ວັນເສົາ, 14/12/2019
ສາທາລະນະລັດ ປະຊາທິປະໄຕ ປະຊາຊົນລາວ ປະດັບຫຼຽນໄຊໃຫ້ແກ່ໝູ່ຄະນະ ແລະ ຊ່ຽວຊານຫວຽດນາມ
15/7/2013 9:25' ສົ່ງ ພິມ
ພາບປະກອບ: ພິທີເປີດນຳໃຊ້ແລະມອບຮັບ ຫໍມູນເຊື້ອອະດີດນັກຮຽນລາວ ທີ່ຮຽນຢູ່ຫວຽດນາມ

     ໃນ​ໂອກາດ​ດຽວ​ກັນນີ້, ທ່ານ​ກອງ​ສີ ​ແສງ​ມະນີ ລັດຖະມົນຕີ​ຊ່ວຍ​ວ່າການ ​ກະຊວງສຶກສາ​ທິການແລະກິລາ ກໍ່​​ໄດ້​ປະດັບຫຼຽນ​ໄຊ​ມິດຕະພາບ​ໃຫ້​ແກ່ ໂຮງຮຽນ​ຊັ້ນ​ກາງ​ປ້ອງ​ກັນຊາ​ຍ​ແດນ ໝາຍ​ເລກ 1 ​ແລະ ບໍລິສັດ ຫ່ວາ​ບິ່ງ​ແຊງ; ປະດັບຫຼຽນ​ໄຊ​ການ​ພັດທະນາ​ຊັ້ນ II ​ໃຫ້​ແກ່​ທ່ານ ກູ່​ແທງ​ຕ໋ຽນ ຜູ້ອຳ​ນວນ​ການ​ໃຫຍ່​ບໍລິສັດ ຫ່ວາ​ບິ່ງ​ແຊງ ຍ້ອນ​ໄດ້​ມີ​ຄຸນງາມຄວາມດີ​ໃນ​ການ​ປະກອບສ່ວນ​ຊ່ວຍ​ເຫຼືອ​ກໍ່ສ້າງ ຫໍ​ມູນ​ເຊື້ອ​ອະດີດນັກຮຽນລາ​ວ ຢູ່​ຫວຽດນາມ​ໃນ​ສະ​ໄໝ​ສົງຄາມ.

     ຕາງໜ້າ​ລັດຖະບານ​ລາວ, ທ່ານລັດຖະມົນຕີ​ຊ່ວຍ​ວ່າການ ກອງ​ສີ ​ແສງ​ມະນີ ​ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ​ຢ່າງ​ຈິງ​ໃຈ ​ຕໍ່​ພັກ ​ແລະ ລັດ​ຫວຽດນາມ ທີ່​ໄດ້​ໃຫ້ການ​ຊ່ວຍ​ເຫຼືອ​ແກ່​ລາວ​ໃນ​ຫຼາຍ​ສິບ​ປີ​ທີ່​ຜ່ານ​ມາ, ​ໃນ​ນັ້ນ​ມີ​ການ​ລ້ຽງ​ດູ ສັ່ງສອນ ​ແລະ ກໍ່ສ້າງ​ນັກຮຽນນັກ​ສຶກສາ​ລາວ​ຫຼາຍ​ພັນ​ຄົນ​ໃນ​ສະ​ໄໝ​ສົງຄາມ. ອາ​ໃສ​ການ​ຫຸ້​ມຫໍ່​ລ້ຽງ​ດູ ບອກສອນ ​ແລະ ອົບຮົມສຶກສາຂອງ​ປະຊາຊົນ​ຫວຽດນາມ ​ໄດ້​ຊ່ວຍ​ໃຫ້​ນັກຮຽນ​ລາວ​ເຕີບ​ໃຫຍ່ ​ແລະ ປະກອບສ່ວນ​ອັນ​ຕັ້ງໜ້າ​ຫຼາຍ​ຢ່າງ​ເຂົ້າ​ໃນ​ການ​ສ້າງສາ​ພັດທະນາ​ປະ​ເທດ​ລາວ, ​ໃນ​ນັ້ນອະດີດ​ນັກຮຽນນັກ​ສຶກສາຫຼາຍ​ຄົນ​ໄດ້ ​ແລະ ພວມຖື​ບົດບາດ​ທີ່​ຕັ້ງ​ສຳຄັນ​ໃນ​ກົງຈັກ​ຂອງ​ພັກ-ລັດ ຢູ່​ສູນ​ກາງ ​ແລະ ທ້ອງ​ຖິ່ນ​ຕ່າງໆ ຂອງ​ລາວ.

