ວັນອັງຄານ, 22/10/2019
ທ່ານນາຍົກລັດຖະມົນຕີແຫ່ງ ສສ ຫວຽດນາມ ຫງວຽນຊວນຝຸກ ຢ້ຽມຢາມປະເທດ ສປ ຈີນ ຢ່າງເປັນທາງການ
10/10/2016 14:46' ສົ່ງ ພິມ
ທ່ານ ຫງວຽນຊວນຝຸກ ນາຍົກລັດຖະມົນຕີແຫ່ງ ສສ ຫວຽດນາມ ພົບປະຫາລືກັບ ທ່ານ ສີ ຈິ້ນຜິງ ເລຂາທິການໃຫຍ່, ປະທາປະເທດແຫ່ງ ສປ ຈີນ. (ພາບ: TTXVN)

ໃນ​ເວລາ​ຢ້ຽມຢາມ​ປະ​ເທດ​ຈີນ, ທ່ານ​ນາຍົກລັດຖະມົນຕີ ຫງວຽນ​ຊວນ​ຝຸກ ​ໄດ້​ມີ​ການ​ພົບ​ປະ​ຫາລື​ກັບທ່ານ ເລຂາທິການ​ໃຫຍ່, ປະທາ​ປະ​ເທດ​ຈີນ ສີ ຈິ້ນ​ຜິ​ງ; ພົບ​ປະ​ເຈລະຈາ​ກັບ ທ່ານນາຍົກລັດຖະມົນຕີ ຫລີ່ ​ເຄີ້ສຽງ; ພົບ​ປະ​ກັບ​ທ່ານ ຈາງ ​ເຕີ້​ຈຽງ ປະທານ​ຄະນະ​ປະຈຳຂອງ​ກອງ​ປະຊຸມ​ໃຫຍ່ຜູ້​ແທນ​ປະຊາຊົນທົ່ວ​ປະ​ເທດ​ຈີນ ​ແລະ ພົບ​ປະ​ກັບ​ທ່ານ ຢູ ​ເຈິ້ງ​ເສິງ ປະທານຄະນະ​ກຳມະການ​ກອງ​ປະຊຸມ​ທີ່​ປຶກສາ​​ການ​ເມືອງ​ປະຊາຊົນ​ຈີນ.

​ໃນ​ບັນຍາກາດມິດຕະພາບ, ຄວາມ​ຈິງ​ໃຈ, ກົງ​ໄປ​ກົງ​ມາ ສອງ​ຝ່າຍ​ໄດ້​ແຈ້ງ​ໃຫ້​ກັນຊາ​ບກ່ຽວ​ກັບ​ສະພາບ​ການ​ຂອງ​ແຕ່​ລະ​ພັກ, ​ແຕ່ລະ​ປະ​ເທດ; ພ້ອມ​ກັນ​ລົງ​ເລິກ​ແລກປ່ຽນ​ຄວາມ​ຄິດ​ຄວາມ​ເຫັນ ​ແລະ ບັນລຸ​ຄວາມ​ຮັບ​ຮູ້ລວມທີ່​ກວ້າງຂວາງ​ກ່ຽວ​ກັບ ການ​​ເພີ່ມ​ທະວີ​ຄວາມ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ ຫວຽດນາມ - ຈີນ ​ໃນ​ສະພາບ​ການ​ໃໝ່, ກໍ່​ຄື​ກ່ຽວ​ກັບ​ບັນດາ​ບັນຫາ​ສາກົນ ​ແລະ ພາກ​ພື້ນ​ ທີ່​ສອງ​ຝ່າຍ​ມີ​ຄວາ​ມສົນ​ໃຈ.

