ວັນອາທິດ, 31/5/2020
ຍົກສູງປະສິດທິຜົນຂອງການຕິດຕາມກວດກາ, ວິຈານສັງຄົມ ຂອງແນວໂຮມປະເທດຊາດຫວຽດນາມ ແລະ ບັນດາອົງການຈັດຕັ້ງການເມືອງແລະສັງຄົມ - ເຂົ້າເຖິງຈາກຄວາມຮຽກຮ້ອງຕ້ອງການຂອງການປ່ຽນແປງໃໝ່ວິທີການນຳພາຂອງພັກ
12/1/2020 10:8' ສົ່ງ ພິມ
ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດຫວຽດນາມ ຄັ້ງທີ IX. (ພາບ: TTXVN)

1- ໃນ​ເວ​ລາ​ທີ່​ຜ່ານ​ມາ, ການ​ປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກຕໍ່ລັດແລະລະ​ບົບ​ການ​ເມືອງ​ ​ໄດ້​ນຳມາ​ເຊິ່ງ​ຜົນສຳ​ເລັດ​ທີ່​ສຳ​ຄັນ ​ແລະ​ປະ​ກອບ​ສ່ວນ​ເຂົ້າ​ໃນ​ການ​ຍົກ​ສູງ​ປະ​ສິດ​ທິ​ຜົນ​ການ​ນຳ​ພາ​ຂອງ​ພັກ, ພ້ອມກັນ​ນັ້ນ ​ເສີມ​ຂະ​ຫຍາຍ​ບົດ​ບາດ​ຂອງ​ລັດ, ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​​ໃຫ້ດີ​ກວ່າ​ອີກ. ການປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ​ທັງ​ຮັບ​ປະ​ກັນ​ການ​ນຳ​ພາ​ຂອງ​ພັກ, ທັງ​ເສີມຂະ​ຫຍາຍ​ລັກ​ສະ​ນະ​ເປັນ​ເຈົ້າ​ການ, ຄວາມຕັ້ງ​ໜ້າ​ແລະຄວາມ​ຄິດ​ປະ​ດິດ​ສ້າງ ​ຂອງ​ບັນ​ດາ​ອົງ​ການ​​ລັດ, ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເທືອງ-ສັງ​ຄົມ, ຫຼີກລ້ຽງ​ການຮວບສິດ ການ​ເຮັດ​ແທນ ​ຂອງ​ບັນ​ດາ​ອົງ​ການ​ຈັດ​ຕັ້ງພັກ.

ໂຄງ​ການ​ການ​ເມືອງ​ວ່າ​ດ້ວຍ​ການກໍ່​ສ້າງ​ປະ​ເທດ​ໃນ​ໄລ​ຍະ​ຂ້າມ​ຜ່ານ​ຂຶ້ນ​ສູ່​ສັງ​ຄົມ​ນິ​ຍົມ (ສະ​ບັບ​ປັບ​ປຸງ, ພັດ​ທະ​ນາ​ປີ 2011) ​ໄດ້​ກຳ​ນົດ​ຢ່າງ​ຈະ​ແຈ້ງວ່າ “… ແນວ​ໂຮມ​ປະ​ເທດ​ຊາດຫວຽດ​ນາມ ແມ່ນ​ພາກ​ສ່ວນ​ໜຶ່ງ​ຂອງ​ລະ​ບົບ​ການ​ເມືອງ, ເປັນ​ພື້ນ​ຖານ​ການ​ເມືອງ​ຂອງ​ອຳ​ນາດ​ການ​ປົກ​ຄອງ​ປະ​ຊາ​ຊົນ. ພັກ​ກອມ​ມູ​ນິດຫວຽດ​ນາມ ທັງ​ເປັນ​ສະ​ມາ​ຊິກ, ທັງ​ເປັນ​ຜູ້​ນຳ​ພາ​ແນວ​ໂຮມ​. ແນວ​ໂຮມ​ເຄື່ອນ​ໄຫວ​ຕາມຫຼັກ​ການ​ສະ​ໝັກ​ໃຈ, ປະ​ຊຸມ​ເຈ​ລະ​ຈາ​ແບບ​ປະ​ຊາ​ທິ​ປະ​ໄຕ, ປະ​ສານ​ສົມ​ທົບ ແລະ ການ​ກະທຳ​ເປັນເອ​ກະ​ພາບ​​ລະ​ຫວ່າງ​ສະ​ມາ​ຊິກ.

ບັນ​ດາ​ອົງ​ການ​ຈັດ​ຕັ້ງປະ​ຊາ​ຊົນ ແລ້ວ​ແຕ່​ລັກ​ສະ​ນະ, ຄະ​ຕິ​ທຳແລະຈຸດ​ປະ​ສົງທີ່​ໄດ້​ກຳ​ນົດ​, ມີໜ້າ​ທີ່ຂົນ​ຂວາຍ, ສຶກ​ສາ​ອົບຮົມສະ​ມາ​ຊິກ​ຊາວໜຸ່ມ, ສະ​ມາ​ຊິກ​ສະ​ມາ​ຄົມ​ປະ​ຕິ​ບັດ​ຕາມ​ກົດ​ໝາຍ, ນະ​ໂຍ​ບາຍ; ເບິ່ງ​ແຍງ​ດູ​ແລ, ປົກ​ປ້ອງ​​ສິດທິຕາມ​ກົດໝາຍແລະຜົນ​ປະ​ໂຫຍດ​ອັນ​ຊອບທຳ​ຂອງ​ສະ​ມາ​ຊິກ​ຊາວໜຸ່ມ, ສະ​ມາ​ຊິກ​ສະ​ມາ​ຄົມ; ຊ່ວຍ​ເຫຼືອ​ໃຫ້​ສະ​ມາ​ຊິກ​ຊາວໜຸ່ມ, ສະ​ມາ​ຊິກ​ສະ​ມາ​ຄົມຍົກ​ສູງ​ລະ​ດັບ​ຄວາມ​ຮູ້​ກ່ຽວ​ກັບ​ທຸກ​ດ້ານ ແລະ ກໍ່​ສ້າງ​ຊີ​ວິດ​ໃໝ່; ເຂົ້າ​ຮ່ວມ​ໃນ​ການ​ຄຸ້ມ​ຄອງ​ລັດ ​ແລະຄຸ້ມ​ຄອງ​ສັງ​ຄົມ.

ພັກເຄົາ​ລົບນັບ​ຖື​ລັກ​ສະ​ນະ​ເປັນ​ເຈົ້າການ, ສະ​ໜັບ​ສະ​ໜູນ​ການເຄື່ອນ​ໄຫວ​ແບບ​ສະ​ໝັກ​ໃຈ ຄວາມຕັ້ງ​ໜ້າ, ຄວາ​ມຄິດ​ປະ​ດິດ​ສ້າງ ແລະ ຮັບ​ຟັງ​ຄວາມ​ຄິດ​ເຫັນ​ປະ​ກອບ​ສ່ວນ​ຂອງ ແນວ​ໂຮມແລະບັນ​ດາ​ອົງ​ການ​ຈັດ​ຕັ້ງ​ ຢ່າງ​ຈິງ​ໃຈ. ພັກ​ແລະລັດ ​ມີ​ກົນ​ໄກ, ນະ​ໂຍ​ບາຍ, ສ້າງ​ເງື່ອນ​ໄຂ​ ​ໃຫ້​ແນວ​ໂຮມແລະບັນ​ດາ​ອົງ​ການ​ຈັດ​ຕັ້ງ​ປະ​ຊາ​ຊົນ ​ເຄື່ອນ​ໄຫວ​ຢ່າງ​ມີ​ປະ​ສິດ​ທິ​ຜົນ, ປະ​ຕິ​ບັດ​ບົດ​ບາດ​ຕິດ​ຕາມກວດ​ກາ ແລະ ວິ​ຈານ​ສັງ​ຄົມ”(1).

ລາຍ​ງານ​ການ​ເມືອງ​ທີ່ກອງ​ປະ​ຊຸມ​ໃຫຍ່ຄັ້ງ​ທີ XII ຂອງ​ພັກ​ກອມ​ມູ​ນິດຫວຽດ​ນາມ ​ໄດ້​ອະທິບາຍ​ແຈ້ງ​ກ່ຽວ​ກັບ​ການປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ ວ່າ: “ປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ ຕໍ່​ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ກາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ, ເຄົາ​ລົບ​ນັບ​ຖືຫຼັກ​ການ​ປະ​ຊຸມ​ເຈ​ລະ​ຈາ​ແບບ​ປະ​ຊາ​ທິ​ປະ​ໄຕ​ໃນ​ການ​ຈັດ​ຕັ້ງ ແລະ ເຄື່ອນ​ໄຫວ​ຂອງແນວ​ໂຮມ​ປະ​ເທດ​ຊາດຫວຽດ​ນາມ. ເສີມ​ຂະ​ຫຍາຍ​​ບົດ​ບາດ, ປະ​ສິດ​ທິ​ພາບ​ຂອງ​ລັດແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມຢ່າງ​ແຂງ​ແຮງ, ກໍ່​ສ້າງ​ລະ​ບົບ​ການ​ເມືອງທີ່​ເຄື່ອ​ນ​ໄຫວຢ່າງ​ຂະ​ຫຍັນ​ຂັນ​ເຂື່ອນ, ມີ​ປະ​ມິດ​ທິພາ​ບ ແລະ ປະ​ສິດ​ທິ​ຜົນ”(2). ​ຄວາມຮຽກ​ຮ້ອງ​ຕ້ອງ​ການ​ໃນ​ການ​ປ່​ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ​ໄດ້​ກຳ​ນົດ​ແລະເນັ້ນ​ໜັກ​ເຖິງ​ການ​ເສີມ​ຂະ​ຫຍາຍ​ສິດ​ເປັນ​ເຈົ້າ​ຂອງ​ປະ​ຊາ​ຊົນ, ອີງ​ໃສ່​ປະ​ຊາ​ຊົນ​ເພື່ອກໍ່​ສ້າງ​ພັກ, ຍອມຮັບ​​ການ​ຕິດ​ຕາມກວດ​ກາ​ຂອງ​ປະ​ຊາ​ຊົນ.

