ວັນອັງຄານ, 22/10/2019
ທ່ານປະທານາທິບໍດີ ແຫ່ງ ສາທາລະນະລັດ ຝຣັ່ງ ຟຣ໊ອງຊົວ ອໍລ໊ອງ ດຳເນີນການຢ້ຽມຢາມຂັ້ນລັດ ທີ່ສາທາລະນະລັດ ສັງຄົມນິຍົມ ຫວຽດນາມ
12/10/2016 14:51' ສົ່ງ ພິມ
ປະທານປະເທດຫວຽດນາມ ເຈິ່ນດ້າຍກວາງ ພົບປະເຈລະຈາກັບ ປະທານາທິບໍດີຝຣັ່ງ ຟຣ໊ອງຊົວ ອໍລ໊ອງ. (ພາບ: TTXVN)

ຕອນ​ເຊົ້າ​ວັນ​ທີ 6 ສິງຫາ 2016, ພິທີ​ຕ້ອນຮັບ​ທ່ານປະທານາທິບໍດີ​​ແຫ່ງ ສ ຝຣັ່ງ ຟຣ໊ອງຊົວ ອໍລ໊ອງ ​ໄດ້​ຈັດ​ຂຶ້ນ​ຢ່າງ​ເປັນ​ທາງ​ການ​ແລະ​ສົມ​ກຽດ ​ທີ່​ທຳນຽບປະທານ​ປະ​ເທດ. ທ່ານປະທານ​ປະ​ເທດ​ແຫ່ງ ສສ ຫວຽດນາມ ເຈິ່ນດ້າຍ​ກວາງ ​ໄດ້​ເປັນ​ເຈົ້າພາບ​ໃນ​ພິທີ​ຕ້ອນ​ຮັບດັ່ງ​ກ່າວ.

​ໃນ​ເວລາຢ້ຽມຢາມຫວຽດນາມ, ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ​ໄດ້​ພົບ​ປະ​ເຈລະຈາ​ກັບ​ທ່ານປະທານ​ປະ​ເທດ ເຈິ່ນດ້າຍ​ກວາງ; ພົບ​ປະ​ກັບ​ເລຂາທິການ​​ໃຫຍ່​ພັກ​ກອມ​ມູນິດ​ຫວຽດນາມ ຫວງຽນ​ຝູຈ້ອງ, ນາຍົກລັດຖະມົນຕີ ຫງວຽນ​ຊວນ​ຝຸກ, ປະທານ​ສະພາ​ແຫ່ງ​ຊາດ ຫງວຽນ​ທີ້ກິມ​ເງິນ; ພົບ​ປະ​ກັບ​ເລຂາ​ພັກ​ນະຄອນ​ໂຮ່ຈີ​ມິນ.

​ໃນ​ການ​ພົບ​ປະ​ເຈ​ລະ​ຈາ, ການພົບ​ປະ​ຫາລື​ຕ່າງໆ, ບັນດາ​ການ​ນຳ​ຫວຽດນາມ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບຢ່າງ​ສຸດ​ໃຈ​ຕໍ່ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ທີ່​ມາ​ຢ້ຽມຢາມ​ຂັ້ນ​ລັດ​ຢູ່​ຫວຽດນາມ, ຕີ​ລາຄາ​ສູງ​ຄວາມ​ໝາຍ​ຂອງ​ການ​ຢ້ຽມຢາມ​ໃນ​ການ​ເພີ່ມ​ທະວີ​ຄວາມ​ພົວພັນ​ລະຫວ່າງ​ສອງ​ປະ​ເທດ. ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ສະ​ແດງ​ຄວາມ​ຂອບ​ໃຈ​ຢ່າງ​ເລິກ​ເຊິ່ງຕໍ່​ພັກ-ລັດ​ແລະ​ປະຊາຊົນ​ຫວຽດນາມ​ ທີ່​ໄດ້​ໃຫ້ການ​ຕ້ອນຮັບ​ທີ່​ອົບ​ອຸ່ນ, ສົມ​ກຽດ​ແກ່​ການ​ຢ້ຽມຢາມ​ຂອງຄະນະ​ຜູ້​ແທນ​ຝຣັ່ງ; ສະ​ແດງ​ຄວາມປິ​ຕິ​ຍິນ​ດີ​ທີ່​ໄດ້​ມາ​ຢ້ຽມຢາມປະ​ເທດ​ຫວຽດນາມ​ທີ່​ສວຍ​ງາມ, ຢັ້ງຢືນ​ຄວາມ​ຫວັງ​​ວ່າ ການ​ຢ້ຽມຢາມ​ຈະ​ຊຸກຍູ້​ໃຫ້​ຄວາມ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ລະຫວ່າງ​ສອງ​ປະ​ເທດ ຂະຫຍາຍຕົວ​ກວ່າ​ອີກ. ການ​ນຳ​ຂອງ​ສອງ​ປ​ະ​ເທດ​ໄດ້​ເປັນ​ເອກະສັນ​ກັນ​ວ່າ ຄວາມ​ພົວພັນ​ຫວຽດນາມ - ຝຣັ່ງ ພວມ​ຂະຫຍາຍຕົວ​ຢ່າງ​ຕັ້ງໜ້າ​ໃນ​ຫຼາຍ​ຂົງ​ເຂດ. ສອງ​ຝ່າຍ​ຢືນຢັນ​ຄວາມ​ຕັດສິນ​ໃຈ​ເຮັດ​ໃຫ້​ຄວາມ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຫວຽດນາມ - ຝຣັ່ງ ສືບ​ຕໍ່​ຂະຫຍາຍຕົວ​ຢ່າງ​ເລິກ​ເຊິ່ງ​ໃນ​ທຸກ​ຂົງ​ເຂດ.

​ໃນ​ບັນຍາກາດ​ແຫ່ງ​ຄວາມ​ເປີດ​ອົກ​ເປີດ​ໃຈ ຄວາມ​ເຂົ້າ​ໃຈ​ ແລະ ​ໄວ້​ວາງ​ໃຈ​ຊຶ່ງ​ກັນ​ແລະ​ກັນ​ ໃນ​ການ​ພົບ​ປະ​ເຈລະຈາຕອນ​ເຊົ້າ​ວັນ​ທີ 6 ສິງຫາ, ຢູ່ທີ່​ທຳນຽບປະທານ​ປະ​ເທດ, ​ທ່ານປະທານ​ປະ​ເທດ ເຈິ່ນດ້າຍ​ກວາງ ​ແລະ​ ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ​ໄດ້​ແລກປ່ຽນ, ​ເປັນ​ເອກະ​ພາບ​ກັນ​ກ່ຽວ​ກັບ​ຫຼາຍ​ມາດ​ຕະການ​ ເພື່ອຊຸກຍູ້​ການ​ພົວພັນ​ສອງ​ຝ່າຍ, ກໍ່​ຄື​ແລກປ່ຽນ​ຄວາມ​ຄິດ​ຄວາມ​ເຫັນ​ກ່ຽວ​ກັບ​ບັນດາ​ບັນຫາ​ສາກົນ, ພາກ​ພື້ນ​ທີ່​ທັງ​ສອງ​ຝ່າຍ​ມີ​ຄວາມ​ສົນ​ໃຈ. ຜູ້ນຳ​ທັງ​ສອງ​ຕົກລົງ​ທີ່​ຈະ​ເພີ່ມ​ທະວີ​ການ​ພົບ​ປະແລກປ່ຽນ​ໃນ​ທຸກ​ລະດັບ, ​ເປັນ​ຕົ້ນ​ແມ່ນຂັ້ນ​ສູງ, ພ້ອມກັນ​ນັ້ນ​ກໍ​ເສີມ​ຂະຫຍາຍ​ບົດບາດ​ຂອງ​ບັນດາ​ກົນ​ໄກ​ປະ​ສາ​ງານ, ຊີ້​ນຳ​ການ​ຮ່ວມ​ມື​ສອງ​ຝ່າຍ.

ຜູ້ນຳ​ທັງ​ສອງຢັ້ງຢືນ ​ການ​ຮ່ວມ​ມື​ດ້ານ​ເສດຖະກິດ​ ສືບ​ຕໍ່​ເປັນ​ເສົາ​ຄ້ຳ​ບຸລິມະສິດ​ ໃນ​ການ​ພົວພັນ​ສອງ​ຝ່າຍ ​ແລະ ​ເນັ້ນ​ເຖິງ​ຄວາມ​ຈຳ​ເປັນ​ຕ້ອງ​ ເພີ່ມ​ທະວີ​ການ​ຮ່ວມ​ມື​ ໃນ​ບັນດາ​ໂຄງການ​ຈຸດ​ໜັກ ກ່ຽວ​ກັບ​ໂຄງ​ສ້າງ​ພື້ນຖານ, ພະລັງງານ, ການ​ເດີນ​ອາກາດ, ການ​ແພດ-ຢາ​ປົວ​ພະຍາດ, ສິ່ງ​ແວດ​ລ້ອມ, ກະສິກຳ ​ແລະ ການ​ປຸງ​ແຕ່ງອາຫານ. ທ່ານປະທານ​ປະ​ເທດ​ຝຣັ່ງ ​ໄດ້​ຢືນຢັນ​ຄຳ​ໝັ້ນ​ສັນຍາຂອງ​ຝຣັ່ງ​ໃນ​ການ​ຮັກສາ​ແຫຼ່ງທຶນ ODA ​ໃຫ້​ແກ່​ຫວຽດນາມ. ສອງ​ຝ່າຍ​ເນັ້ນ​ເຖິງ​ຄວາມ​ຈຳ​ເປັນ​ຕ້ອງ​ ສືບ​ຕໍ່​ສ້າງ​ສິ່ງ​ແວດ​ລ້ອມ​ອຳນວຍຄວາມ​ສະດວກ​ ໃຫ້​ແກ່​ບັນດາ​ວິ​ສາ​ຫະກິດ​ຂອງ​ສອງ​ປະ​ເທດ ​ໃນ​ການ​ລົງທຶນ ​ແລະ ທຸລະ​ກິດ, ​ໄປ​ສູ່​ການ​ກໍ່ສ້າງ​ສາຍ​ພົວພັນ​ຄູ່​ຮ່ວມ​ມື​ບົນ​ພື້ນຖານສອງ​ຝ່າຍ​ມີ​ຜົນ​ປະ​ໂຫຍ​ດຮ່ວມ​ກັນ.

ສອງ​ຝ່າຍ​ເປັນ​ເອກະ​ພາບ​ສືບ​ຕໍ່​ຊຸກຍູ້​ການ​ຮ່ວມ​ມື​ດ້ານ​ວິທະຍາສາດ-​ເຕັກ​ໂນ​ໂລ​ຊີ ​ລະຫວ່າງ​ຫວຽດນາມ ​ແລະ ຝຣັ່ງ, ​ໃຫ້ຄວາມ​ສຳຄັນ​ແກ່​ຂົງ​ເຂດ​ພະລັງງານ​ທົດ​ແທນ ການ​ນຳ​ໃຊ້​ດາວ​ທຽມ, ພ້ອມ​ນັ້ນ​ກໍ​ເພີ່ມ​ທະວີ​ການ​ຮ່ວມ​ມື​ດ້ານ​ວັດທະນະທຳ ທ່ອງ​ທ່ຽວ, ຍູ້​ແຮງ​ຄວາມ​ຮ່ວມ​ມື​ດ້ານ​ການ​ສຶກສາ-ກໍ່ສ້າງ; ຍູ້​ແຮ​ງການຮ່ວມມື​ດ້ານ​ການ​ປ້ອງ​ກັນ​ປະ​ເທດ, ​ເປັນ​ຕົ້ນ​ແມ່ນການ​ຮ່ວມ​ມື​ດ້ານ​ອຸປະກອນ​ການ​ທະຫານ, ການ​ຢ້ຽມຢາມ​ຂອງ​​ເຮືອ​ຮົບ, ຊ່ວຍ​ເຫຼືອ​ຫວຽດນາມ​ໃນ​ການ​ເຂົ້າ​ຮ່ວມ​ການ​ເຄື່ອນ​ໄຫວ​ຮັກສາ​ສັນຕິພາບ ຂອງສະຫະປະຊາ​ຊາດ, ຄວາມ​ຮ່ວມ​ມື​​ໃນ​ການແກ້​ໄຂ​ບັນຫາ​ຄວາມ​ປອດ​ໄພ​ແບບ​ດັ້ງ​ເດີມ ​ແລະ ຄວາມ​ປອດ​ໄພບໍ່​ເປັນ​ແບບ​ດັ້ງ​ເດີມ.

ຫວຽດນາມ ​ແລະ ຝຣັ່ງ​ເພີ່​ມທະວີປະ​ສາມ​ສົມທົບ​ກັນ ​ໃນ​ບັນດາ​ເວທີ​ພະຫຸພາຄີ​ເຊັ່ນ ສະຫະ​ປະຊາ​ຊາດ, ອາ​ຊຽນ - ອີ​ຢູ, ອາ​ເຊມ, ອົງການ​ຈັດ​ຕັ້ງ​ສາກົນ​ກ່ຽວ​ກັບ​ພະ​ສາ​ຝຣັ່ງ; ສືບ​ຕໍ່​ສະໜັບສະໜູນ​ຊຶ່ງ​ກັນ​ແລະ​ກັນ​ ແນ​ໃສ່ພັດ​ທະນະ​ການ​ພົວພັນ​ລະຫວ່າງຝຣັ່ງ ​ແລະ ອາຊີ-ປາຊີ​ຟິກ ​ແລະ ​ເພີ່ມ​ທະວີ​ການ​ພົວພັນ​ລະຫວ່າງ​ຫວຽດນາມ​ແລະ​ສະຫະພາບ​ເອີຣົບ. ຫວຽດນາມ​ຕີ​ລາຄາ​ສູງ​ຕໍ່​ບົດບາດ​ຂອງຝຣັ່ງ​ ໃນ​ການ​ຕໍ່​ສູ້ກັບ​ການ​ປ່ຽນ​ແປງ​ສະພາບອາກາດ ຫຼັງ​ຈາກ​ຜົນສຳ​ເລັດ​ຂອງ​ກອງ​ປະຊຸມ​ຄັ້ງທີ່ 21 ຂອງ​ພາຄີ​ຂອບ​ອະນຸ​ສັນຍາ​ຂອງ​ສະຫະ​ປະຊາ​ຊາດ​ກ່ຽວ​ກັບ​ການ​ປ່ຽນ​ແປງ​ສະພາບ​ອາກາດ (COP 21) ທີ່​ປາຣີ. ສອງ​ປະ​ເທດ​ຈະຮັດແໜ້ນການ​ຮ່ວມ​ມື​ເພື່ອ​ຮັບ​ມື​ກັບສິ່ງ​ທ້າ​ທາຍ​ລະດັບ​ໂລກ, ພິ​ເສດ​ແມ່ນ​ຮັບ​ມື​ກັບ​ການ​ປ່ຽນ​ແປງ​ສະພາບ​ອາກາດ.

ຜູ້ນຳ​ທັງ​ສອງ​ໄດ້ຍົກ​ໃຫ້​ເຫັນ​ແຈ້ງ​​ເຖິງ ຄວາມ​ສຳຄັນ​ຂອງ​ການ​ຮັກສາ​ສັນຕິພາບ ສະຖຽນລະ​ພາບ, ການຊຸກຍູ້​ການ​ຮ່ວມ​ມື​ພາກ​ພື້ນແລະສາກົນ, ຢືນຢັນ​ອີກ​ຄັ້ງ​ເຖິງ​ຄຳ​ໝັ້ນ​ສັນຍາ​ທີ່​ຈະ​ຮັກສາ​ເສລີພາບ​ໃນ​ການ​ເດີນ​ເຮືອ ການບິນ; ​ເນັ້ນ​ເຖິງ​ການ​ແກ້​ໄຂຂໍ້​ພິພາດ​ໃນ​ທະ​ເລ​ຕາ​ເວັນ​ອອກ​ໂດຍ​ສັນຕິ​ວິທີ, ລວມທັງ​ຂະ​ບວນການ​ທາງ​ການ​ທູດ ​ແລະ​ທາງ​ດ້ານກົດໝາຍ, ບົນ​ພື້ນຖານ​ເຄົາ​ລົບ​ນັບຖື​ກົດໝາຍ​ສາກົນ, ​ໃນ​ນັ້ນ​ມີ​ອະນຸ​ສັນຍາ​ສະຫະ​ປະຊາ​ຊາດວ່າ​ດ້ວຍ​ກົດໝາຍ​ທະ​ເລ​ປີ 1982 (UNCLOS 1982). ຫຼັງ​ຈາກ​ທີ່ສານ​ອະນຸຍາ​ໂຕ​ຕຸລາການ​ຖາວອນ ອ່ານ​ຄຳ​ພິພາກສາ​ ວັນ​ທີ 12 ກໍລະກົດ 2016, ສອງ​ຝ່າຍ​ຢືນຢັນ​ຫຼັກການນັບຖື​ກົດໝາຍ​ໃນ​ທະ​ເລ​ແລະ​ມະຫາ​ສະໝຸດ ​ແລະ ​ເນັ້ນ​ເຖິງ​ການ​ປະຕິບັດ​ຢ່າງ​ຄົບ​ຖ້ວນ ຖະ​ແຫຼ​ງການກ່ຽວ​ກັບ​ການ​ປະພຶດ​ຂອງ​​ຝ່າຍຕ່າງໆ ​ຢູ່​ທະ​ເລ​ຕາ​ເວັນ​ອອກ (DOC), ສະໜັບສະໜູນ​ຄວາມ​ພະຍາຍາມ​ຕ່າງໆ​ ທີ່​ແນ​ໃສ່ບັນລຸ​ປະ​ມວນຂໍ້​ກຳນົດກ່ຽວ​ກັບ​ການ​ປະພຶດ​ຂອງ​ຝ່າຍ​ຕ່າງໆ​ ຢູ່​ທະ​ເລ​ຕາ​ເວັນ​ອອກ (COC).

* ຕອນ​ແລງ​ວັນ​ທີ 6 ກັນຍາ, ຢູ່​ທີ່​ສຳນັກງານ​ສູນ​ກາງ​ພັກ​ກອມ​ມູນິດ​ຫວຽດນາມ, ທ່ານ​ເລຂາທິການ​ໃຫຍ່ ຫງວຽນ​ຝູຈ້ອງ ​ໄດ້​ຕ້ອນຮັບ​ທ່ານປະທານາທິບໍດີ​ ຟຣ໊ອງຊົວ ອໍລ໊ອງ. ​ໃນ​ການ​ພົບ​ປະ, ທ່ານ​ເລຂາທິການ​ໃຫຍ່ ຫງວຽນ​ຝູຈ້ອງ ​ໄດ້​​ເນັ້ນ​ວ່າ ສອງ​ປະ​ເທດ​ຫວຽດນາມ ​ແລະ ຝຣັ່ງ, ​​ເຊິ່ງເຄີຍ​ມີ​ຄວາມ​ຮູ້​ຄວາມ​ເຂົ້າ​ໃຈ​​ໃນ​ກັນ​ແລະ​ກັນ, ພວມ​ພະຍາຍາມ​ເ​ສີມສ້າງຄວາມ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ທີ່​ໄດ້​ສ້າງ​ຂຶ້ນ​ລະຫວ່າງ​ສອງ​ປະ​ເທດ ​ໃຫ້ເລິກ​ເຊິ່ງຍິ່ງ​ຂຶ້ນ. ທ່ານ​ເລຂາທິການ​ໃຫຍ່ຢືນຢັນ​ ຫວຽດນາມ​ຍາມ​ໃດ​ກໍ​ເອົາ​ໃຈ​ໃສ່​ເປັນ​ສຳຄັນ​ເຖິງ​ບົດບາດທີ່​ຕັ້ງ​ ຂອງ​ການ​ຮ່ວມ​ມື​ກັບ​ຝຣັ່ງ ​ແລະ ​ໃຫ້​ບຸລິມະສິດ​ແກ່​ການ​ພັດທະນາ​ສາຍສຳພັນ​ມິດຕະພາບ ​ແລະ ການຮ່ວມ​ມື​ກັບ​ຝຣັ່ງ. ທ່ານ​ເລຂາທິການ​ໃຫຍ່ ສະ​ເໜີ​ໃຫ້​ສອງ​ຝ່າຍ​ສືບ​ຕໍ່​ເພີ່ມ​ທະວີ​ການ​ຮ່ວມ​ມື​ໃນ​ຫຼາຍ​ດ້ານ, ຫຼາຍ​ຊ່ອງ​ສາຍສຳພັນ; ​ເພີ່ມ​ທະວີ​ການ​ພົບ​ປະ ​ແລກປ່ຽນ​ບົດຮຽນ​ປະສົບ​ການ, ສະໜັບສະໜູນ​ຊຶ່ງ​ກັນ​ແລະ​ກັນ ​ໃນ​ບັນດາ​ເວທີ​ປາ​ໄສ​ສາກົນ ກໍ​ຄື​ຮັກສາ​ບັນດາ​ກົນ​ໄກ​ຮ່ວມ​ມື​ທີ່​ມີ​ຢູ່. ​ເນື່ອງ​​ໃນ​ໂອກາດ​ນີ້, ທ່ານ​ເລຂາທິການ​ໃຫຍ່ກໍ່​ສະ​ເໜີ​ນຳລັດຖະບານ​ຝຣັ່ງ ​ໃຫ້ເອົາ​ໃຈ​ໃສ່​ສ້າ​ງ​ເງື່ອນ​ໄຂຊ່ວຍ​ເຫຼືອ​ຊຸມ​ຊົນ​ຊາວ​ຫວຽດນາມ​ຢູ່​ຝຣັ່ງ ​ໄດ້​ປະກອບສ່ວນ​ອັນ​ຕັ້ງໜ້າ​ເຂົ້າ​ໃນ​ສັງຄົມ ແລະ ມີ​ສ່ວນ​ຮ່ວມ​ໃນ​ການ​ຊຸກຍູ້​ຄວາມ​ພົວພັນ​ຫຼາຍ​ດ້ານ​ລະຫວ່າງ​ສອງ​ປະ​ເທດ.

ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ຕີ​ລາຄາ​ສູງ​ຕໍ່​ຜົນສຳ​ເລັດ​ອັນ​ສຳຄັນ​ຕ່າງໆ​ ທີ່​ຫວຽດນາມ​ບັນລຸ​ໄດ້​ໃນ​ເວລາ​ທີ່​ຜ່ານ​ມາ, ຢືນຢັນ​ສາຍ​ພົວພັນ​ຝຣັ່ງ - ຫວຽດນາມ​ມີ​ພື້ນຖານ​ປະຫວັດສາດ​ໃນ​ໄລຍະ​ເວລາ​ຍາວ​ນານ ​ແລະ ມີ​ຄວາມ​ສາມາດ​ບົ່ມ​ຊ້ອນ​ຫຼາຍ ​ເພື່ອ​ພັດທະນາການ​ຮ່ວມ​ມື. ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ​ເຫັນ​ດີ​ເປັນ​ເອກະສັນ ​ໃຫ້​ສອງ​ຝ່າຍ​ສືບ​ຕໍ່​ຍູ້​ແຮງ​ການ​ພົວພັນ​ດ້ານ​ການ​ເມືອງ ​ໂດຍ​ຜ່ານ​ການ​ແລກປ່ຽນ​ຄະນະ​ຜູ້​ແທນ, ​ເປັນ​ຕົ້ນ​ແມ່ນ​ຄະນະ​ຜູ້​ແທນ​ຂັ້ນ​ສູງ; ​ເພີ່ມ​ທະວີ​ການ​ຮ່ວມື​ໃນ​ຫຼາຍ​ຂົງ​ເຂດ. ທ່ານປະທານາທິບໍດີກໍ່​ສະ​ແດງ​ຄວາມ​ສະໜັບສະໜູນ​ຕໍ່​ການ​ຊຸກຍູ້​ບັນດາ​ກົນ​ໄກ​ຮ່ວມ​ມືທີ່​ມີ​ແງ່ຫວັງ​ດີ, ການ​ຮ່ວມ​ມື​ທີ່​ບໍ່​ລວມສູນລະຫວ່າງ​ບັນດາ​ທ້ອງ​ຖິ່ນ, ຮ່ວມ​ມື​ໃນ​ກຸ່ມ​ບັນດາ​ປະ​ເທດ​ໃຊ້​ພາສາ​ຝຣັ່ງ ​ແລະ ບັນດາ​ຮູບ​ການ​ຮ່ວມ​ມື​ທີ່​ອາດ​ຈະ​ໝູນ​ໃຊ້​ຢູ່​ອາ​ຟຣິກກາ​ແລະ​ພາກ​ພື້ນ​ອື່ນ​ໃນ​ໂລກ.

* ​ໃນ​ວັນ​ດຽວ​ກັນ, ທ່ານ​ນາຍົກລັດຖະມົນຕີ ຫວຽນ​ຊວນ​ຝຸກ ​ໄດ້​ພົບ​ປະ​ຫາລື​ກັບ​ທ່ານປະທານາທິບໍດີ​ ຟຣ໊ອງຊົວ ອໍລ໊ອງ. ​ໂດຍ​ຕີ​ລາຄາ​ສູງ​ຕໍ່​ການ​ຮ່ວມ​ມື​ຢ່າງ​​ແໜ້ນ​ແຟ້ນ ມີ​ປະສິດທິ​ຜົນ​ລະຫວ່າງ​ສອງ​ປະ​ເທດ​ໃນ​ເວທີ​ສາກົນ, ທ່ານ​ນາຍົກລັດຖະມົນຕີ ຫວຽນ​ຊວນ​ຝຸກ ​ແບ່ງປັນ​ຄວາມກັງວົນ​ຂອງຝຣັ່ງກ່ຽວ​ກັບລັດທິ​ກໍ່ການຮ້າຍ ກໍ່​ຄື​ຄວາມ​ເສຍ​ຫາຍ​ທີ່​ໃຫຍ່​ຫຼວງ​ເຊິ່ງພວກ​ກໍ່​ການ​ຮ້າຍ​​ໄດ້​ກໍ່​ໃຫ້​ເກີດ​ຂຶ້ນ​ທີ່​ປະ​ເທດ​ຝຣັ່ງ. ທ່ານ​ນາຍົກລັດ​ຖິມົນຕີຫວັງ​ວ່າ ຝຣັ່ງຈະ​ໃຫ້​ຄວາມ​ສະໜັບສະໜູນ​ ແກ່​ຫຼັກໝັ້ນ​ຂອງ​ອາ​ຊຽນ ກ່ຽວ​ກັບ​ການ​ຮັກສາ​ສັນຕິພາບ ສະຖຽນ​ລະ​ພາບ ຄວາມສະຫງົບ ຄວາມ​ປອດ​ໄພ ​ແລະ ​ເສລີພາບ​​ໃນການ​ເດີນເຮືອ ແລະ ການບິນ ຢູ່​ທະ​ເລ​ຕາ​ເວັນ​ອອກ.

ສຳລັບ​ຕົນ​ເອງ, ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ​ໃຫ້​ຮູ້​ວ່າ, ​ໃນ​ການ​ຢ້ຽມຢາມ​ສັນທະ​ວະ​ໄມຕີ​ຄັ້ງ​ນີ້, ​ໃນ​ພາກສ່ວນ​ຂອງ​ຄະນະຜູ້​ແທນ​ຝຣັ່ງ ນອກຈາກ​ບັນດາ​ລັດຖະມົນຕີ, ຜູ້ຕາງໜ້າ​ຂອງ​ກະຊວງ ຂະ​ແໜງ​ການ​ຂອງຝຣັ່ງ​ແລ້ວ ຍັງ​ມີ​ຜູ້ນຳ​ວິ​ສາ​ຫະກິກ ກຸ່ມ​ເສດຖະກິດ​ແຖວ​ໜ້າ​ຂອງ​ຝຣັ່ງຫຼາຍ​ທ່ານ ​ເພື່ອ​ຄົ້ນ​ຫາ​ໂອກາດ​ໃນ​ການ​ລົງທຶນ​ໃນ​ຫວຽດນາມ. ນີ້​ຍັງ​ໄດ້​ຢັ້ງຢືນ​ຄວາມ​ນັບຖື​ຂອງ​ບັນດາ​ວິ​ສາ​ຫະກິດ​ຝຣັ່ງ ​ໃນ​ຄວາມ​ພະຍາຍາມ​ທີ່​ຈະ​ສົ່ງ​ເສີມ​ການ​ຮ່ວມ​ມື​ກັບ​ຫວຽດນາມ.

ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ຢັ້ງຢືນ​ວ່າ ປະ​ເທດ​ຝຣັ່ງຍາມ​ໃດ​ກໍ່​ໃຫ້​ບຸລິມະສິດ​ແກ່​ການ​ຮ່ວມ​ມື​ເສດຖະກິດ​ກັບ​ຫວຽດນາມ ​ແລະ ຫວັງ​ວ່າ​ຫວຽດນາມ​ຈະ​ສືບ​ຕໍ່​ອຳນວຍ​ຄວາມ​ສະດວກ​ໃຫ້​ແກ່​ນັກ​ລົງທຶນ​ຝຣັ່ງ ມາ​ເຮັດ​ວຽກ​ຢ່າງ​ມີ​ປະສິດທິ​ຜົນ, ຍາວ​ນາມ ​ແລະ ລົງທຶນ​ສຳ​ດລັດ​ຜົນ​ຢູ່​ຫວຽດນາມ. ນອກຈາກ​ນັ້ນ, ຝຣັ່ງກໍ​ມີ​ຄວາມ​ປະສົງ​ທີ່ຈະ​ຊຸກຍູ້​ການ​ຮ່ວມ​ມື​ລະຫວ່າງ​ສອງ​ປະ​ເທດ ​ໃນ​ບັນດາ​ຂົງ​ເຂດ ວິທະຍາສາດ-​ເຕັກ​ໂນ​ໂລ​ຊີ, ມອບ​ໂອນ​ເຕັກ​ໂນ​ໂລ​ຊີ, ສຶກສາ-ກໍ່ສ້າງ ​ເພື່ອ​ໃຫ້​ນັກຮຽນ​ນັກ​ສຶກສາ​ຫວຽດນາມ​ໄປ​ຮຽນ​ທີ່​ປະ​ເທດ​ຝຣັ່ງນັບ​ມື້​ນັບ​ຫຼາຍ; ຊຸກຍູ້ການ​ພົບ​ປະ​ສັງ​ສັນ​ປະຊາຊົນ ​ແນ​ໃສ່​ເພີ່ມ​ທະວີ​ຄວາມ​ເຂົ້າ​ໃຈ​ຊຶ່ງ​ກັນ​ແລະ​ກັນ​ ລະຫວ່າງ​ສອງ​ຊາດ, ສອງ​ປະ​ເທດ,…

* ຕອນ​ແລງ​ວັນ​ທີ 6 ກັນຍາ, ຢູ່​ທີ່​ອາຄານ​ສະພາ​ແຫ່ງ​ຊາດຫວຽດນາມ, ປະທານ​ສະພາ​ແຫ່ງ​ຊາດ ທ່ານ​ນາງ ຫງວຽນ​ທີ້ກິມ​ເງິນ ​ໄດ້​ພົບ​ປະ​ຫາລື​ກັບ​ທ່ານປະທານາທິບໍດີ​ ຟຣ໊ອງຊົວ ອໍລ໊ອງ. ປະທານ​ສະພາ​ແຫ່ງ​ຊາດຫວຽດນາມ​ໄດ້​ເນັ້ນ​ວ່າ ການ​ຮ່ວມ​ມື​ລະຫວ່າງ​ບັນດາ​ທ້ອງ​ຖິ່ນ​ຂອງ​ສອງ​ປະ​ເທດ ​ແມ່ນ​ຈຸດ​ພິ​ເສດສະ​ເພາະ​ໃນ​ຄວາມ​ພົວພັນ​ຫວຽດນາມ - ຝຣັ່ງ ​ແລະ ​ໃຫ້ຄວາມ​ສັງ​ເກດ​ວ່າ ການ​ຮ່ວມ​ມື​ໃນ​ຂົງ​ເຂດ​ນີ້ນັບ​ມື້​ນັບ​ໄດ້​ຮັບ​ການ​ຊຸກຍູ້ ​ແລະ ຈະ​ຂະຫຍາ​ຕົວຢ່າງ​ແຂງ​ແຮງ (38 ທ້ອງ​ຖິ່ນ​ຂອງຝຣັ່ງ ມີ​ການ​ພົວພັນ​ຮ່ວມ​ມື/​ແຮກສ່ຽວ​ກັບ 18 ​ແຂວງ​ຂອງ​ຫວຽດນາມ, ​ໄດ້​ຜັນ​ຂະຫຍາຍ​ໂຄງການ​ຮ່ວມ​ມື​ຂະໜາດ​ປານກາງ​ເປັນ​ຈຳນວນ 235 ​ໂຄງການ).

ປະທານ​ສະພາ​ແຫ່ງ​ຊາດ​ຫວຽດນາມ ສະ​ແດ​ງຄວາມ​ດີ​ໃຈຕໍ່​ຄວາມ​ພົວພັນ​ລະຫວ່າ​ງອົງການ​ນິຕິບັນຍັດ​ຂອງ​ສອງ​ປະ​ເທດ ທີ່​​ໄດ້ຮັບ​ການ​ຊຸກຍູ້​ ແລະ ນັບ​ມື້​ນັບຂະຫຍາຍຕົວ​ເປັນ​ຢ່າງດີ​ໃນ​ເວລາກວ່າ 40 ປີ​ທີ​ຜ່ານ​ມາ; ຂໍ​ສະ​ແດງ​ຄວາມ​​ເຄົາລົບນັບຖື​ຄວາມ​ຂອບ​ໃຈມາ​ຍັງຄະນະ​ຜູ້​ແທນ​ສະພາ​ແຫ່ງ​ຊາດ​ຝຣັ່ງ ທີ່​ໄດ້​ເຂົ້າ​ຮ່ວຢ່າງ​ຕັ້ງໜ້າ ​ແລະ ສົມທົບ​ຢ່າງ​ແໜ້ນ​ແຟ້ນກັບ​ຫວຽດນາ ​ໃນສະ​ມັດຊາ​ໃຫຍ່ ສະຫະພັນ​ລັດຖະສະພາ​ໂລກ ຄັ້ງ​ທີ 132 (IPU-132) ​ແລະ ​ໃນກອງ​ປະຊຸມ​ຄັ້ງ​ທີ 7 ​ເຂດ​ອາຊີ-ປາຊີ​ຟິກຂອງສະຫະ​ພັນລັດຖະສະພາບັນດາ​ປະ​ເທດ​ໃຊ້​ພາສາ​ຝຣັ່ງ (APF) ທີ່​ຜ່ານ​ມາ.

ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ສະ​ແດງ​ຄວາມ​ຂອບ​ໃຈ​ຕໍ່ທ່ານ​ນາງ ຫງວຽນ​ທີ້ກິມ​ເງິນ ​ປະທານ​ສະພາ​ແຫ່ງ​ຊາດ ທີ່​ໄດ້​ຍາດ​ເວລາ​ໃຫ້​ແກ່​ການ​ພົບ​ປະ​ຫາລືນີ້. ທ່ານປະທານາທິບໍດີຝຣັ່ງ​ໃຫ້​ຮູ້​ວ່າ, ​ໃນ​ການ​ຢ້ຽມຢາມ​ຫວຽດນາມ​ຄັ້ງ​ນີ້, ມີ​ຜູ້ຕາງໜ້າ​ຂອງ​ສະມາຊິກ​ສະພາ​ສູງ​ແລະ​ສະພາ​ຕ່ຳ​ຝຣັ່ງ, ຜູ້ຕາງໜ້າຂອງ​ກຸ່ມ​ສະມາຊິກ​ລັດຖະສະພາ​ມິດຕະພາບ​ຝຣັ່ງ - ຫວຽດນາມ, ຜູ້ຕາງໜ້າ​ຂອງສະ​ຖາ​ບັນ​ຄົ້ນຄວ້າ ​ແລະມະຫາວິທະຍາ​ໄລ​ຫຼາຍ​ແຫ່ງ​ຂອງຝຣັ່ງ. ສິ່ງ​ດັ່ງກ່າວ​ສະ​ແດງ​ໃຫ້​ເຫັນ​ເຖິງ​ຄວາມ​ເອົາ​ໃຈ​ໃສ່ ​ແລະ​ຄວາມ​ປາຖະໜາ​ຂອງຝຣັ່ງທີ່​ຢາກ​ຊຸກຍູ້​ການ​ພົວພັນ​ຮ່ວມ​ມື​ລະຫວ່າງ​ອົງການ​ນິຕິບັນຍັດ​ຂອງ​ສອງ​ປະ​ເທດ.

ນອກຈາກ​ບັນດາ​ການ​ພົບ​ປະ​ເຈ​ລະ​ຈາ ການ​ພົບ​ປະຫາລື​​ດັ່ງກ່າວ​ເທິງ​ນີ້, ບັນດາ​ການ​ນຳ​ຂັ້ນ​ສູງ​ຂອງ​ຫວຽດນາມ ​ແລະ ປະທານາທິບໍດີ​ ຟຣ໊ອງຊົວ ອໍລ໊ອງ ​ໄດ້​ໄປ​ຢາມ ​ແລະ ​ໂອ້​ລົມ​ກັບ​ນັກ​ສຶກສາ​ມະຫາວິທະຍາ​ໄລ​ແຫ່ງ​ຊາດ​ຮ່າ​ໂນ້ຍ, ຢາ​ມ​ເຂດ​ເມືອງ​ເກົ່າ​ຮ່າ​ໂນ້ຍ, ສະ​ຖາ​ບັນ​ໂລກ​ຫົວ​ໃຈ​ນະຄອນ​ໂຮ່ຈີ​ມິນ, ພົບ​ປະ​ກັບຊຸມຊົນ​ທຸລະ​ກິດ​ຝຣັ່ງຢູ່​ຫວຽດນາມ. ການ​ຢ້ຽມຢາມ​ຂອງ​ທ່ານປະທານາທິບໍດີ​ ຟຣ໊ອງຊົວ ອໍລ໊ອງ ​ໄດ້​ສິ້ນສຸດ​ລົງ​ດ້ວຍ​ຜົນສຳ​ເລັດອັນ​ຈົບ​ງານ, ປະກອບສ່ວນຊຸກຍູ້​ຄວາມ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ລະຫວ່າງ​ສອງ​ປະ​ເທດ​ໃຫ້​ຂະຫຍາຍຕົວ​ກວ່າ​ອີກ./.

ສັງ​ລວມ​ໂດຍ ​ເຟືອງ​ຈ່າ

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