ຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ
ແຜ່ກະຈາຍສູ່ກອງທັບປະຊາຊົນຫວຽດນາມ
ແຜ່ກະຈາຍສູ່ກອງທັບປະຊາຊົນຫວຽດນາມ
ພົນເອກ ຫວໍງວຽນຢ໋າບ ລາຍງານຕໍ່ປະທານ ໂຮ່ຈີມິນ ກ່ຽວກັບບັ້ນຮົບຫວຽດບັ້ກ (ໃນລະດູໃບໄມ້ຫຼົ່ນ - ລະດູໜາວ 1947). ມີ້ແມ່ນບັ້ນໄຊຊະນະໃຫຍ່ທຳອິດ ຂອງກອງທັບປະຊາຊົນຫວຽດນາມ ຕໍ່ພວກລ່າເມືອງຂຶ້ນຝຣັ່ງ ທີ່ທ່ານພົນເອກບັນຊາໂດຍກົງ _ພາບ: qdnd.vn
ພົນເອກ ຫວໍງວຽນຢ໋າບ ແມ່ນລູກສິດທີ່ຍອດຍ້ຽມ ແລະ ໃກ້ຊິດຂອງປະທານໂຮ່ຈີມິນ, ທ່ານ “ພົນເອກຂອງປະຊາຊົນ”, ຜູ້ຊາຍທີ່ມີຊື່ສຽງຕຳນານໃນປະຫວັດສາດສະໄໝໃໝ່ຂອງຊາດຫວຽດນາມ. ທ່ານເປັນຜູ້ຄົ້ນຄວ້າ ກຳແໜ້ນ ແລະ ໝູນໃຊ້ແນວຄິດການທະຫານຂອງໂຮ່ຈີມິນ ເຂົ້າໃນພຶດຕິກຳສົງຄາມຢ່າງປະດິດສ້າງ; ພ້ອມກັນນັ້ນ, ຊາບຊຶມແນວທາງສົງຄາມປະຊາຊົນຢ່າງເລິກເຊິ່ງ, ຢືນຢ່າງໜັກແໜ້ນບົນພື້ນຖານການເມືອງຂອງກ້ອນກຳລັງສາມັກຄີປວງຊົນທັງຊາດ ເພື່ອລະດົມຈິດໃຈ ແລະ ຈັດຕັ້ງກຳລັງທົ່ວປວງຊົນຖືອາວຸດເພື່ອຕໍ່ສູ້ກັບສັງຕູ. ຄວາມກ້າຫານ ສະຕິປັນຍາ ແບບແຜນ ວິທີການ ຄຸນກຳ ແລະ ຄວາມເກັ່ງກ້າຂອງທ່ານ ແມ່ນການຕົກຜະລຶກຂອງຂະບວນການຝຶກຝົນຫຼໍ່ຫຼອມ ຮຽນຮູ້ ແລະ ເຮັດຕາມແນວຄິດ ຄຸນສົມບັດ ແບບແຜນໂຮ່ຈີມິນ. ພົນເອກ ຫວໍງວຽນຢ໋າບ ເປັນສັນຍາລັກທີ່ເຫຼື້ອມປະກາຍ ຂອງຄຸນສົມບັດປະຕິວັດ ດ້ວຍຄຸນທາດທີ່ໂດດເດັ່ນ “ຖືວຽກບ້ານການເມືອງເປັນສູງສຸດ”.
ໃນຕະຫຼອດຊີວິດການເຄື່ອນໄຫວຂອງຕົນ, ທິດນຳຂອງການດຳລົງຊີວິດແລະການເຮັດວຽກແມ່ນເພື່ອມະນຸດ, ເພື່ອປະຊາຊົນ ດ້ວຍຄວາມຮັກແພງອັນເລິກເຊິ່ງໄດ້ກາຍເປັນແກ່ນແທ້ຂອງທ່ານພົນເອກ. ເພິ່ນເປັນສັນຍາລັກຂອງບຸກຄະລິກກະພາບທີ່ເປັນແບບຢ່າງ, ເປັນນາຍພົນທີ່ນໍາພາກອງທັບຕໍ່ສູ້ສັດຕູດ້ວຍຄວາມປາຖະໜາອັນຮ້ອນແຮງ, ຄວາມປາຖະໜາອັນສູງສຸດ ເພື່ອສັນຕິພາບແລະຄວາມສຸກຂອງປະຊາຊົນ. ຄວາມຮັບຮູ້ທີ່ເລິກເຊິ່ງກ່ຽວກັບບົດບາດຂອງມະຫາປະຊາຊົນ ໄດ້ຮັບການສະຫຼຸບແລະສັງລວມເປັນຈິນຕະນາການຍຸດທະສາດ ກ່ຽວກັບສົງຄາມປະຊາຊົນ ດ້ວຍການສືບທອດແກ່ນແທ້ຂອງສິລະປະການທະຫານຫວຽດນາມໃນປະຫວັດສາດ ແລະ ພັດທະນາໄປສູ່ລະດັບໃໝ່. ທ່ານພົນເອກຍາມໃດກໍເຊື່ອໝັ້ນໃນກຳລັງແຮງຂອງປະຊາຊົນ, ບ່ອນທີ່ມີການເຕົ້າໂຮມນ້ຳໃຈຮັກຊາດ, ເຈດຈຳນົງຕັດສິນໃຈ, ພະລັງສາມັກຄີ, ຄວາມກ້າຫານ ແລະ ສະຕິປັນຍາຂອງຄົນຫວຽດນາມ ຜ່ານຫຼາຍພັນປີແຫ່ງປະຫວັດສາດ ແລະ ໄດ້ເພີ່ມທະວີຂຶ້ນທົບເທົ່າໃນສົງຄາມປົດປ່ອຍປະເທດຊາດ ພາຍໃຕ້ການນຳພາຂອງພັກກອມມູນິດຫວຽດນາມ.
