​ນຳ​ນຳພາ ​ການຫັນ​ບັນດາ​ແຜນ​ນະ​ໂຍບາຍ ມະຕິ​ຂອງ​ພັກ ​ເປັນນະ​ໂຍບາຍ ກົດໝາຍ​ຂອງ​ລັດ. ອາ​ໃສ​ສິ່ງ​ດັ່ງກ່າວ​ນັ້ນ, ​ແຜນ​ນະ​ໂຍບາຍ ຄວາມ​ຕັດສິນ​ຕົກລົງ​ທີ່​ສຳ​ຄັນຫຼາຍ​ຢ່າງ​ຂອງ​ພັກ ຈຶ່ງ​ໄດ້​ຮັບ​ການ​ປະຕິບັດ​ຢ່າງ​ມີ​ປະສິດທິ​ຜົນ​ໃນ​ຊີວິດ​ສັງຄົມ. ​ແຕ່, ​ເອກະສານກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ກໍ​ໄດ້​ພິຈາລະນາ​ຕີ​ລາ​ຄາ​ຢ່າງ​ກົງ​ໄປ​ກົງ​ມາ​ວ່າ: ການ​ຫັນ​ເປັນ​ນິຕິ​ກຳ, ສ້າງ​ໂຄງການ​ດຳ​ເນີນ​ງານ ​ແລະ ຈັດ​ຕັ້ງ​ປະຕິບັດບັນດາ​ມະຕິ ຄຳ​ສັ່ງ ຂໍ້​ກຳນົດ ຂໍ້​ສະຫລຸບ​ຂອງ​ພັກ, ​ໃນ​ນັ້ນ​ມີ​ການ​ຫັນ​ເປັນ​ນິຕິ​ກຳ​ຕໍ່​ແຜນ​ນະ​ໂຍບາຍ ທັດສະນະ​ຂອງ​ພັກ​ກ່ຽວ​ກັບ​ວຽກ​ງານ​ຂົນຂວາຍ​ປະຊາຊົນ ຍັງ​ບໍ່​ທັນ​ທັນ​ການ, ​ເປັນ​ຕົ້ນ​ແມ່ນ​ກົນ​ໄກ “ພັກ​ນຳພາ, ລັດ​ຄຸ້ມ​ຄອງ, ປະຊາຊົນ​ເປັນ​ເຈົ້າ”. ດັ່ງ​ນັ້ນ, ​ໃນ​ເວລາ​ຕໍ່ໜ້າ ຕ້ອງ​ເອົາ​ໃຈ​ໃສ່​​ໃຫ້​ຄວາມສຳຄັນ​ແກ່​ການ​ຫັນ​ເປັນ​ນິຕິ​ກຳ ຫັນ​ເປັນ​ອັນລະອຽດຕໍ່​ບັນດາ​ແຜນ​ນະ​ໂຍບາຍ ມະຕິ ຄຳ​ສັ່ງ ຄວາມ​ຕັດສິນ​ຕົກລົງ​ຂອງ​ພັກ. ​ໃນ​ການ​ກໍ່ສ້າງ​ລະບຽບ​ກົດໝາຍ ນະ​ໂຍບາຍ, ຕ້ອງ​ເຊື່ອມ​ຊືມ ​ແລະ ​ເຂັ້ມ​ງວດ​ໃນ​ການປະຕິບັດຫຼັກການ: ທຸກ​ແຜນ​ນະ​ໂຍບາຍ​ຂອງ​ພັກ, ນະ​ໂຍບາຍ ກົດໝາຍ​ຂອງ​ລັດ​ຕ້ອງ​ຖືກ​ໃຈ​ປະຊາຊົນ, ​ເລີ່​ມຈາກ​ຜົນ​ປະ​ໂຫຍ​ດ ​ແລະ ຄວາມ​ປາຖະໜາ​ອັນ​ຊອບ​ທຳ​ຂອງ​ປະຊາຊົນ. ອາດ​ຈະ​ເຫັນ​ໄດ້​ວ່າ, ບັນດາ​ບັນຫາ​ເຫຼົ່າ​ນີ້​ໄດ້​ມີ​ຢູ່​ໃນ​ເອກະສານ​ຈຳນວນ​ໜຶ່ງ​ຂອງ​ພັກ​ກ່ອນ​ໜ້າ​ນີ້, ​ແຕ່​ເທື່ອ​ນີ້​ມັນ​ໄດ້​ສະ​ແດງ​ອອກ​ດ້ວຍ​ຈິນຕະນາການ ຄວາມ​ຮັບ​ຮູ້​ໃໝ່ ​ແລະ ມັນ​ຮຽກຮ້ອງ​ໃຫ້​ມີ​ຄວາມ​ເຂັ້ມ​ງວດ ​ເຄັ່ງຮ້ອນ​ກວ່າ​ເກົ່າ.

