ວັນຈັນ, 6/4/2020
  • ຫວຽດນາມຕັດສິນໃຈທີ່ຈະປະຕິບັດພາລະກິດສາກົນໃໝ່ ໃຫ້ສຳເລັດເປັນຢ່າງດີ

         ວກ.ອອ​ນ​ໄລ - ກໍ່​ສ້າງ​ປະ​ເທດ​ຫວຽດ​ນາມ​ໃຫ້​ໝັ້ນຄົງເຂັ້ມ​ແຂງ ​ແມ່ນ​ຄວາມ​ປາຖະໜາ​ອັນແຮງ​ກ້າ​ຂອງ​ປະ​ຊາ​ຊົນ​ຫວຽດ​ນາມ ພາຍຫຼັງ​ປະ​ເທດ​ຊາດ​ຍາດ​ໄດ້​ເອ​ກະ​ລາດ. ປະ​ເທດຫວຽດ​ນາມກຳ​ລັງຢູ່​ໃນ​ເສັ້ນ​ທາງ​ພັດ​ທະ​ນາ​ດ້ວຍກຳລັງ​ແຮງ​ພາຍ​ໃນ​ທີ່​ບໍ່​ເຄີຍມີມາ​ກ່ອນ. ຫວຽດ​ນາມໄດ້​ກາຍ​ເປັນ​ສະ​ມາ​ຊິກບໍ່​ຖາ​ວອນຂອງ​​ສະພາ​ຄວາມໝັ້ນ​ຄົງ​ແຫ່ງ​ສະ​ຫະ​ປະ​ຊາ​ຊາດ ​​ໄລຍະປີ 2020-2021 ໃນ​ວັນ​ທີ 7 ມິຖຸ​ນາ 2019, ດ້ວຍ​ຄະ​ແນນ​ສຽງ​ສະ​ໜັບ​ສະ​ໜູນ​ເກືອບຈະ​ສົມບູນ (192/193), ແມ່ນ​ການຢັ້ງ​ຢືນທີ່​ຈະ​ແຈ້ງ​ໃຫ້​ແກ່​ສິ່ງດັ່ງກ່າວ. ດ້ວຍໝາກ​ຜົນ​ນີ້, ຫວຽດ​ນາມ - ຕາງ​ໜ້າບັນດາ​ປະ​ເທດ​ໃນ​ອາ​ຊີ-ປາ​ຊີ​ຟິກ, ພ້ອມ​ກັບ​ບັນ​ດາ​ຜູ້​ຕາງ​ໜ້າຈາກ​ເອ​ຣົບ​ຕາ​ເວັນ​ອອກ, ອາເມລິກາໃຕ້, ອາຟຣິກກາ, ຈະ​ຮັບ​ຜິດ​ຊອບ​ວຽກ​ງານ​ທີ່​ສະ​ພາ​ຄວາມ​ໝັ້ນ​ຄົງ​ແຫ່ງ​ສະ​ຫະ​ປະ​ຊາ​ຊາດ​ ຢ່າງ​ເປັນ​ທາງ​ການ ​ແຕ່​ວັນ​ທີ 1 ມັງ​ກອນ 2020.

  • ທະຫານອາສາສະໝັກ ແລະ ຊ່ຽວຊານການທະຫານຫວຽດນາມຢູ່ລາວ: ສັນຍາລັກຂອງສາຍພົວພັນອັນເປັມມູນເຊື້ອແບບພິເສດ

    ວກ.ອອນ​ໄລ - ໃນ​ໄລຍະ 70 ປີ​ທີ່​ຜ່ານ​ມາ, ຂະ​ບວນ​​​ການປະຕິບັດ​ງານກໍ່​ຄື​ການ​ປະ​ກອບ​ສ່ວນ​ອັນໃຫຍ່​ຫຼວງຂອງ​ທະ​ຫານ​ອາ​ສາ​ສະ​ໝັກ ແລະ ຊ່ຽວ​ຊານ​ການ​ທະ​ຫານຫວຽດ​ນາມ ຢູ່​ປະ​ເທດລາວ ໄດ້​ປະ​ກອບສ່ວນ​ເຂົ້າ​ໃນ​ການ​ປັບ​ປຸງ ​ແລະ ​ເພີ່ມ​ທະວີ​ຄວາມ​ສາ​ມັກ​ຄີ​​ສະ​ໜິດ​ແໜ້ນ ແລະ ສາຍ​ພົວ​ພັນ​ອັນ​ເປັນ​ມູນ​ເຊື້ອ​ແບບ​ພິ​ເສດລະຫວ່າງຫວຽດ​ນາມ​ແລະລາວ.