ມະນຸດອາລະຍະທຳໃນພົນເອກ ຫວໍງວຽນຢ໋າບ ແມ່ນເຫດຜົນຂອງຊີວິດ, ແມ່ນຄຸນສົມບັດຂອງຊາວພັກກອມມູນິດທີ່ຈົງຮັກພັກດີ ແລະ ເປັນແບບຢ່າງ; ແມ່ນມະໂນທຳ, ຄວາມຖືກຕ້ອງ ແລະ ຄວາມຮັກແພງມະນຸດ; ແມ່ນຄວາມຕັ້ງໝັ້ນ, ຄວາມອົດທົນ, ຄວາມທຸ່ນທ່ຽງ, ປັນຍາ, ຄວາມສາມາດຈິນຕະນາການ ແລະ ວິໄສທັດທີ່ສຽບແຫຼມເມື່ອປະເມີນທ່າສະໜາມຮົບການທະຫານແລະການທູດ ເພື່ອການຕັດສິນໃຈທີ່ດີທີ່ສຸດ ແລະ ສົມເຫດສົມຜົນທີ່ສຸດ. ຕໍ່ກັບຂັ້ນລຸ່ມ ແລະ ພະນັກງານ ນັກຮົບໃນກອງກຳລັງປະກອບອາວຸດ, ທ່ານພົນເອກທັງເຂັ້ມງວດ ທັງມີຄວາມອະນຸໂລມ, ເມດຕາອະໄພ, ຮັກແພງສຸດໃຈ, ຢູ່ກັນຢ່າງສາມັກຄີ, ໃກ້ຊິດ ສະໜິດສະໜົມ. ມະນຸດອາລະຍະທຳໃນເພິ່ນຍັງແມ່ນຄວາມຖ່ອມຕົນໃນພຶດຕິກໍາ, ການພົວພັນກັບກຸ່ມ, ກັບສະຫາຍແລະເພື່ອນຮ່ວມທີມ. ທ່ານພົນເອກໄດ້ຄິດສະເໝີວ່າ, ເຖິງວ່າບຸກຄົນຈະມີຄວາມສາມາດພຽງໃດ, ຖ້າຫາກບໍ່ມີຄະນະຜູ້ນຳທີ່ສະຫຼາດແລະຖືກຕ້ອງ, ບໍ່ມີຊາດທີ່ວິລະຊົນແລະກອງທັບວິລະຊົນ, ກໍ່ບໍ່ສາມາດສ້າງຜົນງານ, ຜົນສຳເລັດອັນໃດໄດ້. ເພິ່ນເວົ້າວ່າ: “…ພຽງແຕ່ປະຊາຊົນຫວຽດນາມເທົ່ານັ້ນທີ່ຊະນະອາເມລິກາ, ແລະນາຍພົນໃດ, ບໍ່ວ່າຈະມີຄຸນງາມຄວາມດີປານໃດ, ກໍເປັນພຽງຢາດນ້ຳໃນທະເລ”(1).
ຄວາມຖ່ອມຕົວຂອງທ່ານພົນເອກຍັງໄດ້ສະແດງໃຫ້ເຫັນເຖິງການແບ່ງປັນ ແລະ ຄວາມຮັກແພງອັນເລິກເຊິ່ງ ຕໍ່ພີ່ນ້ອງຮ່ວມຊາດ ແລະ ສະຫາຍທີ່ເສຍສະຫຼະເພື່ອເອກະລາດ, ເສລີພາບ ແລະ ຄວາມເປັນເອກະພາບຂອງປະເທດຊາດ. ດັ່ງນັ້ນ, ໃນແຕ່ລະບັ້ນຮົບ ແຕ່ລະການຮົບ, ທ່ານພົນເອດໄດ້ໄຕ່ຕອງຢູ່ສະເໝີວ່າ, ເຮັດຄືແນວໃດເພື່ອຫຼຸດຜ່ອນການສູນເສຍເລືອດເນື້ອຂອງເຫຼົ່ານັກຮົບ, ສະຫາຍ ແລະ ພີ່ນ້ອງຮ່ວມຊາດ. ທ່ານພົນເອກບໍ່ເຄີຍຍອມຮັບໄຊຊະນະດ້ວຍບໍ່ວ່າຄ່າໃຊ້ຈ່າຍໃດໆ ໃນແງ່ຂອງເລືອດເນື້ອຂອງທະຫານທີ່ເກີດຈາກການຕັດສິນໃຈແບບຕາມລຳພັງໃຈ ຫຼືຂາດຄວາມລະມັດລະວັງ. ທ່ານພົນເອກໄດ້ແບ່ງປັນກັບບາດແຜຂອງທະຫານແຕ່ລະຄົນ, ເສຍໃຈທຸກຢອດເລືອດຂອງທະຫານແຕ່ລະຄົນ. ສຳລັບທ່ານພົນເອກ, ທັດສະນະຫຼັກໃນການບັນຊາແຕ່ລະບັ້ນຮົບແມ່ນບັນລຸໄດ້ໄຊຊະນະ, ແຕ່ຕ້ອງຄວບຄູ່ໄປກັບຫຼຸດຜ່ອນການເສຍສະຫຼະເລືອດເນື້ອຂອງພະນັກງານ ທະຫານ. ໃນບັ້ນຮົບໂຮ່ຈີມິນ, ອະທິບາຍທາງເລືອກຂອງກົນລະຍຸດໃນບັ້ນຮົບຊີ້ຂາດຄັ້ງສຸດທ້າຍ, ທ່ານພົນເອກເນັ້ນວ່າ: “ຍ່າງອ້ອມໂຕະ, ເບິ່ງແຜນທີ່ຈາກທຸກດ້ານ, ຂ້າພະເຈົ້ານຶກເຖິງໄໝກ່ອນທີ່ຢືນຢູ່ໜ້າໂຕະຊາຍ ດ້ຽນບຽນຝູ ທີ່ກຳລັງຄິດຫາວິທີບຸກໂຈມຕີກຸ່ມທີ່ໝັ້ນ. ສອງເຫດການປະຫວັດສາດຫ່າງກັນຫຼາຍກວ່າ 20 ປີ, ແຕ່ກໍ່ຄືກັນໃນການລະດົມສະໝອງທີ່ເຂັ້ມຂົ້ນໃນການສູ້ຮົບຍຸດທະສາດຄັ້ງສຸດທ້າຍ, ຊ່ວຍຊອກຫາວິທີທີ່ດີທີ່ສຸດທີ່ຈະຊະນະຫຼາຍທີ່ສຸດ ໂດຍສູນເສຍໜ້ອຍທີ່ສຸດ”(2). ຄະຕິປະຈຳໃຈຂອງທ່ານພົນເອກແມ່ນ ໃຫ້ເອົາມະນຸດສະທຳຄວາມເປັນທຳ ແລະ ຄວາມສະຫງົບປອງດອງເປັນສຳຄັນ. ເຖິງວ່າກັບສະເລີຍເສິກ, ນາຍພົນຍັງເຫັນອົກເຫັນໃຈແລະອະໄພຍະທານໃຫ້ເຂົາເຈົ້າ. ທ່ານໃຫ້ທັດສະນະວ່າ, ພວກທີ່ຫຼົງທິດຜິດທາງ, ໄປຕາມສັດຕູ, ທໍຍະຍົດຕໍ່ຊາດ… ກໍ່ແມ່ນຜົນມາຈາກລະບອບລ່າເມືອງຂຶ້ນທີ່ຮຸກຮານ. ນັ້ນແມ່ນຄວາມເປັນມະນຸດອາລະຍະທຳ, ມະນຸດສະທຳທີ່ສູງສົ່ງ, ເປັນການສະແດງອອກເຖິງຮູບແບບພຶດຕິກຳທີ່ລະອຽດອ່ອນແລະຍືດຫຍຸ່ນ ຕາມແນວຄິດຂອງປະທານໂຮ່ຈີມິນ ໃນທ່ານ “ພົນເອກຂອງປະຊາຊົນ”.
ໃນຊີວິດການເປັນຜູ້ນຳກອງທັບ, ຜູ້ບັນຊາການທະຫານ, ທ່ານພົນເອກຍາມໃດກໍເຄົາລົບຄວາມຄິດເຫັນຂອງລວມໝູ່, ການຕັດສິນໃຈທັງໝົດເປັນຂອງສ່ວນລວມ, ໃຊ້ປະໂຫຍດຈາກສະຕິປັນຍາ ແລະ ປະສົບການການບັນຊາການສູ້ຮົບ ຂອງບັນດານາຍພົນ ແລະນາຍທະຫານ. ແບບແຜນການເຮັດວຽກຂອງທ່ານພົນເອກທັງຍຶດໝັ້ນຫຼັກການນຳພາ ແລະ ສ້າງຈິດໃຈສາມັກຄີໃນພັກ ແລະ ໃນກອງກຳລັງປະກອບອາວຸດ. ເມື່ອເຖົ້າແກ່, ກຳລັງອ່ອນແອ, ທ່ານພົນເອກຍາມໃດກໍ່ເອົາໃຈໃສ່, ຊີ້ນຳສັ່ງສອນ ແລະ ປຸກລະດົມ ກຳລັງໃຈ ພະນັກງານ, ນັກຮົບໃນກອງກຳລັງປະກອບອາວຸດ ໃຫ້ອົບຮົມສຶກສາ, ຝຶກຝົນຢ່າງເປັນປົກກະຕິ ເພື່ອຮັກສາ ແລະ ຍົກສູງຄຸນນະພາບຂອງມູນເຊື້ອ “ທະຫານລຸງໂຮ່”, ຮູບພາບຂອງນັກຮົບຕໍາຫຼວດປະຊາຊົນ; ສ້າງຖັນແຖວພະນັກງານທີ່ມີຈິດໃຈລວມໝູ່, ຖືຜົນປະໂຫຍດລວມສູງກວ່າຜົນປະໂຫຍດສ່ວນຕົວ; ພະນັກງານຕ້ອງຮັກແພງທະຫານ, ແບ່ງປັນໃຫ້ຊັ້ນລຸ່ມ, ຊ່ວຍເຫຼືອປະຊາຊົນ ແລະ ກໍ່ຕ້ອງຮູ້ອີງໃສ່ປະຊາຊົນ.
