ວາລະສານ ກອມມູນິດ

ອົງການທິດສະດີແລະການເມືອງ ຂອງຄະນະບໍລິຫານງານສູນກາງ ພັກກອມມູນິດຫວຽດນາມ

ເບິ່ງຄືນເກືອບ 3 ປີແຫ່ງການປະຕິບັດວຽກງານກວດກາ, ຕິດຕາມກວດກາ ຕາມມະຕິ ຂອງກອງປະຊຸມໃຫຍ່ຄັ້ງທີ XI ຂອງພັກ

03:26, 30-03-2014

ວ.ກ.ອອນໄລ - ໃນເຄິ່ງຕົ້ນສະໄໝກອງປະຊຸມໃຫຍ່ຄັ້ງທີ XI ຂອງພັກ, ຄະນະກຳມະການກວດກາສູນກາງ ແລະ ຄະນະກຳມະການກວດກາຂັ້ນຕ່າງໆ ໄດ້ຕັ້ງໜ້າ ເປັນເຈົ້າການເປັນເສນາທິການ ຊ່ວຍວຽກໃຫ້ຄະນະພັກ, ພ້ອມກັນນັ້ນ ກໍ່ສຸມການຊີ້ນຳເຂົ້າໃນການຜັນຂະຫຍາຍປະຕິບັດຢ່າງຮອບດ້ານ ບັນດາໜ້າທີ່ທີ່ໄດ້ກຳນົດໃນກົດລະບຽບຂອງພັກ ແລະ ປະຕິບັດບັນດາໜ້າທີ່ທີ່ຄະນະພັກໄດ້ມອບໝາຍ, ປະກອບສ່ວນເຂົ້າໃນບັນດາຜົນສຳເລັດທີ່ບັນລຸໄດ້ໃນການປະຕິບັດໜ້າທີ່ການເມືອງ ແລະ ວຽກງານກໍ່ສ້າງພັກ.

ປະຕິບັດໜ້າທີ່ກວດກາ ຕິດຕາມກວດກາ ລະບຽບວິໄນຂອງພັກຢ່າງຮອບດ້ານ

ຄະນະພັກ, ຄະນະກຳມະການກວດກາຂັ້ນຕ່າງໆ ໄດ້ປະຕິບັດຢ່າງຮອບດ້ານພໍຄວນ ໜ້າທີ່ກວດກາ ຕິດຕາມກວດກາ ປະຕິບັດວິໄນພັກໂດຍກົດລະບຽບພັກກຳນົດ. ກົມການເມືອງ, ຄະນະເລຂາທິການ, ຄະນະພັກຂັ້ນຕ່າງໆ ທັງສຸມໃສ່ນຳພາ ຊີ້ນຳ ຈັດຕັ້ງປະຕິບັດມະຕິກອງປະຊຸມສູນກາງພັກຄັ້ງທີ 4 ສະໄໝທີ XI, ທັງເອົາໃຈໃສ່ປ່ຽນແປງໃໝ່ລຳດັບການ ແລະ ວິທີການກວດກາຕໍ່ບັນດາຄະນະພັກ, ອົງການຈັດຕັ້ງພັກຂັ້ນລຸ່ມ ໃນການຜັນຂະຫຍາຍປະຕິບັດມະຕິ. ປັດຈຸບັນນີ້, ພວມສຸມໃສ່ກວດກາການປະຕິບັດການແກ້ໄຂຜ່ານຜ່າຂໍ້ຈຳກັດ ຂໍ້ຂາດຕົກບົກພ່ອງພາຍຫຼັງການສຳຫຼວດຕິຊົມຕົນເອງ ແລະຕິຊົມ ຕາມມະຕິກອງປະຊຸມສູນກາງພັກຄັ້ງທີ 4 ສະໄໝທີ XI. ນັບແຕ່ຕົ້ນສະໄໝຮອດທ້ານເດືອນມິຖຸນາ 2013, ຄະນະພັກ, ບັນດາຄະນະຂອງຄະນະພັກ, ໜ່ວຍພັກໄດ້ຕິດຕາມກວດກາອົງການຈັດຕັ້ງພັກຂັ້ນລຸ່ມ 62.068 ແຫ່ງ ແລະສະມາຊິກພັກ 227.085 ຄົນ; ກວດກາອົງການຈັດຕັ້ງພັກຂັ້ນລຸ່ມ 119.684 ແຫ່ງ ແລະສະມາຊິກພັກ 659.140 ຄົນ.

