ວັນພະຫັດ, 20/6/2019
  • ນາຍົກລັດຖະມົນຕີຫວຽດນາມ ຫງວຽນຊວັນຝຸກ ດຳເນີນການຢ້ຽມຢາມຢ່າງເປັນທາງການທີ່ ສະຫະພັນລັດເຊຍ, ລາຊະອານາຈັກນອກແວ ແລະ ລາຊະອານາຈັກຊູແອດ

    ວກ.ອອນ​ໄລ - ​ໃນ​ການ​ຢ້ຽມຢາມ​ສາມ​ປະ​ເທດ​ຢ່າງ​ເປັນ​ທາງ​ການ ​ແຕ່​ວັນ​ທີ 20 ຫາ​ວັນ​ທີ 28 ພຶດສະພາ 2019, ນາ​ຍົກລັດຖະມົນຕີ​ຫວຽດນາມ ຫງວຽນ​ຊວັນ​ຝຸກ ​ໄດ້​ປະຕິບັດ​ໂຄງການ​ເຮັດ​ວຽກ​ທີ່​ປະກອບ​ດ້ວຍ​ການ​ເຄື່ອນ​ໄຫວ​ຫຼາຍ​ກວ່າ 50 ກິດຈະການ​ເຊັ່ນ: ບັນດາ​ການ​ເຈລະຈາ, ການ​ພົບ​ປະ​ຫາລື​ກັບ​ຜູ້ນຳ​ລະດັບ​ສູງ​ຂອງ​ສາມ​ປະ​ເທດ; ​ເຂົ້າຮ່ວມບັນດາ​ເວທີ​ປາ​ໄສ​ການ​ທຸລະ​ກິດ, ພົບ​ປະ​ກັບ​ນັກ​ລົງທຶນ, ພົບ​ປະ​ໂອ້​ລົມ​ກັບ​ຊາວ​ຫວຽດນາມ​ຢູ່​ສາມປະ​ເທດ​ດັ່ງກ່າວ, ຢ້ຽມຢາມ​ແລະ​ເຮັດ​ວຽກ​ຢູ່​ທ້ອງ​ຖິ່ນ​ຕ່າງໆ; ຢ້ຽມຢາມ​ບາງ​ພື້ນ​ຖານ​ການ​ຜະລິດ, ສູນ​ເຕັກ​ໂນ​ໂລ​ຊີ​ສູງຂອງ​ວິ​ສາ​ຫະກິດ, ກຸ່ມ​ບໍລິສັດ​ຂະໜາດ​ໃຫຍ່; ພົບ​ປະ​​ສະ​ແດງ​ຄວາມ​ຂອບ​ໃຈ​ຕໍ່​ເພື່ອນ​ຊາວ​ລັດ​ເຊຍ​ແລະ​ຊາວຊູ​ແອດທີ່​ມີ​ການ​ປະກອບສ່ວນ​ຫຼາຍ​ຢ່າງ​ໃນ​ພາລະກິດ​ການ​ຕໍ່ສູ້​ປົກ​ປັກ​ຮັກສາ​ປະ​ເທດ​ຫວຽດນາມ.

  • ນາຍົກລັດຖະມົນຕີເນປານ ຄປ. ຊາມາ ໂອລີ ຢ້ຽມຢາມປະເທດຫວຽດນາມຢ່າງເປັນທາງການ

        ວກ.ອອນ​ໄລ - ​ໂດຍ​ຕອບ​ສະໜອງ​ຕາ​ມຄຳ​ເຊີນ​ຂອງນາຍົກລັດຖະມົນຕີຫວຽດນາມ ຫງວຽນ​ຊວັນ​ຝຸກ, ນາຍົກລັດຖະມົນ​ຕີ​​ແຫ່ງ​ສະຫະພັນ​ສາທາລະນະ​ລັດ​ປະຊາທິປະ​ໄຕເນ​ປານ ຄປ. ຊາ​ມາ ​ໂອລີ ​ແລະ​ພັນ​ລະ​ຍາ ​ໄດ້​ດຳ​ເນີນ​ການ​ຢ້ຽມຢາມ​ຫວຽດນາມ​ຢ່າງ​ເປັນ​ທາງ​ການ ​ໃນ​ລະຫວ່າງ​ວັນ​ທີ 9-13 ພຶດສະພາ 2019. ວັນ​ທີ 11 ພຶດສະພາ 2019, ທີ່​ນະຄອນຫຼວງ​ຮ່າ​ໂນ້ຍ, ນາຍົກລັດຖະມົນຕີຫວຽດນາມ ຫງວຽນ​ຊວັນ​ຝຸກ ​ໄດ້​ເປັນ​ເຈົ້າພາບ​ຈັດ​ພິທີ​ຕ້ອນຮັບ​ນາຍົກລັດຖະມົນຕີ​ເນ​ປາຍ ຄປ. ຊາ​ມາ ​ໂອ​ລີ ຢ່າງສົມ​ກຽດ​ເປັນ​ທາງ​ການ, ຕໍ່​ຈາກ​ນັ້ນ, ນາຍົກລັດຖະມົນຕີທັງສອງ​ໄດ້​ປຶກສາ​ຫາລື​ກັນ.

