ວັນຈັນ, 25/3/2019
ຊາວປີແຫ່ງການເຂົ້າຮ່ວມເອເປກ: ແຕ່ວິໄສທັດຍຸດທະສາດ ເຖິງບັນດາຂີດໝາຍຂອງຫວຽດນາມ
9/1/2019 16:20' ສົ່ງ ພິມ
ທ່ານ ຟ້າມບິ່ງມິງ, ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ, ກ່າວປາໄສທີ່ ກອງປະຊຸມສຳມະນາ ກ່ຽວກັບບຸລິມະສິດສຳລັບເອເປກ 2017 (ພາລ: TTXVN)

ສະ​ເຫຼີມ​ສະຫຼອງ 20 ປີ​​ແຫ່ງ​ການໄປ​ຄຽງ​ຄູ່​ກັນ​ກັບ ເອ​ເປກ, ພວກເຮົາຫັນເບິ່ງຄືນຫຼັງ​ສູ່​ເສັ້ນທາງທີ່​ຜ່ານ​ມາ ​ດ້ວຍ​ບັນ​ດາ​ຂີດ​ໝາຍ​ທີ່​ໜ້າ​ພາກ​ພູມ​ໃຈ, ຈາກນັ້​ນພວກ​ເຮົາ​ພະ​ຍາ​ຍາ​ມ​ປະ​ກອບ​ສ່ວນຫຼາຍກ​ວ່າ​ອີກ​ເພື່ອພ້​ອມ​ກັນ​ເພີ່ມ​​ພູນ​ຄຸນ​ສ້າງ​ອະ​ນາ​ຄົດ​ຮ່ວມ​ກັນ​ ຂອງປະຊາ​ຄົມອາ​ຊີ-ປາ​ຊີ​ຟິກທີ່​ສັນ​ຕິ​ພາບ, ສ​ະ​ຖຽມ​ລະ​ພາບ, ຂະຫຍັນ​ຂັນ​ເຄື່ອນ, ປະ​ດິດ​ສ້າງ, ເຊື່ອມ​ຕໍ່ ແລະ ຈະ​ເລີ​ນຮຸ່ງ​ເຮືອງ.

ເອ​ເປກ: ວິ​ໄສ​ທັດ​​ຍຸດ​ທະ​ສາດ​ແຫ່ງ​ການ​ເຊື່ອມ​ໂຍງ​ເສດ​ຖະ​ກິດ​ສາ​ກົນຂອງຫວຽດ​ນາມ

ຜົນ​ສຳ​ເລັດ​ໃນ​ການ​ພັດ​ທະ​ນາ​ເສດ​ຖະ​ກິດແລະການ​ເຊື່ອມ​ໂຍງ​ສາ​ກົນ​ຂອງຫ​ວຽດ​ນາມ ໃນ 20 ປີ​ທີ່​ຜ່າ​ມາໄດ້​ຢືນ​ຢັນ​​ວ່າ ແຜນ​ນະ​ໂຍ​ບາຍ​ເຂົ້າ​ຮ່ວມເອ​ເປກນັ້ນ ແມ່ນຖືກ​ຕ້ອງແລະຖືກ​ກັບ​ເວ​ລາ, ມັນສະ​ແດງ​ໃຫ້​ເຫັນ​ເຖິງວິ​ໄສ​ທັດ​ຍຸດ​ທະ​ສາດ​ຂອງ​ພັກແລະລັດຫວຽດນາມ. ຫຼັງຈາກ​ການ​ເຂົ້າ​ຮ່ວມເປັນ​ສະ​ມາ​ຊິກ​ຂອງສະ​ມາ​ຄົມບັນດາປະເທດອາຊີຕາເວັນອອກສຽງໃຕ້ (ASEAN - ອາ​ຊຽນ) ​ປີ 1995 ​ແລະ​ເຂົ້າ​ຮ່ວມ​ໃນ​ການ​ກໍ່​ຕັ້ງເວທີ​ປາ​ໄສການ​ຮ່ວມ​ມືອາ​ຊີ-ເອີ​ຣົບ (ASEM - ອາ​ເຊມ) ​ປີ 1996, ການ​ເຂົ້າ​ຮ່ວມເອ​ເປກ​ປີ 1998 ໄດ້​ເປັນ​ຂີດ​ໝາຍ​ການ​ຫັນປ່ຽນ​ທີ່​ສຳ​ຄັນ​ ໃນ​ຂະ​ບວນ​ວິ​ວັດ​​ການ​ເຊື່ອມ​ໂຍງ​ເສດ​ຖະ​ກິດສາ​ກົນຂອງຫວຽດ​ນາມ ແລະ ເປັນປະ​ຖົມ​ປັດ​​ໄຈ​ເພື່ອ​ຍົກ​ລະດັບການ​ເຊື່ອມ​ໂຍງ​ເສດ​ຖະ​ກິດ​ຂອງຫວຽດນາມ​ຂຶ້ນສູ່​ລະດັບໂລກ ດ້ວຍ​ການ​ເຂົ້າ​ຮ່ວມອົງ​ການ​ການ​ຄ້າໂລກ (WTO) ໃນ​ປີ 2007. ການ​ເຂົ້າ​ຮ່ວມ​ເອ​ເປກ ກໍ່​ສະ​ແດງ​​ໃຫ້​ເຫັນ​ເຖິງຄວາມ​ຕັດ​ສິນ​ໃຈຂອງຫວຽດ​ນາມ ເພື່ອ​ປະ​ກອບ​ສ່ວນ​ອັນ​ຕັ້ງ​ໜ້າ​ເຂົ້າໃນ​ການ​ຊຸກ​ຍູ້​ທ່າອຽງສັນ​ຕິ​ພາບ, ສະ​ຖຽມ​ລະ​ພາບ, ການຮ່ວມ​ມື, ການ​ເປີດ​ເສລີ​ທາງ​ການ​ຄ້າ​ແລະການ​ລົງ​ທຶນ​ ໃນ​ພາກ​ພື້ນ.

​ເອ​ເປ​ກເປັນ​ກົນ​ໄກ​ການຮ່ວມ​ມື​ເສດ​ຖະ​ກິດ​​ໃນພາກ​ພື້ນອ​າ​ຊີ-ປາ​ຊີ​ຟິກ, ​ເຊິ່ງ​ເປັນພາກ​ພື້ນ​ທີ່​ເຕົ້າ​ໂຮມ​ບັນ​ດາ​ສູນ​ເສດ​ຖະ​ກິດ, ສູນ​ການ​ຄ້າ ແລະສູນ​ເຕັກ​ໂນ​ໂລ​ຊີ​​ໃຫຍ່ລະດັບ​ໂລ​ກ, ກວມ​ເອົາປະມານ 39% ຂອງ​ປະຊາກອນ​ໂລກ, ປະ​ກອບ​ສ່ວນ 59% ຈີ​ດີ​ຟີ ຂອງ​ໂລກ ​ແລະ 49% ມູນ​ຄ່າການ​ຄ້າໂລກ, ດັ່ງ​ນັ້ນ ເອ​ເປ​ກ ໄດ້​ນຳ​ເອົາ​​ຜົນ​ປະ​ໂຫຍດທາງ​ດ້ານຍຸດ​ທະ​ສາດ, ເສດ​ຖະ​ກິດ, ການ​ຄ້າແລະການ​ລົງ​ທຶນຫຼາຍ​ຢ່າງມາ​ໃຫ້, ແລະປະ​ກອບ​ສ່ວນ​​ຊຸກ​ຍູ້​ການພັດ​ທະ​ນາຢ່າງ​ຮອບ​ດ້ານ​ຂອງ​ປະ​ເທດ.