ພາ​ລະ​ບົດ​ບາດ​ການ​ຕິດ​ຕາມກວດ​ກາ ແລະ ວິ​ຈານ​ສັງ​ຄົມ ຂອງແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​ ໄດ້ຮັບ​ການ​ກຳນົດ​ຢ່າງ​ຈະ​ແຈ້ງ​ໂດຍລັດ​ຖະ​ທຳ​ມະ​ນູນ​ປີ 2013, ​ໂດ​ຍສະ​ເພາະ​ຢ່າງຍິ່ງ ​ພັກ​ໄດ້ຫັນ​ເປັນ​ລະ​ອຽດ​ໃນ “ກົດ​ລະ​ບຽບ​ວ່າ​ດ້ວຍ​ການ​ຕິດ​ຕາມກວດ​ກາ ແລະ ວິ​ຈານ​ສັງ​ຄົມ​ ຂອງແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ” (ປະ​ກາດ​ໃຊ້​ພ້ອມ​ກັບຂໍ້​ຕົກ​ລົງ​ເລກ​ທີ 217-QĐ/TW, ວັນ​ທີ 12 ທັນ​ວາ 2013, ຂອງ​ກົມ​ການ​ເມືອງ) ແລະ “ຂໍ້​ກຳ​ນົດ​ກ່ຽວ​ກັບ ແນວ​ໂຮມ​ປະ​ເທດ​ຊາດຫວຽດ​ນາມ, ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ແລະ ປະ​ຊາ​ຊົນ​ເຂົ້າ​ຮ່ວມ​ການ​ປະ​ກອບ​ສ່ວນ​ຄວາມ​ຄິດ​ເຫັນ​ກໍ່​ສ້າງ​ພັກ, ກໍ່​ສ້າງ​ອຳ​ນາດ​ການ​ປົກ​ຄອງ” (ປະ​ກາດ​ໃຊ້​ພ້ອມ​ກັບຂໍ້​ຕົກ​ລົງ​ເລກ​ທີ 218-QĐ/TW, ​ວັນ​ທີ 12 ທັນ​ວາ 2013, ຂອງ​ກົມ​ການ​ເມືອງ), ພ້ອມ​ກັບ​ການ​ປະ​ກາດ​ໃຊ້​ກົດ​ໝາຍ​ແນວ​ໂຮມ​ປະ​ເທດ​ຊາດຫວ​ຽດ​ນາມ ປີ 2015 ຂອງ​ສະ​ພາ​ແຫ່ງ​ຊາດ,… ເປັນ​ບັນ​ດາ​ຂໍ້​ກຳ​ນົດ​ກົດໝາຍສຳ​ຄັນ​ທີ່​ສຸດ, ເຊິ່ງ​ໄດ້​ເປີດ​ບາດກ້າວ​ໃຫຍ່​​ໃນ​ຄວາມ​ຮັບ​ຮູ້​ກ່ຽວ​ກັບ​ການ​ຕິດ​ຕາ​ມກວດ​ກາ, ວິ​ຈານ​ສັງ​ຄົ​ມ ຂອງແນວ​ໂຮມ​ປະ​ເທດ​ຊາດຫວຽດ​ນາມ ໃນ​ລະ​ບົບ​ການ​ເມືອງກໍ່​ຄື​ໃນ​ສັງ​ຄົມ. ຍິ່ງກວ່ານັ້ນ, ນີ້​ແມ່ນພື້ນ​ຖານ​ການ​ເມືອງ​ເພື່ອ​ໃຫ້​ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ປະ​ຕິ​ບັດ​ພາ​ລະ​ບົດ​ບາດ, ໜ້າທີ່ຕິດ​ຕາມກວດ​ກາ, ວິ​ຈານ​ສັງ​ຄົມ ເພື່ອ​ຕອບ​ສະ​ໜອງ​ຄວາມ​ຮຽກ​ຮ້ອງ​ຕ້ອງ​ການ​ອັນ​ຈຳ​ເປັນ​ຍິ່ງ​ ໃນ​ໄລ​ຍະ​ປະ​ຫວັດ​ສາ​ປະ​ຈຸ​ບັນ, ເພື່ອ​ປະ​ກອບ​ສ່ວນ​ອັນ​ສຳ​ຄັນ​ເຂົ້າ​ໃນ​ການກໍ່​ສ້າງ​ພັກ, ອຳ​ນາດ​ການ​ປົກ​ຄອງ​ໃຫ້ສະ​ອາດ​ປອດ​ໃສ, ໝັ້ນ​ຄົງເຂັ້​ມ​ແຂງ.

ພາ​ລະ​ບົດ​ບາດ​ການ​ຕິດ​ຕາມກວດກ​າ, ວິ​ຈານ​ສັງ​ຄົມ ຂອງ​ແນວ​ໂຮມ​ປະ​ເທດ​ຊາດ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ - ສັງ​ຄົມ ​ໄດ້​ຮັບ​ການ​ຕີ​ລາຄາ​ສູງ​ຈາກ​ພັກ, ຖືວ່ານີ້​ແມ່​ນ​ໜຶ່ງ​ໃນ​ບັນ​ດາ​ໜ້າ​ທີ່​ສຳ​ຄັນ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ເພື່ອ​ປະ​ກອບ​ສ່ວນ​ເຂົ້າ​ໃນ​ການກໍ່​ສ້າງ ແລະປະ​ຕິ​ບັດ ​ແນວທາງ ​ແຜນ​ນະ​ໂຍ​ບາຍຂອງ​ພັກ, ນ​ະ​ໂຍ​ບາຍແລະກົດ​ໝາຍ​ຂອງ​ລັດຢ່າງ​ເຂັ້ມ​ງວດ; ຄົ້ນ​​ເຜີຍ​ຂໍ້​ຜິດ​ພາດ, ຂໍ້ຈຳ​ກັດ ​ແລະ​ຈຸດ​ອ່ອນ​ຢ່າງ​ທັນ​ເວ​ລາ ແລະ ສະ​ເໜີ​ການ​ແກ້​ໄຂ​ເພີ່ມ​ເຕີມ​ນະ​ໂຍ​ບາຍ​ໃຫ້​​ແທດເໝາະກັບ​ຄວາມ​ເປັນ​ຈິງ; ຄົ້ນ​ພົບ​ແລະເຜີຍ​ແຜ່​ບັນ​ດາ​ປັດ​​ໄຈ​ໃໝ່, ວິ​ທີ​ປະ​ຕິ​ບັດ​ທີ່​ດີ ​ແລະ​ດ້ານ​ດີ; ເສີມ​ຂະ​ຫຍາຍ​ສິດ​ເປັນ​ເຈົ້າ​ຂອງຂອງ​ປະ​ຊາ​ຊົນ, ເພື່ອ​ປະ​ກອບ​ສ່ວນ​ເຂົ້າ​ໃນ​ການກໍ່​ສ້າງ​ພັກ ​​ແລະລັດໃຫ້​ສະ​ອາດ​ປອດ​ໃສ, ໝັ້ນຄົງເຂັ້ມ​ແຂງ.

ປະ​ຕິ​ບັດ​ຕາມ​ບັນ​ດາຄຳ​ສັ່ງ ມະ​ຕິ​ຂອງ​ພັກ, ​ເຊັ່ວ່າ ​ມະ​ຕິ​ກອງ​ປະ​ຊຸມ​ສູນ​ກາງ​ພັກ​ຄັ້ງ​ທີ 4 ສະ​ໄໝ​ທີ XII ກ່ຽວ​ກັບ “ເພີ່ມທະວີການກໍ່ສ້າງ​ແລະ​ປັບປຸງພັກ; ສະກັດກັ້ນ ​ແລະ​ຍູ້​ຖອຍ​ຄວາມ​ຊຸດ​ໂຊມ​ທາງ​ດ້ານ​ແນວ​ຄິດ​ການ​ເມືອງ, ຄຸນສົມບັດ, ແບບແຜນດຳລົງຊີວິດ, ບັນດາປະກົດການ “ຜັນປ່ຽນດ້ວຍຕົນເອງ”, “ປ່ຽນ​ແປງ​ດ້ວນ​ຕົນ​ເອງ” ຢູ່​ພາຍ​ໃນ​ພັກ”, ຄຳ​ສັ່ງ​ເລກ​ທີ 05-CT/TW, ​ວັນ​ທີ 15 ພຶດ​ສະ​ພາ 2016, ຂອງ​ກົມ​ການ​ເມືອງ​ກ່ຽວ​ກັບ “ຍູ້ແຮງການຮ່ຳຮຽນແລະປະຕິບັດຕາມແນວຄິດ ແລະຄຸນສົມບັດ, ແບບແຜນໂຮ່ຈີມິນ”,…ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດຫວຽດ​ນາມ ໄດ້​ຜັນ​ຂະ​ຫຍາຍ​ການ​ປະ​ຕິ​ບັດ​ບັນ​ດາ​ໜ້າ​ທີ່​ຕາມຕຳ​ແໜ່​ງ, ບົດ​ບາດ​ຂອງ​ຕົນ​ເອງ, ລະ​ອຽດ​ແມ່ນ ປະ​ກາດ​ໃຊ້​ໂຄງ​ການ​ປະ​ຕິ​ບັດງານ​ເລກ​ທີ 19/CTr-MTTW, ​ວັນ​ທີ 19 ມັງ​ກອນ 2017, ຂອງ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດຫວຽດ​ນາມ, ກ່ຽວ​ກັບການ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ສູນ​ກາງພັກຄັ້ງ​ທີ 4 ສະ​ໄໝທີ XII, ກ່ຽວກັບເພີ່ມທະວີການກໍ່ສ້າງ​ແລະ​ປັບປຸງພັກ; ສະກັດກັ້ນ ​ແລະຍູ້ຖອຍຄວາມຊຸດໂຊມທາງດ້ານແນວຄິດການເມືອງ, ຄຸນສົມບັດ, ແບບແຜນດຳລົງຊີວິດ, ບັນດາ​ປະກົດ​ການ “ຜັນປ່ຽນດ້ວຍຕົນເອງ”, “ປ່ຽນແປງດ້ວຍຕົນເອງ” ຢູ່​ພາຍ​ໃນ​ພັກ”; ປະ​ກາດ​ໃຊ້ ໂຄງ​ການ​ປະ​ຕິ​ບັດງານ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ​ໃນ​ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງ, ຄວາມຟຸມເຟືອຍ ໄລ​ຍະ 2018 - 2020; ປະ​ສານ​ສົມ​ທົບ​ກັບ​ບັນ​ດາ​ອົງ​ການ​ຈັດ​ຕັ້ງ​ການ​ເມືອງ - ສັງ​ຄົມ ປະ​ກາດ​ໃຊ້ ໂຄງ​ການ​ປະ​ສານ​ສົມ​ທົບການ​ຕິດ​ຕາມກວດ​ກາ, ວິ​ຈານ​ສັງ​ຄົມ ຂອງ​ແນວ​ໂຮມ​ປະ​ເທດ​ຊາດ, ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ແລະ ປະ​ຊາ​ຊົນ​ ຕາມ​ມະ​ຕິ​ກອງ​ປະ​ຊຸມ​ສູນ​ກາງ​ພັກ​ຄັ້ງ​ທີ 7 ສະ​ໄໝ​ທີ XII (3); ໃນ​ນັ້ນ​ເນື້ອ​ໃນ​ຕ່າງໆລ້ວນ​ແຕ່​ສຸມ​ໃສ່​​ການ​ຜັນ​ຂະ​ຫຍາຍ​ປະ​ຕິ​ບັດ ​ບັນ​ດາ​ຂໍ້​ກຳ​ນົດ​ຂອງ​ກົມ​ການ​ເມືອງ, ຄະ​ນະ​ເລ​ຂາ​ທິ​ການ ກ່ຽວ​ກັບ​ການຕິດ​ຕາມກວດ​ກາ, ວິ​ຈານ​ສັງ​ຄົມ​ຂ​ອງ​ແນວ​ໂຮມ​ປະ​ເທດ​ຊາດຫວຽດ​ນາມ, ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ແລະ ປະ​ຊາ​ຊົນ.