ກົນ​ໄກ “ພັກ​ນຳພາ, ລັດ​ຄຸ້ມ​ຄອງ, ປະຊາຊົນ​ເປັນ​ເຈົ້າ” ​ແມ່ນ​ແບບ​ວິທີ​ການດຳ​ເນີນ​ງານ​ຂອງ​ລະບົບ​ການ​ເມືອງ​ຢູ່​ຫວຽດນາມ, ສະ​ແດງ​ເຖິງ​ລັກສະນະ​ດີ​ເດັ່ນ​​ໃນ​ການ​ພົວພັນພັກ - ລັດ - ປະຊາຊົນ. ​ເພື່ອ​ສືບ​ຕໍ່​ຂັບ​ເຄື່ອນ​ກົນ​ໄກ​ນີ້​ໃນ​ສະພາບ​ການ​ໃໝ່​ ໃຫ້​ບັນລຸ​ປະສິດທິ​ຜົນ​ທີ່​ສູງ​ກວ່າ, ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ໄດ້​ຊີ້​ແຈ້ງວ່າ​ ຕ້ອງ​ສຸມ​ໃສ່​ປະຕິບັດ​ເປັນ​ຢ່າງ​ດີ​ ບັນຫາ​ອັນ​ພື້ນຖານ​ຈຳນວນ​ໜຶ່ງ​ຄື: ທີໜຶ່ງ, ຍູ້​ແຮງ​ການ​ຫັນ​ເປັນ​ນິຕິ​ກຳ ​ແລະ ນຳ​ເອົາ​ບັນດາ​ແນວທາງ​ແຜນ​ນະ​ໂຍບາຍຂອງ​ພັກ​ເຂົ້າ​ໃນ​ຊີວິດ​ສັງຄົມ​ໂດຍ​ໄວ, ​ເປັນ​ຕັ້ນ​ແມ່ນ​ເອກະສານກອງ​ປະຊຸມ​ໃຫຍ່ ຄັ້ງ​ທີ XII. ທີສອງ, ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ທຸກ​ຢ່າງ ​ເພື່ອ​ໃຫ້​ປະຊາຊົນສະ​ແດງ, ປະຕິບັດ​ສິດ​ເປັນ​ເຈົ້າ​ໂດຍ​ກົງ ​ໃນການ​ເຄື່ອນ​ໄຫວ​ຂອງ​ພັກ-ລັດ ​ແລະ ການ​ເຄື່ອນ​ໄຫວ​ສັງຄົມ. ທີສາມ, ສືບ​ຕໍ່​ກໍ່ສ້າງ ​ແລະ ປັບປຸງ​ບູລະນະ ລັດ​ແຫ່ງ​ອຳນາດ​ກົດໝາຍສັງຄົມ​ນິຍົມ ຂອງ​ປະຊາຊົນ ​ໂດຍ​ປະຊາຊົນ ​ເພື່ອ​ປະຊາຊົນ ພາຍ​ໃຕ້​ການ​ນຳພາ​ຂອງ​ພັກ. ຕາມ​ຈິດ​​ໃຈດັ່ງກ່າວ​ນັ້ນ, ​ໃນ​ເວລາ​ທີ່​ຈະ​ເຖິງ​ນີ້ ຕ້ອງ​ສືບ​ຕໍ່​ຫັນ​ເປັນ​ນິຕິ​ກຳ ຫັນ​ເປັນອັນ​ລະອຽດ​ ​ໃຫ້​ບັນດາ​ທັດສະນະ ​ແຜນ​ນະ​ໂຍບາຍ​ໃໝ່​ຂອງ​ພັກກ່ຽວ​ກັບວຽກ​ງານ​ຂົນຂວາຍ​ປະຊາຊົນ ກາຍ​ເປັນ​ບັນດາ​ເອກະສານ​ກົດໝາຍ ​ເພື່ອ​ໃຫ້​ອຳນາດ​ການ​ປົກຄອງ​ຂັ້ນ​ຕ່າງໆ, ພະນັກງານ ສະມາຊິກ​ພັກ ຂ້າ​ລັດຖະການ ລັດຖະກອນ ​ແລະ ປະຊາຊົນ ປະຕິບັດ. ຄົ້ນຄວ້າ​ເພື່ອ​ດັດ​ແປງ ​ເພີ່ມ​ເຕີມ ​ແລະ ບູລະນະ​ບັນດາ​ນະ​ໂຍບາຍອັນ​ລະອຽດ​ກ່ຽວກັບ​ຊົນ​ຊັ້ນ​ກຳມະກອນ, ຊົນ​ຊັ້ນ​ຊາວນາ, ຖັນ​ແຖວ​ປັນຍາ​ຊົນ ນັກທຸລະກິດ ຊາວ​ໜຸ່ມ ​ແມ່ຍິງ ນັກຮົບ​ເກົ່າ ຜູ້​ສູງ​ອາ​ຍຸ. ປະກາດ​ໃຊ້​ບັນດາ​ກົນ​ໄກ ນະ​ໂຍບາຍອຸດ​ໜູນ ຊ່ວຍ​ເຫຼືອຊາວ​ຫວຽດນາມ​ຢູ່​ຕ່າງປະ​ເທດ​ ໃຫ້​ມີ​ຊີວິດ​ຢູ່​ຢ່າງ​ເປັນ​ປົກ​ກະຕິ, ຮັກສາ​ແລະ​ເສີມຂະຫຍາຍ​ເອກະ​ລັກວັດທະນະທຳ​ຂອງ​ຊາດ, ຫັນ​ໜ້າ​ມາ​ຫາ​ບ້ານ​ເກີດ​ເມືອງ​ນອນ ​ແລະ​ປະກອບສ່ວນ​ກໍ່ສ້າງ​ປະ​ເທດ​ຊາດ,...

ທີສາມ, ​ເພີ່ມ​ທະວີ ​ແລະ ປ່ຽນ​ແປງ​ໃໝ່ວຽກ​ງານ​ຂົນຂວາຍ​ປະຊາຊົນ, ຍົກ​ສູງຄຸນ​ນະພາ​ບ ປະສິດທິ​ຜົນວຽກ​ງານ​ຂົນຂວາຍ​ປະຊາຊົນ ຂອງ​ບັນດາ​ອົງການ​ລັດ.

ທ່ານ​ປະທານ​ໂຮ່ຈີ​ມິນ ​ໄດ້​ເອົາ​ໃຈ​ໃສ່​ເປັນ​ພິ​ເສດ​ເຖິງ ບົດບາດ ​ແລະ ​ໜ້າທີ່ຮັບຜິດ​ຊອບຂອງ​ອຳນາດ​ການ​ປົກຄອງ​ ຕໍ່​ກັບວຽກ​ງານ​ຂົນຂວາຍ​ປະຊາຊົນ, ​ເພິ່ນ​ໄດ້​ເນັ້ນ​ວ່າ: ພະນັກງານ​ຂອງ​ອົງການປົກຄອງ​ທັງໝົດ, ພະນັກງານ​ຂອງ​ອົງຄະ​ນະມະ​ຫາ​ຊົນ​ທັງ​ໝົດ ​ແລະ ສະມາຊິກ​ຂອງ​ບັນດາ​ການຈັດ​ຕັ້ງ​ປະຊາຊົນ​ທັງ​ໝົດ (ລຽນ​ຫວຽດ, ຫວຽດມິນ,...) ລ້ວນ​ແຕ່​ຕ້ອງ​ຮັບຜິດຊອບ​ການ​ຂົນຂວາຍ​ປະຊາຊົນ. ​ມະຕິກ​ອງປະຊຸມ​ສູນ​ກາງ​ພັກ​ຄັ້ງ​ທີ 7 ສະ​ໄໝ​ທີ XI ວ່າ​ດ້ວຍວຽກ​ງານ​ຂົນຂວາຍ​ປະຊາຊົນ ​ໄດ້ລະບຸ: ວຽກ​ງານ​ຂົນຂວາຍ​ປະຊາຊົນ​ແມ່ນ​ໜ້າ​ທີ່​ຮັບຜິດຊອບ​ຂອງ​ລະບົບ​ການ​ເມືອງ, ຂອງ​ພະນັກງານ ສະມາ​ຊິກ​ພັກ ຂ້າ​ລັດຖະການ ລັດຖະກອນ, ສະມາຊິກອົງຄະ​ນະມະ​ຫາ​ຊົນ, ພະນັກງານ ນັກຮົບ​ໃນ​ກຳລັງ​ປະກອບ​ອາວຸດ. ​ໃນ​ນັ້ນ, ພັກ​ນຳພາ, ອຳນາດ​ການ​ປົກຄອງ​ເປັນ​ຜູ້​ຈັດ​ຕັ້ງ​ປະຕິບັດ, ​ແນວ​ໂຮມ​ປະ​ເທດ​ຊາດ ອົງຄະ​ນະມະ​ຫາ​ຊົນ​ເປັນ​ເສນາ​ທິການ ​ແລະ ​ເປັນ​ຫຼັກ​ແຫຼ່ງແກ່ນສານ. ຄື​ແນວ​ນັ້ນ​ແມ່ນ, ພາລະ​ບົດບາດ​ປະຕິບັດວຽກ​ງານ​ຂົນຂວາຍ​ປະຊາຊົນຂອງ​ອົງການ​ລັດ, ອຳນາດ​ການ​ປົກຄອງ​ຂັ້ນ​ຕ່າງໆ ຖືກ​ກຳນົດ​ຈະ​ແຈ້ງວ່າ​ ເປັນລະບອບ​ຮັບຜິດຊອບ​ເປັນ​ທາງ​ການ ຫາກ​ບໍ່​ແມ່ນ “ວຽກ​ງານ​ເຮັດ​ຕື່ມ”. ອາດ​ຈະ​ເວົ້າ​ໄດ້​ວ່າ, ການ​ກຳນົດ​ໜ້າ​ທີ່​ຮັບຜິດຊອບ​ການ​ປະຕິບັດວຽກ​ງານ​ຂົນຂວາຍ​ປະຊາຊົນຂອງ​ອົງການ​ລັດ ອຳນາດ​ການ​ປົກຄອງ​ຂັ້ນ​ຕ່າງໆ​ນັ້ນ ບໍ່​ແມ່ນ​ບັນຫາ​ໃໝ່, ​ແຕ່​ມັນ​ໄດ້​ຮັບ​ຮູ້​ຢ່າ​ງຄົບຖ້ວນ ​ເລິກ​ເຊິ່ງກວ່າ​ເກົ່າ.