  • ທ່ານນາຍົກລັດຖະມົນຕີຫວຽດນາມ ຫງວຽນຊວັນຝຸກ ເຂົ້າຮ່ວມເວທີປາໄສຂັ້ນສູງ ການຮ່ວມມືສາກົນ "ແລວທາງແລະເສັ້ນທາງ"

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ທ່ານ​ເລຂາທິການ​ໃຫຍ່, ປະທານ​ປະ​ເທດຈີນ ສີ ຈິ້ນ​ຜິ​ງ, ​ໃນ​ລະຫວ່າງ​ວັນ​ທີ 25 - 27 ​ເມສາ 2019, ທ່ານ​ນາຍົກລັດຖະມົນຕີຫວຽດນາມ ຫງວຽນ​ຊວັນ​ຝຸກ ​ແລະ ຄະນະ​ຜູ້​ແທນ​ລັດຖະບານ​ຫວຽດນາມ ​ໄດ້​ເຂົ້າ​ຮ່ວມ​ເວທີ​ປາ​ໄສ​ຂັ້ນ​ສູງການ​ຮ່ວມ​ມື​ສາກົນ "​ແລວ​ທາງ​ແລະ​ເສັ້ນທາງ" ຄັ້ງ​ທີ​ສອງ.

  • ທ່ານນາຍົກລັດຖະມົນຕີຫວຽດນາມ ຫງວຽນຊວັນຝຸກ ໄປຢ້ຽມຢາມປະເທດຣູມານີ ແລະ ປະເທດສາທາລະນະລັດເຊັກ ຢ່າງເປັນທາງການ

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ ​ຂອງ​ນາຍົກລັດຖະມົນຕີຣູມານີ ​ວີ​ໂອຣິກາ ​ແດນ​ຊີ​ລາ ​ແລະ​ ຂອງ​ນາຍົກລັດຖະມົນຕີສາທາລະນະ​ລັດ​ເຊັກ ອານ​​ໄດຣ ບາ​ບິດ, ນາຍົກລັດຖະມົນຕີ​ ຫງວຽນ​ຊວັນ​ຝຸກ ​ແລະ​ຄະນະ​ຜູ້​ແທນ​ຂັ້ນ​ສູງ​ຂອງ​ລັດຖະບານ​ຫວຽດນາມ ​ໄດ້​ດຳ​ເນີນ​ການ​ຢ້ຽມຢາມ​ປະ​ເທດຣູມາ​ນີ ​ແລະ ປະ​ເທດ​ສາທາລະນະ​ລັດ​ເຊັກ ຢ່າງ​ເປັນ​ທາງ​ການ ​ໃນ​ລະຫວ່າງ​ວັນ​ທີ 14 - 17 ​ເມສາ 2019.

  • ຍົກລະດັບການຮ່ວມມືລະຫວ່າງຫວຽດນາມແລະໂຮນລັງ ຂຶ້ນເປັນຄູ່ຮ່ວມມືຮອບດ້ານ

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ ນາຍົກລັດຖະມົນຕີ​ແຫ່ງ ສສ. ຫວຽດນາມ ຫງວຽນຊວັນ​ຝຸກ, ນະ​ຍົກ​ລັດຖະມົນຕີ​​ແຫ່ງ​ລາຊະ​ອານາຈັກໂຮ​ນລັງ ມາກ ຣຸດ​ແຕ ​ໄດ້​ມາ​ຢ້ຽມຢາມ​ປະ​ເທດ​ຫວຽດນາມ​ຢ່າງ​ເປັນ​ທາງ​ການ ​ໃນ​ວັນ​ທີ 9-4-2019. ມາ​ພ້ອມ​ກັບ​ນາຍົກລັດຖະມົນຕີ​ໂຮ​ນລັງມີ​ ລັດຖະມົນຕີ​ກະຊວງ​ໂຄງ​ສ້າ​ນພື້ນຖານ​ແລະການ​ຄຸ້ມ​ຄອງ​ນ້ຳ ວານ ນີ​ແວນ​ຮູ​ເຊ​ນ, ຮອງ​ລັດຖະມົນຕີ​ກະຊວງ​ກະສິກຳ - ທຳ​ມະ​ຊາດ​ແລະຄຸນ​ນະພາ​ບອາຫານ ມາ​ໂ​ຈ​ແລງ ​ໂຊ​ເນມາ ​ແລະ​ທ່ານ ຮານ ​ເດິ ໂບ​ເວີ ປະທານ​ສະຫະພັນ​ວົງ​ການ​ນາຍ​ຈ້າງ​ໂຮ​ນລັງ. ພິ​ເສດ, ​ເຂົ້າ​ຮ່ວມ​ຄະນະ​ຍັງ​ມີ​ປະມານ 70 ນັກທຸລະກິດ​ໃນ​ຫຼາຍຂົງ​ເຂດ​ທີ່​ສຳຄັນ​ຂອງ​ໂຮ​ນລັງ.