  • ການດຶງດູດການລົງທຶນໂດຍກົງ ຈາກສະຫະພາບເອີຣົບ ເຂົ້າໃນຫວຽດນາມ: ສະຖານະພາບແລະຄວາມຄາດຫວັງ

         ວກ. - ​ໃນ​ເວລາ​ທີ່​ຜ່ານ​ມາ, ການ​ລົງທຶນ​ໂດຍ​ກົງຈາກສະຫະພາບ​ເອີຣົບ​ເຂົ້າ​ໃນ​ຫວຽດນາມ ​ເບິ່ງ​ລວມ​ໄດ້​ເພີ່ມ​ຂຶ້ນ, ​ໄດ້​ປະກອບສ່ວນ​ຕັ້ງໜ້າ​ເຂົ້າ​ໃນ​ຂະ​ບວນການ​ພັດທະນາ​ເສດຖະກິດ​ຂອງ​ຫວຽດນາມ. ​ແຕ່​, ກະ​ແສ​ເງິນ​ທຶນ​ນີ້​ຍັງ​ຢູ່​ໃນ​ລະດັບ​ຕ່ຳ, ບໍ່​ສົມ​ຄູ່​ກັບ​ຄວາມ​ສາມາດ​ແຫ່ງ​ການ​ຮ່ວມ​ມື​ທາງ​ເສດຖະກິດ​ລະຫວ່າງ​ສອງ​ຝ່າຍ. ດ້ວຍ​ການ​ລົງ​ນາມ​ໃນສັນຍາການຄ້າເສລີ ລະຫວ່າງ​ຫວຽດນາມ ​ແລະ ສະຫະພາບ​ເອີຣົບ (EU-Vietnam Free Trade Agreemenht - EVFTA) ​ໃນ​ວັນ​ທີ 30-6-2019, ຄວາມ​ຫວັງ​ດຶງ​ດູດ​ການ​ລົງທຶນ​ໂດຍ​ກົງ​ຈາກ​ບັນດາ​ປະ​ເທດສະຫະພາບ​ເອີຣົບ​ເຂົ້າ​ໃນ​ຫວຽດນາມ ຄາດ​ວ່າ​ຈະ​ມີ​ການ​ພັດທະນາ​ຢ່າງ​ແຂງ​ແຮງ.

