ວັນສຸກ, 20/7/2018
ຍົກສູງປະສິດທິຜົນຂອງວຽກງານວາງແຜນກຳນົດພະນັກງານ ແລະຜັດປ່ຽນພະນັກງານໃນປະຈຸບັນ
22/4/2018 15:26' ສົ່ງ ພິມ
ພາບປະກອບ (ພາບ: baogiaothong.vn)

ເລີ່​ມຈາກບົດບາດ, ທີ່​ຕັ້ງ​ທີ່​ສຳຄັນ​ຂອງວຽກ​ງານ​ວາງ​ແຜນ​ກຳນົດ​ພະນັກງານ ​ແລະ​ຜັດປ່ຽນ​ພະນັກງານ, ຄະນະ​ບໍລິຫານ​ງານ​ສູນ​ກາງພັກ, ກົມ​ການ​ເມື​ອງ, ຄະນະ​ເລຂາທິການສູນ​ກາງ​ພັກ​ສະ​ໄໝຕ່າງໆ​ໄດ້​ມີ​ຫຼາຍມະຕິ, ຄຳ​ສັ່ງ, ຂໍ້​ກຳນົດ, ຂໍ້​ຕົກລົງ, ຂໍ້​ສະຫຼຸບ​ ກ່ຽວ​ກັບວຽກ​ງານ​ວາງ​ແຜນ​ກຳນົດ​ພະນັກງານ ​ແລະ​ຜັດປ່ຽນ​ພະນັກງານ, ​ເຊັ່ນ ມະຕິ​ເລກທີ 03-NQ/TW, ວັນ​ທີ 18 ມິ​ຖຸ​ນາ 1997, ຂອງຄະນະ​ບໍລິຫານ​ງານ​ສູນ​ກາງ ສະ​ໄໝ​ທີ VIII ກ່ຽວ​ກັບ “ຍຸ​ດທະ​ສາດ​ພະນັກງານ​ໃນ​ສະ​ໄໝ​ແຫ່ງ​ການ​ຍູ້​ແຮງ​ການ​ຫັນ​ປະ​ເທດເປັນ​ອຸດສາຫະກຳ ທັນ​ສະ​ໄໝ”; ມະຕິ​ເລກທີ 11-NQ/TW, ວັນ​ທີ 25 ມັງກອນ 2002, ຂອງ​ກົມ​ການ​ເມືອງ​ສະ​ໄໝ​ທີ IX ກ່ຽວ​ກັບ ການ​ຜັດປ່ຽນ​ພະນັກງານນຳພາ, ຄຸ້ມ​ຄອງ​ຂັ້ນ​ຕ່າງໆ”; ມະຕິ​ເລກທີ 42-NQ/TW, ວັນ​ທີ 30 ພະຈິກ 2004, ກ່ຽວ​ກັບ “ວຽກ​ງານ​ວາງ​ແຜນ​ກຳນົດ​ພະນັກງານນຳພາ, ຄຸ້ມ​ຄອງ​ໃນ​ສະ​ໄໝ​ແຫ່ງ​ການຍູ້​ແຮງ​ການ​ຫັນປະ​ເທດ​ເປັນ​ອຸດສາຫະກຳ ທັນ​ສະ​ໄໝ; ບົດ​ສະ​ຫຼຸບ​ເລກທີ 37-KL/TW, ວັນ​ທີ 2 ກຸມພາ 2009 (ສະ​ໄໝ​ທີ X) ກ່ຽວ​ກັບ “ສືບ​ຕໍ່​ຍູ້​ແຮງ​ຍຸດ​ທະ​ສາດ​ພະນັກງານ​ໃນ​ສະ​ໄໝ​ແຫ່ງ​ການ​ຍູ້​ແຮງ​ການ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝ”; ມະຕິ​ເລກທີ 12-NQ/TW, ວັນ​ທີ 16 ມັງກອນ 2012, ຂອງຄະນະ​ບໍລິຫານ​ງານ​ສູນ​ກາງພັກ ສະ​ໄໝ​ທີ XI ກ່ຽວ​ກັບ “ບາງ​ບັນຫາ​ຮີບ​ດ່ວນ​ກ່ຽວ​ກັບ​ການ​ກໍ່ສ້າງ​ພັກ​ໃນ​ປະຈຸ​ບັນ” ​ແລະ​ບົດ​ສະຫຼຸບ​ເລກທີ 24-KL/TW, ວັນ​ທີ 5 ມິຖຸນາ 2012, ຂອງ​ກົມ​ການ​ເມືອງ​ສູນ​ກາງ​ພັກ​ ສະ​ໄໝ​ທີ XI ກ່ຽວ​ກັບ “ສືບ​ຕໍ່​ຍູ້​ແຮງວຽກ​ງານ​ວາງ​ແຜນ​ກຳນົດ​ ແລະຜັດປ່ຽນ​ພະນັກງານ​ນຳພາ, ຄຸ້ມ​ຄອງ​ຮອດ​ປີ 2020 ​ແລະ​ໃນ​ຊຸມ​ປີ​ຕໍ່​ໄປ.

ເພື່ອປະຕິບັດ​ບັນດາ​ມະຕິ, ຂໍ້​ສະຫຼຸບ​ຂອງຄະນະ​ບໍລິຫານ​ງານ​ສູນ​ກາງ ​ແລະ​ກົມ​ການ​ເມືອງ​ຊຸດ​ຕ່າງໆ ກ່ຽວ​ກັບວຽກ​ງານ​ວາງ​ແຜນ​ກຳນົດ​ພະນັກງານ ​ແລະ​ຜັດປ່ຽນ​ພະນັກງານ, ຄະນະ​ຈັດ​ຕັ້ງ​ສູນ​ກາງ​ໄດ້​ປະກາດ​ໃຊ້ບົດ​ແນະນຳ​ເລກທີ 06-HD/BTCTW, ວັນ​ທີ 2 ​ເມສາ 2002, ບົດ​ແນະນຳ​ເລກທີ 47-HD/BTCTW, ວັນ​ທີ 24 ພຶດສະພາ 2005, ບົດ​ແນະນຳ​ເລກທີ 50-HD/BTCTW, ວັນ​ທີ  6 ກໍລະກົດ 2005, ບົດ​ແນະນຳ​ເລກທີ 22-HD/BTCTW, ວັນ​ທີ 21 ຕຸລາ 2008, ບົດ​ແນະນຳ​ເລກທີ 15-HD/BTCTW, ວັນ​ທີ 5 ພະຈິກ 2012, ກ່ຽວກັບ ວຽກ​ງານ​ວາງ​ແຜນ​ກຳນົດ​ພະນັກງານນຳພາ​ຄຸ້ມ​ຄອງ​ໃນ​ສະ​ໄໝ​ແຫ່ງ​ການ​ຍູ້​ແຮງ​ການ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝ” ​ແລະ​ໃນ​ມໍ່ໆ​ນີ້​ແມ່ນ ບົດ​​ແນະນຳ​ເລ​ທີ 06-HD/BTCTW, ວັນ​ທີ 24 ກຸ​ມພາ 2017, ວ່າ​ດ້ວຍການ​ດັດ​ແປງ, ປັບປຸງ​ເພີ່ມ​ເຕີນ​ບາງ​ເນື້ອ​ໃນ​ກ່ຽວ​ກັບວຽກ​ງານ​ວາງ​ແຜນ​ກຳນົດ​ພະນັກງານນຳພາ​ຄຸ້ມ​ຄອງ.