ປະ​ຕິ​ບັດ​ຕາມຂໍ້​ຕົກ​ລົງ​ເລກ​ທີ 99-QĐ/TW, ​ວັນ​ທີ 3 ຕຸ​ລາ 2017, ຂອງ​ຄະ​ນະເລ​ຂາ​ທິ​ການ​ສູນ​ກາງ​ພັກ, ກ່ຽວ​ກັບ​ການປະ​ກາດ​ໃຊ້ “ຄູ່​ມື​ແນະນຳ​ໃຫ້​ຄະນະ​ພັກ​ຂັ້າຕ່າງໆ​ ແລະອົງການ​ຈັດ​ຕັ້ງພັດ​ທີ່​ຂຶ້ນ​ກົບ​ສູນ​ກາງ​ສືບ​ຕໍ່​ເສີມ​ຂະ​ຫຍາຍ​ບົດ​ບາດ​ຂອງ​ປະ​ຊາ​ຊົນ​ໃນ​ການ​ຕໍ່​ສູ້​ສະ​ກັດ​ກັ້ນ ​ແລະຍູ້​​ຖອຍປະກົດການ “ຜັນ​ປ່ຽນ​ດ້ວຍ​ຕົນ​ເອງ”, “ປ່ຽນ​ແປງ​ດ້ວຍ​ຕົນ​ເອງ” ຢູ່​ພາຍ​ໃນ”, ​ແລະ ຂໍ້​ກຳ​ນົດ​ເລກ​ທີ 124-QĐ/TW, ​ວັນ​ທີ 2 ກຸມ​ພາ 2018, ຂອງ​ຄະ​ນະ​ເລ​ຂາ​ທິ​ການ​ສູນ​ກາງ​ພັກ, ກ່ຽວ​ກັບ “ການຕິດ​ຕາມກວດກາ ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ, ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ແລະ ປະ​ຊາ​ຊົນ​ ຕໍ່​ການ​ເຝິກຝົນຫຼໍ່ຫຼອມ ຄຸນສົມບັດ, ​ແບບ​ແຜນ​ດຳລົງຊີວິດຂອງ​ຜູ້​ເປັນ​ຫົວ​ໜ້າ, ພະ​ນັກ​ງານຫຼັກ​ແຫຼ່ງ ແລະ ພະ​ນັກ​ງານ, ສະ​ມາ​ຊິກ​ພັກ”, ຄະ​ນະ​ປະ​ຈຳ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດຫວຽດ​ນາມ ໄດ້​ປະ​ກາດ​ໃຊ້​ແຜນ​ການ​ແນະ​ນຳ​ໃຫ້ແນວ​ໂຮມ​ປະ​ເທດ​ຊາດຂັ້ນ​ຕ່າງໆ ແລະ ບັນ​ດາ​ອົງ​ການ​ຈັດ​ຕັ້ງ​ສະ​ມາ​ຊິກ​ ປະ​ຕິ​ບັດ, ໃນ​ນັ້​ນ​ມີ​ຄຳ​ແນະ​ນຳ​ເນື້ອ​ໃນ​ຕິດຕາມ​ກວດກາ​ຂອງ​ແນວ​ໂຮມ​ປະ​ເທດ​ຊາດ, ຕິດ​ຕາມກວດ​ກາ​ ຕໍ່​ປະ​ກົດ​ການຊຸດ​ໂຊມ​ທາງ​ດ້ານ​ຄຸນສົມບັດ ​ແບບ​ແຜນ​ດຳລົງ​ຊີວິດ ທີ່​ໄດ້​ກຳນົດຢ່າງ​ລະ​ອຽດ​ໃນ ​ມະ​ຕິ​ກອງ​ປະ​ຊຸມ​ສູນ​ກາງ​ພັກ​ຄັ້ງ​ທີ 4 ສະ​ໄໝ​ທີ XII; ຕິດ​ຕາມກວດ​ກາ​ການ​ປະ​ຕິ​ບັດ​​ມາດ​ຕະ​ຖານ​ຄຸນ​ສົມ​ບັດການ​ບໍລິການ​ສາ​ທາ​ລະ​ນະ ແລະ ຈັນ​ຍາ​ບັນ​ວິຊາ​ຊີບ​ຂອງ​ພະ​ນັກ​ງານ, ສະ​ມາ​ຊິກ​ພັກ, ຜູ້​ເປັນ​ຫົວ​ໜ້າ, ພະ​ນັກ​ງານຫຼັກ​ແຫຼ່ງ; ກໍ່​ສ້າງ​ໂຄງ​ການ​ປະ​ສານ​ສົມ​ທົບ​ລະ​ຫວ່າງ​ແນວ​ໂຮມ​ປະ​ເທດ​ຊາດຫວຽດ​ນາມ ກັບ​ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​ ໃນ​ການ​ຕິດ​ຕາມກວດ​ກາ​ວຽກ​ງານ​ພະ​ນັກ​ງານ​ຕາມ​ມະ​ຕິ​ກອງ​ປະ​ຊຸມ​ສູນ​ກາງ​ພັກ​ຄັ້ງ​ທີ 7 ສະ​ໄໝທີ XII. ປະຈຸ​ບັນ ໜ້າ​ທີ່ນີ້​ກຳ​​ລັງ​ໄດ້​ຮັບ​ການ​ປະ​ຕິ​ບັດ​ຢ່າງ​ແຂງຂັນ​ໂດຍ​ແນວ​ໂຮມ​ປະ​ເທດ​ຊາດຫວຽດ​ນາມຂັ້ນ​ຕ່າງໆ​.

ບັນ​ດາ​ໂຄງ​ການ​ປະ​ຕິ​ບັດງານ, ໂຄງ​ການ​ປະ​ສານ​ສົມ​ທົບ ແລະ ແຜນ​ການ​ຂອງ​ຄະ​ນະ​ປະ​ຈຳ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດຫວຽດ​ນາມ ລ້ວນ​ແຕ່​ສຸມ​ໃສ່​ການ​ເສີມ​ຂະ​ຫຍາຍ​ພາ​ລະ​ບົດ​ບາດ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ, ບັນ​ດາ​ອົງ​ການ​ຈັດ​ຕັ້ງການມ​ເມືອງ-ສັງ​ຄົມ, ຄະ​ນະ​ກວດ​ກາ​ປະ​ຊາ​ຊົນ, ຄະ​ນະ​ຕິດ​ຕາມກວດ​ກາ​ການ​ລົງ​ທຶນ​ຂອງ​ປະ​ຊາ​ຄົມ, ໜ່ວຍ​​ຊຸມ​ຊົນ​ປົກ​ຄອງ​ຕົນ​ເອງ, ຜູ້​ມີ​ຊື່​ສຽງ​ໃນ​ຊຸມ​ຊົນ ແລະປະ​ຊາ​ຊົນ ​ໃນ​ການ​ຕິດ​ຕາມກວດ​ກາບັນ​ດາ​ປະ​ກົດການຊຸດໂຊມ ທາງດ້ານຄຸນສົມບັດ ແບບແຜນດຳລົງຊີວິດ ຂອງ​ພະ​ນັກ​ງານ, ສະ​ມາ​ຊິກ​ພັກ ​ເຊິ່ງ​ໄດ້​ກຳ​ນົດ​ໃນ​ມະ​ຕິ​ກອງ​ປະ​ຊຸມ​ສູນ​ກາງ​ພັກຄັ້ງ​ທີ 4 ສະ​ໄໝ​ທີ XII, ກ່ຽວກັບ​ການ​ເພີ່ມ​ທະວີ​ການກໍ່​ສ້າງ ປັບປຸງ​ພັກ…; ຕິດ​ຕາມກວດ​ກາ​ການ​ປະ​ຕິ​ບັດມາດ​ຕະ​ຖານ​ຄຸນ​ສົມ​ບັດການ​ງານ ແລະຈັນ​ຍາ​ບັນ​ວິຊາ​ຊີບ​ຂອງ​ຜູ້​ເປັນ​ຫົວ​ໜ້າ, ພະ​ນັກ​ງານຫຼັກ​ແຫຼ່ງ, ພະ​ນັກ​ງານ, ສະ​ມາ​ຊິກ​ພັກ ແລະ ເສີມ​ຂະ​ຫຍາຍ​​ບົດ​ບາດ​ຂອງ​ປະ​ຊາ​ຊົນ ໃນ​ການຕໍ່​ສູ້, ສະກັດກັ້ນ​ແລະຍູ້ໃຫ້ຖອຍຄວາມ​ຊຸດ​ໂຊມ​ທາງ​ດ້ານ​ແນວ​ຄິດ​ການ​ເມືອງ, ຄຸນສົມບັດ, ແບບແຜນດຳລົງຊີວິດ, ບັນດາປະກົດການ “ຜັນປ່ຽນດ້ວຍຕົນເອງ”, “ປ່ຽນ​ແປງ​ດ້ວຍ​ຕົນ​ເອງ” ຢູ່​ພາຍ​ໃນ, ປ້ອງ​ກັນ​​ພະຍາດອາດຍາສິດ ການສໍ້ລາດບັງຫຼວງ ແລະຟຸ່ມເຟືອຍ. ໂດຍ​ຜ່ານ​ການ​ຜັນ​ຂະ​ຫຍາຍ​ເບື້ອງ​ຕົ້​ນ ​ທີ່​ໄດ້​ດຶງດູດ​ຄວາມ​ເອົາ​ໃຈ​ໃສ່​ຂອງ​ປະ​ຊາ​ຊົນ​ໃນ​ການ​ຕິດ​ຕາມ, ຕີ​ລາ​ຄາ, ສ່ອງ​ແສງ​ປະ​ກົດ​ການ​ທີ່​ບໍ່​ມີ​ຄວາມ​ປອດ​ໄສ​ໃນ​ຄຸນ​ສົມ​ບັດ, ​ແບບ​ແຜນ​ດຳ​ລົງ​ຊີ​ວິດ ​ແລະ​ການປະ​ຕິ​ບັດ​ບໍ່​ຖືກ​ຕ້ອງ​ຕາມ​ຂໍ້​ກຳ​ນົດ​ຂອງພັກແລະລັດ ທີ່​ກ່ຽວກັບ​ຄວາມ​ຮັບ​ຜິດ​ຊອບ​ຂອງ​ບຸກ​ຄົນທີ່​ເປັນ​ພະ​ນັກ​ງານສະ​ມາ​ຊິກ​ພັກ, ເປັນ​ຕົ້​ນ​ແມ່ນ​ຜູ້​ເປັນ​ຫົວ​ໜ້າ. ດ້ວຍຫຼາຍ​ຮູບ​ການ, ແນວ​ໂຮມ​ປະ​ເທດ​ຊາດຫວຽດ​ນາມ ໄດ້​ສ່ອງ​ແສງ​ໂດຍ​ກົງ​ໃຫ້​ຫົວໜ້າ ຫຼືຜ່ານ​ກອງ​ປະຊຸມ​ກ່ຽວ​ກັບ​ກໍລະນີ​, ​ເຫດການ​ທີ່​ໄດ້​ສ່ອງ​ແສງສະເໜີ​​ເປັນ​ລາຍ​ລັກ​ອັກ​ສອນ, ​ເຊິ່ງ​ໄດ້​ມີຄຸນ​ປະ​ໂຫຍດ​ທີ່​ດີ​ສຳລັບ​ການ​ປ້ອງ​ກັນ​ການ​ລະ​ເມີດ.

