ວັນເສົາ, 18/11/2017
ສື່ມວນຊົນຕ້ອງເສີມຂະຫບາຍບົດບາດ ກຳນົດທິດຫາງສຽງສັງຄົມ, ເພື່ອກາຍເປັນຂົວຕໍ່ລະຫວ່າງພັກ ລັດ ແລະ ປະຊາຊົນ, ເປັນເວທີປາໄສ ເພື່ອໃຫ້ປະຊາຊົນເຂົ້າຮ່ວມ ປະຕິບັດບັນດາໜ້າທີ່ປະຕິວັດ, ພັດທະນາປະເທດ ຢ່າງສຳເລັດມີໄຊ*
3/9/2016 17:25' ສົ່ງ ພິມ
ທ່ານປະທານປະເທດ ເຈີ່ນດ້າຍກວາງ ມອບຊໍ່ດອກໄມ້ອວຍພອນສະມາຄົມນັກຂ່າວ ຫວຽດນາມ.

ມື້­ນີ້​ຂ້າ­ພະ­ເຈົ້າ​ດີ­ໃຈ​ທີ່​ສຸດ​ທີ່​ໄດ້​ມາ​ຮ່ວມ​ພິ­ທີ​ມອບ-ຮັບ​ລາ­ງວັນ​ສື່​ມວນ​ຊົນ​ແຫ່ງ​ຊາດ​ຄັ້ງ​ທີ X ປີ 2015 ເນື່ອງ​ໃນ​ໂອ­ກາດ​ສະ­ເຫຼີມ­ສະ­ຫຼອງ​ 91 ປີ​ແຫ່ງ​ວັນ​ສື່​ມວນ​ຊົນ​ປະ­ຕິ­ວັດ​ຫວຽດ­ນາມ. ຕາງ­ໜ້າ​ໃຫ້​ພັກ-ລັດ ຂ້າພະເຈົ້າຂໍ​ຝາກ​ຄຳ​ຢ້ຽມ­ຢາມ​ຖາມ​ຂ່າວ​ອັນ​ສະ­ໜິດ­ສະ­ໜົມ​ອົບ​ອຸ່ນ ແລະ ຄຳ​ອວຍ­ພອນ​ຊົມ­ເຊີຍ​ອັນ​ປະ­ເສີດ​ມາ​ຍັງ​ບັນ­ດາ​ສະ­ຫາຍ​ຜູ້​ແທນ, ບັນ­ດາ​ແຂກ​ທີ່​ມີ​ກຽດ, ບັນ­ດາ​ຜູ້​ທີ່​ປະ­ຕິ­ບັດ​ວຽກ​ງານ​ສື່​ມວນ​ຊົນ​ໃນ​ທົ່ວ​ປະ­ເທດ ແລະ ບັນດາ​ສະ­ຫາຍ​ໝົດ​ທຸກ​ຄົນ.

ດ້ວຍ​ມູນ­ເຊື້ອ 90 ກວ່າ​ປີ​ທີ່​ໄດ້​ຮ່ວມ​ທາງ​ກັບ​ປະ­ເທດ​ຊາດ ພາຍ​ໃຕ້​ການ​ນຳ­ພາ​ຂອງ​ພັກ, ປະ­ທານ​ໂຮ່ຈິມິນ​ຜູ້​ຍິ່ງ​ໃຫຍ່, ການ​ສະ­ໜັບ­ສະ­ໜູນ ແລະ ຊ່ວຍ­ເຫຼືອ​ຂອງ​ປະ­ຊາ­ຊົນ​ທຸກ​ຊົນ​ຊັ້ນ, ສື່​ມວນ​ຊົນ​ປະ­ຕິ­ວັດ ຫວຽດນາມ​ໄດ້​ເຕີບ​ໃຫຍ່​ເຂັ້ມ​ແຂວງ​ຢ່າງ​ບໍ່​ຢຸດ​ຢັ້ງ, ໄດ້​ປະ­ກອບ­ສ່ວນ​ເຂົ້າ​ໃນ​ພາ­ລະ­ກິດ​ຕໍ່­ສູ້​ປົດ​ປ່ອຍ­ປະ​ເທດ​ຊາດ, ກໍ່­ສ້າງ​ແລະ​ປົກ​ປັກ​ຮັກ­ສາ​ປະ­ເທດ​ຊາດ​ຢ່າງ​ສົມ​ກຽດ. ສື່​ມວນ​ຊົນ ຫວຽດ­ນາມ​ໄດ້​ມີ​ບາດ­ກ້າວ​ພັດທະນາ​ຢ່າງ​ແຂງແຮງ, ໄດ້ສະ­ແດງ​ນັບ​ມື້​ນັບດີ​ ​ບົດ­ບາດ​ເປັນ​ສຸ­ລະ­ສຽງ​ຂອງ​ພັກ ລັດ, ຂອງ​ອົງ​ການຈັດຕັ້ງ​ການ­ເມືອງ ແລະ ເປັນ​ເວ­ທີ​ປາ​ໄສ​ຂອງ​ປະ­ຊາ­ຊົນ​.