ເປົ້າ​ໝາຍ​ຂອງວຽກ​ງານ​ວາງ​ແຜນ​ກຳນົດ​ແລະ​ຜັດປ່ຽນ​ພະນັກງານ

ານ​ວາງ​ແຜນ​ກຳນົດ​ແມ່ນ​ພື້ນຖານ​ຂອງ​ວຽກ​ງານ​ພະນັກງານ, ການ​ຜັດປ່ຽນ​ແມ່ນ​ຂອດ​ບຸກທະລຸ​ຂອງ​ວຽກ​ງານ​ພະນັກງານ. ​ເພາະສະ​ນັ້ນ, ວຽກ​ງານ​ວາງ​​ແຜນກຳນົດ​ພະນັກງານ, ຜັດປ່ຽນ​ພະນັກງານ​ຕ້ອງ​ຮັບປະກັນ​ບັນດາ​ເປົ້າ​ໝາຍ ​ແລະ​ບັນດາ​ຄວາມ​ຮຽກຮ້ອງ​ຕ້ອງການ ​ແນ​ໃສ່​ຮັບປະກັນ​ແຫຼ່ງພະນັກງານທີ່​ມີ​ຄຸນສົມບັດ​ສິນ​ທຳ, ມີ​ຄວາມ​ສາມາດ​ຢ່າງ​ພຽງພໍສຳລັບ​ໄລຍະ​ປະຈຸ​ບັນ ​ແລະ​ໃນ​ຊຸມ​ປີ​ຕໍ່​ໄປ.

ວຽກ​ງານ​ວາງ​ແຜນ​ກຳນົດພະນັກງານ​ແນ​ໃສ່​ມຸ່ງ​ໄປ​ສູ່​ບັນ​ກາ​ເປົ້າ​ໝາຍ​ພື້ນຖານ:

ທີ​ໜຶ່ງ, ສ້າງ​ຄວາມ​ເປັນ​ເຈົ້າ​ການ, ມີ​ວິ​ໄສ​ທັດຍຸ​ທະ​ສາດ​ໃນ​ວຽກ​ງານ​ພະນັກງານ; ​ແກ້​ໄຂ​ຜ່ານ​ຜ່າ​ສະພາບ​ການຂາດ​ແຄນ​ໃນ​ຖັນ​ແຖວ​ພະນັກງານ​ນຳພາ ຄຸ້ມ​ຄອງ; ຮັບປະກັນ​ລັກສະນະ​ສືບ​ທອດ, ພັດທະນາ ​ແລະ ການ​ປ່ຽນ​ແທນ​ຢ່າງ​ຕໍ່​ເນື່ອງ, ໝັ້ນຄົງ​ລະຫວ່າງ​ບັນດາ​ຮຸ່ນ​ພະນັກງານ, ຮັກສາ​ຄວາມ​ສາມັກຄີ​ພາຍ​ໃນ ​ແລະ ສະຖຽນ​ລະ​ພາບ​ທາງ​ການ​ເມືອງ.

ທີ​ສອງ, ການ​ກະ​ກຽມຈາກ​ໄກ ​ແລະສ້າງ​ແຫຼ່ງພະນັກງານ​ຈຳນວນ​ຫຼາຍ ​​ເປັນພື້ນຖານ​​​ເພື່ອ​ຝຶກ​ອົບຮົມ, ບຳລຸງ​ສ້າງ​ຖັນ​ແຖວ​ພະນັກງານ​ດຳທີ່ລົງ​ຕຳ​ແໜ່​ງນຳພາ, ຄຸ້ມ​ຄອງບໍລິຫານ​ຂັ້ນ​ຕ່າງໆ ທີ່​ມີ​ຄວາມ​ໜັກ​ແໜ້ນ​ທາງ​ການ​ເມືອງ, ມີ​ຄຸນສົມບັດ​ສິນ​ທຳ​ຜ່ອງ​ໃສ, ມີ​ຄວາມຊຳນານ​ທາງ​ດ້ານ​ວິຊາ​ສະ​ເພາະ, ມີ​ລະດັບ​ຄວາມ​ຮູ້​ແລະ​ຄວາມ​ສາມາດ, ​ໂດຍ​ສະ​ເພາະ​ແມ່ນ​ ມີ​ຄວາມ​ສາມາດ​ດ້ານ​ວິຊາ​ສະ​ເພາະ​ແລະ​ພຶດຕິ​ກຳທີ່​ດີ, ມີ​ຈຳນວນ​ພຽງພໍ​ແລະ​ຄົບ​ຊຸດ​ທາງ​ດ້ານ​ໂຄງ​ປະກອບ, ຕອບ​ສະໜອງ​ໄດ້​ກັບ​ຄວາມ​ຕ້ອງການ​ຂອງ​ພາລະກິດ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝ.

​ເປົ້າ​ໝາຍ​ຂອງ​ວຽກ​ງານ​ຜັດປ່ຽນ​ພະນັກງານ​ແມ່ນ​ເພື່ອ​ຝຶກ​ອົບຮົມ, ບຳລຸງ​ສ້າງ​ພະນັກງານທີ່​ພັດທະນາ​ຢ່າງຮອບດ້ານ, ຕອບ​ສະໜອງ​ຄວາມ​ຕ້ອງການ​ຂອງ​ພາລະກິດ​ຫັນ​ປະ​ເທດ​ເປັນ​ອຸດສາຫະກຳ ທັມສະ​ໄໝ. ການ​ຜັນ​ປ່ຽນ​ພະນັກງານ​ແນ​ໃສ່​ຝຶກ​ຝົນ, ກວດກາ ​ແລະ ທົດ​ສອບພະນັກງານ​ເພື່ອ​ເປັນ​ພື້ນຖານ​ໃຫ້​ແກ່​ການຈັດ​ວາງ, ສັບ​ຊ້ອນ ​ແລະ​ນຳ​ໃຊ້​ພະນັກງານນຳພາ, ຄຸ້ມ​ຄອງຕາມ​ແຜນ​ກຳນົດ; ສ້າງ​ເງື່ອນ​ໄຂ​ໃຫ້​ພະນັກງານ​ຫຼັງຈາກ​ສິ້ນ​ສຸດ​ໄລ​ບະ​ເວລາຜັດປ່ຽນ​ເປັນ​ຜູ້ນຳ​ພາຄຸ້ມຄອງ ກໍ່​ໄດ້ຍົກຍ້າຍ​ໄປ​ເຮັດ​ວຽກ​ງານ​ໃໝ່ທີ່ສອດຄ່ອງ​ກັບ​ຄວາມ​ສາມາດ ແລະພອນ​ສະຫວັນຂອງ​ພະນັກງານ; ​ແກ້​ໄຂ​ຜ່ານ​ຜ່າ​ຈິນຕະນາການ​ອັດ​ແຈບ, ພາກສ່ວນ​ທ້ອງ​ຖິ່ນ​ໃນ​ວຽກ​ງານ​ພະນັກງານ​ປະຈຸ​ບັນ, ສ້າງ​ກຳລັງ​ໜູນ​ແລະ​ຄວາມ​ປະດິດ​ສ້າງ​ໃໝ່​ໃນ​ຖັນ​ແຖວ​ພະນັກງານ, ປະກອບສ່ວນ​ກະກຽມ​ຖັນ​ແຖວ​ພະນັກງານ​ໃນ​ໄລຍະ​ຍາວ, ຮັບປະກັນ​ໃຫ້​ພາລະກິດ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝບັນລຸ​ຜົນສຳ​ເລັດ.

