ນິພົນຂອງສະຫາຍເລຂາທິການໃຫຍ່ ຫງວຽນຝູຈ້ອງ:
ຮາກຖານທາງທິດສະດີສຳລັບວຽກງານການປ້ອງກັນ
ແລະຕ້ານການສໍ້ລາດບັງຫຼວງ ແລະຄວາມຫຍໍ້ທໍ້
ໃນໄລຍະໃໝ່ຢູ່ຫວຽດນາມ
ຮາກຖານທາງທິດສະດີສຳລັບວຽກງານການປ້ອງກັນ
ແລະຕ້ານການສໍ້ລາດບັງຫຼວງ ແລະຄວາມຫຍໍ້ທໍ້
ໃນໄລຍະໃໝ່ຢູ່ຫວຽດນາມ
ນິພົນການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງ, ຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ ສະຫຼຸບພຶດຕິກຳຕົວຈິງອັນອຸດົມສົມບູນຂອງໄລຍະ 10 ປີແຫ່ງການດຳເນີນງານ ນັບແຕ່ຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫຼວງ ແລະຄວາມຫຍໍ້ທໍ້ ໄດ້ຮັບການສ້າງຕັ້ງຂຶ້ນໂດຍກົງຢູ່ພາຍໃຕ້ກົມການເມືອງສູນກາງພັກ ໂດຍມີສະຫາຍເລຂາທິການໃຫຍ່ເປັນຫົວໜ້າຄະນະ(1); ຖອດຖອນບັນດາບັນຫາໃນລະດັບທິດສະດີກ່ຽວກັບການຕໍ່ສູ້ເພື່ອປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້; ກຳນົດທິດທາງການແກ້ບັນຫາທີ່ສຳຄັນໃນເວລາອັນໃກ້ນີ້. ນິພົນໄດ້ນຳສະເໜີບັນຫາການຕໍ່ສູ້ຕ້ານການສໍ້ລາດບັງຫຼວງແລະຄວາມຫຍໍ້ທໍ້ໃນລະດັບທິດສະດີ, ຊີ້ແຈ້ງແນວຄິດທິດສະດີຂອງພັກກອມມູນິດຫວຽດນາມໃນຂົງເຂດນີ້; ສະໜອງພື້ນຖານວິທະຍາສາດເພື່ອ ຮັບຮູ້ຢ່າງຖືກຕ້ອງ ເຖິງທາດແທ້ຂອງສະພາບການສໍ້ລາດບັງຫຼວງແລະຄວາມຫຍໍ້ທໍ້; ວິທີການເພື່ອ ກຳນົດ ແລະ ປະຕິບັດຢ່າງຖືກຕ້ອງ ວຽກງານທີ່ທົ່ວພັກແລະທົ່ວປວງຊົນກຳລັງຜັນຂະຫຍາຍຢ່າງເດັດດ່ຽວ ໜຽວແໜ້ນ; ພ້ອມກັນນັ້ນ, ກໍ່ສະໜອງພື້ນຖານທາງທິດສະດີ ແລະພຶດຕິກຳຕົວຈິງ ເພື່ອ ປັດປະຕິເສດຢ່າງແຂງແຮງແລະມີປະສິດທິພາບ ຕໍ່ຖ້ອຍທຳນອງທີ່ບິດເບືອນຂອງອິດທິກຳລັງສັດຕູ ປະຕິການ. ນິພົນດັ່ງກ່າວສະແດງໃຫ້ເຫັນຢ່າງຈະແຈ້ງເຖິງເນື້ອໃນຫຼັກດັງຕໍ່ໄປນີ້:
ລະບຸຢ່າງຈະແຈ້ງກວ່າກ່ຽວກັບການສໍ້ລາດບັງຫຼວງແລະຄວາມຫຍໍ້ທໍ້; ຜົນສະທ້ອນຂອງການສໍ້ລາດບັງຫຼວງແລະຄວາມຫຍໍ້ທໍ້; ຄວາມໝາຍຂອງການຕໍ່ສູ້ຕ້ານການສໍ້ລາດບັງຫຼວງ ແລະຄວາມຫຍໍ້ທໍ້; ຜົນທີ່ຕາມມາຂອງການສໍ້ລາດບັງຫຼວງແລະຄວາມຫຍໍ້ທໍ້; ຄວາມໝາຍຂອງການຕໍ່ສູ້ຕ້ານການສໍ້ລາດບັງຫຼວງແລະຄວາມຫຍໍ້ທໍ້. ສະຫຍາຍເລຂາທິການໃຫຍ່ກ່າວຢ້ຳເຖິງຄຳຈຳກັດຄວາມທີ່ຈຳງ່າຍ, ເຂົ້າໃຈງ່າຍ ແຕ່ກໍ່ເຂັ້ມງວດທີ່ສຸດ ຂອງປະທານໂຮ່ຈີມິນ ວ່າ: ການສໍ້ລາດບັງຫຼວງແມ່ນການກະທຳ “ລັກຊັບສິນສາທາລະນະເພື່ອການໃຊ້ສ່ວນຕົວ”; ການສໍ້ໂກງແລະການສໍ້ລາດບັງຫຼວງແມ່ນ “ຜູ້ຮຸກຮານພາຍໃນ”. ພ້ອມກັນນັ້ນ, ສະຫາຍເລຂາທິການໃຫຍ່ເນັ້ນໜັກວ່າ, ການສໍ້ລາດບັງຫຼວງແລະຄວາມຫຍໍ້ທໍ້ແມ່ນ “ຄວາມບົກຜ່ອງໂດຍກຳເນີດ” ຂອງອຳນາດ(2).
ນິພົນຂອງສະຫາຍເລຂາທິການໃຫຍ່ໄດ້ລະບຸຂອບເຂດຂອງການສໍ້ລາດບັງຫຼວງ ແລະຄວາມຫຍໍ້ທໍ້ຢ່າງຈະແຈ້ງແລະເລິກເຊິ່ງ; ວິເຄາະແລະຊີ້ໃຫ້ເຫັນຄວາມສຳພັນລະຫວ່າງການສໍ້ລາດບັງຫຼວງແລະຄວາມຫຍໍ້ທໍ້. ເມື່ອປຽບທຽບກັບ “ການສໍ້ລາດບັງຫຼວງ” ແລ້ວ, “ຄວາມຫຍໍ້ທໍ້” ມີຄວາມໝາຍກວ້າງກວ່າ. ການສໍ້ລາດບັງຫຼວງແມ່ນພຶດຕິກຳທາງລົບປະເພດໜຶ່ງຂອງຜູ້ທີ່ຢູ່ໃນຕຳແໜ່ງ ຜູ້ມີອຳນາດ. ຄວາມຫຍໍ້ທໍ້ແມ່ນສະພາບແວດລ້ອມທີ່ມີການສໍ້ລາດບັງຫຼວງເກີດຂຶ້ນ. ການສໍ້ລາດບັງຫຼວງເຮັດໃຫ້ຄວາມຫຍໍ້ທໍ້ຮ້າຍແຮງຂຶ້ນ. ຮາກເຫງົ້າ ການສຳແດງ ແລະ ສາເຫດໂດຍກົງຂອງການສໍ້ລາດບັງຫຼວງແລະຄວາມຫຍໍ້ທໍ້ທີ່ໄດ້ຮັບການລະບຸ, ນັ້ນແມ່ນຄວາມເສື່ອມໂຊມທາງດ້ານແນວຄິດການເມືອງ ຄຸນສົມບັດສິນທຳ ແລະວິຖີຊີວິດ. ສະຫາຍເລຂາທິການໃຫຍ່ກ່າວຢ່າງຊັດເຈນວ່າ: ການສໍ້ລາດບັງຫຼວງເງິນແລະຊັບສິນສາມາດກູ້ຄືນໄດ້, ແຕ່ “ຖ້າສິນທໍາແລະແນວຄິດເສື່ອມລົງ ທຸກຢ່າງກໍ່ຈະສູນຫາຍໄປ”(3). ສະນັ້ນ, ຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຕ້ອງສຸມໃສ່ຕໍ່ສູ້ແກ້ໄຂຕົ້ນເຫດຂອງການສໍ້ລາດບັງຫຼວງແລະຄວາມຫຍໍ້ທໍ້ ເຊິ່ງເປັນການເສື່ອມໂຊມດ້ານແນວຄິດການເມືອງ ຄຸນສົມບັດສິນທຳ ແລະ ວິຖີຊີວິດ ຂອງພະນັກງານ ສະມາຊິກພັກ. “ສະກັດກັ້ນ ແລະ ຕ້ານປະກົດການຫຍໍ້ທໍ້, ສຸມໃສ່ສະກັດກັ້ນ ແລະ ຕ້ານການເສື່ອມໂຊມດ້ານແນວຄິດການເມືອງ, ຄຸນສົມບັດສິນທຳ ແລະ ວິຖີຊີວິດຂອງພະນັກງານ ສະມາຊິກພັກ, ພະນັກງານ-ລັດຖະກອນ, ກໍ່ຄືສະກັດກັ້ນການສໍ້ລາດບັງຫຼວງ. ເພາະສະນັ້ນ, ການຕໍ່ສູ້ເພື່ອປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຕ້ອງໄດ້ສຸມໃສ່ການຕໍ່ສູ້ກັບຕົ້ນເຫດ, ຮາກເຫງົ້າຂອງການສໍ້ຫຼາດບັງຫຼວງແລະຄວາມຫຍໍ້ທໍ້ ນັ້ນຄືພາວະຄວາມເສື່ອມໂຊມທາງແນວຄິດການເມືອງ ຄຸນສົມບັດສິນທຳ ແລະວິຖີຊີວິດ ໃນພະນັກງານ ສະມາຊິກພັກ. “ການປ້ອງກັນແລະຕ້ານຄວາມຫຍໍ້ທໍ້ ເຊິ່ງຈຸດສຸມແມ່ນການປ້ອງກັນແລະຕ້ານຄວາມເສື່ອມໂຊມທາງແນວຄິດການເມືອງ ຄຸນສົມບັດສິນທຳ ແລະວິຖີຊີວິດ ໃນພະນັກງານ ສະມາຊິກພັກ ລັດຖະກອນ ພາລະກອນ, ນັ້ນຄືການຂະຈັດກົກຮາກຂອງການສໍ້ລາດບັງຫຼວງ”(4).