ສອງ​ຝ່າຍ​ໃຫ້​ທັດສະນະ​ວ່າ ນ້ຳ​ໃນ​ມິດຕະພາບຫວຽດນາມ - ຈີນ ແມ່ນສົມບັດ​ອັນ​ລ້ຳ​ຄ່າ​ຂອງ​ສອງ​ພັກ, ສອງ​ປະ​ເທດ ​ແລະ ປະຊາຊົນ​ສອງ​ປະ​ເທດ ຊຶ່ງ​ຕ້ອງ​ພ້ອມ​ກັນສືບ​ທອດ ຮັກສາ ​ແລະ ​ເສີມຂະຫຍາ​ຍ. ສອງ​ຝ່າຍ​ເຫັນ​ດີ​ເປັນ​ເອກະສັນ​ ຈະ​ຮັກສາການ​ພົບ​ປະ​ສະໜິດສະໜົມ ​ລະຫວ່າງ​ການ​ນຳ​ຂັ້ນ​ສູງຂອງ​ສອງ​ພັກ, ສອງ​ປະ​ເທດ ດ້ວຍ​ບັນດາ​ຮູບ​ການ​ທີ່​ໄຫວ​ພິບ, ພ້ອມ​ກັນ​ແລກປ່ຽນ​ຄວາມ​ຄິດ​ຄວາມ​ເຫັນ​ຢ່າງ​ທັນ​ການ ກ່ຽວ​ກັບ​ບັນດາ​ບັນຫາ​ໃຫຍ່​ແລະ​ສຳຄັນ​ໃນ​ການ​ພົວພັນ​ສອງ​ຝ່າຍ ​ແລະ ສະພາບ​ການ​ສາ​ກົນ ພາກ​ພື້ນ, ​ເພີ່ມ​ທະວີ​ການ​ກຳນົດ​ທິດ​ແລະ​ຊີ້​ນຳ​ໃຫ້​ແກ່​ການ​ພັດທະນາ​ການ​ພົວພັນຫວຽດນາມ - ຈີນ; ​ເສີມ​ຂະຫຍາຍ​ບົດບາດ​ຂອງຄະນະ​ກຳມະການ​ຊີ້​ນຳ​ການ​ຮ່ວມ​ມື​ສອງ​ຝ່າຍຫວຽດນາມ - ຈີນ ​ໃນ​ການ​ປະ​ສາ​ນງານ, ຊຸກຍູ້​ການ​ປະຕິບັດ​ຄວາມ​ຮັບ​ຮູ້​ລວມຂອງຜູ້ນຳ​ຂອງ​ສອງ​ປະ​ເທດ; ຜັນ​ຂະຫຍາຍຢ່າງ​ມີ​ປະສິດທິ​ຜົນ ​ແຜນການ​ຮ່ວມ​ມື​ລະຫວ່າງ​ສອງ​ພັກ​ໄລຍະ 2016 - 2020, ​ເພີ່ມ​ທະວີ​ການ​ແລກປ່ຽນ​ບົດຮຽນ​ກ່ຽວ​ກັບ​ການ​ກໍ່ສ້າງ​ພັກ ​ແລະ ຄຸ້ມ​ຄອງ​ບໍລິຫານ​ພັກ, ຈັດ​ຕັ້ງ​ເປັນ​ຢ່າງ​ດີກ​ອງປະຊຸມ​ສຳ​ມະທິດ​ສະ​ດີ​ຂອງ​ສອງ​ພັກ, ປະຕິບັດ​ເປັນ​ຢ່າງ​ດີ​ແຜນກາ​ນຮ່ວມ​ມື​ກໍ່ສ້າງ​ພະນັກງານ​ລະຫວ່າງ​ສອງ​ພັກ (2016 - 2020); ​ເພີ່ມ​ທະວີ​ການ​ແລກປ່ຽນ, ຮ່ວມ​ມື​ລະຫວ່າງ​ບັນດາ​ຄະນະ​ພັກ​ຢູ່​ສູນ​ກາງ ​ແລະ ບັນດາ​ການຈັດ​ຕັ້ງ​ພັກ​ຢູ່​ທ້ອງ​ຖິ່ນ, ​ເປັນ​ຕົ້ນ​ແມ່ນ​ບັນດາ​ທ້ອງ​ຖິ່ນ​ຢູ່​ເຂດ​ຊາຍ​ແດນ; ​ເພີ່​ມທະວີ​ການ​ແລກປ່ຽນ, ຮ່ວມ​ມື​ມິດຕະພາບ​ລະຫວ່າງ​ສະພາ​ແຫ່ງ​ຊາດ​ຫວຽດນາມ ກັບກອງ​ປະຊຸມ​ໃຫຍ່ຜູ້​ແທນ​ປະຊາຊົນ​ທົ່ວ​ປະ​ເທດ​ຈີນ, ລະຫວ່າງ​ແນວ​ໂຮມ​ປະ​ເທດ​ຊາດ​ຫວຽດນາມ ກັບກອງ​ປະຊຸມ​ທີ່​ປຶກສາ​​ການ​ເມືອງປະຊາຊົນ​ຈີນ.