ກ່ອນ​ອື່ນ​ໝົດ, ເອ​ເປກແມ່ນເວ​ທີ​ປາ​ໄສ​ທີ່​ເຕົ້າ​ໂຮມ 14 ຄູ່​ຮ່ວມ​ມື​ໃນ​ຈຳນວນ 28 ຄູ່​ຮ່ວມ​ມື​ຍຸດ​ທະ​ສາດ ຄູ່​ຮວມ​ມື​ຮອບ​ດ້ານ ຂອງ​ຫວຽດນາມ, ​ເຊິ່ງ 14 ຄູ່ຮ່ວມ​ມື​ນັ້ນ​ ກວມ​ເອົາ 79% ມູນ​ຄ່າ​ການ​ສົ່ງ​ອອກ-ນຳ​ເຂົ້າຂອງຫວຽດ​ນາມ, 78% ຂອງ​ການ​ລົງ​ທຶນ​ໂດຍ​ກົງ​ຈາກ​ຕ່າງ​ປະ​ເທດທັງ​ໝົດ ແລະ 79% ຂອງນັກທ່ອງ​ທ່ຽວຕ່າງປະ​ເທດ ​ໃນ​ຫວຽດ​ນາມ. ສັນ​ຍາ​ການ​ຄ້າ​ເສ​ລີ (FTA) 14 ສະບັບ​ໃນຈຳນວນ 16 ສະບັບ ທີ່ຫວຽດ​ນາມໄດ້​ເຈລະຈາ, ພວມເຈ​ລະ​ຈາ ແລະ ລົງ​ນາມກັບ 17 ປະ​ເທດ​ໃນ​ຈຳນວນ 20 ປະ​ເທດສະ​ມາ​ຊິກຂອງເອ​ເປກນັ້ນ​ ແມ່ນ​ຕົວ​ເລກ​ທີ່​ສະ​ແດງ​ໃຫ້​ເຫັນ​ຢ່າງ​ຊັດ​ເຈນ​ເຖິງ​ຄວາມ​ສຳ​ຄັນ​ຂອງເອ​ເປກ ຕໍ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ແລະການເຊື່ອມ​ໂຍງ​ສາ​ກົນ​ຂອງ​ປະ​ເທດຫວຽດກນາມ.

ທີ​ສອງ, ການ​ເຂົ້າ​ຮ່ວມເອ​ເປກ ​ປະ​ກອບ​ສ່ວນ​ອັນ​ສຳ​ຄັນ​​ເຂົ້າ​ໃນ​ການ​ຍົກ​ສູງ​ຖາ​ນະ​ບົດ​ບາດ​ສາ​ກົນ ຂອງຫວຽດ​ນາມ. ເປັນ​ສະ​ມາ​ຊິກ​ຂອງເອ​ເປກ, ຫວຽດ​ນາມມີ​ບົດ​ບາດ​ແລະຄຳ​ເວົ້າທີ່​ສຳຄັນ ໃນ​ການກໍ່​ສ້າງ, ກຳ​ນົດ​ບັນ​ດາ​​ກົດ​ຂໍ້​ບັງ​ຄັບ​ແລະ​ລະບຽບ​ທາງ​ເສດ​ຖະ​ກິດການ​ຄ້າ​ໃນພາກ​ພື້ນ. ສິ່ງ​ເຫຼົ່າ​ນີ້​ມີ​ຄວາມ​ໝາຍ​ສຳ​ຄັນ​ເພື່ອ​ໃຫ້ຫວຽດ​ນາມຍູ້​ແຮງ​ການ​ຜັນ​ຂະ​ຫຍາຍນະ​ໂຍ​ບາຍ​ທີ່​ເປັນ​ເຈົ້າ​ການ, ຕັ້ງ​ໜ້າ​ເຊື່ອມ​ໂຍງ​ສາ​ກົນ ແລະ ຍົກ​ລະ​ດັບ​ການ​ພົວ​ພັນ​ຕ່າງ​ປະ​ເທດພະຫຸ​ພາຄີ.

ທີ​ສ​າ​ມ, ເວ​ທີ​ປາ​ໄສເອ​ເປກ ເປັນ​ຊ່ອງສາຍ​ທີ່​ສຳ​ຄັນ​ເພື່ອ​ໃຫ້ຫວຽດ​ນາມຊຸກ​ຍູ້​ການ​ພົວ​ພັນ​ສອງ​ຝ່າຍ, ປະ​ກອບ​ສ່ວນ​ສ້າງ​ຄວາມ​ແຊກ​ຊ້​ອນ​ທາງຜົນ​ປະ​ໂຫຍດ​ຍາວ​ນານ ແລ​ະ ເຮັດ​ໃຫ້​ຄວາມ​ພົວ​ພັນ​ກັບ​ບັນ​ດາຄູ່​ຮ່ວມ​ມື​​​ເຂົ້າ​ສູ່​ລວງ​ເລິກ, ປັບ​ປຸງ​ສະ​ພາບ​ແວດ​ລ້ອມ​ສັນ​ຕິ​ພາບ, ສ້າງ​ເ​ງື່ອນໄຂສະ​ດວກດີ​ໃຫ້​ແກ່​ການ​ພັດ​ທະ​ນາ​ປະ​ເທດ. ສິ່ງ​ທີ່​​ໂດດ​ເດັ່ນຄື ​ດ້ວຍ​ບົດ​ບາດ​ຂອງ​ປະ​ເທດ​ເຈົ້າ​ພາບ​ປີເອ​ເປກ 2006, ຫວຽດ​ນາມໄດ້​ຊຸກ​ຍູ້​ການ​ພົວ​ພັນຕົວ​ຈິງສອງຝ່າຍ ກັບຫຼາຍ​ຄູ່​ຮ່ວມ​ມື​ທີ່​ສຳຄັນ​, ພິ​ເສດ​ແມ່ນ​ ໂດຍຜ່ານ​ການ​ຢ້ຽມຢາມຂອງ​ຜູ້ນຳຂອງ​ບັນດາ​ປະ​ເທດ ຈີນ, ອາ​ເມລິ​ກາ, ລັດ​ເຊຍ, ຍີ່​ປຸ່ນ, ຊີ​ເລ ໃນ​ໂອ​ກາດເຂົ້າ​ຮ່ວມກອງ​ປະ​ຊຸມ​ສຸດຍອດເອ​ເປກ 2006. ຜົນ​ສຳ​ເລັດ​ຂອງບັນດາ​ການ​ຢ້ຽມ​ຢາມ​ສອງ​ຝ່າຍທີ່​ມີລັກ​ສະ​ນະ​ປະ​ຫວັດ​ສາດ ແລະ ການ​ເຈ​ລະ​ຈາ, ພົບ​ປະ​ສອງ​ຝ່າຍ​ເປັນຫຼາຍ​ສິບ​ຄັ້ງ​ ໃນ​ໂອ​ກາດສັບ​ປະ​ດາຂັ້ນ​ສູງເອ​ເປກ 2017 ​ເຊິ່ງ​ໄດ້ສືບ​ຕໍ່​ຕັ້ງ​ພື້​ນ​ຖານ​ເພື່ອ​ຍົກ​ລະ​ດັບ​ການ​ພົວ​ພັນ​ສອງ​ຝ່າຍ​ ລະຫວ່າງຫວຽດ​ນາມກັບ​ຫຼາຍ​ປະ​ເທດຄູ່​ຮ່ວມ​ມື​ໃນ​ພາກ​ພື້ນ​ ຂຶ້ນ​ສູ່​ລະດັບ​ໃໝ່.