ຄະນະກຳມະການກວດກາຂັ້ນຕ່າງໆ ທັງເອົາໃຈໃສ່ເປັນສຳຄັນເຖິງການປະຕິບັດວຽກງານຕິດຕາມກວດກາຕໍ່ອົງການຈັດຕັ້ງພັກຂັ້ນລຸ່ມ ແລະສະມາຊິກພັກ, ທັງສຸມໃສ່ປະຕິບັດໜ້າທີ່ຈຸດໜັກຄື ກວດກາອົງການຈັດຕັ້ງພັກຂັ້ນລຸ່ມ ແລະສະມາຊິກພັກທີ່ມີຮ່ອງຮອຍລະເມີດວິໄນ ເຊິ່ງໄດ້ເຮັດຢ່າງມີຈຸດໜັກໃຈກາງ ແລະບັນລຸຜົນສຳເລັດທີ່ສຳຄັນ; ເອົາໃຈໃສ່ແກ້ໄຂການຮ້ອງຟ້ອງຢ່າງທັນການ, ຮັບໃຊ້ຄວາມຮຽກຮ້ອງຕ້ອງການດ້ານບຸກຄະລາກອນ ເພື່ອເລືອກຕັ້ງສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນຕ່າງໆ, ບຸກຄະລາກອນຂອງຄະນະພັກ, ຕຳແໜ່ງການນຳພາ ການຄຸ້ມຄອງຂັ້ນຕ່າງໆ; ເພີ່ມທະວີການກວດກາການເງິນຂອງພັກ ຕໍ່ກັບຄະນະພັກຂັ້ນລຸ່ມ ແລະ ອົງການການເງິນຂອງຄະນະພັກຂັ້ນດຽວກັນ, ປະກອບສ່ວນປະຕິບັດການປະຢັດ, ກັນແລະຕ້ານການສໍ້ລາດບັງຫຼວງ ການຟຸມເຟືອຍ ຄວາມຫຍໍ້ທໍ້ໃນພາຍໃນພັກ. ໄດ້ຕິດຕາມກວດກາອົງການຈັດຕັ້ງພັກ 51.702 ແຫ່ງ ແລະສະມາຊິກພັກ 136.081 ຄົນ; ກວດກາເມື່ອມີຮ່ອງຮອຍລະເມີດວິໄນຕໍ່ກັບອົງການຈັດຕັ້ງພັກຂັ້ນລຸ່ມ 8.442 ແຫ່ງ ແລະສະມາຊິກພັກ 31.959 ຄົນ; ແກ້ໄຂການຮ້ອງຟ້ອງຕໍ່ກັບອົງການຈັດຕັ້ງພັກ 283 ແຫ່ງ ແລະສະມາຊິກພັກ 40.016 ຄົນ. ພ້ອມກັນນັ້ນ, ໄດ້ເປັນເຈົ້າການ ຕັ້ງໜ້າເປັນເສນາທິການ ຊ່ວຍໃຫ້ຄະນະພັກສ້າງໂຄງການ ແຜນການກວດກາ ຕິດຕາມກວດກາປະຈຳປີ ແລະຖືບົດບາດເປັນຫຼັກແຫຼ່ງໃນການປະສາມສົມທົບກັບບັນດາຄະນະຂອງຄະນະພັກ ແລະຂະແໜງການທີ່ກ່ຽວຂ້ອງ ໃນການຊ່ວຍໃຫ້ຄະນະພັກປະຕິບັດວຽກງານກວດກາ ຕິດຕາມກວດກາ.

ຄະນະພັກ ແລະຄະນະກຳມະການກວດກາຂັ້ນຕ່າງໆ ເບິ່ງລວມແມ່ນໄດ້ປະຕິບັດຢ່າງຖືກຕ້ອງຕາມທິດທາງ ທິດນຳ ຫຼັກການ ລຳດັບດຳເນີນ ລະບຽບການປະຕິບັດວິໄນ; ຮັບປະກັນເສີມຂະຫຍາຍປະຊາທິປະໄຕ ເຫັນແກ່ຜົນປະໂຫຍດສ່ວນລວມ ພາວະວິໄສ ເປີດເຜີຍ, ແກ້ໄຂຜ່ານຜ່າເປັນແຕ່ລະກ້າວປະກົດການຜິດເຂວ, ສະພາບການປະຕິບັດວິໄນແບບ “ເທິງເບົາ, ລຸ່ມໜັກ”, ແກ້ໄຂພາຍໃນ, ບໍ່ແກ້ໄຂ ຫຼືປະໄວ້ເຫິງນາມແລ້ວຈຶ່ງແກ້ໄຂແຕ່ເຮັດຢ່າງເບົາບາງ... ສ່ວນຫຼາຍ ບັນດາກໍລະນີລະເມີດວິໄນພັກ ໄດ້ຖືກພິຈາລະນາ ປະຕິບັດວິໄນຢ່າງເຂັ້ມງວດ, ດັ່ງນັ້ນຈຳນວນສະມາຊິກພັກມີ່ຂັດຂ້ອງຮ້ອງຟ້ອງໄດ້ຫລຸດລົງ. ນັບແຕ່ຕົ້ນສະໄໝກອງປະຊຸມໃຫຍ່ຄັ້ງທີ XI ມາເຖິງປັດຈຸບັນ, ຄະນະພັກ ຄະນະກຳມະການກວດກາຂັ້ນຕ່າງໆ ໄດ້ປະຕິບັດວິໄນຕໍ່ກັບອົງການຈັດຕັ້ງພັກ 759 ແຫ່ງ ແລະສະມາຊິກພັກ 40.016 ຄົນ.