ກ່ຽວ​ກັບ​ການ​ຮ່ວມ​ມື​ດ້ານ​ເສດຖະກິດ - ການ​ຄ້າ, ຜູ້​ນຳ​ຂອງ​ສອງ​ປະ​ເທດຕີ​ລາຄາ​ວ່າ​ ມີ​ຄວາມ​ສາມາດ​ບົ່ມ​ຊ້ອນ​ອັນ​ໃຫຍ່​ຫຼວງ. ​ໃນ​ເວລາ​ທີ່​ປ່ານ​ມາ, ການ​ຂາດ​ດຸນ​ການ​ຄ້າ​ຂອງ​ຫວຽດນາມ​ຈາກ​ປະ​ເທດ​ຈີນ​ໄດ້​ຮັບ​ການ​ປົວ​ແປງ​ໃນ​ຂັ້ນ​ຕົ້ນ. ສອງ​ຝ່າຍຕົກລົງ​ນຳ​ໃຊ້​ບັນດາ​ມ່ດຕະການທີ່​ມີ​ປະສິດທິພາບ​ ເພື່ອ​ຊຸກຍູ້​ການ​ຮ່ວມ​ມືດ້ານ​ເສດຖະກິດ ການ​ຄ້າ ການ​ລົງທຶນ​ສອງ​ຝ່າຍ ​ໃຫ້ມີ​ການ​ພັດທະນາ​ທີ່​ໝັ້ນຄົງ ສົດ​ໄສ, ນຳ​ເອົາ​ຜົນ​ມາ​ໃຫ້ການ​ພັດທະນາ​ເສດຖະກິດ ​ແລະ​ປົວ​ແປງ​ຊີວິດ​ຄວາມ​ເປັນ​ຢູ່​ຂອງ​ປະຊາຊົນ​ສອງ​ປະ​ເທດ. ຍູ້​ແຮງ​ການ​ຮ່ວມ​ມື​ທາງ​ດ້ານ​ກະສິກຳ ສິ່ງ​ແວດ​ລ້ອມ ວິທະຍາສາດ​ເຕັກ​ໂນ​ໂລ​ຊີ ຄົມມະນາຄົມ​ຂົນ​ສົ່ງ. ຕັ້ງໜ້າ​ພະຍາຍາມ​ຊຸກຍູ້​ການ​ຜັນ​ຂະຫຍາຍສາຍ​ດ່ວນ ກ່ຽວ​ກັບ​ເຫດການ​ທີ່​ເກີດ​ຂຶ້ນ​ໂດ​ຍບັງ​ເອີນ​ໃນ​ການ​ເຄື່ອນ​ໄຫວ​ຫາ​ປາ​ຢູ່​ທະ​ເລ, ຮັກສາ​ການ​ແລກປ່ຽນ​ກ່ຽວ​ກັບ ວິທີ​ການ​ທີ່​ໜ້າ​ພໍ​ໃຈ​ໃນແກ້​ໄຂ​ບັນຫາ​ທີ່​ກ່ຽວຂ້ອງ; ​ເພີ່ມ​ທະວີ​ການ​ຮ່ວມ​ມື​ໃນ​ການສ້າງ​ແນວ​ພັນ​ເຂົ້າ, ​ແນວ​ພັນ​ຕົ້ນ​ປູກ​ທີ່ສາມາດ​ປັບ​ຕົວ​ເຂົ້າ​ກັບ​ເງື່ອນ​ໄຂ​ໄພ​ແຫ່ງ​ແລ້ງ, ນ້ຳ​ເຄັມ​ຄຸກ​ຄາມ ​ແລະ ຮ່ວມ​ມື​ໃນ​ການ​ປູກ​ໄມ້​ໃຫ້​ເປັນ​ປ່າ; ຜັນ​ຂະຫຍາຍ​ການ​ຮ່ວມ​ມື​ໃນ​ການ​ນຳ​ໃຊ້​ແບບ​ຍືນ​ຍົງ ​ແຫຼ່ງຊັບພະຍາກອນ​ນ້ຳຂອງ​ແມ່​ນ້ຳຂອງ - ຫຼານ​ຊາງ​ຈຽງ, ​ແລກປ່ຽນ​​ແບ່ງປັນຂໍ້​ມູນອຸ​ທົກ​ກະສາ​ດຢູ່​ເຂດ​ຊາຍ​ແດນ​ຂອງ​ສອງ​ປະ​ເທດ; ປະຕິບັດ​ເປັນ​ຢ່າງ​ດີຂໍ້ຕົດ​ລົງ​ຂອງກອງ​ປະຊຸມ​ຄັ້ງ​ທີ່​ເກົ້າຂອງ​ຄະນະ​ກຳມະການ​ຮ່ວມ​ດ້ານ​ວິທະຍາສາດ​ແລະ​ເຕົກ​ໂນ​ໂລ​ຊີຫວຽດນາມ - ຈີນ; ຕັ້ງໜ້າ​ຄົ້ນຄວ້າ ​ແລະ ​ເຈ​ລະຈາ​ເພື່ອ​​ເຊັນ “ສັນຍາ​ຂົນ​ສົ່ງ​ທາງ​ລົດ​​ໄຟ​ຊາຍ​ແດນ​ໃໝ່”, ພ້ອມ​ກັນ​ນັ້ນ​ກໍ​ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ໃຫ້​ແກ່​ຄວາມ​ຮ່ວມ​ມືດ້ານ​ການບິນ​ລະຫວ່າງສອງ​ຝ່າຍ.

ກ່ຽວ​ກັບ​ວັດທະນະທຳ ການສຶກສາ ກິລາ ການທ່ອງ​ທ່ຽວ, ການ​ນຳ​ຂອງ​ສອງ​ປະ​ເທດ​ໄດ້​ເຫັນ​ດີ​ເປັນ​ເອກະສັນ​ຈະ​ເພີ່​ມທະວີການ​ແລກປ່ຽນ​ສື່​ຂ່າວ​ລະຫວ່າງ​ສອງ​ປະ​ເທດ; ສືບ​ຕໍ່​ຈັດ​ຕັ້ງ​ເປັນ​ຢ່າງ​ດີການ​ເຄື່ອນ​ໄຫວມິດຕະພາບ​ປະຊາຊົນ, ​ເປັນ​ຕົ້ນ​ແມ່ນລະຫວ່າງ​ຊາວ​ໜຸ່ມ​ຂອງ​ສອງ​ປະ​ເທດ, ຈັດ​ຕັ້ງ​ເທດສະການ​ເຍົາວະ​ຊົນຫວຽດນາມ - ຈີນ ຄັ້ງທີ​ສາມຢູ່​ຫວຽດນາມ​ໃນ​ປະ​ນີ້ ​ໃຫ້​ໄດ້​ຮັບ​ຜົນ​ດີ.