ທີ​ສີ່, ການ​ເຂົ້າ​ຮ່ວມເອ​ເປກ ແລະ ປະ​ຕິ​ບັດ​ຄຳ​ໝັ້​ນ​ສັນ​ຍາກ່ຽວ​ກັບການເປີດ​ປະ​ຕູ​ການ​ຄ້າ ການ​ລົງ​ທຶນ, ການອຳນວຍ​ຄວາມສະ​ດວກ​ທາງ​ທຸ​ລະ​ກິດ​ ກໍ່​ໃຫ້​ເກີດ​ກຳລັງ​ໜູນ​ຊຸກ​ຍູ້​ການ​ປະ​ຕິ​ຮູບ​ພາຍ​ໃນ​ປະ​ເທດ, ປັບປຸງ​ບູ​ລະ​ນະ​ລະ​ເທື່ອ​ລະ​ກ້າວ​ ລະ​ບຽບ​ກົດ​ໝາຍ​ນະ​ໂຍ​ບາຍ, ຂໍ້​ກຳ​ນົດ​ທີ່​ສອດຄ່ອງ​ກັບຄຳ​ໝັ້ນ​ສັນ​ຍາ​ສາ​ກົນ. ການເຂົ້າ​ຮ່ວ​ມ “​ສະ​ໜາມຫຼິ້ນເອ​ເປກ ສ້າງ​ປະ​ຖົມ​ປັດ​ໄຈ​ເພື່ອ​ໃຫ້ຫວຽດ​ນາມເຂົ້າ​ຮ່ວມ​ບັນ​ດາ ສະ​ໜາມຫຼິ້ນທີ່​ກວ້າງ​ໃຫຍ່ແລະມີ​ລະ​ດັບ​ການ​ຜູກພັນ​ສູງກວ່າ, ຄື ອົງ​ການ​ການ​ຄ້າ​ໂລກ, ບັນດາ​ສັນຍາ​ການ​ຄ້າ​ເສລີ, ໃນ​ນັ້ນ​ມີ​ບັນ​ດາສັນຍາການຄ້າເສລີຮຸ່ນ​ໃໝ່ ຕາມ​ມາດ​ຕະ​ຖານ​ສູງ. ການ​ປະ​ຕິ​ບັດ​ບັນ​ດາ​ຄຳ​ໝັ້​ນ​ສັນ​ຍາ​ສາ​ກົນກໍ່​ແມ່ນ​ໄມ້ງັດ ເພື່ອປະຕິບັດ​ຄວາມ​ຕັດ​ສິນ​ໃຈ​ກໍ່​ສ້າງ​ລັດ​ຖະ​ບານ​ທີ່ຊື່​ກົງ​ບໍ​ລິ​ສຸດ, ສ້າງສັນ, ດຳ​ເນີນການຮັບ​ໃຊ້​ປະ​ຊາ​ຊົນແລະວິ​ສາ​ຫະ​ກິດ ​ໃຫ້​ປະກົດ​ເປັນ​ຈິງ.

ທີ​ຫ້າ, ເປັນ​ສະ​ມາ​ຊິກຂອງເອ​ເປກ, ຫວຽດ​ນາມ ໄດ້​ຮັບ​ການ​ຊ່ວຍ​ເຫຼືອ​ກ່ຽວ​ກັບ​ການ​ຍົກ​ສູງ​ຄວາມ​ສາ​ມາດ​ເຊື່ອມ​ໂຍງ​ສາ​ກົນ. ໜຶ່ງ​ໃນ​ສາມເສົາ​ຄ້ຳ​ຫຼັກ​ຂອງເອ​ເປກ ແມ່ນ​ການ​ຮ່ວມ​ມື​ດ້ານເສດ​ຖະ​ກິດ​ເຕັກ​ນິ​ກ (ECOTECH), ຊ່ວຍ​​ເຫຼືອ​ບັນ​ດາ​ພື້ນ​ຖານ​ເສດ​ຖະ​ກິດ​ທີ່​ກຳ​ລັງ​ພັດ​ທະ​ນາ ​ໃນ​ການ​ຍົກ​ສູງ​ຄວາມ​ສາ​ມາດປະ​ຕິ​ຮູບ​ເສດຖະ​ກິດ ແລະການ​ເຊື່ອມ​ໂຍງ​ພາກ​ພື້ນ, ປະ​ກອບ​ສ່ວນ​ເຂົ້າ​ໃນ​ການ​ຫຍໍ້​ສັ້ນ​ຄວາມ​ແຕກ​​ໂຕນທາງ​ດ້ານ​ການ​ພັດ​ທະ​ນາ. ການ​ຜັນ​ຂ​ະ​ຫຍາຍ​ບັນ​ດາ​ຄຳ​ໝັ້ນ​ສັນ​ຍາ, ການ​ປັບປຸງ​ນະ​ໂຍ​ບາຍ​​ໃຫ້​ຄົບ​ຊຸດ​ບໍລິບູນ, ພ້ອມ​ກັບ​ບັນ​ດາ​ໂຄງ​ການ​ຊ່ວຍ​ເຫຼືອ​ຂອງເອ​ເປກ ໄດ້​ປະ​ກອບ​ສ່ວນ​ຍົກ​ສູງ​ຄວາມ​ສາ​ມາດ​ເຊື່ອມ​ໂຍງ​ສາ​ກົນ ຂອງບັນ​ດາກະ​ຊວງ, ຂະ​ແໜງ​ການ, ທ້ອງ​ຖິ່ນ ແລະ ວິ​ສາ​ຫະ​ກິດ; ເພີ່ມ​ທະ​ວີ​ຄວາມ​ຮູ້ ແລະບົດ​ຮຽນ​ຂອງ​ຖັນ​ແຖວ​ພະ​ນັກ​ງານ​ເຮັກ​ວຽກ​ງານ​ເຊື່ອມ​ໂຍງສາກົນ. ບັນ​ດາ​ໂຄງ​ການ​ຮ່ວ​ມ​ມື​ກ່ຽວ​ກັບ​ການ​ແລກ​ປ່ຽນນັກສຶກ​ສາ, ການ​ສົ່ງ​ເສີມການ​ທ່ອງ​ທ່ຽວ, ແລກ​ປ່ຽນ​ປະ​ຊາ​ຊົນ,...ໄດ້​ນຳ​ເອົາ​ກາ​ລະ​ໂອ​ກາດ​ທີ່​ດີ​ມາ​ໃຫ້​ປະ​ຊາ​ຊົນ, ​ໂດຍ​ສະ​ເພາະ​ແມ່ນ​ຊາວ​ໜຸ່ມ.