2- ໃນ​ເວ​ລາ​ທີ່​ຜ່ານ​ມາ, ດ້ວຍ​ທີ່​ຕັ້ງແລະພາ​ລະ​ບົດ​ບາດ​ຂອງ​ຕົນ​, ຄະ​ນະ​ກຳ​ມະ​ການແນວ​ໂຮມ​ປະ​ເທດ​ຊາດຫວຽດ​ນາມຂັ້ນ​ຕ່າງໆ ໄດ້​ເຮັດ​​ເປັນ​ຢ່າງດີ​ ບົດ​ບາດ​ເປັນ​ປະ​ທານ​ໃນ​ການ​ປະ​ສານງານ​ກັບ​ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ແລະ​ອົງ​ການ​ຈັດ​ຕັ້ງ​ສະ​ມາ​ຊິກ​ອື່ນ ​ປະ​ຕິ​ບັດ​ໜ້າ​ທີ່ຕິດ​ຕາມກວດ​ກາ​ ແລະ ວິ​ຈານ​ສັງ​ຄົມ. ແຕ່​ປີ 2018, ຄະ​ນະ​ກຳ​ມະ​ການແນວ​ໂຮມ​ປະ​ເທດ​ຊາດຫວຽດ​ນາມຂັ້ນ​ຕ່າງໆ ໄດ້​ມີ​ການ​ປະ​ຊຸມ​ເຈ​ລະ​ຈາ​ເອ​ກະ​ພາບ ​ເພື່ອສ້າງ​ແຜນ​ການຕິດ​ຕາມກວດ​ກາ ​ແລະວິ​ຈານ​ສັງ​ຄົມປະຈຳ​ປີ, ຊີ້​ແຈງຕື່ມ​ອີກ​ເຖິງ​ບົດ​ບາດນຳພາ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ແລະ ຂອງ​ແຕ່ລະອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ, ແກ້​ໄຂ​ຄວາມ​ຊ້ຳຊ້ອນ​ກັນ​ທາງ​ດ້ານ​ເນື້ອ​ໃນ, ເວ​ລາ ​ແລະ ພື້ນ​ທີ່​ການ​ຕິດ​ຕາມກວດ​ກາ. ພ້ອມກັນ​ນັ້ນ​, ເສີມ​ຂະ​ຫຍາຍ​ບົດ​ບາດ​ຂອງ​ບັນ​ດາ​ສະ​ພາທີ່​ປຶກ​ສາ, ຄະ​ນະທີ່​ປຶກ​ສາ, ກຸ່ມ​ທີ່ປຶກ​ສາ, ກຳ​ມະ​ການ​ຄະ​ນະ​ກຳ​ມະ​ການແນວ​ໂຮມ​ປະ​ເທດ​ຊາດຫວຽດ​ນາມ, ປະ​ກອບ​ຄຳ​ຄິດ​ເຫັນ​ກໍ່​ສ້າ​ງ​ພັກ, ອຳ​ນາດ​ການ​ປົກ​ຄອງ. ຄະ​ນະ​ກຳ​ມະ​ການແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ມີ​ການ​ຕີ​ລາ​ຄາ​ຖອດ​ຖອນ​ບົດ​ຮຽນ​ຢ່າງ​ປົກ​ກະ​ຕິ​ກ່ຽວ​ກັບ​ການ​ເລື​ອກ​ຕັ້ງ​ເນື້ອ​ໃນ, ຮູບ​ການ, ວິ​ທີ​ການ​ຕິດ​ຕາມກວດ​ກາ ​ແລະ ວິ​ຈານ​ສັງ​ຄົມ. ການ​ເຄື່ອນ​ໄຫວ​ຕິດ​ຕາມກວດ​ກາ(4), ວິ​ຈານ​ສັງ​ຄົມ(5) ແລະ ການເຂົ້າ​ຮ່ວມ​ການ​ປະ​ກອບ​ຄຳ​ຄິດ​ເຫັນ​ກໍ່​ສ້າງ​ພັກ, ອຳ​ນາດ​ການ​ປົກ​ຄອງ ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ​ໄດ້​ເຂົ້າ​ສູ່​ແບບ​ແຜນ​​ເທື່ອ​ລະ​ກ້າວ. ແນວ​ໂຮມ​ປະ​ເທດ​ຊາດຫວຽດ​ນາມຂັ້ນ​ຕ່າງໆ​ໄດ້​ພະຍາຍາມ​ຕິດ​ແທດ​ກັບໂຄງ​ການ, ແຜນ​ການ​ຂອງ​ຄະ​ນະ​ພັກ, ອຳ​ນາດ​ການ​ປົກ​ຄອງ​ຂັ້​ນ​ຕ່າງໆ ແລະ ໜ້າ​ທີ່​ພັດ​ທະ​ນາ​ເສດ​ຖະ​ກິດ-ສັງ​ຄົມ, ກໍ່​ສ້າງ​ພັກ, ອຳ​ນາດ​ການ​ປົກ​ຄອງ​ຂອ​ງ​ທ້ອງ​ຖິ່ນ, ບັນ​ດາ​ບັນ​ຫາ​ສັງ​ຄົມທີ່​ປະ​ຊາ​ຊົນ​​ເອົາ​ໃຈ​ໃສ່, ​ຮີບ​ຮ້ອນ ​ເພື່ອ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ​ໃນ​ແຕ່​ລະ​ປີ.

ການ​ປະ​ກອບ​ຄວາມ​ຄິດ​ເຫັນ​​ເປັນ​ປົກ​ກະ​ຕິ, ຕາມ​ກຳ​ນົດ​ເວ​ລາ​ແລະ​ບໍ່​ເປັນ​ປົກກະຕິ ​ໄດ້​ຮັບ​ຄວາມ​ເອົາ​ໃຈ​ໃສ່​ກວ່າ​ອີກ; ​ເຊື່ອ​ຕໍ່​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ​ກັບ​ໜ້າ​ທີ່​ຮັບ​ຟັງ​ຄວາມ​ຄິດ​ເຫັນ​ຂອງ​ປະ​ຊາ​ຊົນ, ຂົນ​ຂວາຍ​ປະ​ຊາ​ຊົນ​ປະ​ຕິ​ບັດ​ນະ​ໂຍ​ບາຍ, ກົດ​ໝາຍ, ເຂົ້າ​ຮ່ວມ​​ຂະ​ບວນ​ການ​ແຂ່ງ​ຂັນ​ຮັກ​ຊາດ, ການ​ປຸກລະດົມ​ຂົຂວາ​ຍ. ຂໍ້​ສະ​ໜີ​ແນະ​ຫຼາຍ​ຢ່າງພາຍຫຼັງ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ​ຢູ່​ບາງທ້ອງ​ຖິ່ນມີ​ຄຸນນະພາ​ບດີ, ​ໄດ້​ຮັບ​ຄວາມ​ຍອມຮັບ​ຈາກ​ສຳນັກງານ ອົງ​ການ​ຈັດ​ຕັ້ງ ບຸກ​ຄົນ​ທີ່​ມີ​ຄວາມ​ຮັບ​ຜິດ​ຊອບ​, ​ໄດ້​ນຳມາ​ເຊິ່ງ​ປະ​ສິດ​ທິ​ຜົນ​ອັນ​ແທ້​ຈິງ, ປະ​ກອບ​ສ່ວນ​ປົກ​ປັກ​ຮັກ​ສາ​ສິດທິຕາມ​ກົດໝາຍ​ແລະຜົນ​ປະ​ໂຫຍດ​ອັນຊອບ​ທຳ​ ຂອງ​ປະ​ຊາ​ຊົນ ​ແລະ​ຂອງອົງ​ການ​ຈັດ​ຕັ້ງ, ປົກ​ປັກ​ຮັກ​ສາ​ຜົນ​ປະ​ໂຫຍດ​ຂອງ​ລັດ, ຈຳ​ກັດ​ການ​ລະ​ເມີດ​ກົດ​ໝາຍ. ໂດຍ​ຜ່ານ​ການ​ເຄື່ອ​ນ​ໄຫວຕິດ​ຕາມກວດ​ກາ​ແລະວິ​ຈານ​ສັງ​ຄົມ, ເຂົ້າ​ຮ່ວມ​ການ​ປະ​ກອບ​ຄຳ​ຄິດ​ເຫັນ​ກໍ່​ສ້າງພັກ​ແລະ​ອຳນາດ​ການ​ປົກ​ຄອງ​ ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ​ໄດ້​ຊ່ວຍ​ໃຫ້​ບັນ​ດາ​ອົງ​ການ​ທີ່​ມີ​ສິດ​ອຳ​ນາດວາງ​ແຜນ​​ແລະປະ​ຕິ​ບັດນະ​ໂຍ​ບາຍ, ກົດ​ໝາຍ​ ຢ່າງ​ມີ​ປະ​ສິດ​ທິ​ຜົນ​, ປະ​ກອບ​ສ່ວນ​ທີ່​ສຳ​ຄັນ​ເຂົ້າ​ໃນ​ການກໍ່​ສ້າງ​ກຸ່ມ​ກ້ອນມະຫາ​ສາ​ມັກ​ຄີ​​ທົ່ວປວງ​ຊົນ, ສ້າງ​ຄວາມ​ໝັ້ນຄົງ​ໃຫ້ກັບ​ສະຖານະ​ການຂອງ​ປະ​ຊາ​ຊົນ, ປະ​ຕິ​ບັດ​ບັນ​ດາ​ເປົ້າ​ໝາຍ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​​ທ້ອງ​ຖິ່ນແລະ​ທົ່ວ​ປະ​ເທດ.