ວຽກ​ງານ​ຜັດປ່ຽນ​ພະນັກງານ​ຜ່ານ​ການ​ປະຕິບັດ​ງານ​ຕົວ​ຈິງ​ເຮັດ​​ໃຫ້​ພະນັກງານ “​ເຂົ້າ​ໃຈ​ແຈ້ງ” ສະພາບ​ການ, ​ເຫັນ​ໄດ້​ ວ່າ​ບັນດາ​ແຜນ​ນະ​ໂຍບາຍ, ນະ​ໂຍບາຍ​ຂອງ​ຂອງ​ພັກ​ແລະ​ລັດ​ເໝາະ​ສົມກັບ​ຄວາມ​ເປັນ​ຈິງ​ຫຼື​ບໍ່, ຄວນ​ເພີ່ມ​ເຕີມ, ດັດ​ແປງ​ຂອດ​ໃດ, ວຽກ​​ໃດ. ການ​ຜັດປ່ຽນ​ພະນັກງານຈະ​ປະກອບສ່ວນ​ແກ້​ໄຂ​ຜ່ານ​ຜ່າສະພາບ​ການ​ພະນັກງານ​ຂັ້ນ​ເທິງ “ພຽງ​ແຕ່​ຮູ້ເບິ່ງ​ລົງຈາກຂ້າງ​ເທິງ”, ສ່ວນ​ພະນັກງານ​ຢູ່​ທ້ອງ​ຖິ່ນ “ພຽງ​ແຕ່​ຮູ້​ເບິ່ງ​ຈາກ​ລຸ່ມ​ຂຶ້ນ”. ສອງ​ວິທີ “​ເບິ່ງນັ້ນ”, ຕາມ​ທ່ານ​ປະທານ​ ​ໂຮ່ຈີ​ມິນ, ລ້ວນ​ແຕ່​ມີ​ຂໍ້​ຈຳກັດ. ການ​ຜັດປ່ຽນ​ພະນັກງານ​ແມ່ນ​ເພື່ອ​ສົມທົບ​ບົດຮຽນ​ຂອງ​ທັງ​ສອງ​ຂັ້ນ, ລຸ່ມ ​ແລະ ​ເທິງ ພ້ອມ​ກັນ​ເຂົ້າ​ໃຈ​ແຈ້ງ​ສະພາບ​ການ, ຮ່ວມ​ຈິດ​ຮ່ວມ​ໃຈ, ຮ່ວມ​ແຮງ​ໃນ​ການວາງ​ແຜນ​ນະ​ໂຍບາຍ, ມາດ​ຕະການ, ​ເປັນ​ເອກະ​ພາບ​ໃນ​ການ​ກະທຳ​ຊຸກຍູ້​ຂະ​ບວນການ​ໃຫ້​ກ້າວ​ຂຶ້ນ.

ບັນດາ​ຄວາມ​ຮຽກຮ້ອງ​ຕ້ອງການ​ທີ່​ວາງ​ອອກ​ມາ​ສຳລັບວຽກ​ງານ​ວາງ​ແຜນ​ກຳນົດພະນັກງານ

ທີ​ໜຶ່ງ, ວຽກ​ງານ​ວາງ​ແຜນ​ກຳນົດພະນັກງານຕ້ອງ​ຮັບປະກັນ​ລັກສະນະ “​ເປີດ” ​ແລະ “​ໄຫວ”, ​ເປີດ​ກວ້າງ​ປະຊາທິປະ​ໄຕ ​ແລະ​ເປີດ​ເຜີຍ, ບໍ່​ອັດ​ແຈບ. ແຜນ​ກຳນົດ “​ເປີດ” ​ແມ່ນ​ຕຳ​ແໜ່​ງງານ​ໜຶ່ງ​ອາດ​ຈະ​ຈັດ​ບາງ​ຄົນ​ເຂົ້າ​ໃນ​ແຜນ​ກຳນົດ ​ແລະ ພະນັກງານຜູ້​ໜຶ່ງອາດ​ຈະ​ໄດ້​ຈັດ​ເຂົ້າ​ໃນ​ບາງ​ຕຳ​ແໜ່​ງງານ; ການ​ແນະນຳ​ພະນັກງານເຂົ້າ​ໃນແຜນ​ກຳນົດບໍ່ອັດ​ແຈບ​ຢູ່​ໃນ​ທ້ອງ​ຖິ່ນ​ໜຶ່ງ, ສຳນັກງານ​ອົງການ​ໜຶ່ງ, ກົມກອງ​ໜຶ່ງ ​ແລະ ຮັບປະກັນ​ໃຫ້​ພະນັກງານມີ​ຄົບ​ມາດຕະຖານ, ​ເງື່ອນ​ໄຂ, ​ແງ່​ຫວັງ ຮັບຜິດຊອບ​ຕຳ​ແໜ່​ງງານ​ໃນ​ແຜນ​ກຳນົດ​ຢູ່​ທ້ອງ​ຖິ່ນ, ສຳນັກງານ​ອົງການ, ກົມ​ກອງ​ອື່ນ. ແຜນ​ກຳນົດ “​ໄຫວ” ​ແມ່ນແຜນກຳນົດ​ທີ່ໄດ້​ກວດຄືນ​ຢ່າງ​ເປັນ​ປະຈຳ, ​ແຕ່ລະ​ປີ ​ແລະ​ມີ​ການ​ເພີ່ມ​ເຕີມ, ດັດສົມ​ແຜນ​ກຳ​ນັດ, ​ເອົາ​ປັດ​ໄຈ​ໃໝ່​ເຂົ້າ​ໃນ​ແຜນ​ກຳນົດ ​ແລະ ​ເອົາ​ຜູ້​ທີ່​ບໍ່​ຕອບ​ສະໜອງ​ໄດ້​ຄວາມ​ຕ້ອງການ​ຂອງ​ສະພາບ​ການ​ໃໝ່​ອອກ​ຈາກ​ແຜນ​ກຳນົດ. ການ​ວາງ​ແຜນກຳນົດ​ພະນັກງານຕ້ອງ​ໄດ້​ດຳ​ເນີນ​ຢ່າງ​ຄົບ​ຊຸດຢູ່​ທັງ​ສີ່​ຂັ້ນ ​ແຕ່​ສູນ​ກາງ​ຮອດ​ຮາກ​ຖານ. ແຜນ​ກຳນົດຂັ້ນ​ລຸ່ມ​ເປັນ​ພື້ນຖານ​ໃຫ້ແຜນ​ກຳນົດຂັ້ນ​ເທິງ, ​ແຜນ​ກຳນົດ​ຂັ້ນ​ເທິງ​ຊຸກຍູ້ ​ແລະ​ສ້າງ​ເງື່ອນ​ໄຂ​ໃຫ້​ແຜນ​ກຳນົດ​ຂັ້ນ​ລຸ່ມ. ແຜນ​ກຳນົດຕ້ອງ​ມີ​ການ​ຕໍ່​ເນື່ອງ​ລະຫວ່າງ​ຂັ້ນ​ລຸ່ມ​ກັບ​ຂັ້ນ​ເທິງ, ລະຫວ່າງ​ທ້ອງ​ຖິ່ນ​ແລະ​ສູນ​ກາງ, ລະຫວ່າງ​ບັນດາ​ຂະ​ແໜງ​ການ, ບັນດາ​ຂົງ​ເຂດ​ການ​ງານ...

