ສືບຕໍ່ພັດທະນາເສດຖະກິດ - ສັງຄົມ, ປັບປຸງການສຶກສາ-ກໍ່ສ້າງ ແລະ ປົກປັກຮັກສາປະເທດຊາດຢ່າງໝັ້ນຄົງ, ເພື່ອຄວາມຍືນຍົງຄົງຕົວຍາວນານ ຂອງປະເທດຊາດ(*)
ວ.ກ.ອອນໄລ - ຕອນເຊົ້າວັນທີ 9 ຕຸລາ 2013, ພາຍຫຼັງ 10 ວັນແຫ່ງການເຮັດວຽກຢ່າງຮີບດ່ວນ ເຂັ້ມງວດ, ກອງປະຊຸມຄະນະບໍລິຫານງານສູນກາງພັກ ຄັ້ງທີ່ 8 ສະໄໝທີ XI ໄດ້ສຳເລັດລະບຽບວາລະທັງໝົດທີ່ໄດ້ວາງອອກມາ. ສະຫາຍເລຂາທິການໃຫຍ່ ຫງວຽນຝູຈ້ອງ ໄດ້ກ່າວປາໄສອັດກອງປະຊຸມ. ວາລະສານກອມມູນິດອອນໄລຂໍເປັນກຽດໄດ້ສະເໜີບົດປາໄສດັ່ງກ່າວ.
“ຮຽນບັນດາສະຫາຍກຳມະການສູງກາງພັກ,
ຮຽນບັນດາສະຫາຍທີ່ເຂົ້າຮ່ວມກອງປະຊຸມ,
ພາຍຫຼັງ 10 ວັນແຫ່ງການເຮັດວຽກຢ່າງຮີບດ່ວນ ເຂັ້ມງວດ, ກອງປະຊຸມຄະນະບໍລິຫານງານສູນກາງພັກ ຄັ້ງທີ 8 ໄດ້ສຳເລັດລະບຽບວາລະທັງໝົດທີ່ໄດ້ວາງອອກມາ. ບັນດາສະຫາຍກຳມະການສູນກາງ ແລະ ບັນດາສະຫາຍທີ່ເຂົ້າຮ່ວມກອງປະຊຸມ ໄດ້ຍົກສູງນ້ຳໃຈຮັບຜິດຊອບ, ປຶກສາຫາລືຢ່າງມີປະຊາທີປະໄຕ ກົງໄປກົງມາ, ປະກອບຄວາມຄິດເຫັນທີ່ດີ ແລະ ເໝາະສົມເຂົ້າໃນບັນດາລາຍງານ ໂຄງການຂອງກອງປະຊຸມ. ກົມການເມືອງໄດ້ຮັບເອົາຫຼາຍສຸດ ແລະ ບັນຍາຍອະທິບາຍບັນດາບັນຫາທີ່ຍັງມີຄວາມຄິດເຫັນແຕກຕ່າງກັນ; ຄະນະບໍລິຫານງານສູນກາງໄດ້ເປັນເອກະສັນ ຮັບຮອງເອົາມະຕິກອງປະຊຸມ. ເພື່ອອັດກອງປະຊຸມ, ຂ້າພະເຈົ້າຂໍຕາງໜ້າກົມການເມືອງ ສະຫລຸບສັງລວມບັນດາໝາກຜົນຕົ້ນຕໍທີ່ບັນລຸໄດ້ ແລະ ເນັ້ນໜັກໃຫ້ເຫັນແຈ້ງຕື່ມບາງບັນຫາອີກ ເພື່ອໃຫ້ມີຄວາມເຫັນດີເປັນເອກະພາບ ໃນການຊີ້ນຳ ນຳພາການຜັນຂະຫຍາຍປະຕິບັດ ມະຕິຂອງກອງປະຊຸມ.
ທີໜຶ່ງ, ດ້ວຍຈິດໃຈເບິ່ງຄວາມຈິງໂດຍກົງ ເພື່ອພິຈາລະນາບັນຫາຕ່າງໆ ຢ່າງພາວະວິໄສ ວິທະຍາສາດ, ກອງປະຊຸມໄດ້ເປັນເອກະພາບໃຫ້ການສັງເກດ ກ່ຽວກັບສະພາບການເສດຖະກິດ - ສັງຄົມ ຂອງປະເທດໃນເວລາທີ່ຜ່ານມາ ແລະ ກຳນົດທັດສະນະ ແນວຄິດຊີ້ນຳ, ກຳນົດທິດເປົ້າໝາຍ ໜ້າທີ່ ວິທີແກ້ຕົ້ນຕໍໃຫ້ປີ 2014 ແລະ ສອງປີ 2014 - 2015. ຄະນະບໍລິຫານງານສູນກາງຮັບຮູ້ ຕີລາຄາສູງ ແລະ ຍ້ອງຍໍຊົມເຊີຍ ຕໍ່ຄວາມມານະພະຍາຍາມອັນໃຫຍ່ຫຼວງ ຂອງທົ່ວພັກ ທົ່ວປວງຊົນ ທົ່ວກອງທັບເຮົາ ໃນ 3 ປີຜ່ານມາ ທີ່ໄດ້ດັດສົມຢ່າງທັນການ ແລະ ຈັດຕັ້ງປະຕິບັດຢ່າງດີ ບັນດາແຜນນະໂຍບາຍ ນະໂຍບາຍ ມາດຕະການ ນຳເອົາເສດຖະກິດຂອງຊາດຜ່ານຜ່າຄວາມຫຍຸ້ງຍາກ ສິ່ງທ້າທາຍຕ່າງໆ ແລະ ສາມາດບັນລຸໄດ້ໝາກຜົນອັນຕັ້ງໜ້າຫຼາຍຢ່າງ, ຖືກຕ້ອງຕາມທິດທາງທີ່ໄດ້ກຳນົດໃນຂົງເຂດຕ່າງໆ. ພົ້ນເດັ່ນທີ່ສຸດແມ່ນ ສາມາດຈຳກັດໄພເງິນເຟີ້ໄດ້ ແລະ ຮັກສາຄວາມໝັ້ນຖ່ຽງຂອງເສດຖະກິດມະຫາພາກ ໄດ້ໂດຍພື້ນຖານ. ດັດຊະນີລາຄາຄ່າຄອງຊີບ (CPI) ຈາກ 18,13% ປີ 2011 ຫລຸດລົງປະມານ 7% ປີ 2013. ການເຄື່ອນໄຫວຂອງລະບົບບັນດາອົງການການເງິນ - ສິນເຊື່ອ ມີຄວາມປອດໄພ ໝັ້ນຖ່ຽງກວ່າເກົ່າ; ລະດັບອັດຕາດອກເບ້ຍຫລຸດລົງເປັນແຕ່ລະກ້າວ. ການທ້ອນແຮເງິນຕາຕ່າງປະເທດເພີ່ມຂຶ້ນ, ອັດຕາແລກປ່ຽນເປັນປົກກະຕິ. ການຂາອອກເພີ່ມຂຶ້ນພໍຄວນ; ດຸນການຄ້າໄດ້ຮັບການປົວແປງໃຫ້ດີຂຶ້ນ; ອັດຕາສ່ວນຂາເຂົ້າລື່ນກາຍຂາອອກ ໄດ້ຫລຸດຜ່ອນລົງ ຈາກ 20% ຂອງລວມຍອດມູນຄ່າຂາອອກປີ 2010 ລົງເປັນ 0,4% ປີ 2013. ໜີ້ສິນຫຼວງ, ໜີ້ສິນລັດຖະບານ, ການຕິດໜີ້ຕ່າງປະເທດຊອງຊາດ ຢູ່ໃນລະດັບປອດໄພ. ເສດຖະກິດໄດ້ຮັບການຟື້ນຟູເປັນແຕ່ລະກ້າວ; ຄວາມເຕີບໂຕເສດຖະກິດໄດ້ຮັກສາໃນລະດັບສະເລ່ຍ 5,6% ຕໍ່ປີ ໃນ 3 ປີ 2011 - 2013; ສະເພາະປີ 2013 ຄາດກະຈະບັນລຸ 5,4% (ສູງກວ່າປີ 2012). ການຜະລິດອຸດສາຫະກຳ ການກໍ່ສ້າງ, ເປັນຕົ້ນແມ່ນອຸດສາຫະກຳປຸງແຕ່ງ ອຸດສາຫະກຳປະດິດ ໄດ້ຮັບການປົວແປງດີຂຶ້ນເປັນແຕ່ລະກ້າວ. ການຜະລິດກະສິກຳສືບຕໍ່ຮັກສາໄດ້ທ່ວງທ່າການເຕີບໂຕ; ການບໍລິການເຕີບໂຕໄວພໍຄວນ. ໃນ 9 ເດືອນຕົ້ນປີ 2013, ຈຳນວນວິສາຫະກິດຈົດທະບຽນສ້າງຕັ້ງໃໝ່ ໄດ້ເພີ່ມຂຶ້ນ 10,8% ແລະ ມີວິສາຫະກິດ 11 ພັນກວ່າແຫ່ງ ໄດ້ຫັນມາເຄື່ອນໄຫວຄືນໃໝ່. ຄຸນນະພາບຂອງການເຕີບໂຕເສດຖະກິດ ໄດ້ຮັບການປົວແປງໃນບາງດ້ານ.
ໃນເງື່ອນໄຂເສດຖະກິດ ແລະ ດຸນງົບປະມານພົບຄວາມຫຍຸ້ງຍາກທີ່ສຸດ, ພັກ ແລະ ລັດໄດ້ພະຍາຍາມເອົາໃຈໃສ່ພັດທະນາວັດທະນະທຳ ສັງຄົມ, ຮັບປະກັນສະຫວັດດີການສັງຄົມ, ປ້ອງກັນປະເທດ, ຮັກສາຄວມສະຫງົບ. ອັດຕາສ່ວນຄອບຄົວທຸກຍາກສືບຕໍ່ຫລຸດລົງ. ລະບົບປະກັນໄພສັງຄົມຂະຫຍາຍຕົວຢ່າງຄົບຊຸດ ຫຼາຍຮູບຫຼາຍແບບ, ເປົ້າໝາຍທີ່ເຂົ້າຮ່ວມປະກັນໄພສັງຄົມໄດ້ຮັບການເປີດກວ້າງ. ຫຼາຍກວ່າ 98% ຂອງຈຳນວນຄອບຄົວຜູ້ມີຄຸນງານຄວາມດີຕໍ່ຊາດ ໄດ້ມີຊີວິດການເປັນຢູ່ເທົ່າກັບລະດັບ ຫຼື ສູງກວ່າລະດັບຊີວິດການເປັນຢູ່ ຂອງປະຊາຊົນໃນທ້ອງຖິ່ນດຽວກັນ. ໄດ້ເປີດກວ້າງເປົ້າໝາຍຮັບເບ້ຍອຸດໜູນສັງຄົມເປັນປະຈຳ ຂຶ້ນກວ່າ 2,5 ລ້ານຄົນ. ລະບົບພື້ນຖານສາທາລະນະສຸກ ສືບຕໍ່ຂະຫຍາຍຕົວ, ຄຸນນະພາບການເບິ່ງແຍງດູແລສຸຂະພາບປະຊາຊົນ ມີການປ່ຽນແປງຢ່າງຕັ້ງໜ້າ. ການສື່ຂ່າວຖະແຫຼງການ ແລະ ການເຄື່ອນໄຫວວັດທະນະທຳ ກິລາກາຍະບໍລິຫານ ສືບຕໍ່ໄດ້ຮັບຄວາມເອົາໃຈໃສ່ ໂດຍຕິດແໜ້ນກັບການປະຕິບັດຂະບວນການ ປວງຊົນສາມັກຄີກັນກໍ່ສ້າງຊີວິດວັດທະນະທຳ ແລະ ໂຄງການກໍ່ສ້າງຊົນນະບົດໃໝ່. ຄວາມໝັ້ນຄົງດ້ານການເມືອງ ຄວາມສະຫງົບ ແລະ ຄວາມເປັນລະບຽບລຽບລ້ອຍທາງສັງຄົມ ໄດ້ຮັກສາຢ່າງໝັກແໜ້ນ; ການປ້ອງກັນປະເທດໄດ້ຮັບກາເພີ່ມທະວີ, ອະທິປະໄຕ ແລະ ຜືນແຜ່ນດິນອັນຄົບຖ້ວນແຫ່ງຊາດ ໄດ້ຮັບການປົກປັກຮັກສາ; ການເຄື່ອນໄຫວພົວພັນຕ່າງປະເທດ ໄດ້ຮັບການຍູ້ແຮງ; ຖານະທີ່ຕັ້ງຂອງປະເທດ ໄດ້ຮັບການຍົກສູງຂຶ້ນ. ການດຳເນີນສາມການບຸກທະລຸຍຸດທະສາດ ຕິດແໜ້ນກັບການປ່ຽນແປງໃໝ່ຕົວແບບເຕີບໂຕເສດຖະກິດ ແລະ ຈັດວາງໂຄງປະກອບເສດຖະກິດຄືນໃໝ່ ໄດ້ຮັບຄວາມເອົາໃຈໃສ່ຂອງລະບົບການເມືອງທັງໝົດ, ໄດ້ຮັບການຊາດຊືມ ຜັນຂະຫຍາຍການປະຕິບັດຢ່າງເຂັ້ມງວດ ແລະ ບັນລຸໄດ້ໝາກຜົນເບື້ອງຕົ້ນຈຳນວນໜຶ່ງ.
ແຕ່ວ່າ, ເສດຖະກິດ - ສັງຄົມຂອງປະເທດເຮົາໃນປັດຈຸບັນ ຍັງຢືນຢູ່ຕໍ່ໜ້າຄວາມຫຍຸ້ງຍາກ ສິ່ງທ້າທາຍໃຫຍ່ຫຼາຍຢ່າງ. ເສດຖະກິດມະຫາພາກຍັງບໍ່ທັນໝັ້ນຖ່ຽງຢ່າງແທ້ຈິງເທື່ອ; ໄພເງິນເຟີ້ຍັງອາດຈະເກີດຂຶ້ນຄືນໃໝ່; ໜີ້ສິນເຮິຮ້າຍຂອງທະນາຄານຍັງສູງ, ການເຄື່ອນໄຫວຂອງບາງອົງການສິນເຊື່ອ ຍັງບໍ່ທັນປອດໄພແທ້ເທື່ອ; ດຸນງົບປະມານຍັງມີຄວາມຫຍຸ້ງຍາກ. ຕະຫຼາດອະສັງຫາລິມະຊັບ, ຕະຫຼາດຄ້າຫຸ້ນຍັງງຽບສະຫງັດ. ການຜະລິດ ທຸລະກິດພົບຄວາມຫຍຸ້ງຍາກຫຼາຍຢ່າງ. ຈຳນວນວິສາຫະກິດຖືກເລີກລ້າງ ຢຸດຕິການເຄື່ອນໄຫວ ຫຼື ເຄື່ອນໄຫວຢຸດໆຢ່ອນໆ ຍັງມີຈຳນວນຫຼາຍ. ຂົງເຂດອຸດສາຫະກຳເຕີບໂຕຊັກຊ້າລົງ. ການຜະລິດ, ການສົ່ງອອກສິນຄ້າກະສິກຳຕົ້ນຕໍ່ບາງຢ່າງ ພົບກັບຄວາມຫຍຸ້ງຍາກທາງດ້ານຕະຫຼາດ ແລະ ລາຄາ. ຄຸນນະພາບການເຕີບໂຕ, ສະມັດຕະພາບ, ປະສິດທິຜົນ, ກຳລັງແຮງແກ່ງແຍ້ງຂອງພື້ນຖານເສດຖະກິດ ໄດ້ຮັບການປົວແປງຢ່າງຊັກຊ້າ, ຊ້ຳບໍ່ໜຳບາງດ້ານຍັງຖືກຕົກຕ່ຳກວ່າເກົ່າ. ການຄຸ້ມຄອງຊັບພະຍາກອນທຳມະຊາດ ປົກປັກຮັກສາສິ່ງແວດລ້ອມ ຍັງບໍ່ຕອບສະໜອງໄດ້ກັບຄວາມຕ້ອງການ. ລະບຽບ ວິໄນບໍ່ເຂັ້ມງວດ. ຂົງເຂດການສຶກສາ-ກໍ່ສ້າງ, ສາທາລະນະສຸກ, ວັດທະນະທຳ-ກິລາ, ສື່ຂ່າວ-ຖະແຫຼງການ ຍັງມີຄວາມຈຳກັດ ຂໍ້ບົກພ່ອງ ຈຸດອ່ອນຫຼາຍຢ່າງ. ວຽກງານປ້ອງກັນ ແລະ ຕ້ານການສໍ້ລາດບັງຫຼວງ ການຟຸມເຟືອຍ ບໍ່ບັນລຸໄດ້ຕາມຈຸດໝາຍສະກັດກັ້ນ ແລະ ຍູ້ຖອຍມັນເປັນແຕ່ລະກ້າວ. ຄວາມສະຫງົບດ້ານການເມືອງ, ຄວາມປອດໄພ ເປັນລະບຽບຮຽບຮ້ອຍທາງດ້ານສັງຄົມ ຍັງຜັນປ່ຽນຢ່າງສັບສົນ ແລະ ເຊື່ອງຊ້ອນຫຼາຍປັດໃຈທີ່ອາດຈະທຳລາຍຄວາມສະຫງົບ. ການປົກປັກຮັກສາອະທິປະໄຕແຫ່ງຊາດ ກຳລັງປະເຊີນໜ້າກັບສິ່ງທ້າທາຍຫຼາຍຢ່າງ. ສະພາບການອາຊະຍາກຳ ໄພສັງຄົມກຳລັງຜັນປ່ຽນຢ່າງສັບສົນ. ການຮ້ອງຟ້ອງທີ່ກ່ຽວພັນເຖິງທີ່ດິນຍັງມີຫຼາຍ… ການປ່ຽນແປງໃໝ່ຕົວແບບເຕີບໂຕເສດຖະກິດ, ການຈັດວາງໂຄງປະກອບເສດຖະກິດຄືນໃໝ່, ປະຕິບັດ 3 ການບຸກທະລຸຍຸດທະສາດ ຫາກໍ່ປະຕິບັດໃນເບື້ອງຕົ້ນ ຍັງຊັກຊ້າ ແລະ ຫຼາຍດ້ານບໍ່ເໝາະສົມ. ໂຄງການສັງລວມກ່ຽວກັບການຈັດວາງໂຄງປະກອບພື້ນຖານເສດຖະກິດຄືນໃໝ່ ຍັງບໍ່ທັນກຳນົດທິດໄດ້ຢ່າງຄັກແນ່ ໃຫ້ແກ່ການຈັດວາງຄືນໃໝ່ບັນດາຂະແໜງການ ຂົງເຂດ ໃນຂອບເຂດທົ່ວປະເທດ ແລະ ເຂດຕ່າງໆ, ໃຫ້ແກ່ການພັດທະນາກະສິກຳ ອຸດສາຫະກຳ, ເປັນຕົ້ນແມ່ນອຸດສາຫະກຳສະໜັບສະໜູນ.
ບົນພື້ນຖານການໄຈ້ແຍກຢ່າງເລິກເຊິ່ງສະພາບການພາຍໃນປະເທດແລະໃນໂລກ, ການຄາດຄະເນທ່າອຽງພັດທະນາ ແລະ ຄວາມສາມາດຕ່າງໆ ທີ່ອາດຈະເກີດຂຶ້ນ, ຄະນະບໍລິຫານງານສູນກາງພັກໄດ້ຊີ້ແຈ້ງວ່າ: ພິຈານາໂດຍລວມແລ້ວ ຍັງຕ້ອງຕັ້ງໝັ້ນໃນເປົ້າໝາຍສັງລວມທີ່ກອງປະຊຸມໃຫຍ່ຄັ້ງທີ XI ຂອງພັກວາງອອກ; ແຕ່ໃນ 2 ປີທ້າຍສະໄໝທີ XI (2014 - 2015) ຕ້ອງຕັ້ງໜ້າພະຍາຍາມກວ່າອີກ ເພື່ອປະຕິບັດເປົ້າໝາຍ: ສືບຕໍ່ຮັກສາຄວາມໝັ້ນຖ່ຽງ ຂອງເສດຖະກິດມະຫາພາກ, ຄວບຄຸມເງິນເຟີ້; ຟື້ນຟູລະດັບຄວາມເຕີບໂຕເສດຖະກິດ, ຍົກສູງຄຸນນະພາບ ປະສິດທິຜົນການແກ່ງແຍ້ງ ບົນພື້ນຖານຍູ້ແຮງການປະຕິບັດ 3 ການບຸກທະລຸຍຸດທະສາດ ໂດຍຕິດແໜ້ນກັບການປ່ຽນແປງໃໝ່ ຕົວແບບເຕີບໂຕເສດຖະກິດ ຈັດວາງພື້ນຖານເສດຖະກິດຄືນໃໝ່. ຮັບປະກັນສະຫວັດດີການ ແລະ ຄວາມປອດໄພສັງຄົມ, ປົວແປງຊີສິດດການເປັນຢູ່ຂອງປະຊາຊົນ. ຮັກສາຊັບພະຍາກອນທຳມະຊາດ ສິ່ງແວດລ້ອມ ແລະ ເປັນເຈົ້າການຮັບມືກັບການປ່ຽນແປງສະພາບດິນຟ້າອາກາດ. ຍູ້ແຮງການປະຕິຮູບການບໍລິຫານ, ເພີ່ມທະວີການປ້ອງກັນ ຕ້ານການສໍ້ລາດບັງຫຼວງ ການຟຸມເຟືອຍ; ປົວແປງສິ່ງແວດລ້ອມແຫ່ງການທຸລະກິດໃຫ້ດີຂຶ້ນ. ເປີດກວ້າງ ແລະ ຍົກສູງປະສິດທິຜົນການເຄື່ອນໄຫວພົວພັນກັບຕ່າງປະເທດ ແລະ ການເຊື່ອມໂຍງເຂົ້າກັບສາກົນ. ສະເພາະປີ 2014, ສຸມໃສ່ບຸລິມະສິດໃຫ້ແກ່ເປົ້າໝາຍຮັກສາຄວາມໝັ້ນຖ່ຽງ ຂອງເສດຖະກິດມະຫາພາກ, ຄວບຄຸມເງິນເຟີ້ ໄປຄຽງຄູ່ກັບການແກ້ໄຂຄວາມຫຍຸ້ງຍາກຂອງການຜະລິດ ທຸລະກິດ, ສ້າງກຳລັງຂັບເຄື່ອນ ຄວາມເຊື່ອຖືໃຫ້ແກ່ປະຊາຊົນ ແລະ ວິສາຫະກິດ.
ສູນກາງຮຽກຮ້ອງໃຫ້ລັດຖະບານ ບັນດາກະຊວງ ຂະແໜງການ ແລະ ທ້ອງຖິ່ນ ຈົ່ງເຂັ້ມງວດຜັນຂະຫຍາຍການປະຕິບັດຢ່າງຄົບຊຸດ ບັນດາໜ້າທີ່ ວິທີແກ້ ທີ່ໄດ້ບົ່ງໄວ້ໃນບົດສະຫລຸບຂອງກອງປະຊຸມຄັ້ງນີ້. ຮີບຫັນເປັນລະອຽດ ແລະ ຜັນຂະຫຍາຍປະຕິບັດບັນດາກົນໄກ ນະໂຍບາຍທີ່ສອດຄ່ອງ. ພິເສດແມ່ນ, ຕ້ອງເອົາໃຈໃສ່ຜັນຂະຫຍາຍຢ່າງລະອຽດ ຄົບຊຸດບັນດາໜ້າທີ່ ວິທີແກ້ ການປ່ຽນແປງໃໝ່ຕົວແບບເຕີບໂຕເສດຖະກິດ, ການຈັດວາງໂຄງປະກອບພື້ນຖານເສດຖະກິດຄືນໃໝ່ ແລະ ປະຕິບັດ 3 ການບຸກທະລຸຍຸດທະສາດ, ຖືວ່າອັນນີ້ແມ່ນປັດໃຈຕັດສິນຜົນສຳເລັດ ຂອງພາລະກິດການພັດທະນາຢ່າງໄວ ແລະ ຍືນຍົງ, ການຫັນປະເທດເປັນອຸດສາຫະກຳ ທັນສະໄໝ. ປັບປຸງບູລະນະໂດຍໄວ ແລະ ຍູ້ແຮງການປະຕິບັດໂຄງການສັງລວມ ກ່ຽວກັບການຈັດວາງໂຄງປະກອນພື້ນຖານເສດຖະກິດຄືນໃໝ່ ແລະ ບັນດາໂຄງການຈັດວາງຄືນໃໝ່ 3 ຂົງເຂດບຸລິມະສິດ ຕາມຈິດໃຈຂອງມະຕິກອງປະຊຸມສູນກາງພັກ ຄັ້ງທີ 3 ສະໄໝທີ XI, ດ້ວຍການປະຕິບັດບັນດາໂຄງການການກະທຳ ແຜນການ ແຜນງານອັນລະອຽດ; ດ້ວຍບັນດາຈຸດໝາຍ ສະຖານທີ່ທີ່ຢູ່ຈະແຈ້ງ ແລະ ລຳດັບດຳເນີນ ບາດກ້າວສອດຄ່ອງ ທັງນີ້ກໍ່ເພື່ອຊ່ວຍໜູນຮັບໃຊ້ທັນທີທັນໃດ ໃຫ້ແກ່ການຟື້ນຟູຄວາມເຕີບໂຕເສດຖະກິດ ທັງຮັບປະກັນໃຫ້ແກ່ການຫັນປ່ຽນຕົວແບບພັດທະນາຢ່າງໄວ ແລະ ຍືນຍົງໃນປີຕໍ່ໆໄປ.
ຍູ້ແຮງການປັບປຸງບູລະນະລະບຽບການເສດຖະກິດຕະຫຼາດຕາມທິດສັງຄົນນິຍົມທີ່ຄົບຊຸດ ໃນທັງສາມດ້ານ: ກໍ່ສ້າງ ປັບປຸງບູລະນະກົດໝາຍ ນະໂຍບາຍກ່ຽວກັບດສກຖະກິດ; ປັບປຸງບູລະນະລະບົບການຈັດຕັ້ງກົງຈັກລັດ ທີ່ປະຕິບັດພາລະບົດບາດຄຸ້ມຄອງລັດ ທາງດ້ານເສດຖະກິດ ແລະ ບັນດາເຈົ້າພາບເສດຖະກິດທີ່ເຂົ້າຮ່ວມໃນຕະຫຼາດ; ແລະ ກົນໄກຂັບເຄື່ອນພື້ນຖານເສດຖະກິດ, ກ່ອນອື່ນໝົດແມ່ນ ກົນໄກເຄື່ອນໄຫວສະເໝີພາບ ໃຫ້ແກ່ບັນດາວິສາຫະກິດ ທີ່ຂຶ້ນກັບທຸກໆພາກສ່ວນເສດຖະກິດ. ເຄົາລົບແລະເສີມຂະຫຍາຍຢ່າງຄົບຖ້ວນ ບັນດາກົດເກນຂອງເສດຖະກິດຕະຫຼາດ ແລະ ກົນໄກຕະຫຼາດ ຕໍ່ກັບການເຄື່ອນໄຫວການຜະລິດ ທຸລະກິດດ້ານຕ່າງໆ. ຮັກສາການກຳນົດທິດສັງຄົມນິຍົມ ຂອງພື້ນຖານເສດຖະກິດ ບົນພື້ນຖານເສີມຂະຫຍາຍບົດບາດຂອງລັດ ໂດຍຜ່ານການປະກາດໃຊ້ ແລະ ປະຕິບັດບັນດານະໂຍບາຍສັງຄົມ, ຮັບປະກັນສະຫວັດດີການ ແລະ ຄວາມປອດໄພສັງຄົມ, ຕົ້ນຕໍແມ່ນຜ່ານງົບປະມານແຫ່ງລັດ ແລະ ບັນດາແຫຼ່ງກຳລັງອື່ນຂອງຊາດ. ຍູ້ແຮງການປະຕິຮູບການບໍລິຫານ, ປົວແປງສິ່ງແວດລ້ອມການລົງທຶນ ທຸລະກິດ. ເຕົ້າໂຮມແຫຼ່ງກຳລັງຕ່າງໆ ໃຫ້ແກ່ຂົງເຂດການຜະລິດ, ທຸລະກິດຕົວຈິງ, ເປັນຕົ້ນແມ່ນເຂົ້າໃນຂົງເຂດກະສິກຳ ກະສິກອນ ແລະ ຊົນນະບົດ. ປ່ຽນແປງໃໝ່, ເພີ່ມທະວີການຄຸ້ມຄອງ, ກວດກາແໜ້ນແຟ້ນຕໍ່ຕະຫຼາດການເງິນ - ເງິນຕາ, ຮັບປະກັນສະຖຽນລະພາບຂອງເສດຖະກິດມະຫາພາກຢ່າງໝັ້ນຄົງ. ຮີບກໍ່ສ້າງ ກວດຜ່ານ ແລະ ຜັນຂະຫຍາຍໂດຍໄວ ໂຄງການເຂດບໍລິຫານ - ເສດຖະກິດພິເສດຈຳນວນໜຶ່ງ ເພື່ອແນໃສ່ສ້າງໃຫ້ມີຂົ້ວແຫ່ງການເຕີບໂຕ ແລະ ທົດສອບລະບອບ-ລະບຽບທີ່ມີລັກສະນະບຸກທະລຸ.
ທີສອງ, ໂດຍຂະຫຍາຍບັນດາໝາກຜົນທີ່ບັນລຸໄດ້ໃນກອງປະຊຸມສູນກາງຄັ້ງທີ 6, ກອງປະຊຸມສູນກາງຄັ້ງນີ້ ໄດ້ປຶກສາພິຈາລະນາ ແລະ ເປັນເອກະພາບປະກາດໃຊ້ ມະຕິວ່າດ້ວຍການປ່ຽນແປງໃໝ່ ການສຶກສາ-ກໍ່ສ້າງຢ່າງພື້ນຖານ ຮອບດ້ານ ເພື່ອຕອບສະໜອງຄວາມຕ້ອງການຫັນເປັນອຸດສາຫະກຳ ທັນສະໃໝ ໃນເງື່ອນໄຂເສດຖະກິດຕະຫຼາດ ຕາມທິດສັງຄົນນິຍົມ ແລະ ເຊື່ອມໂຍງເຂົ້າກັບສາກົນ. ທຽບກັບມະຕິກອງປະຊຸມສູນກາງພັກຄັ້ງທີ 2 ສະໃໝທີ VIII, ມະຕິຂອງກອງປະຊຸມຄັ້ງນີ້ ໄດ້ສືບທອດ ເພີ່ມເຕີມ ແລະ ພັດທະນາຫຼາຍເນື້ອໃນປ່ຽນແປງໃໝ່ ດ້ານຄວາມຮັບຮູ້ ຈິນຕະນາການ ທັດສະນະ ແນວຄິດຊີ້ນຳ ແລະ ເປົ້າໝາຍ ໜ້າທີ່ ວິທີແກ້ຕົວຈິງ. ທາງດ້ານຄວາມຮັບຮູ້, ສູນກາງໃຫ້ທັດສະນະວ່າ ການປ່ຽນແປງໃໝ່ຢ່າງພື້ນຖານ ແລະ ຮອບດ້ານນັ້ນແມ່ນ ປ່ຽນແປງໃໝ່ບັນດາບັນຫາທີ່ໃຫຍ່ ແກ່ນສານ ຮີບດ່ວນ, ນັບແຕ່ທັດສະນະ ແນວຄິດຊີ້ນຳ ຈົນເຖິງເປົ້າໝາຍ ເນື້ອໃນ ວິທີການ ຂອງການສຶກສາ-ກໍ່ສ້າງ ພ້ອມດ້ວຍບັນດາກົນໄກ ນະໂຍບາຍ ເງື່ອນໄຂຮັບປະກັນການປະຕິບັດ; ປ່ຽນແປງໃໝ່ການນຳພາຂອງພັກ, ການຄຸ້ມຄອງຂອງລັດ ຈົນເຖິງປ່ຽນແປງໃໝ່ບັນດາພື້ນຖານການສຶກສາ-ກໍ່ສ້າງ ແລະ ການເຂົ້າຮ່ວມຂອງຄອບຄົວ ຊຸມຊົນ ສັງຄົມ ແລະ ຂອງກະໂຕຜູ້ຮຽນ; ປ່ຽນແປງໃໝ່ທັງໝົດທຸກຊັ້ນຮຽນ ຂະແໜງຮຽນ, ຢູ່ສູນກາງ ແລະ ທ້ອງຖິ່ນຕ່າງໆ. ປ່ຽນແປງໃໝ່ໂດຍພື້ນຖານ ແລະ ຮອບດ້ານ ບໍ່ໄດ້ໝາຍຄວາມວ່າຈະເຮັດຄືນໃໝ່ທັງໝົດຕັ້ງແຕ່ຕົ້ນ ຫາກຕ້ອງສືບທອດ ຂະຫຍາຍບັນດາທັດສະນະ ແນວຄິດຊີ້ນຳທີ່ຖືກຕ້ອງ, ເສີມຂະຫຍາຍບັນດາຜົນສຳເລັດ ແລະ ບົດຮຽນປະສົບການດີທີ່ມີຢູ່, ພ້ອມກັນນັ້ນກໍ່ເພີ່ມເຕີມບັນດາທັດສະນະ ແນວຄິດໃໝ່, ເດັດດ່ຽວປັບປຸງດັດແກ້ຄວາມຜິດເຂວ ການກະທຳຕ່າງໆທີ່ຝືນຕໍ່ກົດເກນ, ຂະຫຍາຍບັນດາປັດໃຈໃໝ່. ການປ່ຽນແປງໃໝ່ຕ້ອງຮັບປະກັນລັກສະນະເປັນລະບົບ, ສອດຄ່ອງກັບແຕ່ລະປະເພດເປົ້າໝາຍ ແລະ ຊັ້ນຮຽນ, ມີວິໄສທັດກວ້າງໄກ, ມີວິທີແກ້ຄົບຊຸດ ແລະ ສາມາດປະຕິບັດໄດ້, ພ້ອມກັນນັ້ນກໍ່ມີຈຸດໜັກໃຈກາງ ມີລຳດັບດຳເນີນ ແລະ ບາດກ້າວສອດຄ່ອງ.
ກ່ຽວກັບເປົ້າໝາຍຂອງການປ່ຽນແປງໃໝ່ຄັ້ງນີ້, ສູນກາງຊີ້ແຈ້ງວ່າ ຕ້ອງສ້າງໃຫ້ຈົນໄດ້ການຫັນປ່ຽນຢ່າງພື້ນຖານ ທາງດ້ານຄຸນນະພາບ ແລະ ປະສິດທະຜົນຂອງການສຶກສາ-ກໍ່ສ້າງ; ຄອບງຳຈຳກັດໄດ້ໂດຍພື້ນຖານ ຂໍ້ຂາດຕົກບົກພ່ອງຍືດເຍືອ ທີ່ພວມສ້າງຄວາມຮ້ອນເຄືອງໃນສັງຄົມ. ສຶກສາໃຫ້ຄົນຫວຽດນາມຂະຫຍາຍຕົວຮອບດ້ານ ແລະ ເສີມຂະຫຍາຍເປັນຢ່າງດີ ຄວາມສາມາດບົ່ມຊ້ອນຂອງແຕ່ລະບຸກຄົນ; ຮັກແພງຄອບຄົວ, ຮັກປະເທດຊາດ, ສຸດອົກສຸດໃຈຮັບໃຊ້ປະຊາຊົນ ແລະ ປະເທດຊາດບ້ານເມືອງ; ມີຄວາມຮູ້ ແລະ ທັກສະພື້ນຖານ, ມີຄວາມສາມາດປະດິດສ້າງ ເພື່ອເປັນເຈົ້າຕົນເອງ, ດຳລົງຊີວິດເປັນຢ່າງດີ ແລະ ເຮັດວຽກມີປະສິດທິຜົນ. ກໍ່ສ້າງພື້ນຖານການສຶກສາເປີດ, ຮຽນແທ້, ຝຶກແອບວິຊາຊີບແທ້, ສອນເກັ່ງ, ຮຽນດີ, ຄຸ້ມຄອງດີ; ມີໂຄງປະກອບ ແລະ ແບບວິທີການສຶກສາຖືກຫຼັກຖືກເກນ, ຕິດແໜ້ນກັບສັງຄົມຮ່ຳຮຽນ; ຮັບປະກັນບັນດາເງື່ອນໄຂຍົກສູງຄຸນນະພາບ. ລະບົດການສຶກສາ-ກໍ່ສ້າງ ໄດ້ຫັນເປັນມາດຕະຖານ, ຫັນເປັນທັນສະໄໝ, ຫັນເປັນສັງຄົມ, ຫັນເປັນປະຊາທິປະໄຕ, ເສື່ອມໂຍງເຂົ້າກັບສາກົນ; ຮັກສາການກຳນົດທິດສັງຄົມນິຍົມຢ່າງໝັ້ນຄົງ ແລະ ເຂັ້ມຂົ້ນໄປດ້ວຍສີສັນຂອງຊາດ.
ເພື່ອປະຕິບັດໃຫ້ໄດ້ເປົ້າໝາຍທີ່ກ່າວມາເທິງນີ້, ຕ້ອງຖືວ່າການສຶກສາ-ກໍ່ສ້າງເປັນພາລະກິດຂອງພັກ-ລັດ ແລະ ຂອງປວງປະຊາຊົນ, ເປັນນະໂຍບານແຫ່ງຊາດອັນດັບໜຶ່ງ; ລົງທຶນໃຫ້ແກ່ການສຶກສາແມ່ນການລົງທຶນພັດທະນາ, ຕ້ອງໄດ້ຮັບບຸລິມະສິດໃຫ້ໄປກ່ອນ ໃນບັນດາໂຄງການ ແຜນການພັດທະນາເສດຖະກິດ - ສັງຄົມ. ເປົ້າໝາຍຂອງການສຶກສາແມ່ນ ຍົກສູງປັນຍາຄວາມຮູ້ຂອງປະຊາຊົນ, ຂະຫຍາຍຄວາມສາມາດຂອງພົນລະເມືອງ, ກໍ່ສ້າງກຳລັງຄົນ, ບຳລຸງສ້າງຜູ້ເກັ່ງກ້າສາມາດ. ປະຕິບັດໃຫ້ໄດ້ດີບັນດາຫຼັກການສຶກສາ: ຮ່ຳຮຽນໄປຄຽງຄູ່ກັບປະຕິບັດ, ການສຶກສາສົມທົບກັບການອອກແຮງງານຜະລິດ, ທຸລະກິດ; ທິດສະດີຕິດແໜ້ນກັບພາກພຶດຕິກຳ; ການສຶດສາຢູ່ໂຮງຮຽນ ສົມທົບກັບການສຶກສາຄອບຄົວ ແລະ ສັງຄົມ. ຫັນປ່ຽນຂະບວນວິວັດການສຶກສາຢ່າງແຮງ ຈາກການສຶກສາໃຫ້ຄວາມຮູ້ເປັນຕົ້ນຕໍ ມາເປັນການພັດທະນາຢ່າງຮອບດ້ານກຳລັງຄວາມສາມາດ ແລະ ຄຸນສົມບັດຂອງຜູ້ຮຽນ. ພັດທະນາການສຶກສາ-ກໍ່ສ້າງ ຕ້ອງຕິດແໜ້ນກັບຄວາມຕ້ອງການ ພັດທະນາເສດຖະກິດ - ສັງຄົມ ແລະ ການປົກປັກຮັກສາປະເທດຊາດ, ສອດຄ່ອງກັບກົດເກນແຫ່ງການພັດທະນາພາວະວິໄສ, ກັບຄວາມກ້າວໜ້າທາງດ້ານວິທະຍາສາດ ແລະ ເຕັກໂນໂລຊີ. ຫັນປ່ຽນການພັດທະນາການສຶກສາຕາມເປົ້າໝາຍປະລິມານເປັນຕົ້ນຕໍ ມາເປັນການພັດທະນາຕາມເປົ້າໝາຍ ທັງຕອບສະໜອງຄວາມຕ້ອງການດ້ານປະລິມານ ທັງເອົາໃຈໃສ່ຍົກສູງຄຸນນະພາບ. ຫັນປ່ຽນລະບົບການສຶກສາທີ່ຍັງແຂງກະດ້າງ ບໍ່ມີລັກສະນະຕິດຕໍ່ໜໍ່ເນືອງ ໃນປັດຈຸບັນ ມາເປັນລະບົບການສຶກສາເປີດ, ໄຫວພິບ, ຮັບປະກັນການຕິດຕໍ່ໜໍ່ເນືອງລະຫວ່າງລະດັບຕ່າງໆ ແລະ ລະຫວ່າງບັນດາແບບວິທີການກໍ່ສ້າງ, ສ້າງເງື່ອນໄຂອຳນວນຄວາມສະດວກ ໃຫ້ແກ່ການຮ່ຳຮຽນຕະຫຼອດຊີວິດ. ເປັນເຈົ້າການເສີມຂະຫຍາຍດ້ານຕັ້ງໜ້າ, ຈຳກັດດ້ານຫຍໍ້ທໍ້ຂອງກົນໄກຕະຫຼາດ, ຮັບປະກັນການກຳນົດທິດສັງຄົມນິຍົມ ໃນການພັດທະນາການສຶກສາ-ກໍ່ສ້າງ. ພັດທະນາຢ່າງກົມກຽວ ສະເໝີພາບ ຊ່ວຍໜູນຊຶ່ງກັນລະຫວ່າງການສຶກສາຂອງລັດ ແລະ ການສຶກສາທີ່ບໍ່ແມ່ນຂອງລັດ, ການສຶກສາຢູ່ເຂດ ພາກຕ່າງໆ. ບຸລິມະສິດລົງທຶນພັດທະນາການສຶກສາຢູ່ເຂດທີ່ມີຄວາມຫຍຸ້ງຍາກເປັນພິເສດ, ເຂດຊົນເຜົ່າສ່ວນໜ້ອຍ ແລະ ໃຫ້ບັນດາເປົ້າໝາຍຂອງນະໂຍບາຍ. ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ ເພື່ອພັດທະນາການສຶກສາ-ກໍ່ສ້າງ, ພ້ອມກັນນັ້ນ ການສຶກສາ-ກໍ່ສ້າງ ກໍ່ຕ້ອງຕອບສະໜອງ ຄວາມຕ້ອງການເຊື່ອມໂຍງເຂົ້າກັບສາກົນ.
ທີສາມ, ຄະນະບໍລິຫານງານສູນກາງໄດ້ໃຊ້ເວລາຫຼາຍເພື່ອປຶກສາພິຈາລະນາບາງບັນຫາ ທີ່ຍັງມີຄວາມຄິດເຫັນແຕກຕ່າງກັນ ແລະ ປະກອບຄວາມຄິດເຫັນຢ່າງລະອຽດ ເຂົ້າໃນແຕ່ລະໝວດ ມາດຕາ ແລະ ທັງໝົດສະບັບຮ່າງການປັບປຸງລັດຖະມຳໃະນູນປີ 1992. ອີກເທື່ອໜຶ່ງ, ສຸນກາງຊົນເຊີຍ ແລະ ຂອບອົກຂອບໃຈພິ່ນ້ອງຮ່ວມຊາດ ນັກຮົບໃນທົ່ວປະເທດ ແລະ ຊາວຫວຽດນາມຢູ່ຕ່າງປະເທດ ທີ່ໃນເວລາຜ່ານມາໄດ້ສືບຕໍ່ປະກອບຄວາມຄິດເຫັນຫຼາຍຢ່າງ ເພື່ອປັບປຸງຮ່າງລັດຖະທຳມະນູນ. ພ້ອມກັນນັ້ນ ກໍ່ຊົມເຊີຍ ຕີລາຄາສູງຕໍ່ບັນດາສະມາຊິກສະພາແຫ່ງຊາດ ທີ່ໄດ້ເສີມຂະຫຍາຍບົດບາດ ແລະ ຄວາມຮັບຜິດຊອບຂອງຕົນ, ປະກອບຄວາມຄິດເຫັນອັນລະອຽດ ຖືກຕ້ອງຊັດເຈນຫຼາຍຢ່າງ ເຂົ້າໃນເນື້ອໃນສະບັບຮ່າງການປັບປຸງລັດຖະທຳມະນູນ. ຮັບຮູ້ ແລະ ຍໍ້ງຍໍສັນລະເສີນ ກຳມາທິການຮ່າງການປັບປຸງລັດຖະທຳໃະນູນປີ 1992 ແລະ ບັນດາອົງການພາລະບົດບາດ ທີ່ໄດ້ຮີບດ່ວນ ເຂັ້ມງວດໃນການສັງລວມ ໄຈ້ແຍກ ຮັບເອົາ ອະທິບາຍບາງບັນຫາທີ່ຍັງມີຄວາມເຫັນແຕກຕ່າງກັນ ເພື່ອບູລະນະສະບັບຮ່າງການປັບປຸງລັດຖະມຳໃະນູນປີ 1992.
ສູນການໃຫ້ທັດສະນະວ່າ, ສະບັບຮ່າງການປັບປຸງລັດຖະທຳມະນູນຄັ້ງນີ້ ໂດຍພື້ນຖານໄດ້ຮັບການບູລະນະໃຫ້ສົມບູນ ທາງດ້ານເນື້ອໃນ ກໍ່ຄືທາງດ້ານເຕັກນິກເອກະສານ, ຕອບສະໜອງໄດ້ກັບຈຸດປະສົງ ລະດັບຄາດໝາຍທີ່ໄດ້ວາງອອກ. ເນື້ອໃນຂອງສະບັບຮ່າງສ່ອງແສງໄດ້ເຈດຈຳນົງ ແລະ ຄວາມມຸ່ງມາດປາຖະໜາ ຂອງບັນດາຊັ້ນຄົນປະຊາຊົນສ່ວນຫຼວງຫຼາຍ ແລະ ຂອງທົ່ວທັງຊາດ. ສະແດງອອກຢ່າງຈະແຈ້ງ ແລະ ຄົບຖ້ວນເຖິງທາດແທ້ປະຊາທິປະໄຕ ກ້າວໜ້າຂອງລັດ ແລະ ຂອງລະບອບເຮົາ ໃນໄລຍະຂ້າມຜ່ານຂຶ້ນສູ່ລັດທິສັງຄົມນິຍົມ. ກຳນົດຢ່າງຈະແຈ້ງ ຖືກຕ້ອງ ແລະ ຄົບຖ້ວນ ກ່ຽວກັບລະບອບການເມືອງ ເສດຖະກິດ ວັດທະນະທຳ ການສຶກສາ ວິທະຍາສາດ - ເຕັກໂນໂລຊີ; ສິດທິມະນຸດ ແລະ ສິດ ພັນທະອັນພື້ນຖານຂອງພົນລະເມືອງ; ການຈັດຕັ້ງກົງຈັກແຫ່ງລັດ... ຢືນຢັນລັດເຮົາແມ່ນລັດອຳນາດກົດໝາຍສັງຄົມນິຍົມ ຂອງປະຊາຊົນ ໂດຍປະຊາຊົນ ແລະ ເພື່ອປະຊາຊົນ; ອຳນາດລັດທັງໝົດຂຶ້ນກັບປະຊາຊົນ. ປະຊາຊົນປະຕິບັດອຳນາດລັດດ້ວຍປະຊາທິປະໄຕໂດຍກົງ ແລະ ປະຊາທິປະໄຕໂດຍຜູ້ຕາງໜ້າ ໂດຍຜ່ານສະພາແຫ່ງຊາດ ສະພາປະຊາຊົນ ແລະ ບັນດາອົງການອື່ນຂອງລັດ. ອຳນາດລັດແມ່ນເປັນເອກະພາບ, ມີການແບ່ງງານ ປະສານສົມທົບ ແລະ ກວດກາອຳນາດ ລະຫວ່າງບັນດາອົງການລັດ ໃນການປະຕິບັດບັນດາອຳນາດ ນິຕິບັນຍັດ ບໍລິຫານ ແລະ ຕຸລາການ ເພື່ອໃຫ້ແຕ່ລະອົງການ ສາມາດປະຕິບັດພາລະບົດບາດ ນ້າທີ່ ສິດຂອບເຂດຂອງຕົນ ຕາມການກຳນົດຂອງລັດທະທຳມະນູນ ໄດ້ຢ່າງມີຄວາມສັກສິດ ມີປະສິທິຜົນ, ດ້ວຍການປະສານສົມທົບ ແລະ ຮ່ວມມືກັນຢ່າງແໜ້ນແຟ້ນ, ສ້າງເປັນກຳລັງແຮງສັງລວມຂອງອຳນາດລັດ. ພັກກອມມູນິດຫວຽດນາມ ແມ່ນກຳລັງນຳພາລັດ ແລະ ສັງຄົມ, ພັກພົວພັນໃກ້ຊິດສະໜິດສະໜົມ ກັບປະຊາຊົນ ຮັບໃຊ້ປະຊາຊົນ ຍອມຮັບການຕິດຕາມກວດກາຂອງປະຊາຊົນ ແລະ ມີຄວາມຮັບຜິດຊອບຕໍ່ປະຊາຊົນ ກ່ຽວກັບການຕັດສິນຕົງລົງຂອງຕົນ; ບັນດາອົງການຈັດຕັ້ງຂອງພັກ ແລະ ສະມາຊິກພັກເຄື່ອນໄຫວໃນກອບລັດຖະທຳມະນູນ ແລະ ກົດໝາຍ. ຢືນຢັນຖານະທີ່ຕັ້ງ ບົດບາດສຳຄັນ ຂອງແນວໂຮມປະເທດຊາດຫວຽດນາມ, ຂອງກຳມະບານ ແລະ ຂອງບັນດາອົງການຈັດຕັ້ງການເມືອງ - ສັງຄົມ,... ໂຄງຮ່າງ ສັບສຳນວນ ເຕັກນິກຂີດຂຽນຂອງສະບັບຮ່າງ ໂດຍພື້ນຖານແມ່ນຕອບສະໜອງໄດ້ກັບ ຄວາມຕ້ອງການຂອງລັດຖະທຳມະນູນ ທີ່ເປັນກົດໝາຍພື້ນຖານ ມີລັກສະນະໝັ້ນຄົງຍາວນານ.
ທັນທີພາຍຫຼັງກອງປະຊຸມນີ້, ຄະນະພັກສະພາແຫ່ງຊາດ ກຳມາທິການຮ່າງການປັບປຸງລັດຖະທຳມະນູນ ແລະ ບັນດາອົງການພາລະບັດບາດ ຕ້ອງຮີບຮັບເອົາຄວາມຄິດເຫັນຂອງສູນກາງ ແລ້ວບູລະນະທັງໝົດ ສະບັບຮ່າງປັບປຸງລັດຖະທຳມະນູນ ເພື່ອຍື່ນໃຫ້ສະພາແຫ່ງຊາດພິຈາລະນາ ຮັບຮອງໃນກອງປະຊຸມສະໄໝສາມັນດ ທື່ອທີ 6 ຈະເຖິງນີ້. ການບູລະນະສະບັບຮ່າງ ແລະ ຍື່ນໃຫ້ສະພາແຫ່ງຊາດພິຈາລະນາ ປະກາດໃຊ້ລັດຖະທຳມະນູນສະບັບປັບປຸງນີ້ ຕ້ອງໄດ້ສືບຕໍ່ດຳເນີນຢ່າງແໜ້ນແຟ້ນ ວິທະຍາສາດ, ພາຍໄຕ້ການນຳພາຂອງບັນດາຄະນະພັກ ແລະ ອົງການຈັດຕັ້ງພັກ; ເອົາໃຈໃສ່ເປັນສຳຄັນເຖິງວຽກງານໂຄສະນາ ຖະແຫຼງຂ່າວ, ຮັບປະກັນຖືກຕ້ອງຕາມທິດທິ່ໄດ້ກຳນົດ, ບໍ່ປະໃຫ້ບັນດາອິດທິກຳລັງສັດຕູ ພວກຄົນຮ້າຍສວຍໃຊ້ ເສກສັນປັ້ນແຕ່ງ ຕ້ານພັກ-ລັດ. ພ້ອມກັນນັ້ນ ກໍ່ຕ້ອງມີໂດຍໄວບັນດາໂຄງການ ແຜນການຜັນຂະຫຍາຍປະຕິບັດ ລັດຖະທຳມະນູນສະບັບໃໝ່, ຍູ້ແຮງການສ້າງ ບູລະນະລະບົບກົດໝາຍ ນະໂຍບາຍໃຫ້ສົມບູນແບບ; ປັບປຸງບູລະນະລະບົບການຈັດຕັ້ງກົງຈັກບັນດາອົງການຂອງພັກ ລັດ ແນວໂຮມປະເທດຊາດຫວຽດນາມ ບັນດາອົງການການເມືອງ - ສັງຄົມ. ດຳເນີນການປ່ຽນແປງໃໝ່ລະບົບການເມືອງເປັນແຕ່ລະກ້າວ ຢ່າງໜັກແໜ້ນ ຄົບຊຸດ ກັບການປ່ຽນແປງໃໝ່ເສດຖະກິດ ຄືດັ່ງທີ່ກອງປະຊຸມໃຫຍ່ຫຼາຍສະໄໝຂອງພັກ ໄດ້ວາງອອກມາ.
ທີສີ່, ສະຫລຸບສັງລວມການປະຕິບັດມະຕິກອງປະຊຸມສູນກາງຄັ້ງທີ 8 ສະໄໝທີ IX ວ່າດ້ວຍຍຸດທະສາດການປົກປັກຮັກສາປະເທດຊາດ, ຄະນະບໍລິຫານງານສູນກາງເປັນເອກະພາບໃຫ້ທັດສະນະວ່າ: 10 ທີ່ຜ່ານມາ, ໃນສະພາບການສາກົນ ແລະ ພາກພື້ນມີການຜັນປ່ຽນສັບສົນທີ່ສຸດ, ປະເທດພົບຄວາມຫຍຸ້ງຍາກເຄັ່ງຮ້ອນຫຼາຍຢ່າງ, ບັນດາອິດທະກຳລັງສັດຕູ ເພີ່ມທະວີການເຄື່ອນໄຫວມ້າງເພທຳລາຍປະເທດເຮົາ, ແຕ່ວ່າດ້ວຍຄວາມມານະພະຍາຍາມສູ້ຊົນຢ່າງສູງ ຂອງທົ່ວພັກ ທົ່ວປວງຊົນ ທົ່ວກອງທັບ, ພວກເຮົາສາມາດຮັກສາຄວາມໝັ້ນຖ່ຽງດ້ານການເມືອງ ແລະ ສິ່ງແວດລ້ອມສັນຕິພາບໄວ້ໄດ້ ເພື່ອພັດທະນາປະເທດຊາດ; ປົກປັກຮັກສາຢ່າງໜັກແໜ້ນ ເອກະລາດ ອະທິປະໄຕ ເອກະພາບ ຜືນແຜ່ນດິນອັນຄົບຖ້ວນ ຜົນປະໂຫຍດແຫ່ງຊາດ, ປົກປັກຮັກສາພັກ ລັດ ປະຊາຊົນ ແລະ ລະບອບສັງຄົມນິຍົມ. ກຳລັງເສດຖະກິດ ອິທິພົນ ບົດບາດທີ່ຕັ້ງສາກົນຂອງປະເທດໄດ້ຮັບການຍົກສູງ. ພື້ນຖານການປ້ອງກັນປະເທດທົ່ວປວງຊົນ ການຮັກສາຄວາມສະຫງົບປະຊາຊົນ ໄດ້ຮັບການປັບປຸງ; ກຳລັງບົ່ມຊ້ອນດ້ານປ້ອງກັນປະເທດ ຮັກສາຄວາມສະຫງົບ ໄດ້ຮັບການເພີ່ມທະວີ; ກຳລັງແຮງສັງລວມປົກປັກຮັກສາປະເທດຊາດ ໄດ້ຮັບການຍົກສູງຂຶ້ນຕື່ມອີກກ້າວໜຶ່ງ.
ແຕ່ວ່າ, ພາລະກິດປົກປັກຮັກສາປະເທດຊາດປັດຈຸບັນຍັງຢືນຢູ່ຕໍ່ໜ້າຄວາມຫຍຸ້ງຍາກ ສິ່ງທ້າທາຍຫຼາຍຢ່າງ. ທຽບກັບກ່ອນໜ້ານີ້ 10 ປີ, ສະພາບການໂລກ ແລະ ພາກພື້ນມີການປ່ຽນແປງເລິກເຊິ່ງຫຼາຍຢ່າງ, ມີການຜັນປ່ຽນສັບສົນໃໝ່ຕ່າງໆ ທີ່ເຊື່ອງຊ້ອນຫຼາຍປັດໃຈບັງເອີນ ທີ່ຄາດຄະເນຍາກ. ພາກພື້ນອາຊີຕາເວນອອກສຽງໃຕ້ ກາຍເປັນບໍລິເວນທີ່ມີການແກ່ງແຍ້ງກັນຢ່າງດຸເດືອດ ທາງດ້ານຕະຫຼາດ ແລະ ຊັນພະຍາກອນ; ການຊ່ວງຊິງກັນກ່ຽວກັບເຂດແດນ ກ່ຽວກັບອະທິປະໄຕໃນທະເລໝູ່ເກາະ ພວມເກີດຂຶ້ນຢ່າງສັບສົນ. ໄດ້ປະກົດມີບາງຮູບແບບສົງຄາມແບບໃໝ່, ເຊັ່ນສົງຄາມສື່ຂ່າວ ສົງຄາມອິນເທີເນັດ, ການໃຊ້ກຳລັງອ່ອນນວນ ໂດຍຜ່ານການເຄື່ອນໄຫວເສດຖະກິດ ການທູດ ວັດທະນະທຳ ສົມທົບກັບ "ການຫັນປ່ຽນໂດຍສັນຕິ", ການຈະລາຈົນໂຄ່ນລົ້ມ...ທີ່ເປັນອັນຕະລາຍທີ່ສຸດ. ຢູ່ໃນປະເທດ, ພາລະກິດການປ່ຽນແປງໃໝ່ ພັດທະນາເສດຖະກິດ-ສັງຄົມ, ຄຽງຂ້າງກັບໝາກຜົນ ແລະ ຜົນສຳເລັດທີ່ບັນລຸໄດ້, ຍັງມີຂໍ້ຈຳກັດ ຄວາມຂາດຕົກບົກພ່ອງບໍ່ໜ້ອຍ, ພາໃຫ້ເກີດມີບັນດາບັນຫາສັບສົນໃໝ່ ທີ່ເປັນຜົນສະທ້ອນເຖິງ ການປະຕິບັດໜ້າທີ່ປົກປັກຮັກສາປະເທດຊາດ. ການກະທົບຈາກໜ້າປິ້ນຂອງເສດຖະກິດຕະຫຼາດ ແລະ ເປີດປະຕູປະເທດເຊື່ອມໂຍງເຂົ້າກັບສາກົນ ນັບມື້ນັບເຜີຍອອກຢ່າງຈະແຈ້ງ ແລະ ເຄັ່ງຮ້ອນ. ບັນດາປະກົດການເສື່ອມໂຊມປ່ຽນທາດ ທາງດ້ານແນວຄິດການເມືອງ ຄຸນສົມບັດ ແບບແຜນດຳລົງຊີວິດ ພ້ອມກັບການຕົກຕ່ຳຂອງບັນດາຄຸນຄ່າວັດທະນະທຳ, ສະພາບການຜັນແຍກຮັ່ງມີ-ທຸກຈົນ, ການຮ້ອງຟ້ອງທີ່ມີຫຼາຍຄົນເຂົ້າຮ່ວມ,... ມີທ່າອຽງເພີ່ມຂຶ້ນ. ໄພອັນຕະລາຍຕ່າງໆ ທີ່ພັກເຮົາເຄີຍກ່າວເຕື່ອນນັ້ນ ບໍ່ພຽງແຕ່ບໍ່ຫລຸດຜ່ອນລົງ ຫາກຍັງມີດ້ານໜັກໜ່ວງກວ່າເກົ່າ.
ຕ້ອງເຫັນແຈ້ງສະພາບການດັ່ງກ່າວນັ້ນ ເພື່ອມີຄວາມຕັດສິນໃຈ ແລະ ມີມາດຕະການຍົກສູງສະຕິລະວັງຕົວ, ຮັກສາຄວາມສະຫງົບແຫ່ງຊາດ ແລະ ປົກປັກຮັກສາປະເທດຊາດຢ່າງໜັກແໜ້ນ. ຄະນະບໍລິຫານງານສູນກາງຢືນຢັນວ່າ ຕ້ອງສືບຕໍ່ປະຕິບັດບັນດາເປົ້າໝາຍ ທັດສະນະ ທິດທາງ ຫຼັກການຊີ້ນຳ ເຊິ່ງມະຕິກອງປະຊຸມສູນກາງພັກຄັ້ງທີ 8 ສະໄໝທີ IX ໄດ້ວາງອອກ, ພ້ອມກັນນັ້ນກໍ່ເພີ່ມເຕີມ ຂະຫຍາຍອອກໃຫ້ສອດຄ່ອງກັບສະພາບການໃໝ່. ກຳແໜ້ນ ແລະ ໝູນໃຊ້ຢ່າງຄ່ອງແຄ້ວ ບົດຮຽນຂອງບັນພະບຸລຸດຂອງພວກເຮົາຄື: "ສ້າງສາປະເທດໄປຄຽງຄູ່ກັບຮັກສາປະເທດ"; "ຮັກສາປະເທດແຕ່ເມື່ອປະເທດຍັງບໍ່ທັນຖືກໄພອັນຕະລາຍ"; ມີແຜນການກີດກັ້ນ, ກຳຈັດປັດເປົ່າໄພສົງຄາມ ການບຸກລຸກ ແຕ່ກ່ອນ ແຕ່ໄກ. ໝາຍຄວາມວ່າ, ເຮັດຄືແນວໃດໃຫ້ເສດຖະກິດໝັ້ນຄົງໜັກແໜ້ນ, ການປ້ອງກັນປະເທດຕ້ອງເຂັ້ມແຂງ, ກຳລັງຕົວຈິງຕ້ອງແຂງແຮງ, ຈິດໃຈຂອງປະຊາຊົນມີຄວາມສະຫງົບສະບາຍ, ການເມືອງ-ສັງຄົມມີຄວາມສະຖຽນລະພາບ, ທົ່ວທັງຊາດເປັນກຸ່ມກ້ອນສາມັກຄີເປັນເອກະພາບ. ສູນກາງເນັ້ນໜັກເປັນພິເສດວ່າ ຍາມໃດກໍ່ຕ້ອງຮັກສາຢ່າງໜັກແໜ້ນ ບົດບາດນຳພາເດັດຂາດ ໂດຍກົງໃນທຸກດ້ານຂອງພັກ ຕໍ່ກັບພາລະກິດການປົກປັກຮັກສາປະເທດຊາດ; ກໍ່ສ້າງພັກ-ລັດ ໃຫ້ມີຄວາມປອດໄສ ເຂັ້ນແຂງ; ປັບປຸງ ເພີ່ມທະວີກຸ່ມກ້ອນມະຫາສາມັກຄີປວງຊົນທັງຊາດຢ່າງບໍ່ຢຸດຢັ້ງ; ຍົກສູງສະຕິລະວັງຕົວ, ທັບມ້າງທຸກກົນອຸບາຍ ທຸກການກະທຳມ້າງເພທຳລາຍ ຮຸກຮານຂອງບັນດາອິດທິກຳລັງສັດຕູ ເຮັດໃຫ້ພວກມັນຕ້ອງປະລາໄຊ, ລະວັງຕົວບໍ່ໃຫ້ຕົກໃນທ່າຮັບ ບໍ່ຖືກບັງເອີນ ໃນທຸກໆກໍລະນີ; ສົມທົບຢ່າງແໜ້ນແຟ້ນ ລະຫວ່າງສອງໜ້າທີ່ຍຸດທະສາດຄື ສ້າງສາ ແລະ ປົກປັກຮັກສາປະເທດຊາດ; ຕິດແໜ້ນການພັດທະນາເສດຖະກິດ-ສັງຄົມ ກັບການປັບປຸງ ເພີ່ມທະວີການປ້ອງກັນປະເທດ ປ້ອງກັນຄວາມສະຫງົບ ການພົວພັນຕ່າງປະເທດ; ສົມທົບກຳລັງແຮງຂອງຊາດ ກັບກຳລັງແຮງຍຸກສະໄໝ. ສືບຕໍ່ກຳແໜ້ນໜ້າທີ່ພັດທະນາເສດຖະກິດເປັນໃຈກາງ, ການກໍ່ສ້າງພັກເປັນຂໍກະແຈ, ການພັດທະນາວັດທະນະທຳເປັນພື້ນຖານຈິດໃຈຂອງສັງຄົມ. ກໍ່ສ້າງກຳລັງແຮງສັງລວມທາງດ້ານການເມືອງ ແນວຄິດ ເສດຖະກິດ ວັດທະນາທຳ ການປ້ອງກັນປະເທດ ປ້ອງກັນຄວາມສະຫງົບ ການພົວພັນຕ່າງປະເທດ ເພື່ອປົກປັກຮັກສາປະເທດຊາດ.
ໃນຊຸມປີສະເພາໜ້າ, ຕ້ອງສູ້ຊົນສ້າງໃຫ້ໄດ້ການຫັນປ່ຽນຢ່າງຈະແຈ້ງ, ກຳຈັດຜ່ານຜ່າຄວາມຂາດຕົກບົກພ່ອງ ຂໍ້ຈຳກັດຕ່າງໆ ໃນວຽກງານກໍ່ສ້າງພັກ ກໍ່ສ້າງລັດ; ຍູ້ຖອຍຄວາມເສື່ອມໂຊມທາງດ້ານແນວຄິດການເມືອງ ຄຸນສົມບັດ ແບບແຜນດຳລົງຊີວິດ "ການຜັນປ່ຽນໂດຍຕົນເອງ, ການຫັນປ່ຽນໂດຍຕົນເອງ" ໃນພະນັກງານ ສະມາຊິກພັກ. ນຳເອົາພື້ນຖານເສດຖະກິດໃຫ້ຫລຸດພົ້ນໂດຍໄວ ອອກຈາກສະພາວະການຫຍຸ້ງຍາກໃນປັດຈຸບັນ ເພື່ອພັດທະນາຢ່າງໄວວາ ແລະ ຍືນຍົງ, ຍົກສູງຊີວິດການເປັນຢູ່ດ້ານວັດຖຸ ແລະ ຈິດໃຈຂອງປະຊາຊົນ, ປັບປຸງ ເພີ່ມທະວີຄວາມໄວ້ວາງໃຈຂອງປະຊາຊົນ ຕໍ່ການນຳພາຂອງພັກ ແລະ ລັດ, ເພີ່ມທະວີກຸ່ມກ້ອນມະຫາສາມັກຄີປວງຊົນທັງຊາດ. ກຳຈັດປັດເປົ່າສະພາບຂາດຄວາມລະມັດລະວັງ, ຖືກເຜີຕົວ; ປ້ອງກັນ ຕ້ານໄພສົງຄາມ ການບຸກລຸກຕາມທິດຕ່າງໆ ຢ່າງມີຜະສິດທິຜົນ; ບໍ່ປະໃຫ້ເກີດການຈາລະຈົນ ການກໍ່ການຮ້າຍ, ບໍ່ໃຫ້ເກີດມີອົງການຈັດຕັ້ງການເມືອງທີ່ກົງກັນຂ້າມ; ຮັບປະກັນຄວາມສະເໝີພາບໃນຂົງເຂດຕ່າງໆ; ຈຳກັດອາຊະຍາກຳບໍ່ໃຫ້ມັນເພີ່ມຂຶ້ນ, ສ້າງໃຫ້ມີການຫັນປ່ຽນຢ່າງຈະແຈ້ງ ທາງດ້ານຄວາມເປັນລະບຽບລຽບລ້ອຍ ຄວາມສະຫງົບສັງຄົມ.
ທີຫ້າ, ຄະນະບໍລິຫານງານສູນກາງໄດ້ປຶກສາຫາລື ແລະ ເປັນເອກະພາບກັນຕົກລົງສ້າງຕັ້ງ 5 ອະນຸກຳມະການກະກຽມກອງປະຊຸມໃຫຍ່ຄັ້ງທີ XII ຂອງພັກ, ກວມມີ: ອະນຸກຳມະການເອກະສານ, ອະນຸກຳມະການເສດຖະກິດ - ສັງຄົມ; ອະນຸກຳມະການກົດລະບຽບຂອງພັກ; ອະນຸກຳມະການບຸກຄະລາກອນ; ແລະ ອະນຸກຳມະການຈັດຕັ້ງຮັບໃຊ້ກອງປະຊຸມໃຫຍ່. ເມື່ອພິຈາລະນາ ຕັດສິນຕົກລົງສ້າງຕັ້ງບັນດາອະນຸກຳມະການ, ສູນກາງໄດ້ປຶກສາຫາລື ໃຫ້ຄວາມຄິດເຫັນດັດສົມກ່ຽວກັບການປະກອບ ພາລະບົດບາດ ໜ້າທີ່ ແລະ ບຸກຄະລາກອນລະອຽດຂອງແຕ່ລະອະນຸກຳມະການ; ຖືວ່ານີ້ເປັນວຽກງານເລີ່ມຕົ້ນຂອງຂະບວນວິວັດການກະກຽມໃຫ້ແກ່ກອງປະຊຸມໃຫຍ່ຄັ້ງທີ XII ຂອງພັກ. ບັນດາອະນຸກຳມະການຕ້ອງຮີບກໍ່ສ້າງໂຄງການ ແຜນການ ເພື່ອກ້າວເຂົ້າສູ່ການເຄື່ອນໄຫວໂດຍໄວ, ຮັບປະກັນຄຸນນະພາບ ແລະ ປະສິດທິຜົນ. ພິເສດແມ່ນ, ອະນຸກຳມະການເອກະສານ ແລະ ອະນຸກຳມະການເສດຖະກິດ - ສັງຄົມ ຕ້ອງເພີ່ມທະວີການສົມທົບກັບບັນດາອົງການຄົ້ນຄວ້າ ອົງການເສນາທິການຂອງພັກ ແລະ ລັກ ໃນການກັ່ນຕອງຄັດເລືອກ ສືບທອດເອົາໝາກຜົນຂອງການສະຫລຸບສັງລວມ 30 ປີແຫ່ງການປ່ຽນແປງໃໝ່ ເພື່ອນຳສະເໜີຕໍ່ກອງປະຊຸມໃຫຍ່ຄັ້ງທີ XII ຂອງພັກ ກ່ຽວກັບບັນດາແຜນນະໂຍບາຍ ນະໂຍບາຍ ມາດຕະການປ່ຽນແປງໃໝ່ຢ່າງແຂງແຮງ ເລິກເຊິ່ງກວ່າອີກ, ສ້າງເປັນກຳລັງດັນໃໝ່ໃຫ້ແກ່ການພັດທະນາປະເທດຢ່າງໄວວາ ແລະ ຍືນຍົງ.
ຢູ່ໃນກອງປະຊຸມນີ້, ຄະນະບໍລິຫານງານສູນກາງກໍ່ໄດ້ປຶກສາຫາລືປະກອບຄວາມຄິດເຫັນຫຼາຍຢ່າງ ເຂົ້າໃສ່ຮ່າງກຳນົກລະບຽບການເລືອກຕັ້ງໃນພັກ. ຄະນະບໍລິຫານງານສູນກາງມອບໃຫ້ກົມການເມືອງ ຊີ້ນຳການຮັບເອົາຄວາມເຫັນຂອງສູນກາງ, ສືບຕໍ່ຄົ້ນຄວ້າ ເພີ່ມເຕີມ ບູລະນະຮ່າງກຳນົດລະບຽບການ ເພື່ອສະເໜີໃຫ້ກອງປະຊຸມສູນກາງພັກຄັ້ງທີ 9 ສະໄໝທີ XI ຮັບຮອງອະນຸມັດ.
ຮຽນບັນດາສະຫາຍ,
ກອງປະຊຸມຂອງພວກເຮົາໄດ້ສຳເລັດຜົນຢ່າງຈົບງາມ. ບັນດາມະຕິຕົກລົງ ທີ່ສູນກາງວາງອອກມາໃນຄັ້ງນີ້ ລ້ວນແຕ່ສຳຄັນທີ່ສຸດ, ມັນມີຜົນກະທົບກວ້າງໃຫຍ່ ຕໍ່ກັບການປະຕິບັດໜ້າທີ່ພັດທະນາເສດຖະກິດ - ສັງຄົມ, ປັບປຸງການສຶກສາ-ກໍ່ສ້າງ, ການກໍ່ສ້າງພັກ ກໍ່ສ້າງລັດ ປົກປັກຮັກສາປະເທດຊາດ ຮັບປະກັນຄວາມຍືນຍົງຄົງຕົວຍາວນານຂອງປະເທດເຮົາ ຂອງລະບອບການເມືອງຂອງພວກເຮົາ. ເພາະສະນັ້ນ, ສະຫາຍກຳມະການສູນກາງພັກແຕ່ລະຄົນ, ພະນັກງານການນຳ ການຄຸ້ມຄອງແຕ່ລະຄົນ ຈົ່ງເຊີດຊູກວ່າອີກນ້ຳໃຈຮັບຜິດຊອບ, ເປັນແບບຢ່າງນຳໜ້າໃນການປະຕິບັດ ແລະ ນຳພາການຈັດຕັ້ງປະຕິບັດເປັນຢ່າງດີ ມະຕິກອງປະຊຸມສູນກາງຄັ້ງນີ້ ພ້ອມກັບມະຕິກອງປະຊຸມໃຫຍ່ຄັ້ງທີ XI ແລະ ບັນດາມະຕິອື່ນຂອງສູນກາງ.
ດ້ວຍຈິດໃຈດັ່ງກ່າວ, ຂ້າພະເຈົ້າຂໍປະກາດອັດກອງປະຊຸມຄະນະບໍລິຫານງານສູນກາງພັກຄັ້ງທີ 8 ສະໄໝທີ XI. ຂໍອວຍພອນໃຫ້ບັນດາສະຫາຍຈົ່ງມີສຸຂະພາບເຂັ້ມແຂງ, ສຳເລັດເປັນຢ່າງດີໜ້າທີ່ຮັບຜິດຊອບອັນສຳຄັນຕໍ່ພັກ ຕໍ່ປະຊາຊົນ ແລະ ປະເທດຊາດ.
ຂໍຂອບໃຈເປັນຢ່າງຍິ່ງ”./.
-------------------------------------------------
(*) ບົດນີ້ໄດ້ລົງພິມໃນວາລະສານກອມມູນິດ ບັນຫາສະເພາະກ່ຽວກັບຮາກຖານ ສະບັບທີ 82 (ຕຸລາ 2013)