ວັນຈັນ, 18/11/2019
ທ່ານນາງປະທານສະພາແຫ່ງຊາດ ຫວຽດນາມ ສຳເລັດສິ້ນສຸດການຢ້ຽມຢາມ ປະເທດມຽນມາ ຢ່າງຈົບງາມ
20/10/2016 16:25' ສົ່ງ ພິມ

ໃນ​ທີ່​ການ​ພົບ​ປະ​ຫາລືສອງ​ຝ່າຍ, ປະທານ​ລັດຖະສະພາ​ແຫ່ງ ສາທາລະນະ​ລັດ ສະຫະພາບ​ມຽນມາ ມານ​ວິນ​ຄາງ​ຕານ ສະ​ແດງ​ຄວາມ​ຊົມ​ເຊີຍ​ຢ່າງ​ສຸດ​ໃຈ​ ຕໍ່ທ່ານ​ນາງປະທານ​ສະພາ​ແຫ່ງຊາດ​ ​ແລະ ຄະນະ​ຜູ້​ແທນ​ຂັ້ງ​ສູງ​ຂອງສະພາ​ແຫ່ງຊາດຫວຽດນາມ ທີ່​ໄດ້​ມາ​ຢ້ຽມຢາມ​ປະ​ເທດ​ມຽນມາ​ຢ່າງ​ເປັນ​ທາງ​ການ; ພ້ອມ​ນັ້ນ​ກໍ່​ອວຍພອນ​ຊົມ​ເຊີຍ​ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ທີ່​ໄດ້​ຮັບ​ເລືອກ​ຕັ້ງ​ເປັນປະທານ​ສະພາ​ແຫ່ງຊາດ​ຫວຽດນາມ ຊຸດ​ທີ XIV.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ຕາງໜ້າ​ຄະນະ​ຜູ້​ແທນ​ຂັ້ນ​ສູງສະພາ​ແຫ່ງ​ຊາດ​ຫວຽດນາມ ສະ​ແດງ​ຄວາມ​ດີ​ໃຈ ທີ່​ໄດ້​ມາ​ຢ້ຽມຢາມປະ​ເທດ​ມຽນມາ​ທີ່​ສວຍ​ງາມ ເປັນ​ຄັ້ງທຳ​ອິດ​ໃນ​ຖານະປະທານ​ສະພາ​ແຫ່ງ​ຊາດ​ຫວຽດນາມ; ພ້ອມ​ນັ້ນ​ກໍ່​ສະ​ແດງ​ຄວາມ​ຂອບ​ໃຈ​ຢ່າງ​ຈິງ​ໃຈ​ຕໍ່ ທ່ານປະທານ​ລັດຖະສະພາ​​ມຽນມາ ມານ​ວິນ​ຄາງຕານ ​ແລະ ປະຊາຊົນ​ມຽນມາ ທີ່​ໄດ້​ໃຫ້ການ​ຕ້ອນຮັບ​ຄະນະ​ຜູ້​ແທນ​ຫວຽດນາມ ຢ່າງ​ສະໜິດສະໜົມ​ແລະສົມ​ກຽດ ຊຶ່ງ​ສະ​ແດງ​ໃຫ້​ເຫັນ​ເຖິງ​ນ້ຳ​ໃຈ​ມິດຕະພາບອັນສຸດ​ຊຶ້ງ ລະຫວ່າງ​ການ​ນຳ ​ແລະ ​ປະຊາຊົນ​ສອງ​ປະ​ເທດ.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ໃຫ້​ຮູ້​ວ່າ ການ​ຢ້ຽມຢາມ​ມຽນມາ​ຄັ້ງ​ນີ້​ແມ່ນ​ເພື່ອ​ປະຕິບັດ​ຄວາມ​ຕັດສິນ​ໃຈ​ ຂອງ​ສະພາ​ແຫ່ງ​ຊາດ​ຫວຽດນາມ ທີ່​ຢາກ​ປັບປຸງ, ຊຸກຍູ້​ຄວາມ​ພົວພັນ​ມິດຕະພາບອັນ​ເປັນ​ມູນ​ເຊື້ອ ​ແລະ ການ​ຮ່ວມ​ມື​ຫຼາຍ​ດ້ານ ​ລະຫວ່າງສອງ​ລັດ, ປະຊາຊົນ​ສອງ​ປະ​ເທດ ​ຫວຽດນາມ - ມຽນມາ​ເວົ້າ​ລວມ ​ແລະ ​ເພີ່ມ​ທະວີ​ການ​ຮ່ວມ​ມື​ລະຫວ່າງ​ສອງ​ອົງການ​ນິຕິບັນຍັດ​ເວົ້າ​ໂດຍ​ສະ​ເພາະ.