​ສຸດ​ທ້າຍ ແລະ ກໍ່​​ເປັນ​ສິ່ງ​ທີ່​ແຕກ​ຕ່າງ​​ຂອງ​ການ​ຮ່ວມ​ມືເອ​ເປກ ​ທຽບ​ກັບຫຼາຍ​ກົນ​ໄກ​ການຮ່ວມ​ມືອື່ນ, ນັ້ນຄື ເອ​ເປກໄດ້​ນຳ​ເອົາ​ບັນ​ດາ​ຄວາມ​ສາ​ມາດບົ່ມ​ຊອນ ແລະກາ​ລະ​ໂອ​ກາດ​ດີ​ຫຼາຍ​ຢ່າງ​ມາ​ໃຫ້​ບັນ​ດາ​ວິ​ສາ​ຫະ​ກິດຂອງຫວຽດ​ນາມ. ການ​ສົນທະ​ນາ​ລະ​ຫວ່ງ​ຜູ້​ນຳເອ​ເປກ ກັບ​ສະ​ພາທີ່​ປຶກ​ສາທຸລະ​ກິດເອ​ເປກ (ABAC) ແລະ ການ​ປະ​ຊຸມ​ສຸດຍອດ​ທຸລະ​ກິດເອ​ເປກປະ​ຈຳ​ປີ ແມ່ນ​ໂອ​ກາດ​ທີ່​ສຳ​ຄັນ​ເພື່ອ​​ໃຫ້​ຊຸມ​ຊົນ​ທຸລະ​ກິດນຳສະ​ເໜີ​ຄຳ​ຄິດ​ເຫັນ​ຕໍ່​ຜູ້​ນຳ​, ເປັນ​ເຈົ້າ​ການ​ປະ​ກອບຄວາມ​ເຫັນ​ເຂົ້າ​ໃນ​ການກໍ່​ສ້າງ​ນະ​ໂຍ​ບາຍເຊື່ອມ​ຕໍ່​ເສດ​ຖະ​ກິດ​ພ​າກ​ພື້ນ, ພ້ອ​ມ​ທັງ​ສ້າງ​ກອບການ​ພົວພັນ​ສຳລັບ​ວິ​ສາ​ຫະ​ກິດຫວຽດ​ນາມ ​ເພື່ອ​ເຊື່ອມ​ຕໍ່ກັບ​ບັນ​ດາ​ກຸ່ມ​ເສດຖະກິດ​ຊັ້ນ​ນຳ​ຂອງ​ໂລກ. ເອ​ເປກກໍ່​​ໄດ້​ຊ່ວຍ​ເຫຼືອ​ບັນ​ດາວິ​ສາ​ຫະ​ກິດຫວຽນາມ, ເປັນ​ຕົ້ນ​ແມ່ນ​ບັນ​ດາວິ​ສາ​ຫະ​ກິດ​ຂະ​ໜາດ​ໜ້ອຍແລະຂະ​ໜາດ​ກາງ, ໃນ​ການ​ເຂົ້າ​ເຖິງ​ຕະຫຼາດ, ​ເຂົ້າ​ເຖິງ​ການ​ລົງ​ທຶນ, ການ​ທຸ​ລະ​ກິດ ແລະເງື່ອນ​ໄຂ​​ການ​ໄປ​ມາທີ່​ສະ​ດ​ວກ​ສະ​ບາຍ, ການ​ຊອກ​ຫາ​ນັກ​ລົງ​ທຶນ​ຍຸດ​ທະ​ສາດ, ການເຂົ້າ​ເຖິງ​ເຕັກ​ໂນ​ໂລ​ຊີ ແລະ ຄວາມ​ຮູ້​ການ​ບໍ​ລິ​ຫານ​ທີ່​ກ້າວ​ໜ້າ.

ສອງ​ທົດ​​ສະ​ວັດ​ແຫ່ງ​ການເຂົ້າ​ຮ່ວມ​ໃນເອ​ເປກ ແລະ ບັນ​ດາ​ຂີດ​ໝາຍຂອງຫວຽດ​ນາມ

ຫັນເບິ່ງຄືນຫຼັງ​ສູ່​ເສັ້ນທາງ 20 ປີ​ທີ່​ຜ່ານ​ມາ​, ຫວຽດ​ນາມມີ​ຄວາມ​ພາກ​ພູມ​ໃຈກ່ຽວ​ກັບ​ບັນ​ດາສ່ວນ​ປະ​ກອບທີ່​ຕັ້​ງ​ໜ້າ, ເປັນ​ເຈົ້າ​ການ​ຂອງຫວຽດ​ນາມ ຕໍ່​ເວ​ທີ​ປາ​ໄສເອ​ເປກ, ປະ​ກອບ​ສ່ວນ​ເຂົ້າ​ໃນ​ການ​ຊຸກ​ຍູູ​​ສັນ​ຕິ​ພາບ, ສະ​ຖຽມ​ລະ​ພາບ, ການ​ຮ່ວມ​ມື, ການເຊື່ອມ​ຕໍ່​ເສດຖະ​ກິດ​​ໃນພາກ​ພື້ນ, ຮັກ​ສາ​ພາ​ລະ​ບົດ​ບາດຂ​ອງເອ​ເປກ ທີ່ເປັນ​ກົນ​ໄກ​ເຊື່ອມ​​ໂຍງ​ເສດ​ຖະ​ກິດ​ຊັ້ນ​ນຳ​ໃນພາກ​ພື້​ນອາ​ຊີ-ປາ​ຊີ​ຟິກ.

​ສິ່ງ​ທີ່​ໂດດເດັ່ນ​ທີ່​ສຸດ ຄື ຫວຽດ​ນາມໄດ້​ປະສົບ​ຄວາມ​ສຳ​ເລັດ​ສອງ​ເທື່ອ​ໃນ​ພາລະ​ບົດ​ບາດ​ເປັນເຈົ້າ​ພາບຂອງກອງ​ປະຊຸມເອ​ເປກ ໃນປີ 2006 ແລະ 2017. ​ໃນ​ຖານະ​ເປັນປະ​ທານ​ຂອງຫວຽດ​ນາມ, ​ໃນສັບ​ປະ​ດາ​ຂັ້ນ​ສູງເອ​ເປກ ທີ່​ຈັດ​ຂຶ້ນ​ຢູ່ນະ​ຄອນຫຼວງຮ່າ​ໂນ້ຍໃນ​ເດືອນພະ​ຈິກ 2006, ​ເປັນ​ຄັ້ງ​ທຳ​ອິດ​ທີ່ບັນ​ດາຜູ້​ນຳເອ​ເປກໄດ້​ລະບຸ​ເຖິງການ​ສ້າງ​ຕັ້ງ​​ເຂດ​ການ​ຄ້າ​ເສ​ລີອາ​ຊີ-ປາ​ຊີ​ຟິ​ກ (FTAAP). ນີ້​ແມ່ນ​ການ​ຕັດສິນ​ໃຈ​ທີ່​ສຳ​ຄັນ, ວາງ​ຮາກ​ຖານ​ສຳລັບ​ວິ​ໄສ​ທັດ​ຍຸດ​ທະ​ສາດ ກ່ຽວ​ກັບ​ການ​ເຊື່ອມ​ໂຍງ​ເສດ​ຖະ​ກິດ​ທົ່ວ​ພາກ​ພື້ນ. ພ້ອມ​ກັນ​ນັ້​ນ ໂຄງ​ການ​ປະ​ຕິ​ບັດງານຮ່າ​ໂນ້ຍ ແນໃສ່​ປະ​ຕິ​ບັດ​ເປົ້າ​ໝາຍໂບ​ກໍ, ຊຸດມາດ​ຕະ​ການ​ໂດຍ​ລວ​ມ​​ໃນ​ການ​ປະ​ຕິ​ຮູບເອເປກ, ບັນ​ດາ​ຄຳ​ໝັ້ນ​ສັນ​ຍາ​ໃນການ​ຮ່ວມ​ມື​​ດ້ານ​ຄວາມປອດ​ໄພ​ຂອງ​ມະ​ນຸດ, ພັດ​ທະ​ນາ​ຊັບພະຍາກອນມະນຸດ, ການ​ປະ​ຕິ​ຮູບ​ໂຄງສ້າງ, ຊ່ວຍ​ເຫຼືອ​ບັນ​ດາ​ສະ​ມາ​ຊິກ​ທີ່​ກຳລັງ​ພັດ​ທະ​ນາ​ເພື່ອ​ຍົກ​ສູງ​ຄວາມ​ສາ​ມາດ​ເຊື່ອມ​ໂຍງ...ກໍ່​ໄດ້​ຮັບ​ການປະ​ເມີນ​ວ່າ​ເປັນ​ວິທີ​ແກ້​ທີ່​ທັນ​ເວ​ລາ​ແລະມີ​ປະ​ສິດ​ທິ​ພາບ ສຳລັບ​ບັນ​ດາ​ບັນ​ຫາທີ່ເອ​ເປກຕ້ອງ​ປະ​ເຊີນ​ໜ້າ​ໃນ​ເວ​ລານັ້ນ​. ຜົນການ​ປະຊຸມເອ​ເປກປີ 2006 ດ້ວຍ​ຈິດ​ໃຈ ມຸ່ງ​ສູ່​ປະຊາ​ຄົມ​ແຫ່ງ​ການ​ພັດທະນາ​ຢ່າງ​​ຍືນ​ຍົງ ແລ​ະຄວາມ​ຈະ​ເລີ​ນຮຸ່ງ​ເຮືອງໄດ້​ປະ​ກອບ​ສ່ວນ​ສ້າງ​​ແຮງ​ດັນ​ຕື່ມ​ອີກ​ເພື່ອຍູ້​ແຮງ​ການ​ຮ່ວມ​ມືເອ​ເປກ ຕາມ​ທິດ​ທີ່​ມີ​ປະ​ສິດ​ທິ​ຜົນແລະມີ​ຄວາມຂະ​ຫຍັນ​ຂັນ​ເຄື່ອນກວ່າ​ອີກ.