ສື່­ສານ​ມວນ​ຊົນ​ໄດ້ຕິດ​ແໜ້ນ​ກັບ​ການ​ຊີ້​ນຳນຳ­ພາຂອງ​ພັກ ແລະ ກາຍ­ເປັນ​ກຳ­ລັງ​ຕະ­ລຸມ​ບອນ​ທີ່​ໄວ້ວາງໃຈ​ໄດ້​ຂອງ​ພັກແລະລັດ​ ໃນ​ການ​ໂຄ­ສະ­ນາ​ເຜີຍ​ແຜ່, ອະທິບາຍ​ລັກ­ສະ­ນະ​​ຖືກ­ຕ້ອງ, ວິ­ທະ­ຍາ­ສາດ ແລະ ປະ­ຕິ­ວັດ ​ຂອງ​ລັດ­ທິ​ມາກ - ເລ​ນິນ, ແນວ​ຄິດ​ໂຮ່​ຈິ​ມິນ, ຕັ້ງ­ໜ້າ​ຂົນ­ຂວາຍ​ປະ­ຊາ­ຊົນປະຕິບັດ​ບັນດາ​ແຜນ​ນະ​ໂຍບາຍ ​ແນວທາງ​ຂອງ​ພັກ, ນະ­ໂຍ­ບາຍ ກົດ­ໝາຍ​ຂອງ​ລັດ; ສ່່ອງ​ແສງຢ່າງ​ມີ​ຊີວິດ​ຊີວາ​ແລະ​ທັນ​ການ​ເຖິງສະພາບ​ການພັດ­ທະ­ນາ​ເສດ­ຖະ­ກິດ, ວັດ­ທະ­ນະ­ທຳ, ສັງ­ຄົມ​, ການເພີ່ມ​ທະ­ວີ​ການ​ປ້ອງ​ກັນ​ຊາດ ປ້ອງ​ກັນ​ຄວາມ​ສະ­ຫງົບ, ການ​ພົວ­ພັນ​ຕ່າງ­ປະ­ເທດ, ປົກ​ປັກ​ຮັກ­ສາ​ເອ­ກະ­ລາດ, ອຳ­ນາດ​ອະ­ທິ­ປະ​ໄຕ, ເອ­ກະ​ພາບ ແລະ ຜຶນ​ແຜ່ນ­ດິນ​ອັນ​ຄົບ​ຖ້ວນ​ຂອງປະ­ເທດ​ຊາດ​ໄວ້​ຢ່າງ​ໝັ້ນ­ຄົງ.

ພ້ອມ​ກັບ​ການ​ໃຫ້​ຄວາມ​ສຳ­ຄັນ​​ແກ່ການ​ຄົ້ນ​ເຜີຍ, ປຸກ­ລະ­ດົມ, ຊົມ­ເຊີຍ​ບັນ­ດາ​ບຸກ­ຄົນ​ໃໝ່, ແບບ​ຢ່າງ​ທີ່ກ້າວໜ້າ, ​ແບບ­ຢ່າງວຽກ​ດີ ຄົນ​ເດັ່ນ, ສື່​ມວນ​ຊົນ​ກໍຍັງ​ເປັນ​ຊ່ອງ​ຂໍ້​ມູນ​ຂ່າວ­ສານ​ທີ່​ສ່ອງ​ແສງ​ຄວາມ​ຄິດຈິດ​ໃຈ, ຄວາມ​ມຸ່ງ​ມາດ​ປະ​ປາດ​ຖະ​ໜາ​ອັນຊອບ​ທຳ​ ຂອງ​ປະ­ຊາ­ຊົນ​ທຸກ​ຊັ້ນຄົນ; ຕັ້ງ­ໜ້າ​ເຂົ້າ​ຮ່ວມ​​ໃນ​ການ​ຕໍ່­ສູ້ປ້ອງ​ກັນ​ແລະ​ຕ້ານກົນອຸບາຍ, ການ​ເຄື່ອນ “ຫັນ­ປ່ຽນ​ໂດຍ​ສັນ­ຕິ”, ປະ­ຕິ­ເສດ​ບັນ­ດາ​ຖ້ອຍ​ທຳ­ນອງ​ເສກ​ສັນ​ປັ້ນ​ແຕ່ງ, ຜິດ​ເຂວ​ຂອງ​ບັນ­ດາ​ອິດ​ທິ​ກຳ­ລັງ​ສັດ­ຕູ ປະຕິ​ການ, ກໍຄື​ບັນ­ດາ​ການ​ກະ­ທຳ, ປະ­ກົດ​ການ​ສໍ້​ລາດ​ບັງ​ຫຼວງ, ຄວາມ​ຟຸມ​ເຟືອຍ, ​ຄວາມ​ຫຍໍ້ທໍ້, ຄວາມ​ຊຸດ­ໂຊມທາງ​ດ້ານ​ຄຸນ­ສົມ­ບັດ ແບບ​ແຜນດຳ­ລົງ​ຊີ­ວິດ, ປະ­ກອບ­ສ່ວນ​ອັນ​ສຳ­ຄັນ​ເຂົ້າ​ໃນ​ການ​ສ້າງ​ຄວາມ​​ເຫັນ​ດີ​ເຫັນ​ພ້ອມໃນ​ສັງ­ຄົມ, ປຸກ­ລະ­ດົມ​ປະ­ຊາ­ຊົນ​ທຸກ​ຊົນ​ຊັ້ນ ແລະ ລະ­ບົບ​ການ­ເມືອງ​ທັງ​ໝົດ​ ຮ່ວມ​ຈິດ​ຮ່ວມ​ໃຈກັນ​ແກ້​ໄຂ​ບັນ­ດາ​ຄວາມ​ຫຍຸ້ງ­ຍາກ ສິ່ງ​ທ້າ​ທາຍ, ຮັກ­ສາ​ສະ­ຖຽນ​ລະ​ພາບ​ຄວາມ​ສະ­ຫງົບ​ດ້ານ​ການເມືອງ - ສັງ­ຄົມ​ຢ່າງ​ໝັ້ນ­ຄົງ, ສ້າງ​ສະ­ພາບ​ແວດ​ລ້ອມ​ທີ່​ອຳນວຍ​ຄວາມ​ສະ­ດວກ​ໃຫ້​ແກ່​ການ​ກໍ່­ສ້າງ, ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ.