ແນວ​ໂຮມ​ປະ​ເທດ​ຊາດຫວຽດ​ນາມຂັ້ນ​ຕ່າງໆ​ໄດ້​ຕັ້ງ​ໜ້າ​ສົມ​ທົບ​ການຈັດ​ຕັ້ງ​ການ​ສົນ​ທະ​ນາໂດຍ​ກົງ. ຄວາມ​ຄິດ​ເຫັນຕ່າງ​ໆ​​ໃນ​ທີ່​ການປະຊຸມ​ສົນ​ທະ​ນາ​ໂດຍແນວ​ໂຮມ​ປະ​ເທດ​ຊາດຫວຽດ​ນາມຈັດ​ຕັ້ງ​ນັ້ນ ຖືກ​ຍອມຮັບ​ແລະອະທິບາຍ​ລາຍງານ​​ໂດຍຜູ້​ເປັນ​ຫົວ​ໜ້າ, ມີ​ຄຳ​ຄິດ​ເຫັນ​ຈຳ​ນວນຫຼາຍ​ໄດ້​ຮັບ​ການແກ້​ໄຂ​​ທີ່​​ກອງ​ປະ​ຊຸມສົນ​ທະ​ນາ. ການໂອ້​ລົມ​ສົນ​ທະ​ນາ​ໂດຍ​ກົງ​ໄດ້​ປະ​ກອບ​ສ່ວນ​ເຂົ້າ​ໃນ​ການ​ສ້າງ​ສະ​ພາບ​ແວດ​ລ້ອມ​ປະ​ຊາ​ທິ​ປະ​ໄຕ, ​ເປີດ​ອົກ​ເປີດ​ໃຈ, ສົມທົບ​ການ​ການ​ສົນ​ທະ​ນາ​ກັບຫຼາຍ​ຝ່າຍຫຼາຍ​ຂັ້ນ​​ໃຫ້ເຂົ້າ​ຮ່ວມ. ທີ່​​ການປະຊຸມ​ສົນ​ທະ​ນາ, ​ປະ​ຊາ​ຊົນ​ໄດ້​ສະ​ແດງ​ຄວາມ​ຄິ​ດຈິດ​ໃຈ, ຄວາມ​ມຸ່ງ​ມາດ​ປາ​ຖະ​ໜາ, ຄຳ​ສະ​ເໜີ​ແນະ​ ດ້ວຍ​ທ່າ​ທີ​ຕັ້ງ​ໜ້າ ຈິງ​ໃຈ, ປະ​ກອບຄວາມ​​ຄຳ​ຄິດຢ່າງ​ເປີດ​ເຜີຍ​ແລະ​ມີ​ຄວາມ​ຮັບ​ຜິດ​ຊອບ; ຜູ້​ເປັນ​ຫົວ​ໜ້າ​ຈະອະ​ທິ​ຍາຍ​ລາຍ​ງານ ​ແລະຮັບ​ເອົາຄຳ​ຄິດ​ຄຳ​ເຫັນທັງ​ໝົ້ດ​ທີ່ກອງ​ປະ​ຊຸມ, ຜ່ານນັ້ນ​ ​ປະ​ກອບ​ສ່ວນ​ປັບ​ປຸງ​ຄວາມ​ເຊື່ອ​ໝັ້ນ​ຂອງ​ປະ​ຊາ​ຊົນ​ຕໍ່​ພັກ ​ແລະລັດ; ປະ​ຊາ​ຊົນ​ເຂົ້າ​ໃຈແລະປະ​ຕິ​ບັດຕາມ​ກົດ​ໝາຍ​ດີ​ຂຶ້ນກວ່າ​ເກົ່າ, ຊ່ວຍ​ໃຫ້​ເຂົາ​ເຈົ້າ​ມີ​ຄວາມ​ອຸ່ນ​ອ່ຽວ​ໃຈ​ເພື່ອ​ອອກ​ແຮງ​ງານຜະ​ລິດ, ຕັ້ງ​ໜ້າ​ເຂົ້າ​ຮ່ວມ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​ທ້ອງ​ຖີ່ນ. ຕາມລາ​ຍ​ງານ​ຈາກ​ທ້ອງ​ຖິ່ນ​, ມາ​ຮອດ​ປະ​ຈຸ​ບັນ​ໄດ້​ມີ 47 ​ໃນ 63 ແຂວງ ​ທີ່​ໄດ້​ປະ​ກາດ​ໃຊ້​ກົດລະ​ບຽບ​ກ່ຽວ​ກັບ​ການ​ພົບ​ປະ,​ສົນ​ທະ​ນາ​ໂດຍ​ກົງ​ ຂອງ​ຜູ້​ເປັນ​ຫົວ​ໜ້າ​ຄະ​ນ​ພັກ, ອຳ​ນາດ​ການ​ປົກ​ຄອງ​ຂັ້ນ​ຕ່າງໆ​ ກັບ​ປະ​ຊາ​ຊົນ. ບົນ​ພື້ນ​ຖານນັ້ນ, ຜູ້ນຳ​ຂອງ​ຄະ​ນະ​ພັກ, ອຳ​ນາດ​ການ​ປົກ​ຄອງ​ມີ​ຄວາມ​ຮັບ​ຜິດ​ຊອບ​ໃນ​ການ​ພົບ​ປະ​ແລະ​ສົນ​ທະ​ນາ​ກັບ​ປະ​ຊາ​ຊົນ​ເປັນ​ໄລຍະໆ​ ຫຼືບໍ່​ເປັນ​ປົກກະຕິ. ​ຜ່ານການ​ເຄື່ອນ​ໄຫວ​ພົບ​ປະ​ແລະ​ສົນ​ທະ​ນານັ້ນ, ​ຄະ​ນະ​ພັກ, ອຳ​ນາດ​ການ​ປົກ​ຄອງ, ບຸກ​ຄົນຜູ້ມີ​ຄວາມ​ຮັບ​ຜິດ​ຊອບ​ໄດ້​ໃຫ້​ຄຳ​ຕອບ​, ຮັບ​ເອົາ ແລະ ແກ້​ໄຂ​​ບັນ​ຫາ​ທີ່​ກ່ຽວຂ້ອງ​ໂດຍ​ກົງ​ເຖິງ​ແຕ່​ລະ​ອົງ​ການ​ຈັດ​ຕັ້ງ, ເຖິງ​ສິດທິຕາມ​ກົດໝາຍແລະຜົນ​ປະ​ໂຫຍດ​ອັນ​ຊອບ​ທຳ​ ຂອງ​ສະ​ມາ​ຊິກ​ຊາວ​ໜຸ່ມ, ສະ​ມາ​ຊິກ​ສະ​ມາ​ຄົມ ແລະ ປະ​ຊາ​ຊົນ.

ແຕ່​ວ່າ, ການ​ປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ​ຕໍ່​ແນວ​ໂຮມ​ປະ​ເທດ​ຊາດ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ກໍ່​ຍັງ​ມີ​ຂໍ້​ຈຳ​ກັດ​ແລະຈຸດອ່ອນ​​ຈຳ​ນວນ​ໜຶ່ງ. ກອງ​ປ​ະ​ຊຸມ​ໃຫ​ຍ່​ຄັ້ງ​ທີ XII ຂອງ​ພັກ​ກອມ​ມູ​ນິດຫວຽດ​ນາມ ໄດ້​ຢືນ​ຢັນ​ວ່າ: “ການປ່ຽນ​ແປງ​ໃໝ່​ວິ​ທີ​ການ​ນຳ​ພາ​ຂອງ​ພັກ​ ຕໍ່ລັດ, ແນວ​ຮົມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ກໍ່​ຍັງ​ຊັກ​ຊ້າ, ເປັນ​ຕົ້ນ​ແມ່ນ​ການ​ຫັນ​ເປັນ​ລະ​ອຽດ​ວິ​ທີ​ການ​ນຳ​ພາ​ຂອງ​ພັກ​ໄດ້​ກຳ​ນົດ​ໄວ້​ໃນ ໂຄງ​ການການ​ເມືອງ ​ສ​ະ​ບັບ​ປັບ​ປຸງ​ແລະພັດ​ທະ​ນາ​ປີ 2011; ວິ​ທີ​ການ​ນຳ​ພາ​ຂອງ​ພັກ​ຕໍ່​ລັດ​ ຍັງມີ​​ເນື້ອ​ໃນ​ທີ່ບໍ່ສອດຄ່ອງ​ເໝາະ​ສົມ. ຍັງ​ບໍ່​ໄດ້​ກຳ​ນົດ​ຢ່າງ​ຈະ​ແຈ້ງ​ເນື້ອ​ໃນແລະວິ​ທີ​ການ​ກຳ​ອຳ​ນາດ. ຍັງ​ບໍ່​ໄດ້ເສີມ​ຂະ​ຫຍາຍບົດ​ບາດ​ຂອງ​ອົງ​ການ​ຈັດ​ຕັ້ງ​​ພັກ, ສະ​ມາ​ຊິ​ກ​ພັກ, ກຳມະການ​ຄະນະ​ບໍລິຫານ​ງານ​ພັກ ທີ່​ເຄື່ອນ​ໄຫວ​ໃນສຳນັກງານ​ອົງ​ການ​​ລັດ, ແນວ​ໂຮມ​ປະ​ເທດ​ຊາດ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​ຢ່າງ​ແທ້​ຈິງ(6). ຍັງ​ມີ​ສະ​ພາບ​ການ​ຄະ​ນະ​ພັກ​ຮວບ​ສິດເຮັດ​ແທນ ຫຼື ປ່ອຍປະ​ລະ​ເລີຍ​ການ​ນຳ​ພາ​ຕໍ່​ການເຄື່ອນ​ໄ​ຫວ​ຂອງ​ລະ​ບົບ​ການ​ເມືອງ​ໃນ​ບາງ​ຂົນ​ເຂດ. ບາງ​ເນື້ອ​ພື້ນ​ຖານກ່ຽວ​ກັບ​ວິ​ທີ​ການ​ນຳ​ພາ​ຂອງ​ພັກ​ຕໍ່​ລັດ, ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ; ກ່ຽວ​ກັບ​ສາຍ​ພົວ​ພັນ​​ວຽກ​ງານ​ລະ​ຫວ່າງ​ບັນ​ດາ​ອົງ​ການ​ຈັດ​ຕັ້ງ​ໃນ​ລະ​ບົບ​ການ​ເມືອງ, ກ່ຽວ​ກັບ​ສິດ​ເປັນ​ເຈົ້າຂອງ​ຂອງ​ປະ​ຊາ​ຊົນ, ​ໂດຍ​ສະ​ເພາະ​ແມ່ນ​ສິດ​ເປັນ​ເຈົ້າ​ໂດຍ​ກົງ… ​ໄດ້​ຮັບ​ການປະ​ກາດ​ໃຊ້, ຫັນ​ເປັນ​ລະ​ອຽດ, ຫັນ​ເປັນ​ລະ​ບຽບ​ກົດ​ໝາຍ ແລະຈັດ​ຕັ້ງ​ປະ​ຕິ​ບັດ​ ຢ່າງ​ຊັກ​ຊ້າ.