ຄະນະກຳມະການກວດກາສູນກາງໄດ້ເປັນເຈົ້າການເປັນເສນາທິການໃຫ້ຄະນະບໍລິຫານງານສູງກາງພັກໃນການປະກາດໃຊ້ ຄຳແນະນຳປະຕິບັດບັນດາຂໍ້ກຳນົດກ່ຽວກັບວຽກງານກວດກາ ຕິດຕາມກວດກາ ລະບຽບວິໄນຂອງພັກ, ຂໍ້ກຳນົດກ່ຽວກັບສິ່ງທີ່ສະມາຊິກພັກບໍ່ໄດ້ເຮັດ (ໃນສະໄໝກອງປະຊຸມໃຫຍ່ຄັ້ງທີ X, ເອກະສານເຫຼົ່ານີ້ໂດຍແມ່ນກົນການເມືອງປະກາດໃຊ້); ກົດລະບຽບການຕິດຕາມກວດກາໃນພັກ, ຂໍ້ກຳນົດກ່ຽວກັບການປັບປຸງ ເພີ່ມເຕີມຂໍ້ກຳນົດວ່າດ້ວຍການປະຕິບັດວິໄນຕໍ່ກັບສະມາຊິກພັກທີ່ລະເມີດວິໄນ; ແຈ້ງຂ່າວການສະຫລຸບເບື້ອງຕົ້ນ 4 ປີແຫ່ງຫານປະຕິບັດມະຕິກອງປະຊຸມສູນກາງພັກຄັ້ງທີ 5 ສະໄໝທີ X ກ່ຽວກັບ “ເພີ່ມທະວີວຽກງານກວດກາ ຕິດຕາມກວດກາຂອງພັກ”, ຄະນະເລຂາທິການປະກາດໃຊ້ ຂໍ້ກຳນົດກ່ຽວກັບການກວດກາພະນັກງານ ສະມາຊິກພັກໃນການຝຶກຝົນຫຼໍ່ຫຼອມຄຸນສົມບັດ ແລະ ຂໍ້ກຳນົດ 12 ປະການ ກ່ຽວກັບການປະສານສົມທົບ ລະຫວ່າງຄະນະກຳມະການກວດກາສູນກາງ ກັບບັນດາອົງການຈັດຕັ້ງພັກທີ່ກ່ຽວຂ້ອງ ໃນການປະຕິບັດໜ້າທີ່ກວດກາ ຕິດຕາມກວດກາການປະຕິບັດວິໄນຂອງພັກ. ປັດຈຸບັນນີ້, ຄະນະກຳມະການກວດກາສູນກາງພວມເປັນເສນາມິການໃຫ້ກົມການເມືອງ ໃນການປະກາດໃຊ້ຂໍ້ກຳນົດກ່ຽວກັບການຕິດຕາມກວດກາພະນັກງານທີ່ຂຶ້ນກັບການຄຸ້ມຄອງຂອງກົມການເມືອງ ແລະ ຄະນະເລຂາທິການ, ເພີ່ມເຕີມຂໍ້ກຳນົດກ່ຽວກັບການແກ້ໄຂການຮ້ອງຟ້ອງຕໍ່ກັບສະມາຊິກພັກທີ່ເປັນພະນັກງານຂຶ້ນກັບການຄຸ້ມຄອງຂອງກົມການເມືອງ ແລະຄະນະເລຂາທິການ... ພ້ອມກັນນັ້ນກໍ່ໄດ້ປະກາດໃຊ້ບັນດາຄຳແນະນຳປະຕິບັດຂໍ້ກຳນົດຕ່າງໆ ຂອງຄະນະບໍລິຫານງານສູນກາງ, ຂໍ້ກຳນົດກົດລະບຽບຂອງກົມການເມືອງ ຄະນະເລຂາທິການ, ຄຳແນະນຳວຽກງານກວດກາການປະຕິບັດມະຕິກອງປະຊຸມສູນກາງພັກຄັ້ງທີ 4 ສະໄໝທີ XI ຕາມສິດຂອບເຂດ; ກໍ່ສ້າງຫຼັກການປະພຶດຕົວຂອງພະນັກງານ ຂ້າລັດຖະການຜະແນກກວດກາ; ປັບປຸງ ເພີ່ມເຕີມລຳດັບດຳເນີນການກວດກາ ຕີດຕາມກວດກາຕໍ່ອົງການຈັດຕັ້ງພັກຂັ້ນລຸ່ມ ແລະ ສະມາຊິກພັກ; ກຳນົກກ່ຽວກັບການຈັດຕັ້ງ ການເຄື່ອນໄຫວຂອງບັນດາຄະນະກວດກາ ຕິດຕາມກວດກາ. ພິເສດແມ່ນ ໄດ້ປະກາດໃຊ້ຂໍ້ກຳນົດກ່ຽວກັບການຄົ້ນເຜີຍ ກຳນົດແຈ້ງຮ່ອງຮອຍລະເມີດວິໄນ ແລະ ຕົກລົງກວດກາເມື່ອມີຮ່ອງຮອຍລະເມີດວິໄນ ຕໍ່ກັບອົງການຈັດຕັ້ງພັກຂັ້ນລຸ່ມ ແລະສະມາຊິກພັກ, ສ້າງພື້ນຖານ ເງື່ອນໄຂໃຫ້ຄະນະກຳມະການກວດກາ, ພະນັກງານກວດກາ ກຳນົດແຈ້ງຮ່ອງຮອຍລະເມີດວິໄນໄດ້ຢ່າງທັນການ ຊັດເຈນ, ແລະດຳເນີນການກວດກາໄດ້ຮັບຜົນສຳເລັດ. ກໍ່ສ້າງ ບູລະນະບັນດາຂໍ້ກຳນົດກ່ຽວກັບການວາງແຜນ ອົບຮົມກໍ່ສ້າງ ບຳລຸງ ແຕ່ງຕັ້ງ ຈັດວາງສັບຊ້ອນ ຍົກຍ້າຍຜັດປ່ຽນ ຍ້ອງຍໍຊົມເຊີຍ ເພື່ອຍົກສູງຄຸນນະພາບຂອງຖັນແຖວພະນັກງານເຮັດວຽກງາຍກວດກາ.

ໃນພາກຕົວຈິງແຫ່ງການກວດກາ ຕິດຕາມກວດກາ ປະຕິບັດລະບຽບວິໄນຂອງພັກແຕ່ປີ 2012 ຮອດປັດຈຸບັນ ໃຫ້ເຫັນວ່າ, ມະຕິກອງປະຊຸມສູນກາງພັກຄັ້ງທີ 4 ສະໄໝທີ XI ວ່າດ້ວຍ “ບາງບັນຫາຮີບດ່ວນກ່ຽວກັບການກໍ່ສ້າງພັກໃນໄລຍະປັດຈຸບັນ” ແມ່ນຖືກຕ້ອງ ແລະຮີບດ່ວນທີ່ສຸດ. ດ້ວຍ 3 ເນື້ອໃນຈຸດໜັກ: ສຳຫຼວດຕິຊົມຕົນເອງ ແລະ ຕິຊົມ ກ່ຽວກັບສະພາບຄວາມເສື່ອມໂຊມທາງດ້ານແນວຄິດການເມືອງ ຄຸນສົມບັດ ຄຸນທາດ ແລະ ແບບແຜນດຳລົງຊີວິດຂອງພະນັກງານ ສະມາຊິກພັກຈຳນວມໜຶ່ງທີ່ບໍ່ໜ້ອຍ; ບາງຈຸດອ່ອນຂໍ້ບົກພ່ອງທີ່ແກ່ຍາວໃນວຽກງານພະນັກງານ, ເຊັ່ນສະພາບສໍ້ລາດບັງຫຼວງ, ແລ່ນຫາຍົດສັກຕຳແໜ່ງ ແລ່ນຫາຖານະທີ່ຕັ້ງ ແລ່ນຫາຜົນງານ, ຫາວິທີແກ້ໂທດ ແກ້ອາຍຸ...; ສະພາບລະເມີດຫຼັກການລວມສູນປະຊາທິປະໄຕ, ເສຍຄວາມສາມັກຄີພາຍໃນ. ຜ່ານການສຳຫຼວດຕາມມະຕິກອງປະຊຸມສູນກາງພັກຄັ້ງທີ 4 ສະໄໝທີ XI ແລະ ຜ່ານວຽກງານກວດກາ ຕິດຕາມກວດກາຂອງບັນດາຄະນະພັກ ແລະ ຄະນະກຳມະການກວດກາຂັ້ນຕ່າງໆ ໃຫ້ເຫັນວ່າ, ເນື້ອໃນຕ່າງໆ ເທິງນີ້ລ້ວນແຕ່ມີຢູ່ໃນບັນດາຂັ້ນ ຂະແໜງການແຕ່ສູນກາງ ແຂວງກຳແພງນະຄອນ ລົງຮອກຮາກຖານ. ຫຼາຍກໍລະນີໄດ້ຖືກຄົ້ນເຜີຍ ແລະ ແກ້ໄຂ ຫຼືຖືກກ່າວເຕື່ອນ ຕັກເຕືອນຢ່າງເຂັ້ມງວດເພື່ອໃຫ້ດັດແກ້ ຜ່ານຜ່າ; ກໍລະນີຈຳນວນໜຶ່ງຜ່ານການກວດກາເມື່ອມີຮ່ອງຮອຍລະເມີດວິໄນ, ແກ້ໄຂການຮ້ອງຟ້ອງ ກໍ່ໄດ້ຖືກພິຈາລະນາ ແກ້ໄຂປະຕິບັດວິໄນຢ່າງທັນການ. ນອກນັ້ນ, ຄະນະກຳມະການກວດກາຂັ້ນຕ່າງໆ ກໍ່ໄດ້ຊ່ວຍໃຫ້ຄະນະປະຈຳຄະນະພັກຂັ້ນດຽວກັນ ດຳເນີນການສືບສວນ ກຳນົດແຈ້ງບາງບັນຫາ ກໍລະນີ ຄະດີທີ່ພົວພັນເຖິງໜ້າທີ່ຮັບຜິດຊອບຂອງໝູ່ຄະນະປະຈຳການ ຫຼືຂອງບຸກຄົນສະຫາຍໃນຄະນະປະຈຳການຄະນະພັກຂັ້ນດຽວກັນ ເພື່ອຊ່ວຍໃຫ້ການສຳຫຼວດ ຕິຊົມຕົນເອງ ແລະ ຕິຊົມ, ສະຫລຸບຕໍ່ກັບໝູ່ຄະນະ ແລະ ບຸກຄົນ ໄດ້ທັນການ ຖືກຕ້ອງຊັດເຊນ.

ແຕ່ວ່າ, ຜ່ານການປະຕິບັດວຽກງານກວດກາ ຕິດຕາມກວດກາ ລະບຽບວິໄນຂອງພັກ ໃຫ້ເຫັນວ່າ, ຄຽງຂ້າງຜົນສຳເລັດ ຜົນງານທີ່ບັນລຸໄດ້ນັ້ນ, ວຽກງານປັບປຸງພັກເວົ້າລວມ, ການກວດກາ ຕິດຕາມກວດກາພັກເວົ້າໂດຍສະເພາະ ຍັງມີບາງດ້ານທີ່ຍັງບໍ່ທັນຕອບສະໜອງໄດ້ຕາມຄວາມຕ້ອງການ. ວຽກງານກວດກາ ຕິດຕາມກວດກາຂອງຄະນະພັກ ຂອງອົງການຈັດຕັ້ງພັກ ຂອງຄະນະກຳມະການກວດກາຂັ້ນຕ່າງໆ ເບິ່ງລວມແມ່ນຍັງບໍ່ທັນຄົ້ນເຜີຍ ແລະ ກວດກາໄດ້ ຕໍ່ບັນດາກໍລະນີລະເມີດວິໄນຢ່າງຮ້າຍແຮງຢູ່ໃນພັກ; ປະຕິບັດວຽກງານຄາດຄະເນສະພາບການບໍ່ດີ ແລະ ຍັງບໍ່ທັນເພີ່ມທະວີຄວາມສາມາດເປັນເຈົ້າການ ປ້ອງກັນກີດກັ້ນການລະເມີດວິໄນເມື່ອມັນຫາກໍ່ລິເລີ່ມ. ວຽກງານຕິດຕາມກວດກາເປັນປະຈຳກໍ່ຍັງບໍ່ທັນມີລວງເລິກ, ຄຸນນະພາບຍັງຈຳກັດ, ບາງບ່ອນຍັງເຮັດແບບຮູບການ; ການຕິດຕາມກວດກາຕາມຫົວຂໍ້ສະເພາະ ໄດ້ປະຕິບັດຢ່າງຊັກຊ້າ ມະລຸກຄຸກຄັກ, ເປັນຕົ້ນແມ່ນການຕິດຕາມກວດກາຕໍ່ບັນດາຄະນະຂອງຄະນະພັກ ແລະ ໜ່ວຍພັກ; ການຄົ້ນເຜີຍຮ່ອງຮອຍລະເມີດວິໄນຂອງອົງການຈັດຕັ້ງຂັ້ນລຸ່ມ ແລະຂອງສະມາຊິກພັກເພື່ອກວດກາກໍ່ບໍ່ໄດ້ຫຼາຍ. ຫຼາຍກໍລະນີສະມາຊິກພັກລະເມີດບະບຽບວິໄນຂອງພັກ, ກົດໝາຍຂອງລັດກໍ່ບໍ່ຖືກຄົ້ນເຜີຍຢ່າງທັນການ ແລະກວດກາ ແກ້ໄຂ, ຫຼືປະຂ້າມ ບໍ່ສະຫລຸບ ແກ້ໄຂ, ຫຼືແກ້ໄຂບໍ່ຖືກຕ້ອງ; ໃນເວລາປະຕິບັດວິໄນຍັງມີປະກົດການປົກປ້ອງຜູ້ມີຄວາມຜິດພາດ. ລັດສະນະສູ້ຮົບຂອງບາງຄະນະກຳມະການກວດກາ ແລະພະນັກງານກວດກາຈຳນວນໜຶ່ງຍັງບໍ່ທັນສູງ, ຍັງອຽງຂວາ ຜ່ອນຜັນ ຫຼີກລ່ຽງ ຢ້ານຕຳກັນໃນການປະຕິບັດໜ້າທີ່ຈຸດໜັກໃຈກາງ. ການປະສານສົມທົບລະຫວ່າງຄະນະກຳມະການກວດກາຂັ້ນເທິງ ກັບຂັ້ນລຸ່ມ ແລະ ບັນດາຂະແໜງທີ່ກ່ຽວຂ້ອງ ໃນວຽກງານກວດກາ ຕິດຕາມກວດກາ ກໍ່ຍັງບໍ່ທັນເປັນລະບຽບແບບແຜນ.

ບາງຄະນະພັກ, ຄະນະກຳມະການກວດກາຂັ້ນຕ່າງໆ ປະຕິບັດຈິດໃຈມະຕິ ແລະ ການຊີ້ນຳຂອງສູນກາງ ຢ່າງບໍ່ຖືກຕ້ອງ ແລະເຂັ້ມງວດ ດັ່ງນັ້ນໝາກຜົນ ປະສິດທິຜົນຍັງຖືກຈຳກັດ. ບົດບາດຮັບຜິດຊອບ ເປັນເສນາທິການ ປະກອບຄວາມຄິດຄວາມເຫັນ ຂອງຄະນະກຳມະການກວດກາຢູ່ບາງແຫ່ງຍັງຂາດເຂີນ, ບໍ່ແທດເໝາະ ແລະ ບໍ່ຮັບປະກັນໄດ້ຕາມຄວາມຕ້ອງການ. ລັກສະນະສູ້ຮົບ ແລະ ປະສິດທິຜົນວຽກງານຂອງພະນັກງານກວດກາພາກສ່ວນໜຶ່ງຍັງຕ່ຳ.

ສືບຕໍ່ເພີ່ມທະວີ ແລະ ຍົກສູງຄຸນນະພາບ ປະສິດທິຜົນວຽກງານກວດກາ ຕິດຕາມກວດກາ

ໃນຊຸມປີທ້າຍສະໄໝກອງປະຊຸມໃຫຍ່ຄັ້ງທີ XI, ວຽກງານກວດກາ ຕິດຕາມກວດກາຂອງບັນດາຄະນະພັກ ແລະຂອງຄະນະກຳມະການກວດກາຂັ້ນຕ່າງໆ ແຕ່ສູນກາງຮອດຮາກຖານ ຕ້ອງສຸມໃສ່ປະຕິບັດບັນດາເນື້ອໃນ ໜ້າທີ່ຕົ້ນຕໍ່ລຸ່ມນີ້ຢ່າງຄົບຊຸດ ແລະ ມີໝາກຜົນ:

ທີໜຶ່ງ, ບັນດາຄະນະພັກ ອົງການຈັດຕັ້ງພັກ ຄະນະກຳມະການກວດກາຂັ້ນຕ່າງໆ ສືບຕໍ່ປ່ຽນແປງໃໝ່ ເພີ່ມທະວີວຽກງານກວດກາ ຕິດຕາມກວດກາ ແລະ ປະຕິບັດລະບຽບວິໄນຂອງພັກໃນສະພາບການປັດຈຸບັນ; ຄະນະພັກ, ກ່ອນອື່ນໝົດແມ່ນຜູ້ນຳໜ້າຄະນະພັກ ຕ້ອງດຳເນີນວຽກງານກວດກາ ຕິດຕາມກວດກາໂດຍກົງ; ສືບຕໍ່ຈັດຕັ້ງປະຕິບັດມະຕິກອງປະຊຸມສູນກາງພັກຄັ້ງທີ 5 ສະໄໝທີ X ກ່ຽວກັບ “ເພີ່ມທະວີວຽກງານກວດກາ ຕິດຕາມກວດກາຂອງພັກ”, ຍຸດທະສາດວຽກງານກວດກາ ຕິດຕາມກວດກາຂອງພັກຮອດປີ 2020 ຕິດແໜ້ນກັບມະຕິກອງປະຊຸມໃຫຍ່ຄັ້ງທີ XI ຂອງພັກ, ບັນດາມະຕິ ຂໍ້ກຳນົດ ຂໍ້ຕົກລົງ ຂໍ້ສະຫລຸບຂອງຄະນະບໍລິຫານງານສູງກາງ ກົມການເມືອງ ຄະນະເລຂາທິການສູນກາງພັກສະໄໝທີ X ແລະທີ XI ກ່ຽວກັບວຽກງານກໍ່ສ້າງພັກເວົ້າລວມ, ວຽກງານກວດກາ ຕິດຕາມກວດກາ ລະບຽບວິໄນພັກເວົ້າສະເພາະ. ຖອດຖອນບົດຮຽນຢ່າງທັນການກ່ຽວກັບຄວາມຂາດຕົກບົກພ່ອງ ຂໍ້ຈຳກັດ ສິ່ງຄົງຄ້າງໃນເວລາທີ່ຜ່ານມາ ແນໃສ່ວາງແຜນນະໂຍບາຍ ວິທີແກ້ອັນລະອຽດ ແທດເໝາະ ເພື່ອປະຕິບັດວຽກງານກວດກາ ຕິດຕາມກວດກາໃນສະພາບການໃໝ່ຢ່າງມີຄຸນນະພາບ ແລະ ປະສິດທິຜົນ.

ທີສອງ, ຄະນະພັກຂັ້ນຕ່າງໆ ສືບຕໍ່ປ່ຽນແປງໃໝ່ການນຳພາ ຊີ້ນຳບັນດາອົງການຈັດຕັ້ງພັກທີ່ຂຶ້ນກັບການນຳພາຄຸ້ມຄອງຂອງຕົນ ໃນການປະຕິບັດວຽກງານກວດກາ ຕິດຕາມກວດກາ ລະບຽບວິໄນພັກຢ່າງຄົບຊຸດ ຮອບດ້ານ ມີຄຸນນະພາບ ແລະປະສິທິຜົນ; ຈັດຕັ້ງປະຕິບັດໜ້າທີ່ກວດກາ ຕິດຕາມກວດກາ ທີ່ຂຶ້ນກັບໜ້າທີ່ຮັບຜິດຊອບຂອງຄະນະພັກ ຢ່າງຖືກຕ້ອງຕາມໂຄງການ ແຜນການທີ່ວາງໄວ້. ສຸມໃສ່ການກວດກາ ຕິດຕາມກວດກາຕໍ່ການແກ້ໄຂຜ່ານຜ່າຂໍ້ຂາດຕົກບົກພ່ອງ ຈຸດອ່ອນທີ່ໄດ້ຊີ້ອອກມາພາຍຫຼັງການສຳຫຼວດ ຕິຊົມຕົນເອງ ແລະຕິຊົມ ຕາມມະຕິກອງປະຊຸມສູນກາງພັກຄັ້ງທີ 4 ສະໄໝທີ XI ແລະ ບັນດາບັນຫາຮ້ອນເຄືອງ ສິ່ງຄົງຄ້າງທີ່ພົ້ນເດັ່ນຢູ່ທ້ອງຖິ່ນ ຢູ່ຫົວໜ່ວຍກົມກອງ; ການປ້ອງກັນ ຕ້ານການສໍ້ລາດບັງຫຼວງ ການຟຸມເຟືອຍ, ປະຕິບັດການປະຢັດ; ການສ້າງສາພັດທະນາເສດຖະກິດ - ສັງຄົມ, ເປັນຕົ້ນແມ່ນ ໃນການປະຕິບັດບັນດາໂຄງການລົງທຶນ, ໃນຂົງເຂດການເງິນ ທະນາຄານ ການເງິນວິສາຫະກິດ ຂຸດຄົ້ນຊັບພະຍາກອນແຮ່ທາດ ປະຕິບັດນະໂຍບາຍສະຫວັດດີການສັງຄົມ, ບັນດາການເຄື່ອນໄຫວຍຸດຕິທຳ, ຕິດແໜ້ນກັບກວດກາການປະຕິບັດຄຳສັ່ງສະບັບທີ 03-CT/TW ຂອງກົມການເມືອງ ວ່າດ້ວຍການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແວ່ນແຍງຄຸນສົມບັດຂອງທ່ານປະທານໂຮ່ຈີມິນ. ກວດກາ ຕິດຕາມກວດກາ ຄົ້ນເຜີຍ ແກ້ໄຂບັນດາອົງການຈັດຕັ້ງ ບຸກຄົນທີ່ມີປະກົດການ ແລ່ນຫາຍົດສັກຕຳແໜ່ງ ແລ່ນຫາຖານະທີ່ຕັ້ງ ແລ່ນຫາຜົນງານການຍ້ອງຍໍ ຫາວິທີແກ້ໂທດ ແລ່ນຫາປະກາດສະນິຍະບັດ, ລົງບັນຊີຊັບສົມບັດ ລາຍຮັບລາຍໄດ້ບໍ່ຖືກຕ້ອງຕາມການກຳນົດ. ໃຫ້ຄວາມສຳຄັນ ແລະ ສຸມໃສ່ກວດກາ ຕິດຕາມກວດກາຕໍ່ອົງການຈັດຕັ້ງພັກຂັ້ນລຸ່ມໃນການປະຕິບັດໂຄງການການເມືອງ ກົດລະບຽບຂອງພັກ, ມະຕິ ຄຳສັ່ງ ຂໍ້ກຳນົດຂອງພັກ, ລະບຽບການເຮັດວຽກຂອງຄະນະພັກ ແລະ ການຫັນມະຕິຂອງພັກເປັນກົດໝາຍ ກົດດຳລັດ ດຳລັດ ຂໍ້ກຳນົດ, ຊຸກຍູ້ການກຳຈັດດັດແກ້ຂໍ້ຂາດຕົກບົກພ່ອງ ແລະແກ້ໄຂການລະເມີດວິໄນ ພາຍຫຼັງການກວດກາ.

ທີສາມ, ຄະນະກຳມະການກວດກາສູນກາງປັນເຈົ້າພາບສົມທົບກັບບັນດາອົງການທີ່ກ່ຽວຂ້ອງ ສືບຕໍ່ຄົ້ນຄວ້າ ເປັນເສນາທິການ ຊ່ວຍຄະນະບໍລິຫານງານສູນກາງ ກົມການເມືອງ ຄະນະເລຂາທິການ ໃນການປັບປຸງ ເພີ່ມເຕີມ ປະກາດໃຊ້ໃໝ່ ບາງເອກະສານກ່ຽວກັບວຽກງານກວດກາ ຕິດຕາມກວດກາ ໃຫ້ສອດຄ່ອງກັບມະຕິກອງປະຊຸມໃຫຍ່ຄັ້ງທີ XI ຂອງພັກ, ກົດລະບຽບຂອງພັກ ບັນດາມະຕິຂອງສູນກາງ ແລະ ຄວາມຮຽກຮ້ອງຕ້ອງການຂອງສະພາບການປະຕິບັດໜ້າທີ່ການເມືອງ, ວຽກງານກໍ່ສ້າງພັກ. ສົມທົບກັບບັນດາຄະນະຂອງພັກ ອົງການຈັດຕັ້ງພັກ ແລະ ບັນດາອົງການທີ່ກ່ຽວຂ້ອງ ໃນການເປັນເສນາທິການ ຊ່ວຍກົມການເມືອງ ຄະນະເລຂາທິການ ປະຕິບັດບາງແຜນງານທີ່ໄດ້ກຳນົດໄວ້ໃນຄຳສັ່ງ ແຜນການ ແລະໂຄງການດຳເນີນງານປີ 2013 ຂອງກົມການເມືອງ, ເປັນຕົ້ນແມ່ນ ບັນດາເອກະສານທີ່ຮັບໃຊ້ໃຫ້ແກ່ການປະຕິບັດມະຕິກອງປະຊຸມສູນກາງພັກຄັ້ງທີ 4 ສະໄໝທີ XI.

ສຸມໃສ່ຄົ້ນຄວ້າ ປະກອບຄວາມຄິດຄວາມເຫັນເຂົ້າໃນການຮ່າງເອກະສານຕ່າງໆ ທີ່ຈະສະເໜີຕໍ່ກອງປະຊຸມໃຫຍ່ຄັ້ງທີ XII ຂອງພັກ; ຄົ້ນຄວ້າ ສະເໜີການປັບປຸງ ເພີ່ມເຕີມກົດລະບຽບຂອງພັກສະໄໝທີ XI (ໝວດກ່ຽກັບວຽກງານກວດກາ ຕິດຕາມກວດກາ ລະບຽບວິໄນຂອງພັກ). ຕັ້ງໜ້າສົມທົບກັບບັນດາຄະນະຂອງພັກ ອົງການຈັດຕັ້ງພັກທີ່ກ່ຽວຂ້ອງ ໃນການເປັນເສນາທິການ ຊ່ວຍກົມການເມືອງ ຄະນະເລຂາທິການ ປະກາດໃຊ້ບັນດາຂໍ້ກຳນົດ ຄຳແນະນຳການຜັນຂະຫຍາຍປະຕິບັດ ແຜນຍຸດທະສາດວຽກງານກວດກາ ຕິດຕາມກວດກາຂອງພັກຮອດປີ 2020; ຂໍ້ສະຫລຸບຂອງຄະນະເລຂາທິການກ່ຽວກັບການຍົກຍ້າຍຜັດປ່ຽນພະນັກງານນຳພາ ຄຸ້ມຄອງຂອງຂະແໜງການ ຂັ້ນຕ່າງໆ ມາເຮັດວຽກງານກວດກາ ຕິດຕາມກວດກາ ແລະ ຍົກຍ້າຍຜັດປ່ຽນການນຳຄະນະກຳມະການກວດກາຂັ້ນຕ່າງ ໄປເຮັດວຽກງານຢູ່ຂະແໜງການ ຂັ້ນຕ່າງໆ ເພື່ອບຳລຸງອົບຮົມ ກໍ່ສ້າງແຫຼ່ງພະນັກງານກວດກາ.

ທີສີ່, ຄະນະກຳມະການກວດກາສູນກາງ ແລະຄະນະກຳມະການກວດກາຂັ້ນຕ່າງໆ ເປັນເສນາທິການໃນການຜັນຂະຫຍາຍປະຕິບັດ ໂຄງການກວດກາຂອງກົມການເມືອງ ຄະນະເລຂາທິການ ແລະ ໂຄງການກວດກາ ຕິດຕາມກວດກາຂອງຄະນະພັກຂັ້ນດຽວກັນໃນປີ 2013 ແລະ ໃນຊຸມປີຕໍ່ໄປ ໃຫ້ໄດ້ຮັບຜົນສຳເລັດ. ພ້ອມກັນນັ້ນ, ເປັນເຈົ້າການ ຕັ້ງໜ້າປະຕິບັດບັນດາໜ້າທີ່ກວດກາ ຕິດຕາມກວດກາຢ່າງຮອບດ້ານ ຄົບຊຸດ ຖືກຕ້ອງຕາມທັດສະນະ “ຕິດຕາມກວດກາຕ້ອງເປີດກວ້າ”, “ກວດກາຕ້ອງມີຈຸດໜັກໃຈກາງ” ເພື່ອເປັນເຈົ້າການໃນການລະວັງກັນເພື່ອການລະເມີດວິໄນຂອງອົງການຈັດຕັງພັກ ຂອງສະມາຊິກພັກ; ເສີມຂະຫຍາຍຄວາມປະດິດສ້າງຂອງອົງການຈັພຕັ້ງພັກ ແລະ ສະມາຊິກພັກ, ກຳຈັດດັດແກ້ສະພາບການເປັນທ່າຮັບແລ່ນຕາມວຽກງານເຫດການ; ແຕ່ເມື່ອມີການລະເມີດວິໄນແມ່ນຕ້ອງພິຈາລະນາ ແກ້ໄຂຢ່າງເຂັ້ມງວດ ສົມເຫດສົມຜົນ. ສຸມໃສ່ກວດກາ ຕິດຕາມກວດກາບັນດາຂົງເຂດ ເນື້ອໃນທີ່ສຳຄັນ, ບັນດາສະມາຊິກພັກທີ່ເປັນພະນັກງານຫຼັກແຫຼ່ງຂອງຄະນະພັກ ຂອງອົງການຈັດຕັ້ງພັກ ອົງການຈັດຕັ້ງລັດ ການຈັດຕັ້ງເສດຖະກິດຂອງລັດ, ແນວໂຮມປະເທດຊາດ ແລະບັນດາອົງຄະນະການເມືອງ - ສັງຄົມ.

ເພີ່ມທະວີ ແລະ ຍົກສູງຄຸນນະພາບການຕິດຕາມກວດກາຢ່າງເປັນປະຈຳ ເພື່ອເປັນເຈົ້າການໃນການກີດກັ້ນ ກ່າວເຕື່ອນບໍ່ໃຫ້ເກີດມີຄວາມຂາດຕົກບົກພ່ອງ ມີການລະເມີດວິໄນຂອງອົງການຈັດຕັ້ງພັກ ຂອງສະມາຊິກພັກ; ເອົາໃຈໃສ່ຕິດຕາມກວດກາຕາມຫົວຂໍ້ສະເພາະ ເພື່ອດັດປັບຄວາມຜິດດ່ຽງ, ຄົ້ນເຜີຍຮ່ອງຮອຍລະເມີດວິໄນຂອງອົງການຈັດຕັ້ງພັກ ສະມາຊິກພັກ ເພື່ອກວດກາ. ເອົາໃຈໃສ່ເປັນສຳຄັນເຖິງການຄົ້ນເຜີຍ ກຳນົດແຈ້ງຮ່ອງຮອຍລະເມີດວິໄນ ແລະ ຕົກລົງດຳເນີນການກວດກາ; ເອົາໃຈໃສ່ເປັນສຳຄັນເຖິງການກວດກາບັນດາກຳມະການຄະນະພັກດຽວກັນ (ກ່ອນອື່ນໝົດແມ່ນພະນັກງານຫຼັກແຫຼ່ງ) ແລະພະນັກງານທີ່ຂຶ້ນກັບການຄຸ້ມຄອງຂອງຄະນະພັກດຽວກັນ. ເພີ່ມທະວິການຕິດຕາມກວດກາ ຄົ້ນເຜີຍ ແລະ ກີດກັ້ນຢ່າງທັນການຕໍ່ພະນັກງານ ສະມາຊິກພັກທີ່ມີປະກົດການເສື່ອມໂຊມປ່ຽນທາດດ້ານແນວຄິດການເມືອງ ຄຸນສົມບັດສິນທຳ ແບບແຜນດຳລົງຊີວິດ ອາດຍາສິດ ສໍ້ລາດບັງຫຼວງ ຟຸມເຟືອຍ. ສົມທົບກັນພິຈາລະນາບັນດາບັນຫາພົ້ນເດັ່ນທີ່ກ່ຽວພັນກັບບັນດາຄະດິອາຍາໃຫຍ່, ຄະດີສໍ້ລາດບັງຫຼວງ, ຄວາມຫຍໍ້ທໍ້ ຄວາມຮັບຜິດຊອບຂອງພະນັກງານນຳພາ; ການກ່າວປະນາມ ການຮ້ອງຟ້ອງທີ່ແກ່ຍາວ ເຊິ່ງໄດ້ສ້າງຄວາມເດືອດຮ້ອນໃນຫາງສຽງສັງຄົມ ແລະ ໃນປະຊາຊົນ./.

ໂດຍ, ກາວວັນຖົງ
ຫົວໜ້າກົມຄົ້ນຄວ້າ, ຄະນະກຳມະການກວດກາສູນກາງ

ບົດຄວາມຫົວຂໍ້ດຽວກັນ

ການພັດທະນາກະສິກຳຂອງຫວຽດນາມ: ບັນຫາ ແລະ ວິທີແກ້ໄຂບາງຢ່າງ (26/04/2024)

ພັດທະນາການທ່ອງທ່ຽວຕິດພັນກັບການອະນຸຮັກແລະເສີມຂະຫຍາຍຄຸນຄ່າວັດທະນະທຳ, ປົກປັກຮັກສາສິ່ງແວດລ້ອມ ແລະ ຊຸກຍູ້ການພັດທະນາແບບຍືນຍົງ ໃນສະພາບການໃໝ່ (02/03/2024)

ປັບປຸງຍົກສູງຄວາມສາມາດໃນການພະຍາກອນເພື່ອຮັບໃຊ້ການຄຸ້ມຄອງເສດຖະກິດມະຫາພາກຢ່າງມີປະສິດທິຜົນ (26/02/2024)

ຟື້ນຟູນຂະແໜງການທ່ອງທ່ຽວພາຍໃຕ້ເງື່ອນໄຂຂອງການປັບຕົວທີ່ປອດໄພ ຍືດຫຍຸ່ນ ແລະການຄວບຄຸມການແຜ່ລະບາດຂອງພະຍາດໂຄວິດ-19 ໄດ້ຢ່າງມີປະສິດທິຜົນ (26/01/2024)

ແກ້ໄຂການພົວພັນລະຫວ່າງການປ່ຽນແປງໃໝ່ຢ່າງຮອບດ້ານຄົບຊຸດ ແລະ ການກຳນົດຈຸດໜັກໃຈກາງ ໃນແນວທາງການປ່ຽນແປງໃໝ່ຂອງພັກ ໃນແຕ່ລະໄລຍະການພັດທະນາຂອງປະເທດ (10/01/2024)

ປະຕິບັດບັນດາມາດຕະການແກ້ໄຂຢ່າງຄົບຊຸດ ແລະ ມີປະສິດທິຜົນ ເພື່ອເປີດແລະຊຸກຍູ້ການພັດທະນາຢ່າງແຂງແຮງ ຂອງຕະຫຼາດພາຍໃນປະເທດ ຕິດກັບຕະຫຼາດສົ່ງອອກທີ່ຫຼາກຫຼາຍ (20/12/2023)