ດ້ວຍບັນ­ດາ​ຜົນ­ງານ​ທີ່​ບັນ­ລຸ​ໄດ້, ຖັນ​ແຖວ​ນັກ​ຂ່າວ ນັກ​ໜັງສືພິມປະ­ຕິ­ວັດຫວຽດນາມ​ ໄດ້​ກາຍ­ເປັນ​ບັນດາ​ນັກ­ຮົບ​ໃນ​ແນວ​ຮົມ​ແນວ​ຄິດ - ວັດ­ທະ­ນະ­ທຳ​ຢ່າງ​ແທ້​ຈິງ ​ຄື​ຄຳ​ສັ່ງ­ສອນ​ຂອງ​ປະ​ທານ​ໂຮ່​ຈິ​ມິນ​ທີ່​ເຄົາລົບຮັກ - ຜູ້​ທີ່​ໄດ້​ສ້າງ​ພື້ນ­ຖານ ແລະ ເປັນ​ອາ­ຈານ​ຜູ້​ຍິ່ງ​ໃຫຍ່​ຂອງ​ສື່​ມວນ​ຊົນ​ປະ­ຕິ­ວັດ ຫວຽດ­ນາມ.

ຕາງ­ໜ້າ​ໃຫ້​ພັກ-ລັດ ຂ້າ­ພະ­ເຈົ້າ​ຂໍ​ຈົດ​ຈຳ​ຢ່າງ​ຈິງ​ໃຈ, ຕີ​ລາ­ຄາ​ສູງ ແລະ ຊົມ­ເຊີຍ​ຢ່າງ​ສຸດ​ໃຈ ​ຕໍ່​ບັນ­ດາ​ຜົນ­ງານ​ທີ່​ດີ­ເດັ່ນ, ການ​ປະ­ກອບ­ສ່ວນອັນ​ໃຫຍ່​ຫຼວງ ​ຂອງ​ຖັນ​ແຖວນັກ​ຂ່າວນັກ​ໜັງສືພິມ​ທົ່ວ​ປະ­ເທດ ທີ່​ໄດ້​ປະກອບ​ເຂົ້າ​ໃນພາ­ລະ­ກິດ​ການ​ປະ­ຕິ­ວັດ​ອັນ​ນ​ສະ­ຫງ່າ​ລາ­ສີ​ຂອງ​ພັກ ແລະ ປະ­ເທດ​ຊາດ; ຂໍ​ອວຍ­ພອນ​ຊົມ​ເຊີຍ​ບັນດານັກ​ຂ່າວ​ຜູ້​ທີ່​ມີ​ກຽດ​ໄດ້​ຮັບ​ລາ­ງວັນ​ສື່​ມວນ​ຊົນ​ແຫ່ງ​ຊາດ​ໃນ​ມື້­ນີ້.