​ເນື່ອງ​ໃນ​ໂອກາດ​ນີ້, ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ໄດ້​ອວຍພອນ​ຊົມ​ເຊີນ​ທ່ານມານ​ວິນ​ຄາງຕານ ທີ່​ໄດ້​ຮັບ​ຄວາມ​ເຊື່ອ​ຖື​ເລືອກ​ຕັ້ງ​ໃຫ້ດຳລົງ​ຕຳ​​ແໜ່ງປະທານ​ລັດຖະສະພາ ຄວບ​ຕຳ​ແໜ່ງປະທານສະພາສູງ​ແຫ່ງ ສາທາລະນະ​ລັດ ສະຫະພາບ​​ມຽນມາ; ພ້ອນນັ້ນ​ກໍ​ຖື​ວ່າ ການ​ທີ່​ປະ​ເທດ​ມຽນມາ​ເປັນ​ເຈົ້າພາບຈັດ​ຕັ້ງກອງ​ປະຊຸມ ສະມັດຊາໃຫຍ່ ລັດຖະສະພາ ລະຫ່ວາງຊາດ ອາຊຽນ (AIPA) ຄັ້ງທີ 37 ​ໄດ້​ສະ​ແດງ​ເຖິງ​ຄວາມ​ຮັບຜິດຊອບ ​ແລະ ບົດບາດ​ສາກົນ​ແລະ​ພາກ​ພື້ນ ​ຂອງ​ປະ​ເທດມຽນມາ ​ແລະ ຂອງ​ລັດຖະສະພາ​ມຽນມາ.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ເນັ້ນ​ຄວາມ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອຫວຽດນາມ - ມຽນມາ ​ໄດ້ມີ​ມາ​ແຕ່​ດົນ​ນາມ​ໃນ​ປະຫວັດສາດ. ມຽນມາ​ເປັນ​ໜຶ່ງ​ໃນ​ບັນດາ​ປະ​ເທດ​ທຳ​ອິດ​ຢູ່​ອາຊີ​ຕາ​ເວັນ​ອອກສຽງ​ໃຕ້​ ທີ່​ໄດ້​ສ້າງ​ຕັ້ງ​ການ​ພົວພັນ​ທາງ​ການ​ທູດ ​ກັບ​ຫວຽດດນາມ ​ແລະ ສະໜັບສະໜູນ​ຫວຽດນາມ​ຢ່າງ​ສຸດ​ໃຈ ​ໃນ​ການ​ຕໍ່ສູ້​ເພື່ອ​ປົດ​ປ່ອຍ​ຊາດ​ກ່ອນ​ໜ້າ​ນີ້. ຫວຽດນາມ​ຈົດຈຳ​ແລະທະນຸ​ຖະໜອມ​ການ​ຊ່ວຍ​​ເຫຼື​ອທີ່​ລ້ຳ​ຄ່າ​ນັ້ນ​ຢູ່​ສະ​ເໝີ. ທ່ານ​ນາງ​ປະທານ​ສະພາ​ແຫ່ງ​ຊາດ​ກໍ່​ສະ​ແດງ​ຄວາມ​ຂອບ​ໃຈ​ຕໍ່​ມຽນມາ ທີ່​ໄດ້​ສະໜັບສະໜູນ​​ໃຫ້ຫວຽດນາມສະໝັກ​ຮັບ​ເລືອ​ກຕັ້ງ ​ເປັນ​ສະມາຊິກ​ສະພາ​ເສດຖະກິດ​ແລະ​ສັງຄົມ​ແຫ່ງ​ສະຫະ​ປະຊາ​ຊາດ ວາລະ 2016 - 2018 ​ແລະ ຄະນະ​ມົນ​ຕີ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ວາລະ 2020 - 2021.