ວັນອັງຄານ, 22/10/2019
  • ກໍ່ສ້າງວັດທະນະທຳໃນເສດຖະກິດ ເພື່ອການພັດທະນາແບບຍືນຍົງຂອງປະເທດຫວຽດນາມ

    ວກ. - ກໍ່ສ້າງ​ວັດທະນະທຳ​ໃນ​ເສດຖະກິດ, ກໍ່ສ້າງ​ວັດທະນະທຳ​ວິ​ສາ​ຫະກິດ, ວັດທະນະທຳ​ນັກທຸລະ​ກິກ ດ້ວຍ​ຄວາມ​ມີ​ສະຕິ​ເຄົາລົບ​ກົດໝາຍ, ຮັກສາ​ສັດທາ, ​ແຂ່ງຂັນ​ທ່ຽງ​ທຳ... ​ແມ່ນ​ແຜນ​ນະ​ໂຍບາຍ​ທີ່​ສອດ​ຮ້ອຍ​ຕະຫຼອດ​ຫຼາຍ​ກອງ​ປະຊຸມ​ໃຫຍ່​ຂອງ​ພັກ ​ແລະ ລັດ​ຫວຽດນາມ. ​ແຕ່​ສະ​ພາບ​ຕົວ​ຈິງ, ຍັງ​ມີ​ຂໍ້​ຈຳກັດ ຕິດ​ຂັດ​ຫຼາຍ ​ໃນ​ຂະ​ບວນການຈັດ​ຕັ້ງ​ປະຕິບັດ ​ເຊິ່ງຮຽກຮ້ອງ​ໃຫ້​ມີ​ມາດ​ຕະການ​ພື້ນຖານ​ແລະ​ມີ​ປະສິດທິ​ຜົນ ​ເພື່ອສ້າງ​ວັດທະນະທຳ​ໃນ​ເສດຖະກິດ ມຸ່ງ​ໄປ​ສູ່​ການ​ພັດທະນາ​ແບບ​ຍືນ​ຍົງ​ຂອງ​ປະ​ເທດ​ຊາດ.

  • ວັດທະນະທຳ ກັບການພັດທະນາແບບຍືນຍົງຂອງປະເທດ

         ວກ. - ນັບແຕ່​ຊຸມ​ປີ​ທ້າຍ​ສະ​ຕະ​ວັດທີ XX, ໃນ​ພາກຕົວ​ຈິງ​ແຫ່ງ​ການ​ພັດ​ທະ​ນາເສດ​ຖະ​ກິດ-ສັງ​ຄົມ, ພິ​ເສດ​ແມ່ນ​ການ​ວິ​ກິດ​ດ້ານ​ການ​ເງິນ​​ຂະ​ໜາດ​​ໃຫຍ່​ໃນ​ທົ່ວ​ໂລກ ​ເຊິ່ງ​ໄດ້​ວາງ​ອອກ​ຄວາມ​ຮຽກ​ຮ້ອງຕ້ອງ​ການ​ພັດ​ທະ​ນາ​ເສດ​ຖະ​ກິດ​ແບບ​ຍືນ​ຍົງ. ມີຫຼາຍ​ບັນ​ຫາ​ທີ່​ໄດ້​ວາງ​ອອກຄື ​ການ​ພົວ​ພັນ​ລະ​ຫວ່າງ​ການ​ເຕີບ​ໂຕແລະການ​ພັດ​ທະ​ນາ, ບັນ​ດາ​ປັດ​ໄຈທີ່ຮັບ​ປະ​ກັນ​ການ​ພັດ​ທະ​ນາ​ແ​ບບຍືນ​ຍົງ ແລະ ການ​ພົວ​ພັນ​ສັດ​ຈະ​ວິ​ພາກ​ລະຫວ່າງ​ປັດ​​ໄຈ​ເຫຼົ່າ​ນັ້ນ; ບົດ​ບາດ​ຂອງວັດ​ທະ​ນະ​ທຳ, ວິ​ທີ​ການ​ຊີ້​ນຳ ແລະ ການ​ຈັດ​ຕັ້ງ​​ຕົວ​ຈິງ​ ເພື່ອ​ຮັບ​ປະ​ກັນ​​ກາ​ນ​ພັດ​ທະ​ນາ​ແບບ​ຍືນ​ຍົງ. ນັ້ນ​ແມ່ນ​ບັນ​ຫາ​​ທີ່ຕ້ອງ​ການ​ແກ້​ໄຂ​ຂອງ​ແຕ່​ລະ​ປະ​ເທດ​ໃນ​ໂລກ, ເຊິ່ງ​ໃນ​ນັ້ນມີ​ປະ​ເທດຫວຽດ​ນາມ.