  • ຜົນສຳເລັດບາງຢ່າງຈາກການຢ້ຽມຢາມ ຂອງປະທານສະພາແຫ່ງຊາດຫວຽດນາມ ເພື່ອພັດທະນາການພົວພັນມິດຕະພາບ ການຮ່ວມມືລະຫວ່າງ ສະພາແຫ່ງຊາດຫວຽດນາມແລະລັດຖະສະພາຂອງປະເທດຕ່າງໆໃນໂລກ

        ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ປະທານ​ສະພາ​ຕ່ຳ​ມາຣົກ ຮາ​ບິ​ບ ​ແອນ ມານ​ກີ, ປະທານ​ສະພາ​ຕ່ຳ​ຝຣັ່ງ ຣີຊາດ ​ເຟີ​ແຣນ, ປະທານ​ລັດຖະສະພາ​ເອີຣົບ (EP) ອານ​ໂຕ​ນີ​ໂອ ຕາ​ຈາ​ນີ, ປະທານ​ສະຫະພາບ​ລັດຖະສະພາ​ໂລກ (IPU - ອາຍ​ປູ) ​ກາບຣຽນລາ ກູ​ວາດ ບາຣອນ ​ແລະ ປະທານ​ລັດຖະສະພາກາຕາ ອາມາດ ບິນ ອັບດຸນ​ລາ ອານ ມາ​ມຸດ, ປະທານ​ສະພາແຫ່ງ​ຊາດ​ ຫວຽນ​ທິກິມ​ເງິນ ​ໄດ້​ນຳໜ້າ​ຄະນະຜູ້​ແທນ​ຂັ້ນ​ສູງ​ສະພາ​ແຫ່ງ​ຊາດ​ຫວຽດນາມ ​ໄປ​ຢ້ຽມຢາມ​ເປັນ​ທາງ​ການ​​ລາຊະ​ອານາຈັກ​ມາຣົກ, ຢ້ຽມຢາມ​ເປັນ​ທາງ​ການ​ສາທາລະນະ​ລັດ​ຝຣັ່ງ, ຢ້ຽມຢາມ​ແລະ​ເຮັດ​ວຽກ​ກັບ​ລັດຖະສາ​ພາ​ເອີຣົບ ​ແລະ ​ເຂົ້າ​ຮ່ວມ​ສະມັດຊາ​ໃຫຍ່​ຄັ້ງ​ທີ 140 ສະຫະພາບ​ລັດຖະສະພາ​ໂລກ ​ແລະ ບັນດາ​ກອງ​ປະ​ຊຸມ​ທີ່​ກ່ຽວຂ້ອງ ທີ່​ເມືອງ​ໂດ​ຮາ ປະ​ເທດ​ກາ​ຕາ ​​​ແຕ່​ວັນ​ທີ 28 ມີນາ​ 2019 ຮອດ​ວັນ​ທີ 8 ​ເມສາ 2019.

  • ບາດກ້າວຄືບໜ້າທີ່ສຳຄັນໃນການພົວພັນລະຫວ່າງ ຫວຽດນາມ ແລະ ບຣູໄນ ດາຣຸດຊາລາມ

        ວກ. ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ທ່ານ​ ຫງວຽນ​ຝູຈ້ອງ ​ເລຂາທິການ​ໃຫຍ່, ປະທານ​ປະ​ເທດ​ຫວຽດນາມ, ເຈົ້າ​ຊີວິດຮັດ​ຊາ​ນັນ ​ໂບນ​ເກ​ຍ ​ແຫ່ງ​ປະ​ເທດບຣູ​ໄນ ດາຣຸດຊາ​ລາມ ​ໄດ້​ດຳ​ເນີນ​ການ​ຢ້ຽມຢາມ​ລັດຖະກິດ​ທີ່​ປະ​ເທດ​ຫວຽດນາມ ​ໃນ​ລະຫວ່າງ​ວັນ​ທີ 26-28 ມີນາ 2019. ການ​ຢ້ຽມຢາມ​ເປັນ​ຫຼັກ​ໝາຍ​ສຳຄັນ​ໃນ​ການ​ພົວພັນມິດຕະພາບ​ທີ່​ເປັນ​ມູນ​ເຊື້ອ ​ແລະ ການ​ຮ່ວມ​ມື​ລະຫວ່າງ​ຫວຽດນາມ ​ແລະ ບຣູ​ໄນ ດາຣຸດຊາ​ລາມ ​ເພື່ອ​ພັດທະນາ​ການ​ພົວພັນ​ສອງ​ຝ່າຍ​ຂຶ້ນ​ສູ່​ລະດັບ​ສູງ​ໃໝ່.