ຕາມ​ນັ້ນ, ​ເພື່ອ​ປະຕິບັດ​ໜ້າ​ທີ່​ຮັບຜິດຊອບ​ຂອງ​ຕົນ​ໃຫ້​ໄດ້​ເປັນ​ຢ່າງ​ດີ, ອົງການ​ລັດ ອຳນາດ​ການ​ປົກຄ​ອງຂັ້ນ​ຕ່າງໆ ຕ້ອງ​ເຊື່ອມ​ຊືມຢ່າງ​ເລິກ​ເຊິ່ງ​​ແນວທາງ ແຜນ​ນະໂຍບາຍຂອງ​ພັກ, ​ແນວທາງ ກົດໝາຍ​ຂອງ​ລັດ​ ກ່ຽວ​ກັບວຽກ​ງານ​ຂົນຂວາຍ​ປະຊາຊົນ; ​ເປັນ​ເຈົ້າ​ການ​ໃນ​ການວາງ​ໂຄງການ ​ແຜນການ ​ແລະ ຈັດ​ຕັ້ງ​ປະຕິບັດວຽກ​ງານ​ຂົນຂວາຍ​ປະຊາຊົນ ຕິດ​ກັບ​ການ​ປະຕິບັດ​ໜ້າ​ທີ່​ວີ​ຊາ​ສະ​ເພາະ; ​ເຊີດ​ຊູ​ບົດບາດ ຄວາມ​ຮັບຜິດຊອບ​ຂອງ​ຜູ້​ເປັນ​ຫົວໜ້າ. ຍູ້​ແຮງ​ວຽກ​ງານ​ໂຄສະ​ນະ​ອົບຮົມ​ຄວາມ​ຮູ້​ກ່ຽວ​ກັບວຽກ​ງານ​ຂົນຂວາຍ​ປະຊາຊົນ. ສືບ​ຕໍ່​ກວດຄືນ ​ດັດ​ແປງ ​ເພີ່ມ​ເຕີມ​ລະບົບ​ກົດໝາຍ​ທີ່​ມີ​ຄວາມ​ພົວພັນ​ເຖິງສິດທິ​ມະນຸດ, ສິດ​ແລະ​ພັນທະ​ຂອງ​ພົນລະ​ເມືອງ ທີ່​ສອດຄ່ອງ​ກັບ​ລັດຖະທຳ​ມະນູນ​ປີ 2013. ຍູ້​ແຮງ​ປະຊາທິປະ​ໄຕ ​ເປີດ​ເຜີ​ຍ ​ໂປ່​ງ​ໃສ ​ໃນ​ການ​ເຄື່ອນ​ໄຫວຄຸ້ມ​ຄອງ​ບໍລິຫານ ຈັດການ​ວຽກ​ງານ. ສຸມ​ໃສ່​ແກ້​ໄຂ​ຄວາມ​ຮຽກຮ້ອງ ຂໍ້​ສະ​ເໜີ​ທີ່ຊອບ​ທຳ​ຂອງ​ປະຊາຊົນ​​ໃຫ້​ໄດ້​ຢ່າງ​ທັນ​ການ. ຜັນ​ຂະຫຍາຍ​ປະຕິບັດ​ຢ່າງ​ມີ​ປະສິດທິ​ຜົນ ແຜນ​ແມ່​ບົດ​ສັງ​ລວມກ່ຽວ​ກັບ​ການ​ປະຕິ​ຮູບ​ການ​ບໍລິຫານ​ແຫ່ງ​ລັດ​ໄລຍະ2011 - 2020, ​ໃນ​ນັ້ນ​ສຸມ​ໃສ່​ກໍ່ສ້າງ ບູລະນະ​ບັນດາ​ຂໍ້​ກຳ​ນົດກົດໝາຍ​ກ່ຽວ​ກັບ​ຄວາມ​ພົວພັນ​ລະຫວ່າງ​ລັດ ​ແລະ ປະຊາຊົນ (ຈຸດ​ໜັກ​ແມ່ນ​ຮັບປະກັນ​ເສີມ​ຂະຫຍາຍ​ສິດ​ເປັນ​ເຈົ້າ​ຂອງ​ປະຊາຊົນ, ​ເກັບ​ກຳ​ເອົາ​ຄວາມ​ເຫັນ​ຂ​ອງ​ປະຊາຊົນກ່ອນ​ເມື່ອ​ວາງ​ກຳນົດ​ຕົກລົງ​ປະກາດ​ໃຊ້​ບັນດາ​ແຜນ​ນະ​ໂຍບາຍ ນະ​ໂຍບາຍ​ທີ່​ສຳຄັນ) ​ແລະ ສິດ​ຕິດ​ຕາມ​ກວດກາ​ຂອງ​ປະຊາຊົນ​ຕໍ່​ກັບ​ການ​ເຄື່ອນ​ໄຫວຂອງ​ອົງການ​ບໍລິຫານ​ລັດ.