  • ປັບປຸງບູລະນະລະບຽບກົດໝາຍວັດທະນະທຳ ເພື່ອຕອບສະໜອງຄວາມຕ້ອງການພັດທະນາປະເທດແບບຍືນຍົງ

         ວກ. - ​ໃນ​ສະ​ໄໝ​ແຫ່ງ​ການ​ຍູ້​ແຮງ​ການ​ຫັນ​ເປັນ​ອຸດສາຫະກຳ ທັນ​ສະ​ໄໝ ​ແລະ​ເຊື່ອມ​ໂຍງ​ສາກົນ​ປະຈຸ​ບັນ, ໜຶ່ງ​ໃນ​ຄວາມ​ຕ້ອງການ​ທີ່​ສຳຄັນ​ທີ່​ສຸດ​ສຳລັບ​ວັດທະນນະ​ທຳຫວຽດນາມ​ແມ່ນ ຄວາມຈຳ​ເປັນ​ຕ້ອງ​ປັບປຸງ​ບູລະນະລະບຽບ​ກົດໝາຍ​ວັດທະນະທຳ​ໃຫ້​ສອດຄ່ອງ​ກັບ​ເງື່ອນ​ໄຂ​ໃໝ່, ​ເພື່ອ​ໃຫ້​ວັດທະນະທຳ​ກາຍ​ເປັນ​ພື້ນຖານທາງ​ຈິດ​ໃຈ​ທີ່​​ເຂັ້ມ​ແຂງ​ຂອງ​ສັງຄົມ, ​ແມ່ນ​ພະລັງ​ພາຍ​ໃນ​ທີ່​ສຳຄັນ​ເພື່ອ​ຮັບປະກັນ​ການ​ພັດທະນາ​ຢ່າງ​ຍືນ​ຍົງ ​ແລະ ປົກ​ປັກ​ຮັກສາ​ປະ​ເທດ​ຊາດ​ຢ່າງ​ໜັກ​ແໜ້ນ.

  • ແນວຄິດໂຮ່ຈີມິນກ່ຽວກັບຄວາມເຊື່ອຖືນຳໃຊ້ປັນຍາຊົນ ແລະ ຂໍ້ສະເໜີແນະສຳລັບມື້ນີ້

        ວກ. - ປະທານ​ໂຮ່ຈີ​ມິນ ​ແມ່ນ​ປັນຍາ​ຊົນ​ຄົນ​ໜຶ່ງ ​ແລະ ​ເມື່ອ​ດຳລົງ​ຕຳ​ແໜ່​ງຫົວໜ້າ​ປະ​ເທດ, ​ເພິ່ມ​ໄດ້​ເອົາ​ໃຈ​ໃສ່​ທີ່​ສຸດ​ເຖິງ​ປັນຍາ​ຊົນ​ແລະບັນຫາ​ປັນຍາ​ຊົນ. ​ແນວ​ຄິດ​ກ່ຽວ​ກັບ​ປັນຍາ​ຊົນ​ຂ​ອງ​​ໂຮ່ຈີ​ມິນ​ໄດ້​ເປັນ​ຮູບ​ເປັນ​ຮ່າງ​ຂຶ້ນ​ເມື່ອ​ເພິ່ນ​ຍັງ​ເຄື່ອນ​ໄຫວ​ຢູ່​ຕ່າງປະ​ເທດ ​ແລະ ​ໄດ້​ສະ​ແດງ​ອອກ​ຢ່າງ​ຈະ​ແຈ້ງ​ທີ່​ສຸດ​ພາຍຫຼັງ​ການ​ປະຕິວັດ​ເດືອນ​ສິງຫາປີ 1945, ​ໂດຍ​ສະ​ເພາະ​ແມ່ນ​ໃນ​ການ​ສ້າງ​ຕັ້ງ​ລັດຖະບານ​ເວລາ​ນັ້ນ. ດ້ວຍແນວ​ຄິດ​​ເຊື່ອ​ຖືນຳ​ໃຊ້​ປັນຍາ​ຊົນ, ປະທານ​ໂຮ່ຈີ​ມິນ​ໄດ້​ເຕົ້າ​ໂຮມ​ປັນຍາ​ຊົນ​ຫຼາຍ​ຄົນ​ຢູ່​ອ້ອມ​ຂ້າງ​ຕົນ ​ເຊິ່ງ​ແມ່ນ​ປັນຍາ​ຊົນ​ທີ່​ມີ​ຊື່​ສຽງ, ມີ​ຄວາມ​ເຕັມ​ໃຈ​ແລະ​ສຸດ​ອົກ​ສຸດ​ໃຈ​ຮັບ​ໃຊ້​ປະ​ເທດ​ຊາດ​ແລະ​ປະຊາຊົນ. ປະຕິບັດ​ແນວ​ຄິດ​ເຊື່ອ​ຖືນຳໃຊ້​ປັນຍາ​ຊົນ​ຂອງ​ໂຮ່ຈີ​ມິນ, ​ໃນ​ຊຸມ​ປີ​ທີ່​ຜ່ານ​ມາ​ມໍ່​ນີ້, ພັກ​ແລະ​ລັດ​ຫວຽດນາມ​ໄດ້​ມີ​​ແນວທາງ​ແລະ​ນະ​ໂຍບາຍ​ຕ່າງໆ​ເພື່ອດຶງ​ດູດ​ແລະ​ເຊື່ອ​ຖື​ນຳ​ໃຊ້​ຖັນ​ແຖວ​ປັນຍາ​ຊົນ.