ວຽກ​ງານຕິດ​ຕາມກວດ​ກາ​ແລະວິ​ຈານ​ສັງ​ຄົມ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ​ຍັງມີ​ຂໍ້ຈຳ​ກັດ, ​ເຊັ່ນ ​ຄວາມ​ຮັບ​ຮູ້​ຂອງ​ຄະ​ນະ​ພັກ, ຂອງການ​ນຳ​ອຳ​ນາດ​ການ​ປົກ​ຄອງ​ຈຳ​ນວນ​ໜຶ່ງ​ ກ່ຽວ​ກັບ​ພາ​ລະບົດບາດ, ໜ້າ​ທີ່​ຕິດ​ຕາມກວດ​ກາ​ແລະວິ​ຈານ​ສັງ​ຄົມ, ປະ​ກອບ​ຄຳ​ຄິດ​ຄຳ​ເຫັນ​ກໍ່​ສ້າງພັກ, ກໍ່​ສ້າງ​ອຳ​ນາດ​ການ​ປົກ​ຄອງ​ຂອງ ແນວ​ໂຮມ​ປະ​ເທດ​ຊາດຫວຽດ​ນາມ ແລະ​ອົງ​ການ​​ສະ​ມາ​ຊິກ ​ແມ່ນ​ຍັງ​ບໍ່ຄົບຖ້ວນ, ​ບໍ່​​ເລິກ​ເຊິ່ງ ແລະ ຮອບ​ດ້ານ, ນຳ​ໄປ​ສູ່​ການ​ເບິ່ງເບົາ​ວຽກ​ງານ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ, ການ​ປະ​ກອບ​ຄຳ​ຄິດ​ຄຳ​ເຫັນ​ກໍ່​ສ້າງ​ພັກ​ ຂອງ​ອົງ​ການ​​ເຫຼົ່ານີ້, ຍັງ​ບໍ່​ທັນ​ເອົາ​ໃຈ​ໃສ່​​ເຖິງ​ການ​ຈັດ​ວາງ​ພະ​ນັກ​ງານ​ເພື່ອ​ຮັບ​ປະ​ກັນ​ການ​ປະ​ຕິ​ບັດ​ໜ້າ​ທີ່ຂອງ​ຕົນ, ດັ່ງ​ນັ້ນ ຈຶ່ງ​ຈຳ​ກັດ​ຄຸນ​ປະ​ໂຫຍດແລະປະ​ສິດ​ທິ​ຜົນ​ຂອງ​ການ​ເຄື່ອນ​ໄຫວຂອງ​ແນວ​ໂຮມ​ປະ​ເທດ​ຊາດຫວຽດ​ນາມຂັ້​ນ​ຕ່າງໆ. ໃນ​ການ​ເຄື່ອນ​ໄຫວ​ຕິດ​ຕາມກວດ​ກາ​ແລະວິ​ຈານສັງຄົມ, ປະ​ກອບ​ຄຳ​ຄິດ​ຄຳ​ເຫັນ​ຢູ່​ບາງທ້ອງ​ຖິ່ນ, ການ​ນຳແນວ​ໂຮມ​ປະ​ເທດ​ຊາດຫວຽດ​ນາມ ບໍ່​ໄດ້​​ສະ​ແດງ​ຄວາມ​ກ້າຫານ​ໃນ​ການ​ປາກ​ເວົ້າ, ກ້າ​ເຮັດ, ກ້າ​ຮັບ​ຜິດ​ຊອບ. ​ຍັງ​ມີ​ປະ​ກົດ​ການ​ຈົ່ງ​ຈຽມ, ຫຼີກ​ລ່ຽງ, ​ຢ້ານທີ່​ຈະ​ຕຳ​ກັນ​ ໃນ​ຂະ​ບວນການ​ຕິດ​ຕາມກວດ​ກາ, ວິ​ຈານ​ສັງ​ຄົມ ແລະ ປະ​ກອບ​​ຄຳ​ຄິດ​ຄຳ​ເຫັນ​ກໍ່​ສ້າງ​ພັກ, ກໍ່​ສ້າງ​ອຳ​ນາດ​ການ​ປົກ​ຄອງ. ເຖິງວ່າ​ໃນ​ເວ​ລາ​ທີ່​ຜ່ານ​ມາ​ໄດ້​ມີຄວາມ​ກ້າວໜ້າ​ທີ່​ສຳຄັນ, ແຕ່​ນະ​ໂຍ​ບາຍແລະກົດ​ໝາຍ ​ກ່ຽວ​ກັບ​ວຽກ​ງານຕິດ​ຕາມກວດ​ກາ​ແລະວິ​ຈານ​ສັງ​ຄົມ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມໃນ​ປະ​ຈຸ​ບັນ ​ຍັງ​ຕ້ອງ​​ໄດ້​ປັບ​ປຸງ​ແລະບູ​ລະ​ນະຫຼາຍ​ຢ່າງ ຈຶ່ງ​ສາມາດ​ຕອບ​ສະ​ໜອງຄວາມ​ຮຽກ​ຮ້ອງ​ຕ້ອງ​ການ​ທາງ​ດ້ານ​ພື້ນ​ຖານ​ກົດ​ໝາຍ​ ສຳລັບ​ການ​ເຄື່ອນ​ໄຫວ​ຕິດ​ຕາມກວດ​ກາ​ຂອງ​ແນວ​ໂຮມ​ປະ​ເທດ​ຊາດ. ການຈັດ​ຕັ້ງ​ກົງ​ຈັກແລະຖັນ​ແຖວ​ບຸກ​ຄະ​ລາ​ກອນ ກໍ່​ຄື​ບັນ​ດາ​ເງື່ອນ​ໄຂ​ອື່ນ​ ເພື່ອ​ຮັບ​ປະ​ກັນການ​ເຄື່ອນ​ໄຫວ​ຕິດ​ຕາມກວດ​ກາ​ຂອງ​ແນວ​ໂຮມ​ປະ​ເທດ​ຊາດ ​ຍັງມີ​ຂໍ້​ຈຳ​ກັດຫຼາຍ​ຢ່າງ. ການ​ຕິດ​ຕາມ, ຊຸກ​ຍູ້​ການ​ແກ້​ໄຂ​ຂໍ້​ສະ​ເໜີ​ແນະ​ພາຍຫຼັງ​ການຕິດ​ຕາ​ກວດ​ກາ; ການຕິດ​ຕາມ, ຊຸກ​ຍູ້, ຮັບ​ເອົາ, ສ່ອງ​ແສງ​ຄືນ ພາຍຫຼັງ​​ການ​ວິ​ຈານ​ສັງ​ຄົມ​ຢູ່ຫຼາຍ​ແຫ່ງ ບໍ່​ໄດ້​ຮັບ​ຄວາມ​ເອົາ​ໃຈ​ໃສ່, ພາ​ໃຫ້​ການ​ສະ​ເໜີ​ແນະ​​ມີພຽງ​ລັກ​ສະຝ່າຍດຽວ, ຮູບນອກ, ປະ​ສິດ​ທິ​ຜົນ​ຕ່ຳ.

3- ໃນ​ເວ​ລາ​ຕໍ່​ໄປ​ນີ້, ເພື່ອ​ເສີມ​ຂະ​ຫຍາຍ​ຢ່າງ​ແຂງ​ແຮງ ​ພາ​ລະ​ບົດ​ບາດ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ ຂອງແນວ​ໂຮມ​ປະ​ເທດ​ຊາດ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ໃນ​ການ​ເຂົ້າ​ຮ່ວມການກໍ່​ສ້າງ​ພັກ, ຄວນ​ສືບຕໍ່​ເພີ່ມ​ທະ​ວີ​ການ​ນຳ​ພາ​ຂອງ​ພັກ ​ຕໍ່​ແນວ​ໂຮມ​ປະ​ເທ​ດ​ຊາດຫວຽດ​ນາມ ໃນ​ການ​ປະ​ຕິ​ບັດ​ບາງ​ເນື້ອ​ໃນ​​ດັ່ງ​ລຸ່ມນີ້:

ທີ​ໜຶ່ງ, ຍົກ​ສູງ​ຄວາມ​ຮັບ​ຮູ້​ຂອ​ງ​ຄະ​ນະ​ພັກ​ຂັ້ນ​ຕ່າງໆ​ ກ່ຽວ​ກັບ​ພາ​ລະ​ບົດ​ບາດການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ​ ຂອງແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ.

ຄວາມ​ເປັນ​ຈິງ​ໃຫ້​ເຫັນວ່າ, ບ່ອນ​ໃດ​ຄະ​ນະ​ພັກ​ມີ​ຄວາມ​ຮັບ​ຮູ້​ຢ່າງ​ຖືກ​ຕ້ອງ​ກ່ຽວ​ກັບ​​ບົດ​ບາດ, ທີ່​ຕັ້ງ​ຂອງແນວ​ໂຮມ​ປະ​ເທດ​ຊາດຫວຽດ​ນາມ, ເອົາ​ໃຈ​ໃສ່​ຊີ້ນຳນຳ​ພາ ແລະ ປຸກລະດົມ ສະ​ໜັບ​ສະ​ໜູນຢ່າງ​ທັນ​ການ ​ແມ່ນ​ບ່ອນນັ້ນ​ ວຽກ​ງານ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ຈະໄດ້​ປະ​ຕິ​ບັດຢ່າງ​ມີ​ປະ​ສິດ​ທິ​ຜົນ ແລະ ກົງ​ກັນ​ຂ້າມ. ເຖິ​ງວ່າໃນ​ຊຸມ​ປີທີ່​ຜ່ານ​ມາມໍ່ນີ້, ຄວາມ​ຮັບ​ຮູ່​ຂອງ​ຄະ​ນະ​ພັກ​ຂັ້ນ​ຕ່າງໆ​ກ່ຽວ​ກັບ​ທີ່​ຕັ້ງ​, ບົດ​ບາດ​ຂອງ​ແນວ​ໂຮມ​ປະ​ເທ​ດ​ຊາດຫວຽດ​ນາມເວົ້າ​ລວມ ແລະ ກ່ຽວ​ກັບ​ພາ​ລະ​ບົດ​ບາດ, ໜ້າ​ທີ​ຕິດ​ຕາມກວດ​ກາແລະວິ​ຈານ​ສັງ​ຄົມຂອງແນວ​ໂຮມ​ປະ​ເທດ​ຊາດຫວຽດ​ນາມເວົ້າ​ສະ​ເພາະ​ ໄດ້​ມີ​​ການ​ຫັນ​ປ່ຽນ​ຢ່າງ​ຕັ້ງ​ໜ້າ; ແຕ່​ໃນ​ພາກ​ຕົວ​ຈິງ ຢູ່​ບາງ​ບ່ອນຍັງ​ຖືແນວ​ໂຮມ​ປະ​ເທດ​ຊາດຫວຽດ​ນາມ ເປັນພຽງພາກສ່ວນ​ທີ່​ “ເຂົ້າ​ຮ່ວມ”​, “ຕອບ​ສະ​ໜອງ" ຄວາມ​ຕ້ອງການ​ເຄື່ອນ​ໄຫວ​ຂອງ​ພັກ​ແລະລັດ, ​ຍັງ​ບໍ່​ທັນ​ເປັນອົງການ​ທີ​ເປັນ​ເອ​ກະ​ລາດ, ຕາງ​ໜ້າ​ໃຫ້​ປະຊາ​ຊົນ​ໃນ​ການ​ຕິດ​ຕາມກວດ​ກາ​ແລະວິ​ຈານ​ຕໍ່​ການກໍ່​ສ້າງ ​ແລະປະ​ຕິ​ບັດ​ແນວທາງ ​ແຜ​ນນະ​ໂຍບາຍ​ຂອງ​ພັກ, ນະ​ໂຍ​ບາຍກົດ​ໝາຍ​ຂອງ​ລັດ. ນັບແຕ່ເມື່ອ​ກົມ​ການ​ເມືອງ​ປະ​ກາດ​ໃຊ້ກົດ​ລະ​ບຽບ​ກ່ຽວ​ກັບ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ ​ຂອງແນວ​ໂຮ​ປະ​ເທດ​ຊາດຫ​ບຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ, ຄວາມ​ຮັບ​ຮູ້​ໃນ​ລະ​ບົບ​ການ​ເມືອງ ແລະໃນ​ສັງ​ຄົມ​ ກ່ຽວ​ກັບ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ ​ຂອງແນວ​ໂຮ​ປະ​ເທດ​ຊາດຫວຽດນາມແລະ​ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ເບິ່ງ​ລວມ​ແລ້ວ​ໄດ້​ມີ​ການ​ຫັນ​ປ່ຽນ​ຢ່າງ​ຕັ້ງ​ໜ້າ, ແຕ່​ມາ​ຮອດ​ປະ​ຈຸ​ບັນ​ ​ຍັງ​ບໍ່​ທັນ​ຄົບຖ້ວນແລະຖືກຕ້ອງ​ແທ້​ເທື່ອ, ​ຍັງ​ມີປະ​ກົດ​ການ​ເບິ່ງ​ເບົາ​ສິດ​ທິ​ໃນ​ການຕິດ​ຕາມກວດ​ກາ​ແລະວິ​ຈານ​ສັງ​ຄົມ ​ຂອງແນວ​ໂຮ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ. ບາງ​ຄັ້ງ​ພຽງ​ແຕ່​ລວມສູນ​ຢູ່​ໃນການ​ເຄື່ອນ​ໄຫວ​ຂອງ​ຄະ​ນະ​ກຳ​ມະ​ການ ແນວ​ໂຮມ​ປະ​ເທດ​ຊາດຫວຽດ​ນາມ, ຍັງ​ບໍ່​ທັນ​ປຸກ​ລ​ະ​ດົມແລະເສີມ​ຂະ​ຫຍາຍ​ກຳ​ລັງ​ແຮງ​ສັງ​ລວມ​ຂອງ​ບັນ​ດາ​ອົງ​ການ​ຈັດ​ຕັ້ງ​ສະ​ມາ​ຊິກ​ ​ໃຫ້​ເຂົ້າ​ຮ່ວມ​ການເຄື່ອນ​ໄຫວຕິດ​ຕາມກວດ​ກາ​ແລະວິ​ຈານ​ສັງ​ຄົມ; ຍັງມີ​ສະ​ພາບ​ການຫຼີກ​ລ່ຽງ, ຢ້ານທີ່​ຈະ​ຕຳ​ກັນ, ດັ່ງ​ນັ້​ນ ​ປະ​ສິດ​ທິ​ຜົນຂອງ​ການຕິດ​ຕາມກວດ​ກາ​ແລະວິ​ຈານ​ສັງ​ຄົມ ຈຶ່ງ​ບໍ່​ສູງ.

