ເພີ່ມທະວີການຮ່ວມມືລະຫວ່າງສະມາຄົມນັກໜັງສືພິມ ສອງປະເທດ ຫວຽດນາມ-ລາວ
ວ.ກ.ອອນໄລ - ໃນຂອບການຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 24 ເຖິງວັນທີ 30 ມີນາ 2013, ຕອນບ່າຍວັນທີ 25 ມີນາ ຢູ່ທີ່ນະຄອນຫຼວງວຽງຈັນ, ຄະນະຜູ້ແທນສະມາຄົມນັກໜັງມືພິມຫວຽດນາມ ນຳໂດຍສະຫາຍມ້າຢ້ຽວເກືອງ, ຮອງປະທານສະມາຄົມນັກໜັງມືພິມຫວຽດນາມ, ປະທານສະມາຄົມນັກໜັງມືພິມນະຄອນໂຮ່ຈີມິນ ໄດ້ເຂົ້າຢ້ຽມຂ່ຳນັບສະຫາຍ ບໍ່ແສງຄຳ ວົງດາລາ, ກຳມະການສູນກາງພັກ, ລັດຖະມົນຕີວ່າການກະຊວງຖະແຫຼງຂ່າວ - ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ.
ສະຫາຍ ມ້າຢ້ຽວເກືອງ ໄດ້ລາຍງານກ່ຽວກັບການພົບປະປຶກສາຫາລືກັບຄະນະຜູ້ແທນສະມາຄົນນັກໜັງມືພິມລາວ ກ່ຽວກັບການຮ່ວມມືໃນປີທີ່ຜ່ານມາ: ປີ 2012 ເປັນປີສາມັກຄີມິດຕະພາບຫວຽດນາມ-ລາວ, ລາວ-ຫວຽດນາມ, ສະມາຄົມທັງສອງໄດ້ເພີ່ມທະວີການພົວພັນ ແລກປ່ຽນບົດຮຽນປະສົບການ; ປະສານສົມທົບກັນໂຄສະນາເຫດການຕ່າງໆໃນປີ, ປະກອບສ່ວນສຳຄັນເຂົ້າໃນການຍົກສູງຄວາມຮັບຮູ້ຂອງປະຊາຊົນສອງປະເທດ ກ່ຽວກັບການປົກປັກຮັກສາ ແລະ ເພີ່ມພູນຄູນສ້າງສາຍພົວພັນພິເສດຫວຽດນາມ - ລາວ.
ໃນເວລາທີ່ຈະມາເຖິງ, ສະມາຄົນທັງສອງຈະສືບຕໍ່ເພີ່ມທະວີການຮ່ວຍມື ເຊິ່ງໃນນັ້ນມີການເປີດກວ້າງຮູບການແລກປ່ຽນວິຊາຊີບ ແຕ່ຂັ້ນສູນກາງລົງຮອດທ້ອງຖິ່ນ, ເປັນຕົ້ນແມ່ນບັນດາແຂວງທີ່ມີຊາຍແດນຕິດຈອດກັນ ເພື່ອໃຫ້ການຮ່ວມມືສະດວກດີ ແລະ ມີປະສິດທິຜົນກວ່າອີກ.
ສະຫາຍລັດຖະມົນຕີ ບໍ່ແສງຄຳ ວົງດາລາ ໄດ້ສະແດງຄວາມຂອບໃຈຕໍ່ການຊ່ວຍເຫຼືອຢ່າງມີປະສິດທິຜົນ ຂອງສະມາຄົມນັກໜັງສືພິມຫວຽດນາມ; ແຈ້ງຂ່າວບາງຈຸດກ່ຽວກັບສະພາບການເຄື່ອນໄຫວຂອງສະມາຄົມນັກໜັງສືພິມລາວ ແລະ ຢັ້ງຢືນວ່າ: ການພົວພັນຮ່ວມມືລະຫວ່າງສອງສະມາຄົມນັກໜັງສືພິມ ໄດ້ມີມາແຕ່ດົນນານແລ້ວ ແລະ ນັບມື້ນັບຜູກພັນສະໜິດແໜ້ນນຳກັນ.
ສອງສະມາຄົມບໍ່ພຽງແຕ່ສະແດງໃຫ້ເຫັນຢ່າງມີຊີວິດຊີວາເຖິງສະພາບການການເມືອງ ເສດຖະກິດ ສັງຄົມຂອງແຕ່ລະປະເທດເທົ່ານັ້ນ ຫາກຍັງມີຫຼາຍຮູບການຮ່ວມມືທີ່ໄດ້ປະກອບສ່ວນເຂົ້າໃນການຍົກສູງຄວາມຮັບຮູ້ກ່ຽວກັບສາຍພົວພັນພິເສດ ລາວ - ຫວຽດນາມ ໃຫ້ແກ່ປະຊາຊົນສອງປະເທດ.
ສະຫາຍລັດຖະມົນຕີ ສະເໜີໃຫ້ສອງຝ່າຍເພີ່ມທະວີການກໍ່ສ້າງ ອົບຮົມສຶກສາໃຫ້ຮຸ້ນຄົນໜຸ່ມນ້ອຍມີຄວາມຮູ້ເລິກເຊິ່ງກ່ຽວກັບສາຍພົວພັນພິເສດ ຫວຽດນາມ - ລາວ ເຊິ່ງເປັນສາຍພົວພັນ ທີ່ການນຳ ພະນັກງານ ນັກຮົບແລະປະຊາຊົນຂອງສອງປະເທດ ຫຼາຍຮຸ້ນຄົນໄດ້ສະຫຼະເລືອດເນື້ອເຫື່ອແຮງເພື່ອກໍ່ສ້າງຂຶ້ນ; ຕ້ອງຮູ້ບຸນຄຸນ ຈົດຈຳຄຸນງາມຄວາມດີຂອງບັນພະບູລຸດຢ່າງຕະຫຼອດກາລະນານ, ນີ້ແມ່ນພາລະໜ້າທີ່ອັນສັກກະລະ ຂອງພວກເຮົາທັງໝົດ ແນໃສ່ປະກອບສ່ວນເພີ່ມພູນຄູນສ້າງສາຍພົວພັນພິເສດລາວ - ຫວຽດນາມ ໃຫ້ພັດທະນາ ໝັ້ນຄົງຂະໜົງແກ່ນຕະຫຼອດການ./.
ແຫຼ່ງຂ່າວ: TTXVN