  • ບົດບາດຂອງແນວຮົມປະເທດຊາດຫວຽດນາມ ໃນການເປີດກວ້າງ, ປັບປຸງກຸ່ມກ້ອນມະຫາສາມັກຄີປວງຊົນທັງຊາດໃນສະໄໝໃໝ່

         ວກ.ອອນ​ໄລ - ​ໃນ 88 ປີ​ແຫ່ງ​ການກໍ່​ສ້າງແລະພັດ​ທະ​ນາ, ພາຍ​​ໃຕ້​ກາ​ນ​ນຳ​ພາ​ຂອງ​ພັກ​ກອມ​ມູ​ນິດຫວຽດ​ນາມ, ແນວ​ໂຮມ​ປະ​ເທ​ດ​ຊາດ​ຫວຽດ​ນາມ​ໄດ້​ເສີມ​ຂະ​ຫຍາຍ​ບົດ​ບາດ​ຂອງ​ຕົນ ​ໃນ​ການ​ປັບ​ປຸງ​ກຸ່ມ​ກ້ອນ​ມະ​ຫາສາ​ມັກ​ຄີ​ປວງ​ຊົນທັງ​ຊາດ, ຈາກນັ້ນ​ໄດ້​ເຮັດຫຼ້ອນ​ໜ້າ​ທີ່​ອັນ​ສະ​ຫງ່າ​ລາ​ສີ​ຂອງ​ຕົນ​​ ໃນ​ການ​ປະ​ຕິ​ບັດ​ຄວາມ​ຮຽກ​ຮ້ອງ ​ແລະ ໜ້າ​ທີ່​ການປະ​ຕິ​ວັດ​ຂອງ​ພັກ, ເພື່ອ​ຄວາມ​ຜາ​ສຸກ​ຂອງ​ປະ​ຊາ​ຊົນ.

  • ກໍ່ສ້າງຮູບແບບ “ຂົນຂວາຍປະຊາຊົນເກ່ງ” ຕິດກັບຜົນປະໂຫຍຂອງປະຊາຊົນ, ບົດຮຽນຈາກພາກປະຕິບັດ

         ວກ. - ​ໃນ​ຂະ​ບວນການ​ປະຕິວັດ​ຫວຽດນາມ, ຈາກ​ການຕໍ່ສູ້​ຍາດ​ເອົາ​ເອກະລາດ​ແຫ່ງ​ຊາດ ຈົນ​ເຖິງ​ການ​ສ້າງສາ​ແລະ​ປົກ​ປັກ​ຮັກສາ​ປະ​ເທດ​ຊາດສັງຄົມ​ນິຍົມ, ພັກ​ແລະ​ລັດ​ຍາມ​ໃດ​ກໍ່​ຊາບ​ຊຶມຄຳ​ສອນ​ຂອງ​ປະທານ​ໂຮ່ຈີ​ມິນ: “ຫວຽດນາມ​ແມ່ນ​ປະ​ເທດ​ປະຊາທິປະ​ໄຕ. ​​ຜົນ​ປະ​ໂຫຍ​ດທັງ​ໝົດ​ເພື່ອ​ປະຊາຊົນ. ​ອຳນາດ​ທັງ​ໝົດ​​ເປັນ​ຂອງ​ປະຊາຊົນ, ອຳນາດ​ແລະ​ກຳລັງ​ຢູ່​ໃນ​ປະຊາຊົນ, ພະລັງ​ຂອງ​ປະຊາຊົນ​ແມ່ນ​ໃຫຍ່​ຫຼວງ​ທີ່​ສຸດ, ການ​ຂົນຂວາ​ມປະຊາຊົນ​ມີ​ຄວາມ​ສຳຄັນ​ທີ່​ສຸດ. ຂົນ​ຂວາຍ​ປະຊາຊົນບໍ່​ດີ ທຸກ​ສິ່ງ​ທຸກ​ຢ່າງ​ກໍ່​ບໍ່​ດີ. ຂົນຂວາຍ​ປະຊາຊົນ​ເກ່ງ ທຸກ​ສິ່ງ​ທຸ​ກຢ່າງຈະ​ປະສົບ​ຄວາມ​ສຳ​ເລັດ”(1).