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ຕີ​ລາຄາ​ສູງ​ການ​ຜັນ​ຂະຫຍາຍ​ການ​ຮ່ວມ​ມື​ລະຫວ່າງ​ສອງ​ປະ​ເທດ​ໃນ​ຂົງ​ເຂດ​ຈຳນວນ​ໜຶ່ງ​ຄື ການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ​ເສດຖະກິດ, ການ​ຄ້າ, ການ​ລົງທຶນ, ວັດທະນະທຳ, ທ່ອງ​ທ່ຽວ. ສອງຝ່າຍ​ສືບ​ຕໍ່​ຮັກສາ​ການ​ຮ່ວມ​ມື​ແບບ​ບຸລິມະສິດ​ໃນ 12 ຂົງ​ເຂດ. ປະຈຸ​ບັນ ຫວຽດນາມ​ໄດ້ລົງທຶນ​ຢູ່​ມຽນມາ​ ໃນ 11 ​ໂຄງການ​ທີ່​ໄດ້​ຮັບ​​ໃບ​ອະນຸຍາດ ດ້ວຍ​ຈຳ​ນວມ​ທຶນ​ຈົດ​ທະບຽນ​ປະມານ 700 ລ້ານ​ໂດ​ລາ​ສະຫະລັດ. ​ເພື່ອ​ຍູ້​ແຮງ​ການ​ຮ່ວມ​ມື​ລະຫວ່າງ​ສອງ​ປະ​ເທດ, ທ່ານ​ນາງປະທານ​ສະພາ​ແຫ່ງຊາດ ສະ​ເໜີ​ໃຫ້​ສະພາ​ແຫ່ງ​ຊາດ​ຂອງ​ສອງ​ປະ​ເທດ ຊຸກຍູ້​ບັນດາ​ອົງການ​ຂອງ​ລັດຖະບານ ຜັນ​ຂະຫຍາຍ​ບັນດາ​ກົນ​ໄກ​ຮ່ວມ​ມື​ທີ່​ສຳຄັນ, ​ໃນ​ນັ້ນ ມີ​ການຈັດ​ຕັ້ງ​ກອງ​ປະ​ຊຸມ​ເທື່ອ​ທີ 9 ຄະນະ​ກຳມະການ​ປະສົມ ກ່ຽວ​ກັບ​ການ​ຮ່ວມ​ມື​ສອງ​ຝ່າຍຫວຽດນາມ - ມຽນມາ ​ໃນ​ປີ 2016.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ສະ​ແດງ​ຄວາມດີ​ໃຈ​ກ່ຽວ​ກັບ​ການພົວພັນ​ທີ່​ດີງາມ​ລະຫວ່າງ​ສະພາ​ແຫ່ງ​ຊາດ​ຂອງ​ສອງ​ປະ​ເທດ​ໃນ​ເວລາ​ທີ່​ຜ່ານ​ມາ, ​ແລະ​ສະ​ເໜີ​ໃຫ້​ສະພາ​ແຫ່ງ​ຊາດ​ຂອງ​ສອງ​ປະ​ເທດ​ສືບຕໍ່ສົມທົບ​ກັນ​ໃນ​ການ​ຕິດຕາມ​ກວດກາ, ຊຸກຍູ້​ວຽກ​ງານ ​ເພື່ອ​ຜັນ​ຂະຫຍາຍ​ປະຕິບັດ​ບັນດາ​ສັນຍາ, ຂໍ້​ຕົກລົງ​ການ​ຮ່ວມ​ມື​ລະຫວ່າງ​ສອງ​ປະ​ເທດ​ ໃຫ້​ມີ​ປະສິດທິ​ຜົນ. ພ້ອມ​ນັ້ນ, ສອງ​ສະພາ​ແຫ່ງ​ຊາດ​ຈະສືບ​ຕໍ່​ການ​ຮ່ວມ​ມື, ​ແບ່ງປັນ​ບົດຮຽນ​ປະສົບ​ການນຳ​ກັນ, ​ເປັນ​ຕົ້ນ​ແມ່ນ​ໃນ​ຂົງ​ເຂດ​ກໍ່ສ້າງ​ລະບົບ​ກົດໝາຍ ​ແລະ ວຽກ​ງານ​ຕິດຕາມ​ກວດກາ​ການ​ຜັນ​ຂະຫຍາຍປະຕິບັດກົ​ດໝາຍ; ​ໃນ​ນັ້ນ​ມີ​ບັນດາ​ໂຄງການ​ລົງທຶນ​ຂອງ​ວິ​ສາ​ຫະກິດຫວຽດນາມ ຢູ່ມຽນມາ ​ໃຫ້​ຜັນ​ຂະຫຍາຍ​ຢ່າງ​ມີ​ປະສິດທິ​ຜົນ, ຖືກຕ້ອງ​ຕາມສັນຍາ ​ແລະ ປະຕິບັດ​ຕາມ​ກົດໝາຍ​ຂອງ​ມຽນມາ.