ໃນ​ຊຸມ​ປີ​ຕໍ່​ໜ້າ, ຢູ່​ໃນ​ໂລກ, ​ສັນ­ຕິ­ພາບ ຄວາມຮ່ວມ​ມື ​ແລະ​ການພັດ­ທະ­ນາ ​ຍັງ​ເປັນ​ທ່າ​ອຽງ​ໃຫຍ່, ແຕ່​ສົງ­ຄາມ, ການ​ປະ​ທະ​ກັນ​ທາງ​ດ້ານ​ຊົນ­ເຜົ່າ ສາ­ສະ­ໜາ, ການ​ພິດ​ພາດ​ຊ່ວງ​ຊິງ​ກັນ​ດ້ານ​ອະ­ທິ­ປະ​ໄຕ​ຊາຍ​ແດນ ເຂດ​ແດນ, ​ການ​ກໍ່​ການ​ຮ້າຍ... ກໍສືບ​ຕໍ່​​ເກີດ​ຂຶ້ນ​ຢູ່​ຫຼາຍ​​ແຫ່ງ ​ດ້ວຍ​ລັກ­ສະ­ນະ ລະ­ດັບ​ທີ່​ນັບ​ມື້​ນັບ​ມີ​ຄວາມ​ອັນຕະລາຍ, ສັບ­ສົນ​. ຢູ່​ພາຍ​ໃນ​ປະ­ເທດ, ພາຍ­ຫຼັງ 30 ປີ​ແຫ່ງ​ການ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່​ໂດຍ​ພັກ​ເປັນ​ຜູ້​ລິ​ເລີ່​ມແລະນຳ­ພາ, ປະ­ເທດຫວຽດນາມ​ໄດ້​ບັນ­ລຸ​ຜົນ­ງານ​ອັນ​ໃຫຍ່​ຫຼວງ­ຫຼາຍ​ຢ່າງ, ມີ​ຄວາມ​ໝາຍ​ປະຫວັດສາດ, ແຕ່​ກໍ່​ຕ້ອງ​ປະ​ເຊີນ​ໜ້າ​ກັບ​ຄວາມ​ຫຍຸ້ງ­ຍາກ, ສິ່ງ​ທ້າ​ທາຍ​ຫຼາຍ​ຢ່າງ. ໃນ​ສະ­ພາບ​ການ​ດັ່ງ­ກ່າວ​ນັ້ນ, ໜ້າ­ທີ່​ທີ່​ວາງ​ອອກ​ໃຫ້​ແກ່​ສື່​ມວນ​ຊົນ​ປະ­ຕິ­ວັດຫວຽດ­ນາມ ຈະ​ມີ​ຄວາມ​ໜັກ­ໜ່ວງ​ຫຼາຍ​ທີ່​ສຸດ, ແຕ່​ກໍ່​ເປັນກຽດ​ອັນ​ສະຫງ່າ, ມັນຮຽກ­ຮ້ອງ​ໃຫ້​ສືບ​ຕໍ່​ປ່ຽນ­ແປງ​ໃໝ່​ຢ່າງ​ແຂງ­ແຮງ​ກ່ຽວ​ກັບ​ເນື້ອ​ໃນ, ບືນ​ຕົວ​ຂຶ້ນ​ທັນ​ສະ­ໄໝ​ທາງ​ດ້ານ​ຕົວ​ແບບ​ການ​ຈັັດ​ຕັ້ງ​ປະ­ຕິ­ບັດ, ກ່ຽວ​ກັບ​ພື້ນ­ຖານ​ວັດ­ຖຸ ເຕັກ­ນິກ ເຕັກ​ໂນ​ໂລ​ຊີ, ຮັບ­ປະ­ກັນ​ຄວາມ​ປອດ​ໄພ​ຂອງ​ລະ­ບົບ ແລະ ຄວາມ​ສະ­ຫງົບ​ດ້ານ​ຂໍ້​ມູນ​ຂ່າວ­ສານ; ຍົກ​ສູງ​ຄຸນ​ນະ​ພາບ ປະ​ສິດ­ທິ​ຜົນ​ການ­ເຄື່ອນ­ໄຫວ ຄວາມ​ດຶງ​ດູດ​ປະຊາ­ຊົນ​ຢ່າງ​ບໍ່​ຢຸດ​ຢັ້ງ, ເພື່ອ​ຕອບ​ສະ­ໜອງ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ພາ­ລະ­ກິດ​ປະ­ຕິ­ວັດ ແລະ ທ່າ​ອຽງ​ເຊື່ອມ​ໂຍງ​ສາ­ກົນ.

ສືບ​ຕໍ່​ເຊື່ອມ​ຊືມ​ມະ­ຕິ​ກອງ​ປະ­ຊຸມ​ໃຫຍ່​ຄັ້ງ​ທີ XII ບັນ­ດາ​ແຜນ​ນະ­ໂຍ­ບາຍ ນະ­ໂຍ­ບາຍ​ຂອງ​ພັກ, ກົດໝາຍ​ຂອງ​ລັດ ຢ່າງ​ເລິກ­ເຊິ່ງ ​ແລະໂຄ­ສະ­ນາ​ເຜີຍ​ແຜ່​ເນື້ອ​ໃນ​ເຫຼົ່າ​ນັ້ນ​ຢ່າງ​ແຂງ­ແຮງ ​ກວ້າງ­ຂວາງເລິກ­ເຊິ່ງ; ຕິດ​ແທດ​ກັບ​ໜ້າ­ທີ່​ວຽກ​ງານ​ແນວ​ຄິດ, ຕັ້ງ­ໜ້າ​ປະ­ກອບ­ສ່ວນ​ເຂົ້າ​ໃນ​ການ​ປັບ­ປຸງ, ເພີ່ມ​ທະ­ວີ​ຄວາມ​ເປັນ​ເອ­ກະ​ພາບ​ທາງ​ດ້ານ​ແນວ​ຄິດ ການ­ເມືອງ​ພາຍ​ໃນ​ພັກ, ຄວາມ​ເຫັນ​ດີ​ເຫັນ​ພ້ອມໃນ​ປະ­ຊາ­ຊົນ, ປົກ​ປັກ​ຮັກ­ສາ ແລະ ພັດ­ທະ­ນາ​ລັດທິມາກ-ເລ​ນິນ, ແນວ​ຄິດໂຮ່​ຈີ​ມິນ; ເສີມ​ຂະ­ຫຍາຍ​ປະ­ຊາ­ທິ­ປະ­ໄຕ​ສັງ­ຄົມ​ນິ­ຍົມ, ກຳ­ລັງ​ແຮງ​ມະ­ຫາ​ສາ­ມັກ­ຄີ​ປວງ​ຊົນ​ທັງ​ຊາດ, ຍົກ​ສູງ​​ເຈດ​ຈຳນົງ​ຕັດ­ສິນ​ໃຈ​ປະ­ຕິ­ບັດ ​ພາ­ລະ­ກິດ​ປ່ຽນ­ແປງ​ໃໝ່, ຫັນເປັນອຸດສາຫະກຳທັນສະໄໝແລະເຊື່ອມໂຍງ​ສາກົນ ຢ່າງ​ສຳ­ເລັດ​ຜົນ​ມີ​ໄຊ, ກໍ່­ສ້າງ ແລະ ປົກ​ປັກ​ຮັກ­ສາ​ເອກະ­ລາດ, ອຳ­ນາດ​ອະ­ທິ­ປະ​ໄຕ, ສັນຕິພາບ ແລະ ຜືນ​ແຜ່ນ­ດິນ​ອັນ​ຄົບ​ຖ້ວນ​ຂອງ​ປະ­ເທດ​ຊາດ.