  • ກໍ່ສ້າງຕົວເມືອງສະຫຼາດ ຢູ່ນະຄອນຫຼວງຮ່າໂນ້ຍ ໃນສະພາບການປະຕິວັດອຸດສາຫະກຳຄັ້ງທີສີ່

    ວກ. - ການ​ກໍ່ສ້າງ​ຕົວ​ເມືອງ​ສະຫຼາດ​ຢູ່ນະຄອນຫຼວງ​ຮ່າ​ໂນ້ຍ ​ໃນ​ສະພາບການປະຕິວັດ​ອຸດສາຫະກຳ​ຄັ້ງ​ທີ​ສີ່ ຕ້ອງ​ເອົາ​ໃຈ​ໃສ່​ເປັນ​ພິ​ເສດ​ເຖິງ ​ແຫຼ່ງບຸກຄະລາ​ກອນ​ໃນ​ຂົງ​ເຂດ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ, ນັບ​ແຕ່​ການ​ເພີ່ມ​ທະວີ​ການ​ຝຶກ​ອົບຮົມ, ກໍ່ສ້າງ​ຖັນ​ແຖວ​ພະນັກງານບໍລິຫານ ຄຸ້ມ​ຄອງ​ທີ່​ມີ​ຈິນຕະນາການ​ເຕັກ​ໂນ​ໂລ​ຊີ ​ແລະ ນຳ​ໃຊ້​ຢ່າງ​ຊຳນານບັນດາ​ວິທີ​ປະ​ຍຸກ​ເຕັກ​ໂນ​ໂລ​ຊີ​ສື່ສານ ​ເພື່ອສ້າງ​ຂ້າ​ລັດຖະການ​ເອ​ເລັກ​ໂຕຣນິກຮຸ່ນ​ໜຶ່ງຂຶ້ນ, ຈົນ​ເຖິງ​ການ​ເຊື່ອມ​ຕໍ່​ກັບ​ເຄືອ​ຂ່າຍບັນດາ​ນັກວິທະຍາສາດ ​ແລະປັນຍາ​ຊົນໜຸ່ມ ​ເພື່ອ​ເຕົ້າ​ໂຮມ​ສະຕິ​ປັນຍາ​ເຂົ້າ​ໃນ​ການ​ກໍ່ສ້າງ​ຕົວ​ເມືອງ​ສະຫຼາດ. ນະຄອນ​ຮ່າ​ໂນ້ຍສົ່ງ​ເສີມ​ການ​ຄົ້ນຄວ້າບັນດາ​ວິທີ​ປະ​ຍຸກສະຫຼາດ, ວິທີ​ແກ້​ໄຂ​ສະຫຼາດ ​ໃນ​ທຸກ​ຂົງ​ເຂດ​ຂອງ​ຊີວິດ​ສັງຄົມ ​ແລະ ວາງ​ແຜນ​ທີ່​ຈະ​ຍື່ນ​ຕໍ່​ລັດຖະບານ ​ເພື່ອ​ຂໍອະນຸຍາດ​ໃຫ້ມີ​ການຈັດ​ຕັ້ງຊຸດ​ຮຽນ​ກ່ຽວ​ກັບ​ເຕັກ​ໂນ​ໂລ​ຊີ 3D, ປັນຍາ​ປະດິດ,... ຢູ່​ໃນ​ໂຮງຮຽນ​ມັດທະຍົມ ​ເພື່ອ​ໃນ​ເວລາ 10 ຫາ 15 ປີ​ຕໍ່ໜ້າ, ຮ່າ​ໂນ້ຍຈະ​ມີພະນັກງານທີ່​ຕອບ​ສະໜອງຄວາມ​ຕ້ອງການ​ສຳລັບ​ເຕັກ​ໂນ​ໂລ​ຊີ​ທີ່​ສຳຄັນ​ເຫຼົ່າ​ນີ້.