ພົນເອກ ຫວໍງວຽນຢາບໄດ້ລ່ວງລັບໄປແລ້ວ, ແຕ່ຮູບພາບ ຄຸນຄ່າມະນຸດອາລະຍະທຳ ແລະ ການປະກອບສ່ວນອັນໃຫຍ່ຫຼວງຂອງເພິ່ນ ຕໍ່ພາລະກິດປະຕິວັດຂອງພັກແລະຊາດ ຍັງຄົງຢູ່ຕະຫຼອດໄປໃນປະເທດ, ໃນຫົວໃຈຂອງປະຊາຊົນຫວຽດນາມ. ເພິ່ນໄດ້ກາຍເປັນບຸກຄົນປະຫວັດສາດທີ່ໂດດເດັ່ນໃນດ້ານການທະຫານ, ພ້ອມກັນນັ້ນ, ກໍ່ແມ່ນໜຶ່ງໃນບັນດາເຄື່ອງໝາຍທີ່ສວຍງາມ ຂອງວັດທະນະທຳຫວຽດນາມ ໃນສະໄໝໂຮ່ຈີມິນ. ຄຸນທຳ ຄວາມສາມາດ ຄຸນສົມບັດປະຕິວັດ “ຖືວຽກບ້ານການເມືອງເປັນສູງສຸດ”, ຄຸນທາດທີ່ບໍລິສຸດແລະຊື່ສັດຂອງທ່ານພົນເອກ ໄດ້ຮັບຄວາມໄວ້ວາງໃຈແລະຄວາມຮັກຈາກພັກ, ປະຊາຊົນ ແລະ ເພື່ອນມິດສາກົນ. “ເພິ່ນແມ່ນໜຶ່ງໃນບຸຄົນຈຳນວນໜ້ອຍທີ່ໄດ້ກາຍເປັນຕໍານານໃນຂະນະທີ່ຍັງມີຊີວິດຢູ່ໃນໂລກ”(3). ຄຸນຄ່າມະນຸດອາລະຍະທຳໃນທ່ານພົນເອກໄດ້ຫຼອມລວມບັນດາຄຸນສົມບັດ: ປັນຍາ, ຄວາມໄວ້ວາງໃຈ, ຄວາມກ້າຫານ, ມະນຸດສະທຳ, ຄວາມຊື່ສັດ, ຄວາມຈົງຮັກພັກດີ ຕາມແນວຄິດໂຮ່ຈີມິນ, ດັ່ງນັ້ນ, ຖານະຊີວິດ ພາລະກິດ ແລະ ບຸກຄະລິກກະພາບທີ່ຍິ່ງໃຫຍ່ຂອງພົນເອກ ຫວໍງວຽນຢ໋າບແມ່ນແບບຢ່າງທີ່ໃສແຈ້ງກ່ຽວກັບສະຕິປັນຍາ, ເຈດຈຳນົງອັນກ້າແກ່ນ, ຈິດໃຈເອກະລາດ ເປັນເຈົ້າຕົນເອງ; ຄວາມອະນຸໂລມຜ່ອນຜັນ, ເມດຕາອະໄພ, ມີຄວາມຜູດພັນຮັກໄຄ່ກັບສະຫາຍແລະເພື່ອນຮ່ວມຊາດ. ຄຸນຄ່າມະນຸດອາລະຍະທຳໃນພົນເອກແມ່ນການວັດຄຸນສົມບັດປະຕິວັດ, ເປັນຕົວແທນທີ່ເລິກເຊິ່ງຂອງຄຸນຄ່າມະນຸດອາລະຍະທຳຂອງປະເທດຊາດ, ວັດທະນະທຳແລະຜູ້ຄົນຫວຽດນາມ, ເປັນການສະແດງອອກທີ່ເລິກເຊິ່ງຂອງຄຸນນະສົມບັດປະຕິວັດທີ່ສູງສົ່ງຂອງ “ທະຫານລຸງໂຮ່”. ດັ່ງນັ້ນ, ຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ - ລູກສິດທີ່ດີເດັ່ນຂອງປະທານໂຮ່ຈີມິນ ໄດ້ກາຍເປັນຄຸນຄ່າທີ່ຍືນຍົງຂອງຊາດຫວຽດນາມ ແລະ ຂອງກອງກຳລັງປະກອບອາວຸດປະຊາຊົນຫວຽດນາມ.
ຕໍ່ໜ້າຄວາມຮຽກຮ້ອງຕ້ອງການ, ໜ້າທີ່ການກໍ່ສ້າງກຳລັງປະກອບອາວຸດຕ້ອງຈົງຮັກພັກດີຕໍ່ປະເທດຊາດ ພັກ ລັດ ແລະ ປະຊາຊົນໂດຍເດັດຂາດ; ພ້ອມແລ້ວທີ່ຈະຕໍ່ສູ້, ຮັບໃຊ້ການຕໍ່ສູ້, ປົກປັກຮັກສາເອກະລາດ ອຳນາດອະທິປະໄຕ ເອກະພາບ ຜືນແຜ່ນດິນອັນຄົບຖ້ວນຂອງປະເທດຊາດ, ຮັກສາຄວາມໝັ້ນຄົງຂອງຊາດ, ຄວາມເປັນລະບຽບຮຽບຮ້ອຍແລະຄວາມປອດໄພທາງສັງຄົມ; ປົກປ້ອງປະຊາຊົນ, ປົກປ້ອງພັກແລະລັດ, ປົກປ້ອງລະບອບສັງຄົມນິຍົມ ແລະຜົນຂອງການປະຕິວັດ; ພ້ອມກັນກັບປວງປະຊາຊົນກໍ່ສ້າງປະເທດແລະປະຕິບັດພັນທະທາງສາກົນ, ກອງກຳລັງປະກອບອາວຸດປະຊາຊົນຕ້ອງໄດ້ຮັບຄວາມເອົາໃຈໃສ່ກໍ່ສ້າງໃຫ້ມີຄຸນນະພາບສັງລວມ ແລະ ກຳລັງແຮງສູ້ຮົບສູງ ເພື່ອຕອບສະໜອງໜ້າທີ່ປົກປັກຮັກສາປະເທດຊາດໃນສະພາບການໃໝ່. ໃນນັ້ນ, ການຫັນປ່ຽນແລະແຜ່ກະຈາຍຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ ໃຫ້ກັບພະນັກງານ ນັກຮົບກອງກຳລັງປະກອບອາວຸດ ແມ່ນແບບວິທີການໜຶ່ງທີ່ແນໃສ່ກໍ່ສ້າງກຳລັງໃຫ້ມີຄວາມເຂັ້ມແຂງຮອບດ້ານ, ຖືການກໍ່ສ້າງດ້ານການເມືອງເປັນພື້ນຖານ. ການຮັບເອົາແລະຜັນປ່ຽນຄຸນຄ່າມະນຸດອາລະຍະທຳໃນພົນເອກ ຕໍ່ກອງກຳລັງປະກອບອາວຸດກໍ່ໄດ້ປະກອບສ່ວນແທດຈິງໃນການປະຕິບັດທັດສະນະຂອງພັກຂອງພວກເຮົາກ່ຽວກັບ “ການປົກປ້ອງແລະເສີມຂະຫຍາຍຄຸນຄ່າອັນດີງາມ ແລະ ຍືນຍົງໃນຮີດຄອງປະເພນີວັດທະນະທຳຫວຽດນາມ..., ກໍ່ສ້າງຄົນຫວຽດນາມໃນຍຸກໃໝ່, ເຊື່ອມໂຍງເຂົ້າກັນຢ່າງແໜ້ນແຟ້ນ ແລະ ກົມກຽວກັນ ລະຫວ່າງບັນດາຄຸນຄ່າຮີດຄອງປະເພນີ ແລະ ຄຸນຄ່າທັນສະໄໝ”(4). ສ້າງກຳລັງຂັບເຄື່ອນທີ່ແຂງແຮງເພື່ອໃຫ້ພະນັກງານ ນັກຮົບໃນກອງກຳລັງປະກອບອາວຸດບຳລຸງສ້າງ ແລະ ຝຶກຝົນຫຼໍ່ຫຼອມຄວາມກ້າຫານແລະຫຼັກໝັ້ນຂອງຕົນ, ມີຄວາມຕັດສິນໃຈອັນແຂງກ້າ ແລະຈິດໃຈປະດິດສ້າງ ໃນການຮັບເອົາຄວາມຮູ້ວິທະຍາສາດ, ພັດທະນາຈິນຕະນາການ ແລະ ຄວາມສາມາດພຶດຕິກຳໃນການສູ້ຮົບ, ເຮັດວຽກງານ ແລະ ກໍ່ສ້າງກຳລັງການທະຫານ, ປະກອບສ່ວນປະຕິບັດໜ້າທີ່ປ້ອງກັນປະເທດ ແລະ ປ້ອງກັນຄວາມໝັ້ນຄົງຂອງຊາດປະສົບຄວາມສຳເລັດ, ປົກປ້ອງປະເທດຊາດຫວຽດນາມສັງຄົມນິຍົມຢ່າງໝັ້ນຄົງໃນສະພາບການໃໝ່. ການຮັບເອົາແລະແຜ່ກະຈາຍຄຸນຄ່າມະນຸດອາລະຍະທຳຂອງທ່ານພົນເອກກໍ່ຈະສ້າງກຳລັງຊຸກຍູ້ໃຫ້ແຕ່ລະຄົນສູ້ຊົນ, ຝຶກຝົນຫຼໍ່ຫຼອມ, ເຮັດວຽກແລະເຕີບໃຫຍ່, ປະຕິບັດສຳເລັດເປັນຢ່າງດີ ວຽກງານທີ່ໄດ້ຮັບມອບໝາຍ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດວຽກງານປ້ອງກັນປະເທດແລະຄວາມໝັ້ນຄົງໃຫ້ປະສົບຜົນສຳເລັດ, ສ້າງທ່າສະໜາມຮົບປ້ອງກັນປະເທດທີ່ນັບມື້ນັບໝັ້ນຄົງ ຕາມຈິດໃຈມະຕິກອງປະຊຸມໃຫຍ່ຄັ້ງທີ 13 ຂອງພັກ.
ການເຜີຍແຜ່ຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ ສູ່ກອງກຳລັງປະກອບອາວຸດ ແມ່ນການຮັບເອົາ, ຊຶມຊັບ ແລະ ຜັນປ່ຽນຄຸນຄ່າເຫຼົ່ານັ້ນຢ່າງມີສະຕິຕື່ນຕົວ ໃຫ້ເປັນການຮັບຮູ້, ອາລົມຈິດ, ຄຸນສົມບັດສິນທຳ, ແບບແຜນ ແລະ ເຮັດໃຫ້ຄວາມເປັນເອກະພາບລະຫວ່າງຄວາມຮັບຮູ້ ແລະການກະທຳຂອງພະນັກງານ ນັກຮົບແຕ່ລະຄົນ ສະແດງອອກໃນວຽກງານປະຈຳວັນ, ໃນການພົວພັນກັບສະຫາຍ ເພື່ອນຮ່ວມທີມ ແລະ ປະຊາຊົນ. ຕາມນັ້ນ, ສຳລັບພະນັກງານ ນັກຮົບກອງກຳລັງປະກອບອາວຸດ, ການແຜ່ກະຈາຍຄຸນຄ່າມະນຸດອາລະຍະທຳໃນພົນເອກ ໄດ້ສະແດງອອກຢ່າງລວມສູນໃນມາດຕະຖານຂອງ “ທະຫານລຸງໂຮ່”, ຮູບພາບຂອງນັກຮົບຕໍາຫຼວດປະຊາຊົນ ເຊິ່ງຈຸດໜັກແມ່ນບັນດາມາດຕະຖານກ່ຽວກັບຄຸນທາດການເມືອງ; ຄຸນສົມບັດສິນທຳ ແບບແຜນດຳລົງຊີວິດ; ວັດທະນະທໍາ, ປັນຍາຄວາມຮູ້; ປະຊາທິປະໄຕ, ລະບຽບວິໄນ; ຄວາມສາມັກຄີພາຍໃນ, ສະມັກຄີທະຫານແລະປະຊາຊົນ, ສມັກຄີສາກົນ.