ເພີ່ມ​ທະ­ວີ​ການ​ໂຄ­ສະ­ນາ, ປຸກລະດົມ​ສົ່ງ​ເສີມ, ຊົມ­ເຊີຍ​ບັນ­ດາ​ບຸກ­ຄົນ​ໃໝ່, ແບບຢ່າງ​ທີ່​ກ້າວ­ໜ້າ, ​ແບບຢ່າງ​ວຽກ​ດີ ຄົນ​ເດັ່ນ ໃນ​ທຸກ​ຂົງ­ເຂດ, ເສີມ​ຂະ­ຫຍາຍ​ລັດ­ທິ​ຮັກ​ຊາດ, ນ້ຳ­ໃຈ​ປະ­ດິດ​ສ້າງ, ເຈດ​ຈຳ­ນົງບຸກບືນ​ກ້າວ​ຂຶ້ນ, ເພິ່ງ​ຕົນ​ເອງ, ກຸ້ມ​ຕົນ​ເອງ, ປະ­ກອບ­ສ່ວນ​ເຂົ້າ​ໃນ​ການ​ຍູ້​ແຮງ​ບັນ­ດາ​ຂະ​ບວນ​ການ​ແຂ່ງ­ຂັນ​ຮັກ​ຊາດ​ອັນ​ຟົດ­ຟື້ນ​ທົ່ວ​ເຖິງ. ຕັ້ງ­ໜ້າ​ຄົ້ນ​ເຜີຍ, ປະ­ກອບ­ສ່ວນ​ຕໍ່­ສູ້ ສະ­ກັດ​ກັ້ນ ແລະ ຍູ້​ຖອຍ​ການ​ສໍ້​ລາດ​ບັງ​ຫຼວງ, ການ​ຟຸມ​ເຟືອຍ, ພະຍາດອາດ­ຍາ​ສິດ, ບັນ­ດາ​ປະ­ກົດ​ການ​ຫຍໍ້­ທໍ້ໃນ​ສັງ­ຄົມ​ເປັນ​ເທື່ອ​ລະ​ກ້າວ; ເປັນ​ເຈົ້າ​ການ​ເຂົ້າ​ຮ່ວມ​ການ​ຕໍ່­ສູ້​ໃນ​ແນວ​ຮົມ​ແນວ​ຄິດ, ປະ­ຕິ­ເສດບັນ­ດາ​ຖ້ອຍ​ທຳ​ນອງ​ໂຄ­ສະ­ນາ​ເສກ​ສັນ​ປັ້ນ​ແຕ່ງ, ໃສ່​ຮ້າຍ​ປ້າຍ​ສີ​ຂອງບັນດາ​ອິດ​ທິກຳລັງ​ສັດຕູຢ່າງ​ທັນ​ການ​.

ພ້ອມ​ກັບ​ການ​ເຂົ້າ​ຮ່ວມ​ປະ­ກອບ​ຄວາມ​ຄິດຄວາມ​ເຫັນກ່ຽວ​ກັບ​ບັນ­ດາ​ແຜນ​ນະ­ໂຍ­ບາຍ, ນະ­ໂຍ­ບາຍ​ຂອງ​ພັກ-ລັດ, ສື່​ມວນ​ຊົນ​ຕ້ອງ​ເສີມຂະຫຍາຍ​ບົດ­ບາດ​ກຳ­ນົດ​ທິດ​ຫາງ​ສຽງ​ສັງ­ຄົມ, ເພື່ອ​ກາຍ­ເປັນ​ຂົວ​ຕໍ່​ລະຫວ່າງ​ພັກ ລັດ ແລະ ປະ­ຊາ­ຊົນ​ຢ່າງ​ແທ້​ຈິງ; ພ້ອມ​ກັນ​ນັ້ນ​ກໍເປັນ​ເວ­ທີ​ປາ​ໄສ​ອັນ​ກວ້າງ­ຂວາງ ​ເພື່ອ​​ໃຫ້ປະ­ຊາ­ຊົນ​ເຂົ້າ​ຮ່ວມ​ໃນ​ວຽກ​ງານຕ່າງໆ​ຂອງ​ປະ­ເທດ, ​ເຂົ້າຮ່ວມ​ການກວດ­ກາ​ຕິດ­ຕາມ ວິ­ຈານ​ສັງ­ຄົມ, ຍົກ​ສູງ​ລະ­ດັບ​ຄວາມ​ຮູ້​ຂອງ​ປະຊາຊົນ; ປຸກ­ລະ­ດົມສົ່ງ​ເສີມ ຂົນຂວາຍປະ­ຊາ­ຊົນ​ເຂົ້າ​ຮ່ວມ​ການ​ປະ­ຕິ­ບັດ​ບັນ​ດາ​ໜ້້າ​ທີ່​ປະຕິວັດ​ໃຫ້​ສຳ​ເລັດ​ໃຊ.