ບັນຫາພື້ນຖານໃນການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ແມ່ນການກີດກັ້ນຕັ້ງແຕ່ກ່ອນ ຈາກໄລຍະໄກ ເຊິ່ງສູນກາງແມ່ນການກໍ່ສ້າງແລະປັບປຸງພັກ, ພິເສດແມ່ນ ຕ້ານການເສື່ອມໂຊມທາງດ້ານແນວຄິດ, ຄຸນສົມບັດສິນທຳ, ສິຖີຊີວິດໃນພະນັກງານ ສະມາຊິກ, ເພື່ອຂະຈັດກົກຮາກຂອງການສໍ້ລາດບັງຫຼວງແລະຄວາມຫຍໍ້ທໍ້.
ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ເປັນສິ່ງຈໍາເປັນ, ຫຼີກລ່ຽງບໍ່ໄດ້ ແລະກາຍເປັນກະແສທີ່ບໍ່ອາດຈະປີ້ນຂວ້ຳປີ້ນຫງາຍໄດ້. ເພາະວ່າ, ພັກຜູ້ກຳອຳນາດມັກຈະສ່ຽງຕໍ່ການເສື່ອມໂຊມ ການປ່ຽນທາດສະເໝີ ເຊິ່ງການສໍ້ຫຼາດບັງຫຼວງແລະຄວາມຫຍໍ້ທໍ້ “ແມ່ນຄວາມບົກພ່ອງແຕ່ກຳເນີດ” ທີ່ຂົ່ມຂູ່ຕໍ່ຄວາມຢູ່ລອດຂອງພັກ ແລະລະບອບການປົກຄອງ. ການສໍ້ລາດບັງຫຼວງແລະຄວາມຫຍໍ້ທໍ້ ໄດ້ຫຼຸດຜ່ອນຄວາມໄວ້ວາງໃຈຂອງປະຊາຊົນຕໍ່ພັກ ແລະລັດ; ແມ່ນຄວາມທ້າທາຍຕໍ່ການນຳພາຂອງພັກ ແລະປະສິດທິຜົນການຄຸ້ມຄອງຂອງລັດ; ຂົ່ມຂູ່ຄວາມໝັ້ນຄົງແລະການພັດທະນາຂອງປະເທດ, ຄວາມຢູ່ລອດຂອງພັກແລະຂອງລະບອບການປົກຄອງ. ເພາະສະນັ້ນ, “ທີ່ຕັ້ງ, ບົດບາດຂອງການຕໍ່ສູ້ປ້ອງກັນ ແລະຕ້ານການສໍ້ຫຼາດບັງຫຼວງແລະຄວາມຫຍໍ້ທໍ້ ນັບມື້ນັບໄດ້ຮັບຄວາມເອົາໃຈໃສ່ ແລະ ໄດ້ຮັບການຮັບຮູ້ທີ່ເລິກເຊິ່ງ ແລະ ກວ້າງຂວາງກວ່າ”(5). ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ແມ່ນບັນຫາທີ່ສຳຄັນໜຶ່ງໃນການກໍ່ສ້າງແລະປັບປຸງພັກ, ນັບມື້ນັບໄດ້ຮັບການຕີລາຄາສູງຈາກພະນັກງານ ສະມາຊິກພັກ ແລະ ປະຊາຊົນຫຼາຍຄົນ ແລະ ໄດ້ຮັບການຮັບຮູ້ຈາກສາກົນ.
ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ແມ່ນຄວາມຕ້ອງການຂອງຄວາມເປັນຈິງ, ແມ່ນຄຳສັ່ງຂອງຊີວິດ. ໃນເວລາຍັງມີຊີວິດຢູ່, ປະທານໂຮ່ຈີມິນເຖິງວ່າຈະເສົ້າໃຈ ແຕ່ກໍ່ເດັດດ່ຽວຫຼາຍໃນການຈັດການພະນັກງານທີ່ສໍ້ລວດບັງຫຼວງ, ໃຊ້ຈ່າຍສິ້ນເປືອງ ແລະໃຊ້ຊີວິດຢ່າງຟຸມເຟືອຍ ໃນຂະນະທີ່ເພື່ອນຮ່ວມຊາດແລະທະຫານຂອງພວກເຮົາຕ້ອງທົນທຸກທໍລະມານກັບຄວາມສູນເສຍ ແລະການເສຍສະຫຼະຫຼວງຫຼາຍ ໃນການຕໍ່ຕ້ານອັນຍາວນານ. ໃນປະຈຸບັນ, ຄະນະຊີ້ນຳສູນກາງກ່ຽວກັບການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້, ເມື່ອຕ້ອງປະຕິບັດວິໄນຢ່າງເຂັ້ມງວດຕໍ່ຜູ້ຝ່າຝືນການສໍ້ລາດບັງຫຼວງແລະຄວາມຫຍໍ້ທໍ້, ພວກເຮົາມີຄວາມເປັນຫ່ວງແລະເສຍໃຈສະເໝີ, ແຕ່ກໍ່ກຳນົດຫຼັກໝັ້ນຢ່າງຈະແຈ້ງວ່າ: ຖ້າບໍ່ຈັດການຢ່າງເດັດດ່ຽວຈະສົ່ງຜົນເຖິງການຢູ່ລອດຂອງລະບອບການປົກຄອງ. ການຈັດການກັບພະນັກງານ, ນັບທັງພະນັກງານຂັ້ນສູງ ຄືກັນກັບສິ່ງທີ່ເກີດຂຶ້ນ, ເປັນສິ່ງທີ່ບໍ່ມີໃຜປາຖະໜາ, ເຖິງຈະເຈັບໃຈແລະເສຍໃຈຫຼາຍ, ແຕ່ກໍ່ເປັນສິ່ງທີ່ຕ້ອງເຮັດ, ເພື່ອພາລະກິດລວມ, ເພື່ອຄວາມເຂັ້ມງວດຂອງລະບຽບວິໄນຂອງພັກ, ຄວາມເຄົາລົບກົດໝາຍຂອງລັດ, ເພື່ອຄວາມບໍລິສຸດ ຄວາມເຂັ້ມແຂງ ແລະ ກຽດສັກສີຂອງພັກແລະລັດ, ແລະ ສຳຄັນກວ່າໝູ່ແມ່ນ ເພື່ອຄວາມມຸ່ງມາດປາຖະໜາຂອງປະຊາຊົນ ແລະ ເພື່ອຜົນປະໂຫຍດຂອງຊາດ-ປະເທດຊາດ.
ສະຫຍາຍເລຂາທິການໃຫຍ່ໄດ້ຊີ້ໃຫ້ເຫັນບາດກ້າວໃໝ່ ກ່ຽວກັບຄວາມຮັບຮູ້ໃນການຕໍ່ສູ້ເພື່ອປ້ອງກັນແລະຕ້ານການສໍ້ລາດບັງຫຼວງແລະຄວາມຟຸມເຟືອຍ: ຈາກບ່ອນ, ໃນເມື່ອກ່ອນ ຄົນສ່ວນຫຼາຍເປັນຫ່ວງກ່ຽວກັບຄວາມເສຍຫາຍທີ່ເກີດຂຶ້ນທັນທີທາງດ້ານວັດຖຸ, ແຕ່ດຽວນີ້ ເຂົາເຈົ້າເອົາໃຈໃສ່ຫຼາຍກວ່າເກົ່າ ຕໍ່ຄວາມເສຍຫາຍທີ່ຊ້ອນແຝງ ແລະຄາດເດົາບໍ່ໄດ້ຂອງການສໍ້ລາດບັງຫຼວງແລະຄວາມຫຍໍ້ທໍ້; ກ່ອນໜ້ານີ້ ພຽງແຕ່ເນັ້ນໃສ່ຂະແໜງການຂອງລັດ ແລະ ການກະທຳທີ່ເຮັດໃຫ້ເກີດການສູນເສຍຊັບສິນຂອງລັດ, ແຕ່ປະຈຸບັນໄດ້ຂະຫຍາຍໄປເຖິງຂະແໜງການນອກພາກລັດ; ເຊື່ອມໂຍງການຕໍ່ສູ້ຕ້ານການສໍ້ລາດບັງຫຼວງ ກັບການຕໍ່ສູ້ຕ້ານຄວາມຫຍໍ້ທໍ້ ແລະຕໍ່ສູ້ຕ້ານລັດທິອັດຕະບຸກຄົນ... ໂດຍສະເພາະ ການປ້ອງກັນແລະຕ້ານການສໍ້ລາດບັງຫຼວງ, ຄວາມຫຍໍ້ທໍ້ ໄດ້ຮັບການຈັດການ ແກ້ໄຂຢ່າງສະໝ່ຳສະເໝີຈາກຄວາມຄິດການຮັບຮູ້ ໄປສູ່ການກະທຳ, ຈາກນັ້ນ ມັນໄດ້ຖືກປະຕິບັດຢ່າງກວ້າງຂວາງ, ຕັ້ງແຕ່ຕົ້ນ ຈາກໄລຍະໄກ, ທັງ “ເທິງ” ແລະ “ຮາກ”.
ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໄດ້ບັນລຸຜົນສຳເລັດທີ່ສຳຄັນຫຼາຍຢ່າງ. ປີ 2014, ຄະນະຊີ້ນຳສູນກາງກ່ຽວກັບການປ້ອງກັນແລະຕ້ານການສໍ້ລາດບັງຫຼວງໄດ້ປະເມີນວ່າ: ການສໍ້ລາດບັງຫຼວງ “ຍັງເປັນສິ່ງທ້າທາຍແລະເປັນບັນຫາອັນຮີບດ່ວນທີ່ສຸດໃນສັງຄົມ”. ເຖິງປີ 2018, ສະຖານະການນີ້ “ຄ່ອຍໆຖືກຄວບຄຸມ ແລະມີທ່າອ່ຽງດີຂຶ້ນ”. ປີ 2020, ການຕໍ່ສູ້ປ້ອງກັນແລະຕ້ານດານສໍ້ລາດບັງຫຼວງ “ໄດ້ບັນລຸຜົນສຳເລັດຕົວຈິງທີ່ສຳຄັນ ຮອບດ້ານ ແລະຈະແຈ້ງຫຼາຍປະການ... “ກາຍເປັນຂະບວນການ ກະແສໜຶ່ງ” ທີ່ພະນັກງານ ສະມາຊິກ ແລະປະຊາຊົນ ເຫັນດີເຫັນພ້ອມ ສະໜັບສະໜູນ ແລະຕີລາຄາສູງ, ແລະໄດ້ຮັບການຍອມຮັບຈາກສາກົນ”(6). ຫາກໃນປີ 2014 ຄະນະຊີ້ນຳປະເມີນວ່າ “ການກວດຈັບການສໍ້ລາດບັງຫຼວງແມ່ນຂອດທີ່ອ່ອນແອ” ແລ້ວ ໃນເວລາມໍ່ໆມານີ້ ວຽກງານນີ້ໄດ້ຮັບການຊີ້ນຳ ແລະ ດຳເນີນການຢ່າງເປັນແບບສະບັບ, ຄົບຊຸດ, ເດັດດ່ຽວ, ມີປະສິດທິຜົນ, ສ້າງບາດກ້າວບຸກທະລຸໃນການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ສິ່ງທີ່ໜ້າສັງເກດທີ່ສຸດຄື ລະບົບລະບຽບກົດໝາຍຮັດແຄບ ແລະ ປິດ “ຊ່ອງຫວ່າງ”, ກີດກັ້ນ ແລະ ຫຼຸດການກະທຳສໍ້ລາດບັງຫຼວງແລະຄວາມຫຍໍ້ທໍ້ທີ່ອາດຈະຫຼຸດລອດໄປໄດ້; ເສີມຂະຫຍາຍສະຕິເປັນເຈົ້າຂອງ ແລະ ຈິດໃຈປະຊາທິປະໄຕຂອງປະຊາຊົນ; ແຈ້ງເຕືອນແລະເພີ່ມທະວີການອົບຮົມສຶກສາ, ຝຶກຝົນຫຼໍ່ຫຼອມພະນັກງານ ສະມາຊິກພັກ; ລົບລ້າງການກະທຳ, ຄະດີສໍ້ລາດບັງຫຼວງແລະຄວາມຫຍໍ້ທໍ້ຂອງບຸກຄົນ. ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ໄດ້ປະກອບສ່ວນຊຸກຍູ້ຄວາມກ້າວໜ້າ ແລະບັນດາຄຸນຄ່າທີ່ດີງາມ, ເພີ່ມແຮງຈູງໃຈໃຫ້ພະນັກງານ ສະມາຊິກພັກທີ່ສະອາດ ເຮັດວຽກແລະມີສ່ວນຮ່ວມຢ່າງກະຕືລືລົ້ນ. ແລະໃນຄວາມເປັນຈິງ ໃນຊຸມປີທີ່ຜ່ານມາ, ພ້ອມກັບການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໄດ້ບັນລຸຜົນສຳຄັນຫຼາຍປະການ, ເສດຖະກິດນັບມື້ນັບພັດທະນາ, ການເມືອງ ແລະສັງຄົມມີສະຖຽນລະພາບ, ກຽດສັກສີແລະຖານະຕຳແໜ່ງຂອງປະເທດໄດ້ຮັບການຍົກສູງ.
ບັນດາຜົນງານສຳຄັນທີ່ກ່າວມາເທິງນີ້ ແມ່ນຫຼັກຖານທີ່ໜ້າເຊື່ອຖື, ປະຕິເສດຢ່າງແຂງແຮງຕໍ່ຄວາມກັງວົນວ່າ ຖ້າພວກເຮົາເອົາໃຈໃສ່ການຕ້ານການສໍ້ລາດບັງຫຼວງ, ກໍ່ສ້າງແລະປັບປຸງພັກຫຼາຍເກີນໄປ, ມັນຈະເຮັດໃຫ້ການຊີ້ນຳຂອງພັກ “ຫົດຖອຍ” ຫຼືການພັດທະນາ “ຊ້າລົງ”; ຈຳເປັນຕ້ອງຢືນຢັນຢ່າງສະໝ່ຳສະເໝີວ່າ, ຍ້ອນເຮັດວຽກງານກໍ່ສ້າງພັກເປັນຢ່າງດີ ແລະການຍູ້ແຮງການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງນັ້ນ ໄດ້ປະກອບສ່ວນຊຸກຍູ້ການພັດທະນາເສດຖະກິດ, ເພີ່ມທະວີການປ້ອງກັນຄວາມໝັ້ນຄົງ-ການປ້ອງກັນປະເທດ ແລະການຕ່າງປະເທດ(7). ການຈັດການຢ່າງເຂັ້ມງວດ ຕໍ່ພະນັກງານສະມາຊິກພັກຫຼາຍທ່ານທີ່ໄດ້ກະທຳຜິດນັ້ນ ບໍ່ໄດ້ “ເຮັດໃຫ້ການພັດທະນາຊ້າລົງ” ແຕ່ກົງກັນຂ້າມ, ເປັນການຊໍາລະລ້າງ ແລະ ສ້າງຄວາມເຂັ້ມແຂງຢ່າງແທ້ຈິງໃຫ້ກັບກົງຈັກການຈັດຕັ້ງແລະພະນັກງານ; ປັບປຸງແລະເພີ່ມທະວີຄວາມເຊື່ອໝັ້ນຂອງປະຊາຊົນ, ສ້າງແຮງຜັກດັນໃໝ່ ແລະບັນຍາກາດໃໝ່ ເພື່ອປະຕິບັດທຸກວຽກງານໃຫ້ສຳເລັດຜົນ, ສ້າງຄວາມເປັນເອກະພາບສູງ ໃນເຈດຈຳນົງແລະການກະທຳຂອງພະນັກງານ ສະມາຊິກພັກ ແລະ ປະຊາຊົນ(8). ໃນຄວາມເປັນຈິງ, ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ນັ້ນ ພຽງແຕ່ “ກີດກັ້ນ” ຜູ້ທີ່ມີເຈຕະນາທີ່ບໍ່ບໍລິສຸດ, “ມືດມົນ” ຢູ່ແລ້ວ ແລະ ຜູ້ທີ່ບໍ່ເຂົ້າໃຈແຜນນະໂຍບາຍແລະນະໂຍບາຍຂອງພັກ, ຂາດຄວາມຮູ້ ປະສົບການ ແລະ ຄວາມກ້າຫານ.
ການລະບຸແລະໄຈ້ແຍກການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໃນຫຼາຍດ້ານ. ກ່ອນອື່ນໝົດ, ນີ້ແມ່ນການຕໍ່ສູ້ - ການຕໍ່ສູ້ພາຍໃນຈິດໃຈ, ຄວາມຮັບຮູ້ ແລະແນວຄິດຂອງພະນັກງານ ສະມາຊິກພັກແຕ່ລະຄົນ; ການຕໍ່ສູ້ກ່ອນອື່ນໝົດພາຍໃນພັກ, ພາຍໃນແຕ່ລະພະນັກງານ ສະມາຊິກພັກ ແລະ ອົງການຈັດຕັ້ງພັກທຸກຂັ້ນ - ການຕໍ່ສູ້ລະຫວ່າງການລໍ້ລວງທາງດ້ານວັດຖຸເລັກໆນ້ອຍໆໃນດ້ານໜຶ່ງ ກັບຄວາມຮັບຜິດຊອບ ແລະສິດທິຕາມກົດໝາຍແລະຊອບທຳ; ການຕໍ່ສູ້ລະຫວ່າງການລໍ້ລວງແລະທຸຈະລິດຂອງອຳນາດໃນດ້ານໜຶ່ງ ກັບຄຸນສົມບັດປະຕິວັດແລະຄວາມຮັບຜິດຊອບຂອງພະນັກງານ ສະມາຊິກພັກແຕ່ລະຄົນ ໃນການຮັບໃຊ້ພັກ, ຮັບໃຊ້ປະຊາຊົນ ແລະຮັບໃຊ້ປະເທດຊາດ. ການຕໍ່ສູ້ນີ້ມີຂອບເຂດກວ້າງຂວາງທົ່ວທັງພັກ ແລະລະບົບການເມືອງ ໂດຍມວນຊົນມີສ່ວນຮ່ວມຢ່າງແຂງຂັນ. ເຖິງວ່າຈະເກີດຂຶ້ນໃນຍາມສັນຕິພາບ ແຕ່ການຕໍ່ສູ້ນີ້ມັກມີລະສະນະເປັນຫຼືຕາຍສະເໝີ, ເພາະມັນມີຄວາມໝາຍຕໍ່ການຢູ່ລອດຂອງລະບອບການປົກຄອງ.
ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ແມ່ນວຽກງານໜຶ່ງ ທີ່ມີລະບົບການຈັດຕັ້ງແຕ່ເທິງລົງລຸ່ມ, ມີແຜນນະໂຍບາຍທີ່ເຂັ້ມແຂງ, ມີທັດສະນະທີ່ບໍ່ປ່ຽນແປງ, ຫຼັກການທີ່ແໜ້ນແຟ້ນ, ທິດນຳທີ່ຈະແຈ້ງ, ວິທີການດຳເນີນງານທີ່ເປັນແບບສະບັບ ໄຫວພິບ, ມີກຳລັງອັນຍິ່ງໃຫຍ່; ໄດ້ຮັບການເອົາໃຈໃສ່ ຕິດຕາມກວດກາ ຕີລາຄາຈາກພັກແລະປະຊາຊົນ ເຊິ່ງຕົວຊີ້ວັດປະສິດທິຜົນສູງສຸດແມ່ນຄວາມໄວ້ວາງໃຈຂອງປະຊາຊົນ. ວຽກງານການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໄດ້ກຳນົດອັດຕະພາບແລະເປົ້າໝາຍຢ່າງຈະແຈ້ງ; ອາວຸດຕໍ່ສູ້ທີ່ເຂັ້ມແຂງແລະມີອໍານາດ; ວິທີການຕໍ່ສູ້ທີ່ຫຼາກຫຼາຍ, ເໝາະສົມກັບແຕ່ລະເປົ້າໝາຍ, ພຶດຕິກໍາ, ແລະລະດັບການລະເມີດ; ຮູບແບບການຕໍ່ສູ້ທີ່ດຸເດືອດ, ເຖິງທີ່ສຸດ, ບໍ່ມີການປະນີປະນອມ. ພິເສດ, ວຽກງານການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ມີກຳລັງອັນຍິ່ງໃຫຍ່, ລະດົມກຳລັງແຮງຂອງທັງລະບົບການເມືອງແລະສັງຄົມທັງໝົດ, ໃນນັ້ນມີການນຳພາໂດຍກົງ, ແໜ້ນແຟ້ນ, ຮອບດ້ານ ແລະເປັນປະຈຳຂອງພັກ ແມ່ນປັດໄຈຕັດສິນຊີ້ຂາດ.
ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ບໍ່ພຽງແຕ່ແມ່ນໜ້າທີ່ແລະຄວາມຮັບຜິດຊອບ ຂອງບັນດາອົງການສະເພາະກິດເທົ່ານັ້ນ, ແຕ່ຍັງກາຍເປັນຄວາມເອົາໃຈໃສ່ລວມຂອງປະຊາຊົນທຸກຊັ້ນວັນນະ, ຂອງພະນັກງານ ສະມາຊິກພັກ ແລະ ບັນດາເພື່ອນມິດສາກົນ. ໃນຊີວິດສັງຄົມທີ່ແທ້ຈິງ, ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ໄດ້ກາຍເປັນຂະບວນການໜຶ່ງ ເຊິ່ງໃນນັ້ນມີບົດບາດສຳຄັນພິເສດຂອງປະຊາຊົນແລະສັງຄົມ. ກຳລັງແຮງແລະແຮງຜັກດັນອັນໃຫຍ່ຫຼວງ ຂອງການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ນັ້ນ ແມ່ນຄວາມເຫັດດີເຫັນພ້ອມ, ສະໜັບສະໜູນ, ການຕອບສະໜອງ, ການເຂົ້າຮ່ວມຢ່າງແຂງຂັນຂອງປະຊາຊົນ ແລະ ລະບົບການເມືອງທັງໝົດ ເຊິ່ງແກນກາງແມ່ນບັນດາອົງການທີ່ມີໜ້າທີ່ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ເຊັ່ນ: ກິດຈະການພາຍໃນ, ການກວດກາ, ການກວດການ, ການກວດສອບ, ການສືບສວນ, ການຟ້ອງຮ້ອງ, ການພິຈາລະນາຄະດີ, ການບັງຄັບໃຊ້ຄຳພິພາກສາ. “ຖ້າຫາກບໍ່ອີງໃສ່ປະຊາຊົນ, ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຍາກທີ່ຈະປະສົບຜົນສໍາເລັດໄດ້”(9). ສະຫາຍເລຂາທິການໃຫຍ່ໄດ້ເນັ້ນເຖິງບົດບາດ ແລະຄວາມຮັບຜິດຊອບຂອງບັນດາອົງການທີ່ປະຊາຊົນເລືອກຕັ້ງຂຶ້ນ, ແນວໂຮມປະເທດຊາດ, ບັນດາອົງການການເມືອງ-ສັງຄົມ, ປະຊາຊົນ ແລະສື່ມວນຊົນ, ວິສາຫະກິດ, ນັກທຸລະກິດແລະອື່ນໆ,...
ກ່ຽວກັບແນວຄິດແລະຄຳຂວັນຊີ້ນຳໂດຍຕະຫຼອດແລະສະໝ່ຳສະເໝີວ່າ: ເດັດດ່ຽວ, ໝັ້ນໜຽວ, ຕໍ່ເນື່ອງ, ທົນທາງໜຽວແໜ້ນ, ບໍ່ພັກເຊົາ, ບໍ່ຢຸດຢັ້ງ; ປ້ອງກັນການສໍ້ລາດບັງຫຼວງຕັ້ງແຕ່ກ່ອນ ຈາກໄລຍະໄກ, ທັງເທິງ ແລະ ລຸ່ມ; ເປັນເຈົ້າການໃນການປ້ອງກັນ ແລະການຕໍ່ສູ້ກັບການການສໍ້ລາດບັງຫຼວງແລະຄວາມຫຍໍ້ທໍ້, ໃນນັ້ນ ການປ້ອງກັນແມ່ນຕົ້ນຕໍ ພື້ນຖານ ຍາວນານ, ການຕ້ານແມ່ນມີຄວາມສຳຄັນແລະຮີບດ່ວນ. ໃຫ້ປະຕິບັດຢ່າງເຄັ່ງຄັກຈາກເທິງລົງລຸ່ມ (ສະຫາຍເລຂາທິການໃຫຍ່ເຕືອນວ່າ: ເຮົາຕ້ອງຫຼີກລ່ຽງສະຖານະການທີ່ວ່າ “ຂັ້ນເທິງບໍ່ທ່ຽງທຳ, ຂັ້ນລຸ່ມຈະວຸ່ນວາຍ!”, “ຜູ້ບັງຄັບບັນຊາບໍ່ຢູ່ໃນຕຳແໜ່ງທີ່ຖືກຕ້ອງ / ຂ້າງລຸ່ມນີ້ພວກເຮົາຈຶ່ງຈອງຫອງດື້ດ້ານ!”(10)), ບໍ່ມີເຂດຫວງຫ້ານ, ບໍ່ມີພື້ນທີ່ຫວ່າງ, ບໍ່ມີຂໍ້ຍົກເວັ້ນ, ບໍ່ມີສິດພິເສດ, ບໍ່ວ່າບຸກຄົນນັ້ນຈະເປັນໃຜ, ບໍ່ມີຄວາມກົດດັນຈາກບຸກຄົນໃດໆ; ການປ້ອງກັນການສໍ້ລາດບັງຫຼວງແລະຄວາມຫຍໍ້ທໍ້ຕັ້ງແຕ່ຕົ້ນ, ຈາກໄລຍະໄກ, ທັງເທິງແລະລຸ່ມ; ການຈັດຕັ້ງປະຕິບັດຕ້ອງມີການສອດຄ່ອງຕັ້ງແຕ່ເທິງລົງລຸ່ມ, ແນວຕັ້ງແລະແນວນອນ. ນີ້ແມ່ນການຕໍ່ສູ້ທີ່ບໍ່ປະນິປະນອມ, ບໍ່ “ທໍ້ຖອຍ”, “ສະດຸດ”, “ເຈັບຫົວເຂົ່າ”. ຈັດການກັບການກະທຳສໍ້ລາດບັງຫຼວງແລະຄວາມຫຍໍ້ທໍ້ ຕະຫຼອດທັງການກະທຳເມີນເສີຍ ແລະ ປົກປິດການສໍ້ລາດບັງຫຼວງແລະຄວາມຫຍໍ້ທໍ້, ການແຊກແຊງ, ຂັດຂວາງການຕໍ່ສູ້ກັບການສໍ້ລາດບັງຫຼວງແລະຄວາມຫຍໍ້ທໍ້.
ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ດຳເນີນຕາມທິດນຳ ເພື່ອການພັດທະນາແລະບົນຈິດໃຈການພັດທະນາ. ຫຼາຍສິບປີກ່ອນ, ສະຫາຍ ຫງວຽນ ຝູ ຈ້ອງ ໄດ້ຂຽນບົດຄວາມທີ່ລົງພິມໃນວາລະສານກອມມູນິດ ກ່ຽວກັບຄວາມຢ້ານກົວຄວາມຮັບຜິດຊອບ. ຫວ່າງມໍ່ໆມານີ້, ກົມການເມືອງສູນກາງພັກໄດ້ອອກລະບຽບການກ່ຽວກັບການສົ່ງເສີມ ແລະປົກປັກຮັກສາພະນັກງານ ສະມາຊິກພັກທີ່ກ້າຄິດ, ກ້າເຮັດ, ກ້າບຸກທະລຸ, ກ້າຮັບຜິດຊອບ ເພື່ອຜົນປະໂຫຍດລວມ ໃນການປະຕິບັດໜ້າທີ່ທີ່ຕົນໄດ້ຮັບມອບໝາຍ. ໃນຄວາມເປັນຈິງ, ບໍ່ພຽງແຕ່ພະນັກງານເທົ່ານັ້ນ, ແຕ່ປະຊາຊົນຍັງເຫັນວ່າ ຜູ້ທີ່ຖືກລົງໂທດຖານການສໍ້ລາດບັງຫຼວງ ໃນເວລາມໍ່ໆນີ້ ແມ່ນໄດ້ກະທໍາເພື່ອຜົນປະໂຫຍດສ່ວນຕົວ ຫຼືຜົນປະໂຫຍດກຸ່ມ, ແລະບໍ່ມີຜູ້ໃດຖືກລົງໂທດທາງວິໄນ ຫຼືຖືກຕັດສິນຄະດີຍ້ອນເຂົາກ້າເຮັດ, ກ້າທີ່ຈະຮັບຜິດຊອບ. ຕ້ານການສໍ້ລາດບັງຫຼວງແລະຄວາມຫຍໍ້ທໍ້ ເພື່ອຍູ້ຖອຍການເສື່ອມໂຊມ, ພ້ອມດຽວກັນນັ້ນກໍ່ປຸກລະດົມຈິດໃຈສ້າງສັນ, ກ້າຄິດ, ກ້າເຮັດ, ກ້າຮັບຜິດຊອບ ໃນຖັນແຖວພະນັກງານ ແລະ ສະມາຊິກພັກ ໂດຍສະເພາະຜູ້ນຳ.