ພານຫຼັງ 11 ປີ, ປະ​ເທດຫວຽດ​ນາມຍັງ​ຄົງ​ໄດ້​ຮັບ​ຄວາມ​ໄວ້​ວາງ​ໃຈ​ຈາກ​ສະມາຊິກ​ໃຫ້​ເລືອກເປັນ​ເຈົ້າ​ພາບຂອງ​ກອງ​ປະຊຸມເອ​ເປກ ຄັ້ງ​ທີສອງ. ຄວາມ​ຮັບຜິດຊອບນີ້ພາ​ໃຫ້ຫວຽດ​ນາມຕ້ອງ​ປະ​ເຊີນ​ໜ້າ​ກັບຄວາມທ້າ​ທາຍຫຼາຍ​ຢ່າງ, ​ໂດຍ​ສະ​ເພາະແມ່ນ​ໃນ​ສະ​ພາບ​ການ​ປີ 2017 ຖື​ວ່າເປັນ​ເວລາທີ່ຍາກ​ທີ່​ສຸດສຳລັບເວ​ທີ​ປາ​ໄສ, ດ້ວຍ​ການ​ເພີ່ມ​ຂຶ້ນ​ຢ່າງ​ແຂງ​ແຮງ​ຂອງ​ລັດ​ທິ​ປົກ​ປ້ອງ, ປະ​ຊາລາດ​ນິ​ຍົມ, ການຕ້ານໂລ​ກາ​ພິ​ວັດ ກໍ່​ຄື​ບັນ​ດາ​ຄວາມທ້າ​ທາຍ​ຂອງ​ການ​ປ່ຽນ​ແປງສະພາບ​ອາ​ກາດ, ຄວາມບໍ່​ສະ​ເໝີ​ພາບ​ທາງສັງ​ຄົມ, ປະຊາກອນ​ສູງ​ອາຍຸ... ໃນ​ສະ​ພາບ​ການ​ທີ່​ມີ​ຄວາມ​ຫຍຸ້ງ​ຍາກ​ຄື​ແນວນັ້ນ, ​ແຕ່ດ້ວຍ​ຄວາມ​ກ້າຫານແລະສະຕິ​ປັນ​ຍາ, ດ້ວຍຄວາມ​ຕັດ​ສິນ​ໃຈແລະການຮ່ວມ​ຈິດ​ຮ່ວມ​ໃຈ, ຫວຽດ​ນາມໄດ້​ຈັດ​ຕັ້ງ​ປີເອ​ເປກ 2017 ສຳ​ເລັດ​ຜົນ​ຢ່າງ​ຈົບງາມ ​ດ້ວຍ​ກິດຈະກຳເກືອບ 250 ລາຍ​ການ ​ເຊິ່ງປິດ​ທ້າ​ຍ​ໃນສັ​ບ​ປະ​ດາຂັ້​ນ​ສູງເອ​ເປກຄັ້ງ​ທີ 25 ຢູ່ນະ​ຄອນ​ດ່າ​ໜັງ ​ເປັນ​ນະຄອນ​ທີ່​ຂະ​ຫຍັນ​ຂັນ​ເຄື່ອນແລະທັນ​ສະ​ໄໝ.

ດ້ວຍ​ຫົວ​ຂໍ້ ສ້າງກຳລັງໜູນໃໝ່, ພ້ອມກັນເພີ່ມພູນຄູນສ້າງອະນາຄົດຮ່ວມກັນ”, ຫວຽດ​ນາມໄດ້​ເປັນ​ປະ​ທາ​ນ, ປະ​ສານ​ສົມ​ທົບ​ກັບ​ປະ​ເທດ​ສະ​ມາ​ຊິກອື່ນ​ຊຸກ​ຍູ້ຫຼາຍ​ເນື້ອ​ໃນ​ກ່ຽວ​ກັບ​ການ​ຮ່ວມ​ມືໃຫຍ່, ປຸກ​ຕື່ນ​ບັນ​ດາ​ກຳ​ລັງ​ໜູນ​ໃໝ່​ ໃຫ້​ແກ່​ການ​ເຕີບ​ໂຕ​ແບບ​ຍືນ​ຍົງ, ປະ​ດິດ​ສ້າງ ແລະ ປົກ​ຄຸມ, ຍູ້​ແຮງ​ການເປີດ​ເສ​ລີ​ການ​ຄ້າ, ການ​ລົງ​ທຶນ ແລະ ເຊື່ອມ​ໂຍງ​ພາກ​ພື້ນ, ​ເສີມ​ສ້າງ​ບົດບາດນຳ​ພາຂອງເອ​ເປກ ໃນ​ການ​ບໍ​ລິ​ຫານ​ເສດ​ຖະ​ກິດ​ການ​ຄ້າ​ທົ່ວ​ໂລກ ແລະຮັບ​ມື​ກັບ​ສິ່ງ​ທ້າ​ທາຍທົ່ວ​ໄປ. ຖະ​ແຫຼງ​ການ​ຮ່ວມ​​ຂອງກອງ​ປະ​ຊຸມນສຸດ​ຍອດ​ເອ​ເປ​ກຄັ້ງ​ທີ 25 ແລະ ກອງ​ປ​ະ​ຊຸມ​ລະ​ຫວ່າງ​ລັກ​ຖະ​ມົນ​ຕີ​ການ​ຕ່າງ​ປະ​ເທດ-ເສດ​ຖະ​ກິດເອ​ເປກຄັ້ງ​ທີ 29, ພ້ອມ​ກັບ​ບັນ​ດາ​ເອ​ກະ​ສານ​ທີ່​ຕິດ​ຄັດ​ມາ​ພ້ອມ ​ໄດ້​ປະ​ກອບ​ສ່ວນ​ເຂົ້າ​ໃນ​ການ​ຮັກ​ສາ​ທ່າ​ຮ່ວມ​ມື, ເຊື່ອມ​ຕໍ່, ຮັກ​ສາ​ຄຸນ​ຄ່າ​ຫຼັກ​​ຂອງເອ​ເປກ ກ່ຽວ​ກັ​ບການຊຸກ​ຍູ້​ການ​ຄ້າແລະການ​ລົງ​ທຶນ​​ແບບເສ​ລີ, ເປີດກວ້າງ ແລະ ສະ​ໜັບ​ສະ​ໜູນ​ລະ​ບົບ​ການ​ຄ້າຫຼາຍ​ຝ່າຍ. ​ບົດ​ບາດແລະ​ສ່ວນຮ່ວມ​ຂອງຫວຽດ​ນາມໄດ້​ຮັບ​ການ​ເຊີດ​ຊູ​​ເປັນ​ພິ​ເສດ​ເມື່ອ​ພ​ວກ​ເຮົາ​ເປັນ​ປະ​ທານ​ໃນ​ການ​ລິ​ເລີ່​ມສົນທະນາກ່ຽວ​ກັບ ການສ້າງວິ​ໄສ​ທັດ​ໃໝ່​ ຂອງເວ​ທີ​ປາ​ໄສເອ​ເປກ ພາຍຫຼັງ​ປີ 2020.