  • ການທູດສາທາລະນະຊົນ ໃນການຜັນຂະຫຍາຍການທູດຫວຽດນາມຢ່າງຮອບດ້ານ

        ວກ. - ພາຍຫຼັງ​ສົງຄາມ​ເຢັນ​ຢຸດຕິ​ລົງ, ນັກຮຽນ​ຮູ້​ຫຼາຍ​ຄົນ​ໃຫ້​ທັດສະນະ​ວ່າ, ການທູດ​ສາທາລະນະ​ຊົນ​ໄດ້​ກາຍ​ເປັນ​ພາກສ່ວນ​ໜຶ່ງ​ທີ່​ສຳຄັນ ​ຂອງ​ການ​ທູດ​ເວົ້າ​ລວມ, ຊ້ຳ​ຍັງ​ໄດ້​ຖື​ວ່າ​ ເປັນ​ບຸລິມະສິດ​ແຖວ​ໜ້າ​ໃນການ​ປະຕິບັດ​ນະ​ໂຍບາຍ​ການ​ຕ່າງປະ​ເທດ​ ຂອງ​ແຕ່ລະ​ປະ​ເທດ. ​ໃນ​ສະພາບ​ການ​ໂລກາ​ພິວັດ​ແລະ​ເຊື່ອມ​ໂຍງ​ສາກົນ​ປະຈຸ​ບັນ, ບົດບາດ​ຂອງການ​ທູດ​ສາທາລະນະ​ຊົນນັບ​ມື້​ມີ​ຄວາມ​ສຳ​ຄັນ, ປະກອບສ່ວນ​ປະສິດທິ​ຜົນ ​ເຂົ້າ​ໃນ​ຂະ​ບວນການກໍ່ສ້າງ​ສາຍ​ພົວພັນ​ຮ່ວມ​ມື, ສັນຕິພາບ, ມິດຕະພາບ​ລະຫວ່າງ​ບັນດາ​ປະ​ເທດ, ກໍ່​ຄື​ຄວາມ​ພະຍາຍາມ​ລວມ ຂອງ​ປະຊາ​ຄົມ​ສາກົນ​ ໃນ​ການ​ແກ້​ໄຂ​ບັນດາ​ບັນຫາ​ທົ່ວ​ໂລກ. ດັ່ງ​ນັ້ນ, ການ​ກຳ​ແໜ້ນ ຖືກ​ທາດ​ແທ້, ບົດບາດ​ຂອງການ​ທູດ​ສາທາລະນະ​ຊົນ ​ແລະ ການ​ປະຕິບັດ​ວຽກ​ງານການ​ທູດ​ສາທາລະນະ​ຊົນ​ເປັນ​ຢ່າງ​ດີ ຈະ​ຊ່ວຍ​ໃຫ້​ປະ​ເທດ​ຕ່າງໆ​ໃນ​ໂລກ​ເວົ້າ​ລວມ ​ແລະ ຫວຽດນາມ​ເວົ້າ​ສະ​ເພາະ ​ໄດ້​ຮັບ​ຄວາມສຳ​ເລັດ​ໃນ​ການ​ປະຕິບັດ​ຍຸດ​ທະ​ສາດການ​ທູດ​ຮອບດ້ານ, ຍືນ​ຍົງ, ມີ​ປະສິດທິ​ຜົນ, ຄ່ອງ​ຕົວ​ກັບ​ສະພາບ​ແວດ​ລ້ອມ​ສາກົນ​ໃນ​ສະຕະວັດ​ທີ XXI.

  • ບັນດາປັດໄຈທີ່ຕ້ອງຄຳນຶງເຖິງ ໃນການວາງກຳນົດແລະປະຕິບັດ ນະໂຍບາຍການຕ່າງປະເທດຂອງຫວຽດນາມ ໃນສະໄໝແຫ່ງການເຊື່ອມໂຍງສາກົນ

         ວກ. - ​ໂດຍ​ປະຕິບັດ​ແນວທາງ​ການ​ຕ່າ​ງປະ​ເທດ​ທີ່​ເປັນ​ເອກະລາດ, ​ເປັນ​ເຈົ້າ​ຕົນ​ເອງ, ສັນຕິພາບ, ຮ່ວມ​ມື​ແລະ​ພັດທະນາ; ດຳ​ເເນີນ​ການ​ພົວພັນ​ສາກົນ​​ຫຼາຍ​ຮູບ​ຫຼາຍ​ແບບ ຫຼາຍ​ກ້ຳ​ຫຼາຍ​ຝ່າຍ, ຫວຽດນາມ​ໄດ້​ເຂົ້າ​ຮ່ວມ​ການ​​ເຊື່ອມ​ໂຍງ​ສາກົນນັບ​ມື້​ນັບ​ຕັ້ງໜ້າ​ແລະ​ເປັນ​ເຈົ້າ​ການ ດ້ວຍ​ຖານະ​ແລະ​ບົດບາດ​ທີ່​ເພີ່ມ​ຂຶ້ນ​ໃນ​ພາກ​ພື້ນ​ແລະ​ໃນ​ໂລກ. ນະ​ໂຍບາຍ​ການ​ຕ່າງປະ​ເທດຂອງ​ຫວຽດນາມທີ່​ປະຕິບັດ​ໃນ​ເວລາ​ຜ່ານ​ມາ ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ຮັກສາສະພາບ​ແວດ​ລ້ອມ​ສັນ​ຕິ​ພາບ ສະຖຽນ​ລະ​ພາບ, ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ເພື່ອ​ພັດທະນາ​ປະ​ເທດ, ປະກອບສ່ວນ​ອັນ​ຕັ້ງໜ້າ​ເຂົ້າ​ໃນ​ການ​ສ້າງສາ​ແລະ​ປົກ​ປັກ​ຮັກສາ​ປະ​ເທດ​ຊາດ, ຍົກ​ສູງ​ຖານະ​ແລະ​ກຽດ​ສັກ​ສີ​ຂອງ​ຫວຽດນາມ​ໃນ​ເວທີ​ໂລກ. ຂະ​ບວນວິວັດ​ການ​ກຳນົດ​ແລະ​ຜັນ​ຂະຫຍາຍ​ນະ​ໂຍບາຍການ​ຕ່າງປະ​ເທດ​ແມ່ນຂະ​ບວນວິວັດ​ທີ່​ສັບສົນ, ​ໃນ​ນັ້ນ​ຕ້ອງ​ພິຈາລະນາ ສັງ​ລວມບັນດາ​ປັດ​ໄຈ​ທີ່​ກະທົບຈາກ​ພາຍ​ໃນ​ແລະ​ພາຍ​ນອກ, ​ໂດຍ​ສະ​ເພາະ​ແມ່ນ​ ໃນ​ສະພາບ​ການ​ທີ່​ຫວຽດນາມ​ເຊື່ອມ​ໂຍງ​ນັບ​ມື້​ນັບ​ກວ້າງຂວາງ​ເລິກ​ເຊິ່ງກັບ​ພາກ​ພື້ນ​ແລະ​ໂລກ.