ນິພົນຂອງສະຫາຍເລຂາທິການໃຫຍ່ເຜີຍແຜ່ຈິດໃຈຂອງການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຕ້ອງໄດ້ປະຕິບັດຢ່າງເຂັ້ມງວດ, ພ້ອມກັນນັ້ນ ກໍ່ມີຄຸນຄ່າມະນຸດນິຍົມຢ່າງເລິກເຊິ່ງ. ສະຫາຍເລຂາທິການໃຫຍ່ເນັ້ນເຖິງທັດສະນະຂອງປະທານໂຮ່ຈີມິນ: “ຕັດກິ່ງໄມ້ທີ່ມີໜອນອອກບາງສ່ວນ ເພື່ອຮັກສາຕົ້ນໄມ້ທັງຕົ້ນ”. ຈຸດປະສົງໃນການຈັດການກັບການສໍ້ລາດບັງຫຼວງແລະຄວາມຫຍໍ້ທໍ້ ແມ່ນເພື່ອ “ປິ່ນປົວພະຍາດ, ຊ່ວຍຊີວິດຜູ້ຄົນ” ລົງໂທດຄົນຈໍານວນໜ້ອຍ ເພື່ອຊ່ວຍເຫຼືອຄົນຈໍານວນຫຼາຍ. ດຳເນີນຄະດີໜຶ່ງເພື່ອແຈ້ງເຕືອນທັງເຂດ ຫຼືຂະແໜງການ. ການຕໍ່ສູ້ຈະຕ້ອງຄວບຄູ່ໄປກັບການສ້າງສະເໝີ. ບໍ່ຈຳເປັນຕ້ອງຈັດການຫຼາຍເພື່ອເປັນການດີ, ແຕ່ສິ່ງທີ່ສຳຄັນແມ່ນຕ້ອງຕໍ່ສູ້ເພື່ອປ້ອງກັນ, ສະກັດກັ້ນ, ແຈ້ງເຕືອນ, ຕັກເຕືອນ, ຂັດຂວາງ... ການຈັດການຕ້ອງສັດຈະວິພາກແລະແໜ້ນແຟ້ນທີ່ສຸດ, ວາງຢູ່ໃນສະພາບແວດລ້ອມປະຫວັດສາດສະເພາະຂອງຄວາມເປັນຈິງ ແລະຂໍ້ບັງຄັບທາງກົດໝາຍ ໃນຂະນະທີ່ເກີດການລະເມີດ; ພິຈາລະນາສິ່ງຊຸກຍູ້, ວັດຖຸປະສົງຂອງການລະເມີດ, ຄວາມເສຍຫາຍທີ່ຕາມມາ ແລະສາເຫດຢ່າງຮອບຄອບ ເພື່ອປະເມີນຄວາມສຳພັນໂດຍລວມຢ່າງພາວະວິໄສ ແລະຮອບດ້ານ; ຈາກນັ້ນ ລະບຸລັກສະນະທີ່ແທ້ຈິງຂອງເຫດການ, ການລະເມີດ ຂໍ້ຜິດພາດ ສິ່ງຊຸກຍູ້ ແລະວັດຖຸປະສົງ(11). ຈັດການກັບການລະເມີດຂອງຜູ້ທີ່ໃຊ້ສິ່ງຊຸກຍູ້ຈາກຜົນປະໂຫຍດສ່ວນຕົວຢ່າງເຄັ່ງຄັດ; ສົ່ງເສີມຄວາມຕື່ນຕົວໃນການຍອມຮັບຂໍ້ບົກພ່ອງແລະຂໍ້ຜິດພາດ, ສະໝັກໃຈໃນການແກ້ໄຂຜົນທີ່ຕາມມາ, ຊົດເຊີຍຄວາມເສຍຫາຍ ແລະ ລາອອກຈາກຕຳແໜ່ງຂອງຜູ້ທີ່ກະທຳການລະເມີດ; ພ້ອມກັນນັ້ນ, ປົກປ້ອງແລະສົ່ງເສີມຜູ້ທີ່ກ້າຄິດ ກ້າເຮັດ ກ້າປ່ຽນແປງໃໝ່ ແລະ ປະດິດສ້າງ ເພື່ອພາລະກິດລວມ(12). ຄວນມີນະໂຍບາຍອະໄພຍະທານໃຫ້ຜູ້ທີ່ກະທຳການສໍ້ລາດບັງຫຼວງ ແຕ່ໄດ້ເປັນເຈົ້າການລາຍງານແລະແກ້ໄຂຜົນທີ່ຕາມມາກ່ອນທີ່ຈະຖືກຄົ້ນພົບ, ເພື່ອສ້າງບັນຍາກາດທາງສັງຄົມທີ່ດີເພື່ອປ້ອງກັນການສໍ້ລາດບັງຫຼວງ. ໃນຄວາມເປັນຈິງ, ວຽກງານການສອບສວນ, ດຳເນີນຄະດີ ແລະ ພິຈາລະນາຄະດີສໍ້ລາດບັງຫຼວງໃນເວລາທີ່ຜ່ານມາມໍ່ນີ້ ດຳເນີນໄປຢ່າງເດັດດ່ຽວ, ຕໍ່ເນື່ອງ, ບໍ່ປະນີປະນອມ, ບໍ່ຄ່ອຍເບົາ, ບໍ່ປ່ອຍໃຫ້ອາຊະຍາກອນຫຼົບໜີ; ພ້ອມກັນນັ້ນ, ບໍ່ເຮັດຄວາມອະຍຸຕິທຳ; ເຂັ້ມງວດຫຼາຍ ແຕ່ກໍ່ມີມະນຸດສະທຳຫຼາຍ, ມີຄວາມເຫັນອົກເຫັນໃຈ, ມີເຫດຜົນ ແລະ ສະແດງຄວາມຮັກແພງ. ດ້ວຍເຫດນີ້, ຜູ້ທີ່ຖືກຈັດການຄະດີສ່ວນໃຫຍ່ແມ່ນໄດ້ຮັບຮູ້ຢ່າງຈະແຈ້ງເຖິງການລະເມີດຂອງພວກເຂົາ ພ້ອມທັງຜົນທີ່ຕາມມາຂອງການລະເມີດເຫຼົ່ານັ້ນ; ພວກເຂົາຕ້ອງຍອມຮັບດ້ວຍຫົວໃຈແລະຄຳເວົ້າ, ສະແດງຄວາມກັບໃຈກິນແໜງ, ຂໍໂທດພັກ ລັກ ແລະປະຊາຊົນ(13).
ນິພົນຂອງສະຫາຍເລຂາທິການໃຫຍ່ໄດ້ສະຫຼຸບແລະຖອດຖອນບັນດາບົດຮຽນທີ່ມີຄຸນຄ່າຫຼາຍ ທັງໃນດ້ານທິດສະດີແລະພຶດຕິກຳ ເພື່ອເສີມສ້າງຄວາມກ້າຫານແລະຄວາມເຊື່ອໝັ້ນໃນການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ໃນນັ້ນມີບັນດາບົດຮຽນທີ່ສຳຄັນຄື: 1- ຮັບຮູ້ຢ່າງຄົບຖ້ວນແລະເລິກເຊິ່ງກ່ຽວກັບທີ່ຕັ້ງແລະຄວາມໝາຍສຳຄັນພິເສດ ຂອງວຽກງານການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ຈາກນັ້ນ ມີຄວາມຕັດສິນໃຈທາງການເມືອງສູງສຸດ, ມີມາດຕະການທີ່ຖືກຕ້ອງ ແລະ ການດຳເນີນການທີ່ດຸເດືອດພາຍໃຕ້ການນຳພາ ຊີ້ນຳໂດຍກົງ ລວມສູນ ເປັນເອກະພາບຂອງພັກ ເຊິ່ງໂດຍກົງແມ່ນຄະນະຊີ້ນຳສູນກາງກ່ຽວກັບການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ທີ່ຂຶ້ນກັບກົມການເມືອງສູນກາງພັກ; ຄະນະກິດຈະການພາຍໃນສູນກາງແມ່ນອົງການປະຈຳຂອງຄະນະຊີ້ນຳ; 2- ເອົາໃຈໃສ່ເປັນພິເສດ ແລະ ໃຫ້ຄວາມສຳຄັນກັບວຽກງານພະນັກງານ; ເຊື່ອມຕໍ່ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ກັບການກໍ່ສ້າງແລະປັບປຸງພັກ ແລະລະບົບການເມືອງ ໃຫ້ສະອາດປອດໄສ ແລະໝັ້ນຄົງເຂັ້ມແຂງ, ແລະ ການຮ່ຳຮຽນແລະປະຕິບັດຕາມແນວຄິດ ຄຸນສົມບັດສິນທຳ ແລະ ແບບແຜນຂອງໂຮ່ຈີມິນ; ລະດົມກຳລັງແຮງສັງລວມຂອງລະບົບການເມືອງ ແລະທົ່ວສັງຄົມ ໃນການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້; 3- ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ແມ່ນ “ການຕໍ່ສູ້ກັບພວກບຸກລຸກພາຍໃນ”; ແມ່ນໜ້າທີ່ສຳຄັນທີ່ສຸດ ແຕ່ກໍ່ຫຍຸ້ງຍາກທີ່ສຸດ, ມັນຮຽກຮ້ອງໃຫ້ຕ້ອງດຳເນີນຢ່າງເດັດດ່ຽວ ໜຽວແໜ້ນ ຕໍ່ເນື່ອງ ໝັ້ນໜຽວ, “ບໍ່ພັກເຊົາ”, “ບໍ່ຢຸດຢັ້ງ” ຢູ່ທຸກຂັ້ນ ທຸກຂະແໜງການ ທຸກຂົງເຂດ; ປະຕິບັດບັນດາມາດຕະການດ້ານການເມືອງ ແນວຄິດ ການຈັດຕັ້ງ ການບໍລິຫານ ເສດຖະກິດ ອາດຊະຍາ. ບໍ່ອັດຕະວິໄສ ຮ້ອນຮົນ; ບໍ່ຫຼົບຫຼີກ, ບໍ່ເຮັດແບບຢຸໆຢ່ອນໆ; 4- ຕ້ອງປະສານສົມທົບຢ່າງແໜ້ນແຟ້ນແລະຄົບຊຸດລະຫວ່າງ ການປ້ອງກັນຢ່າງຕັ້ງໜ້າ ກັບ ການເປັນເຈົ້າການໃນການກວດພົບ ແລະ ການຈັດການກັບການສໍ້ລາດບັງຫຼວງແລະຄວາມຫຍໍ້ທໍ້ ຢ່າງທັນການແລະເຂັ້ມງວດ; ໃນນັ້ນ ການປ້ອງກັນເປັນຕົ້ນຕໍ, ພື້ນຖານ ແລະ ຍາວນານ; ການກວດພົບແລະການຈັດການແມ່ນສຳຄັນແລະບຸກທະລຸ. ເພີ່ມທະວີການອົບຮົມສຶກສາທາງວິໄນ, ຮັດແໜ້ນລະບຽບວິໄນ, ໃຊ້ວິໄນທີ່ເຂັ້ມງວດ ແລະຕິດຕາມກວດກາຢ່າງເຂັ້ມງວດ; ເພື່ອໃຫ້ພະນັກງານ ສະມາຊິກພັກຮັກສາ, ຈົດຈຳຂໍ້ຫ້າມ ແລະຈຳກັດຂອບເຂດ; 5- ເພີ່ມທະວີ ແລະຍົກສູງປະສິດທິພາບຂອງການຄວບຄຸມອຳນາດ. ອຳນາດທັງໝົດຈະຕ້ອງຖືກຄວບຄຸມໂດຍກົນໄກ; ອຳນາດຕ້ອງຜູກມັດດ້ວຍຄວາມຮັບຜິດຊອບ; ເມື່ອມີອຳນາດມາພ້ອມກັບຄວາມຮັບຜິດຊອບ, ມີອຳນາດສູງ ຄວາມຮັບຜິດຊອບກໍ່ສູງຂຶ້ນເທົ່ານັ້ນ. ເຮົາຕ້ອງ “ຂັງ” ອຳນາດໄວ້ໃນ “ກົງ” ຂອງກົນໄກ, ເພື່ອຮັບປະກັນວ່າ ອຳນາດໄດ້ດຳເນີນການຢ່າງຖືກຕ້ອງແລະບໍ່ “ກາຍເປັນໂມຄະ”. ຕ້ອງເພີ່ມທະວີການຕິດຕາມກວດກາການໃຊ້ອຳນາດຂອງພະນັກງານການນຳ, ໂດຍສະເພາະແມ່ນຫົວໜ້າ, ເພີ່ມທະວີການຕິດຕາມກວດກາພາຍໃນຄະນະນຳ; ໃຊ້ອຳນາດຕາມກົດໝາຍຢ່າງເປີດເຜີຍ ເພື່ອໃຫ້ພະນັກງານແລະປະຊາຊົນຕິດຕາມກວດກາ. ບໍ່ມີໃຜມີອຳນາດເດັດຂາດເໜືອກົດໝາຍ, ຜູ້ໃດກໍ່ຕາມທີ່ໃຊ້ອຳນາດຕ້ອງຮັບໃຊ້ປະຊາຊົນ ຮັບຜິດຊອບຕໍ່ປະຊາຊົນ ແລະ ຍອມຮັບການຕິດຕາມກວດກາຂອງປະຊາຊົນດ້ວຍຄວາມສະໝັກໃຈ; 6- ເອົາໃຈໃສ່ເຖິງການປັບປຸງຍົກສູງປະສິດທິພາບແລະປະສິດທິຜົນໃນການປະຕິບັກງານ, ເສີມຂະຫຍາຍບົດບາດຫຼັກແຫຼ່ງ ແລະການປະສານສົມທົບຢ່າງໃກ້ຊິດ, ຄົບຊຸດ, ເຂົ້າແກັບເຂົ້າເກຍ, ທັນການ ແລະມີປະສິດທິຜົນ ຂອງອົງການທີ່ມີໜ້າທີ່ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້; ໃນນັ້ນ, ຄະນະຊີ້ນຳເປັນສູນກາງໃນການຊີ້ນຳແລະປະສານການເຄື່ອນໄຫວ; 7- ບັນດາວິທີແກ້ໄຂການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຕ້ອງສອດຄ່ອງກັບສະພາບການ ແລະຄວາມຕ້ອງການພັດທະນາເສດຖະກິດຕະຫຼາດຕາມທິດສັງຄົມນິຍົມຢູ່ຫວຽດນາມ ແລະ ປະເພນີວັດທະນະທຳຂອງປະເທດ; ຮັບເອົາບົດຮຽນຈາກຕ່າງປະເທດໂດຍມີການເລືອກເຝັ້ນ; ສືບທອດບົດຮຽນຂອງບັນດາວາລະປະຊຸມກ່ອນໜ້ານີ້; 8- ລະວັງຕົວ, ຕໍ່ສູ້ກັບກົນອຸບາຍແລະການກະທຳຂອງອິດທິກຳລັງສັດຕູ ແລະ ພວກຜູ້ຮ້າຍທີ່ສວຍໃຊ້ການຕໍ່ສູ້ຕ້ານການສໍ້ລາດບັງຫຼວງ ເພື່ອປຸກປັ່ນ ແບ່ງແຍກ ແລະທຳລາຍພັກ ລັດແລະລະບອບການປົກຄອງຂອງພວກເຮົາ. ຈັດການຢ່າງເຄັ່ງຄັດແລະແກ້ໄຂຜ່ານຜ່າສະຖານະການຂໍ້ມູນດ້ານດຽວ, ຂໍ້ມູນທີ່ບໍ່ຖືກຕ້ອງ, ຂໍ້ມູນຍົວະຍຸ ກໍ່ໃຫ້ເກີດຄວາມສັບສົນ ຫຼືຕັດສິນຄວາມຜິດແລະຄຳພິພາກສາກ່ອນການພິຈາລະນາຄະດີ.
ຊີ້ໃຫ້ເຫັນການແກ້ໄຂທີ່ຮອບດ້ານ ເພື່ອສືບຕໍ່ຍູ້ແຮງ ແລະ ຍົກສູງປະສິດທິພາບການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ໃນນິພົນຂອງສະຫາຍເລຂາທິການໃຫຍ່, ມີການລະບຸໜ້າທີ່ແລະວິທີແກ້ໄຂໄວ້ຢ່າງຮອບດ້ານວ່າ “ບໍ່ກ້າ”, “ບໍ່ສາມາດ” “ບໍ່ຢາກ”, “ບໍ່ຕ້ອງການ” ການສໍ້ລາດບັງຫຼວງແລະຄວາມຫຍໍ້ທໍ້; ປະສານມາດຕະການທາງການເມືອງແນວຄິດ ການຈັດຕັ້ງບໍລິຫານ ເສດຖະກິດ ແລະ ອາດຊະຍາກຳ; ມີຈຸດໜັກໃຈກາງ, ສົມທົບຢ່າງແໜ້ນແຟ້ນລະຫວ່າງຄວາມຕັ້ງໜ້າໃນການປ້ອງກັນ ກັບຄວາມເປັນເຈົ້າການໃນການຄົ້ນພົບ ແລະ ຈັດການຢ່າງເຂັ້ມງວດ; ມີບາດກ້າວແລະແຜນງານທີ່ເໝາະສົມກັບແຕ່ລະໄລຍະການພັດທະນາຂອງປະເທດ, ຕັ້ງແຕ່ການໂຄສະນາຊວນເຊື່ອ, ກາຝຶກອົບຮົມ, ການປັບປຸງບູລະນະສະຖາບັນ, ວຽກງານພະນັກງານ, ການກວດກາ, ການຕິດຕາມກວດກາ, ການຄວບຄຸມຊັບສິນແລະລາຍໄດ້, ການປະຕິຮູບດ້ານການບໍລິຫານ, ການກໍ່ສ້າງອົງການ ໜ່ວຍງານ ແລະພະນັກງານວິຊາສະເພາະ. ດ້ວຍຈິດໃຈແຫ່ງການສ້າງບາດກ້າວໃໝ່ທີ່ຮຸນແຮງຍິ່ງຂຶ້ນ, ແຂງແຮງຂຶ້ນ ແລະ ມີປະສິດທິພາບຫຼາຍຂຶ້ນໃນເວລາທີ່ຈະມາເຖິງ, ສະຫາຍເລຂາທິການໃຫຍ່ໄດ້ລະບຸຢ່າງຊັດເຈນ ເຖິງໜ້າທີ່ແລະວິທີແກ້ໄຂຫຼັກທີ່ຕ້ອງສຸມໃສ່ປະຕິບັດໃຫ້ດີ:
- ສືບຕໍ່ສ້າງແລະປັບປຸງບູລະນະກົນໄກທີ່ຄົບຊຸດ ກ່ຽວກັບການກໍ່ສ້າງແລະປັບປຸງພັກ, ຍົກສູງຄວາມຮັບຮູ້ ຄວາມຮັບຜິດຊອບ, ລັກສະນະປະຈັນບານນຳໜ້າ ເປັນແບບຢ່າງ, ສ້າງວັດທະນະທຳແຫ່ງຄວາມຊື່ສັດທ່ຽງທຳ, ບໍ່ສໍ້ລາດບັງຫຼວງ ບໍ່ຫຍໍ້ທໍ້ ໃນພະນັກງານ ສະມາຊິກພັກ ແລະປະຊາຊົນ, ກ່ອນອື່ນໝົດແມ່ນຄວາມເປັນແບບຢ່າງ, ເວົ້າຄວບຄູ່ກັບການກະທຳ ຂອງຫົວໜ້າແລະຄະນະນຳທຸກຂັ້ນ, ຂະແໜງການ, ສຳນັກງານອົງການ, ທ້ອງຖິ່ນ ແລະໜ່ວຍງານ ໃນການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ບັນດາຄະນະພັກແລະອົງການຈັດຕັ້ງພັກຕ້ອງຍົກສູງລັກສະນະສູ້ຮົບ, ເປັນເຈົ້າການໃນການປ້ອງກັນ, ຄົ້ນພົບດ້ວຍຕົນເອງ ແລະ ຈັດການກັບການກະທຳສໍ້ລາດບັງຫຼວງແລະຄວາມຫຍໍ້ທຍໍ້. ພະນັກງານ ສະມາຊິກພັກທຸກຄົນ, ກ່ອນອື່ນໝົດແມ່ນຫົວໜ້າ ຕ້ອງເປັນແບບຢ່າງ ໃນການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ເຊີດຊູຄວາມຮັບຜິດຊອບໃນການເປັນແບບຢ່າງ ແລະຄວາມຮັບຜິດຊອບຂອງຫົວໜ້າ. ພະນັກງານນຳພາແລະຄຸ້ມຄອງ ຕ້ອງເປັນແບບຢ່າງດ້າງຄວາມຊື່ສັດ ຄວາມບໍລິສຸດ, ບໍ່ສໍ້ລາດບັງຫຼວງ ບໍ່ໃຊ້ຈ່າຍຟຸມເຟືອຍ; ເປັນແບບຢ່າງໃນການຕໍ່ສູ້ຕ້ານການສໍ້ລາດບັງຫຼວງແລະຄວາມຫຍໍ້ທໍ້. ຫົວໜ້າຕ້ອງຮັບຜິດຊອບຕໍ່ຈຸດອ່ອນ ແລະການລະເມີດການສໍ້ລາດບັງຫຼວງແລະຄວາມຫຍໍ້ທໍ້ ໃນສຳນັກງານ ອົງການ ໜ່ວຍງານ ກົມກອງ ແລະທ້ອງຖິ່ນຂອງຕົນ. ຖ້າຫາກການກວດກາ, ຕິດຕາມກວດກາຕົນເອງ ບໍ່ກວດພົບການສໍ້ລາດບັງຫຼວງຄວາມຫຍໍ້ທໍ້, ແຕ່ທີມງານກວດກາຂອງສູນກາງ ໄດ້ກວດພົບການສໍ້ລາດບັງຫຼວງ ຄວາມຫຍໍ້ທໍ້, ຜູ້ເປັນຫົວໜ້າຈະຕ້ອງຮັບຜິດຊອບ ແລະຕ້ອງຖືກດຳເນີນການທາງວິໄນຢ່າງເຂັ້ມງວດ(14).
ສະຫາຍເລຂາທິການໃຫຍ່ເນັ້ນໜັກວ່າ: ບັນດາອົງການຈັດຕັ້ງພັກແລະສະມາຊິກພັກຕ້ອງສາມັກຄີ, ເປັນເອກະພາບ ແລະລຸລ່ວງ, ຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ດ້ວຍຄວາມຕັດສິນໃຈສູງ, ຄວາມພະຍາຍາມສູງ, ເວົ້າຄວບຄູ່ກັບການກະທຳ; “ສິ່ງທີ່ຈຳເປັນທີ່ສຸດໃນເວລານີ້ຄື ຄວາມຕື່ນຕົວ, ຄວາມເປັນເອກະພາບສູງທາງດ້ານເຈດຈຳນົງ ແລະການກະທຳ, ການຈັດຕັ້ງປະຕິບັດ”. ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ບໍ່ພຽງແຕ່ແມ່ນການປະກາດ, ແຕ່ໄດ້ກາຍເປັນການຕັດສິນໃຈທາງດ້ານການເມືອງ ແລະ ປະຕິບັດຕົວຈິງ. ການແກ້ໄຂຜ່ານຜ່າສະຖານະການ “ຂ້າງເທິງຮ້ອນ, ຂ້າງລຸ່ມເຢັນ”.