ທີ​ສອງ, ແຜນ​ກຳນົດຕ້ອງ​ເຊື່ອມ​ຕິດ​ກັບ​ການ​ຕີ​ລາຄາ​ພະນັກງານ ​ແລະ​ຕ້ອງ​ກຳນົດ​ວ່າ ນີ້​ແມ່ນ​ບັນທັດຖານ​ທີ່​ສຳຄັນ​ພິ​ເສດ. ພະນັກງານ​ທີ່​ເອົາ​ເຂົ້າ​ໃນແຜນ​ກຳນົດຕ້ອງ​ຮັບປະກັນ​ທາງ​ດ້ານຄຸນ​ທາດ​ການ​ເມືອງ, ຄຸນສົມບັດ​ສິນ​ທຳ, ​ແບບ​ແຜນ​ດຳລົງ​ຊີວິດ; ມີ​ຄວາມ​ສາມາດ​ຕົວ​ຈິງ​ຜ່ານ​ຜົນສຳ​ເລັດ​ໃນ​ການ​ງານ; ​ເປັນ​ເຈົ້າ​ການ, ປະດິດ​ສ້າງ; ລະດັບ​ສຳ​ເລັດ​ພາລະໜ້າ​ທີ່ທີ່​ໄດ້​ຮັບ​ມອບ​ໝາຍ; ຄວາມ​ສາມາດ​ສາມັກຄີ, ​ເຕົ້າ​ໂຮມ ລວມສູນ​ພະນັກງານ; ຄວາມ​ສາມາດ​ໃນ​ການ​ຄຸ້ມ​ຄອງ ຈັດ​ຕັ້ງ​ການ​ດຳ​ເນີນ​ງານ; ຄວາມ​ສາມາດ​ຄາດ​ຄະ​ເນ​ສະພາບ​ການ, ​ແກ້​ໄຂ​ກໍລະນີ​ສັບສົນ​ທີ່​ເກີດ​ຂຶ້ນ​ໃນ​ຂະ​ແໜງ​ການ, ຂົງ​ເຂດ, ທ້ອງ​ຖິ່ນ, ກົມ​ກອງ​ທີ່​ຕົນ​ເຮັດ​ວຽກ. ພ້ອມ​ກັນ​ນັ້ນ, ຕ້ອງສະ​ແດງ​ຄວາມ​ໜ້າ​ເຊື່ອ​ຖື​ໂດຍ​ຜ່ານ​ການ​ລົງ​ຄະ​ແນນ​ສຽງ​ໄວ້​ວາງໃຈ ​ແລະ ຜົນ​ການ​ຕີ​ລາຄາ​ພະນັກງານ​ປະຈຳ​ປີ.

ທີ​ສາມ,ານ​ວາງ​ແຜນ​ກຳນົດພະນັກງານນຳພາ, ຄຸ້ມ​ຄອງ​ເລີ່​ມຈາກ​ຄວາມ​ຮຽກຮ້ອງ​ຕ້ອງການ, ໜ້າ​ທີ່​ການ​ເມືອງ ​ແລະ​ຄວາມ​ເປັນ​ຈິງ​ຂອງ​ຖັນ​ແຖວ​ພະນັກງານ; ຕ້ອງ​ເຊື່ອມ​ຕິດ​ກັບ​ຂອດ​ອື່ນ​ໃນ​ວຽກ​ງານ​ພະນັກງານ, ຮັບປະກັນ​ຄວາມ​ຕໍ່​ເນື່ອງແຜນ​ກຳນົດຂອງ​ຖັນ​ແຖວ​ພະນັກງານ​ທັງ​ໝົດ​ໃນ​ລະບົບ​ການ​ເມືອງ. ແຜນ​ກຳນົດຕິດ​ກັບ​ການ​ຝຶກ​ອົບຮົມ, ການບຳລຸງ​ສ້າງ, ການ​ຜັດປ່ຽນ ​ແນ​ໃສ່​ຮັບປະກັນ​ໃຫ້ແຜນ​ກຳນົດມີ​ເງື່ອນ​ໄຂ​ພຽງພໍ​ແລະ​ຄົບ​ຖ້ວນ​ເພື່ອ​ປະຕິບັດ.

ທີ​ສີ່,ານ​ວາງ​ແຜນ​ກຳນົດພະນັກງານນຳພາ, ຄຸ້ມ​ຄອງ​ແນ​ໃສ່ຄົ້ນ​ເຜີຍ​ກ່ອນ​ແຫຼ່ງພະນັກງານ​ໜຸ່ມ​ທີ່​ມີ​ຄຸນສົມບັດ, ມີ​ຄວາມ​ສາມາດ, ມີ​ແງ່​ຫວັງ ພອນ​ສະຫວັນ​ໃນ​ການ​ນຳພາ ຄຸ້ມ​ຄອງ, ​ເພື່ອ​ເອົາ​ເຂົ້າ​ໃນແຜນ​ກຳນົດ ​ເພື່ອ​ຈະ​ມີ​ແຜນການ​ບຳລຸງ​ສ້າງ, ຝຶກ​ອົບຮົມ, ສ້າງ​ແຫຼ່ງ​ໃຫ້​ຕຳ​ແໜ່​ງງານ​ນຳພາ ຄຸ້ມ​ຄອງ, ຕອບ​ສະໜອງ​ໜ້າ​ທີ່​ການ​ເມືອງ​ໃນ​ສະ​ເພາະ​ໜ້າ​ແລະ​ຍາວ​ນານ​ຂອງ​​ແຕ່ລະທ້ອງ​ຖິ່ນ, ສຳນັກງານ​ອົງການ, ກົມ​ກອງ. ຜ່ານ​ນັ້ນ ​ຈະ​ມີ​ແຜນ​ການ​ຝຶກ​ອົບຮົມ, ບຳລຸງ​ສ້າງ, ຜັດປ່ຽນ, ຈັດ​ວາງສັບ​ຊ້ອນ, ນຳ​ໃຊ້ພະນັກງານ​ຈຳນວນ​ນັ້ນ​ຕາມແຜນ​ກຳນົດ.

ທີ​ຫ້າ, ​ເພື່ອ​ໃຫ້ການ​ວາງ​ແຜນ​ກຳນົດພະນັກງານ​ແທດ​ກັບ​ພຶດຕິ​ກຳ, ມີ​ຄວາມ​ສາມາດ​ປະຕິບັດ​ໄດ້, ຫຼີກ​ລ່ຽງພາກສ່ວນ​ນິຍົມ ຍາ​ດພີ່​ນ້ອງ ຊົນ​ເຜົ່າ ​ເຂດ​ພາກ, ​ແມ່ນ​ຕ້ອງ​ອີງ​ໃສ່​ຄວາມ​ຕ້ອງການ​ໜ້າ​ທີ່​ການ​ເມືອງ​ຂອງ​ແຕ່ລະ​ໄລຍະ, ​ແຕ່ລະ​ຂົງ​ເຂດ​ການ​ງານ​ຂອງ​ພະນັກງານ ​ເພື່ອ​ກຳນົດ​ມາດຕະຖານ, ​ໂຄງ​ປະກອບ​ຖັນ​ແຖວ​ພະນັກງານ​ໃນແຜນ​ກຳນົດ; ກຳ​ແໜ້ນ​ຖັນ​ແຖວ​ພະນັກງານ​ທີ່​ມີ​ຢູ່, ຄາດ​ຄະ​ເນ​ຄວາມ​ຕ້ອງການ​ສະ​ເພາະ​ໜ້າ ​ແລະ​ຍາວ​ນານ.

ທີ​ຫົກ, ​ແຜນ​ກຳນົດຕ້ອງ​ຮັບປະກັນ​ໂຄງ​ປະກອບ​ໄວ​ອາຍຸ (3 ​ໄວ), ພະນັກງານ​ແມ່ຍິງ, ພະນັກງານ​ຄົນ​ຊົນ​ເຜົ່າ​ສ່ວນ​ນ້ອຍ. ​ໂຄ​ງປະກອບ​ພະນັກງານ​ໃນແຜນ​ກຳນົດຕ້ອງ​ມີ​ຄວາມ​ສົມສ່ວນ​ລະຫວ່າງ​ບັນດາ​ໄວ​ອາຍຸ ​ເພື່ອສ້າງ​ແຫຼ່ງພະນັກງານ​ສືບ​ທອດ​ສຳລັບ​ຫຼາຍ​ໄລຍະ. ການ​ເອົາ​ໃຈ​ໃສ່​ຄົ້ນ​ເຜີຍ, ຝຶກ​ອົບຮົມ, ວາງແຜນ​ກຳນົດ,… ຈົນ​ເຖິງ​ການຈັດ​ວາງ, ນຳ​ໃຊ້​ພະນັກງານ​ຍິງ, ພະນັກງານ​ຄົນ​ຊົນ​ເຜົ່າ​ນສ່ວນ​ນ້ອຍ ຕ້ອງ​ໄດ້​ຄະນະ​ພັກ, ອົງການ​ຈັດ​ຕັ້ງ​ພັກ​ຂັ້ນ​ຕ່າງໆຖື​ວ່າ​ເປັນ​ໜ້າ​ທີ່​ສຳຄັນ, ຕ້ອງ​ໄດ້​ຮັບ​ຄວາມ​ເອົາ​ໃຈ​ໃສ່​ເປັນ​ປະຈຳ.

ບັນດາ​ຄວາມ​ຮຽກຮ້ອງ​ຕ້ອງການ​ທີ່​ວາງ​ອອກ​ມາ​ສຳລັບວຽກ​ງານ​ຜັດປ່ຽນ​ພະນັກງານ

ການ​ຜັດປ່ຽນ​ພະນັກງານນຳພາ​ແລະ​ຄຸ້ມ​ຄອງ​ແມ່ນ​ແຜນ​ນະ​ໂຍບາຍ​ທີ່​ສຳຄັນ​ທີ່​ສຸດ​ໃນ​ວຽກ​ງານ​ພະນັກງານ​ຂອງ​ພັກ ​ແນ​ໃສ່​ຮັບປະກັນ​ປະຕິບັດ​ການ​ຝຶກ​ອົບຮົມ ບຳລຸງ​ສ້າງພະນັກງານ​ຢ່າງຮອບດ້ານ ​ແລະ ນຳ​ໃຊ້​ຖັນ​ແຖວ​ພະນັກງານ​ຢ່າງ​ມີ​ປະສິດທິ​ຜົນ; ສ້າງ​ເງື່ອນ​ໄຂ​ໃຫ້​ພະນັກງານ​ໜຸ່ມ​ທີ່​ມີ​ແງ່​ຫວັງ​ດີ, ພະນັກງານ​ໃນ​ແຜນ​ກຳນົດ​ໄດ້​ຝຶກ​ຝົນ​ຫຼໍ່​ຫຼອມ​ໃນ​ພາກ​ຕົວ​ຈິງ; ສ້າງ​ແຫຼ່ງພະນັກງານ​ຍາວ​ນາ​ໃຫ້​ປະ​ເທດ; ​ເພີ່ມ​ທະວີ​ພະນັກງານ​ໃນ​ບັນດາ​ຂົງ​ເຂດ​ແລະພື້ນ​ທີ່​ທີ່​ຈຳ​ເປັນ; ​ແກ້​ໄຂ​ຜ່ານ​ຜ່າ​ສະພາບ​ການ​ພາກສ່ວນນິຍົມ​ໃນ​ວຽກ​ງານ​ພະນັກງານ, ອັດ​ແຈບ​ໃນ​ແຕ່ລະ​ຂະ​ແໜງ​ການ, ​ແຕ່ລະ​ທ້ອງ​ຖິ່ນ ​ແລະ​ແຕ່​ລະ​ກົມ​ກອງ. ​ເພື່ອ​ໃຫ້ການ​ຜັດປ່ຽນ​ພະນັກງານບັນລຸ​ຜົນສຳ​ເລັດ ​ແລະ​ເປົ້າ​ໝາຍ​ທີ່​ວາງ​ອອກ​ມານັ້ນ ​ໃນ​ຂະ​ບວນວິວັດ​ການ​ປະຕິບັດ​ຕ້ອງ​ຮັບປະກັນ​ບັນດາ​ຄວາມ​ຮຽກຮ້ອງ​ຕ້ອງການ​ລຸ່ມ​ນີ້:

ທີ​ໜຶ່ງ, ການ​ຜັດປ່ຽນ​ພະນັກງານຕ້ອງຕິດ​ກັບການວາງ​ແຜນ​ກຳນົດພະນັກງານ. ການ​ຜັດປ່ຽນ​ພະນັກງານຄື​ກັນ​ກັບ​ວິທີ​ແກ້​ໄຂ​ໜຶ່ງ, ທາງ​ອອກ​ໜຶ່ງ​ເພື່ອ​ອົບຮົມສຶກສາ, ຝຶກ​ຝົນ, ພັດທະນາ​ພະ​ນັກ​ງານ​ໃນ​ແຜນ​ກຳນົດ, ສ້າງ​ເງື່ອນ​ໄຂ​ເພື່ອ​ຍົກ​ສູງ​ລະດັບ ​ແລະຄວາມ​ສາມາດ​ຂອງ​ພະນັກງານ​ໃນ​ແຜນ​ກຳນົດ ​ແນ​ໃສ່​ຕອບ​ສະໜອງຢ່າງ​ຄົບ​ຖ້ວນ​ຄວາມ​ຕ້ອງການ​ສຳລັບ​ທີ່​ຕັ້ງ, ຕຳ​ແໜ່​ງງານ​ໃນ​ແຜນ​ກຳນົດ. ​ເວົ້າ​ຢ່າງ​ອື່ນ, ການ​ຜັດປ່ຽນ​ພະນັກງານຕ້ອງ​ອີງ​ໃສ່​ແຜນກຳນົດ​ພະນັກງານ ​ແລະ​ອີງ​ໃສ່​ແຜນ​ກຳນົດ​ເພື່ອ​ວາງ​ແຜນການ​ຜັດປ່ຽນ​ພະນັກງານ.