ຍົກ​ສູງ​ຄຸມ​ນະ​ພາບ​ການ­ເຄື່ອນ­ໄຫວສື່​ຂ່າວການ​ຕ່າງ­ປະ­ເທດ, ​ໃຫ້​ຄວາມສຳ­ຄັນ​​ແກ່ການ​ໂຄ­ສະ­ນາ​ພົວ­ພັນ​ຕ່າງ­ປະ­ເທດ​ກ່ຽວ​ກັບ​ນະ­ໂຍ­ບາຍ​ມະ­ຫາ​ສາ­ມັກ­ຄີ​ທົ່ວ​ປວງ​ຊົນ, ນະ­ໂຍ­ບາຍ​ຊົນ­ເຜົ່າ, ນະ­ໂຍ­ບາຍ​ສາດສະໜາ, ນະໂຍ­ບາຍ​ສຳ­ລັບ​ຊາວ​ຫວຽດ­ນາມ​ຢູ່​ຕ່າງ­ປະ­ເທດ. ເພີ່ມ​ເຕີ່ມ​ເວ­ລາ​ກະ​ຈາຍ​ສຽງ, ໂທລະ­ພາບ, ໜັງສື​ພີມ​ອອນ​ໄລ​ອອກ​ສູ່​ບັນ­ດາ​ປະ­ເທດ, ພາ​ພ​ພື້ນ, ນຳ​ເອົາ​ຂໍ້​ມູນ​ຂ່າວ­ສານ ແລະ ຜະ­ລິດ​ຕະ​ພັນ​ວັດທະນະທຳ​ທີ່​ມີ​ເນື້ອ​ໃນ​​ດີ​ມາ​ໃຫ້ຊາວ​ຫວຽດ­ນາມຢູ່​ຕ່າງ­ປະ­ເທດ ແລະ ເພື່ອນ​ມິດ­ສາ​ກົນ ​ໃຫ້​ຫຼາຍ​ກວ່າ​ອີກ; ເພີ່ມ​ທະ­ວີ​ການ​ສະ­ເໜີ, ໂຄ­ສະ­ນາ​ເຜີຍ​ແຜ່​ຮູບ​ພາບ​ຂອງ​ປະ­ເທດ, ວັດ­ທະ­ນະ­ທຳ ແລະ ຄົນ​ຫວຽດ­ນາມ​​ໄປ​ຍັງ​ບັນ­ດາ​ປະເທດ​ໃນ​ໂລກ, ປະກອບສ່ວນ​ຍົກ​ສູງ​ຖາ­ນະ​ບົດ­ບາດ​ຂອງຫວຽດ­ນາມ​ໃນ​ເວ­ທີ​ສາ­ກົນ.