  • ຍົກສູງປະສິດທິຜົນການເຄື່ອນໄຫວຊັບສິນທາງປັນຍາ ຢູ່ຫວຽດນາມ ເພື່ອຕອບສະໜອງຄວາມຕ້ອງການພັດທະນາ ແລະ ເຊື່ອມໂຍງສາກົນ

         ວກ. - ​ໃນ​ຍຸກ​ສະ​ໄໝ​ທີ່​ວິທະຍາສາດ​ແລະ​ເຕັກ​ໂນ​ໂລ​ຊີ​ຂະຫຍາຍຕົວ​ຢ່າງ​ໄວວາ, ກຳມະສິດຊັບ​ສິນ​ທາງ​ປັນຍານັບ​ມື້​ນັບ​ກາຍ​ເປັນ​ໜຶ່ງ​ໃນ​ບັນດາ​ເຄື່ອງມື​ທີ່​ໄດ້​ໃຊ້​ເພື່ອ​ຍົກ​ສູງກຳລັງ​ແຮງ​ແຂ່ງຂັນ​ຂອງ​ວິ​ສາ​ຫະກິດ ​ແລະ ຂອງທັງ​ພື້ນຖານ​ເສດຖະກິດ​ແຫ່ງ​ຊາດ, ​ໃນ​ນັ້ນ​ມີ​ປະ​ເທດຫວຽດນາມ. ດັ່ງ​ນັ້ນ, ຕ້ອງການ​ຍົກ​ສູງ​ປະສິດທິ​ຜົນ​ການ​ເຄື່ອນ​ໄຫວຊັບ​ສິນ​ທາງ​ປັນຍາຢູ່​ປະ​ເທດ​ເຮົາ​ໃນ​ປະຈຸ​ບັນ ​ເພື່ອ​ຍາດ​ແຍ່ງ​ເອົາ​ໂອກາດ​ກໍ່​ຄື​ແກ້​ໄຂ​ສິ່ງ​ທ້າ​ທາຍ​ຕ່າງໆ​​ ໃນ​ຂະ​ບວນວິວັດ​ແຫ່ງ​ການ​ພັດທະນາ​ແລະ​ການ​ເຊື່ອມ​ໂຍງ​ສາກົນ.

  • ສ້າງເງື່ອນໄຂອຳນວຍຄວາມສະດວກ ໃຫ້ແກ່ການພັດທະນາສາທາລະນະສຸກນອກພາກລັດ ຕາມຮູບແບບການຮ່ວມມືພາກລັດ - ເອກະຊົນ

