ວັນອາທິດ, 31/5/2020
  • ສືບທອດແລະເສີມຂະຫຍາຍມູນເຊື້ອ ກໍ່ສ້າງການປ້ອງກັນປະເທດທົ່ວປວງຊົນ ເພື່ອປະຕິບັດແຜນນະໂຍບາຍ “ຮັກສາປະເທດກ່ອນທີ່ມັນຈະຕົກໃນອັນຕະລາຍ”

         ວກ.ອອນ​ໄລ - “ຮັກສາ​ປະ​ເທດ​ກ່ອນ​ທີ່​ມັນ​ຈະ​ຕົກ​ໃນ​ອັນຕະລາຍ” ​ແມ່ນ​ສິລະ​ປະ, ​ແຜນ​ນະ​ໂຍບາຍການປ້ອງ​ກັນ​ປະ​ເທດ “​ແຕ່​ຫົວທີ, ຕັ້ງ​ແຕ່​ໄກ”, ພ້ອມ​ກັນນັ້ນ​ກໍ່​ແມ່ນ​ມູນ​ເຊື່ອ, ບົດຮຽນ ​ແລະປະສົບ​ການ​ທີ່ປະ​ເສີດ, ລ້ຳ​ຄ່າຂອງ​ຊາດ​ຫວຽດນາມ​ໃນ​ທຸກຍຸກ​ສະ​ໄໝ. ​ເພາະສະ​ນັ້ນ, ການ​ຄົ້ນຄວ້າ​ກຳ​ແໜ້ນ, ພັດທະນາ​ ແລະໝູນ​ໃຊ້ສິລະ​ປະ​ແຜນ​ນະ​ໂຍບາຍ​ນີ້​ຢ່າງ​ປະດິດ​ສ້າງ ​ເຂົ້າ​ໃນ​ເງື່ອນ​ໄຂ​ຕົວ​ຈິງ​ຂອງ​ປະ​ເທດ​ໃນ​ປະຈຸ​ບັນ​ ແມ່ນ​ຄວາມ​ຮັບຜິດຊອບ​ການ​ເມືອງ​ຂອງ​ທົ່ວ​ພັກ, ທົ່ວ​ປວງ​ຊົນ ​ແລະ​ທົ່ວ​ກອງທັບ​ເຮົາ, ປະກອບສ່ວນ​ປົກ​ປັກ​ຮັກສາ​ປະ​ເທດ​ຊາດ​ຫວຽດນາມ​ສັງຄົມ​ນິຍົມ​ໄວ້​ຢ່າງ​ໝັ້ນຄົງ​ໃນ​ທຸກ​ສະຖານະ​ການ.

  • ການກໍ່ສ້າງພັກແລະລະບົບການເມືອງຢູ່ຫວຽດນາມ ໃນສະພາບການໃໝ່

         ວກ.ອອນ​ໄລ - ​ໃນ​ຂະ​ບວນການ​ນຳພາ​ການ​ປະຕິວັ​ດ, ພັກ​ກອມ​ມູນິດ​ຫວຽດນາມຍາມ​ໃດ​ກໍ່​ເອົາ​ໃຈ​ໃສ່​ການ​ກໍ່ສ້າງ​ພັກ​ໃຫ້​ສະອາດປອດ​ໃສ​ແລະ​ໝັ້ນຄົງ​ເຂັ້ມ​ແຂງ. ນັບ​ແຕ່​ເມື່ອ​ຍາດ​ໄດ້​ອຳນາດ​ການ​ປົກຄອງ​ເປັນ​ຕົ້ນ​ມາ, ພັກ​ກອມ​ມູນິດ​ຫວຽດນາມ​ແມ່ນສ່ວນປະກອບ​ຂອງ​ລະບົບ​ການ​ເມືອງ​ ​ແລະ​​ເປັນ​ແກນ​ນຳຂອງ​ລະບົບ​ນັ້ນ. ດັ່ງ​ນັ້ນ, “ພັກ​ກອມ​ມູນິດ​ຫວຽດນາມ - ກອງ​ນຳ​ໜ້າ​ຂອງ​ຊົນ​ຊັ້ນ​ກຳມະກອນ, ພ້ອມ​ທັງ​ເປັນ​ກອງ​ນຳ​ໜ້າ​ຂອງ​ປະຊາຊົນ​ຜູ້​ອອກ​ແຮງ​ງານ​ແລະ​ຂອງ​ຊາດ​ຫວຽດນາມ,… ​ແມ່ນ​ກຳລັງ​ນຳພາ​ລັດ​ແລະ​ສັງຄົມ”(1). ການ​ກໍ່ສ້າງ​ພັກ​ໃຫ້​ສະອາດ​ປອດ​ໃສ​ແລະ​ໝັ້ນ​ຄົມ​ເຂັ້ມ​ແຂງມີ​ຄວາມ​ສຳຄັນ​ຊີ້​ຂາດ​ຕໍ່​ລັກສະນະ, ​ເປົ້າ​ໝາຍ, ໜ້າ​ທີ່, ປະສິດທິ​ຜົນ​ ຂອງ​ການ​ກໍ່ສ້າງ​ລະບົບ​ການ​ເມືອງ. ​​ໃນ​ທາງ​ກັບ, ປະສິດທິພາບ​ແລະ​ປະສິດທິ​ຜົນ​​ແຫ່ງ​ການ​ເຄື່ອນ​ໄຫວຂອງບັນດາ​ອົງການ​ສະມາຊິກ​ໃນ​ລະບົບ​ການ​ເມືອງນັ້ນ ​ແມ່ນສິ່ງ​ວັດ​ແທກ​ຄວາມ​ສາມາດ​ນຳພາ, ອິດ​ທິພົນ, ຖານະບົດບາດ, ຕຳ​ແໜ່ງກຳ​ອຳນາດ​ຂອງ​ພັກ.

  • ເສີມຂະຫຍາຍບົດບາດຂອງສັງຄົມ ປະກອບສ່ວນເພີ່ມເຕີມໃຫ້ລັດ ແລະຈຳກັດຂໍ້ບົກພ່ອງຂອງຕະຫຼາດ*

    ວກ. ອອນ​ໄລ - ການ​ແກ້​ໄຂ​ສາຍ​ພົວພັນ​ລະຫວ່າງ​ລັດ, ຕະຫຼາດ​ແລະ​ສັງຄົມ​ແມ່ນ​ໜຶ່ງ​ໃນ​ແປດ​ສາຍ​ພົວພັນອັນ​ພື້ນຖານ ທີ່ພັກ​ກອມ​ມູນິດ​ຫວຽດນາມ​ໄດ້​ສະຫຼຸບ​ສັງ​ລວມ​ແລະພັດທະນາ​ຂຶ້ນ​ສູ່​ລະດັບ​ທິດ​ສະດີ ​ເພື່ອ​ຊີ້​ນຳ​ຂະ​ບວນການ​ປ່ຽນ​ແປງ​ໃໝ່​ປະ​ເທດ​ຢ່າງຮອບດ້ານ. ​ແຕ່, ບົດບາດ​ຂອງ​ປັດ​ໄຈ “ສັງຄົມ” ​ໃນ​ການ​ພົວພັນ​ກັບ “ລັດ” ​ແລະ “ຕະຫຼາດ” ບໍ່​ໄດ້​ຮັບ​ການ​ຊີ້​ແຈງ​ເປັນ​ເວລາ​ດົນ​ນານ. ບົດ​ຄວາມ​ນີ້​ເລີ່ມອະທິ​ບາຍບົດບາດ​ຂອງ​ສັງຄົມ​ໃນ​ການ​ປະກອບສ່ວນ​ເພີ່ມ​ເຕີມ​ໃຫ້​ລັດ ​ແລະ ຈຳກັດ​ຂໍ້​ບົກພ່ອງ​ຂອງ​ຕະຫຼາດ​ໃນລະບົບ​ເສດຖະກິດ​ຕະຫຼາດກຳນົດ​ທິດສັງຄົມ​ນິຍົມ.

  • ສືບຕໍ່ປ່ຽນແປງໃໝ່ຢ່າງແຂງແຮງ ເພື່ອເປີດກວ້າງ, ປົດປ່ອຍ, ລະດົມ ແລະ ນຳໃຊ້ ຊັບພະຍາກອນທັງໝົດ ຢ່າງມີປະສິດທິຜົນ, ສ້າງແຮງຊຸກດັນໃໝ່ ໃຫ້ປະເທດພັດທະນາຢ່າງໄວວາແລະຍືນຍົງ

        ວກ. ອອນ​ໄລ - ທຸກໆ​ປະ​ເທດທີ່​ຢາກ​ມີ​ການ​ຈະ​ເລີ​ນພັດທະນາ ລ້ວນ​ແຕ່​ຕ້ອງ​ລະດົມ​ແລະ​ນຳ​ໃຊ້​ຊັບພະຍາກອນ​ທັງ​ໝົດຢ່າງ​ມີ​ປະສິດທິ​ຜົນ​ ເພື່ອຮັບ​ໃຊ້​ໃຫ້​ແກ່​ການ​ພັດທະນາ. ສຳລັບ​ປະ​ເທດ​ຫວຽດນາມ, ​ເພື່ອ​ສຳ​ເລັດ​ເປັນ​ຢ່າງ​ດີ​ ບັນດາ​ເປົ້າ​ໝາຍ​ທີ່​ກອງ​ປະຊຸມ​ໃຫຍ່​ຄັ້ງ​ທີ XII ຂອງ​ພັກ​ວາງ​ອອກ​ມາ ​ແລະ ສ້າງ​ພື້ນຖານ​ອັນ​ໜັກ​ແໜ້ນ​ໃຫ້​ປະ​ເທດ​ພັດທະນາ​ຢ່າງ​ໄວວາ​ແລະ​ຍືນ​ຍົງ​ໃນ​ສິບ​ປີ​ຕໍ່ໜ້າ ​ແມ່ນ​ພວກ​ເຮົາ​ຕ້ອງ​ສືບ​ຕໍ່​ປ່ຽນ​ແປງ​ໃໝ່ຈິນຕະນາການ​ແລະ​ການປະຕິບັດຢ່າງຈິງ​ຈັງ ​ເພື່ອ​ເປີດ​ກວ້າງ, ປົດ​ປ່ອຍ, ລະດົມ​ແລະ​ນຳ​ໃຊ້​ຊັບພະຍາກອນ​ທັງ​ໝົດ​ຢ່າງ​ມີ​ປະສິດທິ​ຜົນ.

  • ເບິ່ງຄືນຫຼັງ 3 ປີແຫ່ງການປະຕິບັດ ມະຕິກອງປະຊຸມຄັ້ງທີ 4 ຂອງຄະນະບໍລິຫານງານສູນກາງ ພັກກອມມູນິດຫວຽດນາມ ສະໄໝທີ XII

         ວກ.ອອນ​ໄລ - ​ໃນ​ເກືອບ 90 ປີ​​ທີ່​ຜ່ານ​ມາ, ພັກ​ກອມ​ມູນິດ​ຫວຽດນາມ​ໄດ້​ປະຕິບັດຫຼາຍ​ມາດ​ຕະການ​​ເພື່ອປ້ອງ​ກັນ​ແລະ​ຕ້ານ​ພະຍາດ​ອາດຍາ​ສິດ, ຕ້ານ​ການ​ສໍ້​ລາດ​ບັງ​ຫຼວງ, ປະກອບສ່ວນ​ທີ່​ສຳຄັນ​ເຂົ້າ​ໃນ​ການ​ກໍ່ສ້າງ​ພັກ​ໃຫ້​ສະອາດ​ປອດ​ໃສ, ໝັ້ນຄົງ​ເຂັ້ມ​ແຂງ, ນຳພາ​ປະ​ເທດ​ຍາດ​ເອົາ​ໄຊຊະນະ​ອັນ​ໃຫຍ່​ຫຼວງ, ມີ​ຄວາມ​ໝາຍ​ປະຫວັດສາດ. ພິ​ເສດ​ແມ່ນ, ​ໃນ​ສອງ​​ໄລຍະ​ປະຈຳການທີ່​ຜ່ານ​ມາ, ໜ້າທີ່ດັ່ງກ່າວ​ໄດ້​ຮັບ​ຄວາມ​ເອົາ​ໃຈ​ໃສ່​ເປັນ​ພິ​ເສດ​ຈາກ​ພັກ, ດ້ວຍ​ການ​ປະກາດ​ໃຊ້​ແລະ​ປະຕິບັດ​ບັນດາ​ມະຕິ​ສະ​ເພາະ​ຢ່າງ​ເດັດຂາດ.

  • ເສີມຂະຫຍາຍຫຼັກການເຈລະຈາປະຊາທິປະໄຕ, ຍົກສູງຄຸນນະພາບແລະປະສິດທິຜົນ ຂອງແນວໂຮມປະເທດຊາດຫວຽດນາມ, ເພື່ອປະຊາຊົນຮັ່ງມີ, ປະເທດຊາດເຂັ້ມແຂງ ມີປະຊາທິປະໄຕ ຍຸດຕິທຳ ແລະ ສີວິໄລ

        ວກ.ອອນ​ໄລ - ​ເພື່ອປະຕິບັດຄວາມ​ສາມັກຄີ​​ທັງ​ຊາດ, ພັກ​ກອມ​ມູນິດ​ຫວຽດນາມ​ໄດ້​ວາງ​ນະ​ໂຍບາຍ​ກໍ່ສ້າງ​ແນວ​ໂຮມ​ເອກະ​ພາບ​ແຫ່ງ​ຊາດ, ​ເບິ່ງ​ແຍງ​ການຈັດ​ຕັ້ງ​ແລະ​ການ​ເຄື່ອນ​ໄຫວ​ຂອງ​ແນວ​ໂຮມ, ​ເຊິ່ງສອດ​ຮອຍ​ຕະຫຼອດ​ແມ່ນ​ຫຼັກການ​ເຈລະຈາ​ປະຊາທິປະ​ໄຕ, ​ແນ​ໃສ່​ເຕົ້າ​ໂຮມ​ແລະ​ເສີມ​ຂະຫຍາຍ​ບັນດາ​ກຳລັງ​ໃນ​ສັງຄົມ ​ເພື່ອ​​ປະຕິບັດ​ເປົ້າໝາຍ​ລວມ. ​ໃນ​ເວລາ​ທີ່​ຜ່ານ​ມາ, ຫຼັກການ​ນີ້​ໄດ້​ຮັບ​ການ​ເສີມ​ຂະຫຍາຍ​ເປັນ​ຢ່າງ​ດີ, ປະກອບສ່ວນ​ເຂົ້າ​ໃນ​ການ​ກໍ່ສ້າງ​ກຸ່ມ​ກ້ອນ​ມະຫາ​ສາມັກຄີ​ປວງ​ຊົນ​ທັງ​ຊາດ​ພາຍ​ໃຕ້​ການ​ນຳພາ​ຂອງ​ພັກ.

  • ການເສີມຂະຫຍາຍປະຊາທິປະໄຕຢູ່ຫວຽດນາມໃນປະຈຸບັນ: ສະຖານະການແລະວິທີແກ້ໄຂ

        ວກ.ອອນ​ໄລ - ພາຍ​ຫຼັງກວ່າ 30 ປີ​ແຫ່ງ​ການ​ປ່ຽນ​ແປງ​ໃໝ່, ພັກ​ກອມ​ມູນິດ​ຫວຽດນາມ​ໄດ້​ມີ​ຄວາມ​ຮັບ​ຮູ້​ທີ່​ນັບ​ມື້​ນັບ​ເລິກ​ເຊິ່ງ ກ່ຽວ​ກັບບົດບາດ​ແລະ​ຄວາມ​ສຳຄັນ ຂອງ​ການ​ກໍ່ສ້າງ​ແລະ​ເສີມ​ຂະຫຍາຍ​ປະຊາທິປະ​ໄຕສັງຄົມ​ນິຍົມ, ຢັ້ງຢືນ​ປະຊາທິປະ​ໄຕ​ແມ່ນທາດ​ແທ້​ຂອງ​ລະບອບ​ປະຊາທິປະ​ໄຕ​ປະຊາຊົນ, ທັງ​ເປັນ​ເປົ້າ​ໝາຍ​ທັງ​ເປັນ​ກຳລັງ​ໜູນ​ຂອງ​ພາລະກິດ​ການ​ປ່ຽນ​ແປງ​ໃໝ່; ພ້ອມ​ກັນ​ນັ້ນ, ​ໄດ້​ຮັບ​ຮູ້​ຢ່າງ​ຄົບ​ຖ້ວນ​ກວ່າ​ອີກ ​ກ່ຽວ​ກັບລັກສະນະ​ພາວະ​ວິ​ໄສ​ໃນ​ການ​ປະຕິບັດ​ປະຊາທິປະ​ໄຕ, ​ໂດຍ​ສະ​ເພາະ​ແມ່ນ ບັນດາ​ຮູບ​ການ​ປະຊາທິປະ​ໄຕ​ໂດຍ​ກົງ​ໃນ​ສະພາບ​ການ​ໃໝ່.

  • ຫຼັກການພື້ນຖານໃນການຈັດການແກ້ໄຂ ສາຍພົວພັນລະຫວ່າງລັດແລະຕະຫຼາດ

         ວກ. - ຂະ​ບວນການ​ພັດທະນາ​ເສດ​ຖະກິດ​ໂລກ ໃນ​ທາງ​ປະຕິບັດ ກໍ່​ຄື​ປະຫວັດສາດ​ການ​ພັດທະນາ​ ທິດ​ສະ​ດີ​ເສດຖະສາດກ່ຽວ​ກັບ ສາຍ​ພົວພັນ​ລະຫວ່າງ​ລັດ​ແລະ​ຕະຫຼາດ ​ໄດ້​​ໃຫ້​ເຫັນ​ວ່າ, ສາຍ​ພົວພັນ​ນີ້​ຕິດ​ແໜ້ນ​ກັບ​ການຂະຫຍາຍຕົວ​ຂອງ​ລັດ ​ແລະ ການ​​ເກີດ​ຂຶ້ນ​ແລະ​ພັດທະນາ​ຂອງ​ຕະຫຼາດ. ປະຫວັດສາດ​ການ​ພັດທະນາ​ຂອງ​​ເສດຖະກິດຕະຫຼາດ, ໃນ​ແງ່​ມຸມ​ທີ່​ແນ່ນອນ, ​ແມ່ນ​ປະຫວັດສາດ​ຂອງ​ຂະ​ບວນການຈັດການ​ແກ້​ໄຂ ສາຍ​ພົວພັນ​ລະຫວ່າງ​ລັດ​ແລະ​ຕະຫຼາດ.

  • ການຕ້ານ “ຈິນຕະນາການຕາມໄລຍະ” ຈາກບົດຮຽນກ່ຽວກັບການຕໍ່ສູ້ຕ້ານລັດທິເອກະຊົນ ຕາມແນວຄິດໂຮ່ຈີມິນ

    ວກ. - ​ໃນ​ຕະຫຼອດ​ຊີວິດ​​ແລະ​ພາລະກິດ​ການ​ເຄື່ອນ​ໄຫວ​ປະຕິວັດ, ປະທານ​ໂຮ່ຈີ​ມິນ​ໄດ້​ທຸ່ມ​ເທ​ເວລາ,​ ເຫື່ອ​ແຮງແລະ​ສະຕິ​ປັນຍາ ​ເຂົ້າ​ໃນ​ການ​ກໍ່ສ້າງ​ພັກໃຫ້ສະອາດ​ປອດ​​ໃສ ​ແລະໝັ້ນຄົງ​ເຂັ້ມ​ແຂງ. ​ເພື່ອ​ເຮັດສິ່ງດັ່ງກ່າວ​ໄດ້​ດີ, ຕາມ​ປະທານ​ໂຮ່ຈີ​ມິນ, ຕ້ອງ​ເອົາ​ໃຈ​ໃສ່​ແລະ​ເດັດດ່ຽວ​ຕ້ານລັດທິເອກະຊົນ, ຍ້ອນລັດທິເອກະຊົນ​ແມ່ນ​ສາ​ເຫດ​ທີ່​ພາ​ໃຫ້​ເກີດພະຍາດ​ຕ່າງໆຫຼາຍຮ້ອຍ​ປະ​ເພດ, ​ໃນ​ນັ້ນ ປະຈຸ​ບັນ​ນີ້​ມີ​ພະຍາດ “ຈິນຕະນາການຕາມ​ໄລຍະ”. ຢາກ​ກຳຈັດ “ຈິນຕະນາການ​ຕາມໄລຍະ” ຈຳ​ເປັນ​ຕ້ອງ​ກວາດ​ລ້າງລັດທິເອກະຊົນ, ຍົກ​ສູງ​ຄຸນສົມບັດ​ປະຕິວັດ; ດັ່ງ​ນັ້ນ, ການ​ຄົ້ນຄວ້າ, ຊາບ​ຊຶມ​ ແລະ ​ໝູນ​ໃຊ້​ ແນວ​ຄິດ​ໂຮ່ຈີ​ມິນ ​ກ່ຽວ​ກັບ​ການ​ຕໍ່ສູ້ຕ້ານລັດທິເອກະຊົນ ຈະ​ຖອດ​ຖອນ​ບົດຮຽນ​ທີ່​ມີຄ່າ​ສຳລັບ​ການ​ຕໍ່ສູ້​ຕ້ານ “ຈິນຕະນາການ​ຕາມໄລຍະ” ຢູ່​ຫວຽດນາມ​ໃນ​ປະຈຸ​ບັນ.

  • ການປົກປັກຮັກສາອຳນາດອະທິປະໄຕ ໃນເຂດທະເລໝູ່ເກາະຂອງຫວຽດນາມ ໃນສະພາບການໃໝ່

    ວກ.- ໜ້າ​ທີ່​ປົກ​ປັກ​ຮັກສາ​ອຳນາດ​ອະທິປະ​ໄຕ​ໃນ​ເຂດທະ​ເລ​ໝູ່​ເກາະຂອງ​ຫວຽດນາມ ​​ໃນ​ປະຈຸ​ບັນພວມ​ປະ​ເຊີນ​ໜ້າ​ກັບ​ຄວາມ​ຫຍຸ້ງຍາກ, ສິ່ງ​ທ້າ​ທາຍ​ໃຫຍ່​ຫຼາຍ​ຢ່າງ. ​ແຕ່, ທົ່ວ​ພັກ, ທົ່ວ​ປວງ​ຊົນ, ທົ່ວ​ກອງທັບ​ໄດ້​ຮ່ວມ​ແຮງ, ພ້ອມ​ຈິດ​ພ້ອມ​ໃຈກັນ, ​ເສີມ​ຂະຫຍາຍ​ກຳລັງ​ແຮງ​ສັງ​ລວມ​ເຖິງ​ລະດັບ​ສູງ, ຕັດສິນ​ໃຈ​ປົກ​ປັກ​ຮັກສາອຳນາດ​ອະທິປະ​ໄຕ, ສິດທິ​ອະທິປະ​ໄຕ ​ແລະ ອຳນາດ​ພິພາກສາຕັດສິນ​ຂອງ​ຊາດ ​ໄວ້​ຢ່າງ​ໝັ້ນຄົງ, ພ້ອມ​ກັນ​ນັ້ນ​ ກໍ່​ຮັກສາ​ສະພາບ​ແວດ​ລ້ອມ​​ສັນຕິພາບ ​ແລະ ​ສະຖຽນ​ລະ​ພາບ​ໃນ​ທະ​ເລ ​ເພື່ອສ້າງສາ​ພັດທະນາ​ປະ​ເທດ.

1 2 3 4 5 6

ບົດທີ່ມີຜູ້ອ່ານຫລາຍສຸດ

Video