ສືບ​ຕໍ່​ປ່ຽນ­ແປງ​ໃໝ່​ການ​ຊີ້​ນຳ ນຳ­ພາ ແລະ ຄຸ້ມ​ຄອງ​​ສື່​ມວນ​ຊົນ, ເພີ່ມ​ທະ­ວີ​ຄວາມ​ຮັບຜິດ­ຊອບ​ຂອງ​ອົງການ​​ເຈົ້າ​ຄຸ້ມ​ຄອງ​ສື່​ມວນ​ຊົນ; ຍົກ​ສູງ​ຄຸນ​ນະ​ພາບ, ປະ​ສິດ­ທິ​ຜົນ​ຂອງ​ວຽກ​ງານ​ບຳ​ລຸງ​ກໍ່­ສ້າງ​ຄຸນ­ສົມ­ບັດ​ດ້ານ​ການ­ເມືອງ, ລະ­ດັບ​ວິ­ຊາ​ການ, ຄວາມ​ສາ­ມາດ​ວິ­ຊາ​ສະ­ເພາະ, ຄວາມ​ຮັບ­ຜິດ­ຊອບ​ດ້ານ​ສັງ­ຄົມ ແລະ ຄຸນ­ສົມ­ບັດ​ດ້ານ​ອາ­ຊີບ​ຂອງ​ຖັນ​ແຖວ​ນັກ​ຂ່າວ. ສະມາ​ຄົມ​ນັກ​ຂ່າວ​​ທຸກ​ຂັ້ນ​ຕ້ອງ​ເຮັດ​ໜ້າ­ທີ່​ສາ­ມັກ­ຄີ, ເຕົ້າ­ໂຮມ​ສະ­ມາ­ຊິກ, ຍູ້​ແຮງ​ການ​ຮ່ຳ­ຮຽນ ແລະ ປະ­ຕິ­ບັດ​ຕາມ​ແນວ​ຄິດ ແລະ ຄຸນ­ສົມ­ບັດ, ແບບ­ແຜນ ໂຮ່​ຈິ​ມິນ ຕາມ​ຄຳ​ສັ່ງສະ­ບັບ​ເລກ​ທີ 05-CT/TW ຂອງ​ກົມ​ການ­ເມືອງສູນ​ກາງ​ພັກ ສະ­ໄໝທີ XII ໃຫ້​ໄດ້​ຮັບ​ຜົນດີ​ກວ່າ​ອີກ; ຈັດ​ຕັ້ງ​ປະຕິ­ບັດ​ຢ່າງ​ເຂັ້ມ​ງວດ​ຄຳ​ສັ່ງ­ສອນ​ຂອງລຸງ​ໂຮ່: “ພະ­ນັກ­ງານສື່​ມວນ​ຊົນ​ກໍ່​ເປັນ​ນັກ­ຮົບ​ປະ­ຕິ­ວັດ. ຄັນ​ປາກກາ, ໜ້າ​ເຈັ້ຍ​ກໍ່​ເປັນ​ອາ­ວຸດ​ທີ່​ແຫຼມ​ຄົມ​ຂອງ​ພວກ​ເຂົາ”. ເພື່ອ​ເຮັດ​ຫຼ້ອນ​ໜ້າ­ທີ່​ອັນ​ສະ­ຫງ່າງາມ​ຂອງ​ຕົນ​ແອງ, ພະ­ນັກ­ງານ​ສື່​ມວນ​ຊົນ​ຕ້ອງ​ເຝິກ­ຝົນ​ຫຼໍ່​ຫຼອມ​ຄຸນ­ສົມ­ບັດ​ປະ­ຕິ­ວັດ, ພະ­ຍາ­ຍາມ​ຮ່ຳ­ຮຽນ​ບຳລຸງແນວ​ຄິດ, ວິ­ຊາ​ການ ແລະ ວັດທະນະທຳ; ເອົາໃຈ­ໃສ່​ຮ່ຳ­ຮຽນ​ດ້ານ​ການ­ເມືອງ ​ເພື່ອ​ກຳ​ແໜ້ນ​ແຜນນະ​ໂຍ​ບາຍ, ນະ­ໂຍ­ບາຍ​ຂອງ​ພັກ ແລະ ລັດ­ຖະ­ບານ; ລົງ​ເລິກເຂົ້າ​ສູ່​ພຶດ­ຕິ​ກຳ, ຕິດ​ແໜ້ນ​ກັບມະ­ຫາ­ຊົນ​ຜູ້​ອອກ­ແຮງ​ງານ​”(1). ນັກ​ຂ່າວ​ແຕ່­ລະ­ຄົນ​ຕ້ອງ​ຮ່ຳຮຽນ, ເຝິກ­ຝົນ​ຫຼໍ່​ຫຼອມ​ຫຼັກ​ໝັ້ນ​ການ­ເມືອງ​ໃຫ້​ໝັ້ນ­ຄົງ, ມີ​ລະ­ດັບ​ວິ­ຊາ​ການ​ ວິ­ຊາ​ສະ­ເພາະ​ລະ­ດັບ​ສູງ, ມີຄຸນສົມບັດ​ດ້ານ​ອາ­ຊີບ​ທີ່​ໃສ​ສະ­ອາດ ​ຢ່າງ​ເປັນປະຈຳ, ບໍ່​ໄດ້ “​ເຮັດ​ໃຫ້​ປາກ­ກາຄົດ​ໂກ່ງ” ​ໄປ​ຕາມ​ສິ່ງ​ຈອບ​ອອຍ ຄວາມ​ຫຍໍ້­ທໍ້​ ຂອງ​ໜ້າ​ປີ້ນ​​ແຫ່ງ​ເສດ­ຖະ­ກິດ​ຕະ­ຫຼາດ, ພະ­ຍາ­ຍາມ​ສູ້​ຊົນ​ເພື່ອ​ກາຍ­ເປັນ​ນັກ­ຮົບ​ຕະ­ລຸມ​ບອນ​ຄົນ​ໜຶ່ງ ທີ່​ອົງ­ອາດ​ກ້າ​ຫານ​ໃນ​ແນວ​ຮົມ​ແນວ​ຄິດ ວັດ­ທະ­ນະ­ທຳ, ສົມ​ກັບ​ຄວາມ​ໄວ້​ເນື້ອ​ເຊື່ອ​ໃຈ​ຂອງ​ພັກ ລັດ ແລະ ປະຊາ­ຊົນ.