ຄຽງ​ຄູ່​ກັນ​ນັ້ນ, ຂີດ​ໝາຍຂອງຫວຽດ​ນາມກໍ່​​ໄດ້​ສະ​ແດງອອກ​ ໂດຍ​ຜ່ານ​ຜົນ​ສຳ​ເລັດ​ຂອງການ​ສົນທະນາຄັ້ງ​ທຳ​ອິດ ລະ​ຫວ່າງ​ບັນ​ດາ​ຜູ້​ນຳຂອງເອ​ເປກແລະອາ​ຊຽນ ແລະ ​ສ່ວນຮ່ວມ​ອັນ​ຕັ້ງ​ໜ້າ​ຂອງ ຫວຽດ​ນາມໃນ​ການຊຸກ​ຍູ້​ການ​ສ້າງ​ຕັ້ງສັນ​ຍາ​ວ່າ​ດ້ວຍຄູ່​ຮ່ວ​ມ​ມື​ຮອບ​ດ້ານແລະ​ກ້າວ​ໜ້າ​ຂ້າມປາ​ຊີ​ຟິກ (CPTPP) ໃນ​ໂອ​ກາດສັບ​ປະ​ດາ​ຂັ້ນ​ສູງເອ​ເປກ ທີ່​ນະ​ຄອນດ່າ​ໜັງ. ຜົນ​ສຳ​ເລັດແລະຄວາມ​ດຶງ​ດູດ​ຂອງ ຫວຽດ​ນາມກໍ່​ໄດ້​ສະ​ແດງ​ໂດຍ​ຜ່ານການ​ເຂົ້າ​ຮ່ວມຢ່າງ​ຫຼວງຫຼາຍແລະ​ການ​ປະກອບສ່ວນອັນ​ໃຫຍ່​ຫຼວງ​ຂອງ​ຊຸມ​ຊົນ​ນັກທຸລະ​ກິດ ໃນ​ໂອ​ກາດ​ສັບ​ປະ​ດາ​ຂັ້ນ​ສູງເອ​ເປກ, ຈຸດ​ເດັ່ນ​ແມ່ນກອງ​ປະ​ຊຸມ​ສຸດຍອດທຸລະ​ກິດເອ​ເປກ ​ໂດຍ​ມີການ​ເຂົ້າ​ຮ່ວມ​ຂອງຫຼາຍ​ກວ່າ 2.100 ວິ​ສາ​ຫະ​ກິດຊັ້ນ​ນຳ​​ໃນ​ໂລກແລະພາກ​ພື້ນ, ແລະກອງ​ປະ​ຊຸມ​ສຸດຍອດທຸ​ລະ​ກິດຫວຽດ​ນາມຄັ້ງທຳ​ອິດ​ທີ່ໄດ້​ຈັດຂຶ້ນ​ໃນ​ປະ​ເທດຫວຽດ​ນາມ.

ອາ​ຈະ​ເວົ້າ​ໄດ້​ວ່າ, ຜົນ​ສຳ​ເລັດແລະບັນ​ດາ​ຂີດ​ໝາຍ​ຂອງສອງ​ຄັ້ງ​ທີ່ເປັນ​ເຈົ້າ​ພາບກອງ​ປະຊຸມເອ​ເປກນັ້ນ ​ໄດ້​ຢືນ​ຢັນ​ການ​ປະ​ກອບ​ສ່ວນ​ຢ່າງເປັນ​ເຈົ້າ​ການ, ຕັ້ງ​ໜ້າ  ແລະ ຄວາມ​ຮັບ​ຜິດ​ຊອບ​​ຂອງຫວຽດນາມ ໃນ​ການສ້າງ​ຄວາມ​ເຊື່ອມ​ໂຍງ​ທາງເສດ​ຖະ​ກິດ​ພາກ​ພື້ນ, ຮັກ​ສາ​ບົດ​ບາດ​ຂອງ​ພາກ​ພື້​ນອາ​ຊີ-ປາ​ຊີ​ຟິກ ທີ່ເປັນ​ກຳລັງ​ໜູນ​ຂອງ​ການ​ເຊື່ອມ​ຕໍ່ແລະຄວາມ​ເຕີບ​ໂຕ​ເສດ​ຖະ​ກິດ​ທົ່ວ​ໂລກ.

ທີ​ສອງ, ຫວຽດ​ນາມແມ່ນ​ໜຶ່ງ​ໃນ​ບັນ​ດາ​ປະ​ເທດ​ສະ​ມາ​ຊິກເອ​ເປກ ທີ່​ຕັ້ງໜ້າ​ທີ່​ສຸດໃນ​ການ​ສະ​ເໜີ​ ຄວາມ​ຄິດ​ລິ​ເລີ່ມແລະໂຄງ​ການຕ່າງໆ, ທີ່​ມີ​ຫຼາຍ​ກວ່າ 100 ໂຄງ​ການ​ໃນຫຼາຍ​ຂົງ​ເຂດ. ​ຄວາມ​ຄິດ​ລິ​ເລີ່ມ​​ຈຳ​ນວນຫຼາຍທີ່ຫວຽດ​ນາມເປັນ​ຜູ້​ສະ​ເໜີ​ ໄດ້​ຮັບ​ການ​ຕີ​ລາ​ຄາ​ວ່າ​ແທດຈິງ, ​ຕອບ​ສະ​ໜອງ​ໄດ້​ກັບຄວາມ​ເອົາ​ໃຈ​ໃສ່​ຮ່ວມ​ກັນ, ເປັນ​ຕົ້ນ​ແມ່ນ​ກ່ຽວ​ກັບ​ກາ​ນ​ພັດ​ທະ​ນາ​ແບບ​ປົກ​ຄຸມ, ການ​ພັດ​ທະ​ນາຊັບພະຍາກອນ​ມະນຸດໃນ​ສະ​ໄໝ​ດີ​ຈີ​ຕອນ, ການສ້າງ​ຄວາມ​ສະ​ດວກ​ໃຫ້​ແກ່​ການ​ຄ້າ​ອອນ​ໄລຂ້າມ​ຊາດ, ບັນ​ດາ​ວິ​ສາ​ຫະ​ກິດ​ຂະ​ໜາດນ້ອຍ​ທີ່​ສຸກ ​ຂະ​ໜາດ​ນ້ອຍ ແລະ ຂະ​ໜາດ​ກາງ (MSMEs) ທີ່​ສີຂຽວ ​ຍືນ​ຍົງແລະປະ​ດິດ​ສ້າງ, ຄວາມ​ປອດ​ໄພ​ດ້ານ​ອາ​ຫານ ແລະ ການ​ປ່ຽນ​ແປງ​ສະພາບດິນ​ຟ້າ​ອາ​ກາດ, ການພັດ​ທະ​ນາ​ຊົນ​ນະ​ບົດແລະຕົວ​ເມືອງ

ທີ​ສາມ, ຫວຽດ​ນາມໄດ້​ມີ​ສ່ວນຮ່ວ​ມຫຼາຍ​ຢ່າງ​ໃນ​ການ​​ຄຸ້ມ​ຄອງ​ກິດຈະກຳຂອງເອ​ເປກ ໂດຍ​ຜ່ານຕຳ​ແໜ່ງຜູ້​ອຳ​ນວຍ​ການບໍ​ລິ​ຫານຂອງກອງ​ເລ​ຂາເອ​ເປກ (ປີ 2015 - 2006), ເປັນ​ປະ​ທານ/ຮອງ​ປະ​ທານ ຄະ​ນະ​ກຳ​ມະ​ການ ແລະ ໜ່ວຍ​ງານ​ທີ່​ສຳຄັນຈຳ​ນວນໜຶ່ງ, ຄື ຄະ​ນະ​ກຳ​ມະ​ການການ​ຄ້າແລະການ​ລົງ​ທຶນ, ຄະ​ນະ​ກຳ​ມະ​ການ​ຄຸ້ມ​ຄອງ​ງົບ​ປະ​ມານ, ບັນ​ດາໜ່ວຍ​ງານ​ກ່ຽວ​ກັບ​ວິ​ສາ​ຫະ​ກິດຂະ​ໜາດ​ກາງແລະຂະ​ໜາດ​ນ້ອຍ, ສາ​ທາ​ລະ​ນະ​ສຸກ, ການ​ຮັບ​ມື​ກັບ​ສະ​ພາບ​ການ​ສຸກ​ເສີນສະ​ເພາະ​ໃນ​ໄລ​ຍະ 2016 - 2018, ຫວຽດ​ນາມໄດ້​ເປັນປະ​ທານ, ຮອງ​ປະ​ທານຂອງ​ 18 ຄະ​ນະ​ກຳ​ມະ​ການ, ໜ່ວຍ​ງານ​ຂອງເອ​ເປກ, ແລະ​ໄດ້ຮັບ​ການ​ຕີ​ລາ​ຄາ​ສູງ​ຈາກ​ສະ​ມາ​ຊິກ​ອື່ນ​ຂອງ​ເອ​ເປ​ກ.

ທີ​ສີ່, ​ບົດ​ບາດ​ຂອງວິ​ສາ​ຫະ​ກິດຫວຽດ​ນາມ ຕໍ່​ການ​ຮ່ວ​ມມືເອ​​ເປກ ນັບ​ມື້​ນັບ​ໄດ້​ຍົກ​ສູງ. ວິ​ສາ​ຫະ​ກິດຂອງຫວຽດ​ນ​າມໄດ້​​ເຂົ້າ​ຮ່ວມແລະປະ​ກອບ​ສ່ວນ​ຢ່າງ​ຕັ້ງ​ໜ້າ, ມີ​ຂໍ້​ສະ​ເໜີ​​ແນະ​ຕ່າງໆ​ຫຼາຍຢ່າງ ຕໍ່ການນຳແລະລັດ​ຖະ​ມົນ​ຕີເອ​ເປກ. ພິ​ເສດ, ໃນ​ປີເອ​ເປກ 2017, ວິ​ສາ​ຫະ​ກິດຫວຽດ​ນາມໄດ້​​ປະ​ກອບ​ສ່ວນ​ສະ​ຕິ​ບັນ​ຍາ, ເຫື່ອ​ແຮງ ແລະ ເຂົ້າ​ຮ່ວມໂດຍ​ກົງ​ໃນ​ການ​ເຄື່ອນ​ໄຫວຕ່າງໆ​, ຢືນ​ຢັນ​ຄວາມ​ເຕີບ​ໃຫຍ່, ຄວາມ​ສາ​ມາດເຊື່ອມ​ໂຍງ, ບົດ​ບາດແລະຄວາມ​ຮັບ​ຜິດ​ຊອບ​ຕໍ່​ການ​ຮ່ວມ​ມືເອ​ເປກ ກໍ່​ຄື​ການ​ເຊື່ອມ​ຕໍ່​ເສດ​ຖະ​ກິດ​ພາກ​ພື້​ນ.

ເອ​ເປກ: ເວ​ທີ​ປາ​ໄສ​ຫຼັກ​ໃນ​ການ​ຜັນ​ຂະ​ຫຍາຍ​​ແຜນນະ​ໂຍ​ບາຍ​ສົ່ງ​ເສີມແລະຍົກ​ລະ​ດັບ​ການ​ພົວ​ພັນພະຫຸ​ພາຄີ

ໃນ​ໂລກ​​ທີ່ເຊື່ອມ​ໂຍງ​ຫຼາຍ​ດ້ານ (hyperlink - ​ເຊື່ອມ​ໂຍງ​ຫຼາຍ​ດ້ານ, ​ເຊື່ອມ​ໂຍງ​ຫຼາຍ​ມິ​ຕິ)​, ພາກພື້ນອາ​ຊີ-ປາ​ຊີ​ຟິກ ສືບ​ຕໍ່​ເປັນສູນກາງ​ການພັດ​ທະ​ນາອັນ​ດັບໜຶ່ງຂອງ​ໂລກ, ທີ່​ມີ​ທີ່​ຕັ້ງພູມ​ສາດ-ເສດ​ຖະ​ກິດ ແລະ ພູມ​ສາດ-ການ​ເມືອງຍຸດ​ທະ​ສາດ​ທີ່​ສຳ​ຄັນ, ເປັນ​ກຳລັງ​ໜູນ​ຂອງການ​ເຕີບ​ໂຕແລະການເຊື່ອມ​ຕໍ່​ເສດ​ຖະ​ກິດ​ທົ່ວ​ໂລກ, ເປັນ​ສູນກາງ​ການ​ເມືອງ​ທີ່​ສຳ​ຄັນ​​ຂອງ​ໂລກ. ​ໂດຍເປັນ​ກົນ​ໄກ​​ເຊື່ອມ​ຕໍ່​ເສດ​ຖະ​ກິດ​ທີ່​ສຳ​ຄັນ​ອັນ​ດັບ​ໜຶ່ງ​ໃນ​ພາກ​ພື້ນອາ​ຊີ-ປາ​ຊີ​ຟິກ, ເອ​ເປກສືບ​ຕໍ່​ນຳ​ໜ້າ​ໃນ​ການ​ຊຸກ​ຍູ້​ການ​ຄ້າ ການ​ລົງ​ທຶນ ການ​ເຊື່ອມ​ຕໍ່, ເສີມ​ຂະ​ຫຍາຍ​​ຢ່າງ​ແຂງ​ແຮງ ບົດ​ບາດ​​ນຳພາ​ໃນ​ການ​ຄຸ້ມ​ຄອງ​ເສດ​ຖະ​ກິດ​​ໂລກ, ປະ​ຕິ​ບັດ​ເປົ້າ​ໝາຍການພັດ​ທະ​ນາ​ແບບ​ຍືນ​ຍົງ​ເຖິງ​ປີ 2030 ແລະ ​ຮັບ​ມື​ກັບ​ສິ່ງ​ທ້າ​ທາຍ​ທົ່ວ​ໄປ. ກ້າວ​ເຂົ້າ​ສູ່​ທົດ​ສະ​ວັດ​ທີ​ສີ່​ແຫ່ງ​ການ​ພັດທະນາ, ຕໍ່​ໜ້າ​ການ​ຜັນ​ປ່ຽນ​ຢ່າງ​​ໄວວາແລະເລິດ​ເຊິ່ງ​ຂອງ​ສະ​ຖາ​ນະ​ການ​ໂລກແລະພາກ​ພື້ນ, ພາ​ຍ​ໃຕ້​ການ​ກະ​ທົບ​ຢ່າງ​ແຂງ​ແຮງ​ຂອງ​ການ​ປະ​ຕິ​ວັດ​ອຸດ​ສາ​ຫະ​ກຳ​ຄັ້ງ​ທີ​ສີ່ (ອຸດ​ສາ​ຫະ​ກຳ 4.0), ເອ​ເປ​ກພວມ​ຫັນ​​ປ່ຽນ​ໂດຍ​ພື້ນ​ຖານ, ນັບ​ມື້​ນັບ​ເປີດກວ້າງ​ເນື້ອ​ໃນ​​ການ​ຮ່ວມ​ມື​ຕາມ​ທິດ​ທີ່ແທດຈິງກວ່າ​ອີກ ເພື່ອ​ຜົນ​ປະ​ໂຫຍດ​ຂອງ​ປະ​ຊາ​ຊົນແລະວິ​ສາ​ຫະ​ກິດ.

ພາຍຫຼັງ 30 ປີ ແຫ່ງ​ການ​ປ່ຽນ​ແປງ​ໃໝ່ແລະເຊື່ອມ​ໂຍງ​ສາ​ກົນ, ຫວຽດ​ນາມກ້າວ​ເຂົ້າ​ສູ່​ໄລ​​ຍະການພັດ​ທະ​ນາ​ຍຸດ​ທະ​ສາດ​ໃໝ່​ ດ້ວຍ​ຖາ​ນະ​ບົດ​ບາດແລະຂະ​ໜາດ​ໃໝ່, ສື​ບຕໍ່​ປ່ຽນ​ແປງ​ໃໝ່​ຢ່າງຮອບ​ດ້ານ, ເຊື່ອມ​ໂຍງ​ສາ​ກົນ​ຢ່າງ​ເລິດ​ເຊິ່ງ ແລະ ຍົກ​ລະ​ດັບ​ການ​ພົວ​ພັນຕ່າງປະ​ເທດ​ພະຫຸ​ພາຄີ. ອາ​ຊີ-ປາ​ຊີ​ຟິ​ກ ແລະ ເອ​ເປກ ສືບ​ຕໍ່​​ເປັນ​ໜຶ່ງ​ໃນ​ບັນ​ດາ​ຈຸດ​ໜັກ​ໃຈ​ກາງ​ໃນ​ການ​ຜັນ​ຂະ​ຫຍາຍ​ແຜນ​ນະ​ໂຍ​ບາຍການພົວ​ພັນ​ຕ່າງ​ປະ​ເທດ​ຂອງຫວຽດ​ນາມໃນ​ສະ​ໄໝ​ໃໝ່.

ດ້ວຍປະສົບ​ການ​ 20 ປີ​ໃນເອ​ເປກ, ຫວຽດ​ນາມຈະ​ສືບ​ຕໍ່​ຍົກ​ລະ​​ດັບ​ການ​ປະ​ກອບ​ສ່ວນ​ຂອງ​ຕົນ​ໃນເວ​ທີ​ປາ​ໄສນີ້. ຫວຽດ​ນາມຈະ​ພ້ອມ​ກັບ​ບັນ​ດາ​ປະ​ເທດ​ສະ​ມາ​ຊິກ ຍູ້​ແຮງ​ການ​ຜັນ​ຂະ​ຫຍາຍ​ບັນ​ດາ​ຄຳ​ໝັ້ນ​ສັນ​ຍາ ແລະ ຍຸດ​ທະ​ສາດ​ໄລຍະ​ຍາວ ກ່ຽວ​ກັບ​ການ​ສຳ​ເລັດ​​ເປົ້າ​ໝາຍ ​ໂບກໍ ໃນ​ປີ 2020, ບັນ​ດາຍຸດ​ທະ​ສາດການ​ເຕີບ​ໂຕ ການເຊື່ອມ​ຕໍ່​​ໂດຍ​ລວມ,… ພ້ອມ​ກັນ​ນັ້ນ​ກໍຊຸກ​ຍູ້​ການປະຕິບັດ​ຜົນ​ຂອງສັບ​ປະ​ດາ​ຂັ້ນ​ສູງ ເອ​ເປກ 2017 ​ໃຫ້​ປະກົດ​ເປັນ​ຈິງ. ​ໃນ​ຖາ​ນະ​​ຮອງ​ປະ​ທານກຸ່ມວິ​ໄສ​ທັດເອ​ເປກ, ຫວຽດ​ນາມຈະປະ​ກອບ​ສ່ວນ​ຢ່າງ​ຕັ້ງ​ໜ້າ​​​ ເພື່ອຜັນ​ຂະ​ຫຍາຍ​ແນວ​ຄວາມ​ຄິດ​ໂດຍຫວຽດ​ນາມເປັນ​ຜູ້​ສະ​ເໜີ​ໃນ​ປີ 2017 - ​ສ້າງ​ວິ​ໄສ​ທັດ​ໃໝ່​ສຳ​ລັບ​ກອງ​ປະຊຸມ​ເອ​ເປ​ກ​ໃນ​ໄລ​ຍະ​ການພັດ​ທະ​ນາ​ພາຍ​ຫຼັງ​ປີ 2020.

​ໂດຍ​ປະຕິບັດແຜນ​ນະ​ໂຍ​ບາຍ​ຂອງກອງ​ປະ​ຊຸມ​ໃຫຍ່​ຄັ້ງ​ທີ XII ຂອງ​ພັກ ກ່ຽວ​ກັບຄວາມເປັນ​ເຈົ້າ​ການ ຕັ້ງ​ໜ້າ​ເຊື່ອມ​ໂຍງ​ສາ​ກົນ, ປະ​ກອບ​ສ່ວນ​ເຂົ້າ​ໃນ​ການສ້າງສະ​ຖາ​ບັນ​ພະຫຸ​ພາຄີ ແລະ ປະຕິບັດຄຳ​ສັ່ງ​ຂອງຄະນະ​ເລ​ຂາທິການ​ກ່ຽວ​ກັບ​ການ​ຍູ້​ແຮງ ແລະຍົກ​ລະ​ດັບ​ການ​ພົວ​ພັນ​ຕ່າງ​ປະ​ເທດຫຼາຍ​ຝ່າຍ, ຫວຽດ​ນາມຈະ​ສືບ​ຕໍ່​ໄປ​ພ້ອມກັນ​ກັບເອ​ເປກ ໃນ​ໄລ​ຍະ​ທາງ​ແຫ່ງ​ການ​ພັດ​ທະ​ນາ​ຕໍ່​ໄປ, ຮ່ວມ​ມືກໍ່​ສ້າງວິ​ໄສ​ທັດ​ຍຸດ​ທະ​ສາດ​ກ່ຽວ​ກັບ​ປະ​ຊາ​ຄົມອາ​ຊີ-ປາ​ຊີ​ຟິກ ທີ່​ມີສັນ​ຕິ​ພາບ, ສະ​ຖຽມ​ລະ​ພາບ, ຂະ​ຫຍັນ​ຂັນ​ເຄື່ອນ, ປະ​ດິດ​ສ້າງ, ຕິດ​ພັນແລະຈະ​ເລີ​ນຮຸ່ງ​ເຮືອງ./.

​ໂດຍ ຟ້າມ​ບິ່ງ​ມິງ

ກຳ​ມະ​ການ​ກົມ​ການ​ເມືອງ, ຮອງ​ນາ​ຍົກ​ລັດ​ຖະ​ມົນ​ຕີ​,

ລັດ​ຖະ​ມົນ​ຕີກະ​ຊວງ​ການ​ຕ່າງ​ປະ​ເທດ

---------------------------------

ບົດ​ນີ້​ໄດ້​ລົງ​ພິມ​ໃນ​ວາລະສານ​ກອມ​ມູນິດ ສະບັບທີ 913 (​ເດືອນ​ພະຈິກ 2018)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