     ການ​ທີ່ ໂຮງຮຽນ​ຊັ້ນ​ກາງ​ປ້ອງ​ກັນຊາ​ຍ​ແດນ ໝາຍ​ເລກ 1 ​ແລະ ບໍລິສັດ ຫ່ວາ​ບິ່ງ​ແຊງ ​ຊ່ວຍ​ເຫຼືອ​ຢ່າງ​ສຸດ​ອົກ​ສຸດ​ໃຈ​ໃນ​ການ​ກໍ່ສ້າງ ຫໍ​ມູນ​ເຊື້ອອະດີດ​ນັກຮຽນລາ​ວ ຢູ່​​ແຂວງບັກ​ຢາງ ທີ່​ກວ້າງ​ໃຫຍ່​ໂອ້​ຖົງ ​ແລະ ມີ​ຄົບ​ເຄື່ອງ​ໃຊ້​ເຄື່ອງ​ປະກອບນັ້ນ ​​ເປັນ​ວຽກ​ງານ​ທີ່​ມີ​ຄວາມ​ໝາຍ​ທີ່​ສຸດ ຕໍ່​ກັບ​ບໍ່​ພຽງ​ແຕ່​ອະດີດ​ນັກຮຽນ​ນັກ​ສຶກສາລາ​ວ​ເທົ່າ​ນັ້ນ ຫາກ​ຍັງ​ມີ​ຄວາມ​ໝາຍ​ສຶກສາ​ອົບຮົມ​ໃຫ້​ຊາວ​ໜຸ່ມ​ສອງ​ປະ​ເທດ ກ່ຽວ​ກັບ​ມິດ​ຈິດ​ມິດ​ໃຈ​ສະໜິດ​ສະ​ໜົມຫວຽດນາມ - ລາວ, ປະກອບສ່ວນ​ເຂົ້າ​ໃນ​ຜົນສຳ​ເລັດ​ລວມຂອງ​ປີ​ສາມັກຄີ​ມິດຕະພາບ​ລາວ - ຫວຽດນາມ 2012, ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ເພີ່ມ​ທະວີ ​ແລະ ປັບປຸງ​ຢ່າງ​ບໍ່​ຢຸດ​ຢັ້ງ​ ໃຫ້​ສາຍ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມືຮອບດ້ານ​ ລະຫວ່າງ​ສອງ​ປະ​ເທດໝັ້ນຄົງ​ຂະໜົງ​ແກ່ນ​ຕະຫຼອດ​ກາລະ​ນານ.

     ຕາງໜ້າ​​ໃຫ້ບັນດາ​ຜູ້​ທີ່​ໄດ້​ຮັບ​ລາງວັນ​ອັນ​ປະ​ເສີດ​ເຫຼົ່າ​ນີ້, ສະຫາຍ​ພັນ​ເອກ ຫງວຽນ​ຂັກ​ເລິ​ມ ສະ​ແດງ​ຄວາມ​ຮູ້​ບຸນ​ຕໍ່​ພັກ ລັດ ປະຊາຊົນ ກະຊວງສຶກສາ​ທິການແລະກິລາລາວ ​ແລະ ​ໃຫ້​ຄຳ​ໝັ້ນ​ສັນຍາ​ວ່າ​ ຈະປົກ​ປັກ​ຮັກສາ ​ເບິ່ງ​ແຍງ​ສ້ອມ​ແປງ ​ແລະ ນຳ​ໃຊ້ຫໍ​ມູນ​ເຊື້ອ​ຢ່າງ​ມີ​ປະສິດທິ​ຜົນ ​ຊ່ວຍໃຫ້​ເຊັ່ນ​ຄົນ​ປັດຈຸບັນ ​ແລະ ​ໃນ​ພາຍ​ໜ້າ​ມີ​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງກວ່າ​ອີກ​ ກ່ຽວກັບສາຍ​ພົວພັນ​ພິ​ເສດ​ຫວຽດນາມ - ລາວ ​ເພື່ອ​ໃຫ້​ສອງ​ປະ​ເທດ​ຈະ​ເລີ​ນພັດທະນາ​ຢ່າງ​ໝັ້ນ​ຢືນ./.

​ແຫຼ່ງຂ່າວ: TTXVN

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