ທີ​ສອງ, ສືບ​ຕໍ່​ປົວ​ແປງ​ບູ​ລະ​ນະ​ນະ​ໂຍ​ບາຍ, ກົດ​ໝາຍ​ກ່ຽວ​ກັບ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ

ຕ້ອງ​ຄົ້ນ​ຄວ້າ​ເພື່ອ​ດັດ​ແປງ, ປັບ​ປຸງ​ບູ​ລະ​ນະກົດ​ລະບຽບ​ຂອງ​ກົມ​ການ​ເມືອງກ່ຽວ​ກັບ​ ແນວ​ໂຮມ​ປະ​ເທ​ດ​ຊາດຫວຽດ​ນາມ ແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​ ເຂົ້າ​ຮ່ວມ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ, ໃນ​ນັ້ນ​ ສືບ​ຕໍ່ປັບປຸງ​ບູ​ລະ​ນະ​ກົນ​ໄກ ​​ແນວ​ໂຮມ​ປະ​ເທດ​ຊາດຫວຽດ​ນາມແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ດຳ​ເນີນ​ການຕິດ​ຕາມກວດ​ກາ​ຕໍ່​ອົງ​ການ​ຈັດ​ຕັ້ງ​​ພັກ ​ແລະ ສະ​ມາ​ຊິກ​ພັກ; ກຳ​ນົດ​ໃຫ້​ຈະ​ແຈ້ງ​ແລະລະ​ອຽດ​ຕື່ມ​ອີກ ກ່ຽວ​ກັບຄວາມ​ຮັບ​ຜິດ​ຊອບ​ຂ​ອງ​ອົງ​ການ​ຈັດ​ຕັ້ງ​ພັກແລະສະ​ມາ​ຊິກ​ພັກ ​​ໃນ​ການ​ເຄື່ອນ​ໄຫວ​ຕິດ​ຕາມກວດ​ກາ ແລະ ກົນ​ໄກ​ຮັບ​ເອົາ​ແລະປະ​ຕິ​ບັດ​​ຂໍ້​ສະ​ເໜີ​ແນະ, ຄວາມ​ຮຽກ​ຮ້ອງ​ ພາຍ​ລັງ​ການ​ຕິດຕາມ​ກວດກາ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ. ພ້ອມ​​ກັນກັບ​ການ​ສືບ​ຕໍ່ປັບປຸງ​ບູ​ລະ​ນະແລະປະ​ຕິ​ບັດ​ເອ​ກະ​ສານທີ່​ມີ​ຢູ່​ແລ້ວ​ໃຫ້​ດີ​ນັ້ນ, ໃນ​ເວ​ລາ​ຕໍ່​ໜ້າ ຕ້ອງ​ສືບ​ຕໍ່​ຄົ້ນ​ຄວ້າກໍ່​ສ້າງ​ຮ່າງ​ກົດ​ໝາຍ​ວ່າ​ດ້ວຍ​ການ​ປະ​ຕິ​ບັດ​ປະ​ຊາ​ທິ່​ປະ​ໄຕ​ຢູ່​ຮາກ​ຖານ (ປ່ຽນ​ແທນ​ໃຫ້​ລັດ​ຖະ​ດຳ​ລັດ​ວ່າ​ດ້າຍ​ການ​ປະ​ຕິ​ບັດ​ປະ​ຊາ​ທິ​ປະ​ໄຕ​ຢູ່​ຕາ​ແສງ, ຄຸ້ມ​ຖະໜົນ, ເທດ​ສະ​ບານນ້ອຍ ປີ 2007) ແລະ ຮ່າງ​ກົດ​ໝາຍ​ວ່າ​ດ້ວຍ​ການເຄື່ອນ​ໄຫວ​ຕິດ​ຕາມກວດ​ກາ​ຂອງ​ປະ​ຊາ​ຊົນ.

ທີ​ສາມ, ເສີມ​ຂະ​ຫຍາຍ​ປະ​ຊາ​ທິ​ປະ​ໄຕ​ໃນການ​ເຄື່ອນ​ໄຫວ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ ​ຂອງ ແນວ​ໂຮມ​ປະ​ເທດ​ຊາດຫວຽດ​ນາມ

ປະ​ຊາ​ທິ​ປະ​ໄຕ​ແມ່ນ​ໜຶ່ງ​ໃນ​ບັນ​ດາ​ຄວາມ​ຮຽກ​ຮ້ອງ​ຕ້ອງ​ການ, ຫຼັກ​ການ​ພື້ນ​ຖານ​ໃນ​ການ​ຈັດ​ຕັ້ງ ແລະການເຄື່ອງ​ໄຫວ​ຂອງ​ບັນ​ດາສະ​ຖາ​ບັນ​ໃນ​ລະ​ບົບ​ການ​ເມືອງ​ຂອງຫວຽດ​ນາມ, ໃນ​ນັ້ນ​ມີ ແນວ​ໂຮມ​ປະ​ເທດ​ຊາດຫວຽດ​ນາມ. ແມ່ນ​ໜຶ່ງ​ໃນການ​ເຄື່ອນ​ໄຫວ​ຂັ້ນພື້ນ​ຖານ, ການຕິດ​ຕາມກວດ​ກາ​ແລະວິ​ຈານ​ສັງ​ຄົມ​ຂອງ ແນວ​ໂຮມ​ປະ​ເທດ​ຊາດຫວຽດ​ນາມ ກໍ່​ມີ​ຄວາມຮຽກ​ຮ້ອງຕ້ອງ​ການ​ໄດ້​ປະ​ຕິ​ບັດ​ຕາມ​ກົນ​ໄກ ແລະວິ​ທີ​ການ​ປະ​ຊາ​ທິ​ປະ​ໄຕ. ຄວາມ​ຮຽກ​ຮ້ອງ​ຕ້ອງ​ກາ​ນ​ນີ້​ໄດ້​ວາງ​ອອກ​ຕໍ່ ລະ​ບົບ​ແນວ​ໂຮມ​ປ​ະ​ເທດ​ຊາດຫວຽດນາມ​ທັງໝົດ ກໍ່​ຄື​ຕໍ່​ການ​ປ​ະ​ສານ​ສົມ​ທົບການ​ຕິດ​ຕາມກວດ​ກາ ​ລະ​ຫວ່າງ​ຄະ​ນະ​ກຳ​ມະ​ການແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ​ອົງ​ການ​ຈັດ​ຕັ້ງ​ສະ​ມາ​ຊິກ ຫຼື ລະ​ຫວ່າງ​ບັນ​ດາ​ສະ​ມາ​ຊິກ​ນຳ​ກັນ ​ໃນ​ຂະ​ບວນການ​ປະ​ຕິ​ບັດ​ສິດທິຕິດຕາມກວດ​ກາ.

ທີ​ສີ່, ມີ​ກົນ​ໄກ​ເພີ່ມ​ທະ​ວີ​ການ​ປະ​ສານ​ສົມ​ທົບ​ລະ​ຫວ່າງ​ແນວ​ໂຮມ​ປະ​ເທດ​ຊາດຫວຽດ​ນາມ ແລະ ບັນ​ດາ ອົງ​ການ​ຈັດ​ຕັ້ງ​ສະ​ມາ​ຊິກ, ບັນ​ດາສຳນັກງານ​ແລະອົງ​ການ​ຈັດ​ຕັ້ງ​ອື່ນ ​ໃນ​ການ​ປະ​ຕິ​ບັດ​ການ​ຕິດ​ຕາມກວດ​ກາ

ການເຄື່ອນ​ໄຫວ​ຕິດ​ຕາມກວດ​ກາ​ຂອງແນວ​ໂຮມ​ປະ​ເທດ​ຊາດຫວຽດ​ນາມ ຈະສາມາດເສີມ​ຂະ​ຫຍາຍ​ປະ​ສິດ​ທິ​ຜົນ​ໄດ້ ກໍ່​ຕໍ່​ເມື່ອ​ມີ​ການປະ​ສານ​ສົມ​ທົບແລະປະ​ຕິ​ບັດ​ຢ່າງ​ຄົບ​ຊຸດ ​ກັບ​ການ​ເຄື່ອນ​ໄຫວ​ຕິດ​ຕາມກວດ​ກາ​ຂອງ​ບັນ​ດາ​ສຳນັກງານ ອົງ​ການ​ຈັດ​ຈັ້ງ​ອື່ນ ​ໃນ​ລະ​ບົບ​ການ​ເມືອງ. ດັ່ງ​ນັ້ນ, ຕ້ອງ​ມີ​ກົນ​ໄກ​ເພີ່ມ​ທະ​ວີ​ການ​ປະ​ສານ​ສົມ​ທົບ​ລະ​ຫວ່າງການ​ເຄື່ອນ​ໄຫ​ວ​ຕິດ​ຕາມກ​ວດ​ກາ​ຂອງແນວ​ໂຮມ​ປະ​ເທດ​ຊາດຫວຽດ​ນາມ ແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ​ ກັບ​ການເຄື່ອນ​ໄຫວກວດ​ກາ, ຕິດ​ຕາມກວດ​ກາ​ຂອງ​ພັກ ແລະ ການເຄື່ອນ​ໄຫວ​ຕິດ​ຕາມກວດ​ກາ​ຂອງ​ສະ​ພາ​ແຫ່ງ​ຊາດ, ສະ​ພາ​ປະ​ຊາ​ຊົນ​ຂັ້ນ​ຕ່າງໆ.