  • ຫວຽດນາມພ້ອມແລ້ວທີ່ຈະຮັບຕຳແໜ່ງເປັນສະມາຊິກບໍ່ຖາວອນ ຂອງສະພາຄວາມໝັ້ນຄົງແຫ່ງສະຫະປະຊາຊາດ ໃນໄລຍະ 2020 - 2021

         ວ​ກ.ອອນ​ໄລ - ຄວາມ​ສຳ​ເລັດ​ຂອງຫວຽດນາມ​ໃນ​ການປະຕິບັດໜ້າ​ທີ່​​ເປັນສະມາຊິກ​ບໍ່​ຖາວອນ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ໃນ​ໄລຍະ 2008-2009 ນັ້ນ ໄດ້​ກາຍ​ເປັນ​ຂີດ​ໝາຍ​ທີ່​ມີ​ລັກ​ສະ​ນະ​ປະ​ຫວັດ​ສາດ ​ໃນ​ການ​ຜັນ​ຂະ​ຫຍາຍ​ນະ​ໂຍ​ບາຍ​ການ​ພົວ​ພັນ​ຕ່າງ​ປະ​ເທດ​ເວົ້າ​ລວມ, ການ​ພົວ​ພັນ​ທາງການ​ທູດພະຫຸ​ພາຄີເວົ້າ​ສະ​ເພາະ ແລະ ການ​ເຊື່ອມ​ໂຍງ​ສາ​ກົນ​ຂອງ​ຫວຽດ​ນາມ. ຄວາມ​ສຳ​ເລັດ​ນີ້​ແມ່ນ​ຄວາມ​ຈິງທີ່​ສຳ​ຄັນ​ ເພື່ອ​ໃຫ້ກອງ​ປະ​ຊຸມ​ໃຫຍ່​ຄັ້ງ​ທີ XII ຂອງ​ພັກ ກຳ​ນົດ​ການຕ່າງ​ປະ​ເທດພະຫຸ​ພາຄີ​ແມ່ນທິດ​ທາງ​ຍຸດ​ທະ​ສາດ​ໜຶ່ງ ​ຂອງ​ການ​ພົວ​ພັນ​ຕ່າງ​ປະ​ເທດ​ຫວຽດ​ນາມ, ພ້ອມ​ກັນ​ນັ້ນ ກໍ່​ຮັບ​ໃຊ້​ໂດຍ​ກົງ​ໃຫ້​ແກ່​ການສະ​ໝັກຮັບ​ເລືອກ​ຕັ້ງ​ຄັ້ງ​ທີ​ສອງຂອງ​ຫວຽດນາມ ເຂົ້າ​ໃນຕຳ​ແໜ່​ງ​ສະ​ມາ​ຊິກບໍ່​ຖາ​ວອນ​ຂອງ​ສະ​ພາ​ຄວາມ​ໝັ້ນ​ຄົງ​​ແຫ່ງສະ​ຫະ​ປະ​ຊາ​ຊາດ​ ​ໄລ​ຍະ 2020-2021.