ທີ​ສອງ, ການ​ຜັດປ່ຽນ​ພະນັກງານຕ້ອງ​ຄິດ​ໄລ່​ເຖິງ​ບັນດາ​ຈຸດ​ພິ​ເສດ​ກ່ຽວ​ກັບວຽກ​ງານ, ທີ່​ຕັ້ງ​ຕຳ​ແໜ່​ງງານ​ທີ່​ພະນັກງານ​ໃນ​ແຜນ​ກຳນົດ​ອາດ​ຈະ​ໄດ້​ຮັບ​ການ​ແຕ່ງ​ຕັ້ງ​ໃນ​ອະນາຄົດ, ສ້າງ​ເງື່ອນ​ໄຂ​ໃຫ້​ພະນັກງານ​ຄ່ອງ​ຕົວ​ກັບ​ພຶດຕິ​ກຳ, ​ເສີມ​ຂະຫຍາຍ​ຄວາມ​ສາມາດຂອງ​ຕົນ ​ແລະ​ເພີ່ມ​ເຕີມ​ຄວາມ​ຮູ້, ທັກ​ສະ​ໃໝ່. ຖ້າ​ຫາກ​ການ​ເລືອກ​ເອົາ​ພື້ນ​ທີ່, ຕຳ​ແໜ່​ງງານທີ່​ໄປ​ຜັດປ່ຽນ​ບໍ່​ສົມ​ເຫດ​ສົມ​ຜົນ, ​ຕອບ​ສະໜອງ​ຄວາມ​ຕ້ອງການ​ຝຶກ​ອົບຮົມບໍ່​ໄດ້ ​ຈະ​ເປັນ​ຜົນ​ສະທ້ອນ​ເຖິງຄວາມ​ເຊື່ອ​ຖື​ຂອງ​ພະນັກງານ​ທີ່​ໄປ​ຜັດປ່ຽນ ​ແລະ ຂອງບ່ອນ​ຮັບ​ພະນັກງານ​ຜັດປ່ຽນ​ມາ​ເຮັດ​ວຽກ.

ທີ​ສາມ, ປະຕິບັດ​ການ​ຜັດປ່ຽນ “​ເປີດ” ​ແລະ​ການ​ຜັດປ່ຽນ “​ໄຫວ”. ການ​ຜັດປ່ຽນ​ພະນັກງານ​ໃນ​ຂະ​ແໜງ​ການ​ໜຶ່ງ, ລະຫວ່າງ​ບັນດາ​ຂະ​ແໜງ​ການ​ນຳ​ກັນ, ລະຫວ່າງ​ພະນັກງານ​ເຮັດ​ວຽກ​ງານ​ພັກ, ​ແນວ​ໂຮມ, ອົງຄະ​ນະມະຫາຊົນ ກັບ​ເຮັດ​ວຽກ​ງານ​ຄຸ້ມ​ຄອງ​ລັດ ຕ້ອງ​ໄດ້​ຮັບ​ຄວາມ​ເອົາ​ໃຈ​ໃສ່​ ເພື່ອ​ຮັບປະກັນ​ສ້າງ​ສະພາບ​ແວດ​ລ້ອມທີ່​ສອດຄ່ອງ​ທີ່​ສຸດ ​ໃຫ້​ພະນັກງານ​ໄດ້​ຮັບ​ການ​ຜຶກຜົນ​ຫຼໍ່​ຫຼອມ, ​ເຕີບ​ໃຫຍ່ ​ແລະ​ພັດທະນາ​ຢ່າງຮອບດ້ານ.

ທີ​ສີ່, ຂະ​ບວນດຳ​ເນີນການ​ຜັດປ່ຽນ​ພະນັກງານຕ້ອງ​ໄດ້​ກະກຽມ​ຢ່າງ​ລະອຽດ, ຮອບ​ຄອບ, ​ເປີດ​ກວ້າງ​ປະຊາທິປະ​ໄຕ ​ແລະ​ມີ​ບາດກ້າວ​ເດີນ​ຢ່າງ​ເໝາະ​ສົມ. ບັນດາ​ອົງການ, ​ໂດຍ​ສະ​ເພາະອົງການ​ສົ່ງ​ພະນັກງານ​ໄປ ​ແລະ​ອົງການ​ຮັບ​ພະນັກງານ​ມາ ຄວນ​ເອົາ​ໃຈ​ໃສ່​ເປັນ​ພິ​ເສດ​ເຖິງ​ການ​ຄຸ້ມຄອງ, ຕິດຕາມ​ກວດກາ, ສ້າງ​ເງື່ອນ​ໄຂ​ໃຫ້​ພະນັກງາ​ຜັ​ດປ່ຽນ. ​ໃນ​ເວລາ​ພະນັກງານ​ຜັດປ່ຽນ​ມາ​ເຮັດ​ວຽກ​ຢູ່​ທ້ອງ​ຖິ່ນ, ຄະນະ​ພັກ​ຕ້ອງກວດກາ, ຕິດຕາມຢ່າງ​ເປັນ​ປະຈຳ ​ແລະ​ຊ່ວຍ​ເຫຼືອ​ໃຫ້​ພະນັກງານ​ເສີນ​ຂະຫຍາຍ​ຈຸດ​ດີ, ​ແກ້​ໄຂ​ຈຸດ​ອ່ອນ ຂໍ້​ບົກພ່ອງ, ພ້ອມ​ກັນ​ນັ້ນ​ກໍ່​ມີ​ບັນທັດຖານ​ລະອຽດ​ເພື່ອ​ຕີ​ລາຄາ​ພະນັກງານພາຍຫຼັງ​ປະຕິບັດ​ການ​ຜັດປ່ຽນ; ດຳ​ເນີນ​ການສະຫຼຸບ​ເບື້ອງ​ຕົ້ນ, ຖອດ​ຖອນ​ບົດຮຽນ​ເປັນ​ລາຍ​ຄາບ, ​ເຮັດ​ໃຫ້ການ​ຜັດປ່ຽນ​ພະນັກງານນຳພາ​ແລະ​ຄຸ້ມຄອງ ກາຍ​ເປັນ​ປົກກະຕິ, ​ເປັນ​ລະບຽບ, ສ້າງ​ການ​ຫັນປ່ຽນ​ທາງ​ດ້ານ​ຄຸນ​ນະພາ​ບ​ໃນ​ວຽກ​ງານ​ພະນັກງານ. ການ​ຜັດປ່ຽນ​ພະນັກງານ​ແມ່ນ​ຕ້ອງ​ຮັບປະກັນ​ຄວາມ​ສາມັກຄີ​ລະຫວ່າງ​ພະນັກງານ​ເກົ່າ​ແລະ​ພະນັກງານ​ໃໝ່, ພະນັກງານ​ທ້ອງ​ຖິ່ນ ​ແລະ​ພະນັກງານ​ທີ່​ໄດ້​ຜັດປ່ຽນ​ມາ​ຈາກ​ອົງການ​ອື່ນ.

