ເພີ່ມທະວີວຽກງານການຕ່າງປະເທດຂອງສະພາແຫ່ງຊາດ
ໃນສະພາບການເຊື່ອມໂຍງສາກົນເລິກເຊິ່ງກວ້າງຂວາງ
ໃນສະພາບການເຊື່ອມໂຍງສາກົນເລິກເຊິ່ງກວ້າງຂວາງ
ວກ. - ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ໄດ້ຢືນຢັນວ່າ, ພາຍຫຼັງ 5 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ 12 ຂອງພັກ, ການພົວພັງນການຕ່າງເທດ ແລະ ເຊື່ອມໂຍງສາກົນ ນັບມື້ນັບເລິກເຊິ່ງກວ້າງຂວາງ, ບັນລຸໄດ້ຜົນງານອັນພົ້ນເດັ່ນຈຳນວນຫຼາຍ. ການເຊື່ອມໂຍງສາກົນສືບຕໍ່ໄດ້ເປີດກວ້າງ, ຮອບດ້ານ ແລະ ເລິກເຊິ່ງກວ້າງຂວາງ, ໄຫວພິບ, ມີປະສິດທິຜົນ ແລະ ເພື່ອຜົນປະໂຫຍດຂອງຊາດ-ປະເທດຊາດ, ຮັບປະກັນເອກະລາດ, ຄວາມເປັນເຈົ້າຕົນເອງ ແລະ ອຳນາດອະທິປະໄຕແຫ່ງຊາດ. ໃນບັນດາຄວາມມານະພະຍາຍາມ ແລະ ຜົນງານອັນສຳຄັນດັ່ງກ່າວນັ້ນ, ການເຄື່ອນໄຫວການຕ່າງປະເທດຂອງສະພາແຫ່ງຊາດມີບົດບາດສຳຄັນທີ່ສຸດ.
ສະຫາຍ ເວືອງດິ່ງເຫ້ວ ກຳມະການກົມການເມືອງສູນກາງ, ປະທານສະພາແຫ່ງຊາດ ພ້ອມກັບສະຫາຍ ໄຊສົມພອນ ພົມວິຫານ, ກຳມະການກົມການເມືອງສູນການ, ປະທານສະພານແຫ່ງຊາດ ແຫ່ງ ສປປ ລາວ ຢ້ຽມຊົມຫ້ອງມູນເຊື້ອຂອງສະພາແຫ່ງຊາດຫວຽດນາມ _ ພາບ: TTXVN
ສິ່ງເຫຼົ່ານີ້ໄດ້ສະແດງອອກຢ່າງລະອຽດໂດຍຜ່ານການເຄື່ອນໄຫວຕ່າງໆເຊັ່ນ: ຫວຽດນາມຮັບຜິດຊອບຢ່າງສຳເລັດຜົນພາລະບົດບາດເປັນກຳມະການບໍ່ຖາວອນຂອງສະພາຄວາມໝັ້ນຄົງແຫ່ງສະຫະປະຊາຊາດ ໄລຍະ 2020–2021, ປະທານ ອາຊຽນ ປີ 2020, ເປັນຂີດໝາຍສຳຄັນພິເສດໃນການຍູ້ແຮງ ແລະ ຍົກສູງລະດັບການຕ່າງປະເທດພະຫຸພາຄີ, ເປັນເຈົ້າການ, ຕັ້ງໜ້າປະກອບສ່ວນ ແລະ ກໍ່ສ້າງບັນດາກົນໄກພະຫຸພາຄີ. ຄຽງຂ້າງນັ້ນ, ການພົວພັນຕ່າງປະເທດຂອງຫວຽດນາມ ກັບບັນດາປະເທດ ໄດ້ຮັບການເພີ່ມພູນຄຸນສ້າງ ແລະພັດທະນາຢ່າງແທ້ຈິງ, ສະຖຽມລະພາບ ແລະ ຂະຫຍາຍຕົວ; ສ້າງແຫຼ່ງຊັບພະຍາກອນໃຫ້ແກ່ການພັດທະນາປະເທດຕື່ມອີກ. ໃນຜົນງານຮ່ວມກັນນັ້ນ, ວຽກງານການຕ່າງປະເທດຂອງສະພາແຫ່ງຊາດ ໄດ້ກາຍເປັນປັດໄຈສຳຄັນອັນໜຶ່ງ ໃນວຽກງານການຕ່າງປະເທດລວມຂອງພັກ ແລະ ລັດ, ນຳເອົາຜົນປະໂຫຍດອັນແທ້ຈິງ ມາໃຫ້ການຜັນຂະຫຍາຍແນວທາງການຕ່າງປະເທດຂອງພັກ ແລະ ປະຕິບັດຂະບວນການເປັນເຈົ້າການ ແລະ ຕັ້ງໜ້າເຊື່ອມໂຍງສາກົນຢ່າງຮອບດ້ານ ແລະ ເລິກເຊິ່ງກວ້າງຂວາງເພື່ອຍົກສູງກຳລັງແຮງສັງລວມ, ປ່ຽນແປງໃໝ່, ປັບປຸງບູລະນະລະບຽບກົດໝາຍພາຍໃນປະເທດ, ຍົກສູງຄວາມສາມາດເປັນເຈົ້າຕົນເອງ, ຄວາມສາມາດແຂ່ງຂັນ ແລະ ການປັບຕົວຂອງປະເທດ.
ຄວາມພະຍາຍາມເພື່ອບັນລຸຜົນສໍາເລັດທີ່ສໍາຄັນຫຼາຍຢ່າງ ໃນສະພາບການໃໝ່
ໃນຊຸມປີທີຜ່ານມາ, ສະພາແຫ່ງຊາດໄດ້ ກໍ່ສ້າງ ແລະ ປັບປຸງຂອບກົດໝາຍໃຫ້ສົມບູນ ສຳລັບການເຄື່ອນໄຫວການຕ່າງປະເທດ, ຕອບສະໜອງຄວາມຕ້ອງການທີ່ວາງອອກໃນສະພາບການໃຫໝ່ ແລະ ການເຊື່ອມໂຍງສາກົນທີ່ເລິກເຊິ່ງກວ້າງຂວາງຂອງປະເທດ. ສະພາແຫ່ງງຊາດໄດ້ມີການປຶກສາຫາລື, ພິຈາລະນາ ແລະ ຮັບຮອງເອົາບັນດາກົດໝາຍແບບໂດຍກົງແລະທາງອອ້ມທີ່ພົວພັນເຖິງວຽກງານການຕ່າງປະເທດ ແລະ ເຊື່ອມໂຍງສາກົນເຊັ່ນ: ກົດໝາຍວ່າດ້ວຍຊາຍແດນແຫ່ງຊາດ (2003), ກົດໝາຍວ່າດ້ວຍຄວາມໝັ້ນຄົງແຫ່ງຊາດ (2004), ກົດໝາຍວ່າດ້ວຍການລົງນາມ, ເຂົ້າຮ່ວມ ແລະ ປະຕິບັດສົນທິສັນຍາສາກົນ (2005), ກົດໝາຍວ່າດ້ວຍອົງການຕາງໜ້າສາທາລະນະລັດສັງຄົມນິຍົມຫວຽດນາມ ຢູ່ຕ່າງປະເທດ (ປີ 2009, ສະບັບປັບປຸງ ປີ 2017), ກົດໝາຍວ່າດ້ວຍທະເລຂອງຫວຽດນາມ (2012), ກົດໝາຍວ່າດ້ວຍສົນທິສັນຍາສາກົນ (ປີ 2016), ກົດໝາຍວ່າດ້ວຍຄຳໝັ້ນສັນຍາ (ປີ 2020). ສະພາແຫ່ງຊາດກໍ່ໄດ້ກວດຄືນ, ແກ້ໄຂ, ປັບປຸງບັນດາກົດໝາຍ, ລັດຖະດຳລັດທີ່ກ່ຽວຂ້ອງ, ຮັບປະກັນໃຫ້ແກ່ລະບົບກົດໝາຍຂອງປະເທດເໝາະສົມກັບບັນດາຄຳໝັ້ນສັນຍາສາກົນຂອງຫວຽດນາມ ໃນຂະບວນວິວັດການເຊື່ອມໂຍງສາກົນ.
ຄຽງຄູ່ກັນນັ້ນ, ສະພາແຫ່ງຊາດໄດ້ດຳເນີນການກວດສອດ, ຕິດຕາມການ ຜັນຂະຫຍາຍນະໂຍບາຍ, ກົດໝາຍກ່ຽວກັບການຕ່າງປະເທດ ແລະ ການເຊື່ອມໂຍງສາກົນ, ປະຕິບັດບັນດາມະຕິຂອງສະພາແຫ່ງຊາດທີ່ກ່ຽວຂ້ອງເຖິງຂົງເຂດການຕ່າງປະເທດ. ສະພາແຫ່ງຊາດໄດ້ປະສານສົມທົບກັບລັດຖະສະພາບາງປະເທດ ເພື່ອທົດລອງກົນໄກກວດກາຕິດຕາມເຊັ່ນ ຄະນະກຳມະການຮ່ວມມືລະຫວ່າງລັດຖະສະພາ ລະຫວ່າງສະພາແຫ່ງຊາດ ຫວຽດນາມ ກັບສະພາ ດູມາ ແຫ່ງສະຫະພາບລັດເຊຍ (ປີ 2020). ການເຄື່ອນໄຫວກວດກາຕິດຕາມ ລະຫວ່າງສະພາແຫ່ງຊາດຫວຽດນາມ ກັບສະພາແຫ່ງຊາດ ລາວ ກ່ຽວກັບການປະຕິບັດຂໍ້ຕົກລົງຂອງລັດຖະບານ ໃນການແກ້ໄຂບັນຫາຄົນອົບພະຍົບຢ່າງເສລີແລະ ການແຕ່ງງານບໍ່ມີໃບສົມລົດໃນເຂດຊາຍແດນຫວຽດນາມ-ລາວ (ປີ 2020). ບັນດາອົງການຂອງສະພາແຫ່ງຊາດກໍ່ກຳລັງຜັນຂະຫຍາຍບັນດາຮູບການຮ່ວມມືທີ່ເໝາະສົມກັບລັກສະນະ ແລະ ລະດັບການພົວພັນສອງຝ່າຍອື່ນໆເຊັ່ນ: ກົນໄກຮ່ວມມືລະຫວ່າງສະພາແຫ່ງຊາດຫວຽດນາມ-ລັດຖະສະພາເອີຣົບ ແນໃສ່ຊຸກຍູ້ການປະຕິບັດສົນທິສັນຍາການຄ້າເສລີຫວຽດນາມ-ສະຫະພາບເອີຣົບ (EVFTA) ໃຫ້ມີປະສິດທິຜົນ; ຄົ້ນຄວ້າຂໍ້ລິເລີ່ມການຮ່ວມມືໃນຂອບຂອງສະຫະພັນລັດຖະສະພາລະຫວ່າງປະເທດ (IPU) ແລະ ສະເໜີສ້າງເຄືອຂ່າຍສະມາຊິກລັດຖະສະພາ ເພື່ອຊຸກຍູ້ການປະຕິບັດສັນຍາຄູ່ຮ່ວມມືຮອບດ້ານແລະກ້າວໜ້າຂ້າມປາຊີຟິກ (CPTPP) ຢ່າງມີປະສິດທິຜົນ.
ໂດຍປະຕິບັດພາລະໜ້າທີ່ຕົກລົງບັນດາບັນຫາທີ່ສຳຄັນໃນຂົງເຂດການຕ່າງປະເທດ, ສະພາແຫ່ງຊາດຕົກລົງບັນດານະໂຍບາຍພື້ນຖານກ່ຽວກັບການຕ່າງປະເທດ, ແຜນນະໂຍບາຍລົງນາມ, ເຂົ້າຮ່ວມບັນດາກົນໄກ, ຂໍ້ຕົກລົງຮ່ວມມືສອງຝ່າຍ ແລະ ຫຼາຍຝ່າຍ. ບັນດາອົງການຂອງສະພາແຫ່ງຊາດເປັນປະທານສອບສວນບັນດາສົນທິສັນຍາສາກົນ, ຍື່ນໃຫ້ສະພາແຫ່ງຊາດອະນຸມັດຜ່ານ, ອອກຂໍ້ຕົກລົງເຂົ້າຮ່ວມບັນດາສົນທິສັນຍາທີ່ສຳຄັນທີ່ພົວພັນເຖິງອຳນາດອະທິປະໄຕແຫ່ງຊາດ, ຊາຍແດນ, ຜືນແຜ່ນດິນ, ຖານະບົດບາດເປັນສະມາຊິກຂອງຫວຽດນາມ ໃນບັນດາອົງການສາກົນ, ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ.
ຕາມນັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ັ້ນ, ສະພາແຫ່ງຊາດພິຈາລະນາອະນຸມັດສົນທິສັນຍາສາກົນທີ່ສຳຄັນຫຼາຍສະບັບ, ບັນດາສັນຍາການຄ້າເສລີລຸ້ນໃໝ່, ເຊັ່ນ CPTPP, EVFTA, ສັນຍາວ່າດ້ວຍການປົກປ້ອງການລົງທຶນ ຫວຽດນາມ-ອີຢູ (EVIPA); ບັນດາສົນທິສັນຍາສາກົນທີ່ພົວພັນເຖິງຊາຍແດນ, ອຳນາດອະທິປະໄຕ ລະຫວ່າງຫວຽດນາມ ກັບບັນດາປະເທດໃກ້ຄຽງທີ່ມີເສັ້ນຊາຍແດນຮ່ວມກັນ ເຊັ່ນ: ສົນທິສັນຍາເພີ່ມຈຸດເລີ່ມຕົ້ນ ແລະ ເພີ່ມຄວາມຖີ່ຂອງຫຼັກໝາຍຊາຍແດນລະຫວ່າງຫວຽດນາມແລະລາວ; ສົນທິສັນຍາເພີ່ມເຕີມຕໍ່ສົນທິສັນຍາກຳນົດເຂດຊາຍແດນແຫ່ງຊາດປີ 1985 ແລະ ສົນທິສັນຍາເສີມປີ 2005 ແລະ ອະນຸສັນຍາກ່ຽວກັບການປັກຫຼັກໝາຍຊາຍແດນທາງບົກ ລະຫວ່າງສາທາລະນະລັດສັງຄົມນິຍົມ ຫວຽດນາມ ແລະ ລາຊະອານາຈັກກຳປູເຈຍ; ໃຫ້ສັດຕະຍາບັນສົນທິສັນຍາສາກົນທີ່ສຳຄັນ ເພື່ອປະຕິບັດຄຳໝັ້ນສັນຍາສາກົນຂອງຫວຽດນາມ, ເຊັ່ນ: ອະນຸສັນຍາສາກົນ 98 ຂອງອົງການແຮງງານສາກົນ (ILO) ວ່າດ້ວຍສິດທິໃນການຈັດຕັ້ງ ແລະເຈລະຈາຮ່ວມກັນ, ອະນຸສັນຍາສາກົນ 105 ຂອງອົງການແຮງງານສາກົນ (ILO) ວ່າດ້ວຍການເລີກຈ້າງແຮງງານບັງຄັບ; ໃຫ້ຄຳຄິດເຫັນກ່ຽວກັບບັນດາສົມທິສັນຍາທີ່ມີການກຳນົດຕ່າງກັນ ຫຼື ຍັງບໍ່ທັນໄດ້ກຳນົດໄວ້ໃນກົດໝາຍ, ມະຕິຂອງສະພາແຫ່ງຊາດ. ການໃຫ້ສັດຕະຍາບັນ ແລະ ການເຂົ້າເປັນສະມາຊິກສົນທິສັນຍາສາກົນທີ່ສຳຄັນທີ່ກ່າວມາຂ້າງເທິງນີ້ ແມ່ນສອດຄ່ອງກັບແນວທາງຂອງພັກ ແລະ ນະໂຍບາຍຂອງລັດກ່ຽວກັບການເຊື່ອມໂຍງເຂົ້າກັບສາກົນ; ຢືນຢັນຄວາມຮັບຜິດຊອບ ແລະ ຄວາມຕັດສິນໃຈຂອງຫວຽດນາມ ໃນການເຊື່ອມໂຍງສາກົນ, ເປັນຕົ້ນແມ່ນການເຊື່ອມໂຍງເສດຖະກິດສາກົນ; ສະໜັບສະໜູນລະບົບການຄ້າຫຼາຍຝ່າຍທີ່ອີງຕາມກົດໝາຍ ໃນສະພາບການທີ່ລັດທິປະຊາລາດ ແລະ ການປົກປ້ອງການຄ້າຜັນແປຢ່າງສັບສົນ. ຊ່ວຍເປີດຄວາມຫຼາກຫຼາຍຂອງຕະຫຼາດຂອງຫວຽດນາມ, ປະກອບສ່ວນຮັບປະກັນຄວາມໝັ້ນຄົງດ້ານເສດຖະກິດ: ສ້າງທ່າແຮງໃຫ້ແກ່ການເຊື່ອມໂຍງເສດຖະກິດສາກົນ ແລະ ຟື້ນຟູເສດຖະກິດໃນສະຖານະການໂລກລະບາດໂຄວິດ-19.
ໃນການຜັນຂະຫຍາຍບັນດາການເຄື່ອນໄຫວການຕ່າງປະເທດລັດຖະສະພາ, ການເຄື່ອນໄຫວຂອງສະພາແຫ່ງຊາດຫວຽດນາມໄດ້ສ້າງຮອບປະທັບທີ່ສຳຄັນຈຳນວນຫຼາຍ. ການເຄື່ອນໄຫວການຕ່າງປະເທດສອງຝ່າຍ ຂອງສະພາແຫ່ງຊາດທີ່ໄດ້ຜັນຂະຫຍາຍຢູ່ໃນຫຼາຍລະດັບ, ພິເສດຢູ່ຂັ້ນສູງ, ດ້ວຍການເຂົ້າຮ່ວມຢ່າງຕັ້ງໜ້າຂອງປະທານສະພາແຫ່ງຊາດ ແລະ ຮອງປະທານສະພາແຫ່ງຊາດ ດ້ວຍທິດນຳເປັນເຈົ້າການ, ມີຄວາມຮັບຜິດຊອບ, ຕັ້ງໜ້າ, ໄຫວພິບ ແລະ ຮອບດ້ານໃນທຸກໆຂົງເຂດ. ຜົນງານຂອງບັນດາການເຄື່ອນໄຫວການທູດລັດຖະສະພາ ຂອງສະພາແຫ່ງວຊາດ ແມ່ນເພີ່ມທະວີ ແລະ ເຮັດໃຫ້ເລິກເຊິ່ງກວ່າອີກ ການພົວພັນລະຫວ່າງສະພາແຫ່ງຊາດ ແລະ ບັນດາລັດຖະສະພາຢູ່ໃນໂລກ. ສີ່ງເຫຼົ່ານີ້ ສະແດງຜ່ານບັນດາການເຄື່ອນໄຫວແລກປ່ຽນຄະນະຜູ້ແທນຂັ້ນຕ່າງໆ, ແລກປ່ຽນການເຄື່ອນໄຫວຂອງກຸ່ມຜູ້ແທນລັດຖະສະພາມິດຕະພາບ, ຜູ້ແທນລັດຖະສະພາເພດຍິງ, ຜູ້ແທນລັດຖະສະພາຄົນໜຸ່ມ; ແລກປ່ຽນ ແລະ ຮ່ວມມືຢ່າງຫຼາກຫຼາຍໃນບັນດາຂົງເຂດການເມືອງ, ການທູດ, ການປ້ອງການຊາດ-ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ການຮ່ວມມືພັດທະນາແບບຍືນຍົງ, ວິທະຍາສາດ - ເຕັດໂນໂລຊີ, ວັດທະນະທຳ ແລະ ສຶກສາທິການ, ແລກປ່ຽນປະຊາຊົນ…
ບັນດາການເຄື່ອນໄຫວການທູດລັດຖະສະພາຫຼາຍຝ່າຍ ຂອງສະພາແຫ່ງຊາດ ຫວຽດນາມ ໄດ້ຜັນຂະຫຍາຍຕາມຄຳສັ່ງເລກທີ 25-CT/TW ສະບັບລົງວັນທີ 8 ສິງຫາ 2018, ຂອງຄະນະເລຂາທິການ, “ກ່ຽວກັບການຍູ້ແຮງ ແລະ ຍົກລະດັບການຕ່າງປະເທດຫຼາຍຝ່າຍເຖິງປີ 2030”. ເປັນສະມາຊິກຜູ້ຕັ້ງໜ້າຂອງປະຊາຄົມສາກົນ, ບັນດາເຄື່ອນໄຫວການທູດລັດຖະສະພາຫຼາຍຝ່າຍ ຕົ້ນຕໍ່ໃນຂອບຂອງກົນໄກຮ່ວມມືລັດຖະສະພາຫຼາຍຝ່າຍເຊັ່ນ IPU, ສະພາລະຫວ່າງລັດຖະສະພາ ອາຊຽນ (AIPA), ກອງປະຊຸມຄູ່ຮ່ວມມືລັດຖະສະພາ ອາຊີ-ເອີຣົບ (ASEP), ເວທີປາໃສລັດຖະສະພາອາຊີ-ປາຊີຟິກ (APPF), ສະຫະພັນລັດຖະສະພາພາສາຝຣັ່ງ (APF) ດ້ວຍຫຼາຍຄວາມຄິດລິເລີ່ມສຳຄັນ, ສ້າງການຫັນປ່ຽນຢ່າງແທ້ຈິງ ໃນການເຄື່ອນໄຫວຂອງອົງການຈັດຕັ້ງເຫຼົ່ານີ້, ຍົກລະດັບພາລະບົດບາດຂອງຫວຽດນາມ ຈາກ “ເຂົ້າຮ່ວມຢ່າງຕັ້ງໜ້າ” ຂຶ້ນເປັນ “ເປັນເຈົ້າການປະກອບສ່ວນໃນການກໍ່ສ້າງ ແລະ ກຳນົດຮູບການເຄື່ອນໄຫວຮ່ວມມກັນ”, ເພື່ອປະກອບສ່ວນປົກປັກຮັກສາ ແລະ ຊຸກຍູ້ຜົນປະໂຫຍດຍຸກທະສາດທາງດ້ານຄວາມໝັ້ນຄົງແລະການພັດທະນາຂອງ ຫວຽດນາມ.
ການເຂົ້າຮ່ວມຢ່າງເຕັມສ່ວນແລະລະດັບສູງໃນບັນດາເວທີປາໄສລັດຖະສະພາຫຼາຍຝ່າຍທີ່ສຳຄັນ ໄດ້ສະແດງໃຫ້ເຫັນພາບພົດຂອງຫວຽດນາມ ໃນຖານະເປັນຄູ່ຮ່ວມມືທີ່ໜ້າເຊື່ອຖື ແລະ ມີຄວາມຮັບຜິດຊອບຂອງປະຊາຄົມສາກົນ. ເຄື່ອງໝາຍການທູດຫຼາຍຝ່າຍຂອງສະພາແຫ່ງຊາດຫວຽດນາມ ໃນຊຸມປີທີ່ຜ່ານມາມໍ່ນີ້ແມ່ນ ບັນດາກອງປະຊຸມຫຼາຍຝ່າຍທີ່ສຳຄັນ, ລະດັບສາກົນ ແລະ ພາກພື້ນ, ເຊັ່ນ: ການເປັນເຈົ້າພາບຈັດຕັ້ງກອງປະຊຸມໃຫຍ່ IPU ຄັ້ງທີ 132 (ປີ 2015), ກອງປະຊຸມເວທີປາໃສລັດຖະສະພາອາຊີ-ປາຊີຟິກ ຄັ້ງທີ 26 (APPF-26, ປີ 2018) ແລະ ສະມັກຊາໃຫຍ່ AIPA 41 (ປີ 2020). ຄວາມຄິດລິເລີ່ມຫຼາຍຢ່າງໂດຍສະພາແຫ່ງຊາດຫວຽດນາມສະເໜີ ໄດ້ສ້າງການປ່ຽນແປງໃໝ່ຢ່າງແທ້ຈິງ, ວາງຮາກຖານ ແລະ ທິດທາງພັດທະນາໄລຍະຍາວຂອງກົນໄກດັ່ງກ່າວ.
ໃນປີ 2021, ບັນດາຂໍ້ສະເໜີຂອງສະພາແຫ່ງຊາດຫວຽດນາມ ທີ່ AIPA, APPF, ສະຫະພັນລັດຖະສະພາພາສາຝຣັ່ງ (APF), IPU ລ້ວນແຕ່ໄດ້ຮັບການຕີລາຄາສູງ ແລະ ໄດ້ຮັບການຍອມຮັບ ໃນບັນດາເອກະສານຮ່ວມກັນ. ທາງດ້ານການເມືອງ, ຄວາມໝັ້ນຄົງ, ຢືນຢັນສະໜັບສະໜູນສັນຕິພາບ, ສະຖຽນລະພາບ, ການຮ່ວມມື ເພື່ອພັດທະນາ, ຍົກສູງສິດອຳນາດກົດໝາຍ ແລະ ລັດທິຫຼາຍຝ່າຍ, ພາລະບົດບາດຂອງສະຫະປະຊາຊາດ, ຫຼັກການເຄົາລົບກົດບັດສະຫະປະຊາຊາດ, ປະຕິບັດຕາມກົດໝາຍສາກົນ, ໃນນັ້ນມີ ອະນຸສັນຍາສະຫະປະຊາຊາດວ່າດ້ວຍກົດໝາຍທະເລປີ 1982 (UNCLOS 1982) ໃນການແກ້ໄຂບັນດາບັນຫາທາງດ້ານຄວາມໝັ້ນຄົງຂອງພາກພື້ນ ແລະ ສາກົນ.
ດ້ວຍກຽດສັກສີ, ຖານະບົດບາດ ແລະ ຄວາມກ້າຫານທີ່ໄດ້ຮັບການຢືນຢັນ, ໃນຫລາຍປີຜ່ານມາ, ສະພາແຫ່ງຊາດຫວຽດນາມນັບມື້ນັບມີຜູ້ຕາງໜ້າຫຼາຍຄົນ ທີ່ໄດ້ອອກສະໝັກເລືອກຕັ້ງ ແລະ ໄດ້ຮັບຄວາມເຊື່ອຖືຈາກເພື່ອນມິດສາກົນ ເລືອກຕັ້ງເຂົ້າໃນບັນດາທີ່ຕັ້ງສຳຄັນໃນຄະນະນຳບັນດາອົງການຈັດຕັ້ງລະຫວ່າງລັດຖະສະພາພາກພື້ນ ແລະ ສາກົນ, ເຊັ່ນ ຄະນະກຳມະການບໍລິຫານ IPU, ຮອງປະທານ IPU, ຮອງປະທານ APF, ຄະນະກຳມະການບໍລິຫານ APPF, ເລຂາທິການໃຫຍ່ AIPA. ຜ່ານການແລກປ່ຽນຢູ່ບັນດາເວທີປາໄສລັດຖະສະພາຫຼາຍຝ່າຍ ແລະ ບັນດາການພົບປະສອງຝ່າຍໃນໂອກາດກອງປະຊຸມ, ສະພາແຫ່ງຊາດຫວຽດນາມມີກາລະໂອກາດທີ່ດີເພື່ອແລກປ່ຽນ ແລະ ດູດຊືມບັນດາປະສົບການອັນລ້ຳຄ່າ ໃນການສ້າງຂອບກົດໝາຍ ແລະ ຊຸກຍູ້ການປະຕິຮູບບັນດາອົງການ ເພື່ອເຊື່ອມໂຍງເຂົ້າກັບສາກົນ ແລະ ພັດທະນາເສດຖະກິດ-ສັງຄົມ. ໃນກອງປະຊຸມ APPF 29 (ເດືອນທັນວາ 2021) ຜ່ານມາ, ສະພາແຫ່ງຊາດຫວຽດນາມໄດ້ຮັບຄວາມເຊື່ອໝັ້ນແລະສະໜັບສະໜູນສູງໃຫ້ເຂົ້າຮ່ວມຄະນະບໍລິຫານງານເວທີປາໄສ APPF ໄລຍະ 4 ປີ (2022-2026).
ພິເສດ, ການທູດລັດຖະສະພາໄດ້ປະກອບສ່ວນທີ່ແທ້ຈິງເຂົ້າໃນຄວາມພະຍາຍາມປ້ອງກັນແລະຕ້ານການແຜ່ລະບາດຂອງພະຍາດໂຄວິດ-19, ຂົນຂວາຍວັກຊີນ, ຢາປົວພະຍາດ ແລະ ອຸປະກອນການແພດ, ຮຽກຮ້ອງປະຊາຄົມສາກົນແບ່ງປັນວັກຊີນ, ສ້າງຄວາມສະດວກໃນການເຂົ້າເຖິງວັກຊີນຢ່າງຍຸຕິທຳ ສະເໝີພາບ ແລະ ຄ່າໃຊ້ຈ່າຍທີ່ເໝາະສົມ. ປີ 2020, ເມື່ອພະຍາດໂຄວິດ-19 ແຜ່ລະບາດຢ່າງແຮແລະຜັນແປຢ່າງສັບສົນ, ສະພາແຫ່ງຊາດຫວຽດນາມໄດ້ມອບຜ້າອັດປາກໃຫ້ບັນດາລັດຖະສະພາ ແລະ ອົງການຈັດຕັ້ງລັດຖະສະພາພາກພື້ນ ແລະ ສາກົນ, ສ້າງຄວາມປະທັບໃຈອັນດີງານໃຫ້ກັບປະຊາຄົມສາກົນ, ໄປພ້ອມກັບການທູດຂອງປະເທດເຮົາ ໃນການປ້ອງກັນແລະຕ້ານການລະບາດຂອງພະບາດໂຄວິດ-19. ປີ 2021, ໃນການຮັບມືກັບການແຜ່ລະບາດຂອງໂຄວິດ-19, ການໂອ້ລົມທາງໂທລະສັບ, ການສົນທະນາທາງອິນເຕີເນັດ ຂອງທ່ານປະທານສະພາແຫ່ງຊາດຫວຽດນາມ ກັບປະທານສະພາແຫ່ງຊາດບັນດາປະເທດ ແລະ ບັນດາການພົບປະຢູ່ນອກກອງປະຊຸມປະທານສະພາແຫ່ງຊາດໂລກຄັ້ງທີ 5 ໄດ້ສ້າງຈຸດພົ້ນເດັ່ນ ແລະ ໄດ້ສະແດງໃຫ້ເຫັນຄຳໝັ້ນສັນຍາອັນໜັກແໜ້ນຂອງສະພາແຫ່ງຊາດໃນສະໄໝໃໝ່. ບັນດາການຢ້ຽມຢາມສອງຝ່າຍຢ່າງເປັນທາງການ ຂອງປະທານສະພາແຫ່ງຊາດຫວຽດນາມ ທີ່ລັດຖະສະພາ ເອີຣົບ, ລາຊະອານາຈັກແບນຊິກ, ຟິນແລນ, ສ.ເກົາຫຼີ ແລະ ອິນເດຍ ດ້ວຍເນື້ອໃນວາລະທີ່ຄົບຖ້ວນ, ລວມແລະແທດຈິງ ເຊິ່ງໄດ້ປັບປຸງການພົວພັນຮ່ວມມືລັດຖະສະພາລະຫວ່າງຫວຽດນາມ ກັບປະເທດຕ່າງໆ, ເຜີຍແຜ່ຂໍ້ຄວາມກ່ຽວກັບສະພາແຫ່ງຊາດຫວຽດນາມທີ່ເປັນເຈົ້າການ, ປ່ຽນແປງໃໝ່ ແລະ ມີຄວາມຮັບຜິດຊອບ. ຄຽງຂ້າງນັ້ນ, ບັນດາຜົນງານຂອງການທູດລັດຖະສະພາສອງຝ່າຍໄດ້ສ້າງພື້ນຖານ ເພື່ອໃຫສະພາແຫ່ງຊາດຫວຽດນາທ ແລະ ລັດຖະສະພາປະເທດຕ່າງໆ ປະສານສົມທົບຢ່າງແໜ້ນແຟ້ນ ໃນບັນດາເວທີປາໄສລັດຖະສະພາພາກພື້ນ ແລະ ສາກົນ, ປະຕິບັດຄຳໝັ້ນສັນຍາສອງຝ່າຍທີ່ໄດ້ລົງນາມຢ່າງມີປະສິດທິຜົນ ແລະ ຊຸກຍູ້ການລົງນາມໃນສັນຍາຮ່ວມມືໃໝ່ ກັບລັດຖະສະພາຂອງປະເທດຕ່າງໆ ຢ່າງມີປະສິດທິຜົນ ແລະ ມີເນື້ອໃນສຳຄັນ.
ການທູດລັດຖະສະພາກໍ່ໄດ້ຮັບໃຊ້ເສດຖະກິດ, ປະກອບສ່ວນຊຸກຍູ້ການເຕີບໂຕການຄ້າ, ດຶງດູດການລົງທຶນຈາກຕ່າງປະເທດ, ສະແດງຜ່ານບັນດາການເຄື່ອນໄຫວດຶງດູດການລົງທຶນ, ສົ່ງເສີມການຄ້າ ເນື່ອງໃນໂອກາດບັນດາການຢ້ຽມຢາມເປັນທາງການຂອງປະທານສະພາແຫ່ງຊາດ, ການເຂົ້າຮ່ວມເວທີປາໄສສົນທະນານະໂຍບາຍ. ກ່ຽວກັບເສດຖະກິດ, ຍູ້ແຮງການແລກປ່ຽນບັນດາເນື້ອໃນຈຸດສຸມໃຈກາງຕໍ່ຫວຽດນາມ, ເຊັ່ນການຫັນເປັນດິຈີຕອນດີຈີຕອນ, ການພັດທະນາເສດຖະກິດດິຈີຕອນປົກຫຸ້ມ ທີ່ໄປຄຽງຄູ່ກັບຄວາມສະເໝີພາບທາງດ້ານດີຈີຕອນ, ຮັກສາຄວາມລັບຂໍ້ມູນ, ເອກະສານ; ຫັນປ່ຽນຕົວແບບພັດທະນາ, ເສດຖະກິດສີຂຽວ, ເສດຖະກິດແບບໜູນວຽນ, ໝັ້ນຄົງ; ຮຽກຮ້ອງເພີ່ມທະວີການຮ່ວມມື, ການຄ້າ ແລະ ປະຕິບັດບັນດາສັນຍາການຄ້າເສລີ. ກ່ຽວກັບການພັດທະນາແບບຍືນຍົງ, ຊຸກຍູ້ການຮ່ວມມືລັດຖະສະພາເພື່ອເປົ້າໝາຍພັດທະນາແບບຍືນຍົງ ຄືທີ່ໄດ້ໃຫ້ຄຳໝັ້ນສັນຍາ, ໃນນັ້ນ ເອົາໃຈໃສ່ເຖິງບັນດາບັນຫາປ່ຽນແປງດິນຟ້າອາກາດ, ຄວາມສະເໝີພາບທາງເພດ ແລະ ການຮ່ວມມືດ້ານວັດທະນະທຳ.
ສືບຕໍ່ຢືນຢັນບົດບາດຂອງຊ່ອງທາງການຕ່າງປະເທດທີ່ມີປະສິດທິຜົນ
ບັນດາຜົນງານອັນສຳຄັນຂອງການທູດລັດຖະສະພາຂອງສະພາແຫ່ງຊາດຫວຽດນາມ ໃນຊຸມປີທີ່ຜ່ານມາໄດ້ປະກອບສ່ວນຢ່າງແທ້ຈິງ ເຂົ້າໃນການປັບປຸງບູລະນະລະບົບກົດໝາຍ, ສ້າງສະພາບແວດລ້ອມສັນຕິພາບ ແລະ ປັບປຸງແຫຼ່ງພະລັງໃຫ້ແກ່ພາລະກິດເຊື່ອມໂຍງສາກົນຮອບດ້ານ ແລະ ເລິກເຊິ່ງກວ້າງຂວາງ ຂອງຫວຽດນາມ. ເຖິງຢ່າງໃດກໍ່ຕາມ, ຄຽງຄູ່ກັນກັບບັນດາຜົນງານທີ່ບັນລຸໄດ້, ການຜັນຂະຫຍາຍວຽກງານການຕ່າງປະເທດຂອງສະພາແຫ່ງຊາດເວົ້າສະເພາະ ແລະ ຂອງລັດເວົ້າລວມ ກໍ່ຍັງພົບຄວາມຫຍຸ້ງຍາດແລະອຸປະສັກເຊັ່ນ ບັນຫາບຸກຄະລາກອນ, ກົນໄກຂໍ້ມູນຂ່າວສານ ລະຫວ່າງບັນດາອົງການປະຕິບັດວຽກງານກນຕ່າງປະເທດ; ການປະສານສົມທົບລະຫວ່າງບັນດາອົງການຂອງສະພາແຫ່ງຊາດ ກັບບັນດາອົງການຂອງລັດຖະບານ; ວຽກງານເປັນເສນາທິການ, ຄົ້ນຄວ້າ, ຕີລາຄາສະພາບການສາກົນ ແລະ ພາກພື້ນ, ສະພາບການຜັນຂະຫຍາຍກິດຈະກຳການຕ່າງປະເທດ, ແກ້ໄຂອຸປະສັກໃນການປະຕິບັດນະໂຍບາຍ, ກົດໝາຍທີ່ກ່ຽວຂ້ອງກັບວຽກງານການຕ່າງປະເທດ; ຄຸນນະພາບຂອງການກໍ່ສ້າງກົດໝາຍ, ການວາງແຜນກຳນົດນະໂຍບາຍການຕ່າງປະເທດ, ການກວດການຕິດຕາມການເຄື່ອນໄຫວການຕ່າງປະເທດ ກັບສະພາບການ ແລະ ຄວາມຮຽກຮ້ອງຕ້ອງການຂອງໜ້າທີ່ໃໝ່.
ໃນຊຸມປີຕໍ່ໄປນີ້, ສະພາບການໂລກ ແລະ ພາກພື້ນຈະສືບຕໍ່ມີການຜັນແປຢ່າງໄວວາແລະສັບສົນ, ມີກາລະໂອກາດແລະສິ່ງທ້າທາຍສັບຊ້ອນກັນ, ກະທົບຮອບດ້ານຕໍ່ຄວາມສະຫງົບ, ສະຖຽມລະພາບ ແລະ ການພັດທະນາຂອງປະເທດ. ພ້ອມກັນນັ້ນ, ດ້ວຍການພັດທະນາຂອງສະຖາບັນລັດຖະສະດາ, ການທູດລັດຖະສະພາສືບຕໍ່ໄດ້ພິສູດວ່າເປັນຊ່ອງທາງການທູດທີ່ມີປະສິດທິຜົນ, ເປັນທ່າອຽງທີ່ຍືນຍົງໃນໄລຍະຍາວ, ປະກອບສ່ວນປັບປຸງການທູດແບບດັ້ງເດີມ. ການເຊື່ອມໂຍງສາກົນ, ໂດຍສະເພາະການເຊື່ອມໂຍງເສດຖະກິດສາກົນເປັນການບຸລິມະສິດອັນດັບໜຶ່ງ ໃນແຜນນະໂຍບາຍ, ແນວທາງຂອງພັກ ກ່ຽວກັບການພັດທະນາປະເທດ. ບົນພື້ນຖານການສືບທອດ ແລະ ເສີມຂະຫຍາຍຜົນງານທີ່ບັນລຸໄດ້ ໃນເວລາທີ່ຜ່ານມາ, ກຳແໜ້ນເນື້ອໃນຊີ້ນຳຂອງແນວທາງການຕ່າງປະເທດຂອງພັກ, ເພື່ອຍົກສູງປະສິດທິຜົນວຽກງານການຕ່າງປະເທດຂອງສະພາແຫ່ງຊາດ ໃນສະພາບການເຊື່ອມໂຍງເຂົ້າກັບສາກົນຢ່າງກວ້າງຂວາງແລະຮອບດ້ານ, ຈຳຕ້ອງເອົາໃຈໃສ່ບັນດາເນື້ອໃນຕໍ່ໄປນີ້:
ທີໜຶ່ງ, ກຳນົດບົດບາດທີ່ຕັ້ງ ແລະ ຄວາມສຳຄັນຂອງວຽກງານການຕ່າງປະເທດຂອງສະພາແຫ່ງຊາດຢ່າງຈະແຈ້ງ ໃນວຽກງານການຕ່າງປະເທດລວມຂອງພັກແລະລັດ ແນໃສ່ເສີມຂະຫຍາຍທ່າໄດ້ປຽບຂອງການທູດລັດຖະສະພາ ໃນການກໍ່ສ້າງພື້ນຖານການທູດທີ່ທັນສະໄໝ ແລະ ຮອບດ້ານ. ບົນພື້ນຖານນັ້ນ, ກໍ່ສ້າງທິດການນະໂຍບາຍການຕ່າງປະເທດສະພາແຫ່ງຊາດໃນໄລຍະທີ່ 15 ຂອງສະພາແຫ່ງຊາດ, ໃນນັ້ນ ເອົາໃຈໃສ່ຊຸກຍູ້ການຮ່ວມມືລັດຖະສະພາສອງຝ່າຍ ແລະ ຫຼາຍຝ່າຍ, ແລກປ່ຽນບົດຮຽນໃນການປະຕິບັດ ແລະ ເສີມຂະຫຍາຍບົດບາດຂອງສະພາແຫ່ງຊາດ ໃນບັນດາບັນຫາກໍ່ສ້າງກົດໝາຍ, ກວດກາຕິດຕາມສູງສຸດ, ຕົກລົງງົບປະມານ, ບັນດາບັນຫາສຳຄັນ ແລະ ໃຫ້ສັດຕະຍາບັນ, ຕັດສິນໃຈເຂົ້າຮ່ວມບັນດາສົນທິສັນຍາສາກົນທີ່ຂຶ້ນກັບສິດອຳນາດຂອງສະພາແຫ່ງຊາດ.
ທີສອງ, ສືບຕໍ່ເພີ່ມທະວີວຽກງານການກໍ່ສ້າງກົດໝາຍ, ປັບປຸງບູລະນະລະບົບກົດໝາຍ ແນໃສ່ສ້າງສະພາບແວດລ້ອມທາງກົດໝາຍທີ່ເອື້ອອຳນວຍຄວາມສະດວກໃຫ້ແກ່ການຜັນຂະຫຍາຍແນວທາງ, ນະໂຍບາຍການຕ່າງປະເທດ ແລະ ການເຊື່ອມໂຍງສາກົນ; ພິຈາລະນາຮັບຮອງເອົາບັນດາໂຄງການກົດໝາຍ, ລັດຖະດຳລັດ ໃນທຸກໆຂົງເຂດຂອງຊີວິດສັງຄົມ ແນໃສ່ປະຕິບັດບັນດາຄຳໝັ້ນສັນຍາສາກົນຂອງຫວຽດນາມ ແລະ ກວດກາຕິດຕາມຄວາມແທດເໝາະຂອງການເຈລະຈາ, ລົງນາມ ແລະ ປະຕິບັດບັນດາຄຳໝັ້ນສັນຍາສາກົນ, ບັນດາບັນຫາສຳຄັນ, ເປັນຕົ້ນແມ່ນ ບັນດາສັນຍາການຄ້າເສລີລຸ້ນໃໝ່, ຊຸກຍູ້ການຕິດຕາມກວດກາການປະຕິບັດວຽກງານຊາຍແດນ ແລະ ເຂດດິນແດນ, ວຽກງານຄົນຫວຽດນາມຢູ່ຕ່າງປະເທດ ແລະ ການປະຕິບັດບັນດາເປົ້າໝາຍການພັດທະນາແບບຍືນຍົງ (SDG).
ທີສາມ, ຊາບຊືມການປະຕິບັດຂໍ້ຕົກລົງເລກທີ 272-QĐ/TW, ລົງວັນທີ 21 ມັງກອນ 2015, ຂອງກົມການເມືອງສູນກາງພັກ, “ວ່າດ້ວຍການປະກາດໃຊ້ກົດລະບຽບກ່ຽວກັບການຄຸ້ມຄອງເປັນເອກະພາບ ບັນດາການເຄື່ອນໄຫວການຕ່າງປະເທດ”, ພ້ອມດ້ວຍເອກະສານແນະນຳ ແລະ ເອກະສານຂອງກອງປະຊຸມໃຫຍ່ຄັ້ງທີ 13 ຂອງພັກ ກ່ຽວກັບການເພີ່ມທະວີກົນໄກປະສານສົມທົບຢ່າງແໜ້ນແຟ້ນ ລະຫວ່າງບັນດາຊ່ອງທາງ ແລະ ບັນດາອົງການປະຕິບັດວຽກງານການຕ່າງປະເທດ; ບັນດາອົງການຄຸ້ມຄອງກ່ຽວກັບການຕ່າງປະເທດ ຕ້ອງສືບຕໍ່ເພີ່ມທະວີລັກສະນະເປັນເຈົ້າການ ແລະ ປະຕິບັດຢ່າງມີປະສິດທິຜົນບັນດາກົນໄກປະສານສົມທົບ, ແລກປ່ຽນຄວາມຄິດເຫັນກັບບັນດາອົງການ, ອົງການຈັດຕັ້ງທີ່ກ່ຽວຂ້ອງ, ຮັບປະກັນການຈັດການແກ້ໄຂ, ໃຫ້ຄຳແນະນຳທີ່ຖືກຕ້ອງ, ທັນເວລາ ແລະ ມີຄຸນນະພາບ ກ່ຽວກັບບັນດາບັນຫາທີ່ພົວພັນເຖິງວຽກງານການຕ່າງປະເທດ.
ທີສີ່, ບັນດາຂະແໜງການ, ບັນດາຂັ້ນ ແລະ ອົງການ ຕ້ອງສົມທົບກັນຢ່າງແໜ້ນແຟ້ນເພື່ອຮັບປະກັນໃຫ້ສະພາແຫ່ງຊາດຫວຽດນາມ ເຂົ້າຮ່ວມໃນບົດບາດຄະນະກຳມະການບໍລິຫານ APPF ຢ່າງສຳເລັດຜົນ; ຜັນຂະຫຍາຍຢ່າງມີປະສິດທິຜົນ ບັນດາການເຄື່ອນໄຫວຮ່ວມມືກັບ IPU; ກະກຽມໃຫ້ດີ ການເຂົ້າຮ່ວມໃນ AIPA, APF, ASEP ເພື່ອແນໃສ່ຍົກສູງບົດບາດທີ່ຕັ້ງ ທີ່ຫວຽດນາມໄດ້ສ້າງຂຶ້ນ ຢູ່ບັນດາເວທີປາໄສຫຼາຍຝ່າຍໃນຫຼາຍປີທີ່ຜ່ານມາ, ຫັນເປັນຫຼາກຫຼາຍຮູບການ ແລະ ເນື້ອໃນການເຂົ້າຮ່ວມການທູດລັດຖະສະພາ, ເປັນຕົ້ນແມ່ນ ໝູນໃຊ້ການປ່ຽນແປງໃໝ່ເຕັກໂນໂລຊີດິຈີຕອນ - ໜຶ່ງໃນບັນດາທ່າອຽງໃຫຍ່ຂອງອະນາຄົດ.
ທີຫ້າ, ເພີ່ມທະວີປະສິດທິຜົນຂອງຂໍ້ມູນ ແລະ ການໂຄສະນາການຕ່າງປະເທດຂອງສະພາແຫ່ງຊາດ, ເປັນເຈົ້າການໃນການເຊື່ອມໂຍງ ແລະ ຮ່ວມເປັນອກະພາບລະຫວ່າງຂໍ້ມູນການຕ່າງປະເທດຂອງສະພາແຫ່ງຊາດ ກັບຂໍ້ມູນການຕ່າງປະເທດຂອງພັກ, ລັດ ແລະ ປະຊາຊົນ, ປະສານສົມທົບຢ່າງແໜ້ນແຟ້ນ ລະຫວ່າງຂໍ້ມູນພາຍໃນ ແລະ ຂໍ້ມູນການຕ່າງປະເທດ, ສົ່ງຂໍ້ຄວາມກ່ຽວກັບສະພາແຫ່ງຊາດຫວຽດນາມປ່ຽນແປງໃໝ່ ແລະ ປະເທດຫວຽດນາມເຊື່ອມໂຍງສາກົນຢ່າງຮອບດ້ານ ແລະ ກວ້າງຂວາງ.
ທີຫົກ, ປ່ຽນແປງໃໝ່ການຈັດຕັ້ງກົງຈັກ, ຍົກສູງຄວາມສາມາດ ແລະ ຄຸນທາດຂອງຖັນແຖວພະນັກງານການຕ່າງປະເທດຂອງສະພາແຫ່ງຊາດ, ທີ່ເປັນມືອາຊີບ, ການປ່ຽນແປງໃໝ່ປະດິດສ້າງຂອງພື້ນຖານການທູດຮອບດ້ານ ແລະ ທັນສະໄໝ.
ໃນສະຖານະການໂລກ ແລະ ພາກພື້ນມີການຫັນປ່ຽນໃໝ່, ມີກາລະໂອກາດດີ ແລະ ມີຄວາມຫຍຸ້ງຍາກ ສິ່ງທ້າທາຍທີ່ສັບຊ້ອນກັນ, ເພື່ອປະກອບສ່ວນເຂົ້າໃນການເຊື່ອມໂຍງເຂົ້າກັບສາກົນຂອງປະເທດຢ່າງມີປະສິດທິຜົນກວ່າອີກ, ວຽກງານການຕ່າງປະເທດສະພາແຫ່ງຊາດຫວຽດນາມ ຕ້ອງສືບຕໍ່ເສີມຂະຫຍາຍຢ່າງແຂງແຮງ ຖານະບົດບາດແລະຕຳແໜ່ງທີ່ໄດ້ສ້າງຂຶ້ນໃນຫຼາຍປີທີ່ຜ່ານມາ ເພື່ອແນໃສ່ຊຸກຍູ້ການປະຕິບັດຍຸດທະສາດການເຊື່ອມໂຍງເຂົ້າກັບສາກົນຢ່າງສຳເລັດຜົນ ໃນຂົງເຂດການເມືອງ, ຄວາມໝັ້ນຄົງ, ການປ້ອງກັນຊາດ, ເສດຖະກິດ, ວັດທະນະທຳ, ສັງຄົມ, ວິທະຍາສາດ-ເຕັກໂນໂລຊີ, ການສຶກສາ-ຝຶດອົບຮົມ ແລະ ການພັດທະນາແບບຍືນຍົງ; ຈາກນັ້ນ, ປະສົບຄວາມສຳເລັດມີໄຊໃນການປະຕິບັດແຜນນະໂຍບາຍຜັນຂະຫຍາຍທິດທາງຍຸດທະສາດການເຊື່ອມໂຍງສາກົນຢ່າງເປັນເຈົ້າການແລະຕັ້ງໜ້າຂອງພັກ ທີ່ໄດ້ວາງອອກໃນກອງປະຊຸມໃຫຍ່ຄັ້ງທີ 13 ຂອງພັກກອມມູນນິດຫວຽດນາມ./.
------------------------------
ບົດນີ້ໄດ້ລົງພິມໃນວາລະສານກອມມູນິດສະບັບທີ 986 (ເດືອນມີນາ 2022)