- ເພີ່ມທະວີວຽງກງານກວດກາ, ຕິດຕາມກວດກາ, ກວດການ, ກວດບັນຊີ ເພື່ອຄົ້ນພົບ ແລະ ຈັດການກັບການກະທຳສໍ້ລາດບັງຫຼວງ ແລະຄວາມຫຍໍທໍ້ຢ່າງທັນການແລະເຂັ້ມງວດ. ຍູ້ແຮງການສອບສວນ, ການດຳເນີນຄະດີ, ການພິຈາລະນາຄະດີ ແລະການດຳເນີນການຕາມຄຳພິພາກສາ; ການກວດພົບຕັ້ງແຕ່ຕົ້ນ, ການຈັດການຄະດີສໍ້ລາດບັງຫຼວງຢ່າງທັນການ, ເຂັ້ມງວດ ແລະ ເປີດເຜີຍ, ຜ່ານນັ້ນ ເພີ່ມການສັ່ງສອນຕັກເຕືອນ, ແຈ້ງເຕືອນ. ເພື່ອ “ບໍ່ກ້າ” ສໍ້ລາດບັງຫຼວງ, ຈຳເປັນຕ້ອງມີກົນໄກສັ່ງເຕືອນ ແລະລົງໂທດຢ່າງເຂັ້ມງວດ. ເປັນເຈົ້າການໃນການຄົ້ນພົບ ແລະຈັດການກັບການສໍ້ລາດບັງຫຼວງຢ່າງເຂັ້ມງວດຕັ້ງແຕ່ເທິງລົງລຸ່ມ, ບໍ່ມີເຂດຕ້ອງຫ້າມ, ບໍ່ມີພື້ນທີ່ວ່າງ, ບໍ່ມີຂໍ້ຍົກເວັ້ນ, ບໍ່ມີສິດພິເສດ, ບໍ່ວ່າບຸກຄົນນັ້ນຈະເປັນຜູ້ໃດກໍ່ຕາມ. ຈັດການກັບພະນັກງານທັງປະຈຳການແລະກະສຽນອາຍຸ ທີ່ກະທຳການສໍ້ລາດບັງຫຼວງ ລວມທັງພະນັກງານລະດັບສູງ ພະນັກງານໃນກອງທັບ. ສຸມໃສ່ການຈັດການຢ່າງຂາດຕົວກັບຫຼາຍກໍລະນີທີ່ສັບສົນ ແກ່ຍາວຜ່ານຫຼາຍວາລະ. ເປີດກວ້າງການເຄື່ອນໄຫວປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໃນຂົງເຂດນອກພາກລັດ; ຍົກສູງປະສິດທິຜົນການຮ່ວມມືສາກົນ ໃນດ້ານການປ້ອງກັນແລະຕ້ານການສໍ້ລາດບັງຫຼວງ. ດຳເນີນການປະສານສົມທົບລະຫວ່າງການປະຕິບັດລະບຽບວິໄນຂອງພັກ ກັບລະບຽບວິໄນບໍລິຫານຂອງລັດ, ລະບຽບວິໄນຂອງອົງການຈັດຕັ້ງ ແລະ ການແກ້ໄຂທາງອາຍາ. ໃນນັ້ນ, ລະບຽບວິໄນຂອງພັກຕ້ອງໄດ້ປະຕິບັດກ່ອນ, ສ້າງປະຖົມປັດໄຈເພື່ອຈັດການແກ້ໄຂວິໄນການບໍລິຫານ, ວິໄນຂອງອົງການຈັດຕັ້ງ ແລະການຈັດການທາງອາຍາ; ວິໄນຂອງພັກເຂັ້ມງວດກວ່າການລົງໂທດທາງກົດໝາຍ.
ສະຫາຍເລຂາທິການໃຫຍ່ໃຫ້ຄວາມເຫັນທີ່ເປັນທັດສະນະຊີ້ນຳສະເພາະທີ່ສຸດ ແລະໃຊ້ງານໄດ້ຈິງຫຼາຍ, ຮຽກຮ້ອງໃຫ້ມີການປະຕິບັດຢ່າງເຂັ້ມງວດ, ປະກອບສ່ວນສ້າງບາດກ້າວບຸກທະລຸໃນການກວດສອບແລະການແກ້ໄຂການສໍ້ລາດບັງຫຼວງແລະຄວາມຫຍໍ້ທໍ້: ຫາກມີກໍລະນີແມ່ນຕ້ອງໄດ້ຮັບການກວດສອບແລະຊີ້ແຈງ; ຕັ້ງໜ້າ, ຮີບດ່ວນ, ຈະແຈ້ງຮອດລະດັບໃດ ໃຫ້ຈັດການແກ້ໄຂຮອດລະດັບນັ້ນ; ຈັດການທັງການສໍ້ລາດບັງຫຼວງ ຄວາມຫຍໍ້ທໍ້ ແລະ ການກະທຳເພື່ອປົກປິດການສໍ້ລາດບັງຫຼວງແລະຄວາມຫຍໍ້ທໍ້, ການແຊກແຊງຂັດຂວາງການຕ້ານການສໍ້ລາດບັງຫຼວງແລະຄວາມຫຍໍ້ທໍ້. ຖ້າມີປະກົດການກໍ່ອາດຊະຍາກຳ ແມ່ນຕ້ອງເລີ່ມຟ້ອງຮ້ອງ, ສືບສວນ ສອບສວນ, ສະຫຼຸບວ່າມີຄວາມຜິດ ແມ່ນຕ້ອງດຳເນີນຄະດີ ແລະ ພິຈາລະນາຄະດີ; ຖ້າບໍ່ເຖິງລະດັບຄວາມຜິດທາງອາດຊະຍາ ກໍ່ຕ້ອງໄດ້ຮັບການຈັດການຢ່າງເຂັ້ມງວດ ຕາມຂໍ້ບັງຄັບຂອງລັດ ແລະ ອົງການຈັດຕັ້ງ. ໃນຂະບວນການກວດກາ, ຕິດຕາມກວດກາ, ກວດການ, ກວດບັນຊີ ແລະ ດຳເນີນການຕາມຄຳພິພາກສາ, ຖ້າຫາກກວດພົບຄະດີທີ່ມີສັນຍານຂອງການກໍ່ອາດຊະຍາກຳ ຈະຕ້ອງໂອນເອກະສານໃຫ້ເຈົ້າໜ້າທີ່ສືບສວນ-ສອບສວນ ເພື່ອດຳເນີນຄະດີຕາມກົດໝາຍ ໂດຍບໍ່ລໍຖ້າໃຫ້ຂະບວນການສິ້ນສຸດລົງ... ໃນລະຫວ່າງການສອບສວນ ດຳເນີນຄະດີ ພິຈາລະນາຄະດີ ການບັງຄັບໃຊ້ຄຳພິພາກສາ, ການກວດສອບ ແລະການກວດບັນຊີ, ຫາກກວດພົບການລະເມີດທີ່ກ່ຽວຂ້ອງກັບພະນັກງານ ສະມາຊິກພັກ ຈະຕ້ອງລາຍງານແລະໂອນເອກະສານໄປໃຫ້ຄະນະພັກ, ຄະນະກຳມະການກວດກາທີ່ມີອຳນາດໃນການພິຈາລະນາແລະດຳເນີນການຕາມທັດສະນະຂອງພັກໂດຍທັນທີ.
ສຸມໃສ່ຊີ້ນຳແລະຈັດການກັບຂັ້ນຕອນທີ່ອ່ອນແອແລະຍາກໃນການປ້ອງກັນແລະຕ້ານການປ້ອງກັນແລະຕ້ານການສໍ້ລາດບັງຫຼວງໃນປະຈຸບັນ. ໃນນັ້ນ ຂັ້ນຕອນທີ່ອ່ອນແອຄືການກວດຈັບການສໍ້ລາດບັງຫຼວງແລະຄວາມຫຍໍ້ທຍ້; ວຽກງານທີ່ຫຍຸ້ງຍາກ, ຂົງເຂດແຄບແລະເລິກ ເຊັ່ນ ວຽກງານປະເມີນລາຄາ, ການຕີລາຄາຊັບສິນ, ການກູ້ຄືນຊັບສິນທີ່ລັກບອບ, ລວມທັງຊັບສິນທີ່ກະຈັດກະຈາຍໄປຕ່າງປະເທດດ້ວຍຫຼາຍວິທີ, ການປະສານງານກັບບັນດາອົງການທີ່ມີໜ້າທີ່ຮັບຜິດຊອບ ເພື່ອປ້ອງກັນຕັ້ງແຕ່ຕົ້ນ, ກວດຈັບ ແລະ ດຳເນີນຄະດີຢ່າງເຂັ້ມງວດຕໍ່ຜູ້ລະເມີດທີ່ຫຼົບໜີໄປຕ່າງປະເທດ...
- ປັບປຸງບູລະນະກົນໄກປ້ອງກັນທີ່ເຂັ້ມງວດ ເພື່ອເຮັດໃຫ້ການສໍ້ລາດບັງຫຼວງ ແລະ ຄວາມຫຍໍ້ທໍ້ “ເປັນໄປບໍ່ໄດ້”. ສືບຕໍ່ກໍ່ສ້າງແລະປັບປຸງສະຖາບັນການຄຸ້ມຄອງເສດຖະກິດ-ສັງຄົມ ແລະ ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້; ແກ້ໄຂຄວາມບໍ່ພຽງພໍໂດຍທັນທີ, ປິດ “ຊ່ອງວ່າງ”, “ຊ່ອງໂຫວ່”, ປັບປຸງຍົກສູງປະສິດທິພາບການຈັດຕັ້ງປະຕິບັດສະຖາບັນ ເພື່ອເຮັດໃຫ້ການສໍ້ລາດບັງຫຼວງ ແລະ ຄວາມຫຍໍ້ທໍ້ “ເປັນໄປບໍ່ໄດ້”. ປະສານສົມທົບຢ່າງແໜ້ນແຟ້ນລະຫວ່າງ ການປ້ອງກັນຢ່າງຕັ້ງໜ້າ ກັບຄວາມເປັນເຈົ້າການໃນການກວດຈັບ ແລະການຈັດການການກະທຳສໍ້ລາດບັງຫຼວງ ຄວາມຫຍໍ້ທໍ້ຢ່າງເຂັ້ມງວດແລະທັນທ່ວງທີ. ສືບຕໍ່ປັບປຸງບູລະນະ ແລະປະຕິບັດກົດລະບຽບກ່ຽວກັບການເປີດເຜີຍ ໂປ່ງໃສ ແລະຄວາມຮັບຜິດຊອບໃນການອະທິບາຍລາຍງານ ໃນອົງການຈັດຕັ້ງ ແລະໜ່ວຍງານຢ່າງເຄັ່ງຄັດ; ຄວບຄຸມຊັບສິນແລະລາຍໄດ້ຂອງຜູ້ດຳລົງຕຳແໜ່ງແລະຜູ້ມີອຳນາດ ຢ່າງມີປະສິດທິພາບ; ຍູ້ແຮງການປະຕິຮູບການບໍລິຫານ; ສ້າງຖັນແຖວພະນັກງານທີ່ມີຄຸນສົມບັດ ຄວາມສາມາດ ແລະສັກສີພຽງພໍໃຫ້ເທົ່າທຽມກັບໜ້າທີ່ໃນຍຸກໃໝ່ ແລະເພີ່ມທະວີການຕິດຕາມກວດກາການໃຊ້ອຳນາດ.