ທີ​ຫ້າ, ຫັນ​ເປັນ​ລະ​ບຽບ​ກົດ​ໝາຍ​ຕໍ່ບັນ​ດາ​ທັດ​ສະ​ນະ ແຜນ​ນະ​ໂຍ​ບາຍ​ຂອງ​ພັກ​ ກ່ຽວ​ກັບ​ສາ​ມັດ​ຄີ​ທົ່ວ​ປວງ​ຊົນ, ທິດ​ນຳ “ປະ​ຊາ​ຊົນ​ຮູ້, ປະ​ຊາ​ຊົນ​ປຶກສາ​ຫາລື, ປະ​ຊາ​ຊົນ​ເຮັດ, ປະ​ຊາ​ຊົນ​ກວດ​ກາ”, ການ​ພົວ​ພັນ “ພັກ​ເປັນ​ຜູ້​ນຳ​ພາ, ລັດ​ເປັນ​ຜູ້​ຄຸ້ມ​ຄອງ, ປະ​ຊາ​ຊົນ​ເປັນ​ເຈົ້າ”; ປັບປຸງງ​ບູ​ລະ​ນະແລະປະ​ຕິ​ບັດຢ່າງ​ມີ​ປະ​ສິດ​ທິ​ຜົນ​ບັນ​ດາ​ກົນ​ໄກ, ນະ​ໂຍ​ບາຍ​ກ່ຽວ​ກັບ​ການເສີມ​ຂະ​ຫຍາຍ​ພາ​ລະ​ບົດ​ບາດ​ຂອງ​ປະ​ຊາ​ຊົນ ​ໃນ​ການ​ຕົກ​ລົງ​ບັນ​ດາ​ບັນ​ຫາທີ່​ສຳຄັນ​ຂອງ​ປະ​ເທດ; ຮັບ​ປະ​ກັນ​ອຳ​ນາດ​ລັດທັງ​ໝົດ​​​ເປັນ​ຂອງ​ປະ​ຊາ​ຊົນ; ຍົກ​ສູງ​ປະ​ສິດ​ທິ​ຜົນ​ແລະ​ຄວາມ​ແທດ​ຈິງ​ໃນ​ການ​ເຄື່ອນ​ໄຫວ​ຕິດ​ຕາມກ​ວດ​ກາ​ແລະວິ​ຈານ​ສັງ​ຄົມ​ ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ແລະບັ​ນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ.

ທີ​ຫົກ, ຄວາມ​ຮັບ​ຜິດ​ຊອບ​​ໃນ​ການ​ເປັນ​ແບບ​ຢ່າງ​ຂອງ​​ຫົວ​ໜ້າ ​ແລະພະ​ນັກ​ງານ​ຫຼັກ​ແຫຼ່ງ​ ຕ້ອງໄດ້​ຮັບ​ການກຳ​ນົດແລະເຜີຍ​ແຜ່ ເພື່ອ​​ໃຫ້ປະ​ຊາ​ຊົນ​ຮັບ​ຮູ້ ແລະຕິດ​ຕາມກວດ​ກາ. ກຳ​ນົດ​ແຈ້ງ​​ຮູບ​ແບບ​ສະ​ເພາະ ​ແລະ​ສ້າງ​ເງື່ອ​ນໄຂອຳ​ນວຍ​ຄວາມ​ສະ​ດວກ​ໃຫ້​ປະ​ຊາ​ຊົນ​ສ່ອງ​ແສງ​ແລະປະ​ກອບ​ຄຳ​ເຫັນ. ປະ​ຕິ​ບັດ​ຢ່າງເຂັ້ມ​ງວດ​ກົດ​ລະ​ບຽບ​ການ​ພົບ​ປະ​ແລະ​ສົນ​ທະ​ນາ​ຂອງ​ຜູ້​ເປັນ​ຫົວ​ໜ້າ; ກົດລະ​ບຽບ​ການ​ຮັບ​ເອົາແລະໃຫ້​ຄຳຕອບພາຍຫຼັງ​ການ​ຕິດ​ຕາມກວດ​ກາ​ແລະວິ​ຈານ​ສັງ​ຄົມ, ສຳລັບຄວາມ​ເຫັນ​​ປະ​ກອບ​ສ່ວນ​ຂອງ​ແນວ​ໂຮມ​ປະ​ເທດ​ຊາດຫວຽດ​ນາມ ແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ; ​ຮັບ​ຟັງ​ຄວາມ​​ເຫັນ​ສ່ອງ​ແສງ ຄຳສະ​ເໜີ​ແນະ​ ຈາກແນວ​ໂຮມ​ປະ​ເທດ​ຊາດຫວຽດນາມແລະອົງ​ການ​ຈັດ​ຕັ້ງ​ປະ​ຊາ​ຊົນ​ ດ້ວຍ​ຄວາມ​ຮັບຜິດຊອບ​ສູງ. ບັນ​ດາ​ຄະ​ນະ​ພັກ​ຕ້ອງ​​ຊີ້ນຳ​ປະຕິບັດຫຼາຍ​ມາດ​ຕະ​ການຢ່າງ​ຄົບ​ຊຸດ, ໃນ​ນັ້ນ​ມີ​ການ​ຕິດ​ຕາມກວດ​ກາ, ກວດ​ສອບ​ຂອງ​ຄະ​ນະ​ພັກ​ຂັ້ນ​ເທິງ​ຕໍ່​ຄວາມ​ຮັບ​ຜິດ​ຊອບ​ປະ​ຕິ​ບັດ​ໜ້າ​ທີ່​ເປັນ​ແບບ​ຢ່າງ​ຂອງ​ພະ​ນັກ​ງານ ສະ​ມາ​ຊິກ​ພັກ; ​​ເປີດ​ເຜີຍເຜີຍ​ແຜ່ຜົນ​ການສ່ອງ​ແສງ ຈັດການແກ້​ໄຂບັນ​ຫາ​ທີ່​ກ່ຽວຂ້ອງ​ເຖິງ​ຄຸນ​ສົມ​ບັດ, ແບບ​ແຜນ​ດຳ​ລົງ​ຊີ​ວິດ​ ຂອງ​ຜູ້​ເປັນ​ຫົວ​ໜ້າ ເຊິ່ງ​ຫາງ​ສຽງແລະປະ​ຊາ​ຊົນຫຼາຍ​ຄົນສົນ​ໃຈ.

ເພື່ອ​ສືບ​ຕໍ່​ເສີມ​ຂະ​ຫຍາຍ​ພາ​ລະ​ບົດ​ບາດ​ຂອງ​ແນວ​ໂຮມ​ປະ​ເທດ​ຊາດຫວຽດນາມ ແລະບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ ​ໃນ​ການ​ເຂົ້າ​ຮ່ວມການກໍ່​ສ້າງ​ພັກ​ແລະລັດ, ຕ້ອງ​ສືບ​ຕໍ່​ເອົາ​ໃຈ​ໃສ່ເສີມ​ຂະ​ຫຍາຍ ແລະຍົກ​ສູງ​ຄຸນ​ນະ​ພາບຂອງ​ວຽກ​ງານ​ຕິດ​ຕາມກວດ​ກາ ​ແລະວິ​ຈານ​ສັງ​ຄົມ ຂ​ອງແນວ​ໂຮມ​ປະ​ເທດ​ຊາດຫວຽດນາມ ແລະ ບັນ​ດາ​ອົງ​ການ​ຈັດ​ຕັ້ງ​ການ​ເມືອງ-ສັງ​ຄົມ, ​ເພາະ​ວ່າ, ປະ​ຕິ​ບັດ​​ໜ້າ​ທີ່​ນີ້​​ໄດ້​ເປັນ​ຢ່າງ​ດີຈະ​ປະ​ກອບ​ສ່ວນ​​ສຳ​ຄັນ​ເຂົ້າ​ໃນ​ການກໍ່​ສ້າງ​ພັກ, ອຳ​ນາດ​ການ​ປົກ​ຄອງ​ໃຫ້​ສະ​ອາດ​ປອດ​ໃສ​ແລະ​ໝັ້ນຄົງເຂັ້ມ​ແຂງຍິ່ງ​ຂຶ້ນ./.

​ໂດຍ ເຈິ່​ນແທງ​ເໝິນ

ເລ​ຂາ​ທິການສູນ​ກາງ​ພັກ, ປະ​ທານຄະນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດຫວຽດ​ນາມ

-------------------------------------------

(1) ໂຄງ​ການການ​ເມືອງ​ກໍ່​ສ້າງ​ປະ​ເທດ​ໃນ​ໄລ​ຍະ​ຂ້າມ​ຜ່ານ​ຂຶ້ນ​ສູ່​ສັງ​ຄົມ​ນິ​ຍົມ (ສະ​ບັບ​ປັບ​ປຸງ, ພັດ​ທະ​ນາ ປີ 2011) ສພຈ. ການ​ເມືອງ​ແຫ່ງ​ຊາດ-ຊື້​ເທິດ, ຮ່າ​ໂນ້ຍ, 2011. ໜ້າ 30 – 31.

(2) ເອ​ກະ​ສານກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ XII, ຫ້ອງວ່າ​ການ​ສູນ​ກາງ​ພັກ, ຮ່າ​ໂນ້ຍ, 2016, ໜ້າ 214

(3) ໂຄງ​ການ​ປະ​ສານ​ສົມ​ທົບ​ເລກ​ທີ 30/CTPT-MTTW-TCTV, ​ວັນ​ທີ 30 ຕຸ​ລາ 2018.

(4), (5) ເບິ່ງ​ໜ້າຫຼັງ

(6) ເອ​ກະ​ສານ ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ XII, ​​ເອກະສານ​ທີ່ໄດ້​ແນະ​ນຳ, ໜ້າ 197.

- ບົດນີ້ໄດ້ລົງພິມໃນວາລະສານກອມມູນິດ ສະບັບທີ 925 (ເດືອນ ກັນ​ຍາ 2019)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