ພົນເອກ ຫວໍງວຽນຢ໋າບ ພົບປະກັບບັນດາທະຫານຂອງຕົນທີ່ໄດ້ສູ້ຮົບຢູ່ສະໜາມຮົບ ດ້ຽນບຽນຝູ 50 ປີກ່ອນບ (ປີ 2004) _ພາບ: TTXVN
ລະນຶກເຖິງ “ອ້າຍກົກຂອງກອງທັບ” ດ້ວຍຄວາມເຄົາລົບແລະຮູ້ບຸນຄຸນ, ພະນັກງານ ນັກຮົບກອງກຳລັງປະກອບອາວຸດແຕ່ລະຄົນ ຈະຕື່ນຕົວ ເປັນເຈົ້າການຮັບເອົາ ຮ່ຳຮຽນ ຫັນປ່ຽນ ແລະ ເຜີຍແຜ່ນຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ ສູ່ໜ້າທີ່ການຝຶກອົບຮົມ, ກຽມພ້ອມສູ້ຮົບ, ຮັກສາຄວາມໝັ້ນຄົງທາງການເມືອງ ແລະຄວາມເປັນລະບຽບຮຽບຮ້ອຍ ຄວາມປອດໄພທາງສັງຄົມ, ປ້ອງກັນແລະຕ້ານໄພທຳມະຊາດ, ໂລກລະບາດ, ພາຍຸນ້ຳຖ້ວມ, ເຫດບັງເອີນທາງສິ່ງແວດລ້ອມ… ໃນການປະຕິບັດໜ້າທີ່ໃນແນວໜ້າ ຂອງການປ້ອງກັນ ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19, ພະນັກງານ ນັກຮົບກອງກຳລັງປະກອບອາວຸດປະຊາຊົນນັບພັນຄົນ ໄດ້ “ໄປທຸກຊອຍ, ເຄາະປະຕູສູ່ປະຕູ, ກວດເບິ່ງທຸກເປົ້າໝາຍ”, ຄວບຄຸມການເຄື່ອນໄຫວເຂົ້າ-ອອກຢ່າງເຂັ້ມງວດ, ໂຄສະນາ ຂົນຂວາຍປະຊາຊົນປະຕິບັດຕາມການຊີ້ນຳຂອງພັກແລະລັດຖະບານຢ່າງເຂັ້ມງວດ ໃນການເວັ້ນລະຍະຫ່າງທາງສັງຄົມ, ຮັບປະກັນຄວາມປອດໄພ ແລະ ຄວາມເປັນລະບຽບຮຽບຮ້ອຍ ໃນບັນດາສູນຈຳກັດບໍລິເວນ. ພະນັກງານ ນັກຮົບກອງທັບປະຊາຊົນຫວຽດນາມເສີມຂະຫຍາຍຄຸນທາດ “ທະຫານລຸງໂຮ່”, ແຜ່ກະຈາຍບັນດາຄຸນຄ່າມະນຸດອາລະຍະທຳ ທີ່ທ່ານພົນເອກໄດ້ສອນແລະເປັນແບບຢ່າງໃນໄລຍະຊີວິດຂອງເພິ່ນ. ບັນດານາຍພົນ, ນາຍທະຫານແລະພົນທະຫານ ບໍ່ຢ້ານກົວຄວາມລຳບາກ ແລະ ການເສຍສະຫຼະ, ດ້ວຍຄຳສັ່ງຈາກໃຈ “ຂ້າງໜ້າແມ່ນປະຊາຊົນ”, ໄດ້ປະກົດຕົວທັນທີໃນສະຖານທີ່ທີ່ຫຍຸ້ງຍາກລຳບາກ ແລະ ອັນຕະລາຍທີ່ສຸດ ເພື່ອປະຕິບັດໜ້າທີ່ “ສູ້ຮົບໃນຍາມສະຫງົບ”... ບັນດາແບບຢ່າງເສຍສະຫຼະຂອງພະນັກງານ ນັກຮົບກອງກຳລັງປະກອບອາວຸດ ໄດ້ແຕ້ມແຕ່ງເສີມສວຍໃຫ້ຮູບພາບ “ທະຫານລຸງໂຮ່”, ຮູບພາບຂອງນັກຮົບຕໍາຫຼວດ ໃນຈິດໃຈຂອງປະຊາຊົນ, ປະກອບສ່ວນເພີ່ມຄວາມເຊື່ອໝັ້ນຂອງປະຊາຊົນຕໍ່ພັກ ລັດ ແລະ ກອງກຳລັງປະກອບອາວຸດ.
ສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງພົນເອກ ຫວໍງວຽນຢ໋າບ, ດ້ວຍອາລົມຈິດແລະຄວາມພາກພູມໃຈກ່ຽວກັບມໍລະດົກຄຸນຄ່າມະນຸດອາລະຍະທຳທີ່ທ່ານພົນເອກໄດ້ສ້າງໄວ້ໃຫ້ຄົນລຸຸ້ນຫຼັງທັງໃນປະຈຸບັນແລະອະນາຄົດ, ພະນັກງານ ນັກຮົບກອງກຳລັງປະກອບອາວຸດໃຫ້ຄຳໝັ້ນສັນຍາວ່າ ຈະເຊີດຊູເຈດຈຳນົງອີງໃສ່ຕົນເອງສ້າງຄວາມເຂັ້ມແຂງໃຫ້ແກ່ຕົນ ແລະ ລັດທິວິລະຊົນປະຕິວັດ, ພ້ອມກັບຄະນະພັກ, ອຳນາດການປົກຄອງ ແລະ ປະຊາຊົນທ້ອງຖິ່ນ ສາມັກຄີເປັນຈິດໜຶ່ງໃຈດຽວ, ຕັດສິນໃຈກໍ່ສ້າງກຳລັງປະກອບອາວຸດປະຊາຊົນທີ່ປະຕິວັດ, ເປັນລະບຽບຫຼວງ, ຊຳນານໃນການຮົບ ແລະ ທັນສະໄໝເທື່ອລະກ້າວ ເພື່ອເປັນແກ່ນສານໃນການປັບປຸງທ່າສະໜາມຮົບປ້ອງກັນປະເທດທົ່ວປວງຊົນ ແລະ ທ່າສະໜາມຮົບປ້ອງກັນຄວາມສະຫງົບປະຊາຊົນ ໃຫ້ໝັ້ນຄົງ. ພະນັກງານ ນັກຮົບກອງກຳລັງປະກອບອາວຸດສາມັກຄີ, ພົວພັນະໜິດແໜ້ນແບບອິນຊີກັບປະຊາຊົນ, ປະຕິບັດໜ້າທີ່ແລະວຽກງານເພື່ອຄວາມຜາສຸກຂອງປະຊາຊົນ, ຕັ້ງໜ້າພະຍາຍາມຝຶກຝົນຫຼໍ່ຫຼອມ ເຮັດໃຫ້ຄຸນຄ່າມະນຸດອາລະຍະທຳຂອງພົນເອກສືບຕໍ່ແຜ່ກະຈາຍສົ່ງຜົນກະທົບຢ່າງກວ້າງຂວາງ, ນັບມື້ນັບພັດທະນາແລະສົມບູນແບບໃນຄວາມກ້າຫານ ສະຕິປັນຍາ ຄຸນສົມບັດສິນທຳ ແລະ ແບບແຜນຂອງພະນັກງານ ນັກຮົບກອງກຳລັງປະກອບອາວຸດທຸກຄົນ.
ເພື່ອໃຫ້ຄຸນຄ່າມະນຸດອາລະຍະທຳໃນພົນເອກແຜ່ກະຈາຍນັບມື້ນັບກວ້າງຂວາງເລິກເຊິ່ງນັ້ນ, ກ່ອຍອື່ນໝົດ, ຄະນະພັກ, ຫົວໜ້າອົງການ, ກົມກອງຕ້ອງສືບຕໍ່ປ່ຽນແປງໃໝ່ຮູບການໂຄສະນາກ່ຽວກັບຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ. ຈັດຕັ້ງການຮ່ຳຮຽນ, ຄົ້ນຄ້ວາເປັນປົກກະຕິ ກ່ຽວກັບຕົ້ນກໍາເນີດ, ພື້ນຖານ, ເນື້ອໃນ, ຄວາມໝາຍຂອງຄຸນຄ່າມະນຸດອາລະຍະທຳທີ່ສູງສົ່ງສວຍງາມດັ່ງກ່າວ ເພື່ອແນໃສ່ຍົກສູງຄວາມຮັບຮູ້ແລະອາລົມຈິດ, ເຮັດໃຫ້ຄຸນຄ່າມະນຸດອາລະຍະທຳຊຶມຊັບເຂົ້າໄປໃນບຸກຄະລິກະພາບ ແລະ ຫັນປ່ຽນເປັນການກະທຳປະຕິວັດທີ່ແທດຈິງຂອງພະນັກງານ ນັກຮົບກອງກຳລັງປະກອບອາວຸດທຸກຄົນ. ເຊີດຊູຈິດໃຈຕິຊົມຕົນເອງແລະຕິຊົມ, ມີຄວາມເຫັນສະໜັບສະໜູນສິ່ງທີ່ຖືກຕ້ອງ ສິ່ງທີ່ຕັ້ງໜ້າ, ຕໍ່ສູ້ຕ້ານຄວາມຊົ່ວແລະຄວາມຫຍໍ້ທໍ້, ເປັນເຈົ້າການໃນການປ້ອງກັນບັນດາປະກົດການຂອງການ “ຫັນປ່ຽນຕົນເອງ”, “ປ່ຽນແປງຕົນເອງ” ຢູ່ພາຍໃນ ເພື່ອໃຫ້ມີຄວາມກ້າວໜ້າຮ່ວມກັນ.
ການຮໍ່າຮຽນ, ຮັບເອົາ ແລະ ຫັນບັນດາຄຸນຄ່າມະນຸດອາລະຍະທຳໃນພົນເອກ ໃຫ້ແກ່ກອງກຳລັງປະກອບອາວຸດນັ້ນ ຈຳເປັນຕ້ອງໄດ້ຮັບການສະຫຼຸບໃຫ້ເປັນມາດຖານການສູ້ຊົນຂອງແຕ່ລະອົງການ, ແຕ່ລະກຳລັງ, ພະນັກງານ ນັກຮົບແຕ່ລະຄົນ ເພື່ອຝຶກຝົນຫຼໍ່ຫຼອມຢ່າງຕໍ່ເນື່ອງ ແລະ ປະຕິບັດ “ສິບຄໍາສາບານ”, “ສິບສອງວິໄນ” ຂອງທະຫານ, “ຄຳສອນຫົກຂໍ້ຂອງລຸງໂຮ່ທີ່ສັ່ງສອນນັກຮົບຕໍາຫຼວດປະຊາຊົນ” ໃຫ້ໄດ້ເປັນຢ່າງດີ. ພະນັກງານ ນັກຮົບມີຄວາມຮັກແພງ ແບ່ງປັນອາລົມຈິດຖານສະຫາຍ ເພື່ອນຮ່ວມທີມ, ລະດົມກຳລັງໃຈແລະຊ່ວຍເຫຼືອເຊິ່ງກັນແລະກັນ ໃນການປະຕິບັດວຽກງານ, ສ້າງກຳລັງແຮງແຫ່ງຄວາມສາມັກຄີ ເປັນເອກະພາບໃນແຕ່ລະອົງການ ກົມກອງ, ປະຕິບັດທຸກໜ້າທີ່ທີ່ໄດ້ຮັບມອບໃຫ້ສຳເລັດຜົນ. ເພີ່ມທະວີການປະຕິບັດບັນດາມາດຕະການເປັນແບບຢ່າງ, ໂດຍສະເພາະແມ່ນພະນັກງານການນຳ, ເພື່ອເປັນບ່ອນອີງທີ່ໜ້າເຊື່ອຖືໃຫ້ແກ່ຂັ້ນລຸ່ມ ແລະທະຫານ ຕາມຄຳຕັກເຕືອນຂອງທ່ານພົນເອກ, ນັ້ນແມ່ນ ພະນັກງານຕ້ອງເປັນແບບຢ່າງ ເປັນຕົວຢ່າງໃຫ້ຂັ້ນລຸ່ມ, ໃກ້ຊິດຕິດແທດກັບປະຊາຊົນ, ພະຍາຍາມສູ້ຊົນ ຝຶກຝົນໃຫ້ເຕີບໃຫຍ່ແລະກ້າວໜ້າຢ່າງຕໍ່ເນື່ອງ.
ການແຜ່ກະຈາຍຄຸນຄ່າມະນຸດອາລະຍະທຳໃນພົນເອກ ຫວໍງວຽນຢ໋າບ ສູ່ກອງກຳລັງປະກອບອາວຸດ ຕິດພັນກັບການຍູ້ແຮງການຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດສິນທຳ, ແບບແຜນໂຮ່ຈີມິນ ແລະ ການຂົນຂວາຍ “ເສີມຂະຫຍາຍມູນເຊື້ອ, ອຸທິດຄວາມສາມາດ, ສົມກຽດກັບນາມມະຍົດ “ທະຫານລຸງໂຮ່” ໃນກອງທັບ, “ສ້າງແບບຕໍາຫຼວດປະຊາຊົນດ້ວຍຄວາມກ້າຫານ, ມີມະນຸດສະທຳ ແລະ ຮັບໃຊ້ປະຊາຊົນ” ແລະ ຄຳຂວັນການດຳເນີນງານ “ເປັນເຈົ້າການ, ເປັນແບບຢ່າງ, ມີລະບຽບວິໄນ, ມີຄວາມຮັບຜິດຊອບ ແລະ ມີປະສິດທິຜົນ” ຂອງກຳລັງຕຳຫຼວດປະຊາຊົນ, ດ້ວຍມາດຖານສະເພາະຄື: ຍຶດໝັ້ນ, ໝັ້ນຄົງ, ເຈດຕະນາບໍລິສຸດ, ມີຄວາມຮັບຜິດຊອບສູງ, ການກະທຳທີ່ສວຍງາມ; ຄຸນສົມບັດສິນທຳ, ຊີວິດທີ່ສະອາດແລະສົດໃສ, ຂະຫຍັນໝັ່ນພຽນ, ປະຢັດ, ຊື່ສັດ, ທ່ຽງທຳ, ເຫັນແກ່ສ່ວນລວມບໍ່ເຫັນແກ່ສ່ວນຕົວ; ມີຄວາມຮູ້ວິທະຍາສາດ, ມີກຳລັງຄວາມສາມາດ ວິທີການ ແບບແຜນການເຮັດວຽກ ແລະ ສຸຂະພາບດີ; ປະຊາທິປະໄຕ, ລະບຽບວິໄນແບບຕື່ນຕົວແລະເຂັ້ມງວດ; ສາມັກຄີ, ເຄົາລົບ ແລະ ໃກ້ຊິດກັບປະຊາຊົນ, ມີຈິດໃນສາກົນທີ່ຜ່ອງໃສ…, ປະກອບສ່ວນກໍ່ສ້າງກອງທັບປະຊາຊົນ, ຕໍາຫຼວດປະຊາຊົນທີ່ປະຕິວັດ, ເປັນລະບຽບຫຼວງ, ຊຳນານໃນການຮົບ, ທັນສະໄໝເທື່ອລະກ້າວ, ບາງເຫຼົ່າພົນ, ເຫຼົ່າທັບ, ກຳລັງຈະກ້າວຂຶ້ນສູ່ທັນສະໄໝໂດຍກົງ, ຕອບສະໜອງຄວາມຕ້ອງການຂອງໜ້າທີ່ປົກປັກຮັກສາປະເທດຊາດຫວຽດນາມສັງຄົມນິຍົມໃນສະພາບການໃໝ່./.
---------------------------------
(1) ເຈິ່ນຈ້ອງຈຸງ: ຜູ້ບັນຊາການໃຫຍ່ ຫວໍງວຽນຢ໋າບ, ສພຈ ການເມືອງແຫ່ງຊາດ ສື້ເຖິ້ດ, ຮ່າໂນ້ຍ, 2006, ໜ້າ 835 - 836
(2) ຜູ້ຂຽນຫຼາຍຄົນ: ພົນເອກ ຫວໍງວຽນຢ໋າບ ກັບການຕໍ່ສູ້ຕ້ານອາເມລິກາ, ກູ້ຊາດ, ສພຈ ກອງທັບປະຊາຊົນ, ຮ່າໂນ້ຍ, 2005, ໜ້າ 964
(3) ເຈິ່ນຈ້ອງຈຸງ: ຜູ້ບັນຊາການໃຫຍ່ ຫວໍງວຽນຢ໋າບ, ປຶ້ມທີ່ໄດ້ແນະນຳ, ໜ້າ 5.
(4) ເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13, ສພຈ ການເມືອງແຫ່ງຊາດ ສື້ເຖິ້ດ, ຮ່າໂນ້ຍ, 2021, ເຫຼັ້ມ I, ໜ້າ 143.
- ບົດນີ້ໄດ້ລົງພິມໃນວາລະສານກອມມູນິດອອນໄລ ວັນທີ 18 ສິງຫາ 2021.