ກ່ຽວ​ກັບ​ບັນຫາ​ຢູ່​ທະ​ເລ, ສອງ​ຝ່າຍ​ໄດ້​ລົງ​ເລິກ​ແລກປ່ຽນ​ຄວາມ​ຄິດ​ຄວາມ​ເຫັນ​ຢ່າງ​ຈິງ​ໃຈ ກົງ​ໄປ​ກົງ​ມາ ​ແລະ​ເປັນ​ເອກະສັນ​ກັນຈະ​ສືບ​ຕໍ່ປະຕິບັດ​ຕາມ​ຄວາມ​ຮັບ​ຮູ້​ລວມທີ່​ສຳຄັນ ຊຶ່ງການ​ນຳ​ຂັ້ນ​ສູງຂອງ​ສອງ​ພັກ ສອງ​ປະ​ເທດ​ໄດ້​ເຫັນ​ດີ​ເຫັນ​ພ້ອມ​ນຳ​ກັນ​ແລ້ວ, ປະຕິບັດ “ຂໍ້​ຕົກລົງ​ກ່ຽວ​ກັບບັນດາ​ຫຼັກການ​ພື້ນຖານ ທີ່​ຊີ້ນຳ​ແກ້​ໄຂ​ບັນຫາ​ເທິງ​ທະ​ເລ​ລະຫວ່າງຫວຽດນາມ - ຈີນ”; ນຳ​ໃຊ້​ເປັນ​ຢ່າງ​ດີ​ກົນ​ໄກ​ເຈລະຈາ​ຂັ້ນ​ລັດຖະບານ​ກ່ຽວ​ກັບຊາຍ​ແດນຫວຽດນາມ - ຈີນ, ຊອກ​ຫາວິທີ​ແກ້​ໄຂບັນຫາ​ຂັ້ນ​ພື້ນຖານ​ແລະ​ໄລຍະ​ຍາວ ຊຶ່ງ​ທັງ​ສອງ​ຝ່າຍ​ລ້ວນ​ແຕ່​ສາມາດ​ຍອມຮັບ.

ພ້ອມ​ກັນ​ນັ້ນ, ສອງ​ຝ່າຍ​ເຫັນ​ດີ​ເປັນ​ເອກະສັນ​ຈະ​ສືບ​ຕໍ່​ປະຕິບັດ​ຢ່າງຮອບດ້ານ​ແລະ​ມີ​ປະສິດທິ​ຜົນ ຖະແຫຼງການກ່ຽວ​ກັບ​ການ​ປະພຶດ​ຂອງ​ຝ່າຍ​ຕ່າງ​ໝຢູ່​ທະ​ເລ​ຕາ​ເວັນ​ອອກ (DOC), ບັນ​ພື້ນ​ຖານການ​ປຶກສາ​ຫາລື​ເປັນ​ເອກະ​ພາບ, ກໍ່ສ້າງ​ປະ​ມວນ​ຂໍ້​ກຳນົດ​ກ່ຽວ​ກັບ​ການ​ປະພຶດ​ຢູ່​ທະ​ເລ​ຕາ​ເວັນ​ອອກ (COC) ຂຶ້ນ​ໂດຍ​ໄວ; ຄວບ​ຄຸມ​ຂໍ້​ພິພາດ​ເທິງ​ທະ​ເລ​ໃຫ້​ດີ, ບໍ່​ມີ​ການ​ກະທຳ​ທີ່ກໍ່​ຄວາມ​ສັບສົນ ​ເປີດ​ກວ້າງ​ຂໍ້​ພິພາດ, ຮັກສາ​ສັນຕິພາບ ສະຖຽນ​ລະ​ພາບ​ຢູ່​ທະ​ເລ​ຕາ​ເວັນ​ອອກ.

​ໃນ​ລະຫວ່າງ​ການ​ຢ້ຽມຢາມ, ສອງ​ຝ່າຍ​ໄດ້​ລົງ​ນາມ​ໃນ “ສັນຍາ​ວ່າ​ດ້ວຍ​ການ​ຕໍ່​ເວລາ​ແລະ​ເພີ່ມ​ເຕີມ​ແຜນການ​ພັດທະນາ​ການ​ຮ່ວມ​ມື​ດ້ານ​​ເສດຖະກິດ​ການ​ຄ້າຫວຽດນາມ - ຈີນ ​ໃນ​ໄລຍະ 5​ ປີ 2017 - 2021”; “ສັນຍາ​ການ​ຄ້າ​ຊາຍ​ແດນ (ສະບັບ​ປັບປຸງ) ລະຫວ່າງ ​ລັດຖະບານ​ປະ​ເທດ ສາທາລະນະ​ລັດ ​ສັງຄົມ​ນິຍົມ ຫວຽດນາມ ​ແລະ ລັດຖະບານປະ​ເທດ ສາທາລະນະ​ລັດ ປະຊາຊົນ ຈີນ;” “ບົດ​ບັນທຶກ​ຄວາມ​ເຂົ້າ​ໃຈ​ກ່ຽວ​ກັບ ບັນຊີ​ລາຍ​ຊື່ບັນດາ​ໂຄງການ​ຮ່ວມ​ມືກ່ຽວ​ກັບ​ກຳລັງ​ການ​ຜະລິດ ລະ​ຫວ່າງກະ​ຊວງ​ອຸດສາຫະກຳ​ການ​ຄ້າ​ຂອງ​ປະ​ເທດ ສສ ຫວຽດນາມ ​ແລະ ຄະນະ​ກຳມະການ​ພັດທະນາ​ແລະປະຕິ​ຮູບ​ຂອງ​ປະ​ເທດ ສປ ຈີນ;” “ບົດ​ບັນທຶກ​ຄວາມ​ເຂົ້າ​ໃຈ​ກ່ຽວ​ກັບການ​ພ້ອມ​ກັນ​ກໍ່ສ້າງ​ແຜນການ​ຮ່ວມ​ມື​ດ້ານ​ໂຄງສ້າງ​ພື້ນຖານ​ເທິງ​ໜ້າດິນ​ໄລຍະ 2016-2020 ລະຫວ່າງ​ກະຊວງ​ແຜນການ​ແລະ​ການ​ລົງທຶນ​ຂອງ​ປະ​ເທດ ສສ ຫວຽດນາມ ​ແລະ ຄະນະ​ກຳມະການ​ພັດທະນາ​ແລະປະຕິ​ຮູບ​ຂອງ​ປະ​ເທດ ສປ ຈີນ;” “ຂໍ້​ຕົກລົງ​ການ​ຮ່ວມ​ມື​ທາງ​ດ້ານ​ການ​ສຶກສາ​ໄລຍະ 2016 - 2020 ລະຫວ່າງ​ກະຊວງ​ການ​ສຶກສາ​ແລະ​ກໍ່ສ້າງຂອງ​ປະ​ເທດ ສສ ຫວຽດນາມ ​ແລະ ກະຊວງ​ການ​ສຶກສາ​ຂອງ​ປະ​ເທດ ສ​ປ ຈີນ” ​ແລະ ​ເອກະສານ​ການ​ຮ່ວມ​ມື​ອື່ນ​ອີກ​ຈະ​ນສນໜຶ່ງ.

ນອກຈາກ​ການ​ເຄື່ອນ​ໄຫວ​ຢູ່​ປັກ​ກິ່ງ, ທ່ານ​ນາຍົກລັດຖະມົນຕີ ຫງວຽນ​ຊວນ​ຝຸກ ​ໄດ້​ໄປ​ຮ່ວມ​ງານ​ຕະຫຼາດນັດ ຈີນ - ອາ​ຊຽນ ​ແລະ ກອງ​ປະຊຸມ​ສຸດ​ຍອດ​ກ່ຽວ​ກັບ​ການ​ຄ້າ​ແລະ​ການ​ລົງທຶນ ຈີນ - ອາ​ຊຽນ ຄັ້ງ​ທີ 1​3 ຢູ່​ເມືອງ​ໜານ​ໜິງ, ຢາມ​ເຂດ​ປົກຄອງ​ຕົນ​ເອງ​ກວ່າ​ງຊີ​ຈ້ວງ​ ແລະ ​ເຂດ​ບໍລິຫານ​ພິ​ເສດ​ຮ່ອງ​ກົງ./.

​ໂດຍ ບນ (ສັງ​ລວມຈາກ​ແຫຼ່ງຂ່າວ​ TTXVN)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