  • ຫວຽດນາມຍາມໃດກໍ່ໃຫ້ບຸລິມະສິດແກ່ການປັບປຸງການພົວພັນກັບກຳປູເຈຍ

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ເຈົ້າ​ຊີວິດ​ກຳປູ​ເຂ​ຍ ພະ​ບາດ​ສົມ​ເດັດ​ພະ​ບໍລົມມະນາດ ນະ​ໂຣດົມ ສີຫະ​ມຸນີ, ທ່ານເລຂາ​ທິການ​ໃຫຍ່ຄະນະ​ບໍລິຫານ​ງານ​ສູນ​ກາງ ພັກ​ກອມມູນິດ​ຫວຽດນາມ, ປະທາ​ນປະ​ເທດສາທາລະນະ​ລັດ​ສັງຄົມ​ນິຍົມ​​ຫວຽດນາມ ຫງວຽນ​ຝູຈ້ອງ ​ໄດ້​ນຳ​ໜ້າ​ຄະນະ​ຜູ້​ແທນ​ຂັ້ນ​ສູງ​ຫວຽດນາມ ດຳ​ເນີນ​ການ​ຢ້ຽມຢາມທາງ​ລັດຖະກິດ​ທີ່​ລາຊະ​ອານາຈັກ​ກຳປູ​ເຈຍ ​ໃນ​ລະຫວ່າງ​ວັນ​ທີ 25-26 ກຸມພາ 2019.

  • ສະຫາຍຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ດຳເນີນການຢ້ຽມຢາມມິດຕະພາບເປັນທາງການ ທີ່ປະເທດລາວ

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ສະຫາຍ ບຸນ​ຍັງ ວໍລະ​ຈິດ ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ ພັກ​ປະຊາຊົນ​ປະຕິວັດ​ລາວ, ປະທານ​ປະ​ເທດສາທາລະນະ​ລັດ​ປະຊາທິປະ​ໄຕ​ປະຊາຊົນ​ລາວ, ສະຫາຍ ​ຫງວຽນ​ຝູຈ້ອງ ​ເລຂາທິການ​ໃຫຍ່ຄະນະ​ບໍລິຫານ​ງານ​ສູນ​ກາງ ພັກ​ກອມ​ມູນິດ​ຫວຽດນາມ, ປະທານ​ປະ​ເທດສາທາລະນະ​ລັດ​ສັງຄົມ​ນິຍົມ​ຫວຽດນາມ ​ແລະ ​ຄະນະ​ຜູ້​ແທນ​ຂັ້ນ​ສູງຂອງພັກ​ແລະ​ລັດ​ແຫ່ງ ສສ ຫວຽດນາມ ​ໄດ້​ດຳ​ເນີນ​ການ​ຢ້ຽມຢາມ​ມິດຕະພາບ​ເປັນ​ທາງ​ການ​ ທີ່​ປະ​ເທດ ສປປ ລາວ ​ໃນ​ລະຫວ່າງ​ວັນ​ທີ 24-25 ກຸມພາ 2019.

  • ອາກຊັງຕີນ - ຫວຽດນາມ: ເພີ່ມທະວີການພົວພັນຄູ່ຮ່ວມມືຮອບດ້ານ

    ວກ.ອອນ​ໄລ - ​ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ​ທ່ານ ຫງວຽນ​ຝູຈ້ອງ ​ເລຂາທິການ​ໃຫຍ່, ປະທານ​ປະ​ເທດ​ແຫ່ງ ສສ.ຫວຽດນາມ, ທ່ານ​ປະທານາທິບໍດີ​ແຫ່ງ​ສາທາລະນະ​ລັດອາກຊັງ​ຕີນ  ເມົາຣີຊີ​ໂອ ມາກຣີ ​ແລະ​ ພັນ​ລະ​ຍາ ​ໄດ້​ດຳ​ເນີນ​ການ​ຢ້ຽມຢາມ​ລັດຖະກິດ​ທີ່​ປະ​ເທດ​ຫວຽດນາມ ​ໃນ​ລະຫວ່າງ​ວັນ​ທີ 19-21 ກຸມພາ 2019.

1 2 3 4 5 6 7 8 9 10

ບົດທີ່ມີຜູ້ອ່ານຫລາຍສຸດ

Video