- ເພີ່ມທະວີການເປີດເຜີຍ ຄວາມໂປ່ງໃສ, ການຕິດຕາມກວດກາແລະຄວບຄຸມອຳນາດ; ສ້າງວັດທະນະທຳແຫ່ງຄວາມຊື່ສັດແລະຄວາມປະຢັດ. ໃນນັ້ນ, ການເປີດເຜີນ ຄວາມໂປ່ງໃສ ແລະຄວາມຮັບຜິດຊອບໃນການອະທິບາຍລາຍງານ ໄດ້ຮັບການເນັ້ນຢ້ຳໂດຍສະຫາຍເລຂາທິການໃຫຍ່ວ່າ ເປັນເງື່ອນໄຂສຳຄັນທຳອິດໃນການຄວບຄຸມອຳນາດ ເພື່ອໃຫ້ອົງການທີ່ກ່ຽວຂ້ອງ ສາມາດຕິດຕາມກວດກາວຽກງານການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໄດ້ຢ່າງມີປະສິດທິພາບ. ເພີ່ມທະວີການກວດກາ ແລະຄວບຄຸມການໃຊ້ອຳນາດ; ຕິດຕາມກວດກາການບຳລຸງສ້າງ ການຝຶກຝົນຫຼໍ່ຫຼອມຄຸນສົມບັດສິນທຳ ວິຖີຊີວິດ ແລະ ການເປັນແບບຢ່າງຂອງພະນັກງານ ສະມາຊິກພັກ. ຄວບຄຸມອຳນາດຢ່າງມີປະສິດທິຜົນ ແລະຝຶກຝົນຄວາມຊື່ສັດທ່ຽງທຳ, ກ່ອນອື່ນໝົດແມ່ນໃນອົງການທີ່ເຮັດວຽກງານປ້ອງກັນແລະຕ້ານກາສໍ້ລາດບັງຫຼວງແລະຄວາມຫຍໍ້ທໍ້. ເພີ່ມທະວີການພົວພັນແບບເລືອດເນື້ອ ລະຫວ່າງພັກແລະປະຊາຊົນ. ປະຕິບັດວຽກງານຮັບ ປະມວນຜົນ ຕອບຮັບ ແລະ ຕອບສະໜອງຕໍ່ຂໍ້ສະເໜີແນະ ແລະຄຳແນະນຳ ຂອງປະຊາຊົນໄດ້ເປັນຢ່າງດີ. ໃຫ້ຄວາມສຳຄັນກັບການປະຕິບັດປະຊາທິປະໄຕໃນຮາກຖານ ແລະສົນທະນາກັບປະຊາຊົນທຸກສາຂາອາຊີບ ເພື່ອປ້ອງກັນ ຄົ້ນພົບ ແລະຕໍ່ສູ້ກັບການສໍ້ລາດບັງຫຼວງແລະຄວາມຫຍໍ້ທໍ້. ສົ່ງເສີມການປະຕິຮູບນະໂຍບາຍເງິນເດືອນ, ຍົກລະດັບຄຸນນະພາບຊີວິດຂອງພະນັກງານ ລັດຖະກອນ ພາລະກອນ; ສ້າງວັດທະນະທຳແຫ່ງຄວາມຊື່ສັດທ່ຽງທຳ ແລະ ຄວາມປະຢັດ ເພື່ອໃຫ້ບໍ່ຕ້ອງການ, ບໍ່ຢາດການສໍ້ລາດບັງຫຼວງຫຼືຄວາມຫຍໍ້ທໍ້.
- ສືບຕໍ່ເສີມຂະຫຍາຍການຈັດຕັ້ງກົງຈັກ; ປັບປຸງຍົກສູງຄວາມສາມາດ ແລະ ປະສິດທິພາບການເຄື່ອນໄຫວ ຂອງບັນດາອົງການ, ໜ່ວຍງານທີ່ມີໜ້າທີ່ປ້ອງກັນ ແລະ ຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຕັ້ງແຕ່ສູນກາງລົງຮອດທ້ອງຖິ່ນ; ເປີດກວ້າງ ແລະ ຍົກສູງປະສິດທິຜົນການຮ່ວມມືສາກົນ, ຜັນຂະຫຍາຍການເຄື່ອນໄຫວປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໃນຂົງເຂດນອກພັກລັດ ຢ່າງມີປະສິດທິຜົນ. ຄົ້ນຄວ້າແລະປັບປຸງຮູບແບບຂອງອົງການຮັບຜິດຊອບສະເພາະການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ໃຫ້ສົມບູນແບບ. ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ ດຳເນີນກ່ອນອື່ນໝົດຢູ່ພາຍໃນອົງການທີ່ມີໜ້າທີ່ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້. ເອົາໃຈໃສ່ກໍ່ສ້າງຖັນແຖວພະນັກງານທີ່ເຮັດວຽກງານປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້, ຮັບປະກັນຄວາມຊື່ສັດທ່ຽງທຳ ແລະສາມາດປະຕິບັດໜ້າທີ່ທີ່ໄດ້ຮັບມອບໝາຍໄດ້ສຳເລັດ, ຖືເປັນ “ດາບທີ່ປະເສີດ” ຂອງພັກແລະລັດໃນວຽກງານນີ້ຢ່າງແທ້ຈິງ; ພ້ອມກັນນັ້ນ, ພວກເຮົາກໍເອົາໃຈໃສ່ເຖິງການຄວບຄຸມອຳນາດ ແລະ ການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ໃນອົງການເຫຼົ່ານີ້.
ນິພົນ ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ ຂອງສະຫາຍເລຂາທິການໃຫຍ່ ຫງວຽນ ຝູ ຈ້ອງ ສະແດງໃຫ້ເຫັນເຖິງຄວາມຫຼໍ່ຫຼອມຈິດໃຈ, ຄວາມກະຕືລືລົ້ນໃນການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້, ລວມທັງເນື້ອໃນທີ່ສະຫາຍເຄີຍຍົກຂຶ້ນມາໃນບົດຄວາມຫຼາຍບົດ ເມື່ອເຄິ່ງສະຕະວັດກ່ອນ. ດ້ວຍການເຂົ້າເຖິງລະບົບ ເຊິ່ງເລິ່ມຈາກທິດສະດີແລະການສະຫຼຸບຢ່າງເລິກເຊິ່ງ, ນິພົນດັງກ່າວໄດ້ວາງຫຼັກໝາຍສຳຄັນທັງດ້ານທິດສະດີ ແລະ ພາກປະຕິບັດ ເພື່ອນຳເອົາວຽກງານປ້ອງກັນ ແລະ ຕ້ານການສໍ້ລາດບັງຫຼວງແລະຄວາມຫຍໍ້ທໍ້ ຂຶ້ນສູ່ລະດັບສູງໃໝ່, ກາຍເປັນ “ວຽກງານທີ່ຈຳເປັນ; ທ່າອ່ຽງທີ່ບໍ່ສາມາດປີ້ນກັບໄດ້”./.
------------------------------------
(1) ວັນທີ 1 ກຸມພາ 2013, ກົມການເມືອງສູນກາງພັກອອກມະຕິຕົກລົງເລກທີ 162-QĐ/TW, ວ່າດ້ວຍການຈັດຕັ້ງຄະນະຊີ້ນຳສູງກາງພັກກ່ຽວກັບການປ້ອງກັນແລະຕ້ານການສໍ້ລາດບັງຫຼວງ. ວັນທີ 16 ກັນຍາ 2021, ກົມການເມືອງສູນກາງພັກອອກກົດລະບຽບເລກທີ 32-QĐ/TW, “ວ່າດ້ວຍພາລະບົດບາດ, ໜ້າທີ່, ສິດຂອບເຂດ, ລະບອບເຮັດວຽກ ແລະ ການພົວພັນເຮັດວຽກ ຂອງຄະນະຊີ້ນໍາສູນກາງກ່ຽວກັບການປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້”
(2) ເບິ່ງ: ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະ ຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ສພຈ. ການເມືອງແຫ່ງຊາດ ສື້ເຖິ້ດ, ຮ່າໂນ້ຍ, 2023, ໜ້າ 15
(3), (4), (5) ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 16, 16, 18
(6) ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງ ແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 90-91
(7), (8) ເບິ່ງ: ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 75, 79
(9) ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 21
(10), (11) ເບິ່ງ: ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 40, 45
(12), (13) ເບິ່ງ: ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 24, 28
(14) ເບິ່ງ: ຫງວຽນ ຝູ ຈ້ອງ: ການຕໍ່ສູ້ປ້ອງກັນແລະຕ້ານການສໍ້ລາດບັງຫຼວງແລະຄວາມຫຍໍ້ທໍ້ຢ່າງດັດດ່ຽວ ໜຽວແໜ້ນ, ປະກອບສ່ວນກໍ່ສ້າງພັກແລະລັດຂອງພວກເຮົາ ໃຫ້ນັບມື້ນັບປອດໃສ ແລະໝັ້ນຄົງເຂັ້ມແຂງ, ປຶ້ມທີ່ໄດ້ແນະນຳ, ໜ້າ 44
- ບົດນີ້ໄດ້ລົງພິມໃນວາລະສານກອມມູນິດ ສະບັບທີ 1017 (ເດືອນກໍລະກົດ 2023)