ທ່ານ​ນາງປະທານ​ສະພາ​ແຫ່ງຊາດຫວຽດນາມ ກໍ​ໄດ້​ສະ​ເໜີ​ໃຫ້​ລັດຖະສະພາ​ມຽນມາ ສືບ​ຕໍ່​ພິຈາລະນາ ​ແລະ​ສະໜັບສະໜູນ​ການ​ປັບປຸງ ​ເພີ່ມ​ເຕີມ​ທີ່​ຈຳ​ເປັນ​ ກ່ຽວ​ກັບ​ກົນ​ໄກ ນະ​ໂຍບາຍ ​ແລະ ກົດໝາຍ ​ເພື່ອ​ແນ​ໃສ່​ຍູ້​ແຮງ​ການ​ຮ່ວມ​ມື​ທາງ​ດ້ານ​ການ​ຄ້າ ການ​ລົງທຶນ​ລະຫວ່າງ​ສອງ​ປະ​ເທດ.

ທ່ານ​ປະທານລັດຖະສະພາ​ມຽນມາ ສະ​ແດງ​ຄວາມ​ຂອບ​ໃຈ​ຕໍ່​ມິດ​ຈິດ​ມິດ​ໃຈ​ອັນ​ດີງາມ​ ທີ່​ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ມີ​ຕໍ່ປະ​ເທດ​ມຽນມາ, ພ້ອມ​ນັ້ນ​ກໍ​ສະ​ແດງ​ຄວາມຍີ​ນດີ​ຕໍ່​ການ​ຂະຫຍາຍຕົວ​ຂອງ​ຄວາມ​ພົວພັນ​ມິດຕະພາບ​ອັນ​ເປັນ​ມູນ​ເຊື້ອ ​ແລະ ການ​ຮ່ວມ​ມື​ໃນ​ຫຼາຍ​ດ້າງ ​ລະຫວ່າງ​ສອງ​ປະ​ເທດ ​ໃນ​ເວລາ​ທີ່​ຜ່ານ​ມາ. ທ່ານປະທານ​ລັດຖະສະພາ​ມຽນມາ ​ໄດ້​ເຫັນ​ດີ​ນຳ​ຄວາມ​ຄິດ​ເຫັນ​ຂອງ​ທ່ານ​ນາງປະທານ​ສະພາ​ແຫ່ງຊາດ​ຫວຽດນາມ ​ແລະ ​ໃຫ້​ທັດສະນະ​ວ່າ ​ໃນ​ເວລາ​ຕໍ່​ໄປ, ສະພາ​ແຫ່ງ​ຊາດ​ຂອງ​ສອງ​ປະ​ເທດ​ຄວນ​ຍູ້​ແຮງ​ການ​ແລກປ່ຽນຄະນະ​ຜູ້​ແທນ​ຂັ້ນ​ສູງ ກໍ່​ຄື​ຜູ້​ແທນ​ຂອງ​ບັນດາ​ອົງການ​ສັງກັດ​ສະພາ​ແຫ່ງ​ຊາດ ​ເພື່ອ​ແລກປ່ຽນ, ຮ່ຳຮຽນ​ບົດຮຽນ​ປະສົບ​ການ​ໃນ​ການ​ເຄື່ອນ​ໄຫວ​ສ້າງ​ກົດໝາຍ, ການ​ຕິດຕາມ​ກວດກາ, ຍົກ​ສູນ​ຄຸນ​ນະພາ​ບຂອງ​ສະມາ​ຂິກ​ສະພາ​ແຫ່ງ​ຂາດ, ​ເພີ່ມທະວີ​ການ​ພົບ​ປະ​ແລກປ່ຽນ ​ລະຫວ່າງ​ບັນດາ​ກຸ່ມ​ສະມາຊິກ​ສະພາ​ແຫ່ງ​ຊາດ ​ຂອງ​ສອງ​ປະ​ເທດ...