ວິທີ​ແກ້​ຈຳນວນ​ໜຶ່ງ​ເພື່ອ​ຍົກ​ສູງ​ປະສິດທິ​ຜົນ​ຂອງ​ວຽກ​ງານວາງແຜນ​ກຳນົດ ​ແລະ ການ​ຜັດປ່ຽນ​ພະນັກງານ

​ເພື່ອ​ໃຫ້​ວຽກ​ງານ​ວາງແຜນ​ກຳນົດ ​ແລະການ​ຜັດປ່ຽນ​ພະນັກງານມີ​ປະສິດທິ​ຜົນ, ຕອບ​ສະໜອງ​ເປົ້າ​ໝາຍ​ສ້າງ​ແຫຼ່ງພະນັກງານ ​ແລະຝຶກ​ຝົນ​ພະນັກງານ, ​ໃນ​ໄລຍະ​ທີ່​ຈະ​ເຖິງ​ນີ້​ຕ້ອງ​ປະຕິບັດ​ມາດ​ຕະການ​ຕ່າງໆ​ຢ່າງ​ຄົບ​ຊຸດ​ຄື:

ທີ​ໜຶ່ງ, ຍົກ​ສູງ​ຄວາມ​ຮັບ​ຮູ້​ກ່ຽວ​ກັບ​ບົດບາດ​ຂອງວຽກ​ງານ​ວາງແຜນ​ກຳນົດ ​ແລະການ​ຜັດປ່ຽນ​ພະນັກງານ. “ການ​ວາງແຜນ​ກຳນົດພະນັກງານ​ແມ່ນ​ເນື້ອ​ໃນ​ສຳຄັນ​ໜຶ່ງ​ຂອງ​ວຽກ​ງານ​ພະນັກງານ, ຮັບປະກັນ​ໃຫ້​ວຽກ​ງານ​ພະນັກງານ​ເຂົ້າ​ສູ່​ລະບຽບ​ແບບ​ແຜນ, ​ເປັນ​ເຈົ້າ​ການ, ມີ​ວິ​ໄສ​ທັດ​ກວ້າງ​ໄກ, ຕອບ​ສະໜອງໜ້າ​ທີ່​ສະ​ເພາະ​ໜ້າ ​ແລະ​ຍາວ​ນານ”. ການ​ຜັດປ່ຽນ​ພະນັກງານ​ແມ່ນ​ເພື່ອ​ຊ່ວຍ​ໃຫ້​ພະນັກງານຮ່ຳຮຽນ, ຝຶກ​ຝັນ​ຫຼໍ່​ຫຼອມ, ບູລະນະ​ທັກ​ສະ ​ແລະ​ບົດຮຽນ​ໃນ​ການ​ປະຕິບັດ​ວຽກ​ງານ.

ທີ​ສອງ, ສ້າງ​ແຫຼ່ງການ​ວາງແຜນ​ກຳນົດ, ການ​ຜັດປ່ຽນ​ພະນັກງານ. ​ເພື່ອມີ​ແຫຼ່ງ​ວາງແຜນກຳນົດ​ພະນັກງານ, ຄວນ​ປະຕິບັດ​ແຜນ​ກຳນົດ “​ເປີດ” ​ແລະ “​ໄຫວ”, ຄວນ​ມີ​ແຜນ​ກຳນົດ​ຂວາງ, ​ແຜນ​ກຳນົດ​ຕັ້ງ, ບໍ່​ພຽງ​ແຕ່​ອັດ​ແຈບ​ຢູ່​ໃນ​ແຕ່​ລະ​ອົງການ, ​ແຕ່ລະ​ທ້ອງ​ຖິ່ນ. ຜູ້ນຳ​ຂອງ​ອົງການ, ກົມ​ກອງ​ຕ້ອງ​ກ້າມ​ອບວຽກງານຍາກ, ວຽກ​ໃໝ່​ໃຫ້​ພະນັກງານ, ພິ​ເສດ​ແມ່ນ​ພະນັກງານ​ໜຸ່ມ, ສ້າງ​ສະພາບ​ແວດ​ລ້ອນ​ໃຫ້ການ​ຝຶກ​ຝົນ​ຫຼໍ່​ຫຼອມ, ຍົກ​ສູງ​ຄວາມ​ສາມາດ, ບົດຮຽນ​ໃນ​ການ​ນຳພາ ຄຸ້ມ​ຄອງ​ຂອງ​ພະນັກງານ.

ການ​ວາງແຜນ​ກຳນົດພະນັກງານ, ລັດຖະກອນ​ຕ້ອງ​ປະຕິບັດ​ຕາມ​ຂໍ້​ກຳ​ນົດ ມີ​ການ​​ເອົາ​ເຂົ້າ​ແຜນ​ກຳນົດ ​ແລະ​ມີ​ການ​ເອົາ​ອອກ​ຈາກ​ແຜນ​ກຳນົດ. ດັ່ງ​ນັ້ນ, ມັນ​ຮຽກຮ້ອງ​ໃຫ້​ພະນັກງານ​ຕ້ອງ​ມີ​ຄວາມ​ພະຍາຍາ​ມ​ໃນ​ການ​ປະຕິບັດ​ໜ້າ​ທີ່, ສູ້​ຊົນ​ຢ່າງ​ເດັດດ່ຽວ​ໝັ້ນ​ໜຽວ​ເພື່ອ​ຕອບ​ສະໜອງ​ຄວາມ​ຕ້ອງການ​ຂອງ​ໜ້າທີ່.