  • ສະພາບການປ່ຽນແປງໃນອາຊີ-ປາຊີຟິກໃນປີ 2018 ແລະ ແງ່ຫວັງໃນປີ 2019

         ວກ.ອອນ​ໄລ - ​ໃນ​ປີ 2018, ພາກ​ພື້ນ​ອາຊີ-ປາຊີ​ຟິກມີ 5 ຈຸດ​ພິ​ເສດ​ທີ່​ໂດ​ດເດັ່ນ, ​ໃນ​ນັ້ນ ສິ່ງທີ່ຄວນ​ເອົາ​ຄວາມ​ເອົາ​ໃຈ​ໃສ່​ທີ່​ສຸດ ​ແລະ​ ສຳຄັນ​ທີ່​ສຸດ ​ແມ່ນ​ການ​ແຂ່ງຂັນ​ຍຸດ​ທະ​ສາລະ​ຫວ່າງ​ບັນດາ​ປະ​ເທດ​ໃຫຍ່​ ໄດ້​ເພີ່ມ​ຂຶ້ນ​ຢ່າງ​ແຂງ​ແຮງ​ທີ່​ສຸດ, ພິ​ເສດ​ແມ່ນ​ລະຫວ່າງ​ອາ​ເມ​ລິ​ກາ​ແລະ​ຈີນ. ບັນດາ​ປະ​ເທດ​ໃຫຍ່​ໄດ້​ມີ​ການ​ປັບ​ປ່ຽນ​ນະ​ໂຍບາຍ​ຢ່າງ​ຈະ​ແຈ້ງ ​ແລະ​ຍູ້​ແຮງ​ການ​ເຕົ້າ​ໂຮມ​ກຳລັງ​ຢູ່​ໃນ​ພາກ​ພື້ນ. ສະຖານະ​ການ​ໃນແຫຼມ​ເກົາຫຼີ ​ແລະ​ທະ​ເລ​ຕາ​ເວັນ​ອອກ ມີ​ທ່າ​ອຽງ​ສະຫງົບ​ລົງ, ​ໃນ​ຂະນະ​ນັ້ນທີ່​ຊ່ອງ​ແຄບ​ໄທ​ເປ​ຂອງ​ຈີນພັດ “ຮ້ອນ” ຂຶ້ນ​ໃນ​ທ້າຍ​ປີ 2018. ອາ​ຊຽນສືບ​ຕໍ່​ຢືນຢັນ​ບົດບາດ​ທີ່​ຕັ້ງ​​ຢູ່ໃນພາກ​ພື້ນ ​ແລະ ​ໃນ​ການ​ພົວພັນ​ກັບ​ບັນດາ​ປະ​ເທດ​ໃຫຍ່. ປີ 2019, ບັນດາ​ປະ​ເທດ​ໃຫຍ່​ໃນ​ພາກ​ພື້ນ​ອາດ​ຈະ​ຕ້ອງສຸມ​ໃສ່​ແກ້​ໄຂ​ບັນຫາ​ພາຍ​ໃນຫຼາຍ​ກວ່າ, ​ແຕ່​ສະພາບ​ການ​ໃນພາກ​ພື້ນ​ອາຊີ-ປາຊີ​ຟິກຄາ​ດວ່າ​ຈະ​ເປັນ​ໄປ​ຕາມ​ທ່າ​ອຽງ​ທີ່​ເກີດ​ຂຶ້ນ​​ໃນທຸກ​ວັນ​ນີ້.

  • ການພົວພັນຕ່າງປະເທດທາງພັກ ປີ 2018 ໄດ້ປະກອບສ່ວນອັນສຳຄັນເຂົ້າໃນ ຜົນສຳເລັດອັນດີເດັ່ນ ຂອງການພົວພັນຕ່າງປະເທດ ແລະ ຜົນສຳເລັດລວມ ຂອງປະເທດ