​ເພີ່ມ​ທະວີ​ການ​ອົບຮົມ​ສຶກສາ​ຄຸນສົມບັດ​ການ​ງານ, ຍົກ​ສູງ​ນ້ຳ​ໃຈ​ຮັບຜິດຊອບ, ສະຕິ​ຮັບ​ໃຊ້​ປະຊາຊົນ​ໃຫ້​ຖັນ​ແຖວ​ພະນັກງານ ຂ້າ​ລັດຖະການ ລັດຖະກອນ; ກໍ່ສ້າງ ປັບປຸງ​ຖັນ​ແຖວ​ພະນັກງານ ຂ້າ​ລັດຖະການ​ ໃຫ້​ເປັນ​ຜູ້​ຮັບ​ໃຊ້​ທີ່​​ແທ້ຈິ​ງ​ໃຫ້​ແກ່​ປະຊາຊົນ, ຮັບ​ຟັງ​ຄວາມ​ຄິດ​ຄວາມ​ເຫັນ​ຂອງ​ປະຊາຊົນ, ປະຕິບັດ​ໜ້າ​ທີ່​ເພື່ອປະຊາຊົນ, ​ແນ​ໃສ່​​ເຮັດໃຫ້​ແບບ​ແຜນ​ເຮັດ​ວຽກ​ຂອງ​ຖັນ​​ແຖວ​ພະນັກງານ ຂ້າ​ລັດຖະການ ລັດຖະກອນ ມີ​ການຫັນປ່ຽນ​ຢ່າງ​ແຂງ​ແຮງ. ​ເພີ່ມ​ທະວີ​ວຽກ​ງານ​ກວດກາ, ກວດ​ລັດຖະການ​ການ​ງານ, ​ແກ້​ໄຂ​ປະຕິບັດ​ວິ​ໄນ​ຢ່າງ​ເຂັ້ມ​ງວດ​ ຕໍ່​ພະນັກງານ ຂ້າ​ລັດຖະການ ຜູ້​ທີ່​ມີ​ການ​ກະທຳ​ລ່ວງ​ອຳນາດ, ສໍ້​ລາດ​ບັງ​ຫຼວງ, ຟຸມ​ເຟືອຍ, ກໍ່​ຄວາມ​ຫຍຸ້ງ​ເຫ​ຍີງລຳ​ຄານ​ໃຈ​ໃຫ້​ປະຊາຊົນ, ລະ​ເມີ​ດສິດ​ແລະ​ຜົນ​ປະ​ໂຫຍ​ດອັນ​ຊອບ​ທຳ​ຂ​ອງ​ປະຊາຊົນ.

​ເອກະສານກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ກໍ​ໄດ້​ວາງ​ໜ້າ​ທີ່​ແລະວິທີ​ແກ້ຈຳນວນ​ໜຶ່ງຄື​ທີ່​ໄດ້ຂຽນ​​ໄວ້ຢູ່​ໃນ​ບາງ​ເອກະສານ​ກອງ​ປະຊຸມ​ສູນ​ກາງ​ພັກທີ່​ຜ່ານ​ມາ​ມໍ່​ນີ້, ​ແຕ່​ນີ້​ເປັນ​ຄັ້ງ​ທຳ​ອິດ, ທີ່​ເອກະສາ​ນກອງ​ປະຊຸມ​ໃຫຍ່​ໄດ້​ກຳນົດ​ບັນດາ​ເນື້ອ​ໃນ​ໃໝ່​ຄື ຮຽກຮ້ອງ​ໃຫ້​ຖັນ​ແຖວ​ພະນັກງານ ສະມາຊິກ​ພັກ​ຕ້ອງ​ເຊື່ອ​ໃຈ​ປະຊາຊົນ, ນັບຖື​ປະຊາຊົນ, ຕິດ​ແທດ​ກັບ​ປະຊາຊົນ, ​ເຂົ້າ​ໃຈ​ປະຊາຊົນ, ຮ່ຳຮຽນ​ນຳ​ປະຊາຊົນ, ອີງ​ໃສ່​ປະຊາຊົນ, ມີ​ຄວາມ​ຮັບຜິດຊອບ​ຕໍ່​ປະຊາຊົນ​ ຢ່າງ​ແທ້​ຈິງ; ​ແກ້​ໄຂ​ຢ່າງ​ທັນ​ການ​ຄວາມ​ຮຽກຮ້ອງ​ ຂໍ້​ສະ​ເໜີ​ທີ່​ຊອບທຳ​ຂອງ​ປະຊາຊົນ ​ແລະ ຄວາມ​ຮ້ອງທຸກ ຮ້ອງ​ຟ້ອງ​ຂອງ​ພົນລະ​ເມືອງ; ​ເອົາ​ໃຈ​ໃສ່​ອົບຮົມ​ສຶກສາ ບຳລຸງ​ກໍ່ສ້າງ​ຖັນ​ແຖວ​ພະນັກງານ​ຂົນ​ຂວາຍ​ປະຊາຊົນ,... ​ໃນ​ໄລຍະ​ປະຈຸ​ບັນ ກໍ່​ຄື​ໃນ​ເວລາ​ທີ່​ຈະ​ມາ​ເຖິງ, ບັນດາບັນຫາ​ເຫຼົ່າ​ນີ​ເປັນ​ບັນຫາ​ທີ່​ສຳຄັນ​ທີ່​ສຸດ ​ເຊິ່ງບັນດາ​ອົງຄະ​ນະ​ພັກ ອຳນາດ​ການ​ປົກຄອງຕ້ອງ​ເອົາ​ໃຈ​ໃສ່​ຊີ້​ນຳ​ນຳພາ ຈັດ​ຕັ້ງ​ປະຕິບັດ​ຢ່າງ​ເຂັ້ມ​ງວດ ມີ​ປະສິດທິ​ຜົນ ​ເພື່ອ​ປະກອບສ່ວນສືບ​ຕໍ່​ປະຕິບັດມະຕິ​ກອງ​ປະຊຸມ​ສູນ​ກາງ​ພັກ ຄັ້ງ​ທີ 4 ສະ​ໄໝ​ທີ XI ວ່າ​ດ້ວຍ “ບາງ​ບັນຫາ​ອັນ​ຮີບ​ດ່ວນ​ກ່ຽວ​ກັບ​ການ​ກໍ່ສ້າງ​ພັກ​ໃນ​ປະຈຸ​ບັນ”.

​ໂດຍ​ຮັບ​ເອົາ​ສິ່ງ​ຍ​ອດຍິ່ງ​ແຫ່ງ​ແນວ​ຄິດ​ກ່ຽວ​ກັບ​ການ​ຂົນຂວາຍ​ປະຊາຊົນ​ຂອງ​ທ່າ​ນປະທາ​ໂຮ່ຈີ​ມິນ, ພັກ​ກອມ​ມູນິດ​ຫວຽດນາມ​ໄດ້​ກຳນົດ​ຢ່າງ​ຈະ​ແຈ້ງ: ວຽກ​ງານ​ຂົນຂວາຍ​ປະຊາຊົນ​ເປັນໜຶ່ງ​ໃນ​ບັນດາ​ຂົງ​ເຂດ​ທີ່​ສຳຄັນ​ຂອງ​ວຽກ​ງານ​ກໍ່ສ້າງ​ພັກ, ​ເປັນ​ໜ້າ​ທີ່​ທີ່​ມີ​ຄວາມ​ໝາຍ​ຍຸດ​ທະ​ສາດຕໍ່​ກັບ​ພາລະກິດ​ປະຕິວັດ​ທັງ​ໝົດ​ຂອງ​ປະ​ເທດ, ​ເປັນ​ເງື່ອນ​ໄຂ​ທີ່​ຮັບປະກັນ​ໃຫ້​ແກ່​ການ​ນຳພາ​ຂອງ​ພັກ, ປັບປຸງ ​ເພີ່ມ​ທະວີ​ຄວາມ​ພົວພັນ​ແບບ​ເລືອດ​ເນື້ອ​ລະຫວ່າ​ງພັ​ກ, ລັດ ​ກັບ​ປະຊາຊົນ. ​ໃນ​ເອກະສານກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ, ວຽກ​ງານ​ຂົນຂວາຍ​ປະຊາຊົນ​ໄດ້​ມີ​ບັນດາ​ເນື້ອ​ໃນ​ທີ່​ພື້ນຖານ​ມີ່​ສຸດ ​ເຊິ່ງສະ​ແດງ​ໃຫ້​ເຫັນ​ເຖິງ​ຈິນຕະນາການ​ໃໝ່, ຄວາມ​ຮັບ​ຮູ້​ໃໝ່​ກ່ຽວ​ກັບວຽກ​ງານ​ຂົນຂວາຍ​ປະຊາຊົນຂອງ​ພັກ ​ໃນ​ສະ​​ໄໝ​ແຫ່ງ​ການ​ຍູ້​ແຮງ​ການ​ປ່ຽນ​ແປງ​ໃໝ່, ຫັນ​ເປັນ​ອຸດສາຫະກຳ ທັນ​ສະ​​ໄໝ ​ແລະ ​ເຊື່ອມ​ໂຍງ​ສາກົນ​ຢ່າງ​ກວ້າງຂວາງ​ເລິກ​ເຊິ່ງ. ຄະນະ​ຂົນຂວາຍ​ປະຊາຊົນສູນ​ກາງ ​ແລະ ລະ​ບົນຂົນຂວາຍ​ປະຊາຊົນຂັ້ນ​ຕ່າງ​ຕ່າງໆ ຕ້ອງ​ກໍ່ສ້າງ, ຈັດ​ຕັ້ງປະຕິບັດ​ໂຄງການດຳ​ເນີນ​ງານ​ປະຕິບັດມະຕິ​ກອງ​ປະຊຸມ​ໃຫຍ່ ຄັ້ງ​ທີ XII ຂອງ​ພັກ​ກ່ຽວ​ກັບວຽກ​ງານ​ຂົນຂວາຍ​ປະຊາຊົນ, ​ໃນ​ນັ້ນ, ສຸມ​ໃສ່​ຍົກ​ສູງ​ຄຸນ​ນະພາ​ບການ​ຄົ້ນຄວ້າ​ ເປັນ​ເສນາ​ທິການ​ໃຫ້​ຄະນະ​ບໍລິຫານ​ງານ​ສູນ​ກາງ, ກົມ​ການ​ເມືອງ, ຄະນະ​ເລຂາ​ທິການ ​ແລະ ຄະນະ​ພັກ​ຂັ້ນ​ຕ່າງໆ ​ໃນ​ການ​ຜັນ​ຂະຫຍາຍ​ປະຕິບັດຢ່າງ​ຄົບ​ຊຸດບັນດາ​ຈຸດໝາຍ ໜ້າ​ທີ່ທີ່​ໄດ້​ກຳນົດ​ໄວ້​ໃນ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ XII ຂອງ​ພັກ, ​ເພື່ອ​ແນ​ໃສ່​ສ້າງ​ໃຫ້​ມີ​ການ​ຫັນປ່ຽນ​ໃໝ່, ​ແທດ​ຈິງ, ມີ​ປະສິດທິ​ຜົນ​ກວ່າ​ອີກ ​ໃນ​ຂົງ​ເຂດ​ວຽກ​ງານ​ທີ່​ສຳຄັນ​ນີ້, ປະກອບສ່ວນກໍ່ສ້າງ​ພັກ​ໃຫ້​ສະອາດ​ປອດ​ໃສ ໝັ້ນຄົງ​ເຂັ້ມ​ແຂງ, ສ້າງ​ຄວາມ​ເຊື່ອ​ຖື​ຮັກ​ແພງ​ຂອງ​ປະຊາຊົນ​ຕໍ່​ກັບ​ພັກ./.

​ໂດຍ​ທ່ານ​ນາງ ​ເຈືອງ​ທີ້ມາຍ

ກຳມະການ​ກົມ​ການ​ເມືອງ, ​ເລຂາທິການ​ສູນ​ກາງ​ພັກ

ຫົວໜ້າຄະນະຂົນຂວາຍ​ປະຊາຊົນສູນ​ກາງ

---------------------

ບົດ​ນີ້​ໄດ້​ລົງ​ພີ​ມ​ໃນ​ວາລະສານ​ກອມ​ມູນິດ ສະບັບ​ທີ 886 (​ເດືອນ​ສິງຫາ 2016)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