    ວກ. - ສາທາລະນະ​ສຸກ​ແມ່ນ​ໜຶ່ງ​ໃນ​ບັນດາ​ຂົງ​ເຂດ​ທີ່​ພັກ, ລັດ​ແລະ​ລັດຖະບານ​ໃຫ້​ບຸລິມະສິດ​ໃນ​ການຈັດ​ແບ່ງ​ແຫຼ່ງພະລັງ​ລົງທຶນ ຈາກ​ງົບປະມານຂອງ​ລັດ, ຈາກ​ພັນທະບັດ​ລັດຖະບານ​​ແລະ​ຈາກທຶນ​ຊ່ວຍ​ເຫຼືອ​ການ​ພັດທະນາ​ຢ່າງ​ເປັນ​ທາງ​ການ (ODA)... ​ແຕ່​ວ່າ, ຄວາມ​ຕ້ອງການ​ລົງ​ທຶນ​ໃນ​ຂົງ​ເຂດສາທາລະນະ​ສຸກ​ແມ່ນ​ຫຼາຍ​ທີ່​ສຸດ ​ເຊິ່ງ​ແຫຼ່ງທຶນ​ງົບປະມານ​ຂອງ​ລັດບໍ່​ສາມາດ​ຕອບ​ສະໜອງ​ໄດ້​ຢ່າງ​ພຽງພໍ. ດັ່ງ​ນັ້ນ, ການ​ດຶງ​ດູດ​ເອົາ​ແຫຼ່ງພະລັງ​ສັງຄົມ​ໂດຍ​ຜ່ານ​ຮູບ​ການ​ຮ່ວມ​ມື​ພາກ​ລັດ-​ເອກະ​ຊົນ​ແມ່ນ​ວິທີ​ແກ້​ທີ່​ດີ​ ເພື່ອ​ຊຸກຍູ້​​ໃຫ້ຂະ​ແໜງ​ການສາທາລະນະ​ສຸກພັດທະນາ. ຍ້ອນ​ວ່າ, ຜ່ານ​ຮູບ​ການ​ຮ່ວມ​ມື​ນີ້, ຂະ​ແໜງ​ການສາທາລະນະ​ສຸກບໍ່​ພຽງ​ແຕ່​ລະດົມ​ໄດ້​ແຫຼ່ງການ​ເງິນ​ເທົ່າ​ນັ້ນ ຫາກ​ຍັງສວຍ​ໃຊ້​ໄດ້​ບົດຮຽນ, ລະດັບ​ເຕັກນິກ, ຮູບ​ແບບ​ການ​ຄຸ້ມ​ຄອງ, ການ​ໃຫ້ບໍລິການຂອງພາກສ່ວນສາທາລະນະ​ສຸກນອກ​ພາກ​ລັດ ​ເພື່ອ​ໃຫ້​ພາກ​ລັດ​ແລະ​ເອກະ​ຊົນສົມທົບ​ກັນ​ໃຫ້​ບໍ​ລະກາ​ນສາທາລະນະ​ສຸກ ​ແລະ​ເບິ່ງ​ແຍງ​ດູ​ແລ ສຸຂະພາບ​ຢ່າງ​ມີ​ຄຸນ​ນະພາ​ບ, ຕອບ​ສະໜອງ​ຄວາມ​ຕ້ອງການ​ຂອງ​ປະຊາຊົນ​ທຸກ​ຄົນ.

  • ພັດທະນາບຸກຄະລາກອນວິທະຍາສາດ-ເຕັກໂນໂລຊີ ຕອບສະໜອງຄວາມຕ້ອງການຂອງ ການປະຕິວັດອຸດສາຫະກຳຄັ້ງທີສີ່ ແລະການເຊື່ອມໂຍງສາກົນທີ່ນັບມື້ກວ້າງຂວາງເລິກເຊິ່ງ

    ວກ. - ພາຍຫຼັງ 20 ປີ​ແຫ່ງ​ການ​ປະຕິບັດ​ມະຕິ​ຂອງ​ກອງ​ປະຊຸມ​ສູນ​ກາງ​ພັກ​ຄັ້ງ​ທີ 3 ສະ​ໄໝ​ທີ VIII ກ່ຽວ​ກັບ “​ແຜນ​ຍຸດ​ທະ​ສາດ​ພະນັກງານ​ໃນ​ສະ​ໄໝ​ແຫ່ງ​ການ​ຍູ້​ແຮງ​ການ​ຫັນ​ປະ​ເທດ​ເປັນ​ອຸດສາຫະກຳ ທັນ​ສະ​ໄໝ”, ຖັນ​ແຖວ​ພະນັກງານວິທະຍາສາດ​ແລະ​ເຕັກ​ໂນ​ໂລ​ຊີ​ໄດ້​ມີ​ບາດກ້າວ​ຂະຫຍາຍຕົວ​ພໍ​ຄວນ, ​ເພີ່ມ​ຂຶ້ນ​ທາງ​ດ້ານ​ປະລິມານ​ແລະ​ຄຸນ​ນະພາ​ບຢ່າງ​ບໍ່​ຢຸດ​ຢັ້ງ, ​ເຕີບ​ໃຫຍ່​ໃນ​ທຸກ​ດ້ານ, ​ໄດ້​ຫັນ​ເປັນ​ມາດຕະຖານ​ແລະ​ໜຸ່ມ​ເທື່ອ​ລະ​ກ້າວ, ​ໄດ້​ປັບ​ຕົວ​ໃຫ້​ເຂົ້າ​ກັບ​ໜ້າ​ທີ່​ໃນ​ໄລຍະ​ໃໝ່ ​ແລະ ມີ​ສ່ວນ​ຮ່ວມ​ທີ່​ສຳຄັນ​ໃນ​ພາລະກິດ​ການ​ສ້າງສາ​ແລະ​ປົກ​ປັກ​ຮັກສາ​ປະ​ເທດ​ຊາດ.

1 2 3 4 5 6

ບົດທີ່ມີຜູ້ອ່ານຫລາຍສຸດ

Video