ທີ​ສາມ, ປັບປຸງ​ບູລະນະຂະ​ບວນການ​ວາງແຜນ​ກຳນົດ, ການ​ຜັດປ່ຽນ​ພະນັກງານ. ການ​ວາງແຜນ​ກຳນົດ, ການ​ຜັດປ່ຽນ​ພະນັກງານຕ້ອງ​ໄດ້​ປະຕິບັດ​ຢ່າງ​ເປີດ​ເຜີຍ, ​ໂປ່​ງ​ໃສ, ປະຕິບັດ​ຕາມ​ມາດຕະຖານ​ທີ່​ໄດ້​ກຳນົດ​ໄວ້. ​ເຊີດ​ຊູ​ຈິດ​ສຳນຶກ, ຄວາມ​ຮັບຜິດຊອບ, ອັດທະຍາ​ໄສ​ຂອງ​ພະນັກງານ, ສະມາຊິກ​ພັກ ​ໃນ​ຂະ​ບວນວິວັດການ​ລົງ​ຄະ​ແນນ​ສຽງວາງ​ແຜນ​ກຳນົດ ​ເພື່ອ​ແກ້​ໄຂ​ລັກສະນະ​ຮູບ​ການ, ງ່າຍດາຍ; ການ​ຄັດ​ເລືອກ​ພະນັກງານ​ເຂົ້າ​ໃນ​ແຜນ​ກຳນົດ​ຕ້ອງ​ເຮັດ​ຢ່າງ​ມີ​ວິທະຍາສາດ, ຕ້ອງ​ເລືອກ​ເອົາ​ພະນັກງານ​ທີ່​ເໝາະ​ສົມ​ທີ່​ສຸດ, ມີ​ອິດ​ທິພົນສັກ​ສີ ​ແລະມີ​ແຮງ​ດຶງ​ດູດ​ສູງ, ​ເໝາະ​ສົມ​ກັບ​ທີ່​ຕັ້ງ​ແຜນ​ກຳນົດ. ຜົນ​ຂອງການ​ວາງແຜນ​ກຳນົດຕ້ອງ​ໄດ້​ເປີດ​ເຜີຍ​ຢູ່​ໃນ​ສຳນັກງານ​ອົງການ, ກົມ​ກອງ ​ເພື່ອ​ໃຫ້​ພະນັກງານ, ສະມາຊິກ​ພັກ​ໃນ​ສຳນັກງານອົງການ, ກົມ​ກອງ​ຕິດຕາມ, ກວດກາ ​ແລະ​ຕີ​ລາຄາ​ຖືກຕ້ອງກ່ຽວ​ກັບ​ພະນັກງານຢູ່​ໃນ​ແຜນ​ກຳນົດ​ນັ້ນ.

ທີ​ສີ່, ຍົກ​ສູງ​ບົດບາດ ​ແລະຄວາມ​ຮັບຜິດຊອບຂອງ​ຜູ້ນຳ​ໜ້າ​ຄະນະ​ພັກ, ອົງການ, ກົມ​ກອງ, ພິ​ເສດ​ແມ່ນ​ໃນ​ການ​ຕີ​ລາຄາ​ພະນັກງານ. ​ເຮັດ​ວຽກ​ງານ​ຕີ​ລາຄາ​ພະນັກງານ​ໄດ້​ດີ​ ແມ່ນ​ໄດ້​ສ້າງ​ພື້ນຖານທີ່​ດີ​ໃຫ້​ແກ່​ການ​ປະຕິບັດ​ແຜນ​ກຳນົດ, ປະຕິບັດການ​ຜັດປ່ຽນ​ພະນັກງານ ​ແລະ​ນຳ​ໃຊ້​ພະນັກງານ. ວຽກ​ງານ​ນີ້​ຕ້ອງ​ມີ​ບັນທັດຖານ​ທີ່​ລະອຽດ, ຕ້ອງ​ໄດ້​ດຳ​ເນີນ​ຢ່າງ​ປະຊາທິປະ​ໄຕ, ​ເປີດ​ເຜີຍ. ການ​ຜັດປ່ຽນ​ພະນັກງານ​ກໍ່​ຕ້ອງ​​ປະຕິບັດຂອດ​ຕ່າງໆ​ຢ່າ​ແໜ້ນ​ແຟ້ນ, ​ເຂັ້ມ​ງວດ, ພາວະ​ວິ​ໄສ ຢູ່​ບ່ອນ​ສົ່ງ​ພະນັກງານ​ໄປ ກໍ່​ຄື​ບ່ອນ​ຮັບ​ພະນັກງານ​ມາ​ຜັດປ່ຽນ. ພະນັກ​ງານ​ໄປ​ຜັດປ່ຽນ​ຕ້ອງ​ໄດ້​ຮັບ​ການຈັດ​ວາງ​ວຽກ​ງານ​ທີ່​ສອດຄ່ອງ​ ​ເພື່ອ​ເສີມ​ຂະຫຍາຍຄວາມ​ສາມາດ ​ແລະບົດຮຽນ​ໃນ​ການ​ເຮັດ​ວຽກ​ຂອງ​ຕົນ​ໄດ້​ດີ​ທີ່​ສຸດ.

ວັນ​ທີ 22 ມີນາ 2017, ກົມ​ການ​ເມືອງ​ໄດ້​ປະການ​​ໃຊ້​ບົດ​ສະຫຼຸບ​ເລກທີ 12-KL/TW ວ່າ​ດ້ວຍ​ການດັດແປງ, ປັບປຸງ ເພີ່ມເຕີມບາງບາງເນື້ອໃນກ່ຽວກັບການແບ່ງຂັ້ນ ໃນວຽກງານອະນຸມັດ ແຜນກຳນົດພະນັກງານ, ຕາມ​ນັ້ນ, ຍູ້​ແຮງ​ການ​ແບ່ງ​ຂັ້ນ​ປະຕິບັດ​ແລະ​ອະນຸມັດ​ແຜນ​ກຳນົດ​ພະນັກງານ​ ໃຫ້​ຄະນະ​ພັກ​ທ້ອງ​ຖິ່ນ ​ເພື່ອ​ແນ​ໃສ່​ຍົກ​ສູງ​ສິດ​ຂອບ​ເຂດ, ຄວາມ​ຮັບຜິດຊອບ​ຂອງ​ບັນດາ​ຄະນະ​ພັກ, ການຈັດ​ຕັ້ງ​ພັກ​ໃນ​ການ​ຄຸ້ມ​ຄອງ ​ແລະ​ນຳ​ໃຊ້​ພະນັກງານ.

ທີ​ຫ້າ, ​ເພີ່ມ​ທະວີ​ວຽກ​ງານ​ກວດກາ, ຕິດຕາມ​ກວດກາ, ຕີ​ລາຄາ​ກ່ຽວ​ກັບການ​ວາງແຜນ​ກຳນົດ, ການ​ຜັດປ່ຽນ​ພະນັກງານ; ​ເດັດຂາດ​ແກ້​ໄຂ​ຢ່າງ​ທັນ​ການ​ຕໍ່​ຄວາມ​ຜິດພາດ​ໃນ​ການວາງ​ແຜນ​ກຳນົດ, ການ​ຜັດປ່ຽນ​ພະນັກງານ, ສ້າງ​ຄວາມ​ເຊື່ອ​ຖື​ຂອງ​ປະຊາຊົນ​ຕໍ່​ກັບ​ພັກ./.

​ໂດຍ ຫງວຽນ​ແທັງ​ບິ່ງ

ກຳມະການສູນ​ກາງ​ພັກ, ຮອງ​ຫົວໜ້າປະຈຳການ​ຄະນະ​ຈັດ​ຕັ້ງ​ສູນ​ກາງ

------------------------

ບົດ​ນີ້​ໄດ້​ລົງ​ພິມ​ໃນ​ວາລະສານ​ກອມ​ມູນິດ ສະບັບ​​ເລດທີ 905 (​ເດືອນ​ມີນາ 2018)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