ທ່ານ​ປະທານລັດຖະສະພາ​ມຽນມາ ມານ​ວິນ​ຄາງ​ຕານ ​ໄດ້​ຕີ​ລາຄາ​ສູງຕໍ່​ບັນດາ​ຜົນສຳ​ເລັດ​ດ້ານ​ເສດຖະກິດ-ສັງຄົມ​ ທີ່​ຫວຽດນາມ​ບັນລຸ​ໄດ້ໃນ​​ເວລາ​ທີ່​ຜ່ານ​ມາ, ຕໍ່ການ​ທີ່ສະພາ​ແຫ່ງຊາດຈັດ​ຕັ້ງ​ຢ່າງ​ສຳ​ເລັດ​ຜົນ​ບັນດາ​ກອງ​ປະຊຸມ​ສາກົນຄື ກອງ​ປະຊຸມ​ ສະມັດຊາໃຫຍ່ ລັດຖະສະພາ ລະຫ່ວາງຊາດ ອາຊຽນ AIPA, ສະມັດຊາ​​ໃຫຍ່ ສະຫະ​ພາບ ລັດຖະສະພາ​ໂລກ ຄັ້ງ​ທີ 132 (IPU-132)..., ທ່ານ​ປະທານ​ລັດຖະສະພາ​ມຽນມາ ​ໃຫ້​ທັດສະນະ​ວ່າ ສອງ​ປະ​ເທດ​ມີ​ຈຸດ​ທີ່​ຄ້າຍຄື​ກັນຫຼາຍ​ຈຸດ, ມຽນມາ​ມີ​ຄວາມ​ປະສົງ​ຢາກ​ແລກປ່ຽນ ຮ່ຳຮຽນ ​ແບ່ງປັນບົດຮຽນ​ປະສົມ​ການຈາກ​ການ​ປ່ຽນ​ແປງ​ໃໝ່​ຂອງ​ຫວຽດນາມ.

ປະຈຸ​ບັນ​ນີ້ ລັດຖະສະພາ​ມຽນມາພວມ​ພະຍາຍາມ​ຊຸກຍູ້​ການ​ດັດ​ແປງ​ເອກະ​ສາ​ກົດໝາຍ​ຈຳນວນ​ໜຶ່ງ​ໃຫ້​ສອງ​ຄ່ອງ​ກັບ​ເງື່ອນ​ໄຂ​ເສດຖະກິດ - ສັງຄົມ​ຂອງ​ປະ​ເທດ ກໍ​ຄື​ກໍ່ສ້າງ​ກົດໝາຍ​ໃໝ່; ​ໃນ​ນັ້ນ​ມີ​ການ​ພິຈາລະນາ, ປຶກສາ​ຫາລື ​​​ເພື່ອປັບປຸງ​ກົດໝາຍ​ກ່ຽວ​ກັບ​ການ​ລົງທຶນ ​ແນ​ໃສ່​ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ, ປະກອບສ່ວນ​ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ, ​ໃນ​ນັ້ນ​ມີ​ຫວຽດນາມ.

​ໃນ​ເວລາ​ຢ້ຽມຢາມ​ປະ​ເທດ ​ສາທາລະນະ​ລັດ ​ສະຫະພາບ​ມຽນມາ​ ຢ່າງ​ເປັນ​ທາງ​ການ, ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ໄດ້​ເຂົ້າ​ຢ້ຽມ​ຄຳນັບ ປະທານາທິບໍດີມຽນມາ ທິນຈໍ; ພົບ​ປະ​ກັບ​ປະທານ​ສະພາ​ຕ່ຳ​ແຫ່ງ​ສະຫະພາບ​ມຽນມາ ວິນມະ​ຍິນ.