    ວກ. ອອນ​ໄລ - ປີ 2018, ຕໍ່​ໜ້າ​ການ​ຫັນ​ປ່ຽນ​ຢ່າງ​ໄວ​ວາແລະສັບ​ສົນ ​ຂອງ​ສະ​ພາບ​ການ​ໂລກ​ແລະພາກ​ພື້ນ ​ທີ່​ໄດ້​ສົ່ງ​ຜົນ​ກະ​ທົບຕາມຫຼາຍ​ທິດ, ຫຼາຍ​ລະ​ດັບ​ ເຖິງ​ສະ​ພາບ​ແວດ​ລ້ອມ​​ຄວາມ​ສະ​ຫງົບ​ປອດ​ໄພ ແລະ ການ​ພັດ​ທະ​ນາ​ຂອງຫວຽດ​ນາມ, ການ​ພົວ​ພັນ​ຕ່າງ​ປະ​ເທດ​ທາ​ງ​ພັກ​ ພ້ອມ​ກັບ​ການ​ພົວ​ພັນ​ຕ່າງ​ປະ​ເທດ​ຂອງ​ລັດ ແລະ ການ​ພົວ​ພັນ​ຕ່າງ​ປະ​ເທດທາງ​ປະ​ຊາ​ຊົນ ​ໄດ້​ມີ​ການ​ເຄື່ອນ​ໄຫວ ​ປະ​ສານ​ສົມ​ທົບ​ຢ່າງ​ຕັ້ງ​ໜ້າ​ ມີ​ປະ​ສິດ​ທິ​ຜົນ​ ​ແລະ ​ບັນ​ລຸ​​ຜົນ​ສຳ​ເລັດທີ່​ສຳ​ຄັນຫຼາຍ​ຢ່າງ, ປະ​ກອບ​ສ່ວນ​ອັນສົມກຽດ​ເຂົ້າ​ໃນ​ຜົນ​ສຳ​ເລັດ​ລວມຂອງ​ປະ​ເທດ. ດ້ວຍ​ພາ​ລະ​ບົດ​ບາດ​ເປັນ​ເສົາ​ຄ້ຳ​ທີ່​ສຳ​ຄັນ​ ຂອງ​ແນວ​ໜ້າ​ການ​ພົວ​ພັນ​ຕ່າງ​ປະ​ເທດ​, ການ​ພົວ​ພັນ​ຕ່າງ​ປະ​ເທດ​ທາງ​ພັກ​ໄດ້​ເສີມ​ຂະ​ຫຍາຍ​ລັ​ກ​ສະ​ນະ​ຕັ້ງ​ໜ້າ, ເປັນ​ເຈົ້​າ​ການ, ປ່ຽນ​ແປງ​ໃໝ່, ປະ​ກອບ​ສ່ວນ​ເຂົ້າ​ໃນ​ການ​ປົກ​ປັກ​ຮັກ​ສາ​ຄວາມ​ເປັນ​ເອ​ກະ​ລາດ, ​ອະ​ທິ​ປະ​ໄຕ, ເອ​ກະ​ພ​າບ ແລະ ຜືນ​ແຜ່ນ​ດິນ​ອັນ​ຄົບ​ຖ້ວນ​; ຮັກ​ສາ ແລະ ປັບ​ປຸງ​ສະ​ພາບ​ແວ​ດ​ລ້ອມ​​ສັນ​ຕິ​ພາບ, ສະ​ຖຽ​ມ​ລະ​ພາບ ​ເພື່ອ​ພັດ​ທະ​ນາ​ປະ​ເທດ, ຮັບ​ປະ​ກັນ​ຜົນ​ປະ​ໂຫຍດຂອງ​ຊາດ-ປະ​ເທດ.

  • ກູບາ: ຫົກສິບປີແຫ່ງການຢຶດໝັ້ນແລະປະດິດສ້າງ ໃນການເປີດທາງປະຕິວັດ

    ວກ.ອອນ​ໄລ - ເດືອນມັງ​ກອນ 2019, ປະ​ຊາ​ຊົນກູ​ບາ ແລະ ບັນ​ດາກຳ​ລັງ​ກອມ​ມູ​ນິດ, ຝ່າຍ​ຊ້າຍ, ກ້າວ​ໜ້າໃນ​ໂລກ ສະ​ເຫຼີມ​ສະຫຼອງ 60 ປີ​ແຫ່ງວັນ​ໄຊ​ຊະ​ນະ​ຂອງ​ການ​ປະ​ຕິ​ວັດກູ​ບາ (ວັນທີ 1 ມັງ​ກອນ 1959 – 1 ມັງ​ກອນ 2019). ໃນ​ປະ​ຫວັດ​ສາດ​ໂລກ​ປະຈຸ​ບັນ, ການ​ປະ​ຕິ​ວັດກູບາ ແລະ “ເກາະ​ອິດ​ສະຫຼະ​ພາບ” ແຫ່ງນີ້​ ແມ່ນ​ໜຶ່ງ​ໃນບັນ​ດາ​ການ​ປະ​ຕິ​ວັດແລະປະ​ເທດ​ສັງ​ຄົມ​ນິ​ຍົມ​ ທີ່​​ໄດ້​ຮັບ​ການ​ເອົາ​ໃຈ​ໃສ່​ທີ່​ສຸດ​ຈາກ​ທົ່ວ​ທັງໂລກ, ​ເພາະ​ວ່າ 60 ປີ​ທີ່​ຜ່ານ​ມາ​, ພັກແລະທົ່​ວ​ປວງ​ຊົນກູບາ ຍາມ​ໃດ​ກໍ່​ຢຶດ​ໝັ້ນແລະປະ​ດິດ​ສ້າງ​ໃນ​ການ​ເປີດ​ທາງ​ການ​ປະ​ຕິ​ວັດ​ຕໍ່​ຕ້ານ​ຈັດ​ກະ​ພັດ, ປົດ​ປ່ອຍ​ປະ​ເທດ​ຊາດ, ປະ​ຕິ​ບັດ​ລັດ​ທິ​ສາ​ກົນນິຍົມ​ອັນ​ແທ້​ຈິງ, ກໍ່​ສ້າງ​ສັງ​ຄົມ​ນິ​ຍົມ, ​ແນະນຳ​ວິ​ທີ​ການ​ປ່ຽນ​ແທນ​ລະ​ບອບ​ເສ​ລີ​ພາບ​ທຶນ​ນິ​ຍົມ…ເຖິງວ່າ​ຈະ​ມີ​ການ​ທົດ​ສອບ​ທີ່​ຮ້າຍ​ແຮງ​ຂອງ​ປະ​ຫວັດ​ສາດກໍ່ຕາມ. ໂລກ​​ໄດ້​ຍອມຮັບ​ສະ​ເໝີ​ວ່າ “ປະ​ເທດ​ເກາະ​ໃນ​ທ​ະ​ເລ ກາ​ຣີ​ເບ” ມີ​ໄຊຊະນະ​ທີ່​ຍິ່ງ​ໃຫຍ່ຫຼາຍ​ຢ່າງທີ່​ມີ​ຄວາມ​ໝາຍ​​ເປີດ​ທາງ ຊຶ່ງ​ປະ​ຊາ​ຊົນກູບາ​ໄດ້​ປະ​ຕິ​ບັດ​ຢ່າງ​ສຳ​ເລັດຜົນ.​

  • ການພົວພັນຕ່າງປະເທດປີ 2018: ເປັນເຈົ້າການ, ປະດິດສ້າງ, ປະສິດທິຜົນ

    ວກ. - ​ໃນ​ເວລາ​ທີ່​ປີ​ເກົ່າ​ຜ່ານ​ໄປ ​ປີ​ໃໝ່​ກຳລັງ​ຈະ​ມາ​ເຖິງ​ ແມ່ນ​ເວລາ​ທີ່​ພວກ​ເຮົາພ້ອມ​ກັນທົບ​ທວນ​ວຽກ​ງານ​ຕ່າງໆ​ທີ່​ໄດ້​ເຮັດ​ໃນ​ປີ​ທີ່​ຜ່ານ​ມາ ​ແລະ ນຶກຄິດ​ຄາດໝາຍກ່ຽວ​ກັບວຽກ​ງານທີ່​ຈະ​ເຮັດ​ໃນ​ປີ​ໃໝ່. ​ໃນ​ປີ 2018 ທີ່​ເຕັມ​ໄປ​ດ້ວຍ​ເຫດກາ​ນນັ້ນ, ວຽກ​ງານ​ການ​ພົວພັນ​ຕ່າງປະ​ເທດ​ຂອງ​ພັກ​ແລະ​ລັດ​ໄດ້​ສືບ​ຕໍ່​ເສີມ​ຂະຫຍາຍ​ຜົນສຳ​ເລັດອັນ​ຍິ່ງໃຫຍ່​ຂອງ​ປີ 2017, ຍົກ​ສູງຖານະ​ບົດບາດຂອງ​ປະ​ເທດ​ໃນ​ຫຼາຍ​ຂົງ​ເຂດ, ນັບ​ແຕ່​ເສດຖະກິດ-ສັງຄົມ ຈົນ​ເຖິງ​ການ​ເມືອງ, ການ​ທູດ, ການ​ປ້ອງ​ກັນ​ປະ​ເທດ, ການ​ປ້ອງ​ກັນ​ຄວາມ​ສະຫງົບ​ປອດ​ໄພ, ກິລາ, ວັດທະນະທຳ...

1 2 3 4 5 6 7

ບົດທີ່ມີຜູ້ອ່ານຫລາຍສຸດ

Video