ເນື່ອງ​ໃນ​ໂອ­ກາດ​ນີ້, ຂ້າ­ພະ­ເຈົ້າ​ສະ­ເໜີ​ໃຫ້​ຄະ­ນະ​ພັກ ແລະ ອຳ­ນາດ​ການ​ປົກ­ຄອງ​ຂັ້ນ​ຕ່າງໆ ​ເອົາໃຈໃສ່​ ອຳ­ນວຍ​ຄວາມ​ສະ­ດວກ​ທາງ​ດ້ານ​ວັດ­ຖຸ ເຕັກ­ນິກ​ໃຫ້​ແກ່​ສະມາ​ຄົມ​ຂັ້ນຕ່າງໆ, ເພື່ອ​ໃຫ້​ສະ­​ມາ​ຄົມ​ນັກ​ຂ່າວຫວຽດນາມ​ເສີມ​ຂະ­ຫຍາຍ​ພາ­ລະ​ບົດ­ບາດ​ອົງ​ການ­ຈັດ­ຕັ້ງ​ການ­ເມືອງ - ສັງ­ຄົມ - ອາ­ຊີບ, ສາ­ມັກ­ຄີ, ເຕົ້າໂຮມ ແລະ ບຳ​ລຸງ​ສ້າງ​ດ້ານ​ການ­ເມືອງ ວັດ­ທະ­ນະ­ທຳ ວິ­ຊາ​ສະ­ເພາະ ຄຸນ­ສົມ­ບັດ​ດ້ານ​ອາ­ຊີບ​ ໃຫ້​ແກ່​ສະມາ­ຊິກ - ນັກ​ຂ່າວ​ໃນ​ທົ່ວ​ປະ­ເທດ. ສະມາ​ຄົມ​ນັກ​ຂ່າວຫວຽດ­ນາມ ຕ້ອງ​ຈັດ​ຕັ້ງ​ໃຫ້​ດີ​ກ່ວ​າ​​ອີກ ​ການ​ມອບ​ລາງວັນ​ສື່​ມວນ​ຊົນ​ແຫ່ງ​ຊາດ ເພື່ອ​ດຶງ​ດູດ​ບັນ­ດາ​ຜົນ​ການ​ປະ­ດິດ​ແຕ່ງ​ທີ່​ດີ​ເດັ່ນ​ໃຫ້​ໄດ້​ນັບ​ມື້​ນັບ​ຫຼາຍ​ກ່ວ​າ​ອີກ; ມີ​ຮູບ​ການ​ຍ້ອງ­ຍໍຊົມ​ເຊີຍ ແລະ ປຸກ­ລະ­ດົມກຳລັງ​ໃຈ​ຢ່າງ​ທັນ​ເວ­ລາ ຕໍ່​ບັນ­ດາ​ຜົນ​ການ​ປະ­ດິດ​ແຕ່ງ​ທີ່​ມີ​ຄຸນ­ຄ່າ​ສູງ​ທັງ​ເນື້ອ​ໃນ​ແນວ​ຄິດ ແລະ ຮູບ​ການ­ສະ­ແດງ, ປະ­ກອບ­ສ່ວນ​ເຂົ້າ​ໃນ​ການ​ກໍ່­ສ້າງ​ພື້ນ­ຖານ​ສື່​ມວນ​ຊົນ​ປະ­ຕິ­ວັດ ຫວຽດ­ນາມ ນັບ​ມື້​ນັບ​ໄດ້​ຮັບ​ການ​ພັດ­ທະ­ນາ.

ຂໍ​ອວຍ­ພອນ​ບັນ­ດາ​ສະ­ຫາຍ​ການ​ນຳ, ບັນ­ດາ​ສະ­ຫາຍ​ຜູ້​ແທນ, ບັນ­ດາ​ແຂກ​ທີ່​ມີ​ກຽດ, ນັກ​ຂ່າວ​ໃນ​ທົ່ວ​ປະເທດ ແລະ ບັນ­ດາ​ສະ​ຫາຍ​ທຸກ​ຄົນ​ຈົ່ງ​ມີ​ສຸ­ຂະ­ພາບ​ເຂັ້ມ­ແຂງ, ມີ​ຄວາມ​ຜາ​ສຸກ ແລະ ປະສົບ​ຜົນ­ສຳ­ເລັດ​ໃນ​ໜ້າ­ທີ່​ການ​ງານ./.

​ໂດຍ ​ເຈິ່ນດ້າຍ​ກວາງ

ກຳມະການ​ກົມ​ການ​ເມືອງສູນ​ກາງ​ພັກ,

ປະທານ​ປະ​ເທດ​ແຫ່ງ ສສ ຫວຽດນາມ

--------------------------------

* ຫົວ­ຂໍ້​ໂດຍ​ວາ­ລະ­ສານ​ກອມ​ມູ​ນິດ​ເປັນ​ຜູ້​ແຕ່ງ

(1) ໂຮ່​ຈີ​ມິນ: ນິ­ພົນ​ຄົບ​ຊຸດ, ສຳ­ນັກ​ພິມ​ຈຳ­ໜ່າຍການ­ເມືອງ​ແຫ່ງ​ຊາດ - ຊື້​ເທິດ, ຮ່າ​ໂນ້ຍ, 2011, ເຫຼັ້ມ​ 13, ໜ້າ 466.

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