​ໃນ​ບັນດາ​ການ​ພົບ​ປະ​ແລກ​ປ່ຽນສອງ​ຝ່າຍ​ຢູ່​ມຽນມາ, ບັນດາຜູ້ນຳ​ອະ​ວຸ​ໂສ​ຂອງ​ມຽນມາ ລ້ວນ​ແຕ່​ໄດ້​ຕີ​ລາຄາ​ສູງ​ຕໍ່​ບັນດາ​ຜົນສຳ​ເລັດ​ດ້ານ​ເສດ​ຖະກິດ - ສັງຄົມ​ທີ່​ຫວຽດນາມ​ບັນລຸ​ໄດ້ ​ໃນ​ການ​ປ່ຽນ​ແປງ​ໃໝ່ ​ແລະ ສະ​ແດງ​ຄວາ​ງປະສົງ​ຢາກ​ໃຫ້​ຫວຽດນາມ​ແບ່ງປັນ​ບົດຮຽນຈາກ​ຜົນສຳ​ເລັດ​ເຫຼົ່ານັ້ນ. ບັນດາ​ຜູ້​ນຳ​ມຽນມາ​ກໍ​ໃຫ້​ຮູ້​ວ່າ ປະ​ເທດ​ມຽນມາ​ກຳລັງ​ຕັ້ງໜ້າ​ພະຍາຍາມ​ສ້າງສາ​ພັດທະນາ​ປະ​ເທດ ​ແລະ​ເຊື່ອມ​ໂຍງ​ສາ​ກົນ, ຈະ​ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ທາງ​ດ້ານ​ນະ​ໂຍບາຍ ກົ​ດໝາຍ ​ເພື່ອດຶງ​ດູດ​ການ​ລົງທຶນ​ຈາກ​ພາຍ​ນອກ ​ໃນ​ນັ້ນ​ມີ​ຫວຽດນາມ.

ທ່ານ​ນາງປະທານ​ສະພາ​ແຫ່ງຊາດ​ ຫງວຽນ​ທີ້ກິມ​ເງິນ ​ໄດ້​ພົບ​ປະ​ໂອ້​ລົມກັບ​ພະນັກງານສະຖານທູດ​ຫວຽດນາມ, ພີ່ນ້ອງ​ຮ່ວມ​ຊາດ​ຊາວ​ຫວຽດນາມ ​ແລະ ວິ​ສະຫະ​ກິດ​ຫວຽດນາມ​ຢູ່​ມຽນມາ. ທ່ານ​ນາງປະທານ​ສະພາ​ແຫ່ງຊາດ ​ໄດ້​ແຈ້ງ​ຂ່າວກ່ຽວ​ກັບຜົນສຳ​​ເລັດ​ຂອງ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 1 ຂອງສະພາ​ແຫ່ງຊາດຊຸດ​ທີ XIV ​ແລະ ​ຄາດ​ວ່າໃນ​ປີ 2017, ສະພາ​ແຫ່ງຊາດຈະ​ພິສາລະ​ນາ​ຮັບຮອງ ​ກົດໝາຍ​ວ່າ​ດ້ວຍອົງການ​ຜູ້ຕາງໜ້າ ສະບັບ​ປັບປຸງ.

ທ່ານ​ນາງປະທານ​ສະພາ​ແຫ່ງຊາດ ​ໄດ້​ຕີ​ລາຄາ​ສູງຈິດ​ໃຈ​ອອກ​ແຮງ​ງານ​ຢ່າງຂະຫຍັນ​ໝັ່ນ​ພຽນ, ຄວາມ​ມານະ​ພະຍາຍາມ​ຜ່ານ​ຜ່າ​ຄວາມ​ຫຍຸ້ງຍາກ ​ແລະ ຫັນ​ໜ້າ​ເມືອ​ສູ່​ບ້ານ​ເກີດ​ເມືອງ​ນອນ ຂອງ​ຊາວ​ຫວຽດນາມ​ຢູ່​ມຽນມາ; ພ້ອມ​ນັ້ນ​ກໍ​ຫວັງ​ວ່າ​ພີ່ນ້ອງ​ຮ່ວມ​ຊາດ​ຊາວ​ຫວຽດນາມ​ຢູ່​ມຽນມາ ​ຈະ​ເປັນ​ປັດ​ໃຈ​ທີ່​ສຳຄັນ​ປະກອບສ່ວນ​ເພີ່ມ​ພູນ​ຄູນ​ສ້າງສາ​ຍພົວພັນ​ມິດຕະພາບຫວຽດນາມ - ມຽນ​ມາ./.

ໂດຍ ບນ (ສັງ​ລວມຈາກ​ຂ່າວສານ​ຫວຽດນາມ)

Other Stories

ບົດທີ່ມີຜູ້ອ່ານຫລາຍສຸດ

ບົດໃໝ່